| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
03-01-2014, 11:25 PM
| رقم المشاركة : [ 96 ] |
| عضو جديد |  البارت الخامس:
__DEFINE_LIKE_SHARE__
ما ابي شي انا جدا قنوع ما ابي الا انت وكلك لوسمحت ما ابي اموال وترف ما ابي اغلى الجواهر ما قصور وتحف ولا تحكمني مظاهر... وش تبي ؟! في مكان بعيد عن المدينة واضوائها بعيد عن الضوضاء ودخان السيارات بعيد عن المولات وازدحامها، في مكان مليء بعشاق الشتاء البارد والنسيم العليل، في مكان يجلس فيه كل اثنين او اكثر على الضو الدافية. على العرقوب كنت انا نواف وحبيب القلب مروان يالسين على الضو، نشكي همومنا لبعض، مالنا الا بعض، اذا كنت متضايق ادق ع مروان واشكيله... يقولي دقيقة وبي اشلك مكان يريح قلبك، واذا دقلي يشتكيلي اقوله ثواني واكون عندك، يشلني هو ع العرقوب واشله انا البحر، انسب مكان عشان تشكي همك يا اليلسه ع الضو او الوقفه ع البحر. نواف: وهذي هي قصتي يا مروان مروان "حكيت راسي بطريقه غبيه" : انزين يعني، انزين احينه نواف "قاطعته" : ههههههههههه قول ما فهمت وخلاص، لا تتفلسف ع راسي مروان: جب، هذا يزاتي بعد يالس احاول افهم مشكلتك، بس تصدق انا بصراحه دار راسي ماعرفت اذا كان شعورك هذا حب ولا اعجاب، حيرتني ياخي نواف "تنهدت" : انا بروحي مافهمت نفسي عشان جذي قلت بقولك يمكن تعرفلي مروان: انزين جووف بسالك اسأله وانته جاوبني بكل صراحة، عشان القالك الجواب نواف: يلا يا دكتور الحب اسألني جوود تلقى حل لحالتي مروان: على حد علمي يا ولد عمي نواف: اووووف مروان عن السخافه هب وقت تظهر مواهبك الغنائية مروان: جب جب هذا شي اساسي قبل لا ابدا بطرح اسئلتي نواف: خلنا من ابراهيم دشتي ويلا اسأل ..... > على حد علمي يا ولد عمي اغنية ابراهيم دشتي... المهم تابعوا الحديث الي دار بيني وبين دكتور الحب مروان عشان تعرفون مشاعري اتجاه بنت عميه "ديلا،،، مروان: انته يوم اول مره اعترفتلها انك تحبها، قلت ه الكلام لانك شفقت عليها بعد ما ضربتها وبجيتها ولا كنت تحس بمشاعر اتجاها قبل لا يصير الموقف!! نواف: والله يا دكتور مروان هو صراحه يعني انا بروحي تفاجأت يوم قلتلها هذاك الكلام، ما اعرف كيف طلعت من ثميه، يعني لو فكرت شويه يمكن اكون شفقان عليها مروان: وانا بعد اقول جذي يا استاذ نواف لاني اعرفك عدل تضعف يوم تجوف دموع المرأه نواف: خف علينا يا راعي المرأه مروان: اقووول جب جب، خلنا نكمل... السؤال الثاني، ليش دقيت عليها بعد ما طلعت من بيت يدتك، قبل لا يستوي الحادث نواف: مامادري، كسرت خاطريه يوم ضربها ابوها جدام الكل، خفت شي تسوي بعمرها مروان: اهااا قربنا من الجواب، السؤال الي بعده: شو كان احساسك يوم سمعت بالخبر نواف: اي خبر مروان "كرخته ع راااسه" : ركز وياي يا اهبل، لا تسرح يمين ويسار، كنت اقصد يوم سمعت انها سوت حادث نواف: اااخ يا جلب يعوور، اجوفك صدقت انك دكتور مروان: جب جب جاوب على سؤالي بس ولا تكثر كلاام نواف: يعني شو بيكون!!! مثل شعورك يوم سمعت ان سعيد ولد عمك سوى حادث مروان: هيه خلاص عرفت، انزين