| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-17-2013, 08:31 PM
| رقم المشاركة : [ 26 ] |
| عضو جديد  |  يسلموو على الباارت الحلوو..
اتوقعع سعيد يخبر الدانة عن مرضضة احمدووش خبلة مره يباها ومره لاا يتحسبها لعبة ولا حلااوة ورشؤد يمقن يحب دياالا؟ مياسة الله يعييينها على ؤدووم النحسة.. عمار مابيخليهم ف حالهمم يمكن يذبح سعيد __DEFINE_LIKE_SHARE__ |
|
| |
 |
|
04-22-2013, 02:31 AM
| رقم المشاركة : [ 27 ] | |||||||||||||||||||||
| عضو جديد |
اتمنى انج اتكونين من متابعين الروايه دايما دمتى بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
04-22-2013, 02:33 AM
| رقم المشاركة : [ 28 ] | |||||||||||||||||||||
| عضو جديد |
توقعج قريب جدا دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
04-22-2013, 02:33 AM
| رقم المشاركة : [ 29 ] |
| عضو جديد | البارت الثاني عشر : قراءه ممتعة للجميع
__DEFINE_LIKE_SHARE__
السعاده ليست مجرد وجود الاحباب فالقرب السعاده ايضا يجب ان تكون في راحة البال وصفاء الذهب الحياه لا تنحصر على وجود السعاده والسعاده لا تنحصر على وجود الاحباب فالسعاده جزء من حياتنا و كذلك وجود الاحباب جزء من سعادتنا سعيد " وقفت جدام بيت عميه , بس مادخلت السياره فالبيت " : الدااانه ابا اقولج شي قبل لا تنزليين الدانه " قلت ع السريع " : سعيييد خلنا نتغدا قبل وبعدين خبرني الي تبااه , يلاا نزلنا سعيد " كرختها ع راسها وقلت " : انتي ما تفكرين غير فـ الاكل , يا الخبله ما بقدر اجوفج بعدين الدانه : سعييييد عااااااد والله يوعاانه , كل شي يتأجل لبعدين , وبعدين اذا رمستني احين بقولك اوكي اوكي اوكي وانا هب ويااك سعيد : انزين افهمي الموضوع قبل الدانه : قووول قووووووول قوووووول اسمعك , بس اختصر لاني يوعانه وااايد سعيد : مااالت علييج يالدبه , بسج من الاكل , تراج متنيتي وانا ما احب البنت المتيينه الدانه " تقفطت وحست بوزي " : الله يسامحك , انته الوحيد الي قلتلي هـ الكلام سيعد : خخخخخ اتمسخر وياج الدانه : لا ترمسني خلاص زعلت انا سعيد : فدييييت الي زعلوا , يعلني ما خلا ولا عدم الدانه : سعييييد عاااد , جذي تجرحني سعيد : قصدج تحرجني , الموهيييم , ترا اليوم عميه وابويه ونايف رمسوني ,, والمشكله كلهم رمسوني ع نفس الموضوع الدانه : سعيييد خوفتي تراااك لا ترمس بـ هالطريقه سعيد : ترا صج ارمس , قالولي واايد تلتقي بـ الدانه , وما يبوني اوصلج واييبج من الجامعه , الناس بدت اطلع رمسات علينا الدانه : شوووو , يعني خلااص ما بقدر اجووفك سعيد : مااالت علييج عبالي بدقولين يعني كيف يرمسون علينا , انتي ما همج يعني غير اتجوفيني الدانه : انت الي مالت عليييك , الحين بدال ما دقولي فدييتج والله يالس ادقولي مالت عليج , احمد ربك وحب ايدك من ورى وجداام لاني اهتم فييك وفي جووفتك سعيد : ولله ما تستحيين , كيف ترمسيني جذي الدانه : هههههههههه عصبت !! عجز لسانك عن الكلام صح !! سعيد : لاااا تسويلي حركااات البلاك بيري الدانه : هههههههههه سعيد : بشله عنج هـ البلاك بيري , اجوف لسااانج طوول من تميتي عليه اربع وعشرين سااعه الدانه : سعييييد عااااد سعيد "وانا اقلدها " : سعييييد عااد , لا لا هب سعيييد , لساانج طويل ويباله قص والبلاك بيري يباله تكسير الدانه : سعييد حراام علييك ترا والله تظلمني جذي , انا هب طوييلة لساان , انا مثل ما اناا , انا الدانه الحبوبه سعيد : وااااثقه بعد , الله يغربل بليسج طلعتينا عن الموضوع الدانه : انزين والحل ؟! سعيد : الحل انج تنزلين احين من سيارتي لان اخوج نايف يالس يطالعنا الدانه : خله يولي اونه ما انتبهناله سعيد : طااااع الدانه : مااعليينا منه احين , صج صج والحل ؟! سعيد : جوفي اليوم ما بقدر اجوفج لان اساسا مشغول , باجر العصر نتلاقى فالسكه , حتى تلفووونات لا دقيلي , خلي يمر يوم يومين بعدين اتصليبي يوم محد يكون عندج , انا قبل لا اتصل برسلج رساله وردي عليه اذا كان الوقت مناسب عشان ادق ولا لا , اناا محد فالبيت يراقبني غير يدووه , وهذي محلوله , الموهيم احين انتي انزلي وباجر يوم بنتلاقى بندور حل غير الدانه " نزلت وانا اتأفأف , من وين ظهرتلهم هالشغله احيين , وكيف يرمسون الناس علينا يوم هو ريلي وانا حرمته ع سنة الله ورسووله , اوووف من هالناس ما عندهم شغله غير الدانه وسعيد , يدورولهم شغله ثانيه غيرنا , والله حاله عند ديالا : كنت طالعه من البيت عندي محاظرات ع الساعه 4 العصر , لوووعت جبد , طلعت الظهر الساعه 3 يعني الجامعه تبعد 30 دقيقه مشي من بيتنا , اليوم انا بروح الجامعه مشي , منها اتسلى وايلس افكر بعمق و منها ابا ءأدب اهليييه الي ما فيهم احساس لكن للاسف يالسه اعذب عمري وانا امشي في سياره وراييي ازعجتني بالهرناات , شباب دورتنا قليلين ادب وما فيهم مستحى والمشكله انهم يغازلون عيني عيينك , ما يحطون اعتبار لاي عواقب ممكن اتصير وما عليهم من اي احد لفيت معصبه ابا اهزب هذا الشخص لكني تفاجأت : نوااااااااافووووه " هذا نواف العله شكله رااد من مكان , بعرفكم عليه " نواف " العله والنشبه , ينشبلي هني فـ البلعووم , يحب يطفربي و يضارب وياي كأن ما ناقصني الا هوو , يسد سلووم الجلب لوعه الجبد " " نواف يكون ولد عميه سلطان وحيد امه وابوه , انسان جميييل بمعنى الكلمه وغير جذي كشييخ ما بنكر هـ الشي لكنه نذل ومغرور ويحب يغصص بـ الناس , تااافه حقييير , كأني بالغت بس اسمحوليه من العصبيه " " طبعا هو لازم يمر بيتنا ويتغدا عندنا قبل لا يروح بيتهم عشان يضارب وياي ويتمسخر عليييه واحيانا يفرغ عصبيته عليه , يتعاونون هو وسلووم ضدي وحليله حمدان يدافع عنيي, بس الحمد الله اليوم ما تغدا عندنا الفكه منه , شكله تغدا في مكان ثاني ياريت دوم جذي" " وغير جذي الساعه 8 لين 10 لازم يكون في بيتنا مدري كأنه يتفقد الرعيه ويجوف اذا الكل في الفراش ولا لا , آنسه منشل ع الغفله " نواااف : هلااا قلبي ديالا : لاااااا دقول قلبي نواف : ان شاء الله حياتي ديالا : نوااافوووه نواف : عيون وروح نواافوه ديالا " خلاااص بصييح هب متفيجه له " : ياااااربييي والله هب ناقصتنك نواف : هههههههه خلاص رحمتج , بسكر حلجي وما برمس ديالا : يكون احسن بعد نواف : ع وين يا حلوه انتي وهـ الجنطه الي ورا ظهرج دقول اثيوبيه شاله ولدها ع ظهرها , والله ندري انج امريييكه ما يحتاي اتسوين كل هذاا عشان تثبتيلنا انج امرييكيه ديالا " سويت طاف لكلامه , انا جذي اذا ما عيبني الكلام ما ارد عليه واطنشه واروح , يمكن هذا الشي الي يقهر الناس فيني " نواف : طاااااع احقرتني , ايييي انتي ع وين رايحه , ارمسج انااا " تجدمت بالسياره وتميت اتبعها شوي شوي " ديالا : خيييير شتبي ؟! نواف : وين راايحه فعز النهار ديالا : مااا يخصك نواف : اييييه ارمسي عدل لا اصكج بكف احييين , قلتلج وين رااايحه ديالا : ما يخصك نواف : لا تخليني احيين انزلج وارااويج ديالا " رديت عليه هب لاني خاايفه لاني ابا افتك من حشرته " : يعني ع وين برووح, اكييد الجامعه , وهو في مكان غييره ارووحله نواف : مشي !!!! ديالا : لا بـ درااجه نواف : ههههههههههههه والله انج غبيه , حد يروح مشي في هالحر والصر , لا شكلج اكيد تيننتي ديالا : جب جب محد غيرك المينوون نواف : لعنت الله ع , استغفرك ربي واتوب اليك , لا تخليني العن احيين ديالا : مدري شو بيستوي يعني , حسستني والله نواف : انتييي ليش لسانج طويل , ابا افهم لييييييييييييش ديالا " رفعت ايدي اليسار وجفت الساعه بعدين حركت عيوني باتجاه نواف " : انا لازم اروح وايد تأخرت نواف : انتي من صدقج ؟! سيارتج وين !! ديالا : لادقولي اونك ما تعرف , اكييد سلووم قاالك نواف : لا والله ما قالي , اصلن ما جفته من البارحه ديالا : تصدق يوم ما تجوفون بعض احسن , لان من تيتمعون اتسون المصايب , وانتته خاصةً تخرب سلوووم ع الآخر نواف : ههههههههههه والله انج حقيييره , اصلن اخووج الي مخربني ديالا : جب جب نواف : اركبي يلا بوصلج ديالا : مااابي , ويلا اقلب ويهك نواف : مااابي مااابي ماااابي مولازم اقلب ويهييي ديالا : ها ها ها هاهاااااا ما يضحك ترى نواف : يلااا اركبي اقولج ديالا : قلتلك مابيييي نواف " بطلت باب السياره ومسكتها ودزيتها داخل السياره " : هاااا الي ناااقص بعد تروحين بروووحج مشي , حبيبتي اذا انتي ما تخافين ع نفسج نحن نخااف ع عرضنا , مني ولا منااك يتعرضولج عيال الحراام , وعيال الحراام ما ماتوا ديالا " والله هـ الانسان غرييب , ما تعرفله " : حسستني يعني خاايف علييه احييين نواف " اكتفيت بـ السكوت " عنج خلود : خلود " كنت راده من الدوام تعباانه وبـ الصدفه جفت احمد فـ الصاله قاعد بروحه يجوف التلفزيون , حمدت ربي ان وديمه محد واستغليت هـ الفرصه " : السلااااااام عليكم احمد " طالعتها ورديت طالعت التلفزيون " : وعليكم السلاام والرحمه خلود : احم احم احمد رديت طالعتها : تبين ادقولين شي ؟! خلود : ممكن ارمسك في موضوع احمد : واذا قلت لا ما بترمسين خلود : ههههه , لا مب جذي يعني , بس قلت يمكن تكون مشغول احمد : كاني جدامج اجوف التلفزيون خلود : اووووف , انته ليش جذي تحبط الواحد احمد " ما عطيت كلامها اي اهميه وتميت ابدل من قناه لقناه " خلود : احمد اذا رمست بتسمعني ولا ؟! احمد " طالعتها بدون اهتمام ورديت اجوف التلفزيون " خلود " سخيييف والله ودي اكرخه , مدري