| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-13-2013, 06:15 PM
| رقم المشاركة : [ 21 ] | |||||||||||||||||||||
| عضو جديد | 
انتي الاروع وردج حمسني واايد بالنسبة لموعد تنزيل البارت بداية كل اسبوع دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
 | ||||||||||||||||||||||
|
04-13-2013, 06:17 PM
| رقم المشاركة : [ 22 ] | |||||||||||||||||||||
| عضو جديد |
مشكوره غاليتي على مرورج دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
04-13-2013, 06:23 PM
| رقم المشاركة : [ 23 ] |
| عضو جديد | البارت العاشر : الساعه 11:59 فليل " انا سلوم انقلكم الاخبار من موقع الحداااااااااااااااااااااااااااااث , كنت رايح ويا اخويه حمدان بوظبي وتأخرنا وايد فالرده , احين الساعه قريب 12 " : قلتلك يا حمدان لو بتنا في بوظبي , منو يرد احين , ما تخاف اتوقف علينا السياره فنص الدرب , احيين فليل وما ينجاف شي ولو ختربت علينا السياره صدقني ما بنعين من الله خير حمدان : سلووووووووووم فكنا ياخي من صدعتك , انا باجر ورايه دواام ما فينا نبات في بوظبي , بعدين تعال انته شفيك جذي خواف , لا تتفاول علينا , ما بينا شي ان شاء الله سالم : بس يا حمدان لازم تحط في بالك كل التوقعات , وتحسب لكل شي الف حساب حمدان : لا تبسبس علينا , ما بتودينا غير بسبستك في ستين الف داهية سالم : والله جووف عااد , انا حياتي وابيها , ما ابيي اموت بين ايدين قطاع الطرق , ياخي ابا اعيش خمس سنوات جدام حمدان : هههههههههههههه بس خمس سنوات , ان شاء الله العمر كله سالم : ياخي لا تضحك توترني جذي اكثر , وما استبعد انك يني حمدان : ههههههههههههههه سالم : حمداااااااااااااااااااااان حمدااااااااااااااااااااااااان فالمستشفى : الدانه " كنت واقفه ويا مروان ومتمسكه فايده , مثل الوحده يوم تحتمي في شخص , وعزيز مجابلنا " عزيز " جفت الدانه اتجوفني وكأنها اتجوف مجرم جدامها " : الدااانه لا طالعيني جذي , ترى والله الي صار غصبن عني , ما كنت قاصد اطعنه , كنت ابي اخوفه بس الدانه " تمسكت في مروان اكثر , ما ابي اسمع صوته , كااارهتنه ولو صار لمايد شي ما بسامحه , رمست مروان بصوت خفيف " : مرواان دخييلك خلنا نروح مكان ثاني , هب متحمله اجوف رقعت ويهااا مروان " كنت حدي تعبان وخااايف اني افقد ميووود , كنت اتذكر كل لحضة مرت علييه ويا ميوود , صح انه في طبع خايس شويه بس والله امووت فيه , تفكيره مثل تفكيري , يفهم عليييه ويوم اكون محتاي لحد يوقف ويايه ; هو اول واااحد يكون موجود , صح دووم نضارب بس هوو اخووويه وما ابييي اخسره , تحركت بدوون ما اقول اي كلمه " عند سياف و حمد و وليد وليد : يالحيوانات فكوني احسلكم حمد : هههههههه , ياخي والله اخوك اهبل بعد كل الي سويناه يالس يهدد سياف : ههههههههههه ما بنفكك شو بتسوي وليد : بلااا سخاافه , بطلوني ما يصير جذي رابطيني فالنخله قرييب المغرب , بيلبسني ينيييي سياف : خللللله يلبسك , يمكن يأدبك وليد " تذكرت ان ابويه في هالوقت يظهر ويروح المسيد , يحب يكون فالمسيد قبل لا يأذن , وما باقي شي عن الاذان , بس ان شاء الله اكون محظوظ ويكون بعده ما راح , لان الي يصير احين وياي اثقل مزح جفته في حياتي " : ابووووووووووووووويه ابوووووووووووووويه حمد : سياااف , اربط حلجه سياف : انزين ما عندي شي اربطبه حمد : انا بسكر ع حلجه وانته اربع المطبخ بتلقى فوط صغار ع الغاز ويب وحده , ويب سجيين ويااك سياف : ثواني وارجع وليد : ياا حمااار هالفوط وصخه , ع الاقل يب غتره من غرفة الكوي حمد : ههههههه يا حبيبي تفكر في نظافتك وانته في هذي الحاله وليد : يالحيوان ادرييبك انته السوسه , بس والله لو صارلي شي انته الي بتتحمل المسؤليه كلها حمد : هذا بيكون درس لك عشان تعرف كيف تحترم الاكبر عنك و تبطل جذب في بيت ابو علي : ام علي : والله هذا الي سمعته راشد : اميييه انتي تعرفين شو يالسه تقولين احيين ام علي : والله اتصلت في حرمة عمك بسلم عليها وقالتلي هالكلام راشد : لا حووووووووووول , ليش جذي يصييييير هدى " كنت فـ صالة التلفزيون اتابع المسلسل التركي , ما عندي شغله غييير متابعة المسلسلات , الملل وما يصنع , من محطة لمحطة , سمعت الحوار الي دار بين امييه ورااشد , بس لين الحين ما اعرف منو الشخص الي يرمسون عنه , وكيف اخو يطعن اخووه , كيف طاوعه قلبه يسوي جذي في اخوه الي من لحمه ودمه " عند مياسه : مياسه " اوووف ياربي اوووف , والله مليت من هالحياه الروتينيه , انا فكرت في موضوع محمد , بحاول احبه , يعني الي اقصده اني انا ودي اسوي اكشن في حياتي واحب مثل البنات الي يحبن ودي اجرب هالشعور من زمان و الحين يا وقته , العيب هب في محمد ولا في امه ولا في ابوه ولا حتى في اخته خلود , العيب في وديمه واحمد , وديمه معروفه باسلوبها الوصخ اما احمد ياخي هـ الانسان اخااف منه مدري ليش ,جذي من جفته ما ارتحتله " مسكت ورقه وقلم وكتبت اسم محمد فالنص و مديت خطوط وكتبت شو الي