| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-09-2013, 06:54 PM
| رقم المشاركة : [ 16 ] |
| عضو جديد |  البارت التاسع : قراءه ممتعه  داخ راسي وطحت ع ظهري ع الارض , ضرب راسي في حافه الشبريه , اجوف السقف وما احس باي الم مع ان راسي ينزف كل تفكيري كان في ولدي سعيد , ليش ما خبرني بالي فيه , مستحيل سعيد اساسا ما فيه شي , سعيد هب مريض , سعييييييييييد هب مرييييييييييييييييض , كلها امييبيا وبس ////////////// يدووه : ابويه حمد الساعه كم !! حمد : ليش يدووه !! يدوه : خقاق بعد انت ويا ساعتك , انته قولي وخلصني , مشكله مسمينك ع يدك عشان جذي مستوي نسر شرااته حمد : يدووووووووه شفييج عليييه ما قلت شي وبعدين انتي مسمتني هـ الاسم يدوه : غلطنا يابوك غلطنا , رايحين نسميك محمد وسميناك حمد وليد : هههههه هب منج من الحب ومن نااار الـ حووووو ب , مولعه فحب الشيبه يدوه : ولييدووه بمطغك بـ هذي العصى ان ما سكت , هااا حمد بدقولي الساعه كم ولا لا ؟! حمد : الساعة عشر يدووه يدوه : اوييييه السااعه عشر , تأخر الوقت , انا الحين موعد رقادي ولييد : يدووه خلي عنج , ادريبها طرده بطريقة غير مباشره يدوه : حشى عليه ما رغتكم حمد : يدووه صراحه كلام وليد 100% وليد : ترووغنا , ويوم ما نييها تصدعنا, حددي موقفج يا تبينا يا ما تبينا ////////////// ابو خالد وسياف : ابوخالد : سيااااااف سياف : هلا بويه ابو خالد : تعال ابويه شويه سياف : ان شاء الله ابو خالد : شحال سعيد احين سياف وانا علامات الحزن ع ويهيي : ااااااه يا بويه ما رمناله كله يزاعج ويبجي ابو خالد : ما وصيك يا ولدي عليييه , تدري عاد الشي الي صار هب هين لا تنسى ان هذا ابوووه ماله حد غيره في هالدنيا سياف " مارمت استحمل وبجيت وابويه ضمني لصدره " ابو خالد : تماسك يابويه وخلك قوي جدام سعيد , سعيد احين محتايلكم ومحتاي وقفتكم وياه سياف : الله يخليك لي يا ابويه ////////////// خالد و دلال : خالد : دلال الله يخليج عطيني دقيقه من وقتج دلال : خااالد ارجووك ابعد عني , هب متحمله اجوف رقعت ويهك , الي فيني مكفيني خالد : دلااال والله ما كان قصدي دلال : احلف بس انته , كل الي صار وبعدك ما تقصد خالد : تدرين انا يوم انش من الرقاد جذي اصييير عصبي , افاا يا دلال بعدج ما تعودتي ع طبعي دلال : خااااااااالد رجاءا ما ابي اجوفك او اسمع حسك خالد : اخر كلام عندج !! مرواااان " كنت توني داخل الصاله وجفت خالد ودلال " : خاااااااااالد , ع ما اضن سمعت شو قالتلك خالد : مروااان رجاءا لا تدخل بيني وبين حرمتيي مروان : اختييه قبل لا اتكون حرمتك , والي ما تحملها وما تحمل صياح بنتها ما بيتحملها في اصعب المواقف خالد : مروان ماله داعي هالكلام مروان : امبلا له داعي بما انك فتحت السالفه خلني اكمل كلامي , اختيه هب امربايه , هب انته تبييينا نربيها ؟؟! خالد : مرواان انااا ماكنت اقصد هالكلام حرفي مروان : ماله داعي تبرر موقفك , الي كنت تبا توصله لنا وصل , دلال يا امشي جدامي دلال "مشيت بدون اعتراض" ////////////// الجااامعه : ديالا : ابتعد عنييي ايها الغبي : اااااش اصمتي , لا تدعيني افعل شي لن يعجبك ديالا " ضربته بريلي ع ريله " : خسأت , لا تحاول اللعب معي : ااااااااااااخ , يالكي من