| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-25-2014, 08:46 PM
| رقم المشاركة : [ 16 ] |
| عضو جديد |  الجزء العاشر
__DEFINE_LIKE_SHARE__
راشد نقز على الدكتور وهو يهزه بعصبيه : ارمس انت ارمس عدل شو اتقول .. وزايد وسيف يسحبون راشد عن الدكتور .. وسعيد واحمد ما علقوا الدكتور وبخوف : هوا الحادث كان اوي .. انقذنا البنتين .. صد راشد بصدمه على اخوانه ما يعرف اذا يصدق ولا .. بس لما شاف سعيد يمسح دموعه بغترته واحمد يالس على الكرسي منزل راسه بدا يستوعب !!!!!!!! ظهر بسرعه من المستشفى ما يعرف وين يسير وقف برع وهو يترك دموعه الي حبسهن ينزلن .. لو هو ريال اتكون هذي اخته .. اما زايد فما استحمل ايشوف ابوه القوي الي يشدون فيه الظهر منكسر وحزين يخفي دموعه .. عشان بعد فهذا الموقف يكون السند لاخوانه .. ولا يتخيل المعاناة الي بتعانيها المها !! شاف مسج من منصور يساله شو صار ما عرف شو يرد شو يقول ما يعرف شي حتى ما يعرف اذا كانوا بيردون الحين كان خايف من كل شي مش عارف يتصرف .. بعد 3 ساعات .. الكل كان يالس على احر من الجمر يتريا اي شي اي كلمه دش راشد الصاله بعد ما دق الباب .. كان شكله صدمه بالنسبه للكل عينه محمره والحزن باين عليه شكله تعبان .. الكل كان يشوفه يتريونه يرمس بعده دش سعيد واحمد .. خلود انصدمت اكثر من شكل ريلها واول وحده رمست : خير إن شاء الله يا بو سيف شو صار .. ما رد عليها سعيد رمست عاشه : يا احمد ارمس .. قول شي .. راشد ابويه شو مستوي !! سعيد : مهره عطتكم عمرها !! خلود : لا حول ولا قوة الا بالله .. عاشه وهيه تنزل دمعتها مهما يكون كانت من بينهم توها وياهم .. خديجه : إنا لله وإنا إليه راجعون اما البنات .. فساره من الصدمه حطت ايدها على فمها !!!!!! نوره نزلت راسها .. منال صاحت من شكل ابوها ومن امها الي تصيح !! شما حضنت الريم بقو الي كانت اتصيح من بداية السالفه ... تمو ساعه على هذا الوضع .. وبعدها الكل استأذن شما من ردت البيت على طول راحت غرفتها وقفلت الباب .. تدري انه امها مستحيل تفتح هالسيره الحين .. بس ما كانت خايفه من امها كثر ما هيه تبا اتكون بروحها .. اتيددت وصلت العشا .. وبعد ما خلصت رفعت ايدها بتدعي : يا الله يارب ارحم عم.. ما قدرت اتكمل توها تستوعب انها خلاص ما راح اتشوف عمتها مره ثانيه .. حطت ايدها على ويهها وقامت اتصيح .. حزنها بتتحمله بس كيف وهيه اتشوف الي بحسبة ابوها . عمامها وهم حزينين على فراق اختهم .. حياتهم بترد طبيعيه او لا !! بينسون هالحزن ولا !! المها المها بتسامحهم ولا !! الريم لما روحوا راحت غرفتها وما كانت حالتها احسن عن شما .. زايد كان منظر ابوه المكسور .. مش قادر يستوعبه خايف .. مآمن بقضاء الله وقدره كل شي فهالدنيا مكتوب !! لكن المها ما يبا يفقدها ما يقدر يعيش وفكرة انها مش موجوده .. خلود كانت مع ريلها اتذكره بأن كل شي مكتوب .. واما سعيد فبعد ما حس بالتعب صلى ركعتين .. وقام يددعي احمد كان يحاول يتماسك لين ما وصلوا البيت .. وطبعاً فغرفته استسلم للحزن .. منال ونوره ساروا مع بعض الغرفه بدون لا وحده منهم ترمس اكثر شي كانو خايفين منه المها .. ونفس السؤال الي دار في بال شما هل حياتهم بترد طبيعيه ولا .. راشد رجع هو وساره قبلهم .. فالغرفه عقب ما صلى .. كان يالس على السرير يلست حذاله ساره كانت كارهه عمرها لانها مش عارفه اتخفف عن حد او اتواسيه .. ساره وبتردد : راشد صد عليها راشد ساره وبخوف : راشد هذا قدر ومكتوب كل شي قضاء وقدر .. هذا يومها .. إن شاء الله نجتمع فالجنه يا راشد .. راشد حط راسه فحضنها بدون لا يعلق .. اليوم الي بعده .. الدفن كان صعب الي ما كان مستوعب استوعب فالعزا .. انتشر الخبر .. وايد ناس والبيت زحمه .. صح المكان كان حزين بس ما كان للدرجه الكبيره .. ما كان لدرجة الشهيق او غيره .... حزينين على فقدانها بس راضيين بقضاء الله وقدره .. رفيعه كانت اتصيح على اختها الي فقدتها ما كانت تدري انه البارحه لاخر مره كانت اتشوفها وانه كان الوداع الاخير .. ما وصللهم اي خبر من المستشفى لانهم قالوا يتوقعون المها تصحى بعد 72 ساعه لانه حالتها كانت صعبه نوعا ما اما هيا فقالوا خلال ال48 ساعه إن شاء الله بتقوم .. مره اليوم بطيئ على الكل اليوم الي بعده وصللهم خبر أنه هيا صحت .. مش كل حد سار على شان العزا .. نوره وشما وخلود هم الي ساروا .. دشوا عليها الغرفه .. كان شكلها تعبان .. خلود : الحمدلله على السلامه يا امي .. خطاج الشر وسلمت عليها هيا وبخوف : الله يسلمج سلمت عليها نوره وبعدها شما ... كان مبين عليهم التوتر الي حاولوا انهم يخفونه قد ما يقدرون .. هيا وبخوف وقلبها ناغزنها : ماماه وين شما شافت نوره بصدمه ما اتوقعوا انها ترمس الحين خلود : هيا حبيبتي اذكري الله واسمعيني هيا خلاص درت شو بتقول ما تبا تسمع خلود : كل شي قضاء وقدر وانتي انسانه مؤمنه .. وقبل لا اتكمل غطت هيا ويهها بايدها وشهقت قبل لا اتصيح .. خلود حضنتها بالقو وهيا استسلمت للحزن شما ونوره ظهروا برع ما راموا يشوفونها جيه .. هيا ما كانت تتخيل انها خلاص ما راح اتشوف امها هم منو لهم فهالدنيا غيرها .. خلود وقلبها معورنها : يا اميه اذكري الله لا اتسوين فعمرج جيه .. بس لا حياة لمن تنادي .. هيا حالتها كانت مستقره ما عندها اي كسور بس رضات خفيفه .. ظهروها من المستشفى .. كانت طول الوقت اتصيح .. راحوا بيت احمد على شان يرتاحون اشوي .. اما خلود فردت للعزا .. نوره وشما ويا هيا فالغرفة نوره : هيا حبيبتي لا اتسوين جيه فعمرج الي صار قضاء الله وقدره هذا الي مكتوب وهذا يومها .. محد يعيش اكثر عن عمره يا هيا خلي ايمانج بربج قوي هيا وهيه تصييح : مااا ابااا اعييش ابااا اموتت لييييش ما متت ليش !!! شما وهي تحضنها : استغفري ربج شو هالرمسه !!! لا اتقولين جيه هيا وهيه تصيح : استغفر الله .. استغفر الله .. بعد 4 ايام .. صعبه على الكل بس على هيا كانت الاصعب .. خلود : اميه زايد .. ودني فديتك صوب المها زايد بحزن : إن شاء الله .. بتسيرين روحج !! خلود : ما ادري بشوف اختك وبنات عمك ! زايد : يلا انزين انا بسبح وبنزل .. فالمستشفى .. خلود .. والريم .. ونوره وشما .. وزايد .. وصلوا الغرفة الي المها كانت فيها .. بس الصدمة إن الغرفة كانت فاضيه .. كلهم حسوا بالخوف أما زايد فحس النفس عنده انقطع ! مر الدكتور زايد برجفه : دكتور لو سمحت المريضه المها وين ؟!!! الدكتور : هوا ليه محدش علمكم بالي حصل .؟ الريم حطت ايدها على فمها .. نوره تشوف شما بصدمه وخلود ايدها على قلبها وزايد مغمض ! ما يبى ينصدم .. الدكتور : المريضه الصبح صحت .. زايد حس هذا اجمل خبر سمعه في حياته كلها !! كانت مغمضه عينها بالقو .. ابد مش مرتاحه كانت متأكده انه في شي صاير قلبها معورنها !! اندق الباب فتحت عينها على حس خلود : السلام عليكم المها ما ردت السلام كانت مصدومه وهيه اتشوف نوره والريم وشما خلود : اتقربت وسلمت عليها ونفس الشي البنات وكله وسط صمت المها خلود وبابتسامة فيها الم ولمحة حزن : الحمدلله على السلامة يا أمي المها وبخوف : امييه وييين ؟؟؟!!!!!!!!!!! ما كان في اي صوت فالغرفة .. المها وبدت اتحس بقلبها اتزيد دقاتها ما كانت قادرة تتكلم وشفايفها ترجف : امييي ويييين !!! .. بدت تستوعب الحقيقه بدون ما احد يرد عليها وصوت واحد يتردد فاذنها تشهد امها .. صرخت صرخة وهي اتغطي وييها باييدها: لاااااااااااااااااااا لااااا لاااااااااااااااااا امييييييييييي اميييييييييييييييي ... اباااااااااا اميييي .. آآآآآآآآآآآآآآآآآآه يا امييييييييييييييييي ... أأأأأأأأأأأأأأأه فز من عند الباب الي كان متساند عليه كان يترياهم يقولون له يدخل بس استوعب انها درت فتح الباب ابسرعه على صدمة خلود ونوره وشما والريم وهو يشوف المها بالبس الابيض يالسه على السرير اييدها على ويهها شعرها الطويل متناثر .. ركض عندها وحضنهااا بالقووو شما ظهرت برع ونوره وراها وخلود مصدومه مكانها بس استوعبت لما الريم سحبتها معاها برع الغرفة وسكرت الباب .. اما المها كانت اتحس بالامااان .. اتعرف صاحب هالعطر .. ااتعرف هالانسان ومتأكده انها الحين ما تحتاج غيره : آآآآآآآآآه ياااا زااايد رااااااحت يا وييييلييي رااااحت .. شهقه بعد شهقه .. جسمها كله يرجف فحضنه كانت حاضنته بالقو مثل ما اهو حاضضنهاا .. كان يحس بشي على خده بس ما كان مهتم !! غير فيها ما كان عارف شو يقول بس حاضننها بالقو المهااا : لييي..ش ياااا زااااااا..يد لييييششش .. ات..خ..ليينااا لي..ش ما ا..با الدن..نياااا بدووونهاااا !!! زايد وبالم : بسم الله عليييج .. لا اتقولين جيه .. اناا كييف اعييش بدوونج !! المهااا وبصياح يعور القلب : محتااااااجتنك ... مح..