| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
04-25-2014, 08:45 PM
| ||
| ||
 [align=center]
__DEFINE_LIKE_SHARE__
الجزء التاسع عبدالعزيز : ريال اهتم لشغله اكثر عن بيته إلا أنه يحب عياله . منيره : اتحب عيالها الا ان كاانت عندها طموحات واهداف حبتت اتحققها اشتغلت مديرة مدرسه وبعد التقاعد فتحتلها محل عبي وصارت مشغوله فيه. سلطان : عمره 26 سنه .. وسيييم لابعد درجه .. عيونه وسيعه وله نظره جذابه .. لونه يميل للسمار الحلو خشمه سيف .. شعره غليظ حب بطريقه مضحكه طيش شباب بس حب وحب بصدق وهو وله قصه .. عرفتوا جزء بسيط منها .. أما شخصيته فبدااية شباابه كان طايش اما الحين فهوو عااقل .. صعب يسااامح الي يغلط وخصوصا لو كان شخص غاااليي وصعب يعترف بغلطه .. عبدالله : عمره 25 سنه .. شاب طويل عريض ما كان وسيم مثل اخوه ملامحه رجوليه يحب خواته وخاصة اخته ميره ويخاف عليهم .. .. ما عنده بنات ما بنات ويحتقر البنات الصايعات .. حنون وايد على خواته . وبعدين الجوهره وميره .. ساره ظهرت من الحمام.. على طول انسدحت ونامت من القهر .. وبجي خلص هذا اليوم ومرت أيام هالأسبوع .. سريعة على الكل .. وفيوم الخميس .. على الغدا شما كانت فبيت عمها احمد : يا ريال ومتى صار هذا الكلام .. احمد : لا لا اكييد .. إن شاءالله .. فحفظ الرحمن .. عاشه : خير يا احمد شو صاير احمد مبتسم : خير خير توه سعيد يخبرني رفيعه فالبلاد راشد ابتسم : من متى احمد : توهم الا واصلين .. وسعيد يقول باجر بيسوي عزيمه .. شما وهيه اترمس ساره : اقولج سوير منو رفيعه ساره شافتها بصدمه : عمتج يا هبله شما وبصوت عالي : هههههههههههههههههههههههههههههههههههههههههههههههههه هههههههههههههههههههههههه كلهم صدو عليها : ههههههه اسمحولي اسمحولي كملو اكلكم .. وردت تضحك بهبل على عمرها !! وبعد الغدا الريم اتصلت على شما : الو شما : هلااا بجميييلتي هلا والله الريم : هههههههه اهلين فيج .. سمعتي شما : ههههههههه هيه سمعت الريم : الحين شو الي يضحك شما : ههههههههههههههههههههههههههههه اول ما عمي أحمد قال رفيعه ما عرفت منو نسيييت اسمهااااا الريم : هههههههههههه جذابه شما : والله العظيم من متى وفبالي انه اسمها رقيه الريم : ههههههههههههههههههههههههههههههه غبييه انتييي شما : هههههههههههههههههههه اشدراني الريم : هههههههههه انزين توه امي اتقول انه روضه عمرها 18 شما : ههههههههههههه اشدراني انا ليش اصلا اسم بنتها روضه الريم : انتي شكلج شاربه شي يلا باي .. وسكرت الخط وشما تضحك .. ____________________________ الريم : هههههههههههههه سيف : هبله انتي الريم : هههههههههههههههههههههههههه ( واتعمدت اتقول ) لا هذي شمااا سيف ابتسم وهو يتذكر اخر مره شافها على الريوق : بلاها ! الريم يوم شافته ابتسم : ههههههههههههههههههههههههههههههههههههههه سيف عصب : شو الي يضحك الريم زاغت وهي اترقع : لا ذكرت شمو اونه ما كانت تدري انه عمو اسمها رفيعه تتحرا رقيه سيف : هههههههههه صدق ولا تستهبل !! الريم : ههههههههههههه لا والله صدق .. سيف : فديتهم الي ما يعرفون شي الريم وبصدمه : نعم اخوي ؟ سيف : هههههههههههههههه .. _________________________________________ على المغرب ساره كانت فغرفة الملابس اتظهر لها بدله عسب اتبدل .. كانت ملايمه الباب وسمعت راشد : ها حبيبي .. وينج الحين .. هههههههههههههههه فديييتج .. هههههههه افا عليج انتي ااامرينييي ... ههههههه بسرعه انزين اترياج .. .. باي .. حطت ايييدها على فمها عن لا تظهر شهقه منها بس ما قدرت حطت اييدها على ويها وقامت اتصيح .. اتشاهق التفت للصوت مصدوم !!!!!! مشى بخطوات ثقييله لين الباب وانصدم حس قلبه انقبض !!! كانت يالسه على الارض واييدها على ويها شكلها يغمض الا يكسر الخاطر اول مره يشوفها جيه ما كان عارف كيف يتصرف شو يقول او كيف يبرر !!! راشد وبتردد : ساره نزلت ايدها عن ويها رفعت عينها عليه كان ويهها احمر ونظرتها كلها لوم !! وقفت ومشت مرت من عنده كأنه مش موجود ظهرت من الغرفه وعلى طول سارت عند نوره ! منال اقرب لها بس منال ما اتعرف اتخفف عنها او اتواسيها كثر نوره .. راشد كان واقف مصدوم .. مش عارف شو يسوي يلحقها يكلمها انزين شو بيقوللها !! هذا الي كان يدور في راس راشد نوره انصدمت بالباب الي انفتح كانت يالسه ويا شما !! قفزت مره وحده : بسم الله الرحمن الرحيم ساره شفيج شما كانت مصدومه اول مره اتشوف ساره جيه اما ساره فكانت اتشوف نوره وواتصد على شما !! ما تدري ترمس ولا تسكت نوره وقفت : ساره حبيبتي اش فيج !!! سكرت الباب ومشت وهي ساكته وصلت عند نوره وحضنتها بالقو وانفجرت صياح !! نوره حضنتها اكثر !! وهيه مصدوومه !! اول مره فحياتها اتشوف ساره اتصيح جيه حتى قبل سنتين يوم صارت السالفه ويا خالتها ما صاحت جيه .. كانت ساره اتصيح بقهر وبقوه جسمها يرتجف فحضن نوره .. شما كانت صدمتها اكبر ما رامت تتحمل !! اول مره اتشوف حد يصيح جيه ظهرت من الغرفه بسرعه ويلست على اقرب كرسي!! اما نوره فمشت ساره للسرير يلست وخلت ساره فحضنها ما كانت عارفه شو اتسوي .. نوره وهيه خايفه لا اتصيح وياها : بسم الله عليج ساره حبيبتي شو فيج ارمسي لا اتسوين فعمرج جيه ساره وهي اتصيح اشاهق كانت ترمس بس ما ينفهم شي من الي تقوله نوره وبدا صوتها يتغير : ساره حبيبتي لا اتسوين فعمرج جيه والله العظيم مش فاهمه عليج !! ساره وبعدها على نفس الحاله : ق.. و..للييلي .. قو..لي انه مش ص.. ص..دق .. ما .. أريييده م..أ أ..ري...د يكون.. صدق نوره بدت دموعها تنزل : ساره !!! لا اتسوين جيه فهميني الله يخليج ساره : آآآه ي..عورني ... ( كانت اتاشر على قلبها ) ب..موووت بمووت .. يا..نو..ره بموووت .. نوره : بسم الله على قلبج من الويع .. كانت تمسح على شعرها .. وتتريا اي تفسير حست فيها هدت كانت تتحراها نامت .. نوره : ساره ساره وهيه مغمضه عيونها ودموعها تنزل بقهر : هممم نوره وبهمس : شو صار ساره وبقهر : ايكللم وحده !! كان يكلم وحده نوره بدت تستوعب الموضوع !! فتحت عيونها بصدمه وكتمت شهقه كانت بتظهر منها !! ساره وبهمس : ما يحبني ما يريدني !! نوره : لا اتقولين جيه ساره وبهمس : نوره بمووت احسس بمووت .. نوره وخلاص مش رايمه تتحمل : بسم الله عليج .. شو هالطاري يا ساره ساره : انتي مش حاسه بالي انا احس فيه .. الله يبعد عنج الي احس فيه .. قلبي يعورني نوره احس بغصه .. اناا احبه والله احبه لو صار فيني شي منه هو لو متت منه هو ! نوره : اعوذ بالله .. بسم الله عليج .. بعدت عنها شوي ساره : وين بتروحين نوره : بييبلج ماي .. انسدحي انتي ريحي ساره انسدحت وهيه مغمضه عيونها .. ومن سمعت الباب يتسكر.. شهقت شهقه كانت كاتمتنها .. اما نوره فمن ظهرت كان يبين عليها القهر والضيج شما شافتها ركضت عندها : شو صاير نوره كانت اتهز راسها بلا ومشت ووراها شما وانصدمت يوم شافتها فتحت باب غرفة راشد وانصدمت اكثر يوم شافتها يالس على السرير واييده على راسه وبدت تستوعب انه شي صاير من بينهم راشد من سمع الباب رفع راسه وكله امل انها اتكون ساره شاف نوره بصدمه : انت ما تخااف ربك .. البنيه بتموووت منك ومن بلاويك !! راشد لاول مره يحس انه مش عارف شو يقول !! ولا كيف يرد وقف ومشى ونوره انصدمت ما توقعت ! شافته ساير غرفتها ركضت ووقفت جدام الباب ما تباه يدش !! راشد : وخرييي بسرعه نوره ما رمست بس هزت راسها بلا .. دزها ودش سكر الباب وقفله بسرعه فزت ساره وفتحت عينها انصدمت فيه يلست على السرير واتحس جسمها كله يرجف راشد وبرجفه وهمم : ساره ..انا .. انا اسف شافته بصدمه : هذا الي قدرت عليه !! مشكور يا راشد ممكن تروح انا ما ابا اشوفك ولا اسمعك راشد : بس بس اناا اباااج !! ساره وبدت اتصيح : انت جذاااب ما اتحبني تجذب علي راشد : يعلني ما اعيش دقييقه وحده لو اني ماحبج ساره : لو اتحبني جيه بتسوي ! اتسوي فيني جيه يا راشد راشد وبحزن : دخييلج ساره اسمعيني بس عطيني فرصه ساره وبقهر : اسمع !! راشد : ساره انا من قبل لا اخذج كنت اكلم !! كنت حاط فبالي من اتزوج اودر .. دخلتي حياتي وحبيتج والله احبج والله .. اول شهر كله والله اني ما رمست ولا بنيه بعد الشهر قمت احسج بعيده عني .. كل ما اقرب منج انتي تبتعدين قلت ما عليه تستحي !!! صبرت يوم يومين !! انتي حتى ما تعطيني ويه !! لو ابا منج كلمه بالغصب تظهر ممنج والله كل ما ارمس بنت احس اني ما استاهلج واقول هذي اخر وحده ومن اسكر اقول خلاص هذي اخر وحده وارجع عندج اشوفج كيف اتكلميني !! واموت عسب اسمع منج شي .. ومن يرن فوني مره ثانيه ارجع اقول خلاص هذي اخر مره !! ساره : يعني الحين انا الي صرت غلطانه راشد : ما بقول يا ساره اني ما غلطت انا ادري اني غلطان والف مره انا غلطان بس انتي بعد يا ساره الي خليتيني اغلط !! ساره وبحزن : راشد شو تباني اقولك الحين ! راشد : لا اتقولين شي .. ابا اقولج انها غلطه يا ساره وما تنعااد نزلت ساره راسها بحزن راشد : ساره كل انسان يغلط .. انا احبج والله والله احبج وانا محتاجلج انتي كل شي حلو بحياتي يا ساره لا اتعذبيني .. ساره احتارت للحين مجروحه وزعلانه ومقهوره بس ما تدري اتسامحه او لا ساره : راشد ممكن تتركني الحين .. راشد وبحزن : برايج .. طلع من الغرفه شاف شما ونوره فويهه شافهم بنظره وروح دشوا على طول الغرفه شافوا ساره بعكس قبل اشوي هاديه .. بس لمحة حزن موجوده على ويهها .. نوره يلست حذالها وشما .. نوره : شو صار ! رفعت ساره راسها وردت اتنزله شما حست انه يمكن ما ترمس لانها موجوده : انا بظهر ساره وبسرعه : يلسي .. وقالتلهم كل الي قاله راشد .. نوره : ساره حبيبتي انا ادري انج مقهوره وزعلانه .. انا بقولج الي اشوفه صح .. راشد غلطان والغلط راكبنه .. بس يا ساره تذكرين انا