متوحشه , تعالي الى هناا ديالا : اااااااااااااااااء , ابتعد عني : تعاللللي الي هنااا ديالا " انحصرت ع اليدار , ياني وتاكا ايده ع اليدار , وطالعني بعصبيه " : لقد حذرتك ديالا : ماااااااارك , ابتعد عني , لا تدعني اصرخ مارك : هههههههههههه , وما فعلته قبل قليل ماذا يسمى , برووفا ديالا : ااااااااااااااااااااااااااء النجداا مارك : اااااااااااااخ , مالذي فعلته ايها الغبي راشد : ااااااااايه ولد الامريييكيه نحن فالامارات هب فامريكاا , شوو الي قاعد تسوييه , هذي جامعه والها سمعتها " كنت بعطيه البكس الثاني , لكن هذي الي مدري شسمها زاااعجت " ديالا : اااااااااااااايه انت ايها الغبي , هذااا تمثيييل , لقد افسدت المشهد باكمله ونحن منذ 4 ساعات نعيد نفس المشهد راشد " واااا فشيتلي , اوني مسوي فيها بطل " : والله شدراني انا ,ااااوه انا اسف حقا , " مديت ايدي للولد الي ضربته , لكنه طير ايدي فالهوى , عذرته لاني كسرت له خشمه وقاعد ينزف " ديالا : هل انت اعمى , الا ترى هذه المنطقه , انها منطقة النشاطات الحره , هل انت بخيير , هل تستطيع متابعة العمل ام لا مارك : اشعر ان انفي قد انكسر وكله بسبب هذا الاحمق ديالا " تجدمت من هالغبي الي ضرب ماارك وانا اصاارخ " : من طلب مساااعدتك هااا؟! لقد خربت كل شي راشد : هذا يزااتي بعد عبالي يتهجم علييج , صدج من قال افعل خيرا تلقى شرا ديالا : حسستني يا سوبر مان , قوول لقاافه هب مسااعده ولا انته ويهك ويه منقذ راشد " لا انا واايد انهنت اليوم , اروح بكرامتي احسن , طنشتها ورحت وهي تتحرطم ورايي , ما عرفتلها مره ترمس انجليزي ومره عربييي" ////////////// عند سعيد و حمد و سياف : سعيد : ابووووووووووووووويه لااااااااا ابوووووووووووووووويه , كله السبب مني انااا , اناا السبب في كل الي يصيير سياف : دخيييلك سعيد هدي يرحم امك يا سعيد , هدي انا بروحي متعذب لا تعذبني اكثر , لا تيلس اتلوم عمرك جذي , هذا قدر الله سعيد : هذا ابويه يا سيااف هذا ابوووويه , حسبي الله ونعم الوكييل سياف : حمممممممد تعال ما اقدر بروحي ع سعيد حمد " معصب وحدي يوعان " : هااا سياااف شبلاك ما تعرف تسوي شي ابدا سياف : حمد دخييل ربك سو اي شي حمد " المشكله اني يوعان ما اقدر افكر " : سياااااااااف لا تبجي جدااام سعيد , انته جذي تصعب عليه الموضوع , اذا جافك تصيح , هو شو بيسوي عيل , انته عمك لكن هو ابوووه سياف : هب بإيييدي , هذا عميه حمد : وعميه بعد سياف " وانا اضرب حمد ع صدره " : انااا انسان واليه مشااعر , عميه عليي كان الاب والاخ والصدييق بالنسبه الييه حمد " وانا اصرخ " : كلنا كاان لنا الاب والاخ والصدييق , اذااا انته جذي تقوول , عيل سعيييد شووه يقوول " وانا اترجى سياف " سياااااااااف دخييييلك تماسك جداام سعيد دخييييييييلك يا سياف سياف " سحبت عمري ورحت ورى البيت , فالسكه الي ورا بيت يدووه , هناك طلعت كل الي فخاطري " ////////////// بيت ابو عامر : جواهر : عمممممممممممممممممور عمور : هههههههه بس قومي عنييي خنقتيني جواهر : هب مني من الشووق عمور : ههههههه اشتاقتلج العافيه , قومي قومي عني انااا ابا اسلم ع قلبييييي نويير : احم احم , " وانا افتح ايديه بحظنه وااا فشيييلتيه حضن نوااال " عمور " وانا احضن نويير