قولي يوم رحتلها المستشفى، ليش رحت! مع انك كنت تعرف انها ماتبي تجوف حد؟!! نواف: حسيت اني لازم اجوفها باي طريقه لان كان عندي وايد كلام كنت ابي اقوله لهااا مروان"هزيت راسي" : رجعنا لنفس النقطة نواف: ما فهمت كيف يعني مروان: يا حبيبي،، يعني رجعنا للبداية، مره احسك تحبها كبنت عمك ومره احسك تكن لها مشاعر حب العاشق نواف: اصلن انته دكتور فاشل مروان: جب جب، جاوبني على السؤال هذا، يوم رحت وجفتها شو حسيت نواف "تذكرت كل الي صار في المستشفى وكيف كنت متشوق اجوفها" : كنت متشوق اني اجوفها، لكن عصبتبي وايد حتى كنت بروح، بس راحت العصبية يوم طاحت ع الارض، عورني قلبي يوم تذكرن كلام الدكتور انها يمكن ما تقدر تمشي، ما قدرت استحمل دموعها حسيت بضعف وحظنتها مع اني عارف الي قاعد اسويه غلط، بس جدام دموعها ما همني اي شي غير اني احسسها بالامان. مروان: نواف الي تحسه اتجاها مجرد شفقه، واكبر دليل انك تضعف جدام دموعها، اذا كانت البنت تحبك انهي كل شي قبل لا تتعلق فيك وبعدين تجرحها. نواف: ما اعرف والله ما اعرف، بس اتيني حالات اشتاقلها، ودي تكون جدامي، واحيانا اجوفها جدامي وودي بس اضاربها والعوزها مروان: اقول يالحبيب هذا اسمه حب اخوي لا غير، لو فكرت شوي، انته تشتاقلها وتبي اتجوفها جدامك ويوم تكون جدامك تبي تلعوزها، ولو فكرت اكثر بعد انته وحيد امك وابوك وعندك فراغ عاطفي من جهة وجود الاخوان، يوم يت ديالا عبت ه الفراغ، انته فكر في كلامي عدل وحاول تختبر نفسك جدامها وتحدد مشاعرك اتجاها، اذا طلعت تحبها الله يهنيك فيها واذا اكتشفت انها مشاعر اخويه صارحها ولا تخليها تحبك وتتعلق فيك وخلاف وتجرحها. في المستشفى: ديالا: والله صج : هيه، استانستي صج!! ديالا "الحمد لله الحمد لله، انا مب عاجزه و لاااا غير جذي انا بتخرج اليوم" : يسسسسس واخيرا الدكتور: ها عااد هب تنسينا زورينا بين فتره وفتره ديالا: افا عليك يا دكتور اصلا من بعد الاخبار الحلوه الي قلتلي اياها، كل يوم والثاني انا مطيحه هنيه، انته ما تعرف شو قدمت لي، انته حيت الامل فيني من جديد الدكتور: ههههههههههه اصلن هذا واجبي، وعشان الخبر الحلو لازم تعزميني على شوكولاه ديالا: شوكولاه بس!! اصلن انته قالب كيك اد الدينييي مايوفي حقك حمدان: دكتور عشان سلامة ديالا، انته معزوم عندنا يوم الجمعة ع الغدا الدكتور: ههههه لا لا كنت امزح وياها لا اكثر حمدان: بس انا ما امزح ديالا: دكتور ما يحقلك ترفض ياخي الدكتور: ما عليكم زوود سالم: انا بقولك اياها وبكل صراحه، هذا الحال ما يمشي، انته في بيت وهي في بيت والمشكله بعدكم متزوجين ابو ناصر: انا ما منعتها من انها تعيش هني، هذا بيتها مثل ما هو بيتكم، لكن امك راسها يابس سالم: نحن ما نقدر نعيش بليا ام في هذا البيت، تكلم وياها لين متى بتمون مضاربين ابو ناصر: انا ما بتم اراكض وراها، عيزت من المراكض ورا الحريم، وحده زعلانه ووحده تبي تطلق، اسمع قول حق امك تبي ترجع حياها ما تبي ترجع انا بدور حرمة غيرها سالم: لا حوووول بعدك بتيبلنا وحده فوق روسنا ابو ناصر: انا والله من حقي