تركني حبيبي وزوجوني اياك غصب - الصفحة 28

يا ما بكيت على الاطلال · 03-21-2014, 01:22 PM

[align=right]البارت اليديد

قراءه ممتعة :

لو فيني امسحلوا الدمعة إلي زرعتا عخدوا ..
ضويلوا بـ هالعتمى شمعة ورجع كل شي بدو..
يرجع كل شي متل الاول على بالي على بالي..

راشد : غريبة والله بمناسبة شو ه العزيمة؟

ام علي : بس جذي خالتك تبا تيمعنا

راشد : ولا يكون خالوه مزنه بتي !!

ام علي : هيه اكيد بتكون موجوده

راشد : وعييييج يعني بجووف نويف العله

ام علي : عيب علييك هذا ولد خالتك

راشد : انزين وخير يا طير, مش معناته اني ما ادانيه يعني اني ما اداني خالوه, خالوه احبها بس ولدها ما اطييقه

ام علي : شو مسولك ماكل حلالك هو؟!

راشد : اوهييين وانتي ليش كله ادافعين عنه

ام علي : بدافع عنه ولد اختيه بعدين هو ما غلط عليك

راشد : اصلن اناقشج في هـ الموضوع مامنه فايده, حبيب قلبج نويف نقدر نقول شي

رشا : اووووف يعني لازم نرووح

ساره "وانا احط مناكير, واطالعها بنص عين من مراية التسريحه" : شعندج يالبزنس من اشغال!! كله تهذربين فـ الفون, اشعنه ماتبين تروحين؟

رشا : جب انتي

ساره : مالت علييج

رشا : قلت جاااب

ساره : اقول لا تخليني اقوملج احين

رشا : اوف منج اووف كله تناشبين وتدخلين فشي ما يخصج, كنت ارمس نفسي ونطيتي منااك

ساره : صدقني يعني صدقني اوني بريئه يعني

رشا "سكت عنها فتره بعدين قلت بمصلحه" : سارووه

ساره "اطالعها بنص عين" : خييير

رشا : خلاص خلاص مابي منج شي

ساره "تنهدت وقلت" : قولي شعندج

رشا "قربت صوبها وحطيت ايديه حولين رقبتها" : ساروه حبيبتي شرايج نروح المول

ساره "فكره حلوه اصلن انا ملانه بس كيف نروح ونحن معزومين" : والعزيمه شو نسويبها, امييه بتغصبنا نرووح

رشا : يا ذكيه, نحن بروح العزيمه وبنيلس شويه وبعدين برووح المول

ساره : بس امييه ما بتوافق

رشا : وليش ما توافق؟!! اصلن هناك كله اولاد وسلوى محد مسافره ويا ريلها

ساره : ونسيتي ديالا!!

رشا : وعييييج هذي بنت الامريكيه منو ييلس وياها بعد

ساره : بنت البريطانيه

رشا : كلش وااحد مافي فرق

ساره : امييه ما بتوافق بتقول ايلسن وياها

رشا : لا عيني اساسا امييه ماطيقها, يعني عادي بتخلينا نروح

ساره : شدراج عاد انها تكرها

رشا : لان خالوه بعد ماطيقها بعيشة الله

ساره "حست بوزي, شو فيها عشان مادانيها, وعلى حد علمي ان ابو ناصر ماخذ البريطانيه قبل لا ياخذ خالوه فليش تكرها المفروض ديالا الي تكره خالوه لانها خذت ابوها من امها" : بس مو معناته اميه ما تحبها

رشا : امبلا امبلا ما تحبها

ساره : اووووف انزين واذا طلعت تصوراتج غلط شو بنسوي

رشا : كيف يعني!! ما فهمت

ساره : ي هالغبااء الي فييج, يعني لو طلعت اميه عادي ما تكرها وماخلتنا نروح, شو بتسوين ذييج الساعه!!

رشا : امرنا لله نشلها المول, بعد شو نسوي

سعيد : خلاص العرس الشهر الياي ان شاء الله

ابو سعيد : ع البركه ان شاء الله

سعيد "ابتسمت" : ابووويه

ابو سعيد : عوونه

سعيد : عادي اشل الدانه الشاليهات اليوم

ابو سعيد "نطرت عيوني" : شو قلت

سعيد : هههههههههههههه امزح امزح والله امزح

ابو سعيد : عبالي من صجك ترمس قلت لا الولد شي يااه مب صاحي

سعيد : انزين انته فكر فيها شويه, خلاص الدانه حرمتيه ع سنه الله ورسوله, يعني عادي اقدر اشلها متى ما ابي

ابو سعيد : لا حياتي ما تقدر

سعيد "حست بوزي" : انزين ليش

ابو سعيد : لازم تعرس عقب شلها وين ماتبي ومحد بيقولك شي

سعيد : انزين خلااص بس بشلها المووول بنتعشى

ابو سعيد : اول جوف ابوها, مافينا ع صدعته

سعيد "قالها ابويه بصييج خلق, ابي اعرف شو الي صاير امبينهم, ليش ابويه ما يحب عميه وما يحب يتواجه وياه مع انه يحب عياله واايد"

يدوه : وليييدووه يالخاام, اشعنه معصب ببوك!!