من ورى " : هههههههههههههه كنت اسوي فييج مقلب يااا قلبييييي نويير : بعد شووو بعد ما فشلتني قوم عني قوووم عموور : انتي محد يتمسخر ويااج نويير : جب جب عمور : يا الحيوانه , اناا توني راد من السفر وانتي ادقوليلي جب جب ام عامر : نويييير , اصطلبيي عموور : اوووه الواالده اهنييه , خووزن عني خووزن " حضنت اميييه " فديييت قلبج والله اشتقتلج وااايد عمار : انتتته هنيه عمور " وانا رافع حياتي , نبرة صوته نرفزتني " : ليش هب عايبنك !! عمار " تجدمت وحضنته " : الحمدالله ع سلامتك عمور " وانا مستغرب من تصرفاته بالعاده ما يهتم لوجودي " : الله يسلمك " امممف شو هالرييحه " لحضة لحضة انت ادخن !! عمار : ارتكبت جرييمه عمور : لا حشاك , بس اذا بدخن يا ليت ما ادخن في البيت و تغير ملابسك اذا بتقعد ويانا عمار : هه , والله عاد انا حر اسوي الي ابيييه , واقول لا تلقي اوامرك علييه , انا هنييه الي يآمر عمور : اتخسي والله عمار " مسكته من كندورته , وانا راص ع ضروسي " : تحترم نفسك فااااهم عمور " دفرته باقوى ما عندي " : ان مدييت ايييدك مره ثانيه اكسرها عمار : جااااااااب لا ترفع صووتك عمور : جب انته , لا تخليني احين ادفنك اهنيه ابو عامر : خلاااااااااص ما ابي اسمع اي كلمه , احشمووني انا وااقف امبيينكم عمور " حبيت راس ابويه " : اسمحلي يا الغالي , محشوم طول عمرك ////////////// احسن الله عزاكم احسن الله عزاكم جعلها اخر الاحزان احسن الله عزاكم كلنا يابوك ماشيين في هالدرب جعلها اخر الاحزان جعلها اخر الاحزان جعلها اخر الاحزان : شو سبب الوفاه يا ولدي حمد " وانا مب قادر اتنفس " : ارتجاج في المخ ////////////// في المستشفى : حمد : سعيييد سعيييييد سعيييد : ابوووووووووووويه لااااااااا حمد : سعيييييد !! سعيد " نشيت من رقادي وانا الاهف والعرق يصب " : انااا وين , ويين هالمكاان , تذكرت ابويه , حمد ابوووويه يا حمد , ابووويه وين حمد : بسم الله علييك , سعيد نحن فالمستشفى , احين نحن فالممر يالسين نتريا الطبيب يظهر ويطمنا ع عميه سعيد " مسكت حمد من ملاابسه " : حمممممد دخيييلك لا تجذب عليييه , ابووويه شصااارله حمد : الدكتور قال الحمدالله ضربه خفيفه بس قال بتأكد من كل الفحوصات وبرد اقولكم ومن دخل ماظهر , وانته غفيييت وسمعتك اتزااعج وعرفت انك تجوف كاابوس سعيد : حمد انا جفت الناس كلهم يعزوني و جملة عظم الله اجرك تترد في مساامعي حمد : بسم الله علييك , لا تحااتي ان شاء الله احيين الدكتور بيظهر وبيطمنا سعيد : انا خاايف يا حمد ////////////// ع العصر رشااا : هدىى بلاااج من سااعه ارمسج وما تردين علييه هدى : رشووه خلااص فكيني من صدعتج رشا : هدى بلااج , شيصاار ويااج , انتي من ردينا من المستشفى وانتي ع هالحاله , لحضة لحضة , عزييييز صح !! هدى : لااااا تطريينه جدامي " سرحت وانا اذكر الي صار ويايه " عزيز : هدى هدى : خييير عزيز : ليش ييتي هدى : هه لايكون هذا بييتك وانا مدري , ترى هذا بييت يدووه وما تقدر تحرمني من الييه عزيز : اذا كنت انا موجود يا ريت ما اتيين هدى " عصبت " : اسسسسسمع ما تقدر ادقولي شو الي لازم اسووويه , اذا ما كنت تبا تكون موجود يوم انا اكون موجوده , اسال استفسر انااا ما بطلع وما بحرم عمري من الييه , كلاام يوصلك