شو قلتلج .. قلتلج يا ساره بيمل .. هو ريال اوكيد يبا زوجته ادلعه واتحن عليه واتبين له حبه .. ساره الحب مش جيه .. الحب مش انج اتحبينه واتخافين عليه بس في قلبج .. خبريني هل انج اتحبينه بدون لا اتخبرينه او حتى اتبينين له يكفي !! انتي فكري فيها .. انا ما اباج اتفكرين واتقولين هيه نوره قالت جيه عللى شان هو عمها .. انا اقول الي اشوفه صح .. شما : ساره حبيبتي نحن خواتج نبى مصلحتج .. كل الي قالته نوره صح .. بس الحين انتي خلي هذا كله عنج .. منو غلطان ومنو هو الصح خليه لانه الي صار صار .. الحين انتي اكيد مقهوره وضايجه .. بس مهما يكون هو ريلج وصدقيني والله انه راشد يحبج .. انا ما بقولج سامحيه لانه هذا الشي اولا واخيرا راجعلج انتي اتقررين لانها حياتج .. بس انا بقولج اذا رب العالمين يسامح نحن ليش ما نسامح ؟؟ وكل انسان يغلط يا ساره محد معصوم عن الغلط ومحد كامل .. وبعدين يا ساره لما تتعودين على شي يكون صعب اتودرينه .. واكييد راشد حاول بس هو كان محتاج لج محتاج انج تساعدينه .. انا مقدره شعورج الحين ومقدره الوضع الي انتي فيه .. بس الي صار صار .. الدنيا ما توقف على شي واحد وراشد غلط واعتذر وهو يحاول يصحح الي سواه وانتي قلبج كبير واتحبين راشد .. واظن انتي اتعرفين شو هو الي يسعدج ويريحج .. ساره : مبب قاادرة افككرر .. ولو بسامح راشد اول شي لاني احبه وهو ريلي .. وبعدين انا بعد حاسه اني غلطت نوره : الله كريم حبيبتي الله كريم ساره وبانكسار واضح : واايد شكرا انا لو لاكم ما كنت اعرف شو بسوي .. شما : حبيبتي نحن خواتج وياج فكل الحالات فالحزن الله يبعده عنج وفالفرح ان شاء الله فالغلط وفالصح .. نحن باذن الله وياج ساره : الله يخليكم لي ( وباحراج ) راشد سار ؟ نوره : ما ادري يلا روحي شوفيه .. شدي حيلج ساره وهيه اتحاول تنسى تتغاضى عن الي صار حب راشد اكبر من انه ينتهي بزله بتسامحه الحين ولو غلط من يديد بعد بترجع اتسامحه بتدوس على مشاعر الحزن والانكسار ما بتخلي الكبرياء يتدخل من بينهم وقامت وظهرت وافكارها في حالة تشتت نوره فرت عمره على الشبريه : آآآآآآآآآآآه شما فرت عمرها حذالها : الااااا آآآآهيييييين .. غريبه منول وين نوره : احييدها قايله بترقد شما : ههههههه احسن .. ولا جان الحين اغمى عليها نوره : هههههههههههه زين ساره ما راحت عندها ولا جان الله يعين شما : اعتقد كانت بتقوللها اتطلقي نوره شهقت : ههههههههههه الله يغربل بليس بسم الله شو هالطاري شما : هههههههههههه استغفر الله .. فات ريموه الفلم هذا اليوم نوره : حراام شو فلم شما : اتصدقين فعمري ما اتخيلت هالموقف !! نوره : ولا انا .. شما : يالله الله ييسر ويعييين نوره : ربنااا كريم .. عند ساره فتحت الباب شافت راشد منسدح من شافها فز : ساره ساره ابتسمت : يا عيون ساره مد لها ايده وهو منتظرها تي فحضنه مشت وفرت عمره فحضنه .. وما كانت تسمع غير همسه ب : آآسف ( كل همسه كانت تزيد الجرح بسس بتنسى عشان حب راشد وبس ) ________________________________ اليوم الي بعده ... الريم .. توه قامت على صوت امها الي اكثر عن مره وعتها .. دشت اتسبحت .. ولين خلصت انصدمت انه الساعه 12 فجت كبتها ظهرت مغربيه عنابيه وفيها ذهبي لبستها ولبست كعب .. مسكت الفاونديشن وحطته وشلت بوكس الميك اب وعند امها الغرفة دقت الباب شافت امها اتدخن ابوها .. خلود : ها حبيبتي ريم شو بغيتي اليم : ماماه ابا اتحطيلي الميك اب سعيد : اشحقه اتحطين هالخرابيط فويهج هب زين .. الريم بصوت واطي : اخييج علييينا .. ورمست بحس عالي وبعبط : باباه مش خرابيط هاذي اسمها مستحضرات تجميليه .. سعيد : جيه انا ما اعرف انها مستحضرات تجميليه .. الريم : اشدراني .. خلود وهيه اتغير الموضوع : تعالي اميه ريم يلسي سعيد : هيه انتي حطي حق البنيه هالخرابيط .. واتحرطم شوي وظهر .. خلود بدت اتحط حق الريم الميك اب .. نوره لبست بعد مغربيه عشبيه .. وحطت ميك اب خفيف .. منال لبست تنوره بيج وقميص اسود مفتوح من الظهر .. ساره لبست جلابيه بنك .. وعلى الساعه 12 ونص ظهرو من البيت منال ونوره وساره ويا راشد .. واحمد وعاشه مع بعض كانت السياره هدوء وراشد كل اشوي يصد على ساره وهو مبتسم نوره : اقول راشد عن اتدخلنا فعمود الكهربا نحن نبا عمارنا .. راشد : ههههههههههههههههه نوره : اش هالهدوء والله يوم يكون الوضع جيه اتمنى لو شمو ولا ريموه ويانا منال وساره : ههههههههههههههههه راشد : اعوذ بالله من حشرتهن .. نوره : هههههههههههههههههه شما كانت لا بسه بنطلون منكش ووسيع عنابي وقميص بيج شيفون شما : امييييه يلا عمي احمد يتريا خديجه يت وهي شاله حرارة اكل وياها شما : شو هذا امي خديجه : هرييسه شما : اوكي .. وظهروا .. فالسياره شما سلمت على عمها وخالتها .. خديجه : شحالك بو نوره .. احمد : بخير طاب حالج .. خديجه : شحالج يا وخيتي وشحالهم البنات .. عاشه : يسرج الحال الغاليه .. انتي شخبارج وشو صحتج خديجه : طيبه طاب حالج .. المها : ماما يلا عاد بنتاخر .. مهره : يلا مشينا .. المها كانت لابسه تنوره كحليه على جسمها وقميص اسود .. وهيا كانت لابسه بنطلون بنك بعد وسيع وقميص دانتيل اسود .. اول ناس وصلو نوره ومنال وساره ,, وعقب شما وخديجه وعاشه وبعدهم المها وهيا .. كان الوضع حلو .. البنات في صوب .. والحريم فصوب .. والرياييل فالميلس .. الحريم يالسين فالصاله العوده والبنات فيلسه مشغلات التلفزيون وقريبه من الدري والمطبخ .. المها كانت يالسه بروحها حتى هيا كنت يالسه ويا البنات .. اشوي وسمعوا الحريم يرحبن ويسلمن .. كلهم ساروا صوبهم .. شافوا حرمه الي هيه رفيعه ووياها ولدين صغار وبنت فسن البنات .. سلموا عليهم .. مشت رفيعه ويا خلود ومهره .. مكان ما كانو يالسين .. رمست نوره : روضه حبيبتي تعالي يلسي معانا .. مشت وراهم وكلهم صاخات .. حتى روضه كانت حاسه بالاحراج .. نوره : اشفيكم صخيتوا عاد .. روضه حبيبتي صدت عليها روضه كملت نوره : شو متذكرتنه ولا .. روضه ما شافتهم من 6 سنين طبعا سالم دوم مسافر لظروف شغله احيانا شغل واحيانا دراسه .. روضه وباحراج : امم انتي نوره صح .. نوره : هيه حبيبتي انا نوره وهذي شما ( اشرت عليها ) والي حذالها الريم .. وهذي منول وهذي هيا هذي ساره مرت عمي راشد .. ( ما طرت المها ) المها وايد انقهرت بس سكتت .. الريم ضحكت على شكل المها وضحكت وياها شما .. منال : اشفييكم الريم : هههههههههه لا ماشي ذكرنا شي ( المها حست انهم يضحكون عليها بس ما اتكلمت ) روضه وهي اتكلم المها : انتي المها صح المها : هيه حياتي .. روضه ابتسمت .. سالم : دايما مسافر يحب شغله وايد ويحب الدراسه مدلع بنته وايد ,, رفيعه : فري .. تهتم لشكلها وايد .. احيانا تكون سليطة اللسان .. روضه : 18سنه مخلصه الثانويه السسنه الي طافت ما درست فالجامعه هالسنه لانهم كانو متوقعين يردون البلاد .. ما تتحجب شعرها مصبوغ بني قصير .. طولها عادي اشوي مليانه .. بيضه دايما اتحب تلبس عدسات رماديه .. او عسليه .. خشمها لايق عليها وشفايفها متوسطات . احيانا اتكون سطحيه .. لو بغت الشي اتحب انه يكون ملكها .. انانيه فبعض الاحيان .. واثقه من نفسها كملوا البنات سوالفهم .. شما : ريوم انا بروح بييبلي ماي الريم : سيري انزين تتحريني بقولج بييبلج مثلا شما : ادري ما بتقولين اصلا متى قلتي .. نوره : هههههه بس انزين بس شما قامت ودشت وسارت المطبخ .. فالصاله دق سيف الباب : هود هود خلود : تعال اميه سيف .. دش سيف سلم على الكل .. خلود : على وين سيف : ناسي تلفوني .. خلود : ما عليه وانت ساير اتنحنح ترا البنات هناك .. سيفف : إن شاء الله لما قرب سمع اصوات درا انه البنات هني سيف : احححم .. هود .. هود كلهم حطوا شيلهم الريم : خلااص مر سيف : السلام عليكم .. ردوا كلهم السلام .. دور بعينه شما ما شافها .. انصدم يوم شاف وحده بينهم من دون شيله غير الريم طبعا عرف انها روضه ما عيبه الوضع .. شاف الريم وقال : وينها .. ؟ الريم : ههههههههههه فالمطبخ .. ما ركب الدري وعلى طول سار المطبخ .. نوره انصدمت : شو السالفه الريم : ههههههههههههه يدور شمو منال : انتي تستهبلين .. الريم : هههههههههههههه عادي جهنم بتاكلهم هم مش انا ساره : استغفر الله شو هالهبال !! شيلتها وياها !! الريم : هههههههههه بلاكم انتو .. هيه هيه كانت على جتفها سيف دش المطبخ كانت شما يالسه على الكرسي وقلاص الماي على الطاوله وماسكه فونها سيف ابتسم على شكلها حتى ما كانت حاطه الشيله .. : فدااا لهم اناااا شما انصدمت رفعت الشيله بسرعه وانتبهت عليه حست بالاحراج وبصوت اقرب للهمس : سيف ! سيف : عيوونه فنفس هاللحظه خديجه وخلود كانوا سايرات المطبخ وخلود بتشوف الخدامات فقامت وياها اتعاونها .. من مروا الصاله الصغيره سايرات المطبخ الريم شهقت وكلهم انصدموا محد اتوقع انهم يسيرون المطبخ وقبل لا يدشون سمعوا شما : سيف شو اتسوي هني !! سيف : اشووفج !! دشت خديجه معصبه ووراها خلود !! شما اطالعت سيف بصدمه وهو نفس الشي !! سيف ظهر بسرعه وشما وقفت مصدومه .. خلود وبسرعه : شما حبيبتي سيري الصاله .. شما بسرعه مشت للصاله ويلست كان سيف فهاللحظه خلاص بيوصل فوق .. نوره وبصدمه : شو استوى !! شما سكتت ونزلت راسها .. نوره شافت الريم بلوم .. فالمطبخ .. خديجه وهيه معصبه : سود الله ويها من بنت .. خلود : استهدي بالله يا خديجه .. خديجه : حسبي الله عليها من بنت .. خلود : استغفري ربج يا حرمه .. اذكري الله حصل خير خديجه : لا حول ولا قوة الا بالله .. صدق انها ما تستحي يالستلي سوالف وياه ( ما يابت طاري سيف ابدا وخديجه كانت وايد تاخذ بالمبدا الي يقول انه دايم الغلط على البنت ) اما خلود فكانت تدري انه هالشي غلط وكلهم غلطانين بس هيه تفكيرها غير عن خديجه.. مر الوقت سيف نزل وما