تركني حبيبي وزوجوني اياك غصب - الصفحة 16

يا ما بكيت على الاطلال · 02-15-2014, 11:49 PM

المشاركة الأصلية كتبت بواسطة كلي فخر الامارات

السلام عليكم
و اخيرا وصلت
بصارحة تسلم ايدج علي بارت الطررر و الجنان
توقعاتي
اذا عرف راشد منو الي دعم سعيد, شو بيستوي؟ بيكون مصدوم لانه ما بيتوقع اغلي شخصين عنده هم ديلا و سعيد كلهم حالتهم خطره

عمار وعيسى شو بيستوي امبينهم ؟! احتمال ما بيكلمون بعض لانه عيسي زين تحمل عمار يا ما ناس نصحووو و ما فاد وياه

محمد خلاص ما بيتزوج مياسه!! هب سالفة مذلة السالفة انها المفروض ايضحي و ينصح اخته

منو الي كان يكلم وديمه ؟ اهلها يدرون ؟! لا محد يدري الي يكلمها واحد كان يكلم سلامة وودرها و عقب كان يباها ترد له ما تظهر له

شو هدف الي كان يرمس وديمه ؟! انه يبا يدمر حياة سلامة

مروان ليش طاح ؟! من صدمة او ايكون عنده مشكلة

سعيد يمكن يموت !! او ديلا يمكن هي الي تموت !!
لا بعيد الشر ان شاء الله كلهم ايعيشون
رايكم في الشخصية الجديدة "عيسى"عاتي شخص طيب و علي نباته و ايهمه مصلتحته و ينصح و ايحاول ينصح عمار انه يغير من نفسه
نترياج لا تطولين

تسلمين حبيبتي ع الرد والتوقعات الحلوه __DEFINE_LIKE_SHARE__

يا ما بكيت على الاطلال · 02-16-2014, 12:05 AM

الجزء الثاني البارت 2

دنيا ~ بدايتها جميلة ونهايتها مؤلمة

مروان " فتحت عيوني ولقيت الكل حواليي, كل الي اتذكره اني كنت اركض, بس ليش كنت اركض ما ادري"

مايد باندفاع : شصااار ؟! انته بخير؟! ياخي تكلم طمني

مروان : مادري

مايد : ليش طحت كيف طحت, شو حسيت قبل لا طيح

مروان : ماااااااااااا اذكر شيييييي "غمضت عيوني بعدها ماحسيت باي شي"

مايد "حسيت بعمريه ان صوتي عالي, وهو هب ناقص, لكن والله من خوفي عليه, ما اريد افقده,
اساسا يسد الي راحوا والي يالسين يروحون عنااا, كل الي اباااه ترجع اياام اول, ايااااااااام كنا انام مرتاحين ونوعى مرتاحين
ليش انتي يا دنيا ه الكثر جاسيه ~ نزلت دموعي مع شعور ممزوج بالام والخوف ما احب اجوف مروان جذي"

راااشد: سااااااالم !! ليش انته فالمستشفى, عسى ما شر

سالم" كنت انتفظ, ما اعرف ليش كل جسمي بدا يرتعش"

راشد: ساالم انته بخير !!

سالم " انا بخير!! لا انا هب بخير, هذا اصلن حلم كل الي يصير حلم, بسك يا سالم قوم من الحلم وريحهم وارتاح"

راشد" تصرفات سالم غريبه, خفت يوم جفته يغمض عيونه, هزيته" : سااالم سااالم

سالم" لاااااااااااااااااااا لااااااااااااااااا هذا هب حلم, ليش ياربي ليش, انا تعبت تعبت"

راشد: ساااالم, ياخي لا تخوفني فتح عيونك, سالم ياخي خلااص بس

سالم " ابتسمت بحزن وقلت" : هيه انا بخير, يلا لازم اروح

راشد: وين بتروح!! صح ما قلتلي شو تسوي فالمستشفى!!

سالم" قلت بحزن وانكسار" : ديالا سوت حادث

راشد: شووو !! كيف

سالم: من بعد السالفه الي صارت في بيت يدتك ماردت البيت, دقوا علينا الشرطه وقالوا انها سوت حادث

راشد" قلبي عورني, كل الي حبيتهم بيروحون من ايدي" : كيف صار الحادث!!