ويتعداك وخر حرمتك عني والا والله يسوي شي لا يعجبك ولا يعجبها عزيز : ااااااش قصري حسج وخلج بعييد عن حرمتيي هدى : حذرتك يا عبد العزيز ولا دقول ما قلت عزيز : خلللللللللللج بعيييد عن رييما , والله يا هدى لو دريت انج مسوتلها شي يا ويييلج هدى : خل حرمتك توخر عن طريجي , كل الي صارلي من تحت راسها عزيز : حرمتيي اشرف منج , مالها خص في حركااتج هدى : فتح عيونك عدل , انا مالي خص في الي صار قبل , حرمتك الي كانت مخططه لـ كل الي صاار عزيز : لا تفرين لووثج ع حرمتي هدى : بي يووم بتكتشف الحقيقه بس وقتها ما ينفع الندم عزيز : حركات المسلسلات هذي ما تمشي عليه هدى : هه ما توقعت ان ريما لـ هدرجه مأثره عليك ومغيره من تصرفااتك عزيز : حبيبتي تصرفاتي احسن عن تصرفاتج يا اللوث هدى : انته وحرمتك اللوث ماااايد " مسكت ايده قبل لا يضربها " : عزيييييييز والله ان حاولت اتمد ايدك مره ثاانيه اكسرها لك " صرخت من القهر " كيييييييف تبي اتمد اييدك ع بنت عممك , كييف تبي اتمد اييدك ع بنت هه لهدرجه حرمتك اثرت ع اخلاقك هدى : مااايد خلااص مايد : ااااااي خلاااص , انتي لين متى بتسكتين , ليش ما ادقولين كل الي صاار فـ ذااج اليوم هدى : مااااايد ارجوك انا مش مضطره ابرر موقفي , كلمتين قلتهن والي صدقهن صدقهن والي ما صدقهن هب محتايه لتصدييقه , وانااااا محترمه غصبن عن الكل " روحت وانصدمت بـ راشد الي يطالعني بنظرات كلها عتااب " الواقع رشا : هدى ارجووج قوليلي شو صاار وياج راشد " دخلت البيت وسمعت رشا " : رشااا خلينا بروحنا راشد : هدى هدى " جفته بنظرات عتب " راشد : لا تفهميني غلط , انا كنت اجوفج بـ ذيج النظره هب عشان اني هب مصدقنج , عشاان انج نزلتي من مستواج ورمستي عزيز هدى : هوو ي يرمسني راشد : لا تعطيينه ويه , انتي هب محتايه انه يصدقج , ما يكفي اني انا اصدقج , اميه ابويه علي خواني كلهم يصدقونج , ما يكفي هذا , حتى مااااايد اخو عبد العزيز مصدقنج , هذا ماايسد هدى " صحت وطلعت كل الي فخاطري " : حتى لو صدقوني بس يطالعوني بنظرات عتااب راشد : هدى والله ما كنت اقصد شي بنظراتي غير الي قلتلج , بعدين خلاص السالفه مستويه من 12 سنه , الكل نسى هدى : لاااادقول الكل راشد : انتي شدراج هدى : هه ليش لين احييين محد دق باااب البيييييت راشد : هدى !! هدى : لان الكل يعرف, كل يعرفني على اساس اني بنت وصخه والها سواابق رااشد : هدىىىىىىى خلاااااص , انتي اشرف عن الشرف نفسه , وبعدين منو قال انه محد دق باب بيتنا , جوفي كل الحريم الي كانن اين عند اميييه بعدهن ايين , واذا كنتي تقصدين ان محد خطبج , ترا 4 للحين ابويه رفضهم هدى : ممكن اتفهني ليش راشد : لان ما يستاهلونج هدى : لان خااااااايف اشوه صورته جداام النااااااااس ////////////// في غرفة سياف : وليد : سيااااااف سياف " كنت مندمج اجوف الافلام الي اليوم بيعرضونهن في السينما " وليد : سياافووه يا حيوااان , ارمسك انااا , اونك يعني بتحقرني احييين سياف " عصبت , ما احب حد يشوش عليه وانا مركز " : يغربل هالويه يااااااا جلب , اظهر برع غرفتييه احيين وليد : انـــــــــا سياف : لا انااا عيل وليد : ماااعليييه انا ارااويك سياف نطيت علييه " وانا راص ع ضروسي " : بترااوي منووو !! تصدق ما ينلام حمد يوم