احسه بالضبط اتجاهه , لسوء حظي دش في هالوقت اخويه حمد وجافني مندمجه وما حسيت به الا وهو يمط الورقه مني حمد : شو تسويين ؟! مياسه : ولااا شي بس ملانه وحبييت العب لعبه حمد " وانا ادقق فالورقة " ميااسه : حمد اماااانه لااااااااا " وما حسيت الا بحمد وهو يكرخني ع راسي " حمد : شو هـ الخبال , منوووو محمد هذا !!! مياسه " مطيت الورقه منه " : هذي لعبه انت شدراك حمد : واللعبه لازم يكون فيها اسم ولد مياسه : لااااا لااا لااااااا , اسمع يعني اللعبه حمد : يعنيي مياسه " حديي مرتبكه وما اعرف شو اقول ولي يوترني اكثر يوم حمد يهز راسه بما معناه هيه كملي اسمعج " حمد : يعنييي اللعبه , شووو ؟!! مياسه : حمد عاااااااااد والله تحسسني انه استجواب حمد : ههههههههههههههه خلاص خلاص بس حبييت اللعوزج شويه فالمستشفى : الدكتور : الشرطه لازم تحقق ويا مايد ام عبد العزيز : ولدي ولدي شو بيصير لولدي الدانه : اميييييييه بعد الي صار اتفكرين في ولدج ابو عبد العزيز : خلاااص اسكتي دشت الشرطة وحققت ويا مايد , خلاف ظهرت وتجدمت عند تجمع العايلة ظابط الشرطة : منو هني اسمه عبد العزيز الشرطة خذت عبد العزيز ع صوب ظابط الشرطة بعصبيه : اسمع اخ عبد العزيز , انته مفروض مكانك في السجن ,سير اشكر اخوك , واحمد ربك ان ما صارله شي , لو مات انته رحت فيها ومحد يقدر يطلعك من الورطه الي بطيح فيها عبد العزيز " كنت حدي متلوم وخايف ع اخويه , الي صار غصبن عني " وليد : مشكووور خلوود والله ما بنسالك هالمعرووف خالد : هههههههههه لا تعال حب ريلي بعد وليد : اتخسييي والله خالد : بل بل بل , توك ; شويه وبتحب راسي , شياك وليد : جب جب جب جب جاااااااااااب خالد : تصدق والله انك حمااار يا ناكر الجميل , لو هب انا كاان احين انته مربوط فالنخله لين باجر وليد : بذلني يعنييي خالد " كرخته ع راسه وروحت " : جللللللب عند سالم وحمدان : حمدان : بلااااااااك يا ريال سالم : جووف جوووف واحد مغرز حمدان : هذا شو يسوي فنص الليالي هنينه , ما يخااف سالم : خلنا خلنا نرووح حمدان : والله ما اهده هنينه برووحه سالم : انته مينون , ما فيك عقل , يمكن هذا يكون يني حمدان : انته بلاك جذي اهبل , يني وعنده سياااره , والله العظييم سالم : حمدااااااان قلتلك رووح خله يولي , يمكن يكوون من قطاع الطرق حمدان : انته ليش جذي غادي طمه اليوم وكل تفكيرك سلبي, قطاع طرق وينانوه ومدي شووو , يمكن الريال يكون صج متورط , خ نساعده بس سالم : يا حيووواان انته ليش ما تسمع الرمسه , خل حد غيرنا يساعده حمدان : يا ريااال حط نفسك مكاااانه , انا يا بويه بساعده ما ابا انحط في هالموقف يوم من الايام , والي كاتبه لنا ربك هو الي بيصيير سالم : لا تسوتييلنا ريااال مدري شوو , اونك عاااد , امش امش بعد مرور شهرين من الاحداث الكل مشتط في بيت ابو عبد العزيز : مروان " جفت ميااسووه الخبله عندنا , حبيت اطفربها , من زمان ما طفرت بحد وخااصه سلااااموه الجلبه الي واايد تغيرت من بعد رفض احمد الهااا " : اييييه ميييس شوي شوي ع دريناا مياسه : حدك سخيييف مروان : اييييه الدبه والله من صج ارمس , ياخي وانا امشي احس الارض تتهزهز ميااسه : جب جب ما يضحك وبعديين اختك الدبه مروان : ياا ربي احيين شدخل اختيه فالموضوع ليش غيراانه منها مياسه : انــــــــــــــا مروان : لا اناااا مياسه : اووف جووف هالمره بسامحك لان اليوم ملجة الداانه مروان : يااااي سامحتني " تجدمت الها وكرختها ع راسها و روحت " مياسه : يااا حيوااان , اوووف ليش اليوم كلهم يكرخوني ع رااسي بعدين بيني ارتجاج فالمخ مروان " من بعيد " : الا انتي اخر وحده ممكن اييها ارتجاج فالمخ ميااسه : سخييييييييييف نايف : والله ما تردله ابو عبد العزيز : خلنا ناخذ راي البنت بالاول نايف : بعد كل الي صاار , تبا تشاورها واذا قالت هيه بدقولها موفقه ابو عيد العزيز : اسمع يا نايف , هذا ولد خالتها وهم حريين , اذا ما رخصها هووو انا ما اقدر اقول شي نايف : ونحن عياال عمها اولى منه الها ابو عبد العزيز : انا شو اسوي يعني , يدتها الي من امها محيرتنها لولد خالتها , وما اقدر اسوي اي شي نايف : هو رفضها للمره الثالثه , خلاااص يا عميييي السالفه وصلت لحدها سلامه " كنت خاطفه من جدام الصاله وسمعت الكلام , دشييت " : خلااااص عميييه انااا موافقه نايف " ضربت بايدي ع اليداار " : انتيييييي ينييتي ولا شوو سلامه : لا بعدني صايحه , واعرف شو الي اقوله , اذا يا ورمسني وقالي سبب مقنع بردله نايف : ماااااا بترديييله سلامه : وشو الي يمنعني نايف " سحبت بعمري وروحت " : غبيييه و بتميين طوول عمرج غبييه اما في الجامعه الامريكيه : راشد : ااااايه يا حلووه صارلي من شهر ما جفتج ديالا " يااااي حدي طفرني هالولد , شيبي مني " : هل تتحدث معي راشد " كشرت " : انتي منو رمسج ديالا " لفيت وراي وما جفت اي حد " : لاااا يا حرااام والله , لا دقولي ترمس الهوى راشد : للاسف ديالا : مااااااااالت عليييك " وروحت " راشد " ركضت ومسكتها من