| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
05-11-2013, 09:30 PM
| رقم المشاركة : [ 51 ] | |||||||||||||||||||||
| عضو جديد | 
دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
 | ||||||||||||||||||||||
|
05-11-2013, 09:32 PM
| رقم المشاركة : [ 52 ] | |||||||||||||||||||||
| عضو جديد |
وثاااانكس ع المروور وما قصرتي دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
05-11-2013, 09:33 PM
| رقم المشاركة : [ 53 ] | |||||||||||||||||||||
| عضو جديد |
دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
05-11-2013, 09:35 PM
| رقم المشاركة : [ 54 ] | |||||||||||||||||||||
| عضو جديد |
دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
05-11-2013, 09:35 PM
| رقم المشاركة : [ 55 ] |
| عضو جديد | محطات يجب عبورها 2 مروان " كنت في غرفتيه قالبنها فوق حدر , فاتح جنطة السفر وأفر فيها الملابس , طبعا ما خليت نسكافيه وكابتشينوا ما شلييته , اعشق الكاافيين بكل انواعه " ميود " مريانوه ماله حس ابدا من ردينا من الصلاه , احيين العصر وهو من دش غرفته ما طلع , قلت خلني اجوفه " : اهــــــــــء شو كل هذا ؟! ع ويين يالحبيب !! ع وين ناوي تهاجر ؟! ليشش شال كل هـ الاغراض مروان " رفعت حياتي مستغرب وقلت " : نسسسسيييت !! اليوم فليل طياارتنا ترانا بنسافر ميود : ههههههه انته ما شلييت الفكره من راسك !! انا ع بالي غيرت رايك , جفتك ساكت عن الموضوع عشان جذي سكت ولا سألتك , قلت بتغير راايك مروان : لاااا والله , لا يكون هونت ميود : بيني وبيينك هـ اسفره كلها مالها دااعي " رحت اجوف شو محطي فالجنطه " مروان " فجييت حلجي " : يااا حيوان شو يالس اتسوي , لااا تفر السامان ميود " كنت ارفع الملابس وافرهن من الجنطه " : وهذا بعد ما تحتااجه مروان : ياا حيواان هااات هذا ميود : لااااااء مروان : سرررعه خل كل شي من اييدك لا ادفنك احيين هنييه فالغرفه ميود " مسكت علب النسكافيه بفرهن " مروان : لا لا لااااا , يا حيواان بتكسرهن ميود : ليششش شال كل هذا !! لا يكون رايح مقطعه وانا مدري هههههههههههه مروان : مااا يخصك " نششته من المكان الي يالس فيه وسحبته برع الغرفه " ان طبييت الغرفه مره ثاانيه يااا ويييلك ميود : خخخخخ ميرياانوه ليش عصبت مروان : لااا دقوول مرياانوه ميود : خخخ انزين مروان : سييير جهز سامااانك , ان ييت وحصلتك ما متجهز يا وييلك ميود : اول شي خبرت قوم ابوويه انك بتسافر مروان : ولييش اخبرهم , انا مسؤول عن نفسي احين , وصلت 21 ميود : هههههههههههههه وانته قلتها 21 هب 35 ولا 40 , صراااااحه حسستني قال مسؤول عن نفسي قال مرواان : جاااب ويلا اقلب ويييهك ولا تنسى طيارتنا الساعه 9 فليل يعني 8 ضبط بنطلع من البيت ميود : يصيير خير مروان : ادرييبها انا يصير خير مالتك ع المغرب قوم ابو عبدالعزيز جهزوا كل شي لخطبة سلااامه سلامه : الداانه جوفي شكلي , كل شي اووكي ؟! الدانه " الحمدلله رجعت المياه لمجاريها " : هيه طاالعه قمر ما شاء الله , الا تعالي متى وحاالج اتغيرين صبغة شعرج سلامه : اليوم بعد صلاه الظهر روحت الصالون الدانه : ما شاء الله وااايد حلوه لون صبغتج , احييين احمدوه يوم بيجووفج بيتخبل ظاهره شرات اميرات دزني سلامه " ابتسمت ابتسامه نصر , هذا الي كنت اباه " : صج والله الدانه : هييييه صج يحظ احمد فيييج سلامه : حبيبتي تسلمييين ويا حظ سعييد