اجوف حياتي، الي يبي يعيش وياي وتحت قوانيني حياه الله والي ما يبي الله وياه، انا ما بجبر حد ومحد بيجبرني خلك احين من ه السوالف، حمدان راح ايب ديالا، اليوم بيطلعونها، انته الوحيد الي ما جفتها، ترا هي هب زعلانه منك وقالت انته مالك اييد في الي صار سالم: انا مستحي احطي عيني في عينها ابو ناصر: حق شو بعد مستحي، انا السبب فلي صار هب انته، بس خلاص كل شي تعدل ومر على الحادث شهرين سالم: ييي يالدنيا شهرين مرن وديالا في المستشفى، لا جفتها ولا سمعت صوتها، يربي هي زعلانه علي وشايله في قلبها لاني حتى ما فكرت اتصلها ولا هي مسامحتني وعاذرتني!! في بيت ابو خالد كان سياف يأشرلي بعيونه ع وليد حمد بنذاله: هااا شفييك ارمس عادي محد هنيه سياف: حماااار صارلي ساعه يالس أشرلك حشى حوليييت حمد: انزين الحين شتبي سياف: هذا شفيه اليوم ماله بارض امطنقر حمد: ههههههههههههههههههههههههه ليش انته ما دريييت !! سياف: شصاار شو الي فاتني اليوم حمد: ابويه هزبه اليوم واونه هو زعلان احين سياف: ههههههههههههههههههه زعلاااان!! هذا من متى يزعل دلال: حراااام علييك حتى هو انسان عنده مشاعر، والله كسر خاطري حزين ما طاع ياكل شي سياف: مااا عليج منه الحين من ينجبون الغدا بيعفد، هذا ما يعفي عن شي حمد: لا هو من ناحية يعفي ما يعفي دلال: عاااد كله ولا وليد حمد: مالت عليج وعلى ه الوليد خالد"كنت توني داش الصاله" : هاااا سمعتك يا حماار، محد مالت عليه غيرك سليييمه تصك سياف: انزين ماقلتلي ليش هزبه ابويه حمد: شله العزبه اليوم الصبح، وسار اخوك وفتح عن زرب البوش وخلاهن يسرحن فالبقعه سياف: انزين وشو صار !؟ حمد: تدري عاد ابويه كله ولا البوش ، سارن بعيد وخذله فوق الساعه الين ما حوشهن سياف: انزين هو شو يبي البوش !! ماله ومالهن حمد: ههههههههههههه شدراني عنه اسأله يمكن ينفس عنهن كااااااااااااااااك دلال: حرام عليكم اصلن بدون مشاكل وليدوه الحياه هب حلوه، زين ه الايام يوم تحصل حد يحب يلعوزك حمد: انتي ليش كله تدافعين عنه!! دلال: انا ما ادافع عنه انا يالسه اقول الحقيقة وليد"كنت اسمع الي يقولونه، بس ما كان لي بارض ارد عليهم، كنت افكر بالي صار، انا اكره حد يصارخ عليه، حز في خاطري تصرف ابويه" عند قوم سعيييد: ابو سعيد: امك تبي تشوفك سعيد " ما اهتميت بالي قاله ابويه، لان خلاص ما تهمني، انا اصلن ما عندي ام" ابو سعيد "ما الوم سعيد على ردت فعله البارده، بعد كل ه السنين يايه تبي تجوفه!!، انا ما بمنعه من جوفتها اذا كان يريد و مابجبره اذا ما يريد، اهم شي عندي راحته، انا عايش في ه الدنيا بس عشان اوفر الراحه" يدووه: ليش يايه تسأل بعد كل ه السنين، هب هي الي خلتكم بإرادتها، خلتكم وراها بدون ما تعيرلكم اي اهتمام، حتى ما فكرت في يوم ترفع سماعة التلفون تسأل عنكم ابو سعيد: اميييه خلااص لا تفتحين الموضوع سعيد: قولها سعيد ما يبي يجوفج، سعيد الي قدر كل ه السنين يعيش بدونج، قادر يكمل كل حياته بدون ما يسمع حتى صوتج في بيت ابو عبد العزيز: سلامه: ترا اليوم العشا في بيت يدووه الدانه " كنت اعدل