تركني حبيبي وزوجوني اياك غصب - الصفحة 15

la6oof · 11-26-2013, 04:07 PM

روايتجج حلووه ، بس عيزنا ونحن نترياا واايد بطيتي __DEFINE_LIKE_SHARE__

يا ما بكيت على الاطلال · 02-12-2014, 02:06 PM

الجزء الثاني:

~ ستكشف عما قريب اطراف الحقيقة التي دفنت بدون اي حق

بعد اسبوع من الاحداث:
راشد "كنت مشتط وميت قهر ابا اعرف منو الطرف الثاني من الحادث " : مستحيييل ما تعرفون من الي مسوي حادث ويا سعيد . انا ما اقدر اصدق هذا الكلام , قولوه لليهال يمكن يصدقونه.

سالم "كنت ابجي بحره, ليتني دافعت عنها, ليتني على الاقل منعتها من السيره, انا السبب, اذا ياها شي انا السبب, لاني انا مخرب سيارتها, حتى ما كلفت نفسي اصلحها, الله يلعن الساعه الي رحنا فيها بيت العيوز"

نواف "انصعفت يوم سمعت الخبر, انا من ساعات ادور عليها وكان عندي امل اني القاها, لكن للاسف ياني ابشع اتصال, ندمت اني كنت دوم العوزها, اخ بس لو يرجع الزمن ساعات ورى"

نندم عندما نفقد اشخاص عزيزين على القلب, لكن هيهات لا يفيد الندم

حمدان "كنت معصب, كل الي صار بسبب العيوز وولدها"

كنت اركض في ممرات المستشفى مثل الخبل , ودي اوصل للمكان الي سايرله بأسرع وقت ممكن , اركض وشال في فكري خبر حلوو واايد , خبر بيستانس علييه الكل

الدانه : ابييي اجووف الي دعمت سعيييييد , والله ما بسوي شي جنوني , اببيي اجووفها الي حرمتني من جووفته , بس ابا اجووفها

مايد : لااا مستحييل اخلييج اتجووفينها

الدانه " تعلقت في ميوود ويلست اترجااه " : مااااا بسوي مثل ذييييج المره , ابييي اجوفها واسألها عن شي

مايد : انتييي من قبل ما جفتيييها بس وصلتي لين باب الغرفه وبغييتي اتودينا في مصييبه , احيين لو جفتيها فييس تو فييس شووو بتسويين

الدانه : والله ما بسوي شي , قلتلك بس ابييي اجووفها

مايد " قلت بحده " : ما بيينج وبينها شي , شو تبيين اتجوفينها

الدانه : يمكن اعرفهااا

مايد : لاا ما تعرفيينها وبعديين البنت برووحها في حاله لا ترثى هب ناقصتنج انتي اتيين وتزيدينها علييها

الدانه " انفجرت صياح وصراخ " : يعلللللها الموووووت خذت مني سعييد , يعلهاا الموووت

مايد " مليت من صياحها وحنتها " : خلاااااااااااااااااص بس , من ويين يااايبه هـ الكره والحقد , نحن ما تربينا ع الحقد ع الناااس , والشي الي صااار هب باييدها , مثل ما سعيييد في العناييييه , هي بعد فالعنااايه , قوليلي منو يرييد يسوي حادث باراادته !! , افهمي لو بايدها تتجنب الحادث كاان تجنبته , وبعدين انتي شدراج ان هي الي دااعمه سعييد ؟! ليش ما يكوون سعييد الي داعمنها !!!!

الدانه " اكتفييت بالصياح "

مااايد : رديي عليييه , ليش سكتي ؟!! " تقربت منها وقلت بعتب " لا تحكمين ع النااس ولا ظلميينهم الظلم خييبه , وكل الي صاار قضاء وقدر , نحن ما باييدنا انغير الي كتبه الله النا , ارضيييييي بالواااقع المكتووب " بعدها طلعت من الغرفه وخبرت البنات ينتبهن علييها وما يخلنها تطلع من الغرفه "

كنت بعدني اركض , كانن لفتيين يفصلني عن المكان الي بوصله , فجأاااااااااااااااااه

: ازقروا الدكااتره سرررررعه , هذا الووولد طااااح فجأه , كان يركض وشكله مافييه شي , بس فجأه طاااااح , سرررعه ازقرواا حد يسااعده

نواف : ساااالم بلاااك اتصاارخ ؟!