جتفها , مدري ليش سويت هالحركه , بس كل الي اعرفه اني ابا ارمس وياها " ديالا : اااااايه شو تفكر نفسك قاعد تسوي راشد " كنت برد عليها لكن ياني اتصال , من جفت راعييييه بطلتها وابتعدت عنها شويه " : هلااا بالحب هلاا " معصبه " : اخييييييييييرا ردييت راشد : اوب اووب , بلاها الحلوه اليوم معصبه ؟! : راااشد عن السخاااافه , انت ليش ما ترد ع اتصالاتي , انا من متى ادقلك وما ترد راشد : حقج علييه حبيبتي , والله ما سمعته : رااااااااشد اعترفلي احسلك , في حد شاغلنك عني , ولااا تعااال لا يكون محصلك وحده غيري اترمسها ؟! راشد : ههههههههههههههه بلا مزحج الثقيييل هذا , قلتلج مااا سمعته : راااااشد انااا احبك وما اقدر اعيش بدوونك , ارجووك لا تسوي شي يزعلني راشد : فدييييت قلبج انا , وانا اقدر ازعلج اصلا ديالا " سمعت الكلام الي قاله , مدري حسيييت بلووعة جبد " ديالا " دقييت حق سلوووم الجلب , شي مسوي بسيارتي , اليوم واايد اطلع صوووت " سالم : اييييييه سكري سكري الخط ولا تتصلين احيين انا فالدوااام ديالا : هب مسكره , سلوووووووم يالخايس , شو مسوي بسيارتي سالم : بعدين بعدين ادقلج ديالا : طااااااع الخااام سكر في ويهييي , هيين انا اراويك السير : سااااااااااالم , اطلع برع هذا كان ثالث واخر انذار لك سالم : بسسسس سيييير والله كان اتصال ضروري السير : سااااالم اظهر احيين احسلك لا اكتب فيك تقرير سالم " ظهرت من الكلاس وانا اتحرطم وادعي على هالعله دياالا , كل بسبتها طردوني من الكلاس , بس انا براوييها " خالد " اصارخ وانا معصب " : لييييييين متى بتيمين على هذا الحال , السالفه صارلها شهريين دلال : خاااااالد رجاااء قصر حسك , انته الي يبت هالشي لعمرك خالد : خلاااااااص ياخي تراج ذليتيني , شوو الي تبيينه بالضبط خليينا نحط حل لهذا الموضوع دلال : خلاااص انا عفتك , الي ابيييه اطلقني خالد : طلاااق انسي " تجدمت منها وانا اضرب صبعي ع راسها " طلعيي فكرة الطلاق من مخج دلال : جوووف لا تخلينا نطول الموضوع , قول شو هي شروطك عشان اطلقني خالد : بييييييينا بنت ومستحيل اطلقج , ما ابي البنت تتشت ويصيرلها مثل سعيد , ماااا ابي حالنا يوصل لحال عمي علي دلال : خلللللللله يوصل خالد : اااااااش قصري حسج دلال : لااااا مد اييدك يكوون احسن خالد : لا تخليني صدق اسويها دلال : ههههههههه اصلن انت سويتها من قبل و ما استبعد انك ما تسويهااا , الي يمد ايده ع حرمه هب رياااااال , وانت هب رياااال خالد : اسحبييها احسلج دلال : ماااااا بسحبها شو بتسوي خالد : لا تخليني اعلمج كيف تكون الرجووله دلال : خوفتني اتصدق , هب ريااال يعني هب رياااااااال ومن زمااان بعد خالد " ما جفت شي جداامي من العصبيه , وما حسيت بعمري الا ادزها ع الشبريه وووووووو cut " حمداان : ههههههه ترى ع فكره الي قاعدين انسويه غلط : ليييش غلط حمدان : نحن خااطبين هب مالجين , ما يحقلي ارمسج : بس نحن خاطبين رسمي حمدان : حتى لو كان , المفروض انتي تقوليلي هالكلام هب انا اقوولج , ما يووز ارمسج الا يوم تكونين حلالي بزعل : ويعني الحين شو بيصير حمدان : ما ارمس بعض لين الملجه : بسسسسس حمدان : لا بس ولا شياته , واساسا ما باقي عن الملجه الا 3 شهووور , يعني هانت : اللــــــــــــــه يا حمدان 3 شهور ودقول هاانت حمدان : الايام تركض , اصلن انتي احين غمضي عيونج وفتحيهن ما بتلقين الا مرت سنه وياهل بين ايييدينج : حمداااااااااااااااان , بس عاااد حمدان : هههههههههههه احرجتج صح ام محمد : اسسسسسسسسسسسسسمع هذي اخر مره والله ان قلت انك ما تبييها , بتتزوجها غصب احمد : لاااااا ذلييني ام محمد : ع اشووووووه ذلييتك خبرني ع اشووه احمد : خلااااص خلاااص فكيني ما ابيييها , احيين تخطبيلي وحده ثاانيه ام محمد : نعاااااااااااااااااااااااااااااااااااااام احمد : تبيني اريييحج , احين انا بسير عند عمها وبقوله خلاص ما ابيييها في ملجة الدانه : مياااسه : اسمعيييني وحطيني ع بالج زيين انا مب مثل سلااامي , اسمع مغثتج واسكت , ترى ان حطييتج في بالي ياوييلج مني ودييييمه : ههههههههههه ضحكتيني واااايد مياسه : انا قلتلج وقد اعذر من انذر , ع فكره ترى محمد خطبني وانا واافقت ما تقدرين تسوين اي شي لان بسااطه الموضوع هب فـ ايدج ودييييمه : هههههههههه يا عمري والله , ترى اذا انا ما ابا هالشي يتم ما بييصير, وبيصيرلج مثل الي صار لسلااامه مياسه : العبره مب فلي يضحك فالبدايه العبره فـ منو الي بيضحك واايد فالنهاايه وديييمه : انااا ان حطييتج في بالي , ياويلج مني مياااسه : تخسيين والله ودييمه " ضحكت باستهزاء عشان اقهرها " : هههههههههههههههههههه مياااسه خلاص ما قدرت استحمل هالوضع فسرت بيتنا وانا ابجيي من القهر والله كان ودي اقتلها في لحظتها محمد " كنت طالع من الملجة بكرامتي , بسبب نظرات و نغزات نايف اليه حسستني بالذنب , صحيح انا ما الييه ذنب لكن ذنبي الوحيد هوو اني اخوووو احمد , وانا طالع بركب سيارتي جفت وحده طالعه واتصيح وغير جذي