اظافري" : وشو المناسبه !! سلامه: بس جذي، يدوه حابه تيمعنا كلنا اليوم الدانه: انا ما بروح سلامه " ما اهتميت بكلامها، ما يهمني اي شي تسويه" : برايج انا بروح ومب قاره دقيقه وحده في ه البيت بعد اليوم الدانه: شدعوه، لا يكون غاثينج سلامه: لا الله يسلمج بس انتي باطه جبدي شويه الدانه: جب جب سلامه: جب يجبج حمار يلفج فليلة "سكت لاني تذكرت ان العلاقة بينها وبين سعيد هب لذاك الزود، صح اني عتبانه عليها وايد و رافعه ضغطي، الا اني هب نذله لدرجه اني اجرحها واذكرها بالمواجع" الدانه: اجوفج سكتي، ليش ما كملتي سلامه: مالي مزاج الدانه: انتي من متى لج مزاج سلامه: لا عااد انتي الي اربعه وعشرين ساعه لج مزاج الدانه: فكيني من حشرتج ويلا اطلعي من الغرفه سلامه: حبي ترا ه الغرفه غرفتيه، انتي الي لازم تطلعين منها هب انا الدانه: خلاص هذي الغرفه من اليوم ورايح بتكون لي، وانتي روحي في اي غرفه سلامه: نعم نعم نعاااااااام، اقول لا يكثر بس، يلا اقلبي ويهج الدانه: انا تراني ارمس جد، ما اتمسخر وياج، يلا شلي اغراضج واطلعي سلامه " عصبت منها" : اقووول انا هب طاااالعه من هني، فاحسن تطلعين بكرامتج قبل لا اطلعج بالغصب الدانه: خييير شقلتي !! هب انتي الي ترمسين عمتج بهالطريقه سلامه: تخسين الا انتي، قالت عمتج قالت الدانه " عصبت ورحت دفرتها ع الارض": هييي انتي هيييي احترمني احسلج سلامه "قمت وغلقتها من شعرها، هذي اجوفها وايد مصختها، هب هي الي تعاملني بهالحقاره، لاني يتيمه، وتتمن عليه لاني ساكنه في بيتهم وما عندي مكان اروحله" : تراني سكتلج وايد، وكل مره اقول يا سلامه امسكي اعصابج، تراها ما تقصد، الا خلاص انا اراويج من اليوم الدانه "غلقتها مثل ما غلقتني" : فكيييي شعري احسلج سلامه: هب فاكه نايف"كنت نازلت تحت، وسمعت صريخ البنات، ورحت على طووول صوبهن" : اييي انتن ايييي، شو تسون، بطلن بعض الدانه: والله الليله ما اخليها هالحيوانه نايف: دوييين بطليها احسلج الدانه: ليش دايما انا الي ابطلها، خلها هي تبطل نايف: سلامه بطليها سلامه "بطلتها، ويوم بطلتها كان تغلقني بقووو ومكعت شعري، عصبت وظربتها كف" : يا حقييييره يالنذله الدانه: انتي تصفعيني كف "رديتلها الكف" نايف "وقامت الحرب مره ثانيه" : خلاااااااااص بطلن بعض سلامه: انته جفتها يوم بطلتها شو سوت نايف "جفت مافي امل انهن يبطلن بعض، ورحت حايزت امبينهن" :خلاااص، سلامه خلاص انتي العاقل خليج احسن منها الدانه: لا والله، اصلن هي الحقيره، الجلبه النيسه الحقوود سلامه: تراني خليتلج الاحترام الدانه: جب لا اقوم احين اصيحج سلامه: اتخسين الا انتي، يا دلوعة البابا الدانه: على الاقل عندي بابا الاغيري ما عندهم سلامه "طلعت وانا مكسورت الخاطر، ضربتني فالصميم، صح انا ما عندي ابو ولا ام" نايف "صفعتها كف من حرتي، بس بعدني ما برت خاطري" : ياااا حقيره يا جلبه ليش قلتي ه الكلام مروان " كنا نتفار انا وميود بالمخاد في الصاله" : يسسسسسسسسس قووووول يا عمي قووول قميود" استغليت حماسه وفريت عليه المخده ويت على ويهه" : يا سلاااام هدف