الجزء الثاني البارت 3
تعتذرلي وش يفيد اعتذارك, اعتذارك للاسف ماجى ف وقته

حمد: وليد اقسم بالله ان ماسكت لاكسرك احين

وليد: يااااااااااااااخي مايخصك انته

حمد: انا حذرتك

وليد: روووح ول زين

سياف: وليدوه خل البنت في حالها

وليد: اوووووووف شتبي انته الثاني بعد, ياااخي شي بيني وبينها مايخصكم

دانية "كنت معصبه من وليدوه لان غلس ويا مزحه الثقيل هذا" : اصلن انا ماعصبت

وليد: هيه اصلن باين

دانية " شخصيه يديده, اكووون بنت عمتهم, وحيده اميه, ابويه متوفي الله يرحمه, عمري 22 سنه , ادرس تصميم ازياء لاني اعشق الازياء" : اووووووف اللهم طولك ياروووح, انا اصلن ليش يايه هنيييه

وليد: اييييييييييييوه هذا الي ابي اعرفه, انتي شيايبنج هنيه

دانية "اهئ بذبحه ه الانسان, جفت اميه ظاهره من غرفة الحريم" : اميييييه تعالي شليني من هنيه, قبل لا اذبحه ولد اخوج هذا

وليد: وين الرقه الي كانت قبل شويه

دانية: انته خليت فيها رقه

ام دانية: اقصري حسج فضحتينا عند العرب

دانية "بقهر" : ابااا ارد البيييت

ام دانية: ما في سيره تونا الا ياين

دانية: انا ما اقدر اتم ثانية وحده ويا ه الانسان الاهبل

وليد: انا اهبل احين

دانية : اهبل ونص

ام دانية : داانيووه اقصري حسج ويلا روحي ايلسي عند البنات

دانية: ماااابي مااابي مااابي , ما احب ايلس وياهن كل وحده نفسيه اكثر من الثانيه

ام دانية: عيييب عليج يالهرمه, حد يقول عن بنات خواله جذي!!

دانية: اصلن انتي ليش يتيي وياااي المستشفى, ليش ليش لييييييش

ام دانية: ما بخليج بروحج تركبين ويا الدريول

دانية: أثاريني انا وين رايحه!! الا بروح الموعد وبرد ما بيسويبي شي ه الفقير

وليد: احين الدريول فقير

دانية: انته جاااااااب لا ترمسني, ما يخصك الكلام بيني وبين اميييه لا تتدخل

وليد: بل بل بل نااار حشى ما تتقاربين

ام دانية: لسانج طويل يبيله قص

دانية: انا باخذلي تكسي وبرد البيت, والله ما ادخل عند الدكتور واحين اقولج بعد مواعيد بعد اليوم مااااشي

ام دانية: داااانية وين رااايحة, ارجعي

دانية" سويت طاف وروحت"

حمد: عمووووه انتي برايج ارجعي عندهم وانا بلحقها وبردها البيت.

دانية " اووووف ودي اذبحه ه الانسان, بصيييح والله مقهوره مابردت خاطريه"


[COLOR="rgb(85, 107, 47)"]دانية.....< شخصيه انطوائية, حساسة, وكل الناس عندها نفسانيين, ما تعرف تجامل حد, واذا جاملت شخص ما تقدر تتحكم في مشاعرها وع طول تنبان شخصيتها, ابوها له تأثير كبير في شخصيتها, من بعد ماتوفه تغيرت 360 درجة وغير جذي ما عندها اي خوات او حتى خوان وهذا شي بعد أثر عليها, يمكن لو كان عندها خوات يمكن كان تغير مجرى حياتها.


سعيد "فتحت عيوني ومش مصدق اني بعدني عايش, الي يجوف الحادث يقول مستحيل يعيش ه الانسان, رجعتني ذاكرتي لساعات قليله قبل مايصير الحادث"


سعيد "رن تلفوني وجفت الرقم غريب ما اعرفه, رديت ع المكالمة ويا ليتني ما رديت"

المتصل: سلام عليكم

سعيد: وعليكم السلام معاك سعيد منو المتصل لو سمحت

المتصل " بخبث مع ضكة استهزاء" : ههههههههه افاااا ما عرفت صوتي!!