فيج انتي يا حبيبتي الدانه " ابتسمت ابتسامه حزن " : ااااااااخ يا سلاامه اشتقتله سلامه : خخخخ انزين شرايج اتسيريله ؟! انا بغطي علييج الدانه : فدييتج والله ما تقصرين بس سعييد محد من الصبح واتصله مايرد علييه سلامه : مااعلييه يمكن مشغول من يفضى بيدقلج الدانه : ان شاء الله دلال : ايييييه انتن شو تسون , انزلن تحت العرب يوو الدانه : خيييبه تو النااس دلال : شوو تو النااس , احين ظلمت الدنيا , يلا حبيبتي سلامه انزلي تحت الكل يبي يجووفج خلود " وانا ارمس وديييمه بصوت اشبه للهمس " : ان سويتي شي ياا ويلج , بخبر عليج محمد تراه موصني اراقب تحركاتج وديمه : جب جب خلود : يا وييلج ان غثيتي سلامه بكلمه ولا قلتي ادبج ويا بنات عمها وديمه : فكيينا من حشرتج خلود : انزين بنجووف فالميلس احمد " متحرقص اخيييرا بجوف سلاامه , الا هذا ولد عمها ليش جذي يجوفني , ادقول قاتلله واحد من هله ولا ما كل حلاله " نايف " هب متحمل اجووف رقعت ويها , خاطري اعطيه بكس يشوهله ملامح ويهه " ابو عبدالعزيز : مبروووك علييك سلامي يا احمد احمد : الله يبارك فييك ميود " رمست من خشمي , حدي مقهوور ودي اذبحه هـ الاحمد " : بعدنا ما سمعنا راي سلامي , يوم بنسمعه تقدرون ادقولون مبروك ابو عبدالعزيز : مااايد شو هـ الكلام , بدال ما دقول لريال مبروك ابو محمد :خله يا ابو عبدالعزيز, كلام مايد صحيح مروان " كنت العب بفوني ارمس نوافوه حبيبي قلبي واطمن عليه من بعد السالفه , وجفت طريقة ميود فالكلام , كان واثق من كل حرف يطلع من حلجه ,ضربت ميود بكوعي ع خاصرته " : ايييه بلااك انته , من الصبح مب على بعضك , لا يكون مخططين انته وسلامي لـ شي ميود : خلك بالي انته فيه احسن مروان : حشى محد يقولك شي , حماااار واحد , بعدين لا تقلد كلامي فالرمسه ميود : يوم اتكون الرمسه ع حسابك ذييج الساعه تكلم : تعرفتوا ع هويه الريال 2: لا والله ماشي اي اثباتات ع هويه هذا الشخص : وقدرتوا تعرفون اي معلومات عن البنت 2: لا والله كل الي نعرفه ان اسمها ديالا ---* ماشي اي معلومات ثانيه عنها : ما حصلتوا تلفونها او رخصة القياده 2: دورنا في موقع الحادث وما حصلنا اي شي : و الولد ؟! ما حصلتوا رخصة قيادته او فونه 2: يالسين اندور بين اغراضه : دروا بوكه , اكييد فيه كل المعلومات الي توصلنا لاهله , وعط مركز المرور رقم صاحب هذي السياره عشان يعطونا كل المعلومات الي نحتايها 3: سيدي حصلنا علبه هـ الدوا في سياره الولد : وعرفت لشو ؟! 3: شكله الريال يعاني مشكله فالقلب , يمكن سبب الحادث انه تعرض لازمه قلبيه وما قدر ياخذ الدوا فالوقت المناسب : كل شي وارد , التحاليل بظهر كل شي , بس ما فينا نعتمد ع هذا الشي بس , يوم يصحون بنعرف السالفه كلها , خل الطبيب يزودنا بكل التطورات عن حالتهم 3: حاضر سيدي في بيت ابو عامر " الكل ميتمع فالصاله ما عدا عمور الي كان يخبص فالمطبخ وبثينوه الي كانت في غرفتها " نوره : جكيييتك , شوو تسوي عمور " حطيت ايدي ع قلبي " : بسم الله " صرخت عليها " بلااج انتي دفشششه , كم مره قايللج طلعي اي صووت عشان نعرف انج يتي , فقت هـ الكشه لج نوره : اييييييييه بس عااد , ذليتني انته واخوك , من الصبح يا ام الكشه الغبره و يا ام الكشه الغبره , بخبر علييك ابويه تراني عمور : هههههههه وانزين ما قلنا شي غلط نوره : حماااار " ظهرت الفون وصورته وهو ينظف المطبخ من بعد ما خيسه " والله لارويها كل الي فالبييت عمور : ياا حمااره حذفي