وليد : اووهييين علييه, يدووووه والله العظيم ماسويت شي يعصببه

يدوه : انا يوم دقييت ع بووك كان يشتكي منك, شوو مسوبه

وليد : يدووه انتي شكلج دااقه بالغلط ع واحد ثاني

يدوه : يالخااام قصدك اناا مخرفه

وليد : الحين منو يابلج طاري الخرف!!

يدووه : كلاامك يقوول جذي

وليد "وانا امثل اني ببجي" : انتي ليش كله تحبيين تضاربيني, ليش ماتحبيني, انا شو سويتلج!! هذا يزاتي بعد كل يوم اييج وايلس ويااج عشان ما تمين برووحج, صج يوم يقولون افعل خير تلقى شر, خلاص انا برووح ومابيج مره ثاانيه

يدووه : تعال فدييتك خلااص والله مب قصدي ازعلك اسوي وياك سوالف بس

وليد : يعني انتي تخترعين اشياء من راسج بس عشان تضاربين وياي!!

يدوه : وين الي قبل شويه يصييح

وليد : انا بس كنت ابيي اكشفج ع حقيقتج

يدوه "ضربته بالعصا ع خدقته" : يالخاام, انا ترمسني جذي

وليد : ااااااي يدووه والله يعوور ليش تضربيييني

يدوه : لانك تستاهل

وليد : مااا علييه بخبرعلييج يدي حمد بتجوفين

يدوه : والله يمرغك ب هالعصى انته ويدك هذا الي مايتسمى

وليد : عليه يا يدووه!! , احين انتي بتقنعيني انج بتمرغينا انا ويدي بالعصى!! "غمزتلها" قولي الصج, ما اهتزت مشاعرج يوم يبت طاري شيبتج

يدوه : يالي ماتستحي

وليد : اوووه اوووه يدوه استحت

يدوه : والله ان ما سكت احين يقوملك واراويك كيف المستحى

وليد : الله عصبت العيووز

يدوه : انا الحين عيووز يالي ما تستحي

وليد : احلفي بس!! ليش اني شوو؟!

يدوه "هزيت راسي" : انته صج ما تستحي تقول عني عيووز

وليد : انزين حجيه هذا الصج

يدوه : عيوز وعديتها لك بس هذي حجيه ما بعديها

وليد : ههههههههههههه اشوى انج ماعديتيها يسد انج عيوز عديتيها لي ولا كان احين بنضرب ع عيوز وع حجيه

سعيد "جفت وليد يستهبل ويلعوز بيدووه وحبيت انضم انا بعد" : وليييييد شتبي عيوزيه مطفربها

وليد : اوووه يانا المحامي احين مانقدر نقول شي, خربت عليه

يدووه : يالخااام انا هب عيوزتك

وليد : لا انتي عيوزتيه انااا

سعيد : يدووه ما يصير جذي ظلم والله ليش عيوزت وليد وانا مب عيوزتيه

يدوه " مرغتهم بالعصى بثنينتهم" بتسكتون عني ولا لاا!!

سعيد : اييييي, يدوووه حراام عليييج والله يعور

وليد : هههههههههههههههه انا خلاص تعودت ما عاد فيني احساس من كثر ما تضربني ب هالعصى

عادل : 500,000

ابو عبد العزيز : خييييييبه نص مليون مره وحده!!

عادل : تبي سلامه ادفع نص مليون

سلامه "كنت توني بروح المطبخ وسمعت اسمي ينذكر بين ابويه وريال غريب, يا ترا ابويه شو يخطط من وراي!! لايكون مل مني ويبي يزوجني ويفتك مني!! اصلن انا كنت عارفه ان ه اليوم بيي!

نايف "جفتها واقفه, سلامه من متى تتصوخ ع الخلق, افااا ياسلامه ما توقعتها منج, قربت صوبها وحطيت ايدي ع جتفها"

سلامه "لفيت وجفته يطالعني بنظرات غريبه" : انته!!