صاروخي ناري هجومي يا سلااام مروان" قلت وبنفس نبرت ميود" : غشاااااش غشاااااش غشاااش غشاااش يا سلااام ميود: يا حبيبي، غشاش ما غشاش المهم يت في ويهك مروان: لا تخليني اعفد عليك واقلبها حلبه مصارعه ميود: الله عليك يا مريان فكره والله، ليش ما نتصارع مروان: اوك والخسران، يودي البنات الكلية لمده اسبوعين ميودي: ماشي خربانه ومدري شوو، يشلهن ع طول الاسبوعين بدون ما يتعذر يوم واحد مروان : هيه هيه انزين انا جذي بسوي ميود: مروان مروان سمعت الي سمعته مروان: هذا صوت سلامي صح ولا انا غلطان ميود: لا صح صح هذا صوتها مروان "ركضنا انا وميود ع طول صوبها" ميود: سلامي تبجين!! سلامه"كنت عاطتنهم ظهري ومارديت عليهم" مروان: تصدق تضحك، تراك تجوفها تبجي شو ه الغباء ميود: جب انته هب وقت استعباطك احين مروان" تجدمت صوبها وشليت ايديها من على ويها، وانصدمت، كان محمر خدها وتبجي من الخاطر، مارمت اتحمل دموعها، هذي سلامي مب اي حد، ما ارضى حد يزعلها حتى لو كان ه الشخص ابويه ولا امييه" : منو الجلب الي ضربج!! سلامه: مروان فجني خلني اروح مروان: والله ما تروحين مكان قبل لا آخذ حقج من الي سوابج جذي سلامه: مروااااااااااااااااااان مروان " تضايقت لاني احاول اساعدها وهي تصرخ عليه، بس ما عليه عذرتها لانها اكيد تحس بالقهر، لان سلامي ما تبجي الا اذا في شي جايد" : عيوووون مروااااااااان سلامه: عن السخافه مب متفيجتلك مروان: بس انا متفيجلج سلامه: خلاص عاااد مروان" وانا اقلدها": خلاااص عاااااد ، ايييه تراج تجرحيني من الصبح سلامه: ان شاء الله بس ما تنزف مروان: يا سخافتج، انزين شو فيج سلامه: ماشي مروان: صدقني يعني صدقني سلامه: مروان خلاص خلني بروحي مروان : ما بخليج لين ما تقوليلي شصاير بالضبط سلامه"رحت برع ويلست عالكراسي فالحوش، مروان تبعني ويلس عدالي، عم السكوت امبينا" ميود: طاااع كنهم خلوني انا واليدار وااحد!! : انااا لازم اسوي شي مستحيل اخليهم يعيشون بسلام عامر: خلاص ابويه بيحل كل شي، وما عليج من كلامه تراه خريط فخريط ما يقدر يمنعج من انج تجوفين ولدج بثينه: يخسي الا هو ياخذ ولدي مني عامر: حتى لو شله، يومين وبيرده لانه هب ويه عيال بثينه: ادري والله، انزين خلك مني، انته شو يديدك!! عامر: ماشي يديد بثينه: هيه صح، هدى خطبها واحد للعلم عامر: الله يهنيها بثينه: بس ما وافقت، ارتاح عامر: اصلن عادي حتى لو وافقت بثينه: عليه انا ه الكلام!! ، اذا تراك تحبها فخطبها سرعه احسن وخلك عنادك ع صوب، هدى ربيعتيه واعرفها عدل مالها ذنب عامر" ماتدربن يا بثينه، انا قربت اكشف الحقيقة" : نحن لازم نيب سلامه تعيش عندنا 2: محد بيرضا يعطيك اياها!! : اهوو بكيفهم، سلااامه بتعيش في ه البيت يعني بتعيش في ه البيت 2: بس ه البيت كله شباب ما يصلح اتي تعيش انبينهم : مب مشكله نزوجها واحد منهم وتنحل المشكله 2: يعني انته من سنين تنازلت عنها والحين تبي تاخذها منهم : فكينا من حشرتج، انا كلمتي وحده وما بثنيها : رشوووود انا بروح بيت خالتك، معزومين هناك راشد: اميييييه بس يدوه عازمتنا في بيتها