تركني حبيبي وزوجوني اياك غصب - الصفحة 3

мѕ.ѠяЭǝиѕԋ™ · 04-06-2013, 07:42 AM

السلام عليجج خيتي

روايتج حلوه وعليها رمسه امررره ونترياج ف البارتات اليايه وان شاء الله بكون من متابعينج

بس لو سمحتي اذا نزلتي بارت خبرينه يبوج انا صايره نسايه هههه

وتقبلي خطفتي المتواضعه

خيتج مس جرينش __DEFINE_LIKE_SHARE__

يا ما بكيت على الاطلال · 04-06-2013, 04:11 PM

المشاركة الأصلية كتبت بواسطة мѕ.ѠяЭǝиѕԋ™

السلام عليجج خيتي

روايتج حلوه وعليها رمسه امررره ونترياج ف البارتات اليايه وان شاء الله بكون من متابعينج

بس لو سمحتي اذا نزلتي بارت خبرينه يبوج انا صايره نسايه هههه

وتقبلي خطفتي المتواضعه

خيتج مس جرينش

مشكوره الغلا ع الرد الرائع , من صج ردج حمسني واايد اني اكمل الرواية
وفالج طيب خيتوو __DEFINE_LIKE_SHARE__

يا ما بكيت على الاطلال · 04-06-2013, 04:18 PM

[align=right]
البارت الخامس :

الدانه " انا فوق في غرفتيه كان عندي مروان كنت ابجي من الخاطر وازاعج , قلبت غرفتيه فوق حدر كسرت ساماني الي ع التسريحة شرات الي فالمسلسلات , كان خاطري اجرب هالحركه من زمان وسويتها بدون شعور من القهر الي فيه , احين حسيت شعور الواحد يوم يكسر اغراضه " : مااااااااااااااااااااااا ابييييه مااااابيييه والله لاجتل عمريه احين عشان ترتاحون منيه , اذا انا ثجيله ع قلووبكم بموت وبيخف الثجل عنكم

مروان " اول مره في حياتي اجوف الدانه جذي , تبجي من الخاطر , كنت خايف منها وخايف عليها في نفس الوقت الدانه خبله عادي اتسويها وتجتل عمرها , الغرفه محووسه فوق حدر , الزجاج في كل مكان وانا للاسف مالبست نعالتي كأن مكتوب الحين بالذات وفي هذا الموقف اني انساها , انا بالعاده اربعه وعشرين ساعه لابس نعالتي , تخيلوا لدرجه اني احيانا ايلس ابها وانا هب حاس , تجدمت صوبها لكن وقفتني يوم شلت المقص من على التسريحة وحطته ع رقبتها "

الدانه " ما حسيت بديه الي تمسك المقص , ودي اغرس المقص في رقبتيه من القهر والذل الي عشته هالايام , جفت مروان متجدم صوبي " : لاااااااااا تقرب لا تقرب , ل ا ت ق رب ,والله لاجتل عمريه ان خطيت خطوه وحده صوبي

مروان " حاولت اهديها بكم من كلمة " : ادوووييين تخبلتي ؟! شو بتستفيدين لو جتلتي عمرج ؟! صدقيني كل شي ينحل بالهداوه " تجدمت صوبها ع سريع "

الدانه : اتفكرني اتمصخر ويااك " شمخت عمريه وكنت بغرس المقص لكن صرخات مروان وقفتني "

مروان " وطيت ع الزجاج ودخل في ريولي , اااااخ يعور حسيت بريلي تنزف , من صرخت الدانه زاغت و وقفت عن الي كانت تبي تسويه , وصلت عندها وضميتها لصدري بأقوى ما عندي , رصيت عليها ويلست اهديها "

الدانه " حضن مروان حسسني بالامان , اول مره في حياته يحضن حد , هو دايما يستحي وانا استحي اكثر هب متعوده ع جذي , ميود الي كان يحضني دووم يوم اصيح اما مروان ييلس يغايضني , يحب يغايض الكل , هزيت مروان وقلتله " : ابي ميوود , ازقر ميووود

مروان " الدانه وايد اتحب ميود وتفضفضله دوووم , وميود بعد يفضفضلها وانا احيانا يوم اكون مضايج اسير عندها والاقي ميود نقعد انسولف وارتاح نفسيا , سرت ازقر ميوود لانه هو الوحيد الي يقدر يهديها فـ هالحاله , هو الي يعرف شو فيها واكيد قالتله ليش رافضه فكرة الزواج , اتيني افكار واقول يمكن تحب سعيد , لان من نيتمع يسولفون ويا بعض مده طويله ومن انيب طاري سعيد ويها يحمر , كل شي بيتضح في يوم من الايام , بس مهما كان الوضع بكون في صف اختيه , مهما كان نحن بنتم اخوان , و الواحد ما يقدر يتحكم في قلبه ما يعرف متى يحب وليش يحب و منو بيحب , خلاص الزمان ما صار مثل اول كل شي تغير المفروض الكل يفتح عقله يغير افكاره ويتعايش مع العصر الي يعيش فيه , كل شي تطور وما زال يتطور اكثر فأكثر فلازم بعد نحن انطور مفاهيمنا وتصرفاتنا حسب الزمان والمكان الي عايشين فيه "

ميود " سحبني مريانوه ووقفنا بعيد لكن بعده تصرفاته غريبه و يصاصرني , ما يبي حد يسمع مع ان المكان الي واقفين فيه محد فيه " : اووف مرياانوه وخر عني

مروان " كفخته ع راسه " : ااااش قصر حسك , ابيك في موضوع مهم

ميود : انزين لا تلصق فيني, بعد عني اشويه , كأنك تهرب مخدرات

مروان : سير عند الدانه تبييك , تخبلت البنت

ميود " ع طول روحت ما سمعت باقي الكلام "

في بيت ابو خالد :

سياف : ولييييد انجلع يلااا

وليد : سيااااااااااااف والله هالمره بس

سياف : قلتلك انجلع

وليد : يعني هذا اخر كلام عندك ؟!

سياف : هيه ويلا اجلب ويهك

وليد : مااا عليه يا سياافو الشرهه هب عليك الشره ع هالغبي الي واقف يترجاك من الصبح , بس صدقني بتندم

سياف " ضحكت بستهزاء" : ههههههه زين يوم عرفت انك غبي هههه وبعدين اشوه الي بيندمني

وليد : بسير اليوم بيت قوم مهوور وبقولها انك مغازلجي درجة اولى

سياف " من قال مهور وقف قلبي , يربي شكثر احب هالانسانه , من جفتها وهي مو راضيه تظهر من بالي " : ومنو هذي مهور ؟!!

وليد : علييينا عليينا ادري يا حبيبي اتحبها وهي تحبك بس انته ما تعرف انها اتحبك وهي ما تعرف انك اتحبها ووو مره سمعتهااا ولا اقول خلني ساكت احسن

سياف " ما وحالها الدنيا ادور , اخ يا القهر احين انا بترجى وليدووه , وبيذل ابو اصل الي يابني " : شووو ؟! شو سمعتها

وليد " اوني اتثاوب , مع ان الحين الساعه 6 المغرب " : يلا عن اذنك بسير ارقد باجر ورايا دوام , تدري عااد يهال ولازم نرقد امبجر

سياف : منوو قال انك ياهل انته , لااا حشااك انته اصلن ريال بو شنبات وبعد كم من يوم بتظهرلك اللحيه

وليد : سبحان الله مغير الاحوال , احين انا استويت ريال , توك من ساعه ادقول ياهل

سياف " وانا اهز راسي " : محشوم محشوم يا وليد

وليد " اوني اسمع امييه تزقرني وبروحلها , بس اصلن هي ما تزقرني , بس عشان اذله مثل ما ذلني قبل شوييه " : هاااااا !! كأنها امييه تزقرني , " زاعجت " ياااي ياااي احين

سياف " مسكته من كشته " : وقف وقف بسوي الي تبيه بس خبرني شو سمعت مهور ادقول

وليد : يا ريال بطلني , عيب جذي امييه من ساعه اتزاقرني ما سمعتها !!

سياف : عن العياره عاااد لا تجذب ما زقرتك ولا شياته , ولا انته ما شاء الله تفو تفو عن الحسد ولد مطيع وبااار ما كأنك اطنش حد في هالبيت

وليد " اوني معصب " : سيااااف احترم نفسك عااد شو هالكلام الي ادقوله لاخوك

سياف " اووف عصبت منه هالجلب شكله ما بيقول " : رووح ول زيين هب لازم ادقول احين بسير عند مياسه وبتخبرني

وليد " ادعي في خاطري انه ما يطنشني ويروح ولا جذي كل الي خططتله بيروح , اووف ما يخلي الواحد يتغلى ع راحته " : هاااكي الدرب بس بقولك شي تراك انته في النهاية خسران

سياف : اووف احين شو بدقول ولا لا ؟!

وليد : بقول بس ع شرط

سياف : وشو هو شرطك اخ وليد

وليد : مثل ما قلتلك ادقول لابويه ان في مخيم من الخميس لين الثلاثاء , وهذا المخيم للي عمارهم 14 و 15 و اقنعه يخليني اروح , قوله يعني وايد بستفيد من هـ الكم يوم وبهر من عندك , اضن مب اول مره تخوورط ع بويه

سياف : اوووب اوووب من الخميس لين الثلاثاء ولا بعد ع مسوؤليتي واذا صارلك شي واكتشف ابويه انه مافي مخيم وانه جذبنا عليه والحبيب الي بعده ما طلع من البيضه رايح يصيع مع ربيعه في بوظبي , شو بيستوي اخرتها ؟! ما فكرت بالعواقب

وليد : السلام عليكم

سياف : طاااع طااع ايييه انته تعاال وين راايح , خلاص خلاص بقنعه بس هااا بعد انا عندي شرط

وليد " واخيرا " : اذا كان شرط تعجيزي من الحين قولي ولا اضيع وقتي

سياف : انا بسير وياك , تبا حياك الله ما تبا سير ول

وليد : اوك اذا جذي اتفقنا

سياف : يلا احين قولي

وليد : تس تس , اول دق ع ابويه احييين وحط السبيكر عشان اتأكد وخلاف بقولك

سياف : اووهيين علينا

وليد : ما ءأمن فيك " وانا اعدل نظارتي الطبيه " واعتقد هذا من حقي

سياف : اللهم طولك ياروح

فوق عند مياسه :

مياسه " كنت ارمس سلامي ع التلفون " : اووهين سلامي , والله استحي

سلامي : عن العياره عااد , هو يحبج ويبي يشوفج ويرمسج ويتأكد اذا كنتي تبينه قبل لا يخطبج

مياسه : سلامي والله هب مقتنعه , انا ما في بالي الزواج اصلن , وما فكرت في حياتي اني اخذ محمد , اخر واحد بي عبالي اذا فكرت في الزواج هو

سلامي " وانا مقهوره , محمد ريال ما ينعاب ومايستاهل الي قاعد يصيرله , يوم عن يوم يحب مياسه اكثر , ومياسه ما تبي تتزوج " : اوووهين ميااسه , يلا عااد خلي عنج حركات اليهال

مياسه : سلامي حبيبتي اقولها من الاخير ولا تزعلين , انا ما ابي محمد , ما افكر فيه كزوج , اذا بتزوج , بتزوج واحد احبه , وبعدين انا ما ابي اناسب خالتج , بناتها ما يعجبوني وخاصه هذي الي اسمها وديمه , ووو بصراحه بعد الاجواء هناك مو لذاك الزود , مما اعتقد اني بتأقلم , فياريت اتوصلين هالكلام لمحمد ولا عاد تفتحين الموضوع ويايه اكثر

سلامي " عصبت منها وخاطري ابند في ويها , احين شو بقول لمحمد , شو بقوله اذا سألني , اقوله ان مياسه ما اتفكر فيك كـ زوج و ماتبي تناسب عايلتكم ومن هالقبيل " : اوك على راحتج , انسي الموضوع , يلا احين ببند

مياسه : لحظة سلامه , لا تزعلـ " طاااع الحماره سكرت في وييهيي , ما عليه يا سلامووه , خليني اجوفج بس "

في غرفة خالد ودلال :

خالد " منسدح ع الشبريه ومقهور من حركة دلال الخايسه , حلفت اني ما ارمسها , هب راضي عليها "

دلال " يمكن امس زودتها , بس والله من قهري , احين اكيد هب راضي علييه , اووف يا ربي شو اسوي , ما قدرت امس ارقد واهو زعلان مني , حاولت اراضيه بس قلبي منعني , بحاول احين "

خالد " كنا نتبادل النظرات , شكلي معصب واهي شكلها متوتره , ياربي هي خايفه مني ولا شو بالضبط , انا ما ابيها تخاف مني , بس الي ابيه انها ما تعيد هالحركه , ما ابي نخسر بعض بسبب تصرفات الي بعض الناس يسمونها صبانيه , احب دلال وانا متأكد مليون بالميه انها تعشقني , هي شعبالكم ثقه يا حبيبي ثقه "

دلال " لازم اسوي شي , ما يصير جذي , تجدمت منه وانسدحت عداليه , وانا اطالع اليدار الي فوقي , تنهد وقلت " : خالد

خالد " سمعتها بس طنشت , انا حالف اني ما ارمسها , ومن صدجي ما برمسها اليوم كله "

دلال " على كل الي يصير امبينا انا احبه , ومستحيل اتخيل في يوم من الايام ما نكون ويا بعض , صدج ان نحن ما تزوجنا عن حب , لكن حبيته مع مرور الايام لدرجة اني ما اقدر اقعد ثانيه بدونه " : خلوود يلااا عااد , رد عليه

خالد " انا ودلال ما تزوجنا عن حب , بعد مرور سنه من زواجنا بديت احبها واغار عليها , وهي بادلتني الشعور , لدرجه كل خمس دقايق تتصلي تلفون وانا في الشغل , ادقولي ما تقدر تيلس في البيت بدوني , وتسألني متى بترد اميه مره , بس بعد ما برد عليها اليوم , ما فيني اصوم ثلاث ايام "

دلال " شويه وبصيح , ما اتحمل انه ما يرد عليه , احين شال في خاطره ومب راضي عليه " : خالد انا اسفه والله ما اعيد هالحركه , خالد الله يخليك قول شي , طمني , ادري انك هب راضي عليه , وانا ما اقدر استحمل هالشي , ما اقدر اتخيل فكرت انك هب راضي عليه , الله يخليك مررها هالمره , ما ارح اعيدها مره ثانيه "

خالد " حركت مشاعري , اكتفيت بهز راسي , مثل ما قلتلكم ما برد عليها اليووم "

دلال : يعني خلاص سامحتني ؟! تكلم عاد

خالد " هزيت راسي بمعني هيه سامحتج "

دلال : انزين ليش ما ترد علييه

خالد " طنشت كلامها وعطيتها الاذن الصمخه ,لان اذا سمعتها اكثر ما بقدر اكمل الي بديته , وبتكلم وانا ما ابي اتكلم اليوم "

عند راشد ونايف :

راشد : خلاص والله ما اقدر اتحمله اكثر , تصرفاته تقهرني , يحطم معنويات الواحد , كنت شاد حيلي وبكمل الماستر , بس احين خلاص ما ابا اكمل دراسه , كل الي ابيه اني افارق هالدنيا

نايف " عصبت من كلامه " : استغفر ربك يا ريال , اشووه كل ما صارلك موقف سخيف , قلت ابا اموت وارتاح , تفكر الموت راحه , تراه وراك عذاب قبر و حساب , ما تدري شو بيكون مصيرك , على اي اساس تتمنى الموت وانته هب مستعد لاخرتك

راشد : انته ليش ما تفهمني , احين الي يالس يصير وياي سخيف " نشيت بروح , مقهور منه , كل ما ارمسه او اشتكيله , ما يهتم وبتمصخر عليه " تدري عااد , الغلط مب منك الغلط من الي ياي يفتحلك قلبه ويشاركك همومه بس حسافه

نايف " مسكته من ايده " شفت كييف , عشان جذي ما احب اقولك شي , لانك عطول تزعل

راشد " خلاص انفجرت , ما اقدر استحمل اكثر , دموعي بتخوني اذا يلست اكثر " اناااا غلطاان , غلطان يا نايف , انته اصلن انسان اناني ما تفكر الا في نفسك اتحب حد يسمعلك بس ما تحب تسمع حد ( اكره هالصفه في الناس ويا كثرهم والله ) دووم جذي تقفطبي ما تسمعني, ارمس واخر شي اكتشف انك لاهي بشي ثاني , حسافه والله ما هقيتها منك يا ولد العم , لين اهنيه وبس انسى واحد اسمه راشد , انا اكره الناس الي مثلك ومستحيل تستمر علاقتي وياهم مادام انهم مصدر ثاني يسببلي الضيق , الي فيني مكفيني " روحت وخليت ورايه كتله متجمده , ما تعرف شو شعوره فرحان ولا منصدم "

نايف " ما توقعت ان راشد شال في قلبه كل هذا عليه , يمكن اكون غلطان بس والله انا اتصنع اني ما اسمع , بس حاسبه والله اخاف اقول كلام يزيد من ضيقته عشان جذي امثل اني هب مهتم "

راشد " ما حسيت بريولي الي قادتني لبيت يدوه , من يضيق صدري يا اكون عند سعيد او اكون عند نايف , بس معظم وقتي ويا نايف , بس بعد الموقف الي صار مستحيل اروحله , سعيد يفهمني اكثر "

سعيد " كنت امشي في الحوي , لمحت راشد , شكله تعبان ومضايج , من نيلس ويا بعض نرمس عن همومنا وكل واحد يضيق بخلق الثاني , بس نرتاح , ع الاقل حد يسمعك " : حيا الله ولد العم , شحااالك ؟!

راشد " خلاص حظنت سعيد ونزلن دموعي "

سعيد " انصدمت اول مره اجوف راشد يبجي " : افااا افااا يا ولد العم , منو مكدر بخاطرك , منو الي ما يستحي ونزل دموعك الغاليه

راشد : اااااخ يا سعيد والله تعبت محد يفهمني غيرك , ضايقه فيني الدنيا

سعيد " سحبته ورحنا الميلس , فتره صمت سادت امبينا , قطعها راشد بتنهيده طويله " : شو الي مكدرنك

راشد : خلنا احين من هذا وقولي شو صحتك ؟!

سعيد " راشد الوحيد الي يعرف شو فيني " : والله ما ادري شو اقولك

راشد " حسيت بخوف مدري ليش " : سعيد , قولي بصراحه وطمن قلبي

سعيد : حالتي متدهور , صرت اسوء عن قبل

راشد : شو قالك الدكتور

بثنيه " اخت عامر " : هلا هدووي شحالج ؟!

هدى : كالعااده يالسه في غرفتيه وانتي؟!

بثنيه : الحمد الله ع كل حال , انا بعد كالعاده ويا العيال , واحين يالسه في بيت اهلي كم من اسبوع

هدى : حيااه روتينيه ممله

بثينه : ع الاقل انا مشغوله بالعيال , الا انتي ما قلتيلي ما شي مني مناك خطاطيب

هدى : ههههههههههه لا والله وبيني وبينج ما ابي اتزوج كرهت شي اسمه زواج

بثينه : انتي بعدج متعقده من السالفه الي استوتلج

هدى " تنهدت " : نصيييييب , الدنيا نصيب وما فاليد حيله

بثنيه : كيف جذي يفصخ الخطبه وانتي بنت عمه

هدى : ما اقول الا الله يسامحه

بثينه : كيف جذي مفروض يوثق فيج انتي بنت عمه , هب جي على عماه يصدق الكلام الي سمعه ويفصخ الخطوبه بدون ما يسمع لتبريراتج

هدى : الله يسامح الي كان السبب , الحين خلاص هو ريال متزوج , الله يهنيه ويسعده

بثينه : ما شاء الله عليج بعد كل الي صار تدعيله وتتمنيله الخير

هدى : ما اروم ع الحقد , ومهما كان يبقى ولد عميه والحقيقه بتظهر يوم من الايام , اهم شي ان اهلي مصدقيني وقليل هالايام الاهل يصدقون كلام بناتهم حتى لو واثقين في تربيتهم اميه بالاميه , بس يظل الشك موجود , الا خبريني عنج شو مسويه ويا ريلج

بثنيه : ماشي , قليل ما نتلاقى بس يشوف اليهال فالسنه حسنى ويختفي

هدى : شفتي هب الي ولد عميه , هذا هو بعد ولد عمج وجي مسويبج

بثينه : تعرفين الي قاهرني انه اذا كان يحب وحده ثانيه ليش اساسا تزوجني , انا سألته يوم يا يخطبني , قالي لا ما احب حد , والله لو ما العيال كان تطلقت من زمان , احين لا مطلقه ولا متزوجه , جذي معلقه ماا اعرف وين بتوصلنا الايام

في بيت ابو عامر :

نوره " جفت عمار شاق الحلج , يجوف عمره في المراية ويعدل غترته وعقاله , الا انكد عليه " : يقولون بعض الناس رايحين يخطبون , والبنت الي بيخطبونها " سكت ما كملت كلامي لاني اعرف انه مستحيل يسكت هههااااي "

عمار " نوروه الجلبه , تحب اتغايض , بس ابا اعرف شو تبا ادقول " : كملي كلامج ولا خايف

نوره : انــــــــــــــأ انــا !!

عمار : لا انا

نوره : لا عيوني مب خايفه " قلتها بسرعه : والي بتخطبها ما تبييك بس غصب اترز ويهك وتاخذها , يا خي الي ما يبيك حله عنه

عمار " عصبت وان مسكتها محد بيفجها مني حد " : انتي شقاعده اتخربطين , اقسم بالله ان ما التعنتي من جدامي يا ويلج

نوره : واااايه خوفتني , ارتجف لااا

عمار " مسكتها قبل لا تشرد وحست ايدها " : بتنجبين انتي احينه ولا شو ؟!

نوره " فجيت عمري منه , ورمست وانا كلي جديه " : انته ما تلاحظ تصرفاتك ؟! ليش انته غير عن البقيه ؟!

عمار : ياهالو بعد ظهرلهم لسان

نوره " وانا رايحه عنه " : شوف تصرفاتك ويا خوانك بالاول , وثانيا البنت الي رايح تخطبها ما تبيك , فالاحسن انك اتودرها

عمار " ركضت صوبها وثبتها ع اليدار , اجوفها بعصبيه " : انتي شدراج ؟! شخصج اساسا , شو الي حارنج في الموضوع

نوره : انــــا

عمار : انتييييييييييييي شووو ؟؟؟!

نوره " اوووف شو اقولك ؟! اقولك يعني تحب واحد غيرك "

عمار : تكلمي

نوره " بقولها والي فيها فيها " : اتحب وااااااااااااااااحد غيرك " احس بحراره في خدي , نزلت ايدينه وروحت وانا دموعي يترين الاشاره عشان ينزلن , صادفت عامر وسحبني للغرفه "

عامر : نويير حبيبتي اي واحد البس هذا اللبس ولا هذا

نوره " ضحكت في داخلي , انا وين وعامر وين , ع الاقل عامر احسن من غيره , دووم يسألني يوم يبا يتكشخ ع قولتهم انا ذويقه , احلى ما في عامر انه ما يعتبرني بنت صغيره , يعاملني مثل ما لازم يعاملني , احبببه " : هذا , الا كيف بتسير وياهم وانته لا بس بدله

عامر " وانا افتح الدرج الي فيه القرافيته " : لا عيني ما بسير , انا مسافر شغل كم من يوم " انتبهت لخدها محمر " شوو فيه خدج ؟ّ

نوره : هههههههههههه ضرسي يعورني عشان جذي منتفخ

عامر : اتقصين ع منو انتي , لحظه لحظه , لا يكوووون

نوره " قاطعته , ما ابي مشاكل بين عامر وعمار " : اوووف ليش محد يصدقني في هـ البيت , صدج صدج ضرسي يعورني

عامر : انا متأكد انه ضربج , بس ما عليه انا براويه " رحت بضارب وياه لكن نوير زختني "

نوره : عااااااااااااااامر الله يخليك خلاص ما نبي مشاكل , بعدين عادي يعني مب اول مره يضربني

عامر : وليش تسمحيله يضربج في كل مره

نوره : يعني اوونك عاااد ما تضارب ويا حد , نحن جذي من نتلاقا لازم نتضارب صار روتيني يومي في حياتنا يعني اونك يعني ما تعرفنا , جذي هم الاخوان

عامر " بدلت ملابسي واختارتلي القرفيته , طلعت وحصلت عمار طالعته باحتقار "
عمار : ايييه بلااك جذي اطالعني كأني ماكل حلالك

عامر "سويتله طااف "

عمار : خ يولي زييين

جواهر : اوووووف اوووف مهوووور , والله ما اقدر

مهره : يااا حماره حاولي ويا اهلج , مستحيل ما يوافقون

جواهر : اليوم خطبة اخويه ولازم اسير وغير جذي انتي من صدقج هذا عماروه بيوافق , والله لو درا ييكسر راسي

مهره : اووف شو هالاخو المعقد

جواهر : الا معقد قولي مريييض

مهره : بس ياحيوانه , نحن متفقين ويا البنات اروح نتعشى في مطعم اسطنبول , لا تفوتيين ع عمرج الفرصه , بدوونج السيره هب حلووه , نبا انسوي اكشنات

جواهر : لااا تقهريني فوق ما انا مقهوره , انتي عبالج ما ابا اسير , انا اصلن اول وحده اركب السياره

مهره : عيل حاولي ويا اهلج

جواهر : مهوووووووور انتي تعرفين ابويه ما عنده مشكله واذا ع عامر لو تبين اهو بروحه بيوصلني لكن المشكله توقف عند عمار

مهره : اذا ابوج موافق هو ماله كلمه عليج

ميود " حاظن الدانه ويالس اهديها , ترتجف اضن ضغطها نازل من العصبيه والصياح " : الله يهديج ما يحتاي اتسوين كل هذا , كل شي ينحل

الدانه : ما سمعته ابويه شو قال , نهايتي قربت

ميود : صدقيني الخطوبه ما بتم , ابويه لان وبدا يغير رايه , كلام اميييه اثر عليه , كلنا هب راضين ما دامج هب راضيه

الدانه : وناايف يعني ما تعرفه , بيسوي المستحيل عشان ابويه ما يغير رايه

ميود : انتي ما عليج هذا نايف خليه علينا , سيري احين بدلي ملابسج وتكشخي , خلي راسج مرفوع جدامهم كلهم , لا تعطين لكلامهم اي اهميه , ان سألوج انتي موافقه قولي لاااا ومن طرف خشمج بعد

سلامي : كنت متكشخه ونازله من الدري حصلت مروان يعري والدم يسيل من ريله , ياخي من اجوف الدم يا يدور راسي يا اتيني حاله هتسيريه من الضحك " : هههههههههههههههههههه

مروان " كان من صدج يعور , الدم ينزف واايد , ابااا لزقه احين ضروري , ياخي كل ما اشتري لزق جروح ايلس العبه ما اخلي مكان ما الزق عليه وكل شويه ابدل اللزق , استاهل , انا الغبي الي ما احتفظ بالاشياء لوقت الضروره , جفت سلاموه الخبله تضحك " : اييييه الخبله , بلاج تضحكين عليه , يعني ما جفتي في عمرج واحد ينزف , ولا تجوفين جدامج مهرج

سلامي : هههههه السموحه منك , بس والله هب بأيدي , انا جذي من اشوف الدم اضحك

مروان : هاا ها هاهاااا

سلامي " قربت عنده وانا بعدني ع الحاله نفسها بس في تطورات الي هي حتى صبوعي ما اقدر اكسفهن او المس بصبعي اصبوعي الباقيات , يعني لو مسكت قلم ما بقدر ارص عليه واكتب فيه زين " >>>>> (هذا شي من الواقع , يعني في ناس جذي يصيرلهم يوم يسمعون عن الدم والامراض او يشوفون حد ينزف , يا يصيبهم دوار او يهسترون بالضحك ) : والله من صدجي ارمس انا

مروان : انزين صدقتج , بس عندج لزقه

سلامي : هيه عندي بس يالذكي بتتبطل لن الريل من تحت بسرعه تترطب

مروان : اووهين بدت الفلسفه , بتعطيني انتي احين ولا شو , وبعدين خلاص لا تضحكين طفرتيبي تراج والله اني مويوع ولالي خلق

سلامي : ههههههههه انزين انزين , تعال ويايه

مروان " لحقتها بس جفتها ترقى الدري " : اييييه انتي يالخبله تجوفيني بـ هالحاله ما اقدر امشي , تبين اترقيني فوق بعد , هب زين اضغط ع ريلي , جذي بتنزف اكثر

سلامي : احييين منو يتفلسف ع الثاني ؟!