قال خلنا نأدبه , حماااااااااااااااااااااااااد تعاااااال غرفتييييه سرررعه , حمااااااااااااااااااد وليد : ياااا جلب بطلنيييي , اذا ما بطلتني صدقني بتندم , بحطك في بالي وبتندم سيااف : طااااع منو يهدد , يااا حبيبي انا المفروض الي يهددك هب انتته , كل اسرارك عندي ولييد : ياااا النذل , استخدم اسلوب اشرف من هذا , لا تفشي الاسرار سياااف : كيفي استخدم الاسلوب الي ابييه وليد : عيل حتى اناا بكشف كل اسرارك سيااف : هههههههههه واي اسرار وليد : مهاااري بعد اي اسراار سياف : هههههههههههههههههههههههههههههه وليد : لاا تضحك حمد : هاااا سياافوه , بلاك اتزااعج سياف : انا واافقت حمد : ع شو !! سياف : ع الكلام الي قلتلي اياه بخصوص وليدوه حمد " بابتسامه عريضه " : احلف !! سياف : والله , تعال انفذ الي اتفقنا عليه حمد : هههاااااااااي , يلااا ////////////// عند ابو سعيد : ابو سعيد : اميييه ما فيه شييي , خلاص الدكتور رخصني قال ضربه خفيفه يدووه : يا ولدي كاان تمييت اليوم فالمستشفى عشان نطمن علييك اكثر ابو سعيد : والله يا امييه ما فيني شي يدووه : خلاص خلاص , سعيييد يلاا ابويه خلنا نظهر , خل ابوك يرتاح ابو سعيد " نظرات سعيد اليه كلها حزن وندم ونظراتي له كلها عتب " سعيد : يدووه انتي اسبقيني احين ياينج " تجدمت من ابويه " انااا اسف والله اسف ابو سعيد : ما يحتاي تتأسف سعيد : ابوويه والله ما كنت ابييك تخاف علييه , ما كنت ابييك تكوون مهموم ابو سعيد : مهما كان يا سعيد , احين ولا بعدين بعرف بعرف , وكان الافضل انك تقولي من قبل عشان اعرف اتصرف , عشان نعالج المشكله ويا بعض , ما ابيك تتحمل كل هذا بروحك سعيد : سامحني يابويه ////////////// املى دايما كان يا بلدى انى ارجعلك يا بلدى و افضل دايما جنبك علىطول و ذكريات كل اللى فات فاكره يا بلدى قلبى مليان بحكايات فاكرهيا بلدى اول حب كان فى بلدى مش ممكن انساه يا بلدى فين ايام زمان قبلالوداع كنا بنقول ان الفراق ده مستحيل و كل دمعه على الخدين كانتبتسيل مليانه بامل ان احنا نبقى موجودين فى بحر الحب على الشطين ديالا : اااااااااااااااااااخ سالم : بووووووووه يالا : هذا ليس مضحكا سالم : ارمسي وياي عربي عربييييييييي لوسمحتي ديالا : كيفيي سالم : بسألج , عاادي ؟! ديالا " بملل " : اسأل سالم : ليش انتي حقيييره ديالا : shut up سالم : يوم اقولج حقييره ديالا : تشعرني بالغثيان سالم ؟؟؟!!! ديالا : ههههههههه لم تفهم صحيح ؟! سالم : ههههههههههههه ديالا ؟!! سالم : ما فهمتي صح ؟! هههههههههه ديالا : سخييف سالم " قلت جذي لان عندي الفضول خخ هب لاني من صدجي نبا نكون خوان " : خلاص خلاص , خلينا نرمس كأي أخيين ديالا : بدون سخافه سالم : وبدون عنقريزي ديالا : بس انا ما اعرف ارمس عربي completely سالم : هذي من اولها جذي , انزين بساامحج ديالا : عن شو تريدنا نرمس سالم : ليش اتحبين اتيلسين بروحج ترى حدج ممله ديالا : لان محد يحبني سالم " استغربت لان محد يعاملها بحقاره , حتى امييه ما تعاملها بقساوه " : شدراج ديالا : انته اولهم سالم : ترى والله when I fight with u مش معناته ما احبج ديالا : ههههههههه انظر تستطيع التحدث باللغة الانجليزيه بيرفكتلي سالم : الله يخسج علمتيني جفتي كيف , احين