على شو جايف نفسه , قررت اجوف محمد اذا رد البيت ولا لا " احمد : اذا ما رمستي احين لا ترمسين طول عمرج خلود " لفيت ورااي ورديت اطالعه " : نعم , ترمسني !! احمد : حد غيرج هنيه خلود : بلااك جذي ترمسني , ياخي اذا ما تبي تسمعني , مب بالغصب احمد " مارديت عليها " خلود : حقييييير احمد : شو قلتي خلود : ولااا شي " روحت بصعد فوق " احمد : تبين ترمسين عن سلامه صح خلود " رديت عنده " : بما انك فتحت الموضوع , خل نرمس عنها , انته شو مشكلتك بالضبط , ليش مره تبيها ومره ما تبيها احمد : اضن هذا شي راجعلي , ما يخصج فيه خلود " تنهدت وقلت " : كيييفك انت سكرت الموضوع بإرادتك وما حبيت اتناقشه وتحمل الي بييك احمد : شتقصدين من كلامج خلود : ولا شي , عن اذنك احمد : خلوووووووووووود , تعالي هنيييه خلود " طنشته وصعدت ع الدري " احمد : خلووووود يا حماااره قلتلج تعاالي " الجلبه ماردت علييه واضطريت اصعد وراها " خلود " يوم جفته لحقني , ركضت بسرعه صوب غرفتيييه , كنت بسكر الباب لكن حطى ريله ودز الباب بقوه وطحت ع الارض " احمد : شو تفكرين نفسج , تعقين كلام وتروحين ولا كأنج مسويه شي خلود : احمد انته بلاك جذي صاير كريييييه احمد : انتي الكرييييهه , احييين اتوضحيلي الكلام الي قلتييه خلود : مااا بوضحه ليين انته ما توضحلي تصرفاتك عند وليد : وليد : تراني بسير بيت عميه حموود ( ابو علي ) ام خالد : ومنو بيشلك ان شاء الله وليد : ريوولي هاهاهاااا اكيد سيافوه ولدج , سياره بعد ما خليتونا نسوق ام خالد " طنشته " : اخووك رااقد وليد : احين بوعييه ام خالد : يا بويه خله رااقد , تعبان توه ياي من الدوام وليييد : و انا ملاان ما يخصني اذا راقد ولا لا , طلعة ويا الربع ممنوع , الساعه تسع فالبيت و 10 فـ الفراش , سهر ممنوع , جمعة وسبت رقاد فالبيت , شو هـ العيشه الي تقرف , لا تبون اطلعونا ولا تبون اتخلونا انسير ويا رباعتنا , لا يكون عايشين في ايام الجاهلية وانا مدري ؟! ام خالد : والله هذي قوانين البيت , تعيبك ولا ما تعيبك بكيفك وليد : والله محسستني عايش في سكن جامعي ولازم اتقيد بالتعليمات ام خالد : انته ليش جذي قليل ادب , مدري من وين يايب قلة الادب وليد : حسستيني والله تراني فـ الاخير ولدج وقلة الادب ما بيبها من حد غريب ام خالد : ياااا قليل الادب , شتقصد بكلامك وليد : اووووه روحي عنيي , فهمي بالمعنى الي يعجبج ام خالد : قليلللل الادب , ما عليه عند ابوك وليد : خوفتيني والله , ترا الا الواالد هب انترتيقا ام خالد : فكنا فكنا من حشرتك , فقت هـ الميلغ الك , امره محد يقدر يقولك شي وليد " طنشتها ورحت غرفة سيافوه, طبعا فتحت الباب بكل دفاااشه وقلت " : حضرررره الملك ولييد قادم , القوا التحيه " بس انصدمت ان محد فـ الغرفه , كنت بظهر لكن شدتني ورقه ع شبريه سيافوه " " طبعا الفضوول عندي ضاارب , فتحتها لقيتها بالانقلش ويا كرهي للانقلش " : اووهين لازم اخلي حد يترجملي , امممم ميوود بلبل بالانقلش , بس لا لا هذا ع طول بيخبر سيافوه نسيت انهم ربع , عيل منو منو منوووووووو يا ربي !!! " تميت افكر وما لقيت حل غير سعييد