مروان : انزين يلا سيري يبيلي لزق

سلامي : احلف بس انته , شو تجوفني خداامتك

مروان " يلست اتمصلح عليها " : يلا عاااد سلامي, حبيبتي انتي , ادريبج انتي ما اهون عليج اصلن

سلامي : ههههههه خلاص خلاص بسير ايبلك لا تترجاني اكثر

نايف " كنت ساير غرفتــي عشان اتسبح وابدل ملابس وبعدين اخلي اميه ولا سلامي اتسويلي دخون , بس جفت مروان وسلامي الي مطيحه وياه الميانه ويالسين يضحكون , حسييت بالقهر و الفضول في نفس الوقت , بالقهر ان سلامي ماخذا راحتها ويا مروان ودوم اتسولف وياه , بس انا من تجوفني كأني جاتل ابوها او حد من خوانها , وبالفضول على شو يالسين يضحكون هالكثر " : مروقيين الحبايب اليوم , من وين طالع الشمس اليوم

مروان " حبيت استهبل ع نايف واعصبه " : اكيد من الشرق يالغبي يعني من وين بتكون طالعه , ولا يومين من الشرق ويوم من الغرب

سلامي : ههههههههه تصدق يمكن والله بس والله حلوه حلوه كثر منها

مروان : فديييييييييييييتهم " غمزتلها " دامها عيبتج بكثر منها

نايف " عصبت منه لدرجه ودي اكفخه " : الله ونعمة العقل " ورحت غرفتــي وانا معصب "

مروان : يلااااا عااااد روحي يبي اللزقه , ذليتيني تراج

سلامي : بسم الله , والله احيين بيبها , بس بسألك سؤال احين متى انا ذليتك

مروان : سلاااااااااموه

سلامي " ركضت اييب اللزقه قبل لا يجتلني "

بيت يدووه :

يدووه : والله ياولدي مافيني حيل اسير هناك , اشعنه ما يخطبونها هني في بيتي

ابو سعيد : الله يهدييج يا اميييه كيف بعد يخطبونها اهنيه , وبعدين تراها الا خطوبه يعني ما يحتاي اتسيرين

يدوه : وااااايه يا عليييوي كيف بعد ما يحتاي اسير خطبت بنيتي دلوول

ابو سعيد : الدااانه الداانه هب دلوول , الله يهديج ويصلح بالج , بعدين اميييه لين متى بتمين تزقريني علييييوي

يدوه : خلنا احين من هالسالفه , الا انت هب ناوي تتزوج

ابو سعيد : لا تفتحيين هالسالفه ولا تراني بعصب

يدوه : خلاص خلاص , لا تعرس عنك ما عرست بس ع الاقل خل سعوود يعرس خلاص احين صار كبيير

ابو سعيد : فااله طيب يا بنت رشوود , كاانه بيعرس بندورله احلى بنت فالامارات كلها

سعيد " كنت نازل وسمعتهم يرمسون عن العرس " : الله يهدييج يا يدووه انا بعدني صغير ع العرس

يدووه : ويين صغيير وانته كبر البقره

سعيد : اهـيييييييييء والله كبيره في حقي

يدوه : خل عنك المصاخه ويلا عزم ع العرس , هاكي بنت عمك اليوم بيخطبونها وبتعرس

سعيد : عمومتي يا كثرهم والله , منوووو منهن

يدوه : قوول ما شاء الله تراهم الا 4 مدري خمسه , وليش انته ما تعرف ان دلال اليوم بتعرس

سعيد "شكلها يدوه خرفت حتى عيالها ما تعرف كم واحد : هههههه الله يهديج يا يدوووه دلال من سنين معرسه , شكلج خرفتي
يدوه : يالخااام

ابو سعيد : الدانه امييه الدانه

يدوه : انزين وانا اشووه قلت , قلت الدانه بتعرس

سعيد " كأنه حد جب عليه ماي حار " : منوووووو ؟!

ابو سعيد : شبلاك جذي كأن حد صافعنك كف , الدانه بتعرس ما قلنا شي

سعيد : كيييف جذي بتعرس مني والدرب , انا مايخصني احييين يلغون الخطوبه

ابو سعيد " تفاجأت من ردت فعل سعيد , ما توقعته بينصدم لـ هدرجه , عبالي يعرف ان الدانه بتنخطب " : من صدجك احيين

سعيد : انااا ناوي اخطبها , مايخصني يرفضونه يعني يرفضونه

ابو سعيد : واشعنه ما قلت من زمان عشان نخطبها لك

سعيد : كيف تباني اقولك وانا بعدني ما خلصت دراسه , وشغلتيه هب ثابته , لازم ءأسس مستقبلي بالاول وبعدين اخطب البنت , كنت ناوي اخطبها من اخلص

ابو سعيد : انزين حتى ولو كان قلتلي عشان انحيرها لك , والحين شو انسوي , خلاص مالك نصيب فيها

سعيد " عصبت وكنت بكسر البيت , لكن ما اقدر اقلل من احترام ابويه بتصرفاتي " : لازم يرفضونه , انا ولد عمها واحقلي ابها من الغريب

ابو سعيد : احين خلاص العرب بيون وبيخطبون , والبنت اكيد موافقه ولا ما بيخطبون رسمي

سعيد : خيروووها , وان قالت تباه انا مستعد اني اتنازل عنها

ابو سعيد " اتنهدت , الله يهديك يا سعيد , احين كيف بتصرف , لازم ارمس اخويه واجوف رايه في الموضوع

نايف : هلااا بولد العم , نورت البيت

سياف : امنور بوجودك

نايف : حياك حياك اقرب

سياف : الله يحيك , قريب

نايف : خلنا ندخل الميلس , من زمان ما شفناك يا الممثل

سياف : ههههه اي ممثل الله يخليك , الوالد الله يهديه وقف في مستقبلنا

نايف : عن العياره عااد , هو من صدج ياااه , ماقلت بتمثل خليجي , قلت اجنبي الله يهديك , ما يقولونها جذي فجأه " غمزتله " اول قوله خليييييجييي خلاف حول اجنبي

سياف : ههههههه , خلك من هذا , الا اليوم عزيمه عندكم

نايف : جفت عااد , ادوووين بتنخطب

سياف : قالولي انته اول واحد اموافق

نايف : خخخخ هيه لااازم بوافق ما دام عمار خاطبنها

سياف " ميود قالي عن كل شي , نايف ما يرفضلي طلب , قلت بجوف ردت فعله يوم بقوله هالكلام " : واذا كان واحد ثاني خاطبنها , بتوافق ؟!

نايف " استغربت من سؤاله " : على حسب

سياف : مثلا

نايف : مادري قلتلك على حسب

سياف : يعني في امل تغير رايك , اذا كان ابو على حسب موجود ؟!

نايف : هههههههه مادري

سياف " رمسته بجديه " : اذا قلتلك انا من قبل كنت ابا اخطب الدانه بس عمار سبقني وانا بعدني اباها لين احين, بتوافق ؟!

نهاية البارت الخامس

وبداية البارت السادس :

البارت السادس :

انا وحبيبي حبنا غير يا ناس ..
فيه بيننا حب وعدوه وصداقة
نزعل ونرضى ونتصافى ..
والاحساس .. إن خاننا بالصمت عشنا الرواقه ..

الدانه نزلت تحت , عمار طلب يجوفها , طبعا ابوها ما عارض

فالصاله الخارجية :
عمار " يالس اتحرقص , اخيييرا بجوف حب الاول نظره "

الدانه " كنت امشي بطيييء , كنت اتمنى يظهر الكل من ورى الباب ويقولي سبرايز , كل شي كان تمثيل , كان ودي يكون سعيد الي سايرتله , او ان سعيد واقف ويمدلي اييده ونشرد ويا بعض , قازه عمري وقازه الشخص الي يترياني "

عمار " اجوف ساعتي تأخرت ولا انا من كثر الحماس احس كل ثانية عن سنه "

الدانه " دخلت ميلس الحريم , انصدمت من الشخص الي يالس , شكله يجنن , ما يجوفني يجوف تلفونه وشكله مندمج "

عند نايف وسياف :

نايف : ههههههههههههههه حلوه حلوه والله حلووه بس لا تعيدها , خل عنك هالخرييط ويلا خلـ ندخل

سياف : انااا ما استهبل ويا ويهك , يعني شمعنه وافقت ع عمار وعليييه ما وافقت

نايف " هذا احين يمتصخر ولا من صدجه " : سيااافووه من صدجك

سياف : هيه من صدجي , وبعدين حتى سعيد ناوي يخطبها , وما يدري انها انخطبت

نايف : انته احيين تبااها ولا شووو ؟!

سياف : هيه اناا اباها وسعيد يباها وهذااج ربييعك بعد يبييها

نايف : اجووف اختيه صارت حلااوه

سياف : انا اقول خلها تختار , وانا راضي بالي بتختاره , انا ولا سعيد ولا عمار

ابو سعيد دش الميلس " سلمت ع الريايل وكانت عيوني ع اخويه "

ابو عبد العزيز " كانت نظرات علي كلها حزن , كاني عرفت شو سبب الحزن "

ابو سعيد " اشرلي اخويه بعيونه , وانفردنا "

ابو عبد العزيز : علي , انته بخير ؟!
ابو سعيد " نتهدت " : ليش جذي سويت يا خويه

ابو عبد العزيز : كل شي نصيب

ابو سعيد : والكلام الي متفقين عليه قبل ثلاث سنوات

ابو عبدالعزيز : بس سعيد ما تحرك ما قال ابييها

ابو سعيد : ولديه يوم درى قلب البيت فوق حدر , كيف تبي الولد يخطب البنت قبل لا يأسس مستقبله , الولد ظهر يفكر احسن مني ومنك , ع الاقل هو ما خطبها لانه يبا يأسس حياته ما يبا البنت تعيش حياه ما يرضها لا الها ولا له

ابو عبدالعزيز : بس تدري انته ما كنا متأكدين من شعور سعيد , وانا ما بوقف في نصيب البنت

ابو سعيد : بس نحن محيرين البنت لسعيد , المفروض تعطيني خبر قبل لا تسوي هالشي , تدري اني انا اليوم انصدمت , ما كنت اعرف بالي يصير من ورايه , يوم سمعت الخبر خليت عمري اعرف عشان ما اطيح من عين الكل

ابو عبدالعزيز : انا اسف يا خويه

ابو سعيد : لا تعتذر ما اقدر اقول اني سامحتك , ما بقص عليك وع نفسي " روحت قبل لا اسمع ردت فعله "

عند الدانه :

" رفعت راسي , وجفتها جدامي , شكلها حلوو , وكااشخه بعد , هذا الي خلاني احزن اكثر "

الدانه " انصدمت يوم رفع راسه " : سعييييد؟!

سعيد " قمت واتجهت صوبها , بقهر وحره " : هيه سعيد , سعيد الي من خطبوج نسيتيه ع طول

الدانه : سعيد لا تقول جذي , انا اصلن اهنيه عشاان

سعيد : عشااان شوو , عشااان اتجوفينه و ادقوليله اموافقه

الدانه : لااا سعيد ارجووك لا تفهمني غلط , انا هني عشان اقوله يوخر عن طريجي ما ابييه

سعيد : هه وهذي الكشخه عشان شوو ؟! عشان تغرينه ويصر عليج اكثر

الدانه " رفعت ايدي بدون شعور وطبعتها ع ويه سعيد , وانا ابجي " : هذي الكشخه عشان من اطلع من عنده اييك ع طوول , عشان اوقف في ويه الكل , واقول انا ما ابيييه , عشااان يجوفون شكثر اني قويه ومحد يقدر يفرض رايه علييه , عشاان يجوفون شكثر ان اصرارهم ما منه فايه واني فوق هذا اتحديت الحزن وبعدني مصره ع راااي

سعيد رفعت ايدي ومسحت دموعها : انااا اسف , بس مجرد اني اسمع انج انخطبتي اعصب ما اقدر اتحكم في اعصابي , انتي لي محد يقدر يفرقنا غير القدر

: برااااااااااافوو , براااااااااااافووووو

عند سلامي :

سلامي " ياني اتصال وطلعت برع اتكلم " : نعم اخويييه ؟! عيد عيد شوو قلت

: مثل ما سمعتي تجهزي خلال يومين بي وباخذج

سلامي : وبأمر منوو ان شاء الله

: مثل ما قلتلج يومين وبحطي حد لـ هالموضوع

سلامي " عصبت فوق اصراره الي يلوع بالجبد هب فاهمه ليش بعد كل هالسنين دخل حياتي مره ثانيه " بانفعال : لااا عااد تتصل مره ثانيه ع هـ الرقم والا والله لتجوف شي ما يعجبك " وسكرت في ويهه

: سلااامه !!

سلامي " لفيت ع ورى " : ناااايف ؟!

نايف : منو هذا الي ترمسينه ع الفون ؟!