سعيد " الصوت مب غريب عليه" : خلصني وقول منو انته , لا ضيع وقتي

المتصل: ركز شويه وبتعرف

سعيد: اوهييين عليه بتقول منو انته ولا اسكر احين

المتصل: انا واحد اسمي فيه حرف الراء

سعيد "كنت بسكر التلفون" : انته شكلك واحد فاضي وما عندك سالفه


المتصل: اذا يهمك امر الدانه ما بتسكر

سعيد "عصبت, الدانه !! هذا شدراه فالدانه؟!" : شوووو بينك وبين الدانه

المتصل: ولا شي بس حبيت اقولك ان الدانه اذا ما كانت لي ما بتكون لك

سعيد " جن جنوني, اصلن اسمع اسم الدانه على لسان ريال غريب يخليني اعصب, يوم قال الدانه اذا ما بتكون لي مابتكون لك, عرفت صاحب الرقم" : عماااااااااااار الجلب

عمار: ههههههههههههههههه واخيرا صفقه صفقه صفقه

سعيد: لو تنط لسما وترجع الارض الدانه ما بتكون لحد غيري

عمار: هههههههههههههههههههههههههههههه

سعيد " مب قادر استحمل صوته, ودي امسكه احين وامردغه تمرديغ, بندت في ويهه من القهر, اساسا الكلام ع التلفون ما يعطي الشخص حقه فالتعبير"

بسبت المكالمه استنزفت كل طاقتي, اساسا انا كنت تعبان اولا لاني طالع من البيت من الصبح لين الحين وما حطيت لقمة في حلجي, ثانيا شغلي وايد استنزف مني طاقه,
طالع من الدوام وينج يا شبريتي, ياني ه الاتصال وزادها عليه, حسيت بويع في قلبي مثل الشوك يوخزني من القهر والتعب,
دورت دواي في كل مكان واخر شي لقيته فالسده مسكته ويت بخذ الدوا وطاح عند ريولي وخيت تحت وحاولت ايبه وما رمت,
تذكرت اني كنت الصبح مطلع حبه عشان آكلها وحطيتها فكلينكسه و ضميتها في مخبايه, ماكنت مركز ع السواقه عدل فكانت السياره تروح يمين اردها لليسار,
تميل لليسار وايد اردها لليمين, طلعت الكلينكسه من مخباي فجأه حد دق هرن وعطاني فول ليت, فزيت وطاح الدوا من ايدي, حسيت راسي يدور والدنيا تضبب جدامي باسود,
مارمت اتدارك الحادث, فقدت السيطره على نفسي وفقدت الوعي وما عرفت شو صار بالضبط"

راشد " ماصدقت الخبر, سعيد قام بالسلامة, الحمد لله, طلعوه من العناية وحطوه في غرفه خاصه, ركضت بأقوى ما عندي"

سياف: اناااا اول واحد بدخل عليه

وليد: لا اننننااا

مايد: لا انته ولا هو اناا الي بدش قبلكم

نايف: الاكبر هو الي يدش

راشد" وصلت وانا الاهف, رحت صوب الباب ودخلت وسويت طاف لكلامهم"

سياف: طااااااااع الهرم

سلطان " رحت صوب غرفة سعيد" : يا هبلان قال الدكتور تقدرون ادشون عنده بس لا تسون صدعه, وخلوه يرتاح لا ترمسونه واايد

سياف: طاااااع وليش من الصبح محد تكلم وقالنا

[COLOR="rgb(85, 107, 47)"]تيمع الكل عند سعيد وتحمدله بالسلامه[/COLOR]

الدانه "كنت ولهانه عليه وااايد, حز في خاطريه تجاهل سعيد اليه, حسيته وايد متغير ومب طايق يجوفني"


[COLOR="rgb(85, 107, 47)"]عند ديالا: [/COLOR]

الكل درى ان وضعي استقر وحطوني في غرفه خاصه

الدكتور: برمسج بكل صراحه, وضعج صحيح انه استقر لكن مازال هناك خطوره عليج, انا بسمح الزياره بس بشرط ما تعبين عمرج

ديالا: دخييييييلك دكتور ما ابييي حد يدش عليييه, لا تخلي حد يزورني

الدكتور: هدي شويه, اهلج خايفين عليج وصايرلهم اسابيع يتريون يجوفونج

ديالا " بجيت" : دكتور الله يخليك ما ابي اجوف حد

الدكتور "تعاطفت وياها" : بيصير كل الي تبينه بس هدي انتي احينه


الدكتور: للاسف ما تبي تجوف حد, وانا ما حبيت اصر عليها لان في خطوره على حياتها, مانبيها تزعل عشان ما تسوء حالتها, نبي نسيطر ع الوضع كليا

ابو ناصر: ليش بنتي ما صحت؟!