تااااجتنك لاا .. اتخلييينييي زايد وهو يوخر عنها ويحط عينه في عينها الي كانت مليانه ادمووع كانت المها اتشوف عينه رغم كل الحزن الي فيها الا انه انتبهت علي دموعه الي على خده .. حط ايده على ويهاا وهو بمسح دموعه : يعلنييي ما اعيش يوم واحد بعد لو فكرت اخليييج .. انا ويااج .. والي صار قضاء الله وقدره .. وإن شاء الله بكون وياج وبتمر الايام .. هالشي ما خفف من بكاء المها رجع زايد يحضنها بالقو صاحت وصاحت لين ما تعبت و غفت .. سدحها .. وظهر شوي شوي .. يمكن هذا كل استغرق نص ساعه او اقل من طلع من الغرفه شاف امه على الكرسي ونوره وشما والريم .. كانوا كلهم يشوفونه بصدمه .. يشوفونه كيف غترته متبهدله وعينه الي يبين انه هالانسان كان يبكي ولو شوي وكانوا يتريون منه ايطمنهم .. اما خلود فكان غير هالشي 100 شيء في بالها و الي صار جدام عينها شي غريب وما ينسكت عنه الريم وبخوف : شو صااار ؟؟؟ زايد وبحزن : رقدت شما : نترياها تقوم ؟! زايد واشوي بجمود يذكر المها شو قالتلها عنهم صح فهاك الوقت ما فكر وايد فيهم بس الحين يحس بالقهر ويحس انه لو كانوا قراب منها ما بتكون حالتها جيه : لا بنرد البيت ! خلود بحيرة وقلق وخوف : انا بيلس عندها .. زايد كان تفكيره كله متلخبط : اميييه بنرد البيت .. ولو قامت بيقولولنا .. مشى وما عطاهم اي مجال مشو وراه ركبوا السياره والكل ساكت !! خلود : زايد ما كلمت الدكتور عسب يخبرنا لو قامت مارد عليها كان تفكيره كل مكان ثاني وصلهم البيت ورد المستشفى على طول دخل غرفتها ويلس على الكرسي مجابلنها وهو يتأملها .. كان شكلها بريء رغم التعب والحزن الي مبين عليها الا انه شكلها فقمة البراءة والجمال .. ويهها كان صافي .. وشعرها الي على المخده معطنها جمال ثاني .. غمض عينه ( آآآه شفيييك يا زااايد شو هالمشااعر طول عمرها جدامك واتشوفها اخت !! شو فيك الحين شو الي اتغير ) يذكر كيف كانت فحضنه انفاسها الي اختلطت بانفاسه .. حط ايده على شعره وفتح عينه اول مره اليوم يشوفها من غير حجاب شكلها كان جميل مره وجذاب غمض عينه ( استغفر الله اكيد مهاوي ما ترضى اني اشوفها من دون شيله بس ما اقدر اخليها واروح ) كان مغمض عينه لكن بين دقيقه والثانيه كانت ترجعله هالمشاعر الغريبه الي حس فيها لام عمره واايد على الافكار الي يته لاول مره ما يحس انها اخته ( آآآه يا مهاوي لو تدرين شفيني ) كان يفكر انه يمكن بسبب الوضع الي هي فيه وانها وايد غامضتنه هو يحس بهالشعور بس كان متأكد انه ابدا ماله شغل كل ما تيه فكره او يتذكر كيف حضنته يلوم عمره لو تدري عن هالي في باله لتزعل منه .. تم يفكر وهو مغمض عينه .. كان يسمع صوت ناعم يناديه بس لاقرب من الهمس كان يتحرى انه من كثر ما هو يفكر يتخيل صوتها بس استوعب يوم علاا هالصوت اشوي .. فتح عينه وهو يشوفها تتأمله غرق للحظات فعينها وردتله كل هالأفكار من اول ويديد .. كانت نظراتها كلها حزن .. الم المها وبدت دموعها تنزل مره ثانيه : ؟؟!! بس بس لو خلتني اسوق بدالها لو متت اناا زايد ما كان قادر يرتب اي فكره في باله كان يستغفر ربه ويتعوذ من ابليس على شان يتكلم : بسم الله عليييج لا اتقولين جيه يومي قبل يومج هذا الي مكتوب ولو سقتي انتي او هي هذا يوممها امج يا قلبي عند ربج الحين .. هذا الي مكتوب وهذا عمرها .. خلي ايمانج بالله قوي .. لازم اتكونين اقوى عن جيه لا تنسين اختج الي تترياج فالبيت والي محتاجتنج الحين .. لازم اتكونين قويه عشان هيه اتصير قويه المها وهيه تصيح : وانا من وين اييب القوه انا منو بيصبرني زايد وهو يمسك ايدها ويحس برجفه : انا وياج انا بصبرج وبقويج والكل وياج المها : ما بتتركنيييي صحح زايد : اموووت ولا اخليييج المها : زااايد اباا اصيييح اكثر ابااا اصيييح تعبااانه ياازاااايد آآآآه زااايد وبهمس غريب : احضضضننج ؟؟! المها : احضننيييي .. اتقرب منها وحضنها ومن صارت فحضنه سمع تنهيييده طويييله : آآآآآآآآآآآآه ياا زااايدد آآآآآآآآآآه .. لا اتخليني لمهااا له اكثر وهو يمسح على شعرها .. لكن هالمره خلاص قام يحس بمشاعر اكبر من الي حسها قبل .. كانت شوق ولا حزن على حالها ولا ولا .. ما كان يدري بس الي يدري انه ما يبا يتركها المها : طلعني من هناا يا زاايد اباا اشووف اختييي ما ابا ايلس هنييي .. زايد : إن شاء الله .. المها : اليومم زااايد الحين زاايد : اشششش .. غمضييي .. غمضت عيونها بالقو دقايق وبعدها قامت ترتخي جفونها ونامت .. بس هالمره بأمل .. لما حس انها نامت سدحها وهو يتأملها مره ثانية وفز على صوت فونه ظهر بسرعه من الغرفه عن لا اتقوم ورد زايد : الو سعيد : السلام عليكم زايد : وعليكم السلام سعيد وبصوت فيه راحة : ها ابوي بشر امك قالتلي المها قامت شو قالك الدكتور زايد وبارتباك : هااه .. هييه قامت الحمدلله وانا نزلت امييه البيت لانها كانت راقده والحين وصلت المستشفى عشان اسأل الدكتور وبطمنك سعيد : يلا ابوي اترياك لا تتأخر علي زايد : إن شاء الله .. فمان الله .. سكر وهو يحمد ربه انه السالفه مشت على ابوه سار عند الدكتور وسأله ورد يتصل فابوه سعيد : ها ابوي شو قالك زايد : يقول إن شاءالله لو باجر كانت اوكي بيظهرونها .. سعيد : خلاص عيل إن شاء الله باجر بنيها .. الحين انت رد البيت وخذ اختك خلها ترقد عندها .. زايد وبسرعه : لا لا ابوي الدكتور قال انه عاطينها ابرة مهدي وما بتقوم لين باجر .. ما يحتاي سعيد : خلاص ماعليه .. يلا انت تعال البيت زايد : إن شاء الله .. بس بشوف ربيعي اول محتايني فشي وانا واعدنه سعيد : يلا ما عليه .. اتحمل بعمرك .. فمان الكريم زايد : الله بحفظك .. وسكر ما يدري كيف ابوه ما شك فأي شي مع انه ابوه مش من النوع الي ما يفكر بس حمد ربه ورجع صوب غرفتها .. ( زايد انت بلاك شو هالافكار .. انت مش يالس اتفكر فيها مثل اول .. زايد مهاوي اختك اختك .. نسيت انت اتحب منال .. منال ؟؟!!! ) استغرب من صار الحادث وهيه مول ما يت فباله !! مستعد يحلف انه ما فكر فيها ولا لثانيه وحده محد كان في باله غير المها وبسس .. وهو يفتح الباب ( اشفيني انا نسيت اني احب من.. ) ما كمل كان يشوفها كيف نايمه .. سكر الباب ويلس على الكرسي وهو مبتسم غمض عينه بالقو وهو يذكر ابتسامتها شقايل اتوله عليها من زمان ما شافها .. راحت عن باله منال الي من اشوي خطرت على بالها وبسرعه اختفت من تفكيره .. الريم : شفتوه كان يصيييح !!! شما : هيه والله انا انصدمت ؟؟!!!! نوره : احس انه يحبهااا !! الريم : ما ادري بس قلبي عورني عليها شفتوها كيف كانت شما : هيييه حرااام .. نوره : اتصدقون فزيت يوم زايد دش !! الريم : انا بس كنت مبلمه وانا اشوفه يحضنها وماماه ما ادري شو ياها !! شما : خلو عنكم زايد .. الله يعين المها صدق غامضتني !! نوره : الله المستعان .. الحمدلله ربي قومها بالسلامه .. إن شاء الله اتقوم وهي اتخفف عن اختها وهيا اتخفف عنها .. الله يصبرهم .. شما والريم : آمييين شما : تدرون امي ما تدري اني هني على بالها فبيتكم نواري . احس لو تدري مستحيل كانت اتخليني الريم : آآآه .. الله يعيييين من الي ياي .. على الساعه 8 .. كات يالس مكانه ابدا ما تحرك المها فتحت عيونها انصدمت : زاايد انت ما رحت !! زايد : تبيني اسير واخليج ! المها وبحزن وبنبره قريبه للبكي : اميي رااحت وخلتني !! زايد وبحزن : بس مهاوي لا تسوين جيه فعمرج !! نحن شو قلنا ! المها حطت ايدها على ويهها وقامت اتصيح من اول ويديد : اميي رااحت يا زاايد راااحت !! زاايد وهو يرد رااسه على وراا : آآآه كلنااا بنرجع لربنا يا مها كلنا ! المها وهي اتشل ايدها عن ويهها وصخت وهي اتشوفه استغرب بس تم يتأملها لثواني وقالت بصوت حزين : ادريي بس ما كنت ابا افقد حدد .. اناا ما اخااف من الموت يا زايد ما اخااف امووت .. الي اخااف منه اني افقد الي احبهم وهذا صار !! من ليي غيرها يا زايد وين بنروح نحن الحين ويين !! عند ابوي الي 20 سنه ما دري عنيي !! الي ما يسال ولا يحبنا ! ادري انا الحياة بدون امي راح اتكون صعبه .. ومره وحده شهقت شهقه كانت كاتمتنها : آآآآآه يا امييي آآآه زايد كان صاخ ما يعرف شو يقول !! مب عارف بشو يرد عليها الي اتقوله المها صح !! بيرجعون عند ابوهم ! كيف بيعيشون معاه والحياة بدون الام صعبه .. زايد : مهاوي هذي الدنيا .. مب كل الي نباه يصيير الحياة ما تمشي على هوانا، بس هذا ابتلاء من رب العالمين والي يصبر اجره عند ربه .. ادعي لامج .. المها : زاايد اوعدني ما اتخلييني انا ما بقدر اعيش بدونك ! زايد بابتسامه : انا وياج ! المها بحزن وبصياح : قووول وعععد زايد : وعد ! المها وعلى نفس الحاله: شكرا يا زايد ! ما بنسى انك وقفت وياي زايد : الي يزعلج يزعلني ! وانا وياج فحزنج وففرحج ! ادري فكرة انج فقدتي امج صعبه بس الصعب باذن الله يصير سهل .. انا ما بقولج لا اتصيحين .. لا تزعلين ! انا اباج اتسوين كل ها من نفسج انتي لازم اتكونين قويه لنفسج ولاختج وعشاني ! مهاوي فهالوقت الضعيف ما يعييش ! والحياة جدام والدنيا ما توقف .. الي صار قدر ! غمضت عينها بقوو ( آآآه يا زااايد من غيرك ما راح عيش .. لا حول ولا قوة الا بالله .. الله يرحمج يا امي الله يرحمج ويرحمنا ) هالمره كانت دموعها تنزل لكن بهدوء بصمت وبدون صوت كانت تبا اتقول لزايد يرجع اكيد هو تعب من اليلسه بس ما كانت تباه يخلييها تباه وياها ( اشفيج يا المها شو هالانانيه راحته اهممم ) فتحت عيونها .. كانت يتأملها بشوق وحزن وهالاحساس الغريب للحين في محله المها : زايد ارجع البيت ! زايد وبسرعه : لا انا بتم وياج المها : زاايد ما يصيير جييه .. انت من متى هني ما تعبت من اليلسه زايد : ما تعبت واذا تعبت شو يعني التعب عشانج رااحه مهاوي ! المها : بسم الله عليك من التعب زايد ابتسم : اتخافين علي ! المها وبحزن : من لي غيرك ! زايد : عمري كله لج ! المها : ما بتنساني ! ما بتنسى المها (وبألم) اختك يا زايد ما راح تنساها لو تزوجت ما بتنساها ؟ زايد حس بضيج ما يدري ليش : انسى عمري قبل لا انساج المها : آآآسفه ما ابااك اتروح واتخليني بس ما اباك تتعب ! زايد : اوووششش .. ويااج ما اتعب ! المها : اتعشييت ! زايد : لاا المها : انزين روح اتعشي وبعدين تعال زايد : انزين انتي بعد ما اتعشيتي ! المها : والله مالي خاطر فالعشى دخيلك زايد روح اتعشى .. روح البيت اتعشى وبعدين تعال .. زايد : ما اباا اخلييج المها : عشاني ! زايد وبابتسامه : إن شاء الله وظهر فونه الثاني وحطه على السرير : مهاوي لو بغيتي اي شي دقي المها : إن شاء الله .. اتحمل على عمرك زايد : من عيوني .. اتآمريني بشي المها : هيه ييبلي شيله وياك زايد : إن شاء الله زايد قام من الكرسي : يلا الله يحفظج المها : ويحفظك .. من ظهر غمضت المها عيينها وتركت دموعها تنزل لو تكلمت ولو قالت الحزن فقلبها كبير صح ما قدرت انها ما تصيح جدامه بس حاولت تكتم لو يكون زايد ما تباه يشوفها ضعيفه لهالدرجة لانها تدري انه يباها اتكون اقوى !! اما زايد ظهر ومره وحده ظهرت النيرس فويهه : كيفها المدام ! زادت ابتسامته على كلمة المدام : الحمدلله النيرس : بدي اييس الضغط الها ! زايد : مب مشكله .. النيرس هزت راسها وزايد روح وهو يحس بسعادة .. في مكان ثاني .. ( يا ربي ليش مش راضي يظهر من بالي ) تذكر عيونه ملامحه عدل طوله صوته كل شي .. ( يا ربي اشفيني آآه يا سيف جننتني ) : روضه يلا العشاء روضه وبعصبيه : يلا روح وسكر الباب وراك ما ابا عشا ! سكر الباب رجعت تنسدح وهيه مبتسمه .. دش زايد البيت الريم : اوووه زيود ييت زايد كان مروق للآخر : لا سرت الريم : يا سخيف ! زايد : وين العشا ! الريم : يحلييلك والله تتحرا بنترياك خلاص اتعشينا ! زايد : قومي انزين حطيلي عشا الريم : بس لاني طيبه بسير زايد ابتسم : يلا انزين .. بعد ما خلص كان يالس ويا الريم روحهم فالصاله .. زايد : ريومم هاتي شيله لمها ! الريم وباستغراب : هاااااااه !!! زايد : شو الي هاه ! الريم وبغباء : كيف يعني انت بتسير عندها ؟ زايد : يلا ريوم خلصيني الريم قامت يابت شيله وحطتها فالكيس وعطته .. ظهر وهيه مستغربه سارت غرفتها انسدحت وهيه مرتاحه اتحس الحمدلله الامور ماشيه تمام .. زايد وصل دق الباب ودخل المها ابتسمت من شافته عطاها الشيله اول شي حست بالاحراج بس لفتها وهو يشوفها مبتسم ومبين انه منحرجه بس للحين لمحة الحزن فعيونها والي حتى لو حاولت تخفيها مبينه .. كان زايد يحاول يغير الجو لكن ما خفى عنه انه المها فعالم ثاني . نامت المها وبعدها زايد على السرير الي يكون فالغرفة .. الصبح قام من وقت واستغرب لما شاف المها نايمه يدري انه نومها خفيف بس اكيد من التعب ما يلومها .. غسل ويهه وظهر .. بعد ساعه قامت المها واستغربت لما ما شافته اتصلت فيه زايد : صباح الخير المها وبخوف : زااايد ويينك ويين رحت !! زايد : مهاوي سرت لانه ابويه اكييد الحين بييي المها وبحزن : همممم زايد : ااسسفف المها سمعت دق على الباب : عادي .. زايد حد يدق الباب يلا بسكر زايد : اتحملي بعمرج .. وطمنيني مع السلامه المها : إن شاء الله .. باي .. قبل ما ترمس المها انفتح الباب كان سعيد مع وخلود سلموا عليها كلهم سعيد : الحمدلله على السلامه يا امي المها : الله يسلمك خالي كانت ملاحظه نظرة الحزن الي فعيونهم .. خلود : ها يا امي المها شو صحتج الحين المها : الحمدلله خالو بس ريلي اشوي اتعورني سعيد : الدكتور قال في رضة قويه فريلج بس ما تحتاج جبس .. المها : انزين خالي متى بظهر سعيد : اذا انتي اتشوفين عمرج بخير الحين انكلم الدكتور المها : هيه دخيلك خالي ما ابا ايلس هني سعيد : خلاص انا بكلم الدكتور .. ام سيف ساعديها اتقوم لين ما اشوف الدكتور خلود : إن شاء الله .. ظهر سعيد وبعدها المها بدت تستوعب الي صار امس وانه زايد حضنها بوجودهم كانت منحرجه منهم بس تحمد ربها انه خلود ما يابت طاري .. بعد ساعه وبعد ما اطمنوا عليها .. ظهرت من المستشفى وفللسيارة طرشت مسج لزايد اتخبره انها ظهرت سعيد : امييه المها انا بوديج الحين بيت خالج أحمد اختج هناك .. إن شاء الله هالفتره انتوا بتيلسون عنده .. واذا تبون تيلسون عندي احطكم فعيني هذاك بيتك وهذا بيتكم .. وخالج أحمد قال تيلسون عنده عشان تاخذون راحتكم اكثر .. المها بحزن اتحس انهم ثقال : مشكورين خالي .. وسكتت لين ما وصلوا ييوم دشت البيت ورا خالها كان الكل فالصاله حست بشعور غريب ما كان سعاده بكثر ما كان هو ضيج شاافتهم كلهم الا اختها .. كانت تسمع ( الحمدلله على السلامه ) ( خطاج لشر ) ( نور البيت ) ووايد بس كانت اتحس للحين بالحزن الكل كان موجود ( خالها أحمد وراشد وعاشه وخديجه وساره ونوره وشما والريم ومنال وروضه وخالتها رفيعه ) حست بتعب كانت نوره يالسه حذالها المها : نوره نوره وبابتسامه : آمريني المها : ممكن اروح عند هيا نوره : اكيد وقفت ووقفت وياها المها محد علق والمها حتى ما تكلمت راحت فوق ونوره ساندتنها نوره وبحزن : هي هني فالغرفة تراها ما ظهرت من الغرفة ابدا انا بنزل لو بغيتي اي شي ازقريني المها : مشكوره .. نزلت نوره فتحت المها الباب شافت اختها على السرير والمصحف باييدها يوم رفعت هيا راسها وشافت اختها كانت مصدومه وبنفس الوقت فرحانه سكرت المصحف وبسرعه ركضت لها حضنتها بالقو وانفجرت صياح وعلى كثر ما حاولت المها تمسك عمرها الا اناها ما قدرت قامت اتصيح وياها هيا : راا..حت وخ..لتنااااا المها وهي اتصيح : ما يصيير يا هيا نحن لازم انكون اقوى عن جيه هذا قضاء وقدر لازم يكون ايمانه قوييي .. كانت اتحاول اتخفف عن هيا بس مب قادره اتخفف عن عمرها صاحوا فحضن بعض لوقت طويل كان بالدقايق او بالساعات ما يدرون بس جنه حضنهم لبعض كان شفاء للالم الي فقلوبهم .. لانهم حاسين في بعض وحاسين بمعنى فقد الأم.. ________________ الي فالصاله قاموا يستأذنون الا البنات فكانوا مع بعض وروضه الي ما تعودوا عليها الا انها شاركتهم اليلسه الريم : اتحسون لو زقرنا المها وهيا بيون ييلسون ويانا نوره : ما عليه ريوم اصبري عليهم .. هم لما بيشوفون عمرهم مرتاحات بيون رواحهم .. بعد شهر وااحد سريع على حد وبطيئ على ناس .. يوم الجمعة الساعة 6 الصبح المها : هيونه هيا : هلا ! المها : قومي اتلبسي بوديج مكان .. هيا بصدمه : الحين المها : هيه يلا .. هيا هزت راسها باستغراب والمها ظهرت من الغرفة .. نزلت شافت أحمد وعاشة يتريقون ! المها : صباح الخير أحمد بابتسامة مستانس لانها نزلت : صباح النور عاشه : صباح الخير حبيبتي .. أحمد : تعالي أمي اتريقي المها بابتسامه : مشكور خالي .. انا بس بغيت اخبرك انه انا وهيا بنطلع أحمد بصدمة : الحيييين !!! المها وبأمل : هييه ما بنطول أحمد ما حب الفكره ابدا بس شافها كيف متأمله موافقته وهو حزنان على حالهم ( اذا الطلعة بتخفف عنكم اتوكلوا ) : سيروا ما عليه بس اتحملوا بعامركم ولا تتأخرون المها : إن شاءالله .. سارت فوق اتلبست ونزلت بسرعة ويا هيا ومن ركبوا السيارة هيا : مهاوي وين بنروح المها بابتسامه : مكااان هيا : ادري مكان بس وين المها : اصبري .. بعد ما تحركوا نزلت منال وشافت امها وابوها سلمت عليهم .. عاشه : غريبه منول اليوم صاحية من وقت منال: هيه البارحة راقدة من وقت ولا شو ويكند واقوم من بدري ليش أحمد : عيل اكم مهاوي وهيا من الصبح ينشون منال ( بدييينا عاد بهالسوالف ) من ورى خاطرها : هههه زين زين عيل وينهم ما اشوفهم عاشة : ظهروا منال ( ظهروا !!) : اهــاااا واااايد زين .. هيا وهي اتشوف المكان : الله البحر !! المها : هييييه شو رايج هيا : جنااان يلا يلا خلينا ننزل المها وهي مستانسة لوناسة اختهااا من اتوفت امهم ما شافتها مبتسمه : ههههههه انزين اصبري خليني ابركن بعد ما نزلوا وهم يالسات على الرمل : مهاااوي البحرر