سلامي " طااااع هذا بعد معصب ولا يعرف السالفه , مشيت صوبه وضرب كتفي فكتفه بقوه " : هب ناقصتنك بعد انته الثاني و ياريت ما تدخل في شي ما يخصك , ولا عااد تخلي عمرك ذااج الريال الي يفرض كلمته ع الكل " وروحت وعلامات الدهشه ع وييه

في بيت ثاني في حي اخر :

: مرحبااا بولد الخاله , اقرب اقرب

راشد : قريب قريب

: وشحالك يا راااشد وين من زمان عنك

راشد : بخير ربي يسلمك , الا تعال وين من زمان , سويييلم خل عنك الخرط , امسات جايفك

سالم : خخخخ انزين بعد هذي تسميها جووفه الا من بعييد وبالصدفه بعد

راشد : خخخ الموهيييم وين خالتيه عيل

سالم : خااااالتييييه فالمطبخ

راشد " وانا اضربه ع جتفه " : عن الجذب عااد , انا ما اقولها جذي

سالم : اوكي اوكي بس تعال ورايه عشان اتسلم عليها واروح اندردش ويا بعض

راشد : السلم اصطلب

سالم : ههههه ع ما ضن ما قلت شي غلط

عند الدانه وسعيد :

الدانه : سعييييد فج الريال بتجتله , سعيييد ما فينا ع المشاكل

سعيييد : انتي ما يخصج خلج بعيد ولا خاايفه اجتل الي ناويه تتزوجينه

الدانه " صرخت من قهري " : سعييييييد بس عاااد , انته تعرف ش اقصد عدل , والحين ممكن اتفجه ونتفاهم

عمااار : ههههههههههه حلوه حلوه التمثيليه

سعيد " كنت ماسك عمار من رقبته ومثبتنه ع اليدار , ودي اجتله " : جاااااااااب ولا كلمه والا والله لاجتلك احين اهنينه

عمار " عصبت فوق وقاحته يحسب اني انا الغلطان , وااقف ويا البنت الي اليوم بتصير خطيبتي , وانا اكون الغلطان , دفرته " : جووف يا ولد الناس , انا مابيني وبينك شي , انته توكل وانا بمشي ع الموضوع ولا كأني جفتكم , ما ابي مشاكل , وهذي البنت من اليوم ورايح خطيبتي , مالك شغل فيها , ولا عاد تلتقي وياها

سعيد " عطيته بكس , كان ودي اضربه اكثر لكن الدانه زاعجت ولمت البيت فوق روسنا "

ابو سعيد " اااخ يا سعييد , زدت الطين بله " : سعيييييد ودر الولد , والا والله لا انته ولدي ولا اعرفك

سعيد " فجييته "

عمار " كنت بضربه , لكن ابويه وقفني وسحبني ع صوب " : عمااار وقف لا تسوي شي , خل نعرف السالفه قبل , وكل شي ينحل بالتفاهم

ابو عبدالعزيز " فوق ما متفشل لان عزيز ما يا , زادت فشيلتيه بعد الي سواه سعيد "

فالميلس :

ابو سعيد و مروان و مايد ع صوب , سعيد وابو سعيد ع صوب , ابو عامر وعمار ع صوب

سعيد " كنت اجوف الي ما يتسمى بقهر "

عمار " كنت اجوفه وودي ادفنه اهنيه "

ابو عامر " وقفت , ووقف الكل ويايه ما عدا سعيد و عمار " : اسمع يابو عبدالعزيز , اذا كان ولد اخوك يبي بنتك نحن بننسحب , ما بندخل بين العايلتين

عمار " انصدمت من كلام ابويه " : ابوووويه

ابو عامر : عمااار , اذا نحن تكلمنا انتوا مالكم كلمه

ابو عبدالعزيز : والله يا خويه مادري شو اقولك

ابو عامر : سعيد انته تبي بنت عمك ؟!

سعيد " وقفت وقلت من طرف خشمي " : بنت عميه واحقلي من الغريب

ابو سعيد : سعييييد , ارمس بأدب

سعيد : اعتقد ما قلت شي غلط

ابو سعيد " جفت نظرات اخويه لولديه , فقررت انسحب " : سعيد اتبعني بدون كلمه

نايف " عرفت بالساله ودخلت انا و سياف ع طول الميلس " : عميه وقف , محد بيطلع من البيت زعلان , احين ايب الدانه واهي الي تحدد منو تبا , هذي حياتها وهي الي تحدد مصيرها لانها هي الي بتعيش سواء كان عمار او سعيد او اي واحد ثاني اختيارها

الدانه " دخلت الميلس "
ابو عامر " جوفي يبنتي هذا عمار جدامج وهذا سعيد ولد عمج بعد , كلهم مستعدين يفدونج وهم شارينج , مهما كان اختيارج ما راح يأثر ع الصداقه الي امبين العايلتين

نايف : الدانه , عمار و سعيد و سياف , كلهم يبون يخطبونج , انتي اختاري اي واحد اموافقه عليه وكلهم بيرضون بالقرار

سعيد " حتى سيااااااف !! "

الدانه : انا مواافقه ع سعيد

عمار " طلعت من الميلس وانا مقهور وما اعرف شو اسوي , خلاص يعني البنت الي احبها ما راح تكون من نصيبي , يعني البنت طلعت اتحب صدج مثل ما قالت نوييير "

ابو عامر " باركتلهم وظهرت ورى عماار , مهما كان هذا ولديه وما ارضى انه يطلع زعلان

ابو عبدالعزيز " متفشل من الي صار " : سعييييد يوم تبي البنت اشعنه ما رمست قبل , اشعنه رمست اليوم , يعني لازم اتحطني في هالموقف

سعيد : بس انا كنت ناوي

ابو عبدالعزيز : خلاص خلاص اسكت , هب مستعد اسمع منك تبرير

ابو سعيد " مهما كان هذا ولديه وحتى لو كان اخويه ما اسمحله يسكته , بعصبيه " : اسموحه منك يا خويه , انا ما ارضى انك اتولمه وتكلمه بـ هالطريقه مهما يكون لا تنسى انك يالس اترمس ولديه ما ترمس واحد من عيالك , ويوم انك هب راضي اتزوجه بنتك , نحن ما بنذل عمارنا , وخل بنتك لك , تذكر لو كان هذاج ربيعك , انا اكون اخوك والي يبها ولد اخوك الي انته هو عمه والمفروض تفرحله مو تلومه , واذاحد غلطان , فـ هو انته و تعرف قصدي زين , لو ما خنت الاتفاق الي امبينا ما كان صار الي صار , سحبت سعيد وروحنا

بعد مرور اسبوع من الاحداث :

ام عبدالعزيز : مايصير جذي الله يهديك , احين صارلكم اسبوع وانتوا ما ترمسون بعض

ابو عبدالعزيز : المشكلة هب مني, المشكلة هو هب راضي ينسى الموضوع

ام عبدالعزيز : هذا اخوك , لا تخلي مثل هالامور التافه اتفرقكم , انته بادر بالصلح

ابو عبدالعزيز : ان شاء الله اليوم بعد صلاة الظهر بمر اميييه وبجوفه هناكي

عند ميود :
الدانه : يلا ميووود خلنا انسير البحر

ميود : اليوم ما اقدر , بودي عيال عزوز الالعاب , خليها يوم ثاني

الدانه : والله ميوود حدي مضايقة

ميود : انزين يالذكية ليش ما تسيرين ويانا , خلينا انفلها وبجذي اتغيرين جو و اكون قويت علاقتي ويا غليل الخبله

الدانه : ههههههه الا تعال ليش ما ترمسك ولا تسلم عليك حتى هههههههه

ميود " كرختها ع راسها " : يعني شو بيكون , امها مجرجتنها بعد شوو

الدانه : ريموووه ؟! لا حرااام علييك , بعدين تعال انته ليش ما تحبها

ميود : هاهاهاهاهاااااا , وانتي شكو , احبها او لا

الدانه : لا يكون عشااان هدووي ؟!

ميود " تنهدت " : خلاص لا تفتحين ع الموضوع

الدانه : يلااا عيل انا بسير اتجهز

مرون " اجوف ساعتي , وااايد تأخر الريال "

: مرحبااااااااا

مروان " واخيييرا , وانا اقلده " : مرحباااااااااااا , لا اتلغون اتلغون اجووف , متأخر ولك عيين بعد تتلغون

: هههههههههه والله كلها خمس دقايق

مرواان : اهـــــــــــــــء , احلف بس !! اقوووول متأخر 23 دقيييقه

: هههههه يا خي ما ادري انته كيف لك بارض تحسب الوقت

مروان : عشاااان ابري ضميري كنت بترياك 30 دقيقه

: اووهييين ترا كلها خمس دقايق , وبعدين انته اونك ما تتاخر

مروان : انته شايف ويهك شايف ويهك , انا ما أتأخر ابدا " دزيته من كتفه " يلا امشي جدامي يلا امشي خلصنااا

طمني اني على بالك .. ماغيري يحلى لك .. ماتغير شي
ما تفارق لو لحظة افكاري .. وانت ترى داري .. ماغيرك لي

في بيت ابو عامر :

نويير : يلااا جوااهر خلينا انروح

جواهر : نوييير مالي خلقج حلي عني ياااا

نوييير : لا تصيرين كريهه عاااد

جواهر : اسمحيلي انا مواعـ

عمار : شوووو ؟!!

جواهر : موااعده بعد شوو

عمار " تجدمت وكفختها , كنت معصب وزادتني عصبية من قالت مواعده , ما فكرت بنوع المواعده بس بمجرد انها ذكرت كلمة مواعده تخبلت "

نويير : عماااااااااااااار يالجلب بطلهااااا ,, ابوووووويه ,, اميييييه ,, عاااااااااااااااااامر ,, ابووووويه , عماااار يالجلب بطلها اقووولك , ابويييييييه

ابو عامر " بمجرد سمعت صراخ نوييير ع طول صعدت فووق , جفت عمار يكفخ بنتي جواهر , كنت بفصخ العقال وبعطيه ع ظهره , لكن لااا , ريااال كبير عاقل وفاهم ما يستوي اضربه , وما حسيت الا بـ عامر يدش ويضرب عمار "

عامر : يالجلب كيييف اتمد اييدك ع اختك , كييييف , والله لاجتلك , جوف شو سويتبها , سير جوفلك طبيب نفسي , انته مكانك هنااك فالمصحة يالخايس والله لو ما احترامي لابويه كنت دفنتك اهنيه

عند ميود :

ميود : هههههههه والله انك خطيير

سياااف : خخخ مره وحده خطيير , ترى والله ما سويت شي

ميود : وييين ما سوييت شي , انته جدمتلي احلى مسااعده , انته هب بس جدمت مساعده لي , انته انقذت الدانه , انقذت حب سعيد والدانه الي كان بيدفنه ابويه ونايف بزواج الدانه من الخاام عمااار

سياااف : هههههه لا تكبر الموضوع , بس والله بعدني متلوم اني جذبت ع ناايف , احين هو مصدق اني احب اختك وابييها , يا خي احس اني استغليت نقطة انه ما يرفضلي طلب

ميوود : اصلن غصبن عن خشمه ما يرفضلك طلب

سيااف : اقووول ميوود كنها مصخت ترى ما ارضى

ميود : ههههههههههههههه حسستني حبيبتك وانا مدري

سياف : يا الخاام شو هالرمسه الوصخه , لا والمشكله الي ترمس علييه هو اخووك , ياخي خاطري اعرف شو سر الكره

ميود : لا كره ولا شياته بس مجرد شخص وجوده يقهرني

سياف : انزين هذا اخوك

ميود : يا ريال هو الي خلانا جذي انكرهه

سياف : يعني كيف

ميود : يحسسنا ان نحن اعدااءه هب خوانه , ناشبلنا في كل كلمة , يجرج ابويه ع الكل , والله حركاات حرمة الابو الثانيه , هب كأنه خواانه نحن

سياف : ياخي حتى ولو , هذا يتم اخوك , وبعدين هو ما يكرهكم بس جذي هو طبعه

ميود : عيل خل طبعه ينفعه

سياف : الله يهديك يا رياال

ميود : المووهييم يلا احين انا بسكر , بسير ايب عيال عزوز عشان احوطهم

سياف : هههه اوووب اوووب استويت مربيه

ميود : جبببب يلا انجلع

سياااف : ههه يلا أذيوووس

ميود : خف علينا يا الاسباني يلاا باايو

في بيت ابو محمد

ام محمد : احمد اذا انته تبي البنت ما بنتأخر وبنخطبها لك احين قبل لا يستوي شرات سالفة بنت عمها

احمد : الي اتجوفينه

ام محمد : انته الي بتتزوج البنت هب انا

احمد : لاااااااا لا تخطبينها ليي , ما ابييها خلاااص هونت

ام محمد : احمممد انا ارمس من صدجي

احمد : واناا بعد ارمس من صدجي , فالحين ممكن اتغيرين الموضوع ولا تفتحينه , وقولي لبنت اختج احمد ما يبييج لا تفكرين فييه

محمد " كنت رايح الصالة وانصدمت من كلام احمد , عصبت لكن الي ريحني انه اعترف قبل لا ياخذ البنت ويلعوزها , بس بعد خايف من ردت فعل سلامي , والله هالبنت ما تستاهل , لو ما اني احب بنت عمها كان تزوجتها "

ودييمه " من سمعت كلامهم , طرت من الوناسه , وربعت اخبر خلوود "

خلوود " اوووف يايه يااايه , فتحت الباب وجفت ودووم الجلبه , زين يوم ما كسرت الباب " : نعم خيير شتبيين ؟!!

ودييمه " درت حولين نفسي , وفريت عمري ع شبريتها " : سلااامووه , سلاااموه

خلود : شووو ياها سلاامي ؟!

وديمه " نشيت وهمست فاذنها وانا طالعه " : احمد رفضها , خلااص يعني ما بيتزوجها , ياااهو واخييرا افتكيينا من هالعله

خلود : شوووووووو ؟! يغربل وييهج يالنحسه , الي ما تيبين شي زيين , كله اخبار مثل وييهج , تعالي تعاللي , شو كانت ردت فعل امييه ؟!

وديمه : الحمد الله الوالده ما كانت غاصبه احمدووه ع سلااموه ويه النحس

خلود " وانا ادفرها برع الغرفه " : ما انحس الا ويهج انتي واشكالج

عند بثينه :

بثينه : هدووي ارمس صدج شرايج نيتمع فحديقة زعبييل , من زمان ما جفتج , يبي رشوو ويااج

هدي : ان شاء الله , ع الساعه 6 نلتقي

بثينه : واااايه فدييتج اخيرا بجوفج

هدي : شدعوه عاااد , هالكثر مشتاقتلي !!

بثينه : واكثيير يا عمري , يلا عيل احيين بخليج , سلمي ع امج وع سلطعووون

هدي : هههههههه اوكييك يوصل

في بيت ابو ناصر :

متزوج حرمتين , الاولى اجنبية والثانية مواطنه , اهله زوجوه بنت عمهبعد ما تزوج الاجنبيه ما كانوا راضين عليه , عشان جذي ما ياب منها عيال اول فتره , لكن ام ناصر يوم يابت ناصر وحمدان وسلوى و سالم , الاجنبية حملت ويابت بنت اسمها ديالا
ناصر البجر : عمره 29 سنه , متزوج وعايش بعيد عن اهله بسبب ظروف شغله
حمدان : عمره 25 سنه , خااطب وحده من برع العايله
سلوى : عمرها 24 متزوجه ولد عمها
سالم : 22 سنه يدرس هندسة وراثية
ديالا : عمرها 19 سنه , عايشه في امريكا من اول ما انولدت , لكن يوم كملت 19 سنه ابوها يابها الامارات وطبعا هي هب راضيه

حمدااان : هههههههههه ياخي رشوود انته مشكوك فأمرك

راشد ببراءه : اناااا

حمدان : هههه اقول ولد الخاله هب علييه حركااتك

راشد : جب جب اصلن انا كلي براءه

حمدان : خخخخ خلاص صدقتك لا تترجاني

راشد : ها ها هااااا

سالم : اقول رشوود شخبار هدووي ؟!