سالم : كل الي اعرفه انها سوت حادث مع واحد

راشد: صجججج!! انزين منو ه الريال !! وشصار عليه

سالم: يقولون الريال في العناية المركزه بعده وحالته هب احسن من حالتها, مادري اذا تعرفه اسمه سعيد --------*

راشد: شوووووووووووووو

عزيز " الكل يسألني عن ريما, والله استحيت ما عرفت شو اقولهم, مليييت من ه الوضع, تصرفاتها تقهرني, انا كيف تزوجتها!! تورطت ورطه ما اعرف كيف اطلع منها, عزيز انته لازم تتصرف تصرف ثاني وياها, هب هي الي تمشيك ع كيف كيفها, يا انها تسوي الي ابييه يا كل واحد يروح فطريجه, انا مستحيل اسكت ع الوضع هذا"

ام عبدالعزيز: عزيييييز

عزيز " توني انتبهت ان امييه يالسه ترمسني" : هلا اميييه

ام عبدالعزيز: ابويه انته فيك شي!! ليش كله شارد بعيد

عزيز: ولا شي, بس مرهق شويه

ام عبدالعزيز : انته توكل ع البيت وارتاحلك كم ساعه, اصلن يلستكم كلكم هني بلا فايده, ما غير تهدرون صحتكم, جوفه اخوك مروان ساءت حالته من الهم والغم, ما يرتاح ابدا من يصبح لين يمسي وهو فالمستشفى بلا أكل بلا حياه

عزيز: ياميييييه تدرين عاد هذا سعيد مب اي حد

ام عبدالعزيز : ادري يولدي بس بعد غلط الي يالسين تسووونه, تبون كلكم اطيحون!! واحد ولا عشره, وان شاء الله سعيد بينش بالسلامه وبتفرحوبه كلكم

عزيز: ان شاء الله يامييه ان شاء الله

هدى "كنت ادور ساروه العله, دشيت الغرفه الي ييلسن فيها الحريم وجفت عزيز موجود, ما عرفت شو لازم اسوي, ارتبكت شويه بس انقذني الاتصال الي ياني, والحمد لله ان الاتصال من ولد خالتيه... كان حمدااانوه المتصل, اوييييييه من زمان عنه احس اني متلومه من اخر موقف صار... ما كلفت نفسي حتى ارفع التلفون وادق عشان اطمن عن ديالا, ما اعرف عنها اي شي من هذاك اليوم" : الو هلا حمدان

حمدان "كنت مضايج حيييل, حبييت افضفض لحد, مدري ليش هدى يت في بالي, بس والله من ارمس وياها احس براحه" : الو اهلين, شحالج هدى

هدى: الحمد لله , انته شخبارك!!

حمدان "تنهدت تنهيده طويله وبعدين قلت" : اسف هدى ع الازعاج, ماعرفت لمنو ادق غيرج

هدى: عسى ما شر

حمدان: تسمحيلي افضفضلج

هدى: ولو افا علييك خذ راحتك, وبعدين تراه ما ازعجتني بالكعس فرحت يوم جفت اسمك ع الشاشة

عزيز" فرحت يوم جفت اسمك ع الشاشه!! بلا حيا بلا وجدان"

حمدان: تسلمين كلج ذووق

هدى "طلعت برع الغرفه" : انزين يلااا انا اسمع وخذ راحتك

حمدان" خبرتها بكل الي صار"

هدى "تفاجأت من الي قاله حمدان, بس عاتبته لانه ما قالولنا ع الي صار"

عزيز " هذا منو الي ترمسه خطيبها!! هه لا ما اضن يمكن ربيعها, اصلن ه الاشكال وين تنخطب بعد, صج الخبيثون للخبيثات"

سلااامه "سجدت سجدة شكر لله, بعدني مش مصدقه والله مش مصدقه, اخيييييييرا" : الحمد لله الحمد لله الحمد لله

دانه "كنت ابجي من الفرح" : دخيييلكم خلوني اجوووفه, والله ولهت علييه

سواف" طرت من الوناسه يوم سمعت الخبر, لا ارادي حضنت وليدوه الكريهه" : وعييييج ما لقيت حد غيرك احضنه

وليد : اص جب الي يقول عاد انا الي حاضننك وميت ع حضنك , ه المره بسامحك بس عشان قومت سعيد بالسلامه