اذا رمست فالداوم بيطنزون علييه ديالا : هههههههه سالم : انزين سؤال ثاني ديالا : اسأل سالم : انتي ليش دايما حزيينه ديالا " فتحت الجرح " : الواحد يوم leave his/her country ويعرف انه ما بيردلها مره ثانيه اكييد بيحزن سالم : انزين بعد هذا وطنج الثاني ديالا : بس انته تعرف اني عايشه هناك since childhood وبعدين my mam there سالم : هذي محلوله تقدرين اتزورينها متى ما تبين , او صح ليش ما اتي تسكن اهنيه ديالا : ااااااااه بس ابويه بيطلقهااا سالم : شوووووووووه!!!!! ديالا : للاسف they will divorce سالم " انصدمت ما توقعت ابويه بيطلق حرمته الامريكيه , على حد علمي انه ماخذنها وهو يموت فيها " : انزيين لييش ديالا : بقوولك بس لا تتفاعل واايد صمختليه اذني تراك سالم : لانيي مصدوووم ديالا : ست الواالده ما بدهااش تكمل العلاقه مع بابا , بدهوون يتركوا بعض سالم : لااا من صدقج ؟! , بس والله صدمتيني عبالي ما تعرفين ترمسين عربي عدل بس ظهرتي تعرفين ترمسين شرات الزلمات ديالا : لاني احب اتابع مسلسلات مصريه و سوريه وبالاخص لبنانيه و المسلسلات التركيه المدبلجه سالم : انزين خلينا من هذا احيين , بس انتي ما قلتيلي السبب الرئيسي ديالا : بصرااحه السبب make me ashamed سالم : يعني عشان هم اشيييمد بيطلقون ديالا : ههههههههههههههههههههههههه سالم : ليش تضحكين !! ديالا : قوول ما فهمت بس لا تكابر لانك اضحك هههههه , اقصد ان السبب يخليني اخجل من نفسي سالم : هههههههههههههههههههه يخرب بييتج كشفتيني , انزين وليش السبب يخجل ديالا " تنهدت " : الان my mam اولا رافضه اتي تعيش اهنيه , انت تعرف محد يريد يبتعد عن وطنه, ثانيه المشاكل بينها وبين ابوويه كثرت , وغير جذي هي صارلها شهر تحب واحد ثاني سالم " ما عرفت شو اقولها , تميت ساكت اجوفها وتجوفني " ////////////// مايد " كنت راقد و يدقدقون عليه الباب , اعصب يوم حد يوعيني من رقادي , ماا عندي شي اسوويه , رااد وتعبان شوو يبوني يا ناااس , فتحت الباب " : نعاااااااااااااام خييييير ليش موعيني من رقاادي , خافوا الله فيني ابو عبد العزيز : ميووووووود !! مايد : اوووه ابوويه , اسمحليه والله بس صدج تعصبون بالواحد , ابووويه انا ياااي من الدااوم توني وابي ارتااح ابو عبد العزيز : انزين شويشوي علييه , انا ابوووك لا ترمسني جذي مايد " حبيته ع راسه " : اسمحليييه ابو عبد العزيز : صل و شل خواتك المستشفى ماايد : وليييش ؟! ابو عبد العزيز : بعد يبالها ليش !! لازم تجوف عمك وتتحمدله بالسلامه مايد : ابووويه بس عميه خرجووه اليوم الظهر !! مااا تعرف ابو عبد العزيز : بس محد قالي مايد " وانا احك راسي , شكلها العلاقه بين ابويه وعميه بعدها ما تصلحت كليا " : خلاص ابويه احين بشل خواتي وبروح بيت يدووه مايد " نزلت تحت وحصلت عزيز وحرمته في الصاله " : لااااااااااااااااحووول دوووم عندنااا عزيز : خيير لا يكون بيتك وانا مدري مااايد : هيه بييتنا ويتعذرك انته وحرمتك عزيز : مااايد اقصر الشر مايد : كيييفي , حر , لساااني واقول الي ابااه , لين متى بتم ساكت , هب مجبور اتحمل الوضع , هذاا بيتنااا هب بيييتك انته والي عدااليك , انتوا الي اقصروا الشر , انتوا الي يايييييين لين اهنيه هب انا يااينكم عزيز " نشيت ومسكت