راشد : وانته شخصك

حمداان : واااااااااء واااااااااء قفطووبه

سالم : حمااار وااحد , بنت خالتي حرااام اسأل

راشد " وانا ادلع علييه " : هيه

سالم : انزين اخبار رشا ؟!

راشد : طاااع هذا !!

حمدان : ههههههه ياربي شكثر اتحب اتفشل عمرك , يلا يلا القط ويهك

سالم : انتوا اصلن حيواانااات , انا الغلطان يالس ويااكم

راااشد : ايييه سلوووم , تعاال كنت اتمصخر ويااك

سالم : جب جب , محد يبا ييلس ويااكم بروووح عند خواتي احسن

راشد " استغربت يوم قال خواتي , خبري عنده اخت وحده "

حمدااان : سلووووم تعاال ياخي والله نتمصخر ويااك , لا تقلبها جد يا ريااال

راشد : جد ولا عم

حمدان " سويت عمري زعلان ونشيت " : انته اصلن محد ييلس وياااك , برووح عند ابويه وامييه احسن اأااااااء

نهاية البارت
* توقعاتكم للبارت القادم
* رايكم في الشخصيات
[/align] __DEFINE_LIKE_SHARE__

يا ما بكيت على الاطلال · 04-09-2013, 06:47 PM

البارت السابع :

قولوآ لهآ إنيَ بآيع ومستغنيَ
قولوآ لهآ مني خل تغسل إيديهآ

روحوآ وكلموهآ وجم كلمه سمعوهآ
قولوآ لهآ خآطبَ تكفون خوفوهآ

آنآ آدري بتتعبَ خلوهآ تتعذبَ
عشآن تتآدبَ بعدين آرآضيهآ

ابو سعيد " خلاص تعبت من عناد سعيد , صرخت " : خلاااااااااااص سعيييد , دخيييلك ارحمني , تبيني اموت بسكته قلبيه , تبي ترتاح مني !!!

سعيد " وانا باين عليه التعب " : ابويه دخيييلك انته لا تدقوول مثل هالكلام

ابو سعيد : عيل ليش مب طايع تفهمني , انا خاايف عليك , مافي طلعه من المستشفى

سعيد " وانا شويه وبصييح " : بس والله ملييت من اليلسه , جوفني احين والله ما فيني شي

ابو سعيد : اصلن انا بغير هالمستشفى , بنقلك لمستشفى ثاني , هذيلا يا ابويه ما يعرفون شي

سعيد : والله ابويه ما فيه شي , ما سمعت الدكتور شو قال , امييبيا , يعني ما يبالها شي كلها امبيبيا

ابو سعيد : حتى لو كانت اميبيا , لازم تتعالج ولا تبي يطور ويصير عندك تكسر دم

سعيد " من سمعت تكسر دم , تخيلت الموضوع , وداخ راسي , اساسا من يقولون دم اتيني حاله هستيريه , داار راسي " : ابوويه خلاصص خلاص ههههههههه لا ادقول دم ههههههه

ابو سعيد : بلاك تخبلت , هههههه انته بعد شراات سلامي اتيك هالحاله

سعيد : للاسف , بس دخييييلك خلنا انغير الموضوع

في بيت ابو علي :

ام علي : لا دقوول

راشد : هيه امييه مرقد فالمستشفى من اسبوع

ام علي : لا حول ولا قوة الا بالله , مسكين هالولد , امسات مظهر من المستشفى والله يعين ابوه , الا تعال لا يكون دخل المستشفى من ورى ذييج السالفه

راشد : لاا اميه , كان راد من الدوام وهو داخل الصاله طاح عليهم , عاد انتي تعرفينه سعيد مايقر ومهلك عمره , كم مره قاله عميه ودر الشغل , وغير هذا مااايكل عدل

ام علي " وانا ارفع ايدي وادعي ربي " : ياااا رب انك تشفي هالولييد والله ما يستهال ويا رب تعطي ابوه الصبر

راشد : اميييين " حبيتها ع راسها "

ام علي : يلا فدييتك توكل لازم اتسيرله , لازم توقف ويا عمك

راشد : الله لا يحرمني منج , بس لو تبطلين عنج هالعصبيه " وانا اغمزلها " بتصيرين اطيب ام ع وجه الارض

ام علي : ش قصدك يا الهرم

عند عامر :

عامر " ع المغرب وديت بثينوه وعيالها الحديقة "

هدى " بركنت السياره ونزلت انا ورشرووش , وبالغلط ضربت السياره الي عدالي بالباب " : اويييييه

عامر " فجيت الجامه "

هدى " اوييييه , السموحه منك اخوويه , ما كان قصدي "

عامر " اخرب بيييتها محلاها و محلات الي وياها , استغفرك ربي واتوب اليك , ما يصيير جذي عييب " : لا عادي هب مشكله

هدى " بعد ما اعتذرت من الريال روحت انا ورشووه "

بثينه : خخخخخ شكلها ما انتبهت ما عرفتنا

عامر : هااا ؟!

بثينه : هههههه شبلااك هذي هدووي بنت عموووه حصة , لا يكون ما عرفتها !!

عامر " كشرت " : احلفيييي هذي هدوووي ما غييرها ؟! وعيييج , خ ترد احيين انا اراويييها حووله حووله ما تجووف , بعدين ترى امها الا بنت عم ابوييه , يعني لا عمتج ولا شياته

بثينه " وانا رافعه حياتي " : عااامر !! شبلااك انته الثاني , مايسدنا عمار ,, تطلع انته الثاني اخس منه , يكفينا نفساني واحد في البيت

عامر : بلااج طالعيني جذي , انا ارمس من صدجي , بعدين اشعنه ادقولين عن اخوج جذي , عشان وحده ما تستاهل

بثينه : هه , والله ما اتوقعتك جذي طلعت نسخه مطوره من عمار , ع الاقل عمار علني مب من تحت لتحت

عامر : اوووهيين لا تخلين وحده مثل هذي اتخرب علاقتنا ويا بعض

بثينه : انته لا تخرب علاقتنا , بعدين هذي بنت عمتك , البنت ما فيها شي يخليك تتكلم عنها جذي

عامر : اتخسي والله , وبعدين لو ما فيها عيب ما ودرها ولد عمها يوم ملجتها

بثينه " نزلت العيال , وضربت بـ باب السياره بقووه " : حسااافه والله , ما ارييد اجوفك اليوم , لا اتي تاخذني من اهنيه

عامر : اعصااابج اعصااابج لا تكسرين باب السيارة

عند ميود :

ميوووود : جفتيييي , جفتييها هالحيوانه , يوم ييت بشل العيال قالتلي احين الوقت متأخر , اي وقت متأخر احيين !! ياخي يوم اقووولج حيواانه ومستضرطه ومجرجه العيال , وبعديين احين المغرب كيف ممنوع يظهرون , تراها اتسريبهم بيت اهلها نص الليالي يت عليه انا , اناااااا عمهم هب حد غرييب

الدانه : خلاااص ميوود حبيبي هدي

ميود : اهدييي شووو , والله العظيم قااهرتني ودي اهفها كف يطيرها بيت اهلها

عبد العزيز " دخلت البيت وسمعت ميوود وهو يصارخ "

ميود : يااااربي شو اسوووي احيين , صدقيني بنحرها يوم من الايااام

الدانه : ميوود خلااص الله يهديك , عياالها وهي حره

ميووود : وع ماا اضن انااا عمممممممهم مب اي حد غرييب , الله يلعنهااا ان شاء الله

عبد العزيز " عرفت انه يرمس عن ريما " : ماااااااااااااااايد , احترم نفسك

ميود " انصدمت من عزييز , يااربي احين اكيد سمع الي قلته , ما اباه يزعل ويقول عني اني ما احب حرمته " : اناا ما قلت شي غلط

عزيز : هذييي حرمتييييي , الي يسبها كانه يسبني

ميود : الله يلعنها من حرمه

عزيز : اقسم بالله يا مايد لو ما قصرت حسك , ويلست اتسب حرمتييي جدامي لـ اهفك كف

ميود : هه

عزيز : ماا يحقلك اتسبها بدون سبب

ميود : بدوووووون سبب !! وانها اتقولي لا ممنوع لا اتشل العيال , عشاان شووو عشاان والله الوقت متأخر , في ذمتييه انه اتفه سبب

عزيز : خلاااص , قالتلك الوقت متأخر

ميود : اصلن هي هب عوووقها , هي متعلثه ومجرجه العيال علييه

عزيز : انا غلطان يوم اقول الغلط منها , ظهر الغلط منك هب منها , انته تبا تضارب وياها بدون سبب

ميود : يلعن يومها اصصلن هي الي تبا تضارب وياااي , انا ما سويت الها شي من اول مايت لـ هذا البيت لين اليوم

عزيز " والله بدون ما احس "

ميود " خلاااص وصلت حدي " : جفت وصلت لدرجه تضرب اخووك عشاان وحده ما تستااهل , هه خلييت بنت عمك وخذت وحده من برع العايله ما ينعرف اصلها وفصلها من ويين , تفوووو والله تفووو ع واحد يضارب خوانه ويدافع عن حرمته وهو يعرف انها هي الغلطانه

ريما " يااا ربي ما لقيت ادخل الا يوم يعطيه كف "

ميود " راص ع ضروسي والشرار يتناطر , طلعت من الصاله بعد ما دفرتها بـ كتفي "

ميود " وانا امسح دموعي الي طاحن غصب " : الله ي الزمن , الله عليك يا عزيز وصلت لدرجة تضربني كف , تضربني انا الي حاولت اتقبلها رغم الظروف تضربني انا الي الف مره حاولت اغير من طبعي و تصرفاتي عشان اتقبلها واتقرب من عياالك , الله ع جبر الخواطر كريم

مروان " كنت راد من عند واحد من الربع وجفت ميود متاكي ع اليدار الي عند الميلس , منزل رااسه , تقربت منه ابا ازيغه لكني انصدمت " : ميوووود !!

ميود " مسحت دموعي بسرعه و رفعت راسي وانا اضحك " : هلا والله بـ مريااانوه الي يهاايت في الشوارع لين نص الليالي

مروان " لا تحاول ميود , انا اعرفك عدل , ما تصيح الا اذا من صدج كنت مقهور وضايقه فيك الدنيا , حظنته وهو يوخرني عنه ويتمصخر عشان يغير الموضوع , لكني تمسكت فيه اكثر " : افاااا والله يا ميييد , ما عااش من ينزل دموعك , لا تستحي , انا اخووك هب حد غريب وكلنا نبجي ياخوك , البجى هب عييب وما ينقص من علامات الرجوله

مايد " حظنته , ومادري ليش صحت اكثر , انا احتاج اطلع الي في خاطري ولا بنفجر "

مروان : ميووود ههههههه, انا كنت اتمصخر ويااك , وخر عني خنقتني, ياخي بتصيحني , انا ما قلت هالكلام عشان تصيح اكثر , ما كنت اقصد بكلامي كمل صيااحك

مايد : هههههههههه ياخي ولك باارض اتنكت وانا في هالحاله

مروان " وانا اسحبه صوب السياره " : ههههههههه تعال تعااال

مايد : وييين بتوديني يا ريااال , والله مالي خلق

مروان : انته تعال وياي , والله ما بختطفك

يوم جديد :

ابو ناصر " كنت ارمس ويا ديالا " ما تعرف وايد ترمس عربي : My sweetie If u want to change ur university, I don’t mind

ديالا : Oh daddy, I didn’t mean that at all, what I meant was I cannot adapt with them

ابو ناصر : When the administration knew that, they spoke to me to convince you to remain in the university

ديالا : I will try to adapt with everything’s there

سالم : ش فيها دلوعت ابوها من صباح الله

ديالا : I understand what u said, so be carful

سالم : اوييييه خفت خفت

ديالا : daddy look at him, say something to make him stop talking

ساالم : خلاص شرررب

ديالا : OMG learn how to speak then talk with me , it is shut up not sharab

سالم : لا تتفلسفين عليه , هب الا بس انتي تعرفين ترمسين انقرييزي حتى انا عرف ~ دق يور هد ان ذ واال ذن كلي خرااج

ديالا : I didn’t understand the most of ur ward but, I know that you cursing me

سالم : هاهاهاهاهاااااا ستاند ولا ستاندر

ديالا : stupid

حمدان " دخلت الصاله , و كالعاده سوييلم و ديالا يضاربون " : سلوووووم خل البنت في حالها

سالم : وانته شخصك ’ شحارنك , اسبك ولا اسبها

حمدان : حشى ما تتقارب من صباح الله , صدقت البنت يوم قالت stupid

ديالا : Hamdan, thank you very much, I know you always defend me

حمدان : don’t worry baby

ديالا " طيرت بوسه فالهوا , عشان اقهر سلووم ابو لسان وصخ "

عند سلامي :

سلامي " ضاق صدري " : خلاص خالوه هب مشكله , بس ما كان له داعي تتصلين من الصبح عشان ادقولين هالكلام

ام محمد : والله يا سلامه هب قصدي انكد عليج من اول اليوم, حتى انا خانقتني العبره , سود ويهي هالولد

سلامي : خلاص خالوه , انا لازم اسكر التلفون

سلامي " صرخت " : اباااااااااااا اصيييييح , ليش جذي تسوي فيني يا احمد , ليش تخليني اتعلق فيك , ليش اتقص عليه
ادقولي انك تحبني وانا الخبله ع طول صدقت , يااااا ربي ليش جذي الدنيا

نايف : سلاااامه !!

سلامي " اوووف ياني بعد هالثاني " : والله هب ناقصتنك انته الثاني من صباح الله

نايف : سلاامه احترمي نفسج ورمسي بادب تراني واايد عطيتج ويه

سلامي : نايف والله مالي خاطر اتجدال ويااك , ضايق صدري ولا تزيدها عليه اكثر

نايف " عصبت " : اسمحيلي بس انا هب قصدي شي , ويوم سألتج , سألتج لاني جفتج مضايقه , ما سألتج لاني ابا ازيدها عليج " روحت عنها "

سلامي مسكته من ايده : نااايف احمد قال ما يبييني

نايف " مادري اعصب ولا استانس " : خلاص سلامه ما يحتاي اتخبريني

سلامي : بس انا لازم اقول لحد , الله يخليج لا تزعل والله هب قصدي , بس انته الله يهديك دووم تظهرلي في وقت غلط في وقت اكون فيه انا معصبه ومالي بارض

نايف : خلاص هالمره بطوفها لج , وبعدين تعالي ع كييفه هوو يفصخ الخطبه مني والدرب , بنات الناس هب لعبه عنده , مره يباج ومره ما يباج , تراها هذي 3 مره يسوي هالحركه بس والله ما اطوفها له هالمره

: سلاااااااااامه لازم تطلع من بيت عمها واتي اهنيه

2: كيف بتيب بنت وبتسكنها هنيه في البيت

: شفيها عاادي

2: بس انته تعرف البيت فيه عياال يعني ما يصير جذي بنت بين 9 شباب

: ههههههههههه عادي تراج انتي حرمه بين 10 شباب

في بيت ابو علي :

ام راشد : رشووووود رشووود

راشد : هلاا امييه , شبغيتي ؟!