الدكتور: للاسف عندها وايد اضرار اثر الحادث الي تعرضتله, تدري الحادث كان وايد صعب, حتى يوم طلعوها من السياره خذولهم وايد وقت

ابو ناصر: الله كريم يا دكتور

نواف " كان عندي فضول" : انزين دكتور يعني كيف مثلا عليها خطوره!!

الدكتور: للاسف ديالا يمكن ما تقدر تمشي من بعد الحادث, وغير جذي عندها وايد كسور, وما نبيها تتحرك او حتى تجهد نفسها بالكلام لان عندها احتماليه حدوث نزيف

حمدان: لا حول ولا قوة الا بالله

سالم" سحبت نفسي ورحت البيت, الوم عمريه ليل ونهار, من بعد كلام الدكتور مارحت المستشفى ابدا"

[COLOR="rgb(85, 107, 47)"]بعد اسابيع من الاحداث: [/COLOR]

سعيد " اليوم بتخرج من المستشفى, طلبت ان محد ايني المستشفى غير ابويه, الكل لاحظ اني تغيرت حتى في معاملتي مع الدانه, ما ادري شو احساسي بالضبط , كره شوق حنين"

ابو سعيد: ابويه نقلت اغراضك فالغرفه الي تحت, لانك ما تقدر تروح وترد فوق

سعيد: مشكور ابويه, تعبتك وايد وياااي

ابو سعيد: يا ولدي تعبك راحه, ما صدقت انك تقوم بالسلامة

سعيد: فدييتك والله

ابو سعيد: يلا خلنا نروح البيت, هيه صح تراني نبهت على الكل انهم ما ايونك البيت ابيك ترتاح, وغير جذي ابيك في موضوع مهم بس مب اليوم , ذكرني باجر

سعيد: ان شاء الله

ابو سعيد: انا بسير اوقع على اوراق خروجك

سعيد: لين ما تروح وتوقع ع اوراقي انا بسير ازور البنت قالولي سمحوا بالزياره

ابو سعيد: هيه زين تسوي يا ولدي, اهم شي انك ما تشيل الكره

سعيد: ههههه لا ابويه ليش اكرها هي ما الها ذنب مثل ما انا ما اليه ذنب, وترى الي صار يمكن يصير مع اي حد ثاني, وهذا قضاء وقدر, محد يبي يموت بارادته


[COLOR="rgb(85, 107, 47)"]في بيت ابو عبد العزيز : [/COLOR]

ام عبد العزيز: يا ولدي كلك لقمه

مروان: اووووووووهيييين امييه الله يخليج والله مالي خاطر

ام عبد العزيز: بس ما يصير جذي

ميود "هزيت راسي, مروانوه الخايس مطفر ب امييه من اول ما وعى" : اميييه هذا اصلن يدلع عليج

مروان: طاااااااااع المقهور, يعني اذا ما كلت يعني ادلع

ميود: هيه تدلع

مروان: مااا ادلع

ميود: تدلع

مروان: جب قلتلك ما ادلع

ميود: تدلع ونص

مروان: ياااخي هذا هب اسمه دلع

ميود: اسمه دلع

مروان "كرخته بالكلينكس ع راسه" : اقووولك مب دلع يعني مب دلع

ميود: اااااااااااخ اميييييييييييه جوفي ولدج ضربني ع راسي ياني ارتجاج ياخي

مروان: هذا الي قاعد تسويه احيين اسمه دلع

نايف "كنت نازل من فوق, سمعت حشره تحت, هذا اكيد مريااانوه وميييييد, صارلهم اسابيع ع ه الحاله, كل واحد يطفر بالثاني" : الله يعنيج يا ميييييه صدعولج براسج