مايد من كندورته وحدي معصب واصارخ " : احترررررررررررم نفسك يا قليل الادب , وهذي الي عداالي حرمتيي وتحترمها غصبن عنك مايد " دفرته باقوى ما عندي وانا ازااعج " : مااااااااااا بحترم نااس ما تستحق الاحترام , ما بتحترم نااس اطرش صوور اعز صديقاتها لريلها ع اساس انها من رياال , ما بحترم نااس تخرب بيووت نااس بسبب الحقد والحسد عزيز : جاااااااااب لا تتهم حرمتي ع سب وحده خاايسه مايد " قاطعت كلامه " : خبرني كيف اتزوجتها خلال اسبوعين من بعد الساالفه فكر بالعقل , خبرني كييف تعرفت عليييها , لحضه لحضه لااايكوون عزيز : هيييييييييييييه تزوجتها عشاان اقهرها الي ما تتسما بس بعدين غييرت راااي وحبيتها مايد : هههههههههههههههههههههههههههه عزيز : اسسسسسسسسسسسكت مايد : ههههههههههههههههههههههههههههههههههه والله انك خديه تبا تقهر هدى وخذت ربيعتها بس ما دريت ان ربيعتها سبب المشكله الي صاارت عزيز : مااااااااايد قلتلك جاااااااب مايد : اطلع برع انته وحرمتك عزيز " ضربت ماايد " : بيييت ابووويه ومتى ما ابيي ايي بيي ماايد " رديت له الضربه " : وانا هب مجبور اجووف رقعت ويهك انت وحرمتك يووم عندك بييت عزيز : لا تخليني ادفنك اهنيه ماايد : ما استبعد هالشي منك يوم تضارب اخوك ع سبت وحده ما تقربلك غير انها حرمتك وما استبعد بعد انك تطعني بالسجيين الي ماسكتها حرمتك ع اساس انها اتقص فواكه لعمرها وهي تتمنى انك تطعني ابهاا عزيز : اذا ما سكرت حلجك بسووويها مايد : هذوني وااقف جداامك , ما بسكر حلجي , روني شو بتسوي عزيز " شليت السجيين ع اساس اني اخووفه " ابو عبد العزيز " دخلت الصاله " : عزيييييييييييييييز شوووو سووويت يالجلب مايد " طحت ع الارض وانا ماسك بطني الي قاعد ينزف , قلت الكلام وانا متأكد ان عزيز ما بيسويها, لاني اخوه ومستحيل يسويها عشان وحده ما تمدله اي صلة قرابه غير انها حرمته , لكن للاسف سواها وخيب ضني , ما اجووف شي غير السواد , والاصوات الي كنت اسمعها اختفت ,,,,, من بعدها ما حسيت باي شي " ////////////// عند عاامر : كنت موقف سيارتي جدام البحر و متاكي ع المدعميه , افكر ليش انا لين الحين ما ستقريت و كونت اسره , كنت معجب في هدوي بس يوم عرفت ان ولد عمها خطبها كرهت عمري فيها , وتميت اقنع نفسي انها ما تناسبني وان يمكن يكوون خيره اليه اني ما تسرعت وتزوجتها , وبعدين تأكدت ان هذا خييره يوم ولد عمها طلقها فيوم ملجتها , كان مالج عليها الظهر ومطلقنها الفليل قبل ما يدخل عليها ويتصورون , انصدمت ليش طلقها , عصبت في البداية لان مهما يكن هذي وحده من بناتنا اذا انا ما ارضى ع خواتي فـ بعد لازم ما ارضى على بنات الناس ومثل ما قال حبيبنا المصطفى عليه افضل التسليم " حب لاخيك كما تحب لنفسك " ولكني انصدمت يوم سمعت عن السبب , ما كنت متخيل ان البنت الي حبيتها تسوي جذي , ولا بعد في منو في ولد عمها , والي صدمني اكثر شي ردت فعل اهلها البارده انصدمت يوم قالتلي جواهر ان مطرشين صورها لعزووز وانصدمت اكثر يوم اهلها ما سوا شي وسكروا ع الموضوع بكل برود, لهدرجه في ناس لين احين يثقون في عيالهم لـ هذي الدرجه وما يهتمون لـ كلام الناس , مع ان في دليل قااطع ضدها انا احين متشوش كليا بس لازم ادور ورى القصه , لازم انبش في صفحات الماضي