ام علي: عادي ماشي مشكله كل واحد يروح وين ما يبي ع المغرب حد اجتمع في بيت اليده وحد اجتمع في بيت ابو ناصر راشد: سعييييد عاااد خلاص لا تلومبي سعيد: ههههههههه خلاص خلاص مسموح، بس ان عدتها مره ثانيه يا ويلك، هب اسوي عزيمه وما اتي راشد: اوك اوك يلا احين بخليك سعيد: هههههههههههههههه سلملي ع الحب راشد: اي حب سعيد: لا تحاول ادري انك تحبها، بس افهم السالفه عقب احكم عليها راشد: قلتلك مب حب مجرد اعجاب وخلاص طاااار الاعجاب سعيد: عليييه انا، اسمحلي ببند في ويهك احييين راااشد: طااااع حمااار من صجه هذا حمدان: رشووود يالهرم اشعنه ما قلتلي انك تحب راشد: بسم الله انته من وين ظهرتلي حمدان: من المريخ، امش امش خلنا ندخل داخل الكل يتريانا سالم " كل شي تصلح ورد لوضعه الطبيعي، ديالا هب زعلانه مني، واميييه ردت البيت، اتمنى يتم كل شي مثل ما هو ولا تتكرر علينا ذيييج الايام الكئيييبه" ديالا" الكل هنيه ميتمع ما عدا نصوور وعياله، تأخروااا واايد" :عمووووووووووووووووه اشتقتلج وااايد ديالا" شقيت الابتسامه، واخيرااا يوووو" : آي مس يو توووو يوسف: الحمدلله ع السلامه ديالا: اوووه استويت كبيير وتعرف تتكلم يوسف " حست بوزي" : انا اصلن كبييير من زمان ديالا: هههههههه آي سو ذاات ،" بعدين يا نصور صوبي هو وحرمته وحبني ع راسي" نصور: مبروووك والحمدلله ع السلامه، نورتي البيت ديالا: منو بوجودك حرمة نصور: الحمدلله ع السلامه ديالا: الله يسلمج حرمة نصور: ما جفتي العيال شقد فروحوا يوم عرفوا انج طلعتي ديالا: فديييتهم والله راشد" ياخي مادري ليش يوم اجوفها انسى كل شي" نواف" مقهوووور، هذا وايد زودها من الصبح يطالعها، شسالفته!!" راشد" انتبهت ان في حد يطالعني، اوووه العله نوييف، طالعته بنظره يعني خييير شتبي!! في شي!؟" |
|
| |
 |
|
03-01-2014, 11:27 PM
| رقم المشاركة : [ 97 ] |
| عضو جديد | توقعاتكم للبارت القادم
سلامه: وليد: مروان: راشد: سعيد: الدانه: نواف: ديالا: منو الي قال انا لازم اسوي شي؟! منو هذا الي يبي ايب سلامه عشان تعيش عندهم، وليش، ومنو هو اصلن!! __DEFINE_LIKE_SHARE__ |
|
| |
| |
|
03-02-2014, 06:51 PM
| رقم المشاركة : [ 98 ] |
| عضو جديد | سلامه: حرام مسكينه كسرت خاطري وليد: هال بارت صار مؤدب مروان: احسه حلال المشاكل وما تهون عليه سلامة راشد: يغار على ديالا ، ويمكن يحاول يتقرب منها سعيد: تغير 360 درجة الدانه: صارت شوي حقوده يمكن بسبت سعيد نواف: هههه صدق يبالة طبيب نفس يفسر شعوره بس أضن اذا قال لديالا انه مايحبها وايد بتزعل ويمكن انها تنكسر ديالا: قلبها ابيض وبدت تتعلق فنواف مادري ليش جيه عندي احساس انها بتحب راشد منو الي قال انا لازم اسوي شي؟! : هذا اكيد عمار يبغي يخرب بين الدانة وسعيد منو هذا الي يبي ايب سلامه عشان تعيش عندهم، وليش، ومنو هو اصلن!! : يمكن أهل أمها وسبب لمصالح شخصيه فلوس ، ورثه ولا انهم يعتبرون عمرهم انهم احق فيها منهم __DEFINE_LIKE_SHARE__ |
|
| |
| |
|
03-02-2014, 09:44 PM
| رقم المشاركة : [ 99 ] |