نايف : شو تسوين

سلامه "ما توقعت انك كنت طول ه الوقت تقص عليه, وين راحت كل قصص الحب الي سويتها!! طلعتوا تخططون من وراي, ع بالي تحبني من قلبك بس للاسف انته واحمد تبقون ريايل ما منكم امان" : مثل ما تجووف, يالسه اكشف الي تخططونه من ورايه

نايف : انتي شو تقولين!!

سلامه "بدت اصواتنا تعلا تدريجيا" : خلاااص انا عرفت كل خططكم, اذا كان وجودي يضايجكم ليش ما رمستوني انا!! ليش رحتوا تبيعوني لريال غريب

نايف : انتي عن شو تتكلمين بالضبط!!

سلامه : لا تستهبل علييييييييه, انا سمعت كل شي بأذني ما يحتاي تسوي عمرك ما تعرف عن شنو انا اتكلم

ابو عبد العزيز " سمعت نايف وسلامه يرمسون بصوت عالي, لا يكون سلامه سمعتنا!!" : سلامه بنتي شو صاير!! ليش اصواتكم عاليه

سلامه : لا تقوول بنتي, ظهر ويهك الحقيقي!! ما يحتاي تمثل عليه لاني سمعت وفهمت كل شي

ابو عبد العزيز : بنتي انتي فاهمه غلط

سلامه "ما رمت استحمل ونزلن دموعي" : شو الي فهمته غلط!! قولي شو الي فهمته!! انا سمعتك باذني تتساوم وياه ع نص مليون عشان تعطيني له, ويا ليتني سامعه غلط

نايف : ابوووويه شو الي تقوله سلامه!!

ابو عبد العزيز : والله يا سلامه انتي فاهمه غلط , مب جذي السالفه

سلامه : عيل شنو السااالفه شنوووووووووو!!

عادل : هههههههههههههههه

سلامه "لفيت بعصبيه لريال الي ضحك, اصلن انا نسيت وجوده كليا" : ما شي يضحك "انصدمت ما توقعت اني اجووفه بعد 15 سنه" خالييييي عادل!!

عادل : هيه خالج عادل, ليش متفاجأه ه الكثر

سلامه : تفاجأت لان عبالي نسيتني

عادل : وانا اقدر انسى ه الويه

سلامه "طالعت ابو عبد العزيز" : كان ماله داعي تتصله عشان يشلني!! لو قلتلي ما نبييج كان رحت لمعيه علي, عميه علي الي بيستقبلني, ماله داعي تبيعني لشخص باعني وانا فعمر الخمس سنواات "طلعت برع البيت بسرعه, وانا متوجه لعميه علي, عميه علي الوحيد الي بيستقبلني بكل رحابة صدر, الي بيضمني لصدره بقوه وبيخفف عليه, يوم كملت 10 سنوات كان يبي يشلني اعيش عنده لكن ابو عبد العزيز ما طاع اونه هو احق منه لي, لاني اخت بنته بالرضاعه وبنت اخوه الي بيفديه بروحه لو اضطر, هه بس للاسف كل انسان فيه كميه من الشر موجوده بداخله ما تعرف متى يكشف عنها"

ابو عبد العزيز : الحين سلامه هب عندي!! تقدر تروح تاخذها من عمها, مالك شي عندي

عادل : انته تدري اني ما اقدر اشلها من علي, حط في بالك زين لو اضطريت بدخلك فالموضوع, هه مع اني متأكد اني بدقلك

ابو عبد العزيز : لا ادقلي ولا عندك خبر, خلاااص الموضوع هب عندي تبي سلامه حلها ويا علي

عادل : ما تقدر تطلع مثل الشعره بالعجين, اذا ما رديت على مكالماتي موضوع ساره بيكون عند علي وانته حر, مب بس انا بخسر سلامه انته بتخسر الككككل الـــ كللللللللل
ابو عبد العزيز "الله ياخذك فريت قنبله ورحت"

دانية : شوووووو يبون يملجون خلال ه الشهر!!

ام دانية : هيه

دانية : لا ماابي وبعدين عرس سعيد الشهر الياي

ام دانية : انزين احين شو يخص عرس سعيد في ملجتج!!