عشان اوصل للحقيقه وعشان بعد اعرف اذا يحقلي اكرها ولا لا , ان بعض الظن اثم , اااااااااااااااااااااااااااااااااااااااااااش بس الدلييل , الدليييييل يبخر كل شي و يخليني افقد كل الحماس انا لازم اوصلها واعرف الحقيقه منها , بس بمجرد التفكير ان ولد عمها ما صدقها يخليني انحبط , كيييييييييف انا بقدر اصدقها ////////////// امل حنين شوق امل يعطي دافعا لتحقيق الشي بعد المحاوله الفاشله الاولى وحنين يجعل الشخص يتمسك بمن يحب وشوق يجدد حب الكثيير منا بثينه " ليش حياتي جذي !! , ليش كل تفكيري في عيالي , ليش ما افكر في نفسي , شو الي جابرني اعيش مع واحد ما يهتم فيني , ما يحبني وما يعتبر لوجودي اي اهميه في حياته , مش ذنبي انه يحب وحده غيري , ليش خذني يوم يحب وحده غيري , الي يقهرني اني سألته يوم خطبني, انته تحبني !! حد جابرنك علييه !! تحب وحده غيري !! هه طبعا قالي نعم لا لا , انا مالي ذنب ولا دقولولي ذنبي اني وافقت عليه, انا لازم احط نهايه للموضوع , الخطوه الي بخطوها غصبن عن الكل ,غصبن عن الي يرضا وما يرضا انا لاااااااازم اطلق منه , عيالي اقدر اربييهم , اقدر اصرف عليهم وعلى نفسي , يكفي اني اشتغل و دخلي يغطي كل التكاليف و يعيش عيالي الحياه الي تناسبهم , بيييت !! اقدر اشتري بييت , هوو !! يقدر يجوفهم متى ما يبي , الحظاانه !! اكييد اليه هه اساسا ما يسأل عنهم , واذا كان يبي يجاكرني وياخذهم مني عشان يحرق قلبي , عياله ما ابيييهم <<< للاسف هذا الي يصيير في مجتمعنا وااحد من الطرفين يجاكرالثاني بس عشان يحرق قلبه , ولا ما همهم العيال , ما اقول الا حسبي الله ونعم الوكيل على الحال الي وصلناله , اذا دل !! دل على تخلفنا نهاااية الباااارت .
__DEFINE_LIKE_SHARE__
|
|
| |
 |
|
04-12-2013, 12:11 AM
| رقم المشاركة : [ 17 ] |
| عضو جديد | الباااااااااااااارت راااااااااااااااائع و الروااااااااااااااااااااااية أروووووووووووع كملي و لا توقفين و الله يوفقج ياااااااااارب ومتى موعد تنزيل الباااااااااااااارت ؟ وتسلمييييييييييييييييييين __DEFINE_LIKE_SHARE__ |
|
| |
| |
|
04-12-2013, 07:43 AM
| رقم المشاركة : [ 18 ] | |
| مشرفة  | آلسلآم عليج خيتي آلبآرت وآيد حلو بس اللي قهرني فيه مآيد يعني ريماآ شو سوت له عسب يكرهها جيه وقهرني عزيز لما طعن اخوه بسبب غريبه يمكن تطلع صج خاينه بس ما يندرى شو اللي وراها بس اكيد بنعرف السالفه ف البارتات القادمه وممكن بليز لا تخلين مايد يصيبه اي شي ههه آلوحيد اللي حبيته ف الروايه هههه ...!! ونتريآج ع آحر من آليمممر __DEFINE_LIKE_SHARE__ | |
| ||
| |
|
04-12-2013, 11:56 PM
| رقم المشاركة : [ 19 ] |
| عضو فعال  | الرواية وااايد حلو واتمنى منج انج تكلميلها
__DEFINE_LIKE_SHARE__
تعليقاتي على الابطال مايد:واايد كرهته ريم:كسرت خاطري عزيز:هذا بلاه تخبل يطعن اخوه عشان وحده والله الدنيا فايض^^^ ماعليج مني تاثرت مع كل ودي دااانه غير |
|
| |
| |
|
04-13-2013, 06:11 PM
| رقم المشاركة : [ 20 ] | |||||||||||||||||||||
| عضو جديد |
انتي الاروع ومشكوره ع الرد الحلو دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 05:10 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227