اماااا الباقيين ما يتأمن فييهم , وغيرت وجهتي لـ بيت يدووه " الدانه " بعد ما تغديت زقرني نايف " نايف : جووفي انا وافقت وخليتج تختارين الشخص الي تبيينه وساعدتج انتي وسعيد لين ما ملجتوا , وكنتي تعرفين شرطي لكنج ما التزمتي فيه , خبريني شو اسوي الحين ؟! يعني اضربج ؟! خلاص انتي كبرتي وهب حلوه اضربج الدانه : لااا ذلني ع الي سوييته , كمل جمييلك لين ما اعرس , بعدين هو خلااص ريلي ما باقي شي ونعرس نايف : لوو التزمتي فـ الشرط كنت بخلييج ع راحتج الدانه : ااااي شرط هذا , ليين متى ما بكلمه يعني , كل الي مالجين قبلي كانن يرمسن رياييلهن يت علييه انا وسعييد يعني نايف : يكلمن بس هب اربع وعشرين ساعه ويااه , يوديج ويبج من الجامعه وفـ الويكند يطلعج و اربع وعشرين ساعه فالتلفون , هذا الشي ولا مره في حياتي سمعته , اعنبوه اثقلي شويه شو خليتوا لـ بعد العرس , الناس بدت ترمس عنج الدانه : واناا شلي فـ الناس , ما يهمني الي يقولونه نايف : شو شلج فـ الناس , حبيبتي ما دمتي عايشه امبيينهم لازم كلامهم يهمج الدانه : انزيين والمطلووب احين ؟! نايف : شي بسييط جدا , ما تجوفيينه الا بـ الصدفه , وخففي مكالمات وياه الدانه : لين متى يعني نايف : والله انا لو الود ودي فرييتج عنده ورتحته من صدعتكم , الناس من صوب واهلج من صوب , ما تدري ان ابويه دووم يلومني ويقولي مثل ما جمعتهم ويا بعض اتحطي حد للموضوع انا ما يهمني لو ترمسين وياه من اليوم لين مليون سنه جدام هذا ريلج وانتوا حرين , لكن كلام الناس يهمني , انا عايش امبينهم وبما اني عايش وياهم كل شي يسوونه يأثر عليه , ياريت تسمعين كلامي ولا تخليني اندم في يوم اني وقفت وياج وافقت ع هـ الزواج لا تحطين في بالج اني اذلج بـ هالطريقه , هذا الي اسويه لمصلحتج ومصلحة الكل , واذا قلتلج خففي مكالمات ترا عشان ما يمل منج بعد العرس , انا ريال واعرف طبع جنسي , مهما كان الحب طاغي ع كل شي بي يوم وبيمل , صدقيني كل شي يتغير بعد العرس , خلج رزين واثقلي شويه الدانه " تميت افكر في كلامه " عند سياف: سياف " كنت ارمس في الفون " : هيه هيه استلمتها جذي من شهرين : يعني عندك خبر بـ الموضوع سياف : هيه عندي : خلاص عيل باجر لازم اتيب الورقه وعليها توقيعك سياف : بااااجر ؟! : هيه باااجر , عيل متى ؟! اساسا انته واايد تأخرت فـ الرد سياف : تدري يابوك لازم افكر في كل شي اسويه واحسب له الف حساب : ترا كلها كم من شهر ما يحتاي اتفكر في اي شي , هذا الشي لمصلحتك سياف : خخخخ هيه اعرف : يعني خلااص اعتمد ؟! ما بتغير رايك ؟! اخااف تتراجع ع اخر لحظة سياف : ههههههه لا لا ما بتراجع افا علييك , عطييتك كلمتييه : خلاص عيل بجذي اتفقنا , وان شاء الله موعدنا باجر , اهم شي ما تنسى الورقه سياف " بندت التلفوون ويلست ادور الورقه " : يااا ربيييييه والله اني حاطنها هنيه " تميت ادور " انااا متأكد اني حاطنها اهنييه , وين اختفت , الله يلعنج هذا وقتج احيين عند مروان : مروان : شراايك ؟! ميود : حلووو بس مالي خلق الها احيين مروان : ياخي كلها كم يووم , وانته ما عندك لا شغله ولا مشغله , ليش مالك