الصووره نوره : اراوييك انا منو ام الكشه الغبره يا رسلااان " رسلان هذا بيدار مزرعتنا " عمور : يا حماااااااااااااااااره تعااالي هنيييه نوره " ركضت البييت " عمور : نويير تراني ما بشلج مره ثانيه احووطج ام عامر : بلااكم , ليش مسوين كل هذي الحشره ابو عامر : خلييهم ع رااحتهم عمور : ابوويه خل بنتك تحذف الصووره ابو عامر : اي صووره عمور : الحيوانه مصورتني صوره هب عدله اونه بتروي ربييعاتها نوره : اخسس يالجذب , انا براويك ع خرطك " رويت كل الي فالبييت صورته " عامر : ههههههههههههه ما خلصنا من ام الكشه , يانا شو اسمه نويير نوره : حمااار بس ما علييه هـ المره بطوفها لك ام الكشه , اسمه رسلاان عامر : ههههههه رسلاان , هذا ما كأنه بيدار المزرعه نوره : علييك نور وصااار عمووور مسخره فالبييت عمر " كنت بصعد فووق وحصلت حمييدان ولد بثينوه يرقى من حافة الدري " : حميييدان شو تسوي حمد : انااا بلقاا من هنيه " ان برقى من هنيه " عمر : يا حمار بطييح , انزل حمد : اذا بتشلني بنزل عمر : ع كييفك هوو , شلني ما شلني , انا ما رووم اشلك حمد : عيل بلقااا عمر : بتصييرلك وااواه هنييه حمد : لا ما تصيريلي واوااه عمر : ليش ما تصيرلك واواه , الي يرقى من هنييه يدزه الشيطان ويطييح ع رااسه واييه الدم ويمووت حمد : عاادي بيطلع دم منيييه وبعدين بيخيتولي رااسي " حميدان متعود ع هالشي امسات خايطينه من ذقنه " عمر : هههههههههههههه يالغبي ما بيخيطولك رااسك , يوم بطييح بيطلع الدم وبتموت حمد : لا امووت " لا ما موت " عمر : براايك لا تصدقني حمد : خالوه نوله لقت مني وما تااحت عمر " هذي السووسه داخله في كل ساالفه " : اهااا نويير الجلبه معلمتنك ترقاا مني حمد : اذا ما بتشلني انا بلقااا عمر : ما بشلك وبلايك تيييح حمد : اتييح انا " ما اطيح انا " بثينه " كنت نازله من الدري " عمر : بثينوه جوفي ولدج من وين يبا يرقى بثينه : حمييدان لاا , يلا انزل حمد : لييش , انا ابا القاا بثينه : بعديين بطييح حمد : الشيتاان بيتلحني ؟! بثينه : هيه عمر : قوليله بعد هب صح بيطلع الدم بثينه : هيه بيطلع الدم , بتييك واواه حمد : بعدين امووت بثينه : عمر " قاطعتها سرعه " : هييييييييه , يلا نزل حمد : انذيين " انزين " ابو عامر : عماااار بسك من الهياته وودر التدخيين , ما منه فايده عمار : انا مرتاح جذي ابو عامر : يا ولدي جذي تهدر صحتك ع الفاضي وانته بعدك شباب الـ 23 عمار : انته ما علييك ام عامر " بنفسيه خايسه " : ما تسوى عليينا بنت ----* عمار : لا تطريين اسمها فـ هذا البييت ام عامر : وهذا انته بعدك ما خذتها وبتاكلنا , لو خذتها شو بتسويبنا عمار : اميييه فكيينا من هـ السالفه , اعنبوه يعني ما ترتاحين الا اذا طلعت من البيت ام عامر : اناا شو قلت ؟! عمار " زاعجت " : حشاااج ما دقولين شي انتي ابو عامر : خلاااااص في بيت ابو علي رشا : يا خي يدتي تحب ادخل حسها فشي ما يخصها , زين احيين الي سوته خلت الابو يضرب بنته جدام الكل , ارتاحت احيين ام علي : انتي ما يخصج راشد : لا الله صج , حشى لازم اتغث الكل برمستها , ما جفتيها شو يالسه ادقول لهدى " وانا اقلدها من حرتي " الا انتي ما قلتيلي ما يوج خطاطييب , شووو هي مسؤوله عن الناس انخطبوا ولا ما نخطبوا , حشى وهذي حفيدتها وجذي قالت , عيل ع بنات الناس شو تقول , اللله يرحمنا بس ام علي : يعني ما تحيدونها يدتكم , هذي هي طبايعها , بعد البنت ما قصرت فيها راشد : من حقها البنت , ترمسها من خشمها ودقولها انتي ايه ما تفكرين اتردين بلادج , شووو هـ الاسلوب ترمس بشاكره هي , انا لو مكانها كان قلت اكثر من جذي ام علي : عيييب هذي يدتك راشد : ومب عييب بالي تسويه في احفادها , اعنبوا ولا وااحد اتحب , شو من يده هذي ام علي : معظم العيايز جذي , شو تبونا انسويبها راشد : حشى لا الله العيايز هب جذي , لو بعدها عدييلتها ما سوتبها جذي , تستحي ع ويها هذي بنت ولدهااا ام علي : رااااشد , لا تنسى ان الي ترمس عنها هذي اميييه راشد " طنشت كلام امييه وبالي عند ديالا , طلعت مضايجه من الخاطر , ودي ادق لسالم واطمن علييها , بس شو بيقول عني " في بيت ابو ناصر : حمدان : الله يهدييك يا ابويه ما كان له داعي تضربها جدام الكل , احرجتها ابو ناصر : حمدااان لا تزييدها علييه سالم " انا كنت احاتيها من الخاطر , امشي رايح راد فـ الصاله , شلت سيارتها وسيارتها خربانه , الله يستر بس , من الظهر وهي طالعه لي احيين ما يت " : اووووووووووووف انا بروح ادورها ابو ناصر : ايلس محلك ما فينا اندورك انته الثاني سالم : ياااخي هب قااادر ايلس حمدان : قوم قوم خلنا اندورها ابو ناصر بحده : حمداااااااان سالم , ان خطيتوا خطوه برع البيت يا ويلكم نواف : انتوا ايلسوا انا بروح ادورها ابو ناصر : انتوا ليش ما تسمعون الرمسه , البنت احيين بتي ما فينا نيلس اندور واحد ورا الثاني حمدان : حسستنا ياخي مسافرين لبلاد اول مره انسيرلها ابو ناصر : تعرف عمرها انها غلطانه , بتروح وبتي نواف " طنشت كلام عمييه , ورحت ادورها بالي مشغول علييها وهذي ديالا اعرفها عادي تتهور واتسوي شي في نفسها " في بيت ابو عبد العزيز : بعد ما سلمت ع خالتيه روحت الميلس وكل العيون علييه , حبني ابويه ع راسي ويلسني عدااليه , كانت عيون نايف شويه وبتاكلني , ما عرفت افسرها , اعجاب ولا عصبيه مع عتب , ما لفيت ابدا صوب احمد سويتله طاااف نايف " وين مخبيه كل هالحلا يا سلاامه , اوووف انا شو يالس اقول , حراام علييج يا سلامه فـ الي تسوينه فيج وفييه , انتي لين احين ما عرفتي اني احبج ؟! , كيف بتحمل انج اتصيرين لواحد غيري , شو هـ الحب الي يخلي الواحد يرجع لحبيبه بعد الذل والصد , ااااااااخ يا سلاامه , الله يسامحج , ما عطيتيني فرصه اعبر عن حبي لج " ابو محمد : مثل ما تعرفون نحن ياين نخطب بنتكم سلامه لولدنا احمد ابو عبدالعزيز : النا الشرف ابو محمد : قبل ما ننهي كل شي , ابا اسمع موافقه سلامه ابو عبدالعزيز : وسلامه موافقه ابو محمد : ماا علييه بس ابا اسمعها منها هي , سلاامه بنتي احمد يبييج وشارييج واحين نحن هنيه عشان نسمع موافقتج ونتفق ع كل شي , احمد يبيج ع سنه الله ورسوله , انتي موافقه ؟! سلامه " وقفت بشموخ وحطيت عيني فـ عين احمد وقلت " : احمد كم مره خطبتني ورفضتني ؟! احمد " استغربت من سؤالها " : خليينا من الماضي , انا اليوم ياينج ونيتي صافيه سلامه : ما فكرت قبل ما تقدم على هـ الخطوه اني ممكن ارفضك ؟