ام عبد العزيز: اناااا خلاص غسلت ايديييي منهم

سلامه "كنت يالسه وياهم ولا كني يالسه, فكري راح لبعيد, كنت مركزه عيوني ع الحصير الي قاعدين عليه, والدانه بعد صاخه وكله تسرح ه الايام, شكلها العلاقة بينها وبين سعيد متوتره"

مروان "فجأه الكل صخ, حركة عيوني باتجاه سلامي, ما اعرف شو فيها, كله سرحانه, لازم اطلعها اليوم واخليها تغير جو, كان ميود عدالي" : ميود ميود

ميود "كنت افكر ب الحال الي وصلناله, اختفت الضحكه من ه البيت, ما احب اجوف الحال الي وصله كل واحد فينا, يوم تجوفهم تجوف كل واحد فيه حزن كبير ومب عارف كيف يعبر عنه, سمعت مروان يهمس فأذني" : هاااا شعندك بعد

مروان: ااشششش قصر حسك, ابيك في موضوع

ميود: شو ه الموضوع

مروان: ياخي وضع الكل مب عايبني وخاصه سلامي

ميود "اكتشفت مب انا بس الي ملاحظ ه الشي, حتى مروانوووه ملاحظ, تنهدت وقلت" : يعني تفكر بالي افكربه

مروان: ياخي ما احب الكآبه, ما احب اجوف حد حزين لان هذا ينعكس فيييه بعد

ميود: انزين عندك حلووول

مروان: لازم ارجع وضع البيت مثل ما كان, ف بنبدا بسلاااموه

ميود: شو تقترح مثلا

مروان: واحد منه يشلها ويخليها تغير جو واطلع كل الي ف خاطرها, والله ان تمت على هذي الحال بتمرض

ميود: خلاص انا بشلها

مروان: لا يالحبيب لا انا ولا انته, اذا نبا نضرب عصفورين في حجر واحد, لازم نخلي نايف يشلها

ميود: ابويه هذا بروحه يباله ريهبيتيشن

مروان: خف علينا يالعنقريزي, قال ريهبيتيشن قال

ميود "ارتفعت اصوتنا لا ارادي مره ثانيه ورجع الوضع مثل ما هو" : خلاااص خلااص اعادة تأهيييل ارتحت

مروان: خلااااص فهمنااا, لا تعلي صوتك

ميود: انته الي لا تعليييه

ام عبد العزيز: هذيلا مستحيل يعقلووون, سلامي اميييه قومي روحنا عند ام عبدالله شويه تغيرين جو...< جارتهم وبنتهم ربيعت سلامي تدرس وياها في نفس الجامعه

سلامه "قمت بدون ما اتكلم, روحت وياها حتى ما فكرت اذا كان لي خاطر اروح, بس المهم اشرد من الحال الي انا فيها"

مروان: كللله منك فقت ه الحس لك

ميود: حشى عليه انته الباااادي

نايف "الكل راح, اميييه راحت ويا سلامه, والدانه راحت فوق, قلت خلني بعد انا اروح احسن" : خلااااااااص انتوا متى بتعقلون


[COLOR="rgb(85, 107, 47)"]عند ديالا:[/COLOR]

ديالا "مرن اسابيع وانا بعدني ع نفس الحال, ما ابي اجوف احد, اكره اني اقوم من النوم, اتمنى اني اكون كل الوقت راقده, ما احب ايلس مع نفسي ابدا لاني اكتأب اكثر, والافكار تلعبي يمين يسار, خلاص انا اتخذت قرار ومن يخرجوني ع طول بنفذه بدون ما اجوف ورااي"

سعيد "استئذنت من الدكتور لان الممرضه يوم يييت بدخل قالتلي ممنوع, سمحلي الدكتور لان عرف اني انا الريال الي كنت وياها فالحادث, دخلت ولقيتها تجوف صوب الدرشه, كانت سرحانه ونظرها ابعد من حدود الدرشه"

سعيد "تحنحنت" : السلام عليكم

ديالا " لفيت لمصدر الصوت وجفت ريال ماسك عكازه" : وعليكم السلام, شكلك مغلط !!

سعيد: لا مب مغلط, مب انتي ديالا !!