التفت على حد .. حطوا الغدا اتغدوا وعلى العصر رفيعه استأذنت على اساس بيسيرون عند اهل ريلها .. راحت الميلس وسلمت على اخوانها وبعدهم استأذنوا .. شما بدت تتناسى الموقف وما تبا اتفكر بردة فعل امها .. الريم : شمو شوفي مهو كيف يالسه بروحها .. شما بصوت عالي : هههههههههههههههههههههه رفعت مها راسها وشافتهم يتطالعونها درت انه يرمسون عنها وهالشي كان واضح والكل انتبه عليهم يوم ضحكت شما وهيا انقهرت شوي .. حست انهم يرمسون عن المها لانهم كانو يتطالعونها .. المها وبقهر : انتو ترمسون عني بغيتوا شي ؟! الريم وهيه تبا تضحك : على كيفج انتي !! شو نبا نرمس عنج المها : لا ابدا ما ترمسون عني بس تتطالعوني وتضحكون !! الريم صدت على شما وابتسمت وهيه تكتم ضحكتها .. ويوم شافت شما كيف ماسكه ضحكتها انفجرت : هههههههههههههههههههههههههههههههههههههههههههههههههه هههههههههههههههههههههههههههههههه شما : ههههههههههههههههههههههههههههههههههههه نوره بعد يوم شافتهم يضحكون ضحكت : ههههههههههههههههههههههههههههههههههههههههههههه المها : انا ابا افهم .. انتو شو مشكلتكم وياي ؟؟ شو تبون مني بالضبط .. !! الريم : شو نبا فيج يعني !!! المها : يوم ما تبون شي اشحقه تضحكون علي ؟؟ تضحكون على بالكم انتو احسن عني .؟ ولا تضحكون لانكم مع بعض وانا يالسه بروحي ؟ ولا لانكم ما تحبوني !! كانوا كلهم صاخات الا الريم طبعا : انتي بلاج بلاج !! شو اتدورين مشاكل تبين تتضاربين يعني !! المها اتقربت منها : انا ما ادور مشاكل انتي الي تبين المشاكل .. كل ما يلسنا قمتي تتمصخرين وتضحكين علي .. انا ادري انج ما تحبيني وكلكم بعد مش انتي بس وانا ما اباج اتحبيني ولا اباا اعيبج ولا اكون قريبه لا منج ولا من غيرج !! وبقولج اني احسن عنج بمليون مره .. يمكن كلكم ما اتحبوني واتعرفون اني ما احبكم بس انا احسن عنكم وعقلي اكبر عن عقولكم وما ايلس ادور مشاكل !! الريم : الحمدلله والشكر !! المها : الحمدلله على نعمة العقل يا ماما .. اسمعي يا الريم انا سكتت بما فيه الكفايه .. لما تتمصخرون وتضحكون وتستهزؤون اسكت مش لاني ما اعرف ارد عليكم ولا خايفه منكم بس لانكم ما تستاهلون الواحد يرد عليكم .. انا ما ادور المشاكل وقد ما اقدر احاول ابتعد عنكم ؟؟ وانا متاكده بي يوم بتقولون يا المها سامحينا .. وقبل لا اتكمل .. الريم : انتييي اييي اييي وايد ترا ماخذه مقلب في عمرج !! شو الي تسامحيننيا مينونه انتي !!!! المها بعصبيه وانفجرت : احترمي نفسج .. وهيه بي يوم تبوني اسامحكم فيه لانه انا فعمري ما احب اغلط عليكم او اسوي مشاكل وانتو دايما على بالكم اني الغلط وانا المشكلجيه وانا وانا .. يمكن انتو نسيتوا بس انا ما نسيت .. نسيتو قبل 7 او 8 سنين لما كنتوا اتعايروننا بابوي .. كنتوا اتقولون ابوكم ما يحبكم ما يببيكم ابوكم فارنكم .. لو انتوا نسيتوا انا ما نسيت انا ما انكر فهاذيك الفتره كرهتكم وقمت احاول اقهركم باي شي مثل ما تقهروني كنت اقهركم واعاندكم كبرنا كلنا قمت اغار لما اشوفكم كلكم مع بعض تمنيت اني اكون وياكم قلت يا المها خلاص كانو صغار اكيد ما كانوا يقصدون الي يقولونه اكيد ما كانو يفتهمون .. بس لما بغيت اكون وياكم قمتوا تضحكن علي وتبتعدون عني فهاك