تتحرطم بصوت مسموع , مدري ليش ياني الفضول اني اتقرب واسمع الي دقوله , بعدين لحظة هذا صووت صوت وحده اعرفهاا عدل " : ميااااااااااسه مياسه " لفيت ورى من الخرعه وجفت محمد يطالعني وهو مصدووم , فـ لحظتها طلعت كل الي في خاطري , وما راعيت ان ممكن محمد ينجرح من كلامي " : جووووووووف محمد انته ريال وما ينعاب علييه , اذا انته صج تبيني لازم اتحط حد للموضوع هذا , اذا الله كتبلنا نصيب وتزوجنا اناا مستحييل اعييش في نفس البيت الي ساكنين فيه اهلك محمد : ميااااسه , شصااير ليش هالكلام مياااسه : اناااا تقبلت كل اهلك بس عشاانك , بس خلاااص هذي اختك الي اسمها وديييمه مستحييل اتحملها اكثر , الي ياني منها هب شويه , مستحييل اعيش وياها في نفس البيييت محمد : ممكن تقصريين حسج عشان افهم الي تبين ادقولينه ميااسه : الي اببيي اقووله ان اختك وحده قليله ادب وهب مرباايه عدل محمد " وانا راص ع ضروسي " : ميااااسه مهما كان هذي اختيه وما اسمحلج انج دقولين عنها هالكلااام مياااسه : لاااا محمد ما دام السالفه من اولها جذي , خل نلغي الخطوبه احسن , اذا انته هب قادر تجوف حقيقة اختك هذا هب ذنبي , ومش مجبوره اتزوج واااحد ينبان من شكله انه بيخضع لاخته محمد : مااااا اسمحلج تجرحيني بـ هالكلام , انا رياال وكلمة الريال الي تنفرض , انتي جذي اهنتيني بكلامج مياسه : اناا قلت الي عندي , اصلن وقفتنا جذي غلط , لو حد جافنا شو بيقول " روحت لكن محمد مسكني ولفني جهته " محمد " وانا احاول اضبط اعصابي " : على وين انا ما نهيت كلامي مياسه : خلاص محمد هب لازم تنهيه محمد : جوفي هب على كيفج تيين وتنهين كل شي وانا ما عرف شو السبب مياسه : السبب واااضح , محمد ما يحتاي اوضحه لك محمد : اناااااااا ما عرف السبب مياسه : اختتك اذا تمت جذي مستحيل يصير بينا شي محمد : شووو سوت خبريني مياسه : تحاول اطلعني من طوري , تنغزني بالرمسه و تتبدى عليه , تبيني اغلط عليها عشان تنهز فرصتها وتورطني في مشكله مالها لا اول ولا تالي محمد : خلاااص انتي اهدي وانا عرف كيف اتصرف وياها مياسه : لا محمد خلاااص , الاحسن ينتهي كل شي امبينا , وانا اسفه اذا جرحتك بكلامي محمد : ميااااسه انا ابييج وشاااريج , دخييلج لا تنهيين كل شي في لحظة غضب مياسه : خلاص محمد انا ما ابيي ءاذيك ولا اجرحك , انا متأكده ان بتصير وايد مشاكل من بعد زواجنا محمد : ميااااااااااااسه مياسه " ركضة عنه بسرعه قبل لا يوقفني " ياااااااااااا الوقت الي يدخل فيه سعيد على الداانه الداانه : سلامي حدي مرتبكه سلامي " وانا اصاصرها " : يعني من زمان اترمسون بعض ع التلفون وتتواعدون فالسكيك , احييين بتستحين مثلا الدانه : ياااا كرهج سلامي : ههههههههه احين حبيب القلب بيدخل , مع السلااامه قلبووو دخل سعيد سعيد " دخلت وانا كنت متشوق اجوفها , يت عيني في عينها , ياااا شحلاتها متكشخه , واخيرا بتصير لي , اخييرا بتصير حلالي , خلاص ايام مواعده فالسكيك ولت ما بضطر اجوفها بالسر , احين باخذ راحتي وانا ارمسها و بجوفها في اي وقت ابيييه , تجدمت وحبيتها ع راسها " : مبروووك علييج انااا , شتبين بعد اكثر من هاللحضة الدانه " وانا اضحك " : هههههههه يا كرهك والله , قووول انا المبرووكه عليييك , انته المحظوظ فيني هب اناا سعيد " كرختها ع راسها " : عن الطنااازه عااد الدانه : يااااااااا جلب يعوور سلامي : استغفر الله , اشك انكم زوجين هب خواان , ولا في حد عااقل يسوي الي تسوونه سعيد : برع برع يلااا برع اجووف , خليني بروحي ويا حرمتيي سلامي : طااااااالعه امبوني " وطلعت وحصلت مروان في ويهي " : مروااان مروان : اااش قصري حسج سلامي : شو تسوي مروان : ما يخصج سلامي : لااا والله مروان غطيت ع حلجهاا لان صوتها عالي وبتخرب علييه الي ابا اسوييه في المول : عمار : اليوووووووووم ملجتها , يعني خلاص صاارت لواحد غيري ربيع عمار : قول الله يهنيها عمار : بس اناا لين الحين احبها ربيع عمار : انته لازم تنساها وبعدين بسك من الزجاير احين لو جافك مال الامن بتروح فيها عمار : خ يولي زيييين ربيع عمار : قوم امش امش خلنا نغير هالمكان عمار " وانا متجاهل كلامه وافر الرقم لكل بنت تخطف " : تعرف اناا مستحيل اخليهم يتهنون في حياتهم ربيع عمار : استهدي بالله , وخلااص حاول تنساها عمار : مستحيييل انساها وصدقني ما بخليها في حالها , ان ما كانت لي ما بتكون لغيري نهاية البارت العاشر __DEFINE_LIKE_SHARE__ |
|
| |
| |
|
04-13-2013, 06:23 PM
| رقم المشاركة : [ 24 ] |