ّ احمد : شو معنات كلامج ؟! سلامه : 3 مراات فصخت الخطووبه واحين الرابعه, بكل وقاحه ياي تخطبني مره ثانيه , انا هب لعبه فـ ايدينك احمد : وشو افهم من كلامج سلامه : الكل فهم كلامي الا انته , لانك مصدوم صح ؟! كلااامي معنااته انا رااافضه طبعا نايف " مش مصدق الي اسمعه واجووفه , احيين هذي سلاامه الي تهاذي باسم احمد , وااقفه جباله وترفضه جداام الكل " احمد : انتي واثقه من كلاامج ؟! سلامه " لفيت ع ريل خالتيه " : اسمحلي خالي انته ع عيني وراسي وييتكم لين هني اشييلها فـ عيوني , بس انا خلااص انهانت كرامتي كفاايه , انا مستحيل اوافق مره ثانيه ابو محمد : الي تجوفينه يا بنتي احمد " عصبت " : ابووووويه سلامه : عن اذنكم ابو عبد العزيز : اسمحلونا يا ابو محمد ابو محمد : افا علييك يا الغالي , انته تعرف الزواج هب غصب , والي سواه احمد في هالبنت المسكينه هب شويه , مهما الي صار نبقا اهل وخواان احمد " طلعت برع الحق سلاامه " : انتي تخبلتي ؟! انتي قد الكلام الي قلتييه سلامه : بطل اييدي , هيه قد الكلااام , مب بس انته الي يحقلك ترفض احمد : سلاااامه نسيت كل الحب الي امبيينا سلامه : اناا ما نسييته , انته الي نسييته احمد : انا ما كنت فوعي , كنت اسوي كل شي لا ارادي , انا بروحي انصدمت من تصرفاتي سلامه : كفاايه اعذاار يا احمد , يا ما سمعت لاعذارك وشو استفدت غير الصد والرفض , خليتني علجه فحلوج الناس , خلاص احيين انتهى كل شي وما ينفع الندم احمد : سلااامه انا احبج , مستحييل اعيش بدوونج سلامه : وانته نهييت كل الحب الي كان امبينا باييدينك , الله يهنيك مع وحده غيري احمد : سلااامه دخييلج لا تودريني , انا اعرف انج تحبيني وتموتين فيني سلامه : كنتتت احبك , بطل اييدي احمد : لااا هب امبطلنها , لين ما دقوليلي انج تتمسخرين سلامه : خلاااااص احمد افهم , مستييحل يصير شي امبييينا احمد " نزلت دموعي لا ارادي " : سلااامه تعرفيني انا بدونج اموت وانتي بدوني اضيعين سلامه " صديت ويهي عنه لاني ما استحمل دموعه , عادي اضعف باي لحضة وتختفي هالقوه الي رسمتها ع ويهي " : احمد بطل ايدي احمد : مستحييل نايف : ماا سمعت البنت شو تقوولك احمد : انته ماا يخصك , هذا شي بيني وبيينها , ابتعد عن الموضوع احسلك نايف " لفيت ويهي لسلامه وقلت " : تبينه يبطلج , ولا في كلام فـ خاطرج تبين ادقولينه وما قلتيه ؟! سلامه : خلصت كلامي , ممكن اتبطل ايدي احمد : اخر كلام عندج نايف : انته ليش استيعابك بطييء , سمعت شوو قالت!! , بطل اييدها احيين احمد : انته لا تدخل سلامه : بطلت ايدي بقوه ورحت داخل نايف : افهم البنت رفضتك , تقبل خسارتك بروح رياضيه احمد " سويت طاف لكلامه وركبت سيارتيي وروحت وانا مكسور الخااطر " : ضيعت كل شي ياا احمد , خربت كل شي بايديينك سلامه " ركضت ع طول لغرفتي ويلست اصييح , احمد هز مشااعري , ما تخيلت فيوم انه يمكن اي اليووم الي يكون احمد هب لي " مروان : يا حيوان ليش ما خبرتني ميود : ولازم اخبرك كل شي مروان : هيييه ميود : احيين ما خبرتك شو بتسوي مروان : ما بسوي شي يلااا اجهز بروح بعد شويه ميود : انته خبله !! مروان : شووو ؟! لا يكون ما جهزت اغراضك ميود : هيييه , انته خبرت ابويه اول مروان : قلتلك ما يحتاااي اخبر حد ميود : انتته خبله , ع كييفك اتروح بدون شور حد مروان : انا هب صغير عشان اخبر الكل عن كل خطوه اخطييها ميود : خل ابويه يسمعك بس مروان : جااااب في بيت ابو خالد : ابو خالد : خالد متى بتروح اتييب حرمتك ؟! خالد : وهوو باييدي , ما طاعت اتي شو اسويلها يعني ام خالد : ما تروم تسحبها من كشتها واتيبها ابو خالد : ام خااالد لا تنسين انها بنت اخوويه ام خالد : ماا يصير جذي ع كل شي زعلت وراحت بيت اهلها وليد : نسييينا يا بنت رشود , يعني انتي ما كنتي اتسوين مثلها يوم خذتي ابويه ابو خالد : هههههههههه شكلها نست ام خالد : ولييييد حل عني وفكني من لعلعتك ابو خالد : اليوم بعد صلاة العشا روح راض حرمتك