خلق ميود : ياخي انا ابا ارتاح في هـ الكم يومين , توني مخلص الكورس الاول بـ عنااء مروان : مييييد عاااد يوم انك مخلص الكورس بـ عناء انته تحتاي طلعه اتنسييك كل الي مريت به ميود " وانا فيني رقاااد " : متى بروح ؟! مروان : يعني واافقت ميود : مريااااااااانوه مالي خلقك ابييي ارقد لا تجاوب اسألتي بسؤال ولا تراني بغيير رااي مروان : احيين بذلني يعني ميود : مريااانووه مروان : انزين انزين , جووف بما انك اليوم بادي اجازه باجر ريح و ورا باجر ان شاء الله برووح ميود : ويمدي لك تحجز تذاكر مروان : ههههههااااي اساسا انا حاجز من زمااان ميود : يعني تحطني فـ الامر الوااقع يالنذل مروان : ماااا عليينا الموهيييم انك واافقت ميود : ومنو بيروح ويانا مروان : انا وانت و سلاموه و نواف ربيعي وولد عمه واخته و هدوي وسلطاان ميود : ما شاء الله كل هذيلا بيروحون مروان : خخخخخخخخخ هيه ميود : لو بعدك شليت الكره الارضيه كلها , بالله علييك انته منو خليت فـ الامارات ما شلييته مروان : هههههههه احمد ربك بعد , انا عزمت احسن الناس في العايله بـ الاضافه لربيعي " وانا ازااعج من الونااسه " بتكووون احلا مغاامره في حياتي ميود : ايييه ياالخبل قصر حسك الكل رااقد , وبعديين حسستني وين راايح عشان اتغامر , blue ridge forest مثلا مروان : كييييف عرفت ؟! ميود " وانا فاج حلجي " : انت من صجك ؟! ادريييبك انته خبله واتسويييها مروان : اااااش قصر حسك , بعدين نحن ع اساس سايرين ماليزيا كم من يوم ورادين تفهم , اياني واياك ادقولهم رايحيين سفاري عند سلامه : سلامه " اليوم ما تغذيت و اسميني يوعاانه , رحت المطبخ وانا كنت العب بـ البلاك بيري و صدمت حد , يوووم رفعت راسي " : سوري نايف والله مب قصدي نايف " كنت توني طالع من المطبخ وشال عصير ويالس اصوره وما حسيت بعمري الا دااح في حد " : اووييييه انجب العصيير , اووه تلفوني لاااا احين اكيد اخترب سلامه : والله ما كان قصدي , كنت العب بالفون وما انتبهت للطرييج نايف : هاااج امسكي الكووب شويه بسير اغسل فوني وانشفه سلامه " دخلت وراه المطبخ وحطيت الكوب وجفته كيف مبتلي ويتحرطم , تلومت وما حسيت بعمري الا وانا اتبعه وين ما يروح " نايف " دخلت غرفتييه وطلعت الاستشوار ويلست انشف الفون " : ان شاء الله ما يخترب , حرام والله يديد توني شارنه " فصخت كندورتيه ويت ببطل الكبت عشان اظهر وحده ثانيه , انصدمت بسلاامه " سلامه "اوييييه وكاااان استحي , فشله من صج احيين اكيد بيفهم غلط " : انا اسفه نايف " تجدمت صوبها وطلعتها من غرفتييه بعصبيييه " : باب غرفتيه لا تعتبينه هب لين تدخليينها سلامه " انصدمت ما توقعت ردت فعله جذي , سكر الباب في وييهيي " نايف : مليييت امثل دور الانسان الطيب المحب , خلاااص ما بخلي الحب يسسطر علييه اصلن انا ناايف الريال العصبي المتسلط هب صاحب الحب والخراابيط , انتي يا سلاامه خليتيني اتصرف جذي وتحملي الي بييج , ترا الياي اعظم عند هدى : هدي : عليي خلاص ما ابييي تفتح الدفاتر الجدييمه انا ما تناسبني هـ المواضع علي : افااا يا هدووي ترديلي طلب هدى : والله اني كرهت