وااايد حلوو شوفيه المها وهيه بدت تسرح : همممم " المها : زيودي احس البحر يشبهك ! زايد : ههههههههههه كيف بعد يشبهني المها : لا تضحك والله يشبهك زايد : انزين وفشو يشبهني المها : شوفه كيف وسيع مثل قلبك .. الناس تاخذ منه بس ما تعطيه زايد : بس البحر ماله امان المها : مش كذا .. الي واثق من نفسه بس هو الي لازم يقرب منه زايد وبابتسامه : عشان جيه انتي قريبه مني المها وهي تبتسم : اييه واثقه منك وواثقه انك ما راح اتأذيني ! زايد وهو يشوف فوق : انزين شوفي فوق المها وهي ترفع راسها.. زايد : شوفي الشمس .. تشبهين الشمس فشروقها وفزت مره وحده على صوت هيا : بسم الله وين رحتي المها : لا وياج وياج هيا : مبين المها وبتردد : هياا هيا : نعم ! المها ( مول مش وقته اسكت احسن ) : لا لا خلاص هيا : قوليي المها وبسرعه : زااايد هيا وباستغراب : زاايد ؟! اشفيه المها : شو يعني لج ! هيا اتحس انه في شي : زايد الحين حاله من حال منصور، سيف ؟! عادي ولد خالي !! المها بصدمه : بس كنتي اتحبينه هيا : أناااا ؟!! ليش انا فعمري قلتلج احبه المها : لا مش جيه بس انتي كنتي .. يعني ما ادري دايما كنتي تطرينه هيا : يمكن طريته ! يمكن كنت اميل له ويمكن !! بس زايد يحب منال مب هيا ليش اعلق عمري فوهم .. اتعرفين من قلتي لي انه يحب منال صار ما يطري على بالي، زايد خلاص ما قمت افكر فيه.. بسهوله طلعته من بالي لانه فعمري ما حبيته المها بحزن : هيه ! هيا وباستغراب على حزن المها وفبالها انه المها زعلانه عليها : اتعرفين لما اذكر اني كنت استانس لاني شفته اضحك على عمري .. والله مهاوي الحين ما احس باي شي صوبه ! المها ابتسمت : والله ! هيا وهي تبتسم : والله المها وهي تنتبه انه فونها مش وياها : ااووه هياا فوني فالسياره بروح اييبه هيا : اوكي .. قامت المها ومشت وهي سرحانه وفبالها زايد .. الي كان واقف ما صدق تمت بروحها .. هيا وهي اتحس بحد يلس صوبها وهي موجهه نظرها للبحر وهي اتصد يمينها : مسرع ما يي**** وانصدمت بالي يالس حذالها شهقت شهقه ***** : صباح الحلووين ظهرت منها شهقه ثانية لكن مشش من الي سمعته من يوم يت عينها على الي واقف يصور .. يمكن يوم كانت اتشوف البحر ما كانت اتبين بس لما صدت عينها يت على كيمرة الفون ما عرفت شو اتسوي مش قادره توقف اتحس ريلها ما اتشلها ويوم بغت تتحرك على ورى مسك ايدها وبكل وقاحة : وييين !!! من الخوف ما رامت تتحرك سحبت اييدها بالقوو وصرخت : بعععععععععد صدت بسرعة ( هذاا صوتهااا ) وانصدمت بالي شافته كانت خلاص بتوصل للسيارة ركضت بسرعة ومسكت اختها ووقفتها كانت مصدومه ما اتعرف كييف تتصرف الحين واقفه ومجابلتنه ويه بويه ( انزين شو اتقول ) تبا اتهزئ تبا اتصرخ بس لسانها انربط وهيه اتشوفه مبتسم بوقاحه ولا جنه سوى شي ومره وحده انفجرت فويهه : يا وقحححح يللليييي ما تخاااف ربككك .. كانت بتكمل لكن انتبهت على هيا الي اتشد اييدها فهمت انها تبا اتسير مشوا بسرعه .. ركبوا السيارة وهو للحين واقف مكانه حمدت ربها انه ما لحقهم .. كانت تبا اتعرف اي وحده سيارته عسب تاخذ الرقم وتبلغ بس ما عرفت لانهم كانوا كم سياره .. هيا كانت اتصيح المها واتحاول تمسك عمرها : هياا لا اتسوييين جيييه فعمرج خلييه يولي .. حسبي الله ونعم الوكيل عليه حسبي الله هيا وهي اتصييح : مهاااوي صورنييي صورنييي !!!! المها بصدمه : منووووه !!!! هيا وهي اتصيح اكثر : اليي ويااااه !!! المها ما عرفت شو تقول ما تبا تنفعل اكثر عشان هيا لا تتأثر : خلييه يولييي اكيييد مش وااضح هياا : شو الييي مشش واااضح بيفضحني !!! |
|
| |
 |
|
04-25-2014, 08:49 PM
| رقم المشاركة : [ 17 ] |
| عضو جديد | تابع الجزء العاشر
__DEFINE_LIKE_SHARE__
المها وخلاص حاسه بدومعها بتنزل بس ما تبا اتكون ضعيفه لازم اتكون اقوى : حسبي الله عليييه بسس هياا لا اتصييحيين دخيييلج هيا واتحس بالقهر والظلم والخوف ما تبا للحظه اتفكر شو بيصصير باجر : مهاوي بنفضح المها بعصبيه : بسسس ي هيااا من هالكلمه بسسس الله فوق !! ولو ترا انا كنت واقفه حذالج .. خلااص يا هيا لا اتسويين جييه وبعدين انتي ما سويتي شي يغلط يوللييي هيا وهي تكتم الي فيها صدت صوب الجامه وهيه اتصيح بس اتحاول ما اتظهر صوت .. اما المها ( كله مني اناااا كله مني لو بس ما طلعنا من البيت لو ما خليتها ورحت اناااا مبب زييينه مببب زييينه بدل ماا اخففف علييها ازيييدهااا )) ****** : عطني الفون كان يشوف الفيديو وهو مبتسم صح ما كان شكلها واضح فالفيديو بس يذكر مالمحها عدل وكيف بينسى وهي كانت قريبه منه لدرجه فضيعه ( يخرب بيتها محلاها ) كان الفيديو مصور ففونه لانه عطى الي وياه فونه يوم يكون شي يخصه يحب انه يكمل الموضوع وهو يخصه وبس حتى لو كان تصوير يباه عنده .. وصلوا البيت الساعه 8 كانت الصاله فاضيه راحوا الغرفة بهدوء هيا عقت عباتها وعلى طول انسدحت على السرير اما المها فظهرت فالصاله وكانت فاضيه يلست وهيه سرحانه وتلوم نفسها فكل شي .. في مكان ثاني كانت متعوده اتقوم الصبح خاصة يوم الجمعه لان امها ما اتحب الرقاد . كانت يالسه ويا امها واتحس من نظرات امها في شي ومره وحده وبدون اي مقدمات : بيت عمج سعيد تنسينه فتحت عيونها على وسعهن انصدمت ما اتوقعت امها تييب الطاري بعد تقريبا اكثر من شهر اتحرت انها نست وما اتوقعت ابداً هذا القرار ( كيف يعني ما اسير بيت عمي ) وبصدمه : بس امييه ! خديجه وبنظره اتخوف : جب ولا كلمه ربينا وتعبنا وآخر شي سواد ويه شما تبا اتبرر او اي شي هيه تدري انه الموقف الي كانوا فيه وايد غلط بس لازم اتبرر : اميييه ان*** شافت امها وقفت ويد صوبها وما حست الا بكف حست قلبها بيوقف اول مره في حياتها كلها تنضرب ومن منو امهااا !! ما كانت اتحس بويع الضربه كثر النغزه الي فقلبها .. مصدومه لآخر درجه خديجه كان مبين عليها الجمود : يبالج تربيه من اول يديد .. ما يبتيلي غير سواد الويه قومي انجلعي هناااك ! شما وقفت بهدوء فضيع مشت لين غرفتها سكرت الباب وقفلته يلست بعدها على السرير مدت ايدها وحطتها على شفايفها لكن هالشي ما منع الشهقه الي ظهرت منها وقامت اتصييح بقهر ما اتوقعت امها جيه بتسوي محتاااجه لحدد شلت فونها .. : هلاااااااااااااااا والله شما وبصياح : ريمييي الريم وبشهقه : شماااا يااا عمرييي اشفيييييييج !!! شما وهي اتزييد فصيااااحهااا : ريييييميييي اميييي امييي ضربتنييي اتخيليييي !!! إلى هنا سأكتفي، أشكر كل من يقرا روايتي وأنتظر ردودكم و توقعاتكم |
|
| |
| |
|
04-25-2014, 09:58 PM
| رقم المشاركة : [ 18 ] |
| عضو جديد  | البارتت ححلوو ححرام ام ششمة ليش ججي تفهم غغلط ، م تستاهل ششموهه فيني فضضول ابيي اعرف منو الي صورر مها و هيونه ، احسسهم بينشرونن الفيديو و الصورر وبسس ف انتظاررجج __DEFINE_LIKE_SHARE__ |
|
| |
| |
|
04-26-2014, 12:04 AM
| رقم المشاركة : [ 19 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
04-26-2014, 12:06 AM
| رقم المشاركة : [ 20 ] |
| عضو جديد | الجزء الحادي عشر الريم وبشهقه : عسب هاييج السالفة ؟؟؟؟ شما : هييييه .. اباااا اموتتتت !!! الريم : بسم الله عليج يا عمري لا اتصيحين فدييتج افاا عليج انتي بس عطيينييي ساااعه وحده شما وهي اتخف من صياحها : شو بتسوييين الريم : اصبري انتي بسس لا اتصيحين شما وبأمل : إن شاء الله الريم : يلا قلبي الله يحفظج ساعه بس شما : مع السلامه الريم سكرت وهييه حااسه بتأنييب الضمير ( كله مني لو ما قلت لسيفو هاك اليوم انها فالمطبخ يا عمري يا شما هيه مالها شغل ) ظهرت من غرفتها وعلى طول عند امها .. دقت الباب ودشت شافت امها اتدخن الملابس وابوها بقرا الجريدة الريم : ماماه خلود وهي اتصد عليها : ها امي الريم : ماما ممكن اششوي تين ابا اكلمج خلود فهمت انها تباها بروحها : يلا امي بييج فالصاله ظهرت الريم وخلود خلصت الي فايدها : عن اذنك بوسيف بشوفها شو تريد سعيد : اتوكلي على الله .. ظهرت من الغرفة شافت ريم يالسه وتترياها يلست حذالها خلود : ها ماماتي .. الريم وبخوف : ماما شماا ! خلود واايد اتحب شما : بسم الله الرحمن الرحيم .. شوفيها شما الريم : شسمه ترا .. وسكتت خلود وبحيرة : ويدي بلاج يا امي ارمسي شوفيها بنت عمج الريم :ماماه اتحيدين هاك اليوم يوم سويتوا العزيمه عسب عمو رفيعه ويوم سيف كان ويا شما خلود اتناست هاك الموضوع وما اهتمت وايد بس الحين هالاهتمام بان : هيه وشو مستوي الريم : ماما خالو خديجه ضربت شما خلود شهقت : وي بسم الله ضربتهاااا !! الريم : هيه وشما من شوي كلمتني وكانت اتصيح خلود : لاحول ولا قوة الا بالله العلي العظيم انا برمس ابوج الريم شهقت : ماماه شو اترمسينه تبينه يذبح سييف خلود : وي بسم الله الرحمن الرحيم .. يا ريم يا ماما هالأمور ما تنحل جيه لازم ابوج يتدخل