سواف : عااااااش عاد انا تقوول ميت بس عشان احضنك, هه ما اقول بس الا مالت عليك

حمد : هههههههههههههه وليدوه ترى لا تفكر يوم سواف حضنك يعني انه طاح الحطب امبينا

وليد : بس عاااد ييلااااا, قال طاح الحطب قال, اصلن منو قال اني اتريا منكم المسامح

سواف: اقوول حماااد خلنا نسامحه ع سلامه سعيد

حمد : هيه صح صجك, بنسامحه بس عشان قومت سعيد

وليد " مسحت ع شعري وطالعت فوق وقلت" : الله يزيدهم عقل بس

جدام غرفة العناية المركزة, وين ديالا موجوده:

راشد " ديالا الي داعمه سعيييييييييييد!! مستحيل, ليش جذي ياربي, ما ابي اكرها اذا صار شي لسعيد, ابتعدت عن الغرفه لان لساني لا ارادي يدعي عليها, ما ابي ادعي عليها لكن هذا سعيد معزته غير عن معزتها"

ديالا " فتحت عيوني, كان هدوووء فضيع اللهم اني اسمع صوت الجهاز طوط ويسكت فتره ويرجع نفس الصوت طوط, احس بألم فضيع, كل شي فيني متكسر, تذكرت آخر موقف صارلي"

نواف : ديالا عن السخافه قوليلي انتي وين الحين بالضبط

ديلا " كنت ارمس نواف ع الفون" : انته ليش داقلي, شو تبي مني!! انا كيف رديت عليك اصلن

نواف "بترجي" : الله يخليج ردي البيت, حتى انزلي من السياره احين , خليني ايج اواركبيلج تكسي, المهم ما ترجعين بسيارتج, حمدان وداها التصليح وقالوله ما الها غيار هنيه, لازم انيبلها غيار من برع

ديالا "كنت ابجي, حسيت بمذله يوم صفعني ابويه ع ويهي جدام الكل" : احسسسسسسسسن يوم ما صلحها, ان شاء الله يستوي اي شي بس المهم اروح من هذي الدنيا

نواف "بعصبيه" : استغفري ربج, تفكرين الموت سهل, يلا عاد يلا, قوليلي وين انتي احييييين

ديالا: جبببب انته مايخصك, اصلن انته اول واحد يبي الفكه مني

نواف "عصبت اكثر" : اصلن انتي مسويه كل هذا عشان تلفتين الانظار

ديالا "سكرت الفون بويههه, انا قلت يمكن صج تغير, لكن للاسف نواف عمره مابيتغير, كلااامه كان جارح, كنت اترياه يصر اكثر ويلين قلبي بحنيته بكم من كلمه عشان استسلم له, لكن للاسف خيب ضني, كنت اتمنى انه هو ع الاقل ما يفكر فيني بهذي الطريقه, انا ما ابي الفت الانظار, ابي ابعد شويه عن الكل عشان انسى المذله وارجع البيت, لكن بعد الي قاله نواف اتمنى اني ما ارجع"

بعد المكالمه زادت صرخاتي وتسارعت نزول دموعي, لا ارادي ريلي داست ع البترول, ما كنت مركزه فالسواقه, كنت الف فالشوارع الا جذي, كانت تردد علي اكثر كلمات كانوا يقولونها لي, بزيه دلوعه متصنعه, وكل ما ترددت ه الكلمات فراسي كنت ازيد السرعه واصيح بحرقه

ما جفت الطريج عدل, كانن عيوني متروسات دموع, كانت يايه سياره سرعتها ما تقل عن سرعتي, تلتف يمين ويسار كأن راعيها سكران,
رن تلفوني وابا اجوف منو المتصل لكن تلفوني طاح, وخيت شويه تحت عشان ايبه, مسكت التلفون ورفعت راسي, تغير مسار سيارتي فجأه صوب سيارة الريال السكران,
حاولت اضغط بريك لكن البريك اخترب, عطيته فول ليت عشان يبتعد هو وانا اصطدم فالحاجز الي محطينه عند الشارع الي يصلحون فيه,
ركزت فراعي السياره جفته مغمض عيونه وحاط ايده ع قلبه والايد الثانيه في مخباه, كانت بيني وبينه مسافه قصير عطيته هرن عشان يتفادى الحادث, فز وطاح شي من ايده,
مارام يسيطر ع نفسه, حسيته يتألم ومب قادر يسوق عدل,
تصادمن سياراتنا, ما كنت متوقعه اني بتم عايشه من قوة الاصطدام
قبل لا افقد الوعي كنت ادعي ربي ان ما يصير شي للريال وكل الي بيصيرله من ورى الحادث يصير فيني انا

توقعات البارت الثالث:

- حالة مروان بتتعدل ولا بتزيد سوء؟!