ديالا: هيه انا انته كيف تعرفني انا ما اعرفك

سعيد "ماكنت اعرف وين اجوف, جمالها جذبني واستحيت احطي عيوني فعيونها, ارتبكت شويه, لان غصب الي مايبي يجوفها بيجوفها" : انا سعيييد

ديالا "سعيييد!! سعيد ما غيره الي سويت وياه حاادث!! استحيت ونزلت راسي, احس اني انا السبب في كل الي صارله"

سعيد: ما عرفتيني

ديالا: انااا اسفه

سعيد "على طول قالت انا اسفه, بس ليش تعتذر"

ديالا: انا اسفه لان كل الي صارلك بسبتي

سعيد " استغربت منها؟, ليش تلوم عمرها يمكن ان اكون سبب الحادث فليش تعتذر" : الي صار قضاء وقدر

ديالا: لا تحاول تبررلي, انا اعرف اني انا السبب

سعيد: محد السبب, قدر الله ما شاء فعل, لو كان في يد حد منا يتجنب الحادث كان تجنبه

سعيد: ع العموم انا حبيت اطمن عليج واعتذر

ديالا: ماله داعي تعتذز

سعيد " اعتذرت لاني حسيت لازم اعتذر, تدرون عاد شخص اول مره تقابله ويمكن ما بتقابله مره ثانيه": حتى لو ماكان في سبب للاعتذار بس انا اكرر واقول اعتذر

ديالا "ابتسمت, وقلت" : مشكور ع الزياره, انا بعد كنت بيك عشان اتطمن, قالي الدكتور انك تحسنت فكنت مقرره اي قبل لا يخرجونك

سعيد "رديت لها الابتسامه" : انا اليوم بتخرج عقبالج ان شاء الله, يلا ما بطول عليج مع السلامه

ديالا "ارتحت لاني قدرت اعبر عن اسفي له, واتحت اكثر لان راح والقلوب متصافيه"

سعيد "انهيت اول خطوه في حياتي اليديده الي الله منحها لي مره ثانيه, ارتحت لاني سويت الي لازم اسويه, والحين بنتقل لتغير الثاني في حياتي"

فتّحت عيوني لما شِفتك يا عيوني
جايي تحللي بِعيوني دِنيتنا بكلّ شَي فيها
شمّيت ورودي إِنتَ وحلّيت وجودي
حُبّك توَّجلي وعودي وكِلمتنا لا ما محيها
خبّيت بصدري قلبك كان وِدّي دفّيك
شمّيت الكِذب بحبَّك إي الله يقوّيك
جايي تحمّلني ذَنبك ما أنا قَبلك ناسيك
مين إنتَ تاااريك

نواف "انا لازم اجوفها, لين متى بتم ع ه الحال"

ديالا "بعد ماراح سيعد, غمضت عيوني وانا مرتاحه"

نواف: بس يا دكتور لين متى بتم ع ه الحاله


الدكتور: المسأله مسألة وقت

نواف: بس يا دكتور الي قاعد يصير غلط كبير, يعني اذا تمت مصره انا ماتبي تجوفنا بتسمع كلامها

الدكتور: والله يا اخ نواف اذا ماتبي تجوفكم انا شو اسوي!!

نواف: ياخي انا بدخل واي يصير يصير

الدكتور: يا اخ نواف لازم اكلمها بالاول واقنعها

نواف: انته شكلك مابتسوي شي, خلني انا اروح وانهي ه الموضوع "روحت وسويت طااف للدكتور"

الدكتور "عصبت من اسلوبه الوقح, بجوف اخرتها"

نواف "دشيت عليها ولقيتها نايمه"

ديالا "سمعت صوت الباب ينفج مره ثانيه, عبالي الدكتور ولا حد من الممرضات" : it’s ok I’m fine no need to anything

نواف "تكلمت بدون ما تفتح عيونها, عبالها حد من الممرضات" : احممم

ديالا " فتحت عيوني وجفته ع راسي"

نواف: سلام عليكم


نهاية البارت
توقعاتكم للبارت القادم:
ميود ومروان بيقدرون يرجعون اجواء البيت مثل ما كانت ؟!

شو سبب تغير سعيد المفاجأ؟! على شو ناوي يا ترى وشو هو التغيير الثاني؟!

ديالا على شو مقرره!!

راشد بيزو ديالا ولا لا؟!

شو بيصير بين ديالا ونواف؟!
[/COLOR]