ويبها البييت خالد : الي تامر فيييه وليد " مليت وقلت خلني اطفر بمياسوه الي يالسه اطقطق ع التلفون " : ميااسوه شو تسوين هـ الكثر ع التلفون مياسه " كنت ارمس جوااهر " : مااا يخصك وليد : ابوويه جووف بنتك من الصبح يالسه ع التلفون وتضحك , اكييد شي وراها مياسه : ولييدوه انته ماا يخصك وليد : شو تسوين هـ الكثر ع التلفوون مياسه : ابويه جووفه , يدخل حسه فـ شي ما يخصه وليد : ابووويه احين انا قلت شي غلط ابو خالد : ابويه وابويه , خلصلتوا ابويه من كثر ما دقولونها ولييد " نغزت خلود بكلماتي " : شو نسوي مليينا , كانت جودي مسليتنا فـ البيت واحيين زعلوا امها وراحت عنااا خالد : شو فخاطرك ادقول ؟! قول الي عندك وبدون نغزات وليد : يا ربي , احيين انا شو قلت ابو خالد : خلاص سكروا ع الموضوع وليد " صاارخت " : يااا جووووووودي يا روووح عموووو انا , اشتئتلك كتيير كتيير خالد : هذا الي بكسر رااسه وليد " سويت له طااف " : الا اقول ابويه حمييدان ويين ؟! ام خالد : ويين غاب عن بالي هالولد ابو خالد : ما درييبه وليد : انتي كل الناس غايبه عنج , حتى ولدج ما تعرفين وين يروح وشو يخبص حمد " كنت توني ياي من المول , ودخلت البيت وسمعت وليدوه الي ناوي ع نييه " : انااا هنيييه ما رحت مكااان وليد : اوووب اوووب شو هـ الكشخه يا ابو الشباب , رييحت العطر واصله لاخر الممر حمد " وانا ارمس ويا وليدوه بصوت اشبه للهمس " : لا تحاول اتسوي مشااكل لانك ما بتقدر وليد : ههههههههه حلوه حمييدان , بس لا تعييدها ابو خالد : حمد , ابااك في رمسه بعدين حمد " جفت ولييد " وليد " رمست حميدان بصوت اشبه للهمس " : خفت صح , ههههه بس انا مالي شغل بالموضوع هـ المره مياسه : ايييه انتوا شو عندكم تتصاصرون من الصبح حمد : ان شاء الله ابويه وليد : انتي ما يخصج في بيت ابو علي راشد " كنت يالس اتعشى ورن تلفوني , هذا رقم سعييد " : الو مرحبااا سعييد : انته تعرف صاحب هـ الرقم راشد " انقبض قلبي من سؤاله " : هيه انا ولد عمه : سعيد ---- * صح ؟! راشد : هيه ليش ؟! سعيد ويينه : انا من مركز الشرطه , سعيد ----* سوا حاادث راشد " درات الدنيا فيني " : شووووووو ؟! " بعد ما خذت العنوان من الشرطي , ركضت ع طوول " نواف " كنت ادور بالسياره, ما ادري وين ارووح , ياني اتصال من حمدان " : هلا حمدان حمدان " كنت اصييح " : نوااااف خلاص لا دور ديالا نواف : حمداان شو فييك , ليش اتصيح , ليش ما ادورها , شي صارلها " صرخت من العصبيه لان حمدان ساكت ويصييح " حمدان : دياالا ماات يا نوااف ماااتت نواف : انته شووو دقوووول ؟!! حمدان : ديالا سوت حااادث , توهم الشرطه متصليين نواف : في اي مستشفى ؟! " خبرني حمدان بالعنوان , وع طول رحت هنااك " ااااااااخ يا ديالا ليش يوم اعترفتلج بحبي صااار كل هذااا في بيت ابو عبدالعزيز : الدانه " كنت اصييح من الخاطر " : قلتلكم ان شي صايرله , انا ادرييبه سعيد لو ما صايرله شي كااان رد علييه من اول ما تصلتبه دلال : خلااص فدييتج , ان شاء الله ما بيصيرله شي الدانه : اااااااخ يا سعييد , انااا احين شو اسوووي دلال : هدي فدييتج الدانه : ودوووني عنده , انا مستحييل اقعد ثااانيه وحده بدوون ما اجووفه , ابا اسيييرعنده " رحت صوب ميوود " دخيييلك سو فيني خيير و ودني عنده ميود " سحبتها من ايدها وركبتها السياره " : اذا تميتي اتصييحين تراني بهون وما بودييج الدانه : والله هب باييدي " فديييتك يا سيييعد والله اني اشتقتلك , دخييل روحك لا تروح عني , انا بدوونك اموت ع طوول " كان الخبر مثل صاعقه ع ابو سعييد , ولده الوحيد والي عايش عشانه سوا حاادث , احيين شو بيسوي لو فقده فـ المستشفى : الطبيب : كلهم فالعناية المشدده ابو ناصر : بنتي يا دكتور بنتي شو وضعها الطبيب : ما فيني اقول اي شي , يالسن نحاول ننقذ حياتها وحياة المصاب الثاني ابو ناصر : يعني في احتماليه نفقدها ؟! الطبيب : كل شي بأيد الله ضابط الشرطه : بعد الكشف ع سيارة المريضه وجدنا ان فرامل السياره خربانه سالم : اناااااا السبب انا الي مخرب سيارتها لو ما مختربه سيارتها كان ما صار الي صار نواف : خلاااص سلووم انته مالك ذنب , كل شي مكتوب وما نقدر انغير القدر سالم " مسكت نواف من كندوته " : انته شو قااعد ادقوول , هذي ختييه , لو صارلها شي انا شو اسوي ؟! من يت بيتنا كل شي تغير للاحسن , ما يكفي ان عايشين بدون ام , هي حلت محل هالفراغ , حلت مكان امييه واختيييه الي ما اينا الا فالسنه احسنه , اناا ما اقدر اعيييش بدونها نواف : ادري والله هـ الشي صعب بس شو نسوي سالم : لااا ترمس جذي كاأن اخر مره بنشوفها , لا ترمس كأنها ماتت نواف : خلاااااااااص , تفكر بس انته الي حزيين , كلنااا حزينين سالم : قلتلك لا تترمس بـ هذي الطرييقه نواف : اناااا شو قلت ؟! ماا قلت شي حمدان : بسسسس خلااااص اسكتوا سالم " رحت جدام باب العنايه المشدده , حطيت راسي ع الباب ويلست اصييح من الخااطر , احبها والله احبها , المعامله الي كنت اعاملها ايااه لاني احبها كنت اجاكرها واعصببها لاني احبهاا , هذي اختييه والله اني احبهااا , يالييت الزمن لو يرجع بس ساعات لورا والله ما اخلي حد يجييس شعره من شعرها , اااخ لو يرجع الزمن ساعات بس , ودي احضنج واقولج اني اااسف ع المغثه , اسف ع كل لحظة زعلتج فيها " لا نشعر بقيمة الشخص الا عند فقدانه ابو عبدالعزيز : ان شاء الله ما علييه الا العافيه ابو سعيد : اطلللللللع برع يدووه : عليييي شو هـ الرمسه ابو سعيد : هووووو السبب , هذا ولدج الي وااقف قداامج هووو السبب , هووو السبب في كل شي يصيييييرفي حياااتي يدووه : عليييييي ابو عبدالعزيز : خليييه يظهر الي في خااطره ابو سعيد : اطلع برررررررررع , ما ابي اجووفك , ما ابي اجوف رقعت ويهك ابو عبدالعزيز " طلعت من الغرفه وانا حااز في خاطري الي سواه علي " ابو سعيد : هذاا ولدج الي مسوي عمره الولد الباار والحنون , تراااه كل الي يسوييه تمثييل في تمثيييل , انتي ع بالج يبيي سعيييد ينش بالسلااامه !! يدوه : خلااااااااص علييي ابو سعيد : لااا هب خلاااااااص , كل الي صاار في حياتي بسبته هووووو , ما كفااه طلاقي من ام سعيييد يدوه : علييي بس الله يخلييك بسسس , هذااا اخووك , اخوووك وما يتمنالك الا كل خيير مايد : شووو الي سمعته !! شو الي يقوووله عمييييييه ابو عبدالعزيز : مايد انته مالك شغل مايد : عمييييييييييييييييييييه شووو يقوووول !! انته شو دخلك في حرمته ؟! وليش يقوول انك ما تبي سعييد ينش بالسلاامه ؟!! ابو عبدالعزيز : عمك هب صااحي احيين , وكل الي يقووله تحت تأثير الصدمه مايد : عميييييه علي ولا في عمره ضرناااا وكله كان يداافع عنك يوم كنا نرووح ونشتكيك عن يدوووه , لييييييش احييين بي و بيقول انك انته السبب في كل الي يصييرله , ما في انسان يتبلى ع انسان بدووون سبب , انتتتته شووو مسوله ؟!! ابو عبدالعزيز " تنهدت , شو تباني اقول يا ماايد , احسلك اتم بعييد عن هـ السوالف " عبدالعزيز : بس يا رييما لااازم انكوون هناك ريما : خلااااص عزوووز , ما فييني اسييير وتصيير ضراابه هناااكي , انته تعرفه اخووك ما يحبني وبعديين الكل بييكون هناك , حتى بنت عمك , واناا صراحة ما فيييه ع المشااكل عبدالعزيز : ما علييج منهم , محد يقدر يقوولج شي , يلاا قومي تلبسي ريما " اووف من هذا الي مب طاابع يفهم " : انزيين والعيال ؟! ويين احطييهم !!! عبدالعزيز : عند امج ولا وحده من خوااتج ريما : لااا والله , تبيني احيين اسييير اقول لاميييه خلي عندج عياالي , امييه هب خداامه عند عياالك عبدالعزيز : احييين اذا خليتي العيال عند امج , صرات امج خداامه !! شو فييها اذا قلتيلها خلي شويه العيال عندج ؟! ريما : هذاا الي ناقص بعد , لا اسمحييلي عبدالعزيز : قووولي لوحده من خوااتج , سااااعه وبرد ماا فييها شي ريما : انتتته تعرفهن خواااتي ولا وحده فييها خيير , كل وحده دقول اللهم نفسي عبدالعزيز : خلييهم عند امج , العيال كباار ما يبون حد يركض ورااهم , الخدامه الي بتجووفهم , بس اهم شي يتمون في بييت فييه نااس ريما : انته الامور عندك بسهالات عبدالعزيز : لاااااا طلعييلي اعذااار قولي ما تبيين اتسيرين وفكييني من كل هذي السااالفه , انتي اصلن ما همج العيااال , يوم تبيين تروحين السووق ماا قلتي اماايه هب خداااامه , ع طوول عقيتيهم فبيت اهلج ولا سألتي عنهم , احيين يوم ولد عميه فـ المستشفى ونبي نسييرله قلتي امييه هب خداامه ريما " اوووف عصب احييين , تقربت منه وقلت بدلع لاني اعرف ان هذا الشي الوحيد الي يخمد نار العصبييه في عزيز " : عزيييز عااد , لا تعصب والله مب جذي السااالفه , انته فهمتني غلط عبدالعزيز " بعدت ادييها بقوه " : فهمت الي لازم ينفهم " وطلعت ع طوول وانا معصب " ريما : اوووووووه رووح ول زيين , خلي العيال عند امج ولا بعصب , ما عنده سااالفه والله نهاية الفصل الاول من رواية تركني حبيبي وزوجوني اياك غصب تعرفنا ع كل الشخصيات و تعرفنا ع نوعية كل شخصية عرفنا المحاور الاساسية الي تتكلم عنها الرواية والي هي : 1- شو قصة ام سعيد وابو سعيد وشو سبب انفصالهم ؟! 2- شو سالفة ابو عبدالعزيز ؟! 3- كيف بيحقق عامر في قضية هدى الي انكشفت اطراف احداثها ؟! 4- كيف عمار بيتزوج الدانه وهي ع ذمة ريال ؟! 5- شو صار لـ سعيد و ديالا ؟! وهل بينتهي المطاف في موت سعيد ؟! 6- راشد يحب منو ؟! 7- معقوله نواف يحب وبـ هذي السهوله بعد ؟! 8- عبدالعزيز شو موقفه ؟! يحب ريما ولا شو ؟! 9- ريما هذا هدوءها ما قبل العاصفه ولا بينتهي دورها في الرواية 10 - محمد بيتزوج مياسه ؟! 11- سلامه شو بتسوي بعد ما ودرت احمد ؟! في امل ترجعله ؟! 12- متى بيتزوج حمدان ؟! مروان مايد نايف سياف وليد حمد سالم لكل واحد منهم قصة لم تكشف بعد , في الفصل الثاني من رواية تركني حبيبي وزوجوني اياك غصب بنعرف قصة كل شخص منهم , وبتنكشف اسرار كل شخصيه لان السر لازم ينكشف في يوم بتحمل الرواية معاني الالم والفراق , الخيانه و الغدر حتى في اقرب الناس لك لكنها ما بتخلوا من الضحك والفرح , احداااث من الواقع يمكن ما تكون تجربتي لكنها تجربة الناس من حولي كل شخصيه تعاني من شي وتعتقد ان همها هو اكبر هم في الكون كله في المقابل قد يكون اصغر هم لا تحرموني من ردودكم تشجيعكم هو السبب الي بيخليني اكمل الرواية __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 11:02 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227