| عضو جديد | سلامة: شخصيتها اقوى عن قبل حبيت هذا الشي، وحزنت يوم تذكرت اهلها وليد: هههههههههههه اونه زعلاان، حلو يوم يزعل لان ابوه نازعه اذا دل دل على انه انسان يحترم ابوه، حبيبي ه الانسان ما ابا اشوفه حزين لاني احزن خخخخخ، اصلن مستحيل يسكت على مصخره سياف وحمد اكييد بيرد الحركة مروان: تعجبني شخصيته، ما يرضى بالغلط ويعجبني اكثر انه ما يرضى على سلامي لان سلامي تحتاج حد يكون لها بمثابة الاخ ويعوضها عن وجود اهلها مع ان وجود الاهل ما يتعوض راشد: مادري ليش احس انه يحب ديالا، حبيته صراحه يوم طالع نواف، صار جريء اكثر ويطالع ديالا بدون ما يهتم لوجود الي حولها سعيد: من حقه يصد امه، لان يوم كان يحتاجها وهو صغير ما كانت موجوده حوله فما يحتاجها وهو كبير الدانه: صرت اكرها لانها انسانه متعجرفه وحقييره، كرهتها لانها جرحت سلامي نواف: انت مو بس حيرت مروان، حيرتني انا بعد، ياخي حدد موقفك تحبها ولا لا ديالا: اتشوق اني اقرا عنها، اتمنى ان يكون وايد في مواقف بينها وبين راشد منو الي قال انا لازم اسوي شي؟ اكيد عمار الخياس منو الي يبغي ايب سلامه عندهم: اعتقد هو نفسه الي يرمس وديمه وكان السبب في انفصال سلامه عن احمد شكرا على البارت الترتوبي، ننطرج بحماس __DEFINE_LIKE_SHARE__ |
|
| |
| |
|
03-02-2014, 11:30 PM
| رقم المشاركة : [ 100 ] |
| عضو جديد  | البارت جمميل بمعنى الكلمه . . بالنسبه للتوقعات؛ سلامه: ححرام ككسرت خاطري والله , ماتستاهل , صدق يعني لو انا بدالها اعيش بالشارع ولا اني اعيش عند ناس يعيشوني بمذله و إهانه و شفقه . . وليد: حبيبي والله طلع عنده مشاعر ويحس هههه بس والله البارت من دون سخافته ماله طعم . . مروان: حبيته فهالبارت , حسيته حنون يعني مع سلامه وكيف كان مع نواف بصراحه حبيت شخصيته بالقو . . راشد: ماعرف ليش اباه يحب ديالا , معني حاسه انه يحبها بس على قولته اعجاب , وشسمه يارب يارب يستوي اكشن بينه و بين نواف اححس حححممماس . . سعيد: تصدقين اني كرهته بس احسن يارب يتغير على الدانه الحيوانه , وشسمه اتوقع آخر آخر شي بيحب ديالا , ماعرف كيف بس مع الاحداث عندي احساس انهم بيحبون بعض . . الدانه: كرهتها بشكل لا يوصف , ماتوقعتها حقيره بهالشكل  , حسيت من طريقتها انها اولى بهالعيشه يعني ان بيتنا وانتي يتيمه وجي ,حقيره قسم بالله قهرتتتني . .نواف: وبعدين يالأخو حدد وضعك ماعرفناله قسم بالله مره حب و مره اعجاب بصمه بكف البارت الياي اذا ما اعترف بشعوره  . .ديالا: حبيبتي هالأنسانه احسها بدت تحب نواف , بس لا مابيها لنواف ابيها لرااشد احسهم يليقون لبعض . . *منو الي قال انا لازم اسوي شي؟! انا اتوقع عمار . . *منو هذا الي يبي ايب سلامه عشان تعيش عندهم، وليش، ومنو هو اصلن!! اتوقع انهم كانوا يعرفونها قبل لا يأخذها ابو الدانه والحين يبون يردونها . . ووبس والله فأنتظار البارت القادم بحححماس . .
__DEFINE_LIKE_SHARE__
ويعطيج العافيه. |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 06:46 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227