| عضو جديد | البارت الحادي عشر الم حنين شوق جميعها تشترك بـ صفه واحده وهي الالم فـ الالم مؤلم و الحنين مؤلم و الشوق كذلك مؤلم فـ هل تسألتم يوما ما الفرق بين الحنين والشوق ؟! يرن تلفوني من صباح الخير , اووووف ما يخلون الواحد يرقد , والله البارحة ما رقدت عدل , جفت منو المتصل المتفيج الي يدق من الفييير , ونشيت عقبها مثل الصاااروخ , دخلت اكرمكم الله الحمام وبعدين تكشخت والتلفون بعده يرن , رديت ع السريع و ما عطيت المتصل اي مجال يتكلم حتى الوو : نشييييييييييت والله نشيييت واحين بنزل تحت وو اذا بتسألني ليش ما رديت تراني كنت بالحمام مااا سمعته , " وبندت ع طول بدون ما اسمع رده " وانا نازله من على الدري كنت مستعيله لاني بصرااحه وايد تأخرت مادريت بالعاالم , تخرطفت وطحت ع الارض : ااااااااااي يعوور "حسيت ان في شخص واقف ع راسي ويوم رفعت راسي " جفته مبتسم , حكيت راسي وابتسمت ذييييج الابتسامه العبييطه , مدري ليش سويت هـ الحركة : سعييييييد سعيد " وانا امد ايدي الها " : سلااامات ما تجوفين شر الغالية " حبيتها ع خدها " صبااااح الخير الدانه " حسيت بخجل فضييع , اول مره سعيد يسوي هـ الحركة " : صباااح النور والسرور " حاولت اغير الموضوع " يلاا خلنا نتريق سعيد " زاعجت عليها " : يلااااا جدامي اجووف , متأخره ولج عييين بعد تقولين تبين تتريقين , روحي بيووعج محد قالج تأخري لن احين الدانه " مدييت بوزي " : سوووري والله ما حسيت بعمري , عبالي اجاازه , عشان جذي خذت راحتي فـ الرقاد سعيد " بعد ما ركبنا السيارة " : ادوييين تراج وايد مصختيها , وايد اتأبسنين و تتأخرين , بعد سمعت من سلامي انج تشردين من الكلاسات , احيين اقولج اانا ما احب البنت المستهتره والعطاليه , ادري انج تفكرين تودرين الجامعه , بس حبيت اقولج ماااشي عرس قبل لا تخلصين جامعتج الدانه " حصلت هزبه محترمه , ابتسمت ابتسامه ما الها داعي وقلت " : لااا حبيبي السالفه مب جذي , بس انا هـ الفتره مالي مزاج اروح الجامعه سعيد : يعني الكلام الي سمعته صحيييح الداانه : لاااا مب صحيح , ما افكر اودر الجامعه , واذا ع المعدل , انت ما علييك انا شاطره و هالاشياء ما بتأثر ع معدلي سعيد : هين يا دويين , ما عليه بنجوف بس من اليوم ورايح براقب مستواج الدراسي الدانه : بس سعيد " حبيتها ع خدها وقلت " : خلي عنج الهذربه الزايده ويلا يلا انزلي بسرعه وصلنا جامعتج, انتي احين متأخره واخرتيني وياج الدانه " نزلت من السياره وانا اتوعد للخايسه المششششخله سلااموه الي محد يقولها شي الا وع طوول ادقوول لـ سعيد " في بيت ابو ناصر : ديالا : اننننننته حيوان خربت سيارتي , اعترف شو سويتبها سالم : ياااا عميي حلييي عني لاااه , خربت سيارتي وخربت سيارتي , انااا ما سكيييتها وماا سويت ابها شي , شليتها ورجعتها مثل ما شلييتها ديالا : انننته شحقه اصلا اتشلها بدوون استئذان , you really rude سالم : نعم نعاااام , عيدي شو قلتي ؟! ديالا : rude rude ruuuuuuuude سالم : ايييييه ارمسي شي انا افهمه , يا لانج خاايفه مني او ان هذي الكلمه قويييه ديالا : هب لازم تفهم كل شي , مثل ما انا هب لازم افهم كل شي انته تقوله سالم : جب جب جاااااااب , انااا ما نسييت الي سوييتيه , اشحقه تتصليبي وانااا فالكلاااس , كم مره قلتلج لا تتصلييين ديالا : احسسسن , وانا شاء الله طردووك بعد , ولا تحاول اتغير الموضوع سالم " وانا اقلدها من القهر " : ان شاااء الله طردووك بعد ديالا : ماا يضحك هاهاها , انته االرمسه ما تنفع ويااك , انا لازم اقول لـ ابويه سالم : هااااكي الدرب , تبيني اقووودج لـ عنده حمدااان " دشيت الصاله وكل عااده هـ الاثنين صبح وظهر وعصر و فليل ضرااايب كل وقت ضراايب " : ايييييه خلاااص يا عمي تراااكم حشره صدعتونا ديالا : look at your brother هوو الي يبدا سالم " وانا اعض على لساني " : اقسسسسم بالله يباالج تكسير رااس , والله لو ما اخاف من الله فلعتج احيين بـ هالكووب ديالا " بتحدي " : do it if you can سالم : سكتووها سكتووها لا اكسر راااسها , حمدااان سكت اختك لا اذبحها احيين ديالا : جاااااااااااااااااب وما على خيلك اركبه سالم : طاااااااع بعد علموج اترمسين ديالا : ليش ان شاء الله قالولك Beast سالم " كنت بصفعها لكن حمدان مسكني " حمدان : اييييه خلاااص عااد , سلوووم بلاك تيننت سالم : حمداااان فكني خلني ءادبها الجلبه ديالا : انتتته الجلب سالم " اناا خلاص وصلت حدي , قليلة ادب واسلوبها مستفز " : حمدااااااااان قلتلك فكني ياااخي والله اليوم ماا تظهر من الصااله هـ الجلبه الا ع جثتي ديالا : اااايه ايييه كلام يوصلك ويتعداك , ان مديت ايدك اكسرها لك , حاول بس انته سالم : حمدااااان فكني لا اصفعك انته الثاني , انتي امج ما عرفت تربييج عدل ديالا : اييييييه لا ادخل my mam فالمووضوع , انته الي امك ما عرفت اتربييك سالم : قالت ماي مام قاالت , لو عرفت اتربيج عدل كااان ما رمستي اخوج العود جذي , كاان احترمتيني ديالا : انته وااحد ما تستاهل الاحترام , هه لو تستاهل الاحترام عيال نصوور ما قالولك سلووع سالم " دفرت حمدان باقوى ما عندي , ومسكتها كنت خلاص بذبحها لو ما دش ابويه الصاله " ابو ناصر : ساااااااااااااااااااالم بطل اختك حمدان " سرت وفجيت سالم و ديالا , رمست سلوم بصوت جاد انه ينسمع " : سلوووم الحركة الي سويتها بعديها لك هالمره , يااا حيوان كييف ترمس عن الاحترام وانته ما اطبقه , شوي و كان راسي بيضرب فـ اليدار سالم : فكنا من حشرتك , هب راايق اتجوفني معصب ديالا " رحت عند ابويه " : انااا ما اقدر اعيش ويااا هذا " اشرت ع سلوم " فـ نفس البيت ابو ناصر : يلااا كل وااحد ييلس ع كرسي, احيين لازم احل الموضوع ديالا : ابووووويه ابو ناصر : ديااالا , اسمعي الرمسه سالم " كل واحد فينا يلس ع كرسي , لكن ابويه غصب يلسنا انا وهذي الي ما تتسمى عداالي بعض وهو تم وااقف , ويلس يحقق ويانا " ديالا : هوو شل سيارتي وخربها ويا يضارب وياي لاني دقيتله وهو فالكلاس , ما كنت اعرف انه هو فـ الكلاس , اتصلت بس عشاان استفسر منه , ياخي فوق الخمس مرات وقفت عليه , واضطر اني اركض لين الجامعه لاني متأخره , هذي هب حااله سالم : انتي شو اتقصدين بكلامج , تتهميني يعني , اتهامج وااضح تراا ,اناااا ماسويتبها شي , شليتها و رديتها ما خربت فيها شي , شو تتحريني , مسوي فيها شي عشان شي يصيرلج , تراا تفكيرج هذا كله ماله دااعي ديالا : اناااا ما قلت كل هذا , سألتك سؤال وطريقة جوابك ياخي اتخلي الوااحد يشك سالم : انا هب وااحد واطي و دنييئ لـ هذي الدرجه عشان احاول اقتل اختيه ديالا : انااا ما قلت انك اتحاول تقتلني , كل الي قلته انك خربتهاا , من اخر مره شليتها وهي خربانه سالم : قلللللللللتج ما خربتها ديالا : انتتته اصلا ليش اتشلها بدون استئذاان سااالم : لااااااا تصارخيين ابو ناصر : خلاااااااااااااص اسكتوا ديالا : ما بسكت لين اعرف لييش شلها بدون استئذان ابو ناصر : انته شحقه اتشل سيارتها بدون ما تستئذن منها , مااا عندك سياااره سالم " ما عرفت شو اقوول " ديالا : هه طبعا ما بترد , لانك تعرف انك غلطان , وشاالنها عشان تتخقق جدام ربعك , اناا ما بسامحك ابدا سالم : يااخي ذليتينا , غلطنا يوم شليينها , خلاص بشتريلج سياره غييرها ديالا : هه طبعا ذليتك , انته ما بتحس بالي انا احسبه الا يوم اشل شي غالي علييك واخربه , هذا ياحبيبي لو تشتغل عشر سنوات جدام براتبك هذا الي تستلمه من الجامعه ما بتيب حقها , هذي Black Mercedes sports هديه من خااالي سالم : ورييحتج منها , لان اساسا ما الها غيارات الا في امرييكا , يعني يوم بتخترب لازم اتيبيلها بدل غيارات من الوكاله الي يايبتنها منها ديالا : مشكوور ع الي سوييته , احين عرفت انتوا اصلا ما تبون اتم اي ذكره لي من اهلي , لا من اميييه ولا من خواالي " روحت وانا مقهوره , هـ الوقت احتاج امييه تكون موجوده " عند راشد راشد : غريييبه اليوم بعد ماا يت الجاامعه , لايكون صارلها شي : رااااااااشد راشد " لفيت ومن جفت هـ الانسانه الي واقفه جدامي , نسيييت موضوع ديالا " : فديييت هـ الشووفه ياربي " بزعل " : من ساااعه ازقرك ولا ترد علييه , قولي بـ شووو تفكر راشد : اكيييد فييج يا حياتي : لااا تجذب علييه راشد : طااااع احمدي ربج بعد يوم قلت افكر فييج : انزين , خلاص انا سامحتك راشد : اوووهيين ترى اسلوبج وايد متغير وصاير يلوع بالجبد : انااااا ادقولي هـ الكلام راشد : صج والله تلوعيين بالجبد صاايره , هب البنت الي انا حبييتها " زعلت وروحت " راشد " مسكتها " : ندووووي انا ارمس صج وياج , انا من بعد ما اعترفت لج بحبي وانتي متغيره , اسلووبج هذا يلوع بالجبد وصايره شكاكه واايد , ما تثقييين فيني يعني !! ندى : انته الي اسلوبك متغير وياااي , ولا حد يحب وحده هـ الكثر ويقولها اسلوبج يلوع بالجبد راشد : لان صج يلوع بالجبد , خفي حنه علييه ولا تسألين انته في وحده في حياتك , ليش مارديت علييه , اعترفلي منو الي تحبها , وانته اكيد اكيييد ان في وحده ثانيه في حياتك ولا ما بتغيب عني هـ الكثر , ليش ما تحبني شرات قبل , ليش دووم سرحاان , ترى كل هـ الاشياء تلوع بجبدي , انتي هب واثقه من حبي لج ؟! ندى : خلاااص , انا اسفه , ما بقولك جذي مره ثاانيه راشد : انزين ندى " بدلع " : طاااح الحطب راشد " بعدني مضايق " ندى : رااااشد عاااد , يلااا راشد : ههههههه طاح الحطب بس بعده شي عاالق , عطيني بوووسه وبيطيح كله جواهر ومهره : واااااي واااي واااي جوجو , فااااتج الي صاار امس , لو رحتي ويانا احسلج , بس رااسج ياابس , خلي العناد ينفعج جواهر : مهوور عااد , والله انا بروحي مقهوره , انتي عبالج ما ابا اروح وياكن مهور : عيل ليش ما رحتي يا الذكية جواهر : انتي تعرفين عمااار واايد عصبي وما يحب هـ الشغلات , لو عرف بيقتلني , ما بيخليني اروح وياكن مهور : اوووف من هـ الاخو , الله يعينج الصراحه , انزين انتي ليش ما ترمسين ابوج ولا بعد ابوج نفس الحاله جواهر : لااا فدييته , هو غير عنه بمليون مره , لو قلتله عادي بيوافق , بس انا ما ابا اتصير مشاكل بينه وبين عماار مهور : خلااص ماا دام ابوج عادي عنده , هو ما يحقله يسوي اي شي جواهر : انتي ما تعرفين عماار عدل مهور : امبلا اعرفه عدل واااحد نفساااني معقد وعقله متحجر من اياام العصر الخشبي جواهر : ههههههههههه قصدج العصر الحجري الحجري مهور : المهم الي هووو خشبي ولا حجري جواهر : انزين قوليلي شو استوى امس مهور : واااي وااي واااي جوووووج فاااتج والله لو تدرين