ام راشد : تعال تريق

راشد : الله يهديج يا اميييه تجوفيني احيين انا متأخر

ام راشد : انزين تعال كلك لقمه

راشد : اميه اميين لي بارض اكل لقمه وانا متاخر , بيحطولي ابسن , احين انا مب ناقص ابسنات , الي عندي يكفني

ام راشد " ما فهمت شو ابسنات " : عيل برايك

راشد " رايح الجامعه الامريكية , انا ادرس هناكي , اممم يعني الجامعه لا بأس فيها , بس دووم ملان , لان ربيعي كل واحد في مكان , انا الوحيد الي فيهم دخلت هذي الجامعه , ما تأقلمت عدل مع الجو هنيه , ادخل الكلاس جسد بلا روح , ويوم اغلط ويتمصخرون عليه الطلاب اعصب و ودي اقتلهم , لكن استهدي بالله واطوف , وااااحد دووم نشبه , يظهرلي في كل مكان , ما ارتحتله مع ان شكله عاادي ما ينبان فيه الخباثه , بس مادري ليش ما ارتحتله ( احييين زين الي صاار دعمت السيااره الي جداامي محد يقولكم شي )

"حد دعم سيااارتي " : لااااااااااا هب وقته احييين , انا احين متأخره , ياربي ليش يومي من اوله خاايس , ناقصني احين اسوي حاادث

راشد " رجعت راسي ع ورى وغمضت عيوني وفتحتهن, جفت السياره الي جدامي , الدعمه باين عليها خفيفه , بس الله يستر ان شاء الله ما اعلق ويا نشبه , نزلت ابا اجوف منو راعي السياره , لااااااحووول شكلي ما بظهر من المرور اليوم "

سياف " يااارباه من صباح الخير زعييج وصيااح , يوم اقوول محد يعيش في هذا البيت , انا امبوني يبيلي سبب عااد , بس والله ابا افهم ليش دووم هالونان في البيت , لا يكون منبه مؤقته و يدق دووم في هالحزه وانا مدري "

خالد : دلووول سكتي بنتج لا اذبحها احيين

دلال : اووووهيين لا تصدعني , اتجوفني مبتلشه فيها من صباح الخير

خالد : ابا افهم انتي شو اتكلينها الفليل شو تاكلينها

دلال : شو ءاكلها بعد , تراك اتجوفه

خالد : قلتلج الف مره غيري الاكل

دلال : لاااا واللله , احلف بس انته , شرايك بعد تاكلها يكون احسن

خالد : دلوول قصري حسج لا اهفج بـ كف

دلال : نعم نعم نععععععم انته تمد يدك عليه , جرب وجوف , والله لاكسرها

خالد : لااا تحلفيين , بسألج انتي ما تستحين ع وييهج , كيف جذي اترمسين ريلج , شكلج تبيني اعقج في بيت اهلج عشان تربيج امج من اول ويديد

دلال : مرباايه غصبن عنك

خالد : دلووول احترمي نفسج

دلال : ما بحترم نفسي قبل لا تحترم نفسك

خالد : محترم غصبن عنج

دلال : هه , اوك بروح انا بنفسي بيت اميييه بخليها تربيني من اول ويديد , " حطيت البنت ع الشبريه , وظهرت جنطتي وحطيت الملابس , بعدين تراجعت وفريت الجنطه , شليت بنتي وظهرت برع الغرفة

خالد : خ تول زين

دلال " ماعرف ادق لمنوه , دقيت ع مروان , دايما ادق عليه "

مروان : نااااايم انااا ناااايم

دلال : مرواان تعال احين بسرعه

مروان " تفآجئت , سمعتها تصيح " : دلووول !! ليش تبجين ؟!

دلال : مروان احين هذا هب وقته , تعال شلني سرعه

مروان : لا يكون خلوود الجلب ضربج

دلال : مروان , بتي تشلني ولا لا ؟!

مروان : دقايق واكون عندج

سياف " قربت من دلال الي كانت واقفه جدام غرفتها , مسكت خدود جويييد الجلبه " : بلااها دلوعت عمها تبجي من فير الله

دلال : كل عااده دووم اتصييح ومدري شو فيها

سياف : وانتي عشان جذي تبجين ؟! , لا تخافين هذا شي عادي , بعدها هي صغيره عشان جذي تبجي , اليهال كلهم جذي

دلال " تنهدت , ياليت خالد شراتك "

سياف : عطيني اياها , بسكتها احين

دلال : خلها عنك بتلعوزك

سياف : افااا عليج بنت العم , عمها انا ادريبها ما بتلعوز عمها , صح جوييد

سياف " شليت البنت , وزااادت صيااح , فريتها فووق "

دلال : سيااااااف

سياف : هههههه , بذمتج بذمتج احين ما سكتت

دلال : الله يهديك , بتجتل البنت بتطرح يامعتها

سياف " يلست اسويلها حركات غبيه , وسكتت ويلست تضحك " : يلااا روحي عند ماماه

دلال : مشكور , تعبناك ويانا

سياف : وااجبنا بنت العم , يلااا عااد لا تعذبين ماماه , ولا بضربج

دلال " حز في خاطي الموقف , المفروض خالد الي يسوي جذي , حتى اخوه الاصغر عنه يعرف يتعامل احسن منه , دقلي مروان وظهرت "

مراون : دلووول اعترفي شصاير , خالد قالج شي

دلال " خبرته الي صار "

مروان : خلييه الجلب , انا براويه , بوطيج فالبيت , ولا تردين ع اتصالاته , حتى لو يا يشلج ما بتسيرين ويااه , فهمتي

دلال " حست بوزي وتميت ساكته "

مروان " كرختها ع راسها " : يالخبله نحن هووناا , انا ارمسج , ما تسوين شي الا وادقوليلي عشان اعطيج الاوامر

دلال : ان شاء الله عميه

ولييد : والله امييه صوتهم طاالع من الغرفه , هذا ولدج ما يستحي ع ويهه , هب اول مره اسمعه يزاعج عليها

ام خالد : وانته شو يخصك

وليد : طااااع انتي وويهج , اقووولج ولدج قليل ادب اتقوليلي ما يخصك

ام خالد : طاااع نفسك كيف ترمسني , قبل لا ادقول عن اخوك قليل حيا جوف عمرك يالي ما تستحي حد يقول حق امه طاع انتي وويهج

وليد : ياااخي من القهر , غصبن عني , ولا انا محترم

ام خالد : المهم انته مالك شغل فلي يصير وياهم

وليد : لااازم لاازم لان ولدج عشان جذي بدافعين عنه وبتسكتينا , بس لو كانت دلول بنتج كان قلتي كلام ثاني

ام خالد : ولييد يا جليل الحيا , انته كيف اترمسني جذي

وليد : انتي ما يعيبج الحق , انتي ما تعرفين ان الظلم خييبه , خنت حيلي شكلهم ما علموج في المدرسه

ام خالد : هذا بس الي تعلمه في المدرسه , ما تروم اظهر ه الظراط فورقة الامتحان

وليد : اميييييه لو سمحتي عن التجرييح

سياف " جفت ولييد الخام , دووم يرفع ضغط اميه من صباح الخير , يضاربها ع اشياء سخيفه , يحب يطفربها مدري ليش , لكن اليوم شكله جدي " : ولييدووه والصمخ

وليد : انجلع انته الثاني , هب فايجلك

سياف : ياا حمااار انا سيااف

وليد : وانا وليد , تشرفنا يا الاخ

سياف : ماعليه بتي مره ثانيه وبتطلب شي

وليد : يا اخي قول غير هاللكلام , تراك كل مره تعيد هالسينايرو ولا اطبقه , هذا وانته تبي تصير ممثل

سياف : لا انته اليوم ما تتقارب

وليد : زين يوم حسيت ع دمك

سياف : خلاص عااد , احين برمس صدج , شبلاك

وليد : عن اذنكم انا اتأخرت عن المدرسه

سياف : طااع الحماار , هذا من صدجه رااح وانا اكلمه

في بيت ابو عبد العزيز :

الدانه " واخييرا رجعت لحياتي العاديه , شحلات الواحد يوم ما عنده هموم , نزلت تحت وحصلت اميه و ميود " : سلاااام

ام عبد العزيز و ميود : وعليكم السلام

الدانه : وشحااالهم

ام عبد العزيز و ميود : بخيير

ام عبد العزيز : اجوفج ما بدلتي ملابسج , ولا بتودرين الجامعه

الدانه : لااا اميه , محاضراتي متأخره , الا سلامه وين

ام عبد العزيز : يي خنت حيلي , ما دريتي شصارلها

الدانه : لا شوو صاار

ام عبد العزيز : ترى ولد خالتها ما بغاها ومن بعدها ما جفناها

الدانه : اهااا , خلها تحس شويه بفراق الحبيب

ام عبد العزيز : شو قلتي

الدانه : ما قلت شي

ام عبد العزيز : ادوووين لا تتشمتين في الناس , انتي ما صارلج كل هذا الا بسبت انج تتشمتين فالناس

الدانه : اوييه امييه خلاص خلاص سكري ع الموضوع تعكر مزاجي

ام عبد العزيز : والله رافع ضغطي هذي ثالث مره يسوي هالحركه , وقف في نصيب البنت الله يوقف في نصيبه , ياما ياها ريايييل ينضرب فيهم المثل ورديناها بحجت ولد خالتها , حسبي الله عليه

ميود : خليني اجوفه بس ان ما كسرت راسه

الدانه : اوييه بلاكم ع الريال , ياخي كيفه حياته هو الي بيعيشها , وحده تدعي عليه و واحد بيكسر راسه

ميود : ادوووين ليش كل هالكره لبنت عمج , خلينا طيبين احسن

الدانه " كشرت , يمكن زودتها شويه , بس هذا من القهر الي فيني , خلها تحس شويه بلي حسيته , يوم ارمس كانت اتسكتني وتقولي هذا قدرج ومدري شو "

ميود " قمت وركضت صوب دلول ومريانوه " : جويييييييييييد حبيبت خاالها يت

دلال " وانا حايسه بوزي " : نحن هوووناا

ميود : فديتها ياربي , عطيني اياها , الا غريبه شيايبنج من صباح الله

دلال : مشتاقتلك

ميود : هاهاهااااااااا

عبد العزيز و ريما كانوا داشين الصاله

ميود " كنت ماسك جويد والاعبها , وكنت اضحك من الخاطر , حلو يوم تلعب ع الياهل خخخخ او بالاحرى تلعبه هههه , بس صخيت مره وحده من جفت عزيز وحرمته , واختفت البسمه

عبدالعزيز وريما : السلام علييكم

الكل ما عدا مايد الي صد عنهم : وعليكم السلام

عبد العزيز " شكله بعده زعلان , ما عليه بعدين براضيه "

ميود " عيال عزيز يجوفوني كيف العب جوييد , وقلت خلني اقهر امهم بتصرفي هذا , انا بالعاده اشل وياي حلاوه اتسلابها لين اوصل الجامعه , شليت الحلاوه الي كانت فوق كتبي وعطيتها جويييد " : اديييت قلب خالوو , وهذي الحلاوه لاحلى بنت فالكون

دلال : ميووود الله يخليك لا تعود البنت ع الحلاوه , احين ما تاكل شي وكله اتصيح ما تسكت الا اذا عطيتها حلاوه

ميود : خخخخ ما قلتيلي من الصبح ولا كان عطيتها ولد يرانا دووم يلعب خااري , احين بتصيح اذا شليتها عنها

ريما : الا دلال كم صار عمر بنتج

دلال : الشهر الياي بتكمل سنه

ريما : فديتها الله يخليها لج

ميود " اددددددد , يقطع هالحس " : امييه وين الماي

ام عبد العزيز : فدييتك عطشاان ؟!

ميود : لا بس مدري ليش فجأه حسيت عمري بزووع

مروان " ياخي والله مارمت امسكها , خخ عرفت شقصد ميوود " : ههههههههههههههههه

ميود " ههه فدييته هالاخو فاهمني عدل , ضحكت ويااه " : ههههههه

ام عبد العزيز : احييين تبا مااي انته ولا تلعب عليه

ميود : هههههه لا خلاص خلاص فدييت مرواانووه من سمعت حسه راحت اللوعه

عبد العزيز " فهمت قصد ميوود "

ريما " ما بقول ما عصبت , لاني من صدج عصبت , اولا للحركه الي سواها يوم عطى جوود الحلاوه و ثانيا ع الحركه الي سواها قبل شويه ولا بعد مروان يسانده "

عبد العزيز : الا ماايد انته بعدك في اللفلات

مايد : اووييه دلوول خذي بنتج تأخرت ع محاظراتي

عبدالعزيز " عصبت من الحركه الي سواها مايد "

مايد " حبيت اميييه ع راسها , وبست دلول و دندون " : يلاا اجووفكم ع خير , مرواان , ما تباني اوصلك ع طريجي

مروان : لا خيووو ما ابي الا سلااامه قلبك

مايد : الا ع طاري السلامه , سلاامي كانت تباني اوصلها للجامعه , وانا محاظراتي احين بدت , اذا ممكن توصلها انته وانا بردها

مروان : افا علييك غالي والطلب رخييص

عبد العزيز : بتتاخر ع محاظراتك

مايد " وانا متعمد اقول هالكلام ": تستاهل سلامي حد يتاخر بسبتها " وروحت "

نهاية البارت
__DEFINE_LIKE_SHARE__

يا ما بكيت على الاطلال · 04-09-2013, 06:49 PM

البارت الثامن :
*الحوار الي بالانجليزي بيكون باللغة العربية الفصحة

من غير ألم
والألم في قلبي يؤذيني من الهجر
ينعكس كل هذا على وجهي من الحزن
حتى حزني مؤلم اه ه ه
كل قطرة من دموعي تذرف بلا أمل
من غيرك تؤلم نهاية الليل
عاد قلبي للألم مرة أخرى اه ه ه
ليس لدي أي حب
الحب ممنوع علي
عادت روحي تتألم من جديد ببعدك عني
ببطء ببطء
عزفت ألف مقطوعة بأغنية واحدة
واقتربت من حافة السقوط مجددا
من حبي الذي لا يوصل من شفتاي الى قلبي
سقط بالقلب كالمجمرة الحارقة
بلا ألم
والوحدة من الهجر

عند راشد :

راشد : لااااااحووول شكلي ما بظهر من المرور اليوم

ديالا : يا إلهي ما الذي فعلته

راشد " بنت وامريكيه بعد لاااحول , اسميييييني هب ظااااااااهر من المرور اليوووم , انا شو الي حادني اليوم وخلاني اغير السيد الي اسوق بالعاده فيه , كل مره اكون ع السيد الي ع اليسار , شمعنه اليوم سقت في السيد الي فالنص , ياااربييييه , الله يستر بس " : سوري والله سوري

ديالا : وماذا سأفعل بأسفك هذا , لدي امتحان وفي الاصل انا متأخره كثيرا , الا ترى امامك وانت تقود ؟!