ولازم سيف يتحمل المسؤوليه والغلطان يتعاقب صح ولا الريم وبحزن : بس ماماه حراام كله مني انا قلتله انه شما فالمطبخ خلود وهي اترمس بنتها بتفهم : انتي قلتيله بدون ما يسألج الريم : امبلا هو سألني وانا قلتله خلود : يعني الغلط الكبير من اخوج سيف ماشاء الله ريال وهب ياهل والي يغلط لازم يتحمل نتايج غلطه وانتي بعد غلطانه .. الريم نزلت راسها باحراج خلود : يلا الحين خليني اكلم ابوج وانشوف حل ويوم بزقر عليج تعالي الريم : إن شاء الله .. قامت امها والريم ( الله يستر ) دشت خلود عند سعيد ومبين على ويهها انه في موضوع كان على نفس الوضعيه يالس على الكرسي الي صوب الدريشه الجريدة في ايده وكوب الجاي على الطاولة يلست مجابلتنه .. نزل الجريدة من ايده وهو يشوف انه في شي : خير يام سيف الظاهر انه في موضوع خلود وبتردد : والله ما ادري شو اقولك .. الله يسلمك من فتره .. يوم العزيمة قمت انا ووخيتي ام شما المطبخ وعاد من شبرنا صوبه شفنا الي مايسر سعيد وبان عليه الاهتمام اكثر وهو يعتدل فيلسته : خير إن شاء الله خلود : والله شفنا سيف يالس ويا بنت عمه وسوالف وياها .. سعيد وبعصبيه اشوي : وليش محد تكلم خلود : والله يابو سيف ما توقعت انه الموضوع يكبر سعيد : وشو صار الحين خلود : والله مادري شو اقولك بس خديجه الله يهديها ضربت شما ! سعيد : استغفر الله العظيم .. هاي سواة يسويها سيف خلود : غلطان الولد ولازم يتحمل المسؤوليه بس بنتك بعد لها اييد فالموضوع سيف متخبرنها عن شما وهي قايلتله عنها .. سعيد وهو يحرك راسه بأسف سكت لفتره ما تتجاوز الدقيقتين من ثم : اذا ما عليج أمر ازقري العيال .. خلود : إن شاء الله بس لا تنسى يا بوسيف كل شي بالتفاهم ينحل سعيد : خير بإذن الله خير خلود : عن إذنك .. ظهرت من الغرفه شافت الريم مكانها : ريم ازقري اخوج وتعالي الغرفة الريم وبخوف : إن شاء الله سارت غرفة سيف بسرعة كانت خايفه لكن فنفس الوقت تبا اتعرف شو بيصيير دقت الباب ودشت كانت تدري انه راقد فتحت ليتت الغرفة ويلست على السرير : سييييف سيف : ............ الريم وبخوف : سييييف قووم سيف : .................. الريم وهي اتهزه واتعلي صوتها : سيييييييييييييف قوووووووووووم .. سيييييف يلااا نشششششش سيف وبدا يفتح عينه وشكله معصب : شووووه الريم زاغت : قووم سيف بعصبيه: انجلعي عطيني مقفاج واذبحي الليت وراج الريم بخوف وبنفس الوقت ( اذبحه خيبه) : سييف قوم ابوي يباك ضروري سيف وباستغراب وهو بعده معصب : جان قلتوله راقد الريم : بيي بيذبحك هني قوم بسرعه سيف وبعصبيه : قووومييي انفديييي انزيين ياي الريم وهي اتقوم ( اعوذ بالله شو هالنفسيه الزفت ) سكرت الباب ويلست فالصاله .. 5 دقايق لين ما ظهر سيف وشكله معصب الريم : ما بغيييت سيف وعصبيه : أن ما صكيتي فمج لاقوملج الحين .. وين ابوي الريم وبخوف : بسم الله انت بلاك متوحش " شافت النظره الي يتها " وقالت بسرعه : فالغرفة يوم شافته دخل الغرفة وسكر الباب دخلت وراه شافته يحب امه وابوه على روسههم اتذكرت انها ما سلمت عليهم اليوم فاستحت بانها اتسلم الحين سعيد : يلسوا سيف استغرب شاف الريم بنظره بمعنى شو السالفه ؟ رفعت جتفها بأنه ما اعرف والاكيد انها اتعرف يلست على السرير بعد ما يلس سيف سعيد بحزم : سيف لو انت ياهل بنقول ما عليه .. بس الي قدك الحين فاتحيلهم بيوت وعندم عيال سيف مستغرب : ليش ابوي انا شومسوي سعيد واشوي عصب بس ماكان يحب ايبين عصبيته لانه ايحب يحل الامور بالسياسة ووما يكبر المواضيع : انت اتعرف شو مسوي انا ما بهزأك جدام اختك الحين بس الي سويته وي بنت عمك لا هو من تقاليدنا ولا ربك يرضى فيه صح ولا ! سيف بدا يستوعب الموضوع وانصدم لانه ما اتوقع انه حد بيفتح وياه هالموضوع نزل راسه باحراج .. سعيد : وانتي هب ياهل ايقوم هو يسالج وينها واترردين عليه جيه هي حليلته الريم يتها ضحكه تتخيل انه شما مرته اتحس ابدا ما تنفع وياها مواضيع الجد نزلت راسها على اساس انها انحرجت لكن الصدق انها كانت على وشك انها تضحك سعيد : انا الحين ما بيلس اعاتبكم على الي سويتوه انا ابا الحل انت يا سيف بتخطب شما سيف انصدم ما اتوقع صح شما يباها بس مش الحين هو مش مستعد : ابوي الله يخليك مب الحين .. والله انا شما شارنها واباها بس مب الحين .. انا للحين ما كونت نفسي ما ابا اخذها واظلمها وما اعرف اعيشها صح سعيد هز راسه بعدم الرضا بس للحظات كان مقتنع برمسة ولده : اتقوم تاخذ امك واختك العصر اتسير بيت عمك الله يرحمه تعتذر من مرت عمك وتفهمها انك بتخطب شما بعد فترة سيف وبراحة اششوي : إن شاء الله سعيد : وأنت ما بتعيد هالغلطه وشما عرضك وما ترضى عليها صح الكلام هذا سيف : هيه نعم سعيد : يلا تقدرون اتسيرون قام اول سيف باس امه وابوه على روسهم وبعده الريم وظهروا واول ما سكروا الباب وابتعدوا اشوي عن الغرفة الريم : ههههههههههههههههههههههههههههههههههههه ما حست الا بضربه على ظهرها حست انها اتشللت : الله يغربلج انجلعي من هني الريم ركضت وهيه تضحك : والله حسيت انه نحن فمحكمه سيف ابتسم على اخته بس بسرعه سوى عمره معصب : ما تييبين الا البلاوي الريم ووقفت وصدت عليه : انا شو يخصني .. ما ضربتك على اييدك وقلتلج سير سولف وياها وطيحلي حب وغراميات شافت النظره الي اتخاف منه وركضت الغرفة تتصل لشما .. من ردت شمااا وبس قالت : الوو الريم : احمم كل شي تمااام شما : ما فهمت ؟! الريم وهي اتخبرها السالفه كلها .. شما حست بالاحراج وسكتت الريم : بس صدق صدق شمييم حسيت اني فمحكمه بابا القاضي وماماه هي المحامي الي شرح القضيه لكنه ما كان يدافع وانا وسيف المتهمين شما ومن خاطرها : هههههههههههههههههههههههههههههههههههههههههههههههههه ههههههههههههههههههههههههههه ريييمييي والله انا فصوب وانتي فصوب الريم : بس يا حبيبتي خلي عنج كم بنعيش نحن شما : آآآه الريم : صدق الله يعينج علي سيييف نفسيييه من الخاطر اعوذ بالله شما : هههههههههههههه ( وكملوا سوالفهم ) عند انسان ثاني توه قام من الرقاد من فتح عينه يود فونه وراح للاسماء ايدور اسمها على شان يتصل متعود على هالشي لازم ايروح للاسماء ما كان يحب ايدق رقم رقم لانه يتذكر وهو يدق انه مب لازم يتصل اما لما يسسير الاسماء ويشوف اسمها يحس بشي ثاني حتى لو بس قرا اسمها وقبل لا ايدق على الاسم ويتصل استوعب انه هالرقم من 4 سنين حلف على عمره انه ما يتصل عليه كيففف نسى غمض عينه بقو وكل شي صار مر في باله بسرعة فهاك الوقت كان عمره 18 سنه كان فاول شبابه كان طايش الي يشوفه الحين ما يقول هذا سلطان قبل 7 سنين اتغير 180 درجه !! قبل 7 سنين الساعه 3 الفجر كالعاده سلطان منسدح على السرير وميود الفون فايده ويجرب كل شوي رقم .. منها كانت ارقام ترن ومنها ما ترن منها مشغوله ومنها مقطوعه والي ترن فبعض الاحيان كانت ترن وترن ومحد يجاوب والي ترن وحد يجاوب اذا كان ريال يعتذر ويسكر ولو كانت بنت فطبعا ما يصدق بس هذا الرقم غير من اسبوع وهو يتصل عليه طيب ليش ما مل للحين ؟ .. لان الي صار فهالاسبوع هذا الرقم كان واحد من الارقام الي اتصل عليها ومحد رد عليه فطبعا يجرب الرقم كم مره لين ما يمل .. اول يومين محد رد عليه وفاليوم الثالث والي مبين انه ازعج هالشخص ردت عليه وحده وطبعا من سمعت حس ريال سكرت .. فقام يتصل على هالرقم طول الاسبوع لين مااا ... فتح عينه بسرعه .. ما يبا يذكر اليوم الي ردت فييه عليييه ( ليييتج يا الوعد ما رديتي من يديييد ليييتج حقرتيييني اكثر ) قام بسرعه من الفراش ( خلااص اطلعييييي من باااالييي ليييش مب قادر انساااج ليشش ما ابااا اي شي يذكرني فييييييج يود الفون فااايده بيمسح الرقم الي يدري انه مستحيل يتصل عليه كان كل ما يغير فونه يرجع ويسيف الرقم والسبب الوحيد ما كان عشان يتصل بس علشان يقرا اسمها اما عن الرقم اصلا فهو كان حافظنه اكثر من اي شي ثاني كان يبا يمسح الرقم الي مسجل باسمها ( وعد سلطان ) ما يحب ايشوف اسمها ويعشق ايشوفه فنفس الوقت يبا يمسحه ويمسح كل ذكرى لهااا من حياته بس مش قادررر كل شي يذكره فيها .. الاماكن الي يسييرها .. الاغاني .. الالوان .... اول سياره خذها .. حتى من يشوف صوره الجديمه كانت اتذكره فيها .. ( اتركييينييي فحااالي يا الوعد ما اباا اتذكرج خلااااص ) .. __________________________________________________ ___ عند منال ( يا ربي انا شفيني المها طول عمرها ما اتهمني ولاني احتك فيها حتى لما كانوا يقولون انهم ما يدانونها ما كنت اهتم اشفيني الحين كارهتنها .. اصلا احسن لازم اكرهها اكثر ابوي صار واايد مهتم فييييهاااا وامي بعد مسوتلها سالفه حتىىى ساره قامت تيلس وياها .. نواااريييي حتىى نواااري قامت اتحبهااا وفوووق هذا كله هالزااايد مسولهااا سالفه مالت عليها لو اتفكناا احسسن افففف انا اشفيينييي اغااار