سالم : هذااا الريااال طااح فجأه , كااان صااحي ما فييه شي , انننااا جفته كااان مافييه شي بس فجأه طاااح

نواف : لا حوول ولا قوه الا بالله, هدي انزين انته احين هب ناقص " تقربت منه وجست نبضه "

سالم : هاااا شووو ؟!! حي ؟!!

نواف : في نبض

سالم : ويعني ؟!

نواف : ههههههه يعني حيي , بلاااك جذي مشفر ؟!! كلت شي ؟!

سالم " دورت عيونني وقلت " : لااااااء , مالي خلق

نواف " يو الدكاتره وشلوا الريال , لفييت ع سالم وقلت بعصبيه " : مااا يكفي اختك دااخل ؟! تبي يحطوونك عدااليها ؟!

سالم " كنت اتبع الدكاتره , مدري ليش ياني فضوول ابي اطمن ع الولد " : ياليييت , ع الاقل ما احس بالعذاب الي يالس احسبه اتجااها احيين

نواف : حمااااار انتتته !!! , يلا جدامي ع الكافتييريا , باخذلك شي تبلعه

سالم " سويت طااف لكلاامه "

نواف : ايييييييه وين رااايح , انااا ارمسك

سالم : بطمن ع الولد

نواف : ابيي افهم انته شدخلك فييه

سالم : ماا تجووف ماله حد ؟! ابي اطمن علييه واسأله اذا يبي مسااعده , يمكن في يوم يصيرلي الي صاارله واحتااج مسااعده سااعتها

نواف " هو وحمدان نفس الطباع , ما يترددون ابدا في مد المساعده , بس احيانا سلوم اذا كان خايف يتردد عكس حمدان الي لو يعرف ان ممكن يموت ما يتردد , لا تحاولون ابدا تقنعونهم , الرد ع طول جاهز ~ الدنيا دواره ويمكن في يوم نحتاي هـ المسساعده " : خبببببل

سياف : عيل وين مروان

مايد : ما ادريبه

راشد : هذا الآدمي ما يقر ابدا ويوم تباه ما تحصله , ابا افهم ع منو طالع ما ادري , عيال عمه حتى سلام ما يسلم عليهم , مغرور وجايف نفسه

مايد : حرام علييك , عاااد اخوييه هب جذي

سياف : هو مغرور مغرور , لكن اذا ما يسلم ولا يرد السلام انا عااذرنه هب منه من الاشكال والنفسيات الي يقابلها

راشد " يا حمد صوبنا يركض "

حمد : شباااب شباااب , الحقووووووو

في بيت ابو عامر:

ام عامر: لا حول ولا قوة الا بالله , والله يخويتي مادريت الا منج

-------: اييييه, شو نسوي بعد هذي حال الدنيا

ام عامر: انزين عيل تامريني بحايه !!

-------: سلامتج, مع السلامه

ابو عامر: ان شاء الله بس حليتن قضية الشرق الاوسط

ام عامر: انته تدري عاد الحريم

ام عامر: تعرف سعيد -----* ولد اخو ابو عبد العزيز

ابو عامر: هيه بلاه !!

ام عامر: مسوي حادث قبل اسبوع والحين فالعناية المركزه

ابو عامر: لاااا كيف جي عيل ما قالي ابو عبد العزيز

ام عامر: اشدراني فييه

ابو عامر: اعنبو نحن ما نبي منهم شي, بس منطمن ع الولد, فالاخير نبقى اهل

ام عامر: مادري منو المفروض يزعل , نحن ولا هو, ما كأنه عاطي ولدنا كلمه على بنته الي ما تتسمى

ابو عامر: خلاااص خلاااص فكينا من حشرتج انتي الثانية

ام عامر: والله عاد هذا الحق

ابو عامر: قلتلج خلاص

ام عامر: وييييه من قلنا كلمه صرطتنا بقشورنا ما نيسر نتكلم

فالمول:

عمار: تصدق عااااد والله اني استانست من سمعت الخبر, ويااااارب يعله الموت اليوم قبل باجر

عيسى "ربيع عمار" : هب هباك الرب, قلنا انك اتحب البنت , بس ياخي مب جذي عاد تدعي ع الولد بالموت , الحين هو يبي حد يدعيله مو يدعي عليه, والموت تراه هب سهل