دانية "حكيت راسي بطريقه غبيه, صح شو يخص سعيد فالموضوع" : م ممادري المهم اني ما ابي املج بـ هذي السرعة

ام دانية : م ممم شو بعد مم ممادري, الظاهر اليلسه ويا سعيد اثرت في رمستج

دانية : شو !! انا شو قلت

ام دانية : هههههههههههه, لا لا انتي ما لازم تيلسين وياااه ولا بعد تصرفاتج بتتغير

دانية : ما عليه من كل هذاا قولي لولد اخوج اني ما ابي املج احين

ام دانية : ومتى ان شاء الله تبين تملجين

دانية : مادري مادري مااادري, بعد سنه سنتين الي هووو

ام دانية "هزيت راسي بالنفي" : انتي اصلن محد يشاورج

ديالا "كنت برع فالحوش ارمس فالتلفون" : ok ok ok ok ok ok

مارك : heyyyy stop saying ok ok ok

ديالا : ok

مارك : you remember me of Indian people

ديالا : it’s not funny

مارك : oh babe I knew its not funny

ديالا : ok ok, let’s now decide of which day we’ll meet

مارك : of, I thought that we’ll meet today, according to that I adjust my schedule

ديالا : don’t make it complicated

مارك : I’ll see and I call you

ديالا : ok am waiting your call, bye

رشا "كنت اصاصر هدى" : هذي مخلينها سايبه جذي لا رقيب ولا حسيب, ترمس ع كيفها الي تبيه وما عندها فرق اذا ولد او وبنت

هدى : انتي شدراج انها ترمس ولد

رشا : انا ماقلت انها ترمس ولد بس اقولج انها عادي ترمس الي تبيه

هدى : انتي مايخصج فيها

رشا : اووف منج, انزين بالله عليج طالعي لبسها بس

هدى : انتي عليج بنفسج

راشد "كنت اسمع حوارهن" : رشوه ان ما قصرتي لسانج هذا, بقصه لج

رشا : ما يخصك ارمس انا وهدى لا تتدخل

راشد : عيل لا تتدخلين فالناس سامعه!!

رشا "يلست اتحرطم في نفسي"

ديالا "بندت التلفون ولفيت بروح داخل بس جفتهم, ياربي والله ما ابي اتحاك وياهم"

ام علي : شحالج بنتي

ديالا : fine “oh what I did. I shouldn’t talk with her like that” oh sorry sorry الحمدلله

ام علي : don’t worry

راشد : هههههههههه اميييه منو علمج انقليزي

ام علي : هب تضحك عليه, يعني بس انته الي تعرف تتكلم انقليزي

ديالا "ابتسمت بعباطه" : تفضلوا "في هـ اللحظه يت ام ناصر"

ام ناصر : اشعنه موقفه الخلق فالشمس, ليش ما قربتيهم داخل

ديالا "طالعتها بنص عين وانا رافعه حاجبي" : sorry!! I’m not housemaid here

ام ناصر : طاع قليلة الحيا

راشد : تستاهلين خاالوه

ام ناصر "ضربته ع جتفه" : هذا بدال لاتوقف في صفي

راشد : ههههههههه انزين خلينا نكمل حديثنا داخل لان بصراحه الشمس حرقتني

سالم : شو كنت تقولين لامييه!!

ديالا : you should ask her

سالم : عربي لو سمحتي

ديالا : I think my wards is very clear

سالم : المهم اسمعيني لو شو ما قالتلج امييه ما تقلين ادبج عليها

ديالا : not you who talks with me in this way, please respect me I’ll respect you. That’s for you and your mother too "اذا سكت مره بسكت في غير مرات, خذوها نصيحه مني, وقفوا كل شخص عند حده"

عمار : ما عليه يا سعيد والله ما تتهنى فيها

تقيمكم لشخصيات :

سالم :
ديالا:
ام ناصر:
ام علي:
راشد :
ساره :
رشا :
هدى:
يدوه :
وليد :
سعيد :
ابو سعيد:
دانية :
نايف:
ابو عبد العزيز :
سلامه :
[/align] __DEFINE_LIKE_SHARE__