منهااا وشهقت انا اغاار من هالمهاا وركضت جداام المنظره وهي تشوف عمرها وتمسك شعرها وتمرر اصابعها على كل ملامحها : اصلا انا احلى عنها واصغر عنها واطيب منها حتى الكل يقول عني طيبه ) هالافكار الي كانت فبالها وتييها كل يوم كانت بالنسبه لها شي طبيعي حتى من تدعي عليها ولو بدون قصد ما كانت تستغفر .. سرحاانه لابعد حدووود خاايفه مووت من الي صار بس تبا تتناااسى كل شي ( يا ربيي بسنييي هموووم ما اتحمل خلاص امي تروح بغمضة عين اسكر وافتح ما القاها واليوم هالبلوى من وين ظهرلي يالله يارب استرني فوق الارض وتحت الارض ويوم العرض يالله يا حي يا قيوم برحمتك استغيث اصلح لي شأني كله ولا تكلني الي نفسي طرفة عين ياربي سامحني . حسبي الله ونعم الوكيل ) هذي كانت حالة هيا المها : ( اسغتفرك ربيي كله منييي كللله منييي انا يا رب لا تحمل اختي ما لاطاقة لها يارب يا كريم استرناا ويسر اموررنا ياربي سامحني على كل شي استغفر الله الذي لا اله الا هو الحي القيوم واتوب اليه ) يطااالع السقف وهو مبتسم يتذكر شكلها شعرها حتى عيونها الحزينه واهم شي حضنهاااا خلاص اتعود على انه يتذكر صورتها كل يوم وكل ما يتذكر انه ما قام يحس باي شعور اتجاه منال يتضايق من عمره بس بسرعة ينسى كل هذا لانه المها والي قبل شهر بس كانت اخته يت على باله من يدييييد .. ( يااا روحح زااايد انتييي وييينج عنييي ) توها سكرت من شما وظهرت من غرفتها وهي نازله تحت شهقت .. صدت خلود بخوف : بسم الله الرحمن الرحيييم الريم واتسوي عمرها مصدومه ومنتبها على الي يتطالعها : منوووو هالريااال الغرييييب .. وتشهق مره ثانيه : اوووووووووه منصووووووووور عندنااا فالبيييت شوم مستوي فدالنيا وتركض عن الدريشه ... على صدمتة خلود : شو اتسوييين يا بنت الريم وهي اترد اتصد علييهم : لا بس اشوف الشمس من وين ظاهره اليوم خلود : بس عاااده خلي عنج هالسوالف منصور وهو مصدوم ؟؟؟!! الريم : اتصدق عاد منصور نسيت ملاامحك لو مب اني اشوف زيود كل يوم جان خلاص حتى بنسى اسمك وهو يفر عليها المخده : بتتصفعيييين تراااا الريم : هاهااهاهاهااااااااااااااااههاااااا تتحرااني استهبل انا من 3 ايااام ما شفتك .. مااامااه انتي شقايل مخليه ولدج جيه 24 ساعه مش موجود يمكن عنده بيت ثاني خلود وهي تشهق : وي بسم الله منصوووورووو مسود الويه لا ايكون انته معرس منصور بصدمه : هههههههههههههههههههههههههههههههههههههههههههههههههه هههههههههههههههههههههههههههه امييييه الله يهدييييج شو الي معرس شلييي بويييع الراااااس اناااا الريم وبخبث : هيييه اجذب عليييها انت قووولها جيه ما ادري منو الي من فتره اشوي ويموووت ريووم تعبااانه مرتيي مرييضه مالت علييك وعليها خلود وبصدمه وهي اتحط اييدها على قلبهااا : مسوووود الويه يالي ما تستحي ولا اتخيل اتقووم واتعرس من وراي منصور : هههههههههههههههههههههههههههههههههههههههههههههههههه ههههههههههههههههههههههه خلود : وتضحك مبسوووط من سواااد ويهك انت تبا اتحط راسي فالارض منصور وهو يشوف الريم بانتقام وقال بخبث : عنبوو امييه اشحقه احط راسج فالارض متزوج بالحلال بعدين رمسي بنتج هي الي اذتني ربيعتي حلوه وربيعتتي حلوه خلود وخلاص بتموتتت من الغيض وهيه اتشوف ويه الريم المصدوم ومنصور على وييه ابتسامه شافت سيف ينزل من الدري : الله يابك يا سييف سيف وهو يوصل صوبهم وييلس : شو مستوي بعد خلود : اخوووك اخوووك هذا معرس يا حسرتي وين اودي ويهي من العااالم سيف وبدت الابتسامه تنرسم على ويهه وهو يشوف الريم كاتمه ضحكتها ومنصور مبتسم بخبث وهو يصد على منصور : متى خبرتها انت ؟؟! خلود وهي اتحط ايدها على راااااااسهااااا : يا وييييليييي يا ويييييلييييي راااح كل شي يا خلوووددد وين بتودين ويهج من العاالم وانا الي امدح فيكم اقول عيالي وعيالي وآآآخر شي ما يابولي الا سوااااد الويه .. : صباح الخير وهو يبوسها على راسها الي ابدا ما انتبهت انه ناازل خلود وهي اتدزه : قمم هناااك بس قم زايد وهو مصدووم الريم : هههههههههههههههههههههههههههههههههههههههههههه سسسيير سسسير لقط ويييهك ههههههههههههههههههههههههههههههههههههههه منصور وسيف وهم يشوفون ويه زايد كيف : هههههههههههههههههههههههههههههههههههههههههههههههههه هه خلود وهي معصبه : تضحكوووووووووووووون على الشوووو حسبي الله علييكم من عيال زااايد وهو للحين مصدووم : اميييه شو مستوي خلود وهي اتدزه : هيييه مسوي عمرك ما تدري عن شي وانت ساااس البلاااا اكبيييييد انت بو المصااايب قاص على اخوووك ومخلنه يعرس الريييم ومنصور وسيف: هههههههههههههههههههههههههههههههههههههههههههههههههه ههههههههههههههههههههههههههههههه زايد منصدم ولا يدري شو السالفه : امييه بسم الله علييج منو معرس وبعدين انا اشدخلني خلود وبعصبيه : شو الي اشدخلك انت بو الحرييييم اكييد قاااص على اخوووك ولا منصورو هالخديه شعرفه سيف والريم : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه منصور ويهه خلاص اتقطع : اميه افااا اناا خديييه سيف والريم : هههههههههههههههههههههههههههههههههههههههههه وزايد طبعا ما ضحك لانه ما بعرف شو السالفه للحين بس لازم يدافع عن عمره : انا اميييه بو الحريم خلود وجنها تذكر شي : هي الا بو الحريم ونص ولا ناسي هاك اليوم يو تعفد على بنت عمتك فالمستشفى ( تقصد المها يوم حضنها ) زااايددد خلااص ويهه طااح فالارض .. وسيف ومنصور والريم ماتوا ضحك وخاصة الريم : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه خلود وهي معصبه : تضحكووون هااا ما علييه تعالي ريمو قولي اميه ابا ولا ابا بلمج كف علة ويهججج بخلي ويهج ينتطر هناااك منصور وسيف وحتى زااايد :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههه والريم فاتحه عينها مصدوومه : انا اشلي ولدج الي معرس ولا انا خلود عصبت : بس جب جب قصورج بعددد كلهم كتموا ضحكتهم الا سيف : ههههههههههههههههههههههههههههههههههههههههههههههههه خلود : مسود الويه انت سير بروحك عند خديجه واستسمح منها عن سواد ويهك ويا شما .. سيف انحرج .. الريم و حتى منصور وزايد الي ما يعروفون شو السالفه :ههههههههههههههههههههههههههههههههههههههههههههههههه ه خلود وهي اتشوف منصور : وانت سير انفد عند الخايسه الي ماخذنها .. كلهم : هههههههههههههههههههههههههههههههههههههههههه خلود وهي توقف : ان ما خبرت ابوووك بتشووف منصور بسرعه قام بخوف وهو يدز زايد من جدامه لانه للحين كان وااقف ويبوس راس خلود : اميييه الله يهديييج صدقتي اسولف وياج لا امعرس ولا شي خلود بعصبيه وامل : جذاااب الا انت يالوتي جذااب منصور : هههههههههه والله اميه مينووون انا اسير اعرس من وراكم خلود وهي اتشوف الريم وسيف .. سيف : هههههههههههه زايد : امييه يجذبون علييج هالهرووووم لا معرس ولا شي الريم : ماماه احيييدج فري يعني عادي عندج هاك اليوم يوم شفتي سيف ويا شما فالمطبخ ما سويتي شي ويوم زيود يحضن مهوي بعد ما قلتي شي .. الحين اشوفج معصبه طبعا كل واحد انصدم من الثاني خاصة يوم قالت عن زايد خلود وهي اتغير السالفه : لا هذيلاك بناتنا الريم : سبحان الله بنااتنا عادي يعني حلال خلود : جب بس جب وروحت عنهم ما حصلت الا كفخه قويه على راسها من سيف : انتي ما اتعرفين اتيودين لسانج هذا الريم واتسوي عمرها ما اتعرف شو السالفه : بسم الله ليش شو قلت ؟؟! منصور وهو يشوف زايد وعلى ويهه ابتسامة خبث : المها عيل ؟! زايد وباحراج : هههههههههههه اسكت اسكت الريم : اووه اونك تستحييييي منصور وسيف : ههههههههههههههههههههههههههههههههه زايد : ههههههههههههههههههههه .. منصور وبخبث : اقول سيف بتسسير عند خالو خديجه شو اتسوي ؟! الريم : ههههههههههههههههههههههههههههههههههههههههه سيف وهو معصب وقف : الله يغربلكم وسار فوق الريم : بسم الله شفتوا كيف متوحش يوم اقول الله يعين شمو عليه اظن بياكلها منصور وزايد وهم يستوعبون : هههههههههههههههههههههههههههههههههههههههههههههههههه هه الريم : قوموا عني بسير ارمس شمتي احسن من مجابل ويوهكم وسارت فوق .. ومنصور كان متفاجئ من عصبية امه وزايد بعد مستغرب كيف امه صدقت بس يلسوا يشوفون التلفزيون وبدري على الطلعه .. عند ميره كانت اتحسس بالملل فالويكند لو تطلع ولو اتسوي اتحس بالملل ايام الاسبوع اتحسها كشخه اتحب اتسير المدرسة اتشوف ربعها مع أنها ما اتحب الدراسه واايد الا انها اتحب المدرسه ( يا ربيي شو هالملل لا اخت نفس الخوااات حتى اليلسه وياها ما احبهااا .. ) اخوانها ما تشوفهم واايد سلطان اغلب الوقت طالع ولو بييلس فالبيت اما فغرفته او ييلس ويا امه يسولف واذا بيسولف وياها ربع ساعه مش اكثر، عبدالله نفس الحالة دومه ويا ربعه يا عندهم يا هم عنده فالميلس صح دوم ايي يتطمن عليها بس بعد ما كان ييلس وياها .. امهاا والجوهره