- شو بيسوي عزيز في موضوع ريما!!

- هل بتطور علاقة هدى وحمدان ولا بتوقف عند هذا الحد؟!

- اشتعلت نار الغيره عند عزيز!! ولا هذا مجرد ردت فعل الكره الي يكنه عزيز ل هدى؟!

- راشد يمكن يكره ديالا؟! ولا يمكن ينسى ه الكره بعد قومة سعيد!!

- شو بيستوي بين نواف وديالا من بعد الموقف الي صار قبل الحادث!!

- شو تتوقعون من تطورات ممكن اتصير بعد قومة ابطالنا بالسلامه ... (بين/وبين)
( دانه/سعيد, ميود/عزيز/هدى/حمدان, ديالا/نواف, ديالا/راشد, سعيد/ديالا, مروان سياف وليد سلامه وباقي الشخصيات)

__DEFINE_LIKE_SHARE__

Amooon_Alnahdi · 02-16-2014, 04:49 PM

تسلمين على هالبارت الجميل وزين انج ما طولتي بس للأسف قصير :'(..
مب مشكله بس اتمنى البارت الياي تتطولينه اكثر عن جي ..

- حالة مروان بتتعدل ولا بتزيد سوء؟!
اتوقع انها بتعتدل ..

- شو بيسوي عزيز في موضوع ريما!!
اتوقع يوم بيتناقشون فهالموضوع بيزل لسانها وبتطري شي من السالفه وبينكشف كل شي ..

- هل بتطور علاقة هدى وحمدان ولا بتوقف عند هذا الحد؟!
احس اني مب فاهمه , اللي اذكره انج قلتي ان حمدان خاطب وحده من بعيد عيل الحين شو اللي بينه وبين هدى , ممكن توضحيلي هالفكره ..

- اشتعلت نار الغيره عند عزيز!! ولا هذا مجرد ردت فعل الكره الي يكنه عزيز ل هدى؟!
اتوقع انها غيره ..

- راشد يمكن يكره ديالا؟! ولا يمكن ينسى ه الكره بعد قومة سعيد!!
بينسى الكره بعد قومة سعيد .. وشمسه بعد الحين راشد شو يستوي لسعيد وديالا !!

- شو بيستوي بين نواف وديالا من بعد الموقف الي صار قبل الحادث!!
اكيد بيقد يبرللها بس مابتسامحه ومابيردون نفس قبل ..

**امم اتوقع نايف بيعترف حق سلامه**
.
.
ادري كثرت اسأله بس احس اني ضايعه ومب فاهمه اتمنى انج تردين عاللي سألتج عليهم عشان اعرف ..

ووبس والله هذا اللي عندي وفأنتظار البارت القادم بححمماآآس.
__DEFINE_LIKE_SHARE__

يا ما بكيت على الاطلال · 02-16-2014, 07:16 PM

المشاركة الأصلية كتبت بواسطة amooon_alnahdi

تسلمين على هالبارت الجميل وزين انج ما طولتي بس للأسف قصير :'(..
مب مشكله بس اتمنى البارت الياي تتطولينه اكثر عن جي ..

- حالة مروان بتتعدل ولا بتزيد سوء؟!
اتوقع انها بتعتدل ..

- شو بيسوي عزيز في موضوع ريما!!
اتوقع يوم بيتناقشون فهالموضوع بيزل لسانها وبتطري شي من السالفه وبينكشف كل شي ..

- هل بتطور علاقة هدى وحمدان ولا بتوقف عند هذا الحد؟!
احس اني مب فاهمه , اللي اذكره انج قلتي ان حمدان خاطب وحده من بعيد عيل الحين شو اللي بينه وبين هدى , ممكن توضحيلي هالفكره ..

- اشتعلت نار الغيره عند عزيز!! ولا هذا مجرد ردت فعل الكره الي يكنه عزيز ل هدى؟!
اتوقع انها غيره ..

- راشد يمكن يكره ديالا؟! ولا يمكن ينسى ه الكره بعد قومة سعيد!!
بينسى الكره بعد قومة سعيد .. وشمسه بعد الحين راشد شو يستوي لسعيد وديالا !!

- شو بيستوي بين نواف وديالا من بعد الموقف الي صار قبل الحادث!!
اكيد بيقد يبرللها بس مابتسامحه ومابيردون نفس قبل ..

**امم اتوقع نايف بيعترف حق سلامه**
.
.
ادري كثرت اسأله بس احس اني ضايعه ومب فاهمه اتمنى انج تردين عاللي سألتج عليهم عشان اعرف ..