عمار: فكنا فكنا من محاضراتك

عيسى: ما اقول الا مالت على حظي سليمه تصكني, انا شأبى فيك, ليش مرابعنك بالاساس

عمار: اقول فكنا من سخافاتك وعطني زقاره

عيسى: ايييه باباه انته فالمول مو فبييتكم

عمار: انته شكو فالبيت مو فالبيت, عطني زقاره وبس

عيسى: يلا عاد يلا عاد عن المسخره, تراني وايد عطيتك ويه

عمار: ايييه انته ما ملاحظ انك وايد مزودنها

عيسى: مزودنها منقصنها انته شكو, وبعدين تعال لا يكون عبالك اني فهيدوه الخسفه, لا حبيبي انا عيسى مو انته الي تمشيني ع هواك

عمار: اقول اسكت اسكت

عيسى: اقول عويمر خل النفس راضيه امبينا احسن

عمار: انا احسلي اقوم اروح انته محد ييلس وياك

عيسى: قال محد ييلس وياك قال, رووح ول زين يومين وبترد تتصل

عمار: عويييس احسلك اسكت

عيسى " قمت معصب, منو هذا عشان يبي يمشيني ع كيفه, اصلن كيف دخل في حياتي كيف صار واحد من ربعي, انا ماكنت جذي , شو الي صار فجأه, مب مستوعب انا غييير, غيييير عن ه الاشكال, ما اتمنى لحد الشر, اصلن ه الاشكال مستحيل يحبون, هذيلا ناس مريضين, الي يحب عمره ما يأذي حبيبه بالعكس يتمناله كل الخير" : خير شعندككككككك, اذا ما سكت شو بتسوي يعني

عمار " ما حسيت الا بأني اضربه"

عيسى " هذا ضربني صح !! "

عمار: يوووم اقولك تسكت يعني تسكت

عيسى " لا هذا صج ضربني, كيف سمحتله يمد ايده, حسيت ان الناس بدت تتيمع علينا, استجمعت كل قوتي ودفرته ع الارض وبديت اضربه" : انتتتته كييييف تجرأت وضربتني, كيييييييييييييييييييييييف

في بيت ابو محمد:

محمد "بعصبيه" : انا خلااااااص بخليها تولي, ذلتني بحبها, ما يسوى عليييه والله, يا عمي في مليوون غيرها يستاهلن اني احبهن

خلود: انته متاكد!! بتقدر تحب غيرها؟!

محمد: خلوود احيانا الانسان لازم يفكر بعقله, ترى الحب مب كل شي فالدنيا, اذا ما حبيت مو معناته اني ما اتزوج
انا ابا اكون عايله ابا ايب عيال واعيش حياتي, انا ما ادري متى بموت, الحياة الزوجية مب شرط تكون مبنيه على الحب
اساس الحياة الزوجية الاحترام وتقبل الطرف الاخر, ادري انه صعب الحبيب ما ياخذ حبيبته, بس يمكن يكون خيره له من رب العالمين
يمكن اذا تزوجنا ما نقدر نكمل, فالاحسن اني اشوف حياتي ومثل ما قال راشد الماجد بلا حب بلا وجع قلب

خلود : بعد عمر طويل ان شاء الله, الله يكتب لك الي فيه الخير ان شاء الله

اماااااااااااا فوووق

وديمه " كنت ارمس ف الفون" : تصدق عااد, اخيييرا افتكيت من مياسوه الخبله, قالت ما تبي محمد, وشي ثاني بعد سلااموه رفضة احمد

-----* : زين يوم يا الشي منهن

وديمه: الحين خلنا من سيرتهن, قولي شو اخر الاخبار

-----* : اقوولج انا لازم ابند احين يلاا اخلييج " وسكرت الفون في ويهاا"

وديمه: ليييش, هذااا سكر حتى ما خلاني اكمل كلامي

-----* : متى بفتك من ه العله, بس اهم شي اني قدرت اسوي الي في راسي بدون ما ادخل في السالفه, بس باقي اخر خطوه وبحقق كل اليكنت اتمناه

مروان " فتحت عيوني ولقت الكل حواليي, كل الي اتذكره اني كنت اركض, بس ليش كنت اركض ما ادري"

توقاتكم للبارت القادم

اذا عرف راشد منو الي دعم سعيد, شو بيستوي؟

عمار وعيسى شو بيستوي امبينهم ؟!

محمد خلاص ما بيتزوج مياسه!!

منو الي كان يكلم وديمه ؟ اهلها يدرون ؟!

شو هدف الي كان يرمس وديمه ؟!