راشد : انا اسف , لم اقصد ذلك حقا , وانا مستعد لدفع جميع التكاليف

ديالا : ما الذي سأستفيد منه , الامتحان سيضيع مني

راشد " عصبتبي يعني يقول هي الوحيده فالعالم عندها اشغال " : انا ايضا مشغول , هل تعتقدين انني كنت اريد ان يحدث هذا , لوكنت استطيع تجنب ما حدث لتجنبته

ديالا : اوووه خلاص خلاص

راشد " طااااع تعرف ترمس عربي , يوم تعرف ترمس اشعنه ما ترمس من الصبح , وانا الخبل الي شاد حيلي واطلع الكلمات " : تعرفين ترمسين عربي ؟!

ديلا : هذا ليس من شأنك , يعني ارمس ولا ما ارمس ليس من شأنك

راشد " كلمتين عربي والباقي عنقريزي , يا ربي كلش ولا الخقه , انا في صوب واهي في صوب , ما اداني البنت الي تتلغون وترمسلي كم كلمه عربي والباقي عنقريزي عشان تتخقق , بس والله ملامحها عربيه ع اجنبيه لكنها اكثر ميوله للاجنبيه " : اووف تعرفين شي , خلني ادق ع الشرطه احسن لان الرمسه وياج ما تنفع

ديالا " ما فهمت نص الي يقوله لكن الي فهمته انه بيدق ع الشرطه " : هييي هييي هييي توقف , لا تتصل للشرطه

راشد : ولييش ان شاء الله , ههااا احين كشفتج , شكلج ما عندج لييسن , بس انا براوييج احيين بدق للشرطه

ديالا " مطييت تلفونه " : قلت لا تتصل لـ الشرطه , وبالمناسبه انني املك رخصة القياده , اذا اتصلت للشرطه انت من سيقع في المشاكل , لانني لن اتنازل ابدا وسوف اكبر الموضوع , ثم انني ذات نفوذ عالي , فلا تحاول الاتصال ابدا

راشد : امييييه , خوفتيني وايد الصراحه , هاتي تفلوني هاتي يالي ما تستحين , تراني برفع قضيه ضد الشي الي سويتيه , وبعدين انا موااطن وانتي امريييكيه , يعني يا حبيبتي اقدر اوديج ورى الشمس

ديالا " فريت التلفون عليه وزين يوم لحق عليه , روحت عنه وهو يزاعج عليه "

راشد : ايييه حوووه تعرفين لو انكسر التلفون شو بسويبج ؟! طاااع حقرتني السخيفه , انزين والسياااره ؟! ,, اااااااش يلعن امج يابنت الامريكيه

ديالا " لفيت عليه وعطيته ذيييج النظره وروحت ليش يلعن امييه كره شي يوم يدخلون الناس اهاليهم في مشاكلهم, الي يسب ابو وام الطرف الثاني , ترى والله عيب و مايجوز,,,, يوووه حليلنا نحن الحريم هذا الي نقدر عليه بالنظرات بس , ما فينا حيل انضارب "

رموش عيونا السود حدى بتقلى دخلك ضل حد
اهلها عليا فرضوا التحدى ولجنونى ما حسبوا الحساب
سألت بيا قالى لا سألت خيا قالى لا سألت عما قالى لا
ما رضيوا يعطونى

من جوه قلبى محروق مقضيها شم ولا تدوق
خبرنى كيف بدى روق القصه وصلت لحدا
لافوت قاتل او مقتول شو ما صار انا المسئول
اسألوها وهى بتقول غير قلبى لا ما بدها
اهلها استقبلوا العرسان هيدا غنى ابن فلان
هن همن من زمان عن دربا يبعدونى

الظهر :

الدانه " تواعدت ويا سعيد عند السكه , تريييته واايد لكن تأخر "

سعيد " تأخرت على الدانه واايد , فديتها اكيد احين تحاتييني "

ابو سعيد " كنت توني داخل البيت , اسمع حد يكح , عبالي اميييه بس انصدمت يوم جفت سعيد متساند ع اليدار وماسك ع قلبه ويكح بقوه , ويهه شاحب , هذا مستحيل يكون اميبيا , لا سعيد هب بخير سعيد فيه شي ثاني اكبر واعظم , مجرد التفكير في هذا يتعبني , حسيت بعوار في بطني , كأن هموم الدنيا كلها ع كتفي , حسييت بخوف فضيع , قلبي يعوني وبطني يعورني , حال سعيد ابدا مب عايبني , ما ابا اخسره لان هو سبب وجودي هو السبب الي خلاني اتم عايش , كل الي مريت فيف فالماضي والمعاناه الي حسيتبها قبل , سعيد خفاها بابتسامته , نساني الدنيا كلها , الله يسامحج يا ام سعيد ع كل شي سويتيه , ان صار لسعيد شي ما بسامحج طول عمري , ولدج يحتايج في هـ الوقت بالذات , لكن وينج ؟! ودرتيه و ودرتي كل شي وراج وخترتي الحياه الي تبينها , كنتي وايد انانيه بقرارج , وجودي في حيات سعيد ما يعني انه ما يحتاي ام تحظنه , ام اتبوسه وتقوله يا ولدي , ام تخاف عليه اذا تأخر , تراجعله دروسه يوم يرد من المدرسه , ودرتيه وهو بعده ما كمل 6 سنوات , 6 سنوات يحتاج فيهن للعطف والحنان , ودرتيه وباقي شهر عن عيد ميلاده , ودرتيه وهو يبجي ويصارخ اميييه الله يخليج لا تروحين , اميييه انا احبج , اميييه ليش بتروحين , اميييه انا اسف اذا ضايقتج انا اسف اذا تعبتج اميييه دخيلج لا تروحيين , ودرتيه وهو يصرخ اميييه , ما بسامحج طول عمري ع كل دمعه نزلت من سعيد "

سعيد " جفت ابويه منزل راسه , لاااااااااااا , ابويه يبجي !! , ركضت صووبه وانا احضنه " : دخييييلك ابووويه لا تبجي , دخيييل رااسك , ابويه انا ما اتحمل اجوفك في هذي الحاله , ابويه صدقني ما فيه شي , ابويه صدقني مجرد كحه عاادي , تدري نحن احين في الشتا يعني عادي الواحد يكح

ابو سعيد : وانا امسح دموعي , خلاص ياولدي لا تبجي بعد انته

سعيد : ابويه انته رديت تفكر باميه مره ثاانيه ؟!

ابو سعيد : محد يستاهل ياخذ تفكيري غييرك

سعيد : ابويه دخييلك لا تحاتي صدقني انا ما احتاي لام , انا احتايك انته بس , احتاااايك انتتتتته , ما تستاهل حد يفكر فيها , ما تستاهل تنزل دموعك بسبتها

ابو سعيد " ابتسمت عشان اغير الموضوع " : خلنا احين من سيرتها , يلا خلنا اروح نتغدا

سعيد " تذكرت الدانه بس بعدين قلت برايها بتتريا لين تعيز خلاف بتسير , اهم شي احين ابويه " : يلااا عيل , خلنا نسرع احين اكييد يدووه امحرجه علييينا

في الجامعه الامريكيه :

راشد " كنت ارمس نايف ع التلفون , تصالحنا بس اعرف انه برد وبنتزاعل مره ثانيه و كـ العاده بتتكرر القصة " : بس يااا نايف والله احبها ليش ماتفهمني , احبببببهااااااااا

نايف : يا راشد افتك من المشاكل , والله لو درا ابوها ولا واحد من خوانها بيدفنونها وبيدفنونك قبلها

راشد : ليش ما تفهمني , اناا احبها ما اقدر استغني عنها , انته تطلب مني اتخلى عن روحي يوم اتقولي ودرها وخلك بعيد عن المشاكل , بذمتك انته ما حبيت في حياتك

نايف : امبلا حبيييت وازيدك من الشعر بييت الي احبها تحب واحد ثاني

راااشد " انصدمت ما توقعت نايف يجاوبني بكل سهوله و بـ هالجراه والمصداقيه " : انته من صدجك

نايف : هيه واقولك شي بعد , انا كاتم حبي في قلبي لاني ما ابا اسوي مشاكل للبنت

راشد : انا فاهم قصدك عدل , بس انا هب مثلك , انا بحارب عشان اخذ البنت الي احبها

نايف " تنهدت " : ما اقول الا الله يهديك

راشد : والله نايف نصيحتك ع العين والراس بس والله ماا اقدر اتخلى عنها , انااا احبها ومن قبل جربت ابعد لكن ما قدرت

ديالا " كنت امشي وجفت الولد الي اليوم دعم سيارتي , وعن غير قصد سمعت كلمت احبها ومن قبل جربت ابعد لكن ما قدرت , فهمت هالكلمات لان حمدان وايد يقول احبج واحبج لخطيبته وسالم يتمصخر عليه ويقول وانا بعد يا قلبي احبك وما اقدر اتخيل اني ابعد عنك في يوم "

راشد " بندت التلفون , جفت الي دعمتها اليوم تجوفني , اوووب اوووب في جامعتنا تدرس لووول منو قدها "

ديالا " سويت تعابير في ويهي يعني ما سمعت شي وما تهمني وروحت بدون ما اعطيه المجال انه يتقرب ويسمعني كلام "

راشد " غريب امر هالبنت , بس ما علينا , احس بتصير اكشنات فالجامعه مدري ليش "

في بيت ابو خالد :

ولييد : امييييييييه , اميييييييه , وييينج ؟!

ام خالد : هااا شتبي بعد

وليد : ييي انتي بعدج ما نسييت الي صاار الصبح , ترا والله خلصت السااالفه , لا تعييدين الشريط

ام خالد : لا حول ولا قوة الا بالله , ولييدووه للصبر حدوود

وليد : حدوود الامارات ولا عماان , اااء امزح

ام خالد : انته بسألك ما ترتاح الا يوم ترفع ضغطي

وليد : الله يسامحج يا امييه , تدريبي احببج بس تحبيين تتغليين عليييه , الا ماااا خبرتج شصاار اليوم

ام خالد : ماا ابا اسمع

ولييد : في نص الجبه , اااخ , برااايج بس يوم يودوني المستشفى لا تصيحين ودقولين ليش ما خبرتني

ام خاالد : فااال الله ولا فااالك , ش هالكلام

ولييد : يلا عن اذنج

ام خالد : وليييد وليييد يااا وليييد

وليد : هاااا

ام خالد : ش صار اليوم

وليد : اجوفج غيرتي راايج , ترااج ما تبين تسمعيني

ام خاالد : ولييد عااد لا ترفع ضغطي

ولييد : هااا هذا الي كنت بقولج عنه , اليوم الله يسلمج ارتفع ضعطي و ودوني عند النيرس , قالولي واايد ضغطك مرتفع

ام خالد : لاااا دقووول , اشمنه ياا ولدي ؟!

وليد : منج انتي بعد من منوو , انتي رفعتيلي ضغطي من صباح الخير

ام خالد : ولييدووه , انته احيين قااعد تجذب

ولييد : لا بالله اني ما قاعد اصدق

ام خالد " مسكت نعالي وفريتها علييه , مايته الخام , زيغني ع الفاضي " : ماا علييه يالهرم

وليد : هههههههههه برااويج عيل ييوم ازقرج قلتيلي شعندك بعد

سياف " راااد وهلكاان من التعب , وغير جذي عاطيني دوره برع 5 شهوور واناا مالي خلق , هالسفه ما يت في محلها , اميييه لو درت بتتهازب , هي رافضه فكرة اني اساافر اي مكان , اساسا هي رافضة اني اصير طيار , بس انا عشان احقق حلمي الي اباه ما لقيت غير اني اصير طيار " : السلاام عليكم

ام خالد و وليد : وعليكم السلااام

ام خالد : هلاا فدييتك , شكلك تعبااان , سير بدل وتعال بنجبلك الغدا

سياف : مالي خلق

ام خالد : افااا ليش ؟!

سياف : ما ابا غدا كل الي ابااه اني ارقد

ولييد : اناا اناا ابا غدا , يلا نجبيلي الغدا

ام خالد : سير انجب لعمرك

وليد " حست بوزي " : اناا امره ما تسويلي سالفه , ياخي خلاص انا كبرت عمري 14 سنه هب ياهل

سياف : هههههههههههههههههههههههههههههههههه

وليد : ليش تضحك

سياف : حلوه حلووه , عباالي بدقول 20 او 21 , اربع طططططعش هههههه كثر كثر منها

وليد : تصدق عااد , توني اكتشف انك سخيييف

سياف : ماايبت شي يدييد

وليد : ابوووووووووووووووووووووووووويه جووف ولدددك سياااف يالس يضااارب

سيااف : ااخرب بيييتك يالجذاااب

وليد : اناا اراويك , ابوووووويه , ااااااااااااااي اااااي , ابووويه جوووف سياااف يضربنيي

سياف " غطيت ع اثمه , هذا جذااب واكبر جذااب , لااا والمشكله ان ابويه يصدقه

ابو خاالد " سمعت زعييج ولييدوه وسرت اجوف شصااير " : سيااااااف , يالهرم بطل اخووك

سياف " ياااربي ليش ييت في وقت غلط , احيين كل شي ضدي " : ههههه ابويه والله اتمسخر ويااااه

ابو خالد : شو مسوي باخووك , جذي يمزحوون ؟!!