ووبس والله هذا اللي عندي وفأنتظار البارت القادم بححمماآآس.

مشكوره على الرد والتوقعات، حمدان وديالا خوان بس الام غير وهدى وراشد خوان ويقربون لحمدان ويستوي ولد خالتهم .. ام نواف وام راشد وام حمدان خوات... حمدان خاطب وحده من بعيد واما هدى تكون بنت خالته والسؤال هو يمكن حمدان تتطو علاقته بهدى ولا يمكن بتم علاقة قرابه ومن خلال الاحداث بتتوضح لج الامور ... راشد ما يقرب لديالا لانها من ام غير بس يقرب لسعيد ويكون سعيد ولد عمه... مع الاحداث بتتوضح اكثر مع مرور الوقت __DEFINE_LIKE_SHARE__

كلي فخر الامارات · 02-16-2014, 07:21 PM

السلام عليج كتابتنا
اشحالج
تسلم ايدج علي بارت الروعة و الابداع
توقعات البارت الثالث؟

- حالة مروان بتتعدل ولا بتزيد سوء؟! يمكن من يسمع خبر انه سعيد قام بسلامة حالته تتحسن الي الافضل

- شو بيسوي عزيز في موضوع ريما!! احتمال يوقفها عند حدها و احتمال ايقولها لو استمريتي جي بطلقج

- هل بتطور علاقة هدى وحمدان ولا بتوقف عند هذا الحد؟! لا علي ما اعتقد بتوقف لهذا الحد

- اشتعلت نار الغيره عند عزيز!! ولا هذا مجرد ردت فعل الكره الي يكنه عزيز ل هدى؟! لا احس اهو ايحبها بس ايكابر و يسوي عمره ايحب ريما و بيندم فل الخير يوم بيعرف انه هدي بتتزوج

- راشد يمكن يكره ديالا؟! ولا يمكن ينسى ه الكره بعد قومة سعيد!! لا راح ينسي الكره يوم بيعرف سعيد قام بسلامة

- شو بيستوي بين نواف وديالا من بعد الموقف الي صار قبل الحادث!! امم يمكن نواف يطلب السامح من ديلا و بيكون ندمان و يمكن هيه ما بتنسي الي صار لها

- شو تتوقعون من تطورات ممكن اتصير بعد قومة ابطالنا بالسلامه ... (بين/وبين)
( دانه/سعيد, ميود/عزيز/هدى/حمدان, ديالا/نواف, ديالا/راشد, سعيد/ديالا, مروان سياف وليد سلامه وباقي الشخصيات)

دانه و سعيد : احتمال الدانه تعرف انه سعيد في المرض و راح تعاتبه لانه ما خبرها و راح تهتم فيه
ميود: بيتم نفس ما هو الانسان الحنون و الي يخاف علي كل
عزيز : احتمال يندم لو دري انه هدي انخطبت
هدي: راح توافق علي ربيع اخوها
حمدان: راح يتصل لهدي و يستمر انه يشكي لها حاله
ديالا: يمكن ترضي و يمكن لا لانه ابوها صفعها جدام الكل
نواف: بيحاول المستحيل عسب يسعدها ويرضيها
مروان: يمكن من صدمته انه يمكن ابو سعيد يلوم ابوه و صدمه انه سعيد انه صار له حادث و انه تعب ها الكثر
سعيد: بيقوم بسلامة و اتمني حالة تتحسن و ايهتم بنفسه
سياف ووليد: يمكن بستامحومن و يصيرون وايد قراب من بعض و يمكن وليد يعقل و يوقف كذب
و نترياج ولا تطولين و نتريا البارت الي بعدو __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحل الغالي عني و تركني وحيدة	ضحية زمانـــــي	شعر و خواطر	6	03-20-2012 12:57 AM
ذا اللغز في الحيرة تركتي تركني ’’’	محروم.كوم	منتدى أخبار المواقع والمنتديات العربية والأجنبية	0	02-04-2012 12:10 AM
^_) يا مسافر عني عمان )_^___ تركني وحيد___	أمير الحزن	شعر و خواطر	3	08-07-2009 11:35 AM
إلى من تركني وحيدة	محروم.كوم	منتدى أخبار المواقع والمنتديات العربية والأجنبية	1	06-01-2009 02:44 AM
تركني بعــز احزانــي ... ~	AlNseem	تصاميم الاعضاء	34	04-06-2009 05:17 AM