مروان ليش طاح ؟!

سعيد يمكن يموت !! او ديلا يمكن هي الي تموت !!

رايكم في الشخصية الجديدة "عيسى"
__DEFINE_LIKE_SHARE__

Amooon_Alnahdi · 02-13-2014, 06:44 PM

و أخييييييييييييييييييييررررراًاً ردييييييتي وكملتيها ..

والله فقدنا الأمل انج تردين بس الحمدلله انج رديتي ..
والله مب مصدددققققه وناسه قسم بالله بس تكففيين لا تسحبين علينا مره ثانيه ..
وبالنسبه للتوقعات ماعندي والله لان احس بعدني مب مستوعبه شي ورديت قريت البارت اللي قبل بس بعد ناسيه الاحداث شكلي برد اقراها من اول ..
بس بليييزز لا تموتين احد لا سعيد ولا ديالا لانهم اكثر اثنين محليين الروايه ..

وووبس والله فأنتظار البارت القادم بحممممآآآاس , اتمنى ماتتطوليين.
__DEFINE_LIKE_SHARE__

يا ما بكيت على الاطلال · 02-13-2014, 11:42 PM

المشاركة الأصلية كتبت بواسطة amooon_alnahdi

و أخييييييييييييييييييييررررراًاً ردييييييتي وكملتيها ..
والله فقدنا الأمل انج تردين بس الحمدلله انج رديتي ..
والله مب مصدددققققه وناسه قسم بالله بس تكففيين لا تسحبين علينا مره ثانيه ..
وبالنسبه للتوقعات ماعندي والله لان احس بعدني مب مستوعبه شي ورديت قريت البارت اللي قبل بس بعد ناسيه الاحداث شكلي برد اقراها من اول ..
بس بليييزز لا تموتين احد لا سعيد ولا ديالا لانهم اكثر اثنين محليين الروايه ..

وووبس والله فأنتظار البارت القادم بحممممآآآاس , اتمنى ماتتطوليين.

مشكوره فديتج ع الرد, ان شاء الله بكملها, وبنزل البارت في اسرع وقت ممكن. __DEFINE_LIKE_SHARE__

كلي فخر الامارات · 02-15-2014, 02:20 PM

السلام عليكم
و اخيرا وصلت
بصارحة تسلم ايدج علي بارت الطررر و الجنان
توقعاتي
اذا عرف راشد منو الي دعم سعيد, شو بيستوي؟ بيكون مصدوم لانه ما بيتوقع اغلي شخصين عنده هم ديلا و سعيد كلهم حالتهم خطره

عمار وعيسى شو بيستوي امبينهم ؟! احتمال ما بيكلمون بعض لانه عيسي زين تحمل عمار يا ما ناس نصحووو و ما فاد وياه

محمد خلاص ما بيتزوج مياسه!! هب سالفة مذلة السالفة انها المفروض ايضحي و ينصح اخته

منو الي كان يكلم وديمه ؟ اهلها يدرون ؟! لا محد يدري الي يكلمها واحد كان يكلم سلامة وودرها و عقب كان يباها ترد له ما تظهر له

شو هدف الي كان يرمس وديمه ؟! انه يبا يدمر حياة سلامة

مروان ليش طاح ؟! من صدمة او ايكون عنده مشكلة

سعيد يمكن يموت !! او ديلا يمكن هي الي تموت !!
لا بعيد الشر ان شاء الله كلهم ايعيشون
رايكم في الشخصية الجديدة "عيسى"عاتي شخص طيب و علي نباته و ايهمه مصلتحته و ينصح و ايحاول ينصح عمار انه يغير من نفسه
نترياج لا تطولين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحل الغالي عني و تركني وحيدة	ضحية زمانـــــي	شعر و خواطر	6	03-20-2012 12:57 AM
ذا اللغز في الحيرة تركتي تركني ’’’	محروم.كوم	منتدى أخبار المواقع والمنتديات العربية والأجنبية	0	02-04-2012 12:10 AM
^_) يا مسافر عني عمان )_^___ تركني وحيد___	أمير الحزن	شعر و خواطر	3	08-07-2009 11:35 AM
إلى من تركني وحيدة	محروم.كوم	منتدى أخبار المواقع والمنتديات العربية والأجنبية	1	06-01-2009 02:44 AM
تركني بعــز احزانــي ... ~	AlNseem	تصاميم الاعضاء	34	04-06-2009 05:17 AM