شو صار بيغمى علييج جواهر : ياااا كرهج , انزين خبريني مهور : رحنا امس مهرجان دبي السينمائي جواهر " قاطعتها لان هالكلام عشرين الف مره عاادته " : هيييه هييييه اعرف دخلي في صلب الموضوووع مهور : يااا كرهج عند مايد : مااايد : سلااااامه يااا سلااامه سرعه نزلي سلامه : هاااا ميووود شووووو ترييد مايد : يلاا يا بوج , اخرتينا سلامه : اوووف انزين انزين احين بيي فالسياره مايد : واايد تأخرتي اليوم , شو تسوين هالكثر سلامه : ميوود لا تصدعني , احين راسي مصدع مايد : اووف حشى محد يرمسج مووليه سلامه : كنت ما بداوم , ارتحت احيين مايد " سكتنا فتره ورديت وقلت " : سلااامه انتي ليش متغيره سلامه " اول شي كنت ما برد لاني متعايزه ارد " : هب متغيره , بس انته تحس جذي , انا مثل ما نا مايد : لا مب شرات قبل , تغيرتي وايد , يمكن انتي ما ملاحظة بس كل الي فالبيت ملاحظين سلامه : قلتلك مب متغيره بس انا هـ الفتره مضايقة شويه مايد : بسبب احمد سلامه : خلاص ميود سكر ع الموضوع مايد : اهااا معناته احمد السبب سلامه : دخيييلك لا تييب طااريه موليه ما ابييي اسمع اسمه لاني من اسمع اسمه تلووع جبدي واحين غير الموضوع مااايد : يوم كارهتنه لـ هالدرجه , اشعنه رديتيله سلامه : انا ما رديتله انا قلت لابويه اذا يباني اي يخطبني وساعتها بقول اذا موافقه او لا , انااا بنت ----* مب لعبه في ايدين اي حد , ابييي احرق قلبه مثل ما حرق قلبيي , بسييير وبزااعج فويه الكل وبقووول اناااااا الي رفضت احمد مب هووو الي رفضني, بخلي العاالم كلها تعرف ان سلامي بنت ----* هي الي ترد مب تنرد مايد : بس كيييف بتسوين هالشي , الناس يوم بيعرفون ان الخطوبه انلغت بيقولون الولد ردها ما يباها لان فيها شي غلط ما بيقولون والله سلاامه بنت ----* لغة الخطوبه سلامه : ههههههههههههههه , انته بعدك ما عرفتني عدل , اذاما خليت كل الناس ادقول سلااامي رفضت ولد خالتها لان هب من مستواها ماني بنت ابووويه مايد : كيييف !!! سلامي : يوم بيون يخطبون بتعرف كل شي فالجامعه : مياسه " كنت فالكانتين افكر بعمق , ابا اسوي شي يخلي هـ الجلبه وديييمه تندم انها تحدتني , اوووووووف راسي مشوش , ماسكه دفتر وقلم واكتب شي ورد اشخبط عليييه , مليييت لين احين ما حصلت شي قوي , طلبتلي كوفي ورديت اسوي خطه ثااانيه , شخبطت عليها مره ثااانيه و يلست انكش كشتييي " : اووووووووووووووووووف ليش هب رااايمه اطلع فكرره جهنمييه خلود " جفت ميااسوه يالسه بروحها , قلت بروح اجوفها واساسا محمد قالي ارمسها , ضحكت ع شكلها , شكلها متورطه صج " : ميااااسوووه مياااسه " نقزت من الخرعه " : العثررره العثرره خلود : هههههههههه بلااج تخبلتي مياسه : هذي انتي , خرعتيني ويا ويييهج خلود : هههه انزين شو تسوين " قربت بجوف شو تسوي فـ الدفتر " مياسه " يوم قربت تبا تجوف شو كاتبه فالدفتر , عطووول سكرته " : عييييب يا ماما عييب خلود : حسستيني عاااد , انزين بلاج محتاسه , عندج امتحان ؟! مياسه : هههههههههههههههههه والله انج خبله لو عندي امتحان ما بتعب عمري وبتلقيني راقده احيين خلود : عيل شو عندج مياسه : ما يخصج خلود : في نصف الجبهه مياسه " دلعت عليها " : ااااااااء , ادب خلود : انزين ما بتعزميني ع كوفي مياسه : هاااكي الدرب , سيري طلبيلج بفلووسج خلوود : طااااع الزطيه , الا بعشر ربيات مياسه : حتى لو بربيتين خساره علييج خلوود : حيواااانه وحده مياسه : ههههههههه لا يكون زعلتي خلود : جب جب مياسه : ههههههه خلاص بسير اييبلج كسرتي خاطري خلود : مااااااااابيي مياسه " رحت ويبتلها " خلود : مشكوووره , عندج شي احين ولا فاضيه ؟! مياسه : لو فاضيه بتلقيني راقده فالبيت , عندي math بس غيرت راااي وما بحضر الكلااس خلود : طااااع , يلا يلا ع كلاسج مياسه : لو تموتين ما بحضر خلود : عيل شحقه يايه مياسه : تقدرين ادقولين تغيير جو خلود : مااالت علييج , المووهيم يعني انتي اكيد مستغربه ليش يييت عندج الصبح مياسه " قاطعتها " : عشااان موضوع محمد , اكيد قالج رمسيييها خلود : هيه مياسه " تنهدت وقلت " : خلووود بقولج شي وياريت يتم امبيينا خلود : اسمعج مياسه : من قبل جي شهرين او ثلاثه مدري , الموهم محمد رمس سلامي عشان يعرف اذا حد ثاني في بالي او لا , ما بجذب عليج انا فالبدايه كنت رافضه محمد هب لان فيه شي او ما يعجبني او ان حد ثاني في بالي , بس كنت اعتبر محمد انسان عادي مثل اي انسان , يعني انتي فاهمه ش اقصد خلود : الي تبين ادقولينه ان ما يعنيلج شي مياسه : بصراحه هيه ما كان يعنيلي شي , بس كنت وايد اسمع اشياء عنه من سلامي , وقلت خلني اجرب واتقبله في الاخير ما بخسر شي , لاني اساسا ما برد عليه الا يوم اتأكد ان صار انسان مهم في حياتي , يوم عن يوم حبيت محمد واحين اجوفه كزوج بنسبه لي خلود : والحين مياسه : هالكلام الي قلتلج اياه محمد ما يعرف وياريت يتم امبينا خلود : عطيتج كلمتي وانا ما اتراجع عنها , بس ابيي اعرف احين محمد شو بالنسبه لج مياسه : محمد يعرف , واضن