نفس الشي سبحان الله لما تيلس وياهم اتحس انها في عالللممم وهم فعالم يا ييرمسون عن الملابس او الاماكن غمضت عينها بقوو .. جوهااا ابد مش جيه اتحب تيلس ويا ربيعتها اكثر .. ( استغفر الله شهالبيت الأرف )الساعه 5 العصر .. شما فغرفتها ما ظهرت من عقب الصبح ، وخديجه فالصالة .. اندق الجرس .. وبعدها باب الصاله .. خدييجه وهي تزقر الخداامه : آآآينااا .. يا آآينا طبعا كان ينسمع انها تنادي حد خلود : يا ام شما .. خويتج ام سيف اناا .. خديجه قامت بسرعه طبعا شيلة البيت على راسها فتحت الباب : يا هلا والله بام سيف .. اسمحيلي الغالية ما دريت انج يايه خلود وهي اتسلم عليها : مسموحه فديتج .. انتي الا اسمحيلنا الا جيه طبينا عليكم .. خديجه : افا علييج البيت بيتكم .. اتفضلي اتفضلي الريم وهي اتسلم على خديجه : هلا خالو حبيبتي شحالج خديجه : هلا امييه الحمدلله .. تفضلوا .. دخلوا وبعد ما يلسوا الريم : خالو شما في غرفتها .. خديجه : هيه فديتج جان تبين سيرلها .. الريم ابتسمت : عن اذنكم .. مسكت قبضت الباب بس شافت انه الباب مقفول : ايييي يا حماره فجي الباب .. شما من سمحت حسها نقزت وفجت الباب بسرعه : يااا شووو اقووول بسسس يييتييي الريم : لا عيل ما ادري منو واقف جدامج .. شما وهي توخر عن الباب عسب الريم تدخل : ههههههههههه .. بعدها سكرت الباب شما : هااا شو استوى الريم : انا شدراني .. كله منج ما خليتينا نتفرج شوي شما : انا شلييي الريم : شو بعد شلج ترا احاتي الدراما الي مسوتنها شما وهي تيلس على السرير : مالت عليج بس الا مالت عليج وعلى اخوج فوووقج ما يتني المصايب الا منه الريم : ههههههههههههههههه احسن تستاهلون انتي وياه عيل مسويلي روميو وجوولييت شما باحراج : جب يا حيوانه .. الريم : هههههههههههههههههههههههههههههههههههه وفنفس هالوقت خديجه : شخبارج بعد من زمان ما زرتينا خلود : شو نسوي يا وخيتي مشاغل الدنيا .. خديجه : ما عليه اهم شي شوفتج خلود : تسلمين والله .. وسكتت اشوي : والله ما ادري شاقولج يام شما بس بغيت اكلمج فموضوع خديجه وبشك : خير إن شاءالله خلود : خير يإذن الله خير .. والله يا خديجه انتي ادرى بالي صار من بين العيال .. خديجه اتغير ويهها جنه مب عايبنها الموضوع خلود : والله يالغاليه انه حقج على رووسنا وسيف غلطان وامية غلطان .. الي سواه سواد ويه خديجه : الغلط من هالبلوة مب منه خلود : لا ياوخيتي لا اتقولين عن البينة جيه .. والله انه شما شيخة البنات وما عليها كلام والله العالم اني اتمناها لسيف اليوم قبل باجر .. وسيف غلطان بس هو شاري البنية ويباها على سنة الله ورسولها .. وابوه درى بالموضوع وكلمه .. وهو يدري انه غلطان وواعدنه انه بيخطبها من يرتب اموره .. وعاد ياالغاليه نحن بغيناج اتسامحينا ووسيف متلوم منج .. والي سواه كله من ابليس واكييد هو يخاف على شما هذي بنت عمه وعرضه ومثل ما انه ما يرضى على اخته ما يرضى على شما وهو بنفسه يايبنا وياي يبا يعتذر منج .. خديجه كانت ساكته ما تعرف شو اتقول وهي تسمع خلود تكلم سيف عسب بدخل وفعلا دقايق وكان سيف فالصاله .. دش وسلم : السلام عليكم خديجه وخلود : وعليكم السلام ورحمة الله كان سيف واقف عند الباب بس اتجدم يوم سمع خديجه : حياك ابوي سيف اتفضل يلس على الغنفة وهو منزل راسه حس بالاحراج فهالحظه .. خلود وهيه حاسه فولدها : ابويه سيف ارمس انا قلت لخالتك انك ياي تعتذر سيف وبتردد : اسمحيلي خالتي على الي صار .. انا غلطان وشما مالها دخل واوعدج الي صار ما يتكرر خديجه ابتسمت : خلاص يا ابوي ارفع راسك لا تستحي حصل خير .. وانت عرفت غلطتك .. وييت واعتذرت .. سيف رفع راسه بس كان ساكت ما يعرف شو يقول .. خلود : ومره ثانيه يام شما انا اعتذر منج ومثل ما قالج سيف انه شما مالها شغل وإنه الي صار بأذن الله ما يتكرر .. واسمحيلنا عاد نحن بنستأذن خديجه : لا يا اختيي وين سايريين حتى ما ضيفناكم خلود : مشكوره الغاليه إن شاءالله اليايات اكثر .. ووقفت خلود : رييييم .. رييممم يلا مروحيين الريم وبصوت عالي : يلا يايه يايه خلود سلمت على خديجه : اعذرينا فديتج خديجه : معذوره افا عليج انتو الي سمحولنا حتى ما ضيفناكم ولا شربناكم شي خلود : ما عليه اعتبري ضيافتنا وصلت وسلمت عليها وظهرت .. قبل سيف كان سيف وراها : انا آآسف خالو .. والله انه شما غاليه وانا اخاف عليها .. خديجه وهي مبتسمه وتطبطب على جتفه : حصل خير يا ابوي مسمحوح مسموح .. سيف ابتسم : عن اذنج .. مع السلامه خديجه : الله يحفظك .. ظهر سيف الريم وهي تكفخها على جتفها : هاه شفتي يقول غاليه واخاف عليها .. ( طبعا الريم كانت عند الباب لانها بتظهر وشما حذالها .. وسمعوا سيف ) شما وبحيا : ههههههه بس يا سخيفه اسكتي الريم : اونها تستحي .. حبيبتي لا اتصدقين عمرج واايد عادي يكون خريط شما وبصدمه : ياااااااا سخيييفه ي الريييم الريم : ههههههههههههه استهبل عن اتموتين .. يلا باي .. حضنتها بالقو وسارت وشما مبتسمه وعلى طول دشت غرفتها .. اتحس ما تقدر اتكلم امها الحين مالها ويه .. الريم وهي اتسلم على خديجه وهي ظاهره : باي خالو خديجه : الله يحفظج .. عند المها بعد ما دخلت غرفتها شافت هيا منسدحه وراقده .. يلست اشوي " خلاص يا ربي راسي عورني من التفكير " وفنفس هالوقت منال فالصاله الي تحت ووياها نوره .. ظهرت المها وقالت بتنزل تيلس وياهم لانها ملت من اليلسه روحها وهي نازله شافت منال ونوره يالسات حذال بعض عاطينها ظهورهم ومجابلين التلفزيون بسسس كان مسكر وسمعت .. نوره : يلا عاد منول ارمسي شو فيج من متى وانتي جبه مبوزه منال وبعصصصببيهه : ليين متى يعني لين متى بييلسون عندنا فالبيت ابوي كله مهتم فيهم وامي بعد حتى ساااره !!! المها بصدمه صعدت بسرعه وخلاص مغتبنه من الي سمعته ما كان قصدها تتسمع عليهم وما تبا تسمع اكثر دشت الغرفه وبعدها الحمام .. شغلت الماي علشان ما ينسمع صوتها يلست على الارض وظهرت منها شهقه مخبتنها من الصصبح .. وفنفس الوقت الي المها سمعت كلامهم سمعوا صوت على الدري صدت نوره بسرعه وعرفت انها المها من طولهها شافت منال بغيض : فعمري ما اتوقعت انج بتكونين جيه منال (مستحيل نوره اتكون ضدي بعد مستحيل ) : حرراام علييج لا تحكمين علي من هالموقف انا ما اقصد بس انااا تعبااانه يا نوره تعباانه انا من كم يوم حاسه بضيج وقهر وتعب وانتوا حتى ما سألتوني ليش !! نوره مهما يصير هذي اختها واتحبها غمضتها حضنتها بالقو وسكتت ما اتحس انه هذا الوقت المناسب تناقشها .. خلاص الحين هم قريب من البيت ( الحين برد البيت شو بسوي ملل ) وبسرعه قالت : مااما اباا اسير بيت عمي احمد خلود : برايج سيري الريم وتتصنع البراءه : انزيين من بيوديني خلود : هذه اخوج بيوديج سيف وبلا اهتمام : انا بظهر خلها اتشوف زايد الريم : ماما حراام يعني الحين اكييد زاايد ظاهر انا ملااانه بمووت من البيت خلود كله ولا بنتها : سيف شو بيستوي عليك لو نزلتها .. خلاص خلاص هذا اخوج بينزلج .. وفي هاللحظه كانو توهم يوصلون البيت .. وقف سيف ونزلت خلود وهي اتاكد عليه : يلا وصل اختك .. سيف كان معصب من الريم بس ما بغى يرد امه وهي توها متعنيه وسايره وياه .. من نزلت حرك السياره وهو ساكت لانه لو رمس بيصرخ عليها وهو يسوق ما انتبه الا والريم تنقز وتيلس جدام وقال بعصبيه : حمااره وصختي السيت الريم : يالجذاب نعالي ورا سيف وبعصبيه : ارمسي عدل لا اييج كف الحييين الريم وبخوف سكتت ( شو هالمتوحش ) وما حست الا والسياره طايره فيهم : سييييييييفوووو ياااااااا غبيييييييي اببااا عمري انا تبا اتموت مووت بروووحك .. سيف وبعصبيه : والله انن ما صخييتي عني .. وقبل لا ايكمل رن فون الريم والي خلاه يسكت الريم ما صدقت انه شي سكته ردت بسرعه حتى بدون ما اتشوف الرقم : هلاااا : للحييين مااا ردييتييييي الريم : هاااي انتيييي شما : لا والله يعني دخيلج فهميني منو بيدق عليج الريم : مالت عليييج بس مالت علييييج .. هي ما رديت شو تبين فكييني شما اتنرفزت : ياا سخيييفه لا اترمسيني جيه و سكرت فويهااا الريم : الوووو .. شماااا ؟؟ وشافت الفون وانها مسكره وباستغراب : اويه سكرت اما سيف فولا جنه من اشوي كان مفول : ليش سكرت الريم ( اخييييج شو هالرزه ) : ما ادري .. وردت تتصل عليها اما شما فمن سكرت فرت الفون بعيد من القهر هي بروحها كانت متنرفزه لان امها حتى من بعد ما ساروا مايت شافتها وحتى هيه اليوم ما اتغدت ولا سوتلها سالفه مع انه دوم لو ما كلت اتم اتزن على راسها لين ما تاكل غمضت عينها بقو وفزت على صوت الفون شافته مفرور اخر السرير كانت تدري انها الريم بس اتعايزت اتشله .. رن لين ما سكر الريم ( لا يكون زعلت ) ورجعت تتصل .. ثواني شما وبضيق : هلا ريماني الريم وهي متلومه : هلا قلبي انا اسسفه زعلتيي شما : ههه لا حبيبتي ما زعلت .. الريم وبستغراب صوت شما مب طبيعي : شمتي شو فييج شما وبانفعال : ريييماني ضايجه ميته من الضيق كارهه عمري كارهتني .. كارهه كل شي حتى الغرفه لاعت جبدي منها الريم : بسم الله عليييج .. من شووو !!! شما : اووف من كل شي كل شي اتخيلي امي ما رمستني الريم : انزين بترمسج اكييد اصبري انتي نحن تونا مروحين شما : لا ما بترمسني انا اعرف امي اقل شي مب اليوم .. من متى وانا فالغرفه مب قادره اظهر والله احسس بصييييح .. الريم ما كانت عارفه شو اتقول وحاسه انها مش قادره تتكلم اتحس انه سيف منتبه على كل كلمه اتقولها ما اتعرف جيه ترمس : شما حبيبتي لا اتضايجين بعمرج والله ما يسوى علييييج .. شما كانت تسمع صوت السياره وتدري انه الريم مب بروحها : خلاص ريوومه عقب رمسيني الريم وبرضا : اوكي بس مثل ما قلتلج وانا ان شاء الله من اوصل بكلمج شما : اوكي حبيبتي .. باي وسكرت عنها فرت عمرها على السرير وحطت ايدها على رااسها : ياااا رب سيف تقريبا فهم انها ضايجه وحس انه من السالفه كانت غامضتنه بس بعد هو يشوف انه ما باايده حل وانه الي سواه كفايه .. ما علق ابد بعد ما وصلوا نزلت الريم ودشت الصاله شافت نوره ومنال نوره يوم شافتها على طول قامت عندها وحضنتها : هلااااا والله بريوووم نور البييت الريم : احممم ادريي نوره : ههههههههههه الريم : ايييي المنااااال ليش ما تين اتسلمييين علي منال : هههههههههههه إن شاء الله ووقفت وسارت وسلمت عليها نوره : تعالي يلسي شبلاج واقفه الريم : والله كيفي يوم ابا ايلس بيلس تتحريني بشاورج نوره ومنال : ههههههههههههههه نوره : مالت عليج الريم : والله مشكله اني مب متفيجه ولا جان ادبتج نوره : نعم نعم الريم : جب لا .. وينها سوييير نوره : ما بقولج ... اتأسفي الريم : اتأسف منج على الشو مش لازم اتخبريني اكيد فغرفتها وين بتطير نوره : ههههههههههه وسارت تيلس حذال منال الي من بعد ما سلمت يلست الريم وبجد : المها وين منال بصدمه ( حتى رييموو تسأل عنهاا اففف ) نوره : اظن فالغرفه الريم وباحراج : اتتحسين عادي اسير اسلم عليها نوره ابتسمت تدري انه الريم واايد حاسه بتأنيب الضمير : سيري حبيبتي عادي ما فيها شي الريم : اوكي سارت الريم فوق بس كانت متردده وصلت الغرفه كانت المها توها ظاهره من الحمام عقب ما ظهرت اشوي من الي في خاطرها بس للحين تعبانه ومحتاجه لحد .. وهي ظاهره سمعت دق على الباب استغربت .. كانت الغرفه ظلام لانه هيا راقده والستاره مسكره وكل شي بس مش ظلام لدرجة انه ما يبين شي يعني .. فتحت المها الباب وانصدمت بالريم ما كلمتها بعد الحادث الا مره وحده يوم عزتها وقالت باستغراب : هلا الريم ووايهتها الريم قفطت ما عرفت شو اتقول .. المها اتداركت الوضع انهم واقفين عند الباب : حيااج الريم حست من ظلام الغرفه وبرودتها انه حد راقد : آسفه كنتي راقده المها ما تدري ليش ابتسمت اول مره تسمع اسفه من الريم : لا هيا الي راقده الريم : عيل تعالي بنيلس وياهم تحت المها وبضيج : لا ما عليه روحي انتي انا ما بنزل الريم ما تدري كيف ياها هالشعور هيه حاسه انه المها ضايجه كان وااضح حتى علييها تبا تتأسف تبا تسألها شو فيها بس مب عارفه كيف : انزين تعالي بنيلس فغرفة نوره المها حست انه الريم تبا تتكلم معاها ( يمكن هذا الوقت الي بتعتذرين فيه لي ) : اوكي ساروا غرفة نوره وكلهم كانتو صاخات .. يلسوا على السرير .. الريم : المهاا المها شافتها بدون ما تتكلم الريم وبحزن : مهاا أنااا آآسفففه على كل شي انتي ويااج حق فكل الي قلتيه انا الغلطانه .. والله مستحيه منج احس انييي ياااهل وغبيه وما افهم من اذكر الي كنت اسويييه احس اني مريييضه .. نزلت راسها بسرعه : مهاوي والله ما ابا اجذب عليج بس انا واايد خفت عليييج هااك اليوم المها : خفتي اموت وانا مش مسامحتنج !! مسامحتنج يا الريم لا تحاتين الريم خلاص اتحس انها بتصييج نزلت راسها : والله احس انيي صغييره وما اسوى شي جدااامج انا فعمري ما فكرت اعرف منو هي المها بس انا الحين ندمااانه ابا اعرفج ابا اكوون قريبه منج ما ابا اكون بنت خالج وبس وما في اي شي من بينا غير هالشي .. مهاوي ما ابا اجذب عليج يمكن انا ما اعرفج وفعمرنا ما كنا اوكي ويا بعض بس والله مثل ما فيوم حبيت هيا وحسيتها وحده فينا صرت احبج ولو انتي ما اتحبيبني صرتي اتهميني .. سامحيني والله آسفه المها ابتسمت : الريم رفعي راسج الريم رفعت راسها بخجل .. المها وهي مبتسمه : انا قلتلج اني سامحتج على كل شي .. ومره ثانيه يوم بتكلميني لا اتنزلين راسج .. الريم وبخجل : شكرا المها انتي وااايد طيبه وااايد المها ابتمست : الريم : المها فيج شي ! المها شافتها بحززن كانت تتريااا حد يسالها هي ما تقدر تقول شو فيها زاايد مستحيل اتفكر اتقوله ( كيف اقوله عن الي صار اليوم ولا الي صار توه لا ومن منال ) : ما فيني شي الريم وبعدم تصديق : مها يمكن انا ما اعرفج عدل بس حاسه انه فيج شي احسج حزينه .. انا ما اعرف شو فيج .. بس انتي فيج شي لو حابه تتكلمين انا مستعده اسمعج مستعده احاول اخفف عنج لا اتخلين شي في قلبج تتعبين وانتي تكتمين .. المها انفجرت بكيي والريم مصدوومه ما اتوقعت انا اتصييح ما عرفت شو اتسوي حضنتها بالقوووو : بسم الله عليييج .. حبيبتي اشفيج لا اتصيحين لا اتسوين في عمرج كل هذا .. المها تمت فحضنها دقاايق كانت تعبانه محتاجه لحضن دافي يشبه حضن زاايد ولو اشوي .. كانت اتحس بقلبها يدق بسرعه يمكن لانها اخته ويمكن لانه الريم حاضنتنها بالقووو بعد ما هدتها وهي للحين فحضن الريم وبصوت مبحووح من البكي : ااسفه الريم : اوووش لا تتأسفين مني .. لا اتعذبين عمرج يا المها .. شو فييج المها وهي مغمضه عينها : فعمري ما اتوقعت انه في يوم من الايام اشكي لج يا ريييم فعمري الريم ودموعها تنزل قطعت قلبها وهي اتصيح والحين اتقوللها هالكلام : انا قربج مستعده اسمعج وإن شاء الله ما بتكون المره الاخيره الي بتشكين لي فيهااا.. المها بدت ترمس اتقووول كل الي صار اليوم من طلعة الفجر لين ما سمعت منال .. اما الريم فكانت مصدومه ما اتوقعت منال تقول مثل هالكلام بس صدقت المها ما تقدر ما تصدقها : المها انا ما اعرف شو اقولج انا قلتلج مستعده اسمعج وودوومي باسمعج يمكن ما اكون الانساانه الي تقدر اتخفف بس بحاول .. الي صار شي مب بسيط بس الله فوق الله ما يظلم حد وبيستر علينا كلنا إن شاء الله وأهم شي الكل واثق فيكم .. لا اتفكرين واايد تتعبين جيه .. ولو بغيتي اتفكرين خليني افكر وياج .. ومنال فأنا مصدومه منها وما اعرف شو اقول اخاف اتكلم وتتحريني ادافع عنها واوقف وياها بس صدقيني انا وياج انتي يمكن منال ما تقصد بس الي قالته مب شوي .. تعالي عندنا انتي وهيا انا بكلم ابوي خلكم ويانا .. انا ابااكم وياي المها رفعت راسها كانت عين الريم مايله للحمار ايبين انه كاتمه دموعها او صاحت لو قليل .. المها وبحزن ونفس الوقت استغراب : انتي زعلانه عشاني ؟! الريم وبحزن : لو قللتج هيه بتصدقيني المها : بصدقج اتعرفين ليش الريم وبحزن : ليش المها : لو تصرفاتج او اسلوبج غير عن زايد الا اني حاسه انه قلبج طيب مثل قلبه علشان جيه اصدقج .. الريم ويصدق : اتمنالج الخير يا المها من قلبي اتمنى تلقين السعاده وكل شي فخاطرج .. المها سكتت وبحزن : آآه يا الريم الحيااة بدوون امييه صعبه .. كنت ادري انها بتكون صعبه بس مش لهلدرجه الريم وبحزن : الله كريييم ربنا يعوضنا إن شاء الله .. ما ابج تزعلين ولا تتضايجين تعالوا عندنا يمكن اتكون الحياة اسهل المها : هذا الشي اتقرر من قبل .. خالي قال هنا اريحلنا .. وبنسوي الي يشوفه الريم : آآآسفه المهااا آآآسفه لاني ما قدرت اساعدج بشي المها ابتسمت : منو قال انا يكفيني انج سمعتيني .. الريم ابتسمت المها : والله يا الريم والله والله انتي اخر انسانه اتوقعت انه فيوم بتهتميين فيني الريم : المها ابااج اتحبيني ابا اكون قريبه منج ما ابا اكون بنت خالج وبس .. المها : آآآه يا الريم الحياة باذن الله ماشيه وان شاء الله انكون اقرب لبعض الريم : الله يسعدج .. المها ابتسمت ( مع زايد يا الريم دخيلج كملي الدعوة قولي الله يسعدج مع زاايد ) هذا الي تمنته المها في هاللحظه وسمعوا دق على الباب .. |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى مدري ليه انت بذات حبيتك ؟! | روح مغليكـ | استراحة قصص وابداعات الاعضاء | 8 | 01-18-2013 04:22 PM |
| قصة خيالية : ⌡ جلسـآت نفسيه ..~ روايتي الأولى | al-3nedh | قصص و روايات | 1 | 07-08-2012 09:21 PM |
| مشاركـ : روايتي الأولى:قلبي أنا ما أستغنى عنك | أسيرة الحنان | استراحة قصص وابداعات الاعضاء | 8 | 04-12-2012 11:48 AM |
| قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
الساعة الآن 04:40 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227