العرس وطاري العرس , ماا ابيي اعرس علي : انزين فكري ع الاقل بالموضوع هدى : ان شاء الله بفكر بس ما اوعدك بالموافقه علي : ترا والله ربييعي وانا اعرفه رياال ما ينعاب وهو يدري بـ السالفه الي صارت من زمان ومستعد يا خذج اليوم قبل باجر , هو يدور ع الاستقرار وبيعيشج احسن عييشه , انسان مبدأه الاحترام وشو تبين غير الاحترام هدى : والله ادري علي : دخييلج فكري عدل , انا ضارب خط من بوظبي عشااانج , عشاانج انتي اختييه ويهمني امرج لو ما يهمني كان دقييتلج تلفون هدى " تنهدت " : ولا يهمك , الي كاتبنه الله بيصير علي : والنعم بالله عند رشا رشااا : دندوووون الدانه : الله يخلييج عااد رشا :, لا يعني لاا ياخي والله هذييج المره زختني يدوه وهزبتني , هـ المره بدقولي شااايبنج هنييه خلااص الريااال عرس الدانه " وانا اتخيل شكل يدوه " : ههههههههههه رشا : حرااام علييج والله اتشك فيني , تتحرا بيني وبين سعييد شي من كثر ما طرشيني صوبه الدانه : خخخخ انزين خلاص بس هالمره رشاا : لاااا ماابيي , اساسا ما استفيد شي منكم , لوو تعطوني شي مقابل الي اسويه يمكن اواافق الدانه : بليييييز بعطييج الي تبيينه رشا : بفكر , لحظه خلج ع الخط عندي خط ثاني " جفت المتصل " لااااااااا والله بصييح الدانه : ها شوو رشا : هذا سعيييد " ردييت ع طول بدون ما اسمع الداانه " : هلاا سعييييد سعيد : هههههه بلاااااااج بنت العم , كأني منكد عيييشتج رشا : هييييه انته وحرمتك بعد , والله توني ارمس حرمتك سعيد : ههههههه ما علييه تحملينا شويه , الا شو تباج داقتلج ؟! رشا : نفس الي داق عشانه سعيد : وانتي تعرفيين ليش دااقلج اصلن رشا : هييييييييييه سعيد : ههههههههههه رشا : هيه شعلييكم ضحكوا ضحكوا وانا الي اطييح فيها سعيد : اذا عشاان يدووه ماا علييه انا بتصرف رشا : خلناا من هذا كله شو بتعطيني انت وحرمتك اذا سويت الي تبوونه ؟! سعيد : انتي اطلبي ونحن جاهزين رشا : اتمسخر ما ابيي شي منكم غير اتعشوني في مااك سعيد : ههههههه فالج طيب الا مااك هذوا عداالنا رشا : اصلن انا ما ابييي منكم شي بس قلبي يعورني ع الخدمات الي اسويها الكم بلاااش عند ديالا : ديالا : لااااااااا حووول , وانته شخصك راشد : بس حبيت اطمن ديالا : هذا شي ما يعنييلك , مالك حق تسألنيي عن اي شي راشد : انزييين خلاااص اسمع , ماله داعي تزااعجين ديالا : جوووف من اليوم وراايح يوم تجوفني ما تعرفني , اذا انا مريت بـ هذا الطريج انته اتسير فـ الطريج الثاني , اتوقفني وتسألين ليش غاايبه كل هالمده ماايخصك تفهم , ولا عااد تمسكني والله ولا لاكسرها لك راشد : ول ول ول بلااج شابه ناار , كل الي قلته ويينج غايبه كل هـ المده ديال : حبيييييبتك انا ومدري راشد : اليه الشرف ندوي : راااااااااشد ديالا : هه كملت , وانا ما اليه الشرف , شل حبيبتك واقلب ويهك : Diyaleata!! what’s going on?! Do you need any help?! ديالا : Don’t worry baby , every things here are nothing ندي : راااشد قولي شو الي قاعد يصير راشد : روحي الكانتين واحين بلحفج ندي : هب متحركه من مكاني لين ما دقولي شو الي صاير راشد " صرخت عليها ولاول مره اصرخ , مدري ش صارلي الشله الي اتسير وياهم ديالا " : ندوووي ندي : خمس دقاايق عندك فيها تنهي هـ المهزله الي قاعده اتصير ولا والله ما اتجوف ويهيي بعدها ديالا : لييش وااقف ؟! الحق حبيبتك , ما سمعتها شو قالت !! راشد : ما يخصج ديالا : Hi guys, just a minute & I will come الكل : Okay, see U later. We will be in the usual cafeteria دوني : I will stay with U ديالا : خلنا ننهي الموضوع لان بصراحه لاعت جبدي , بمجرد اني اجوفك مدري شو يصيري احس بغثيان راشد : الله , كل هذا بس مجرد ما تجوفيني ديالا : اسمع يا ولد الناس , انا ماعرفك وانته ما تعرفني , لا تخليني اجوفك راشد : محسستني يعني , ترا كلها سألتج كم سؤال ديالا : انا ما ابيي مشاكل ويا حبيبتك , بما انها جافتني كل يوم وبتعترضلي , اسمع انا انسانه بسرعه افقد اعصابي , اذا جفت شي ما عيبني تحملوا الي بيكم مني " تشابكت ايدي فـ ايد دوني , لاني بديت انتفض , انا خلاص اذا شي يضايقني ما اكل واذا ما كلت ما فيني طاقه وعادي اطيح في اي لحظة , طوني اعز اصدقائي في هذي الجامعه , وشلتنا تتكون من بنتين وانا الثالثه و من ولدين وطوني الثالث " " اقرب واحد لي هو طوني ويعرف تقريبا كل شي عني وعن المشاكل الي تصيرلي , هو حس بالي قاعد يصير عشان جذي سوا هالحركه وانا ما عارضت لاني خلاص بفقد توازني" دوني : Let's go راشد " روحت عند ندوي وانا اتحرطم " : حلال عليه وحرام عليييه عند عامر : عااامر : بثييينه ابا اعرف شو الي صار بالضبط بثينه : ما اقدر اقوول شي البنت ما صرحتلي اقووله عاامر : دخيييلج بثنيه ريحيني من عذاب الضميير , ابا اعرف كل شي عنها بثينه : ليش ؟! تراها ما تهمك عامر : احبهاا والله احبها وهي كرهتني فييها نهاية البارت سوري ع التأخير , النت كان مقطوع رايكم فالشخصيات ؟! مروان , ميود , نايف , سلامه سعيد , الدانه , رشا راشد , ندوي , ديالا , نواف سياف , وليد , ام خالد خلود , احمد توقعاتكم للبارت القادم : نايف بيطاوعه قلبه وبيغير اسلوبه ويا سلامه والا الحب بيسيطر ع الوضع ؟! شو بيستوي ويا خلود واحمد ؟! وهل يمكن تتعدل معاملته ويا سلامه ؟! واذا تعدل الوضع بيكون فاته الوقت ؟! انتوا شو رايكم فالموضوع ؟! شو سر الورقه الي طاحت بين يدين وليد ؟! هل الورقه الي يدور عليها سيافوه هي نفسها الورقه الي شلها وليد ؟! وليد بعد ما طاحت الورقه في ايديه , هل يمكن ان يستغلها ضد سيافوه وينهز هالفرصه ويحقق انتقامه ؟! الدانه و سعيد بيقدرون يلتقون ؟! واذا التقوا بيرمسون عن شو ؟! بتنتهي العلاقه بين راشد و ديالا ؟! وندوي بتودر راشد ؟! هدى بتوافق على الريال الي خطبها ؟! شو بيستوي ويا عامر ؟! بتخبره بثينه ؟! واذا خبرته بيغير تفكيره عن هدى ولا بيواصل تحقيقه ؟! |
|
| |
| |
|
04-22-2013, 02:36 AM
| رقم المشاركة : [ 30 ] |
| عضو جديد | البارت كان مفروض ينزل امس بس نزل اليوم  لا تواخذوني  , قراءه ممتعه ودمتم بود __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 02:00 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227