قالج شو صار اخر مره خلود : انتي ما عليج من وديييمه , نحن بنتصرف وياها مياسه : انااا ما اقدر اخذ محمد قبل لا تنحل هالمشكله , انا و وديمه مستحيل انعيش في نفس البيت خلود : والحل يعني مياسه : هذا شي راجع لمحمد وقراري الاخير يعتمد ع الي بيسوييه خلود : انتي تعرفين ودييمه طبعها جذي ما بيتغير , حتى نحن تعاملنا بنفس الاسلوب مياسه : بقولج بكل صراحه , انا ما فيه ع المغثه و المشاكل ويا اختج هذي , اذا جذي من اولها ماله داعي نكمل لنهايه , والله يوفق محمد مع وحده غيييري تناسب الحجييه ودييمه خلود " مادري اضحك ع اسلوب مياسووه فالكلام ولا احزن ع حال خوانيي الي مدخله ودييمه فيه " في امارات مول : مروان : ياااخي قسم بالله بكسر راااسك فاااهم عمار : اتخسي والله مروان : جاااااب يلااا والله ان قربت صوب اختييه بذبحك عمار : هههههههههههههههه مروان " تجدمت صوبه ودفرته " : حركاتك هذي ما تمشي وياي , انا حذرتك ان قربت صوبها ياويلك عمار : خوفتني والله مروان : هيه وغصبن عنك خووفتك , انته صلن هب ريال وزين يوم ما عطيناك اختييه , زين يوم كشفتك ع حقيقتك , والله ظهرت هب ريااال وتسوي حركات الحريييم , ان تميت ترمس ع اختيه وظهر كلام مثل ويهك , ياااويييلك بذببببحك واسويها تراني عمار : لااااا تكفى خووفتني وااايد مروان : لا تحاول تستفزني عمار : اقلب وييييهك يلاااا مروان : نواااف فكني , خلني اذبحه نواف " ربيع مروان " : مروااان خلاااص عاااد , خله هذا واحد ما يستاهل تنزل مستواك وترمسه اصلا هب لين اضربه مروان " وانا ءاشر بصبعي " : اقسم بالله ان قربت صوب واحد من اهليييه والله والعظيم الله اني بنهيك من الوجود عمار : ههههههههههه مروان " سحبني نواف وطلعنا من المول " نواف : خلاااص مروااان هدي ياااخي مروان " ضربت ايدي ع السياااره من القهر " : لييييش ماخليتني اذبحه وافك البشريييه من شرره , هذا انسااان مرييض نفسي وبيأذي النااس نواف : ما علييك منه , خله يولي هذا انسان خسيس , ما يقدر يسوي شي الا كلاام الي يقووله مروان : مقهوووور والله مقهوووور , هذا الريال المنحط الي كان ابويه بينهي حياة بنته ع سبته , عشااان شووو ؟! والله عشان ان ولد اعز ربعه , يخسووون يكونون من اصدقاء العاايله نواف : خله يولي , قوم قوم خلنا نرووح من هنيه , انا عاازمنك اليوم ع الغدااا فأحلى مطعم مروان : ماالي خلق نواف : يلاااا عااااد , امش امش جدااامي , قال مالي خلق قال , انااا انزين لي خلق مروان : جب جب , خلنا نروح ونتغدا في بيتنا نواف : ياا رياااال , اناا عاازمنك اليوم مروان : والله كف ع وييهك , خل عزييمتك ليوم ثاني , يوووم اكوون فييه راايق يا الحرااامي , ادريبك تعرف اني مالي خلق ويوم اكون مالي خلق ما اتغدى زين عشان جذي عازمني عشان ما تخسر فلوووسك يا الزطيي نواف : ههههههههههه والله مب جذي , حرااام علييك , ان بعض الظن اثم مروان : خخخخخ لا تصييح علييه خلاص صدقتك , قوم خلنا نتغدا من غدا الوالده نواف : ياااخي استحيي والله , دوووم اتغدا عندكم مروان : امش يلاااااااااااا جدااامي , قال استحي قااال عند سعيد سعيد " كنت واقف جدام جامعة الدانه اترياها فالسياره , كنت اسمع اغنية لـ صباح وسرحان" وساعات ساعات احس اد ايه وحيده واد ايه الكلمه في لساني مهيش جديده واد ايه منيش سعيده وان النجوم النجوم بعيده وتقيله خطوه الزمن تقيله دقة الدانه " ركبت السياره وجفت سعيد سرحااان , وكلمات الاغنيه الي يالس يسمعها هزت مشاعري , حسييت بحزن فضييع يوم جفت ملامح سعيد الي كلها حزن , بندت الراااديوو وحبيت ألطف الجوو " : انــــــــــــــا ييييييييييييت سعيد : وعلييكم السلاام الدانه " ما بقولكم اني ما تقفطت " : السلاام عليكم " وحرك السياره ع طول بدون ما يقول اي شي ثاني " سعيد " وقفت جدام بيت عميه , بس مادخلت السياره فالبيت " : الدااانه ابا اقولج شي قبل لا تنزليين نهاية البارت رايكم في شخصيات هذا البارت : سعيد , الدانه راشد , ندى سالم , ديالا , حمدان جواهر , مهره مايد , سلامه خلود , مياسه مروان , نواف عمار توقعاتكم للبارت القادم : - شو بيصير بين راشد و ندى ؟! - كيف بتنتقم سلامة من احمد ؟! وليش احمد ما قال حق ابو عبد العزيز خلاص انا ما ابييها ؟! - شو بيسوي عمار ؟! - مروان بينفذ تهديده ؟! ولا نواف بيوقفه ؟! - شو بيستوي بين ديالا و سالم ؟! - شو بيصير ع موضوع مياسه و محمد ؟! - في شو كان سعيد سرحان ؟! وشو يريد يقول لـ الدانه ؟! __DEFINE_LIKE_SHARE__ |
|
| |
| |
|
04-17-2013, 04:16 PM
| رقم المشاركة : [ 25 ] |
| عضو جديد | الباااااااااااارت راااااااااااااااائع متحمسة أبغي أعرف سعيد شو بيقوللها أحمد حرام عليه سلامة هب لعبة في إيده راشد أتوقع يحب دياااالا عمار ما راح يخليهم بحالهم مياسة ومحمد ؟؟؟؟؟ الله يوفقج ونتريا الباااااااااااااارت على أحر من الجمر __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 05:10 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227