Melano · 03-22-2014, 02:12 PM

شكرا على البارت الكشوخي ؛
سالم : ياخي هذا الانسان نفساني مره احسه اوكي ويا اخته ومره احسه لا
ديالا : ياحبي لج تعجبني شجاعتج قوة ردج، تمي جذي ولا يهمج
ام ناصر : انسانه سخيفه ما عندها سالفه مالها حق تعاملها بهذي الطريقه لان ديالا المفروض تكرها مثل ما قالت ساره
ام علي : حبيتها ما ترضى على ولد اختها وغير جذي حبيتها لانها تعامل ديالا اوكي لين احين
راشد : ايوه لازم توقف على كل كلمه تقولها رشا لاني احسها راعية مشاكل وحقوده
ساره : انسانه متفهمه
رشا : احسها انسانه حقيره
هدى : حبيتها هذا البارت يوم تسكت رشا
يدوه : يايدوه ليش تضربينهم بالعصى
وليد : حبيبي ه الانسان وماوصيك لعوز يدوه كل يوم
سعيد : حلووو يوم تشارك وليد عشان اتلعوزون يدتكم ويا حظكم بهذي اليده لا تخسرونها
ابو سعيد : انسان حنون ومايخلط مشاعره الشخصيه في حياته اليوميه يحب الكل حتى لو كان امبينه وامبين ابوهم عداوه يتم يحبهم وبابه مفتوح للكل ... < من كلام سلامي طبعا اكتشفت هذا الشي خخخخ
دانيه : كل الي اعرفه عنها ان علاقتها وايد ويا سعيد وان اهل ابوها ملعوزينها
سلامه : لا تحكمين ع الناس بمجرد كلام سمعتيه وفهمته غلط وترا نايف ماله دخل بالموضوع
نايف : انته بعد لا تفهم على كيفك ماكان قصدها تسمع حوارهم
ابو عبد العزيز : بعدني ما غيرت فكرتي عنك احسك خبييث و عندي فضول اعرف قصة ساره وشو علاقتها فيك وفي ابو سعيد
عادل : اصلن اشكالك مال فلوس __DEFINE_LIKE_SHARE__

يا ما بكيت على الاطلال · 03-29-2014, 01:08 AM

المشاركة الأصلية كتبت بواسطة Melano

شكرا على البارت الكشوخي ؛
سالم : ياخي هذا الانسان نفساني مره احسه اوكي ويا اخته ومره احسه لا
ديالا : ياحبي لج تعجبني شجاعتج قوة ردج، تمي جذي ولا يهمج
ام ناصر : انسانه سخيفه ما عندها سالفه مالها حق تعاملها بهذي الطريقه لان ديالا المفروض تكرها مثل ما قالت ساره
ام علي : حبيتها ما ترضى على ولد اختها وغير جذي حبيتها لانها تعامل ديالا اوكي لين احين
راشد : ايوه لازم توقف على كل كلمه تقولها رشا لاني احسها راعية مشاكل وحقوده
ساره : انسانه متفهمه
رشا : احسها انسانه حقيره
هدى : حبيتها هذا البارت يوم تسكت رشا
يدوه : يايدوه ليش تضربينهم بالعصى
وليد : حبيبي ه الانسان وماوصيك لعوز يدوه كل يوم
سعيد : حلووو يوم تشارك وليد عشان اتلعوزون يدتكم ويا حظكم بهذي اليده لا تخسرونها
ابو سعيد : انسان حنون ومايخلط مشاعره الشخصيه في حياته اليوميه يحب الكل حتى لو كان امبينه وامبين ابوهم عداوه يتم يحبهم وبابه مفتوح للكل ... < من كلام سلامي طبعا اكتشفت هذا الشي خخخخ
دانيه : كل الي اعرفه عنها ان علاقتها وايد ويا سعيد وان اهل ابوها ملعوزينها
سلامه : لا تحكمين ع الناس بمجرد كلام سمعتيه وفهمته غلط وترا نايف ماله دخل بالموضوع
نايف : انته بعد لا تفهم على كيفك ماكان قصدها تسمع حوارهم
ابو عبد العزيز : بعدني ما غيرت فكرتي عنك احسك خبييث و عندي فضول اعرف قصة ساره وشو علاقتها فيك وفي ابو سعيد
عادل : اصلن اشكالك مال فلوس

شكرا حياتي ع مرورج __DEFINE_LIKE_SHARE__

Amooon_Alnahdi · 03-29-2014, 04:57 PM

فأنتظار البارت بحمممااس :")
__DEFINE_LIKE_SHARE__

sweet-RAK · 03-29-2014, 06:19 PM

روعة طر اتريا التكملة
ابغي اعرف شو بستوي بمهره و سياف

بليز نزلي البارت بسرعة الله بخليج
تحمست وايد حق البارت الياي
اتريا البارت الياي على احمر من جمر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحل الغالي عني و تركني وحيدة	ضحية زمانـــــي	شعر و خواطر	6	03-20-2012 12:57 AM
ذا اللغز في الحيرة تركتي تركني ’’’	محروم.كوم	منتدى أخبار المواقع والمنتديات العربية والأجنبية	0	02-04-2012 12:10 AM
^_) يا مسافر عني عمان )_^___ تركني وحيد___	أمير الحزن	شعر و خواطر	3	08-07-2009 11:35 AM
إلى من تركني وحيدة	محروم.كوم	منتدى أخبار المواقع والمنتديات العربية والأجنبية	1	06-01-2009 02:44 AM
تركني بعــز احزانــي ... ~	AlNseem	تصاميم الاعضاء	34	04-06-2009 05:17 AM