سياف " بطلت وليدوه و ودي اذبحه , احيين زين يوم هزبني الواالد "

وليد " وانا اتظاهر اني امسح دموعي , وقفت عدال ابويه ومجابل سياف " : خلااص ابويه انا سامحته " دلعت ع سيافووه الي ميت قهر "

ابويه : ما شاء الله علييك , طالع ع يدك فالتواضع

ولييد : ابويه اشعنه يدي انته اقرب " هههههههههه , حسسني الوالد "

سيااف " يخرب بييت الجذب , ضابطنها , بس صدقني يا ولييدوه بي يووم وبكشفك للكل "

وليد " يوم سار ابويه " : هههه ادري احين شو يالس ادقول في خااطرك , بس صدقني ماا بتقدر لووووول , ما بتقدر تكشفني للكل اناا اقوى منك يااابوووووووووي

سياف : هااالصعيدي عاااش يااابووووي , الا تعال شدراك ف الي خطر في بالي ؟!

وليد : مسلسلاات يا حبيبي مسلسلاات , انت ع بالك بس انته الي تعرف تمثل , اناا اشطر منك في التمثييل , وعاارف بالضبط شو الي يفكر فيه الممثل الفاشل مثلك

خااااالد " دخلت البيت وجفت وليده و سيافوه يتغايضون جدام الباب , كـ العاده وليدوه الي يربح في النهايه : وااااااااااااااااك وااااااااااااك واااااااااااك اقصفواه في نصف الجبه ههههههه , اقول سياافوه شراايك اتخم ويهك , دوووم يهزءوونك

مياسه وحمد توهم داخلين البيت

مياسه : ما شاء الله الكل ميتمع عند الباب , شـ الشاالفه

وليد : عيووز مخاالفه بعد شوو , انتي شخصج

مياسه : انته جب محد رمسك

حمد : اوووف انتوا لازم تضاربون

وليد : لاا دخييلك لا تسويلنا دراما مثل كل مره , تتافأف وتسير غرفتك بدون غدا , ترا اميييه هب كل مره بتودييلك الغدا فوووق

حمد : خللوود , قااالولي اليوم في عزااا

خالد : هااا !! عزا منوو

حمد " ركضت صوب ولييده ومسكته , وانا راص بضروسي " : عزاا هالجلب

وليييد : ابووووووووووووياااااااااااااااااااه

سياف " ركضت وغطيت ع اثم ولييدوه , هاهاهاهااااي واخييرا ياااا وقت الانتقاام

في بيت ابو عامر :

جوااهر : اميييه بذمتج !!

ام عامر : اجذب علييج عيل

جواهر : ااااااااااااااااه اخييرا بي عموووري , ياااربي كم اشتقتله هـ الاخو

نوير : امييه متى بييي ؟!

ام عامر : احين ابوج و اخوج عامر فالمطار يتريوونه , جااد انه وصل

نوييير : فديييته , اااااااااااااااء تحمست اخيرا بجوف عمووور

نوال " تنهدت " : انا بسيير انام

نوير " فجييت حجلي " : اميييه شبلاها بنتج !! حسستني انها حاامل و فالشهر التاسع

ام عامر " كرختها ع راااسه " : شووو بعد هالكلااام يالحمااره , عيييب علييج , انتي ما تستحيين , هب زيين ادقوليين جدامها هالكلام

جواهر : خلييها امييه هذا بنتج جذي اسلوبها وسخ وما بيتغير

نوير : اجووفكن انقلبتن عليييه

عمار " دشيت الصاله وجفتهن كلهن ميتمعات ما عدا بثينه و نوال " : السلام علييكم

ام عامر : عماااااااااار !! , امممف شو هالريييحه , ادخن يالخااام ؟

عمار : لااا ما دام اولها جذي , اروح ارقد اخير

ام عاامر : عمااااار يالخاام , ارمسك انااا

عمار : جووفي اذا بتصدعيني وبدقوليلي ليش ادخن ومادري شو قوليلي من اخرتها عشان اروح

ام عاامر : مااايسوى علييينا هالبنت , هذي وهي رفضتك اتسوي جذي عيل لو سوت شي اعظم شو بتسوي

عمار " زااعج " : خلاااااااااااص ترااج ذلييتيينا , ما يسوى عليينا خطبنا البنت , لا تفتحيلي نفس السناريو مثل كل يووم

ام عاامر : حسبي يالله علييج يا بنت شمسوووه

عمار : اوووهوووو , لا تدعيين ع البنت

ام عاامر : حسبي يالله علييها وصلت لـ هالحاله ,ما يانا خيير من دشت هالبيت , يالله يعلها ما تتهنى ان شاء الله في حياتها

جواهر " عصبت , سحبت نوير وروحنا , ياخي ليش ما يبون يتقبلون الموضوع , خلاص البنت ما تبييه , يعني غصب "

عند الدانه :

الداانه " كنت ارمس ساروه بنت عمي علووه فالتلفون " : سااارووه والله ماا ياا , ترييته لين عيزت وماا ياا , هب من عواايده ما اييي

ساره : وانتي يالخبله سرتي لين سكتهم !!

الدانه : شوو اسوي , والله اشتقتله

ساره : ما خفتي حد يجووفج

الدانه : اااوف سااروه , دخييلج لا تسويلي مثل سلااميي

ساره : انزين انزيين

الدانه : دخييلج سااره ممكن اتروحيين بييت يدووه وتجووفيينه

ساااره : دوييييين قاالولج مرسال الحب بينج وبيينه

الدانه : سوييير دخييلج , بييتكم عدالي بييتهم

ساره : اشفقت عليييج خلاص بسير العصر , احيين هب حلوه اسير الظهر

الدانه : يعلني فدااا هالويه

ساره : هههههه لا يابوج هالويه فدى سعييد

الداانه : سااارووه عاااد , لا تحرجيني

سااره : انزيين عيل سلاامي ويينها ما ترد عليييه

الدانه : بعدها مااا ردت من الجاامعه

عند مروان :

مروان : اووك خلاااص , انته خلص شغلك ولا تحاتي , بسسس هاااا لا تحسبها حلااوه وكل يووم اتسويها

ماايد : ههههههه خلاص خلااص , بس هالمره

مروان : يلا عيل انا برووح اييبها

فالجامعه الي تدرس فيها سلامي :

سلامي : خلووود دخييلج خلاص سكري ع الموضوع

خلود : سلاامي امنتج لا تزعلين , انتي تعرفين شكثر احبج

سلامي : ماله داعي اذكريني بـ هالكلام

خلوود : سلااامي عاااد

سلامي : واختج ودووم اكييد طاارت من الونااسه

خلود : خلييينا منهااا
سلامي " رن تلفوني , ومروان المتصل , اشرت لخلود انها تسكت " : هلاا مرواان

مروان " حبييت اطلعها من الجو الي هي فييه " : اوووه اوووه من ويين طالعه الشمس الييوم

سلامي : من الشرق , شفييها

مروان : له له له , بالعااده هلاا مرياااونووه

سلامي : هههههههه يعني تباني اسبك مثلا

مروان : مديييم هالضحكه , هي جذي اباج , يلاا تعالي سرعه السيااره , انا وااقف جدام البوابه

سلامي : تصدق بديييت اشك , انته المتغير هب انا , الشمس اليوم من ويين بتغرب

مروان : من الغرب بعد من ويييين , من الجنووب مثلا

سلامي : هاهاهاهااا لا من الشماال , بس من صدج غرييبه وااقفلي برع

مروان : ههههههههههههه يالخبله , وااقف بالسيااره , انتي من صدقج تبيني اتعب واوقف في الشمس , لا بالله ينييتي , تعرفيينها هذي هب من عواايدي ابدا

سلامي " حست بوزي " : انته ليش جذي دووم اتقفطبي , انزين جاامل ع الاقل

مروان : خخخخخخخخ انزين يلاا سرعه اطلعي , تراا السياره خااست وهي تتريا فالشمس

سلامي : ههههههههه خليض اووكي , ما فينا بعد اتيها ضربت الشمس

مرواان : ههههههههه وعلموج تنكتين بعد

سلامي : هههههه اقووول انته فاهم ش اقصد

مروان : لااا تسبيين سياارتي لو سمحتي , بعدين كل السيايير لازم يختربن وهذي مكمله عندي خمس سنواات

سلامي : ههههههه اوكي اوكي

سلامي : يلااا خلود اجوفج بعدين

خلود : هذا مروان

سلامي : تراج سمعتيني اقول هلا مروان

خلود : انززين يعني حرااام اسأل

سلامي " غمزتلها " : تبيين تتأكدين اذا حبيب القلب يرمسني ولا لاا

خلود : جب جب , لا حبييب القلب ولا عندج خبر

سلامي : عليينا علييناا

خلود : سلااااامي

الفليل الكل ايتمع في بيت اليده :

سعييد و الدانه يتبادلون النظرات

مروان وسياف يالسين عدالي سعييد وينكتون عليه وعلى الدانه

نايف وراشد يتنااجروون , يروحون ويردون ع سالفه البنت الي يحبها راشد

حمد و وليد يتواعدون لبعض , كل واحد يقول لـ الثاني انا براويك في البيت

خالد يحاول يكلم دلال لكن دلال ما عطته المجال

ميوود وسلطعووون كل وااحد يسوولف ع الثاني عن ايام المدرسه وانها احلى عن الحياه الجامعيه

ريما تراقب عزيز ونظراته لـ هدى , ميته قهر وتبا تسوي مشكله لـ هدى

مياسه و ساره يسولفن ويا بعض ومره يصرفن يدوووه الي تهاازب سلامي ودقوولها كل منج يالخبله , الي رديتيله يوم رفضج اللمره الثانيه

الشوااااب يسولفون ويا بعض , العلاقة بين ابو سعيد وابو عزيز شبه متارضين

العيايز يسولفن عن فلانه وعلانه وعن القطع و ادوات المطبخ , ما عندهن غير هالسيره

يدووه : محد قااالج , ملعونت الصيير

سلامي : اووههين , ترااا والله اروح بييتنا

يدوه : تهدديني يعنيي

مروان " خخخ من الصبح يدووه مستلمه سلامي , قلت خلني انقذها ههههه , ونطييت ويلست عدالي يدووه وانا محطي ادي ع كتفها " : يدوووه شو هالكلاام ياخي محسستيني ماخذتنج رهيينه , كييف بعد تهددج

يدوه : مرياااانوهه , حل عني

مروان " اهــــــــــــء , سلالااااامي يالخاايسه اثااريج معلمه الكل هالكلمه , وانااا حليلي ناط اسااعدج ع يدووه , لودريت انج معلمتنها ما يييت

وليييد " نطييت " : قصدك تفج اسرها من هذي الحجيه المجرمه

سلاامي و ساروه و مياسه : ههههههههههههههه

يدووه : امممف علييك يالخام

سلامي : والله اناا ما علمت حد

وليييد : صدج ياااخي , والله طفرتي بالبنت , كله منج وكله منج , عيل انتي لو دريتي سيااافووه شو مسوي شو بتسويين

يدووه : شو مسوي بعد !!

وليد : فاااتج والله

سياف " سمعت وليدوه يقول اسمي ونطيت عندهم , لاني ادرييبه الهرم بيجذب ع يدووه وعااد بعدين منو بيفجني منهاا " : يدوووه لا تصدقييينه هذااا اكبر جذووب

يدووه : لا لا هب جذاب , ما داامك نطيت من هنااك لين اهنييه , معنااته السالفه صدج

وليد " وانا اهز راسي مثل الولد المؤدب " : هيه يدووه الساالفه صدج

سيااف : والله يجذب لا تسمعييله

يدووه : اوووص انته خلني اسمعه شو بيقول

وليد : اقووول , اقوووول

سياف " وانا اتوعدله "

يدوه : قوول لا ارخك احيين بهالعصى

ولييد : حجييه هدي هدي , تراا والله ما اقوولج , ادرييبج انتي ما تبين تسمعين السالفه , انتي الفضول ذابحنج

يدوه : لا تخليني امطغك احيين

وليد : خلااص انا ما بقووولج زعلت برووح بيييدناا

يدوه : وااابوويه ع الزعل المااصخ

وليد : يدوووه رجااءا عن التجرييح , انتي تعرفيني ما اقدر انطق الدااء زيين , عشاان جذي اقوول بييدنا

يدووه : لاا داامك جذي خلااص عااذرتنك

سياافوه : يدووه يجذب علييج يعرف ينطقها بس يستهبل علييج

وليد : سياافوه انده شو دقول ؟! انا ما اجذب انا ما اعرف انطق الدااء

مروان من سدح من الضحك : ههههههههههههه

ميود وسلطعون من سمعوا الضحك انضموا

يدووه : خلااااااااااص بس بس , قالك الولد ما يقد ينطق الدااااء

مروان و ميود و سلطعون : ههههههههههههههههههههه دخييلج يدوه اسكتي والله بتذبحيينا

وليد : يدووه اندي ما دعرفيين ان كثرد الضحك دمييد القلب

الكل ما عدا سيافو واليده : هههههههههههههههههه

حمد , نطيت عندهم : يدوووه يجذب علييج

اليده " مسكت العصى وضربت ولييدووه : آيااا الهرم يالجذااب , اتقص علييه

ولييد : يدووه هو يجذب علييج , تعرفيني انا انسان ملتزم ما عنده جذب و ما جذب

يدووه : لا له اي شي حمد يقووله صدج , انته اكبر خريييط فالعاللم

ابو سعيد " استانست يوم جفت العايله كلها مجتمعه , واصوات الضحك شااله البيييت , ولييدوه مسوي جوو ويطفر بامييه , رحت ايييب تلفوني الي مخلنه يجرج في غرفة سعييد , لان الجرج مالي خربااان , دشييت الغرفه , كالعااده سعييد لا يعرف لا شتا ولا صييف , دوووم مشغل المكيف , رحت شليت التلفون من ع الجرج ويت بظهر لكن شدتني الورقه الي محطاايه ع شبرية سعييد , فتحتها وانصعقت بالي مكتووب "

نهاية البارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحل الغالي عني و تركني وحيدة	ضحية زمانـــــي	شعر و خواطر	6	03-20-2012 12:57 AM
ذا اللغز في الحيرة تركتي تركني ’’’	محروم.كوم	منتدى أخبار المواقع والمنتديات العربية والأجنبية	0	02-04-2012 12:10 AM
^_) يا مسافر عني عمان )_^___ تركني وحيد___	أمير الحزن	شعر و خواطر	3	08-07-2009 11:35 AM
إلى من تركني وحيدة	محروم.كوم	منتدى أخبار المواقع والمنتديات العربية والأجنبية	1	06-01-2009 02:44 AM
تركني بعــز احزانــي ... ~	AlNseem	تصاميم الاعضاء	34	04-06-2009 05:17 AM