الوقت كرهتكم اكثر قمت اقول لهيا خليج بعيده عنهم هذيل ما يحبونا ما يبونا .. بس لما عرفت انكم صرتوا اوكي ويا هيا ما غرت منها بالعكس انا استانست لانه علاقتكم صارت اوكي صارت تيلس وياكم وتستانس وما تتملل بس فهالوقت عرفت انه انتوا ما كنتوا تكرهونا انتو بس تكرهوني انا وانا الحين ما قمت اكرهكم شرا اول انا ما عندي اي شعور لكم الحين انا لا احبكم ولاني اكرهكم.. وانا ارد اقولكم لما بتفكرون بالي قلته وبتذكرون كل شي بتون تبوني اسامحكم وانا بسامحكم مش لاني اباكم اتحبوني .. ولا اني ابا اكون وياكم .. انتي يا ساره انا مش شايله عليج وانتي اتعرفين انج ما غلطتي علي وانا اعرف هالشي وانتي احسن وحده فيهم كلهم و يا منال من يومنا بعاد عن بعض والحمدلله ما بينا الا الخير .. اما انتو شما ونوره انتو تدرون شكثر من بينا بس بسامحكم لوجه الله تعالى وانتي ياالريم اتعرفين اشكثر انتي تكرهيني بس بعد بسامحج ولشيئئين بس اولا لله تعالي وبعدين على شان زايد على شان اخوج هالطيب هالي فعمره ما زعلني الي واقف وياي دوم والي ادري انه يبينا انكون زيينين ويا بعض .. انا بروح الحين بس ما بروح وانا مسامحتنكم انا بسامحكم لما بتون تبوني اسامحكم يوم بتدرون انه انتو الغلط وانا الصح .. وعطتهم ظهرها وسارت وهيا مصدومه وراها والكل مصدوم وواقف مكانه .. الريم حطت ايدها على راسها وغمضت عينها بالقو!! ابد ما اتوقعت هالرمسه من المها فعمرها ما اتخيلت تسمع مثل هالكلام هيه كيف جيه فكرت !! بدت تحاول تذكر وتستوعب الي المها قالته هيه كيف كانت حقيره وحقود ويا هالانسانه ؟؟ مثل هالكلام كان يدور فراس الكل !!! بدو كلهم يحسون باللوم وانه الي مها قالته صح !! المها نزلت ويلست حذال امها .. مهره : يلا عاد اسمحولنا نحن بنستأذن المها اتلومت حست انه امها بتسير عسبها خلود : ليش الله يهديج توه الناس .. مهره : لا والله بس وخيتي ( تقصد ربيعتها ) بتمرني طالبه منها دخون .. المها ( الحمدلله ) حست براحة لانه امها بتسير عسب ربيعتها يتمرها مش عشانها .. سلمت مهره على الكل واستسمحت منهم على كل شي وكل قصور وبعدها ظهرت المها : ماماه بسوق مهره : لا امي بسوق ماعليه ركبت المها حذال امها وهيا ورى .. المها صح كانت ضايجه بس اتحس براحه .. المها : ( يالله يا رب انا سامحت الكل لوجهك الكريم يالله .. استغفر الله ) من ظهروا وعلى الشارع .. قالت مهره : اذكروا الله يا بنات خلو ذكر الله دايما على لسانكم .. لا تنسون رب العالمين .. اتوكلوا عليه دوم .. لا شفتوا نفسكم ضايييجين ومالكم حد لا تنسون رب العالمين ما ينسى عباده .. خلكم قريب منه خلو القرآن ونيسكم هيا : إن شاء الله المها حست بالخوف من كلام امهاا غمضت عينها للحظات ورجعت تفتحهم مهره وهي اتدور الدوار : أشهد أن لا إله إلا الله وأن محمد رسول الله يا الله يا رب .. المها ووهيه تنتبه على الي ياي بيدخل الدوار وهو طاير صرخت : ماااااماااااااااااااااااه !!!!!!!!!!!!!!! هيا : " ما أدري شو الي صار بالضبط، ما حسيت الا بالسياره اتدور فينا مره مرتين ثلاث بالطول او بالعرض فوق او تحت ما ادري شو الي صار .. احس الدنيا اتلف فيني راسي يعورني .. جسمي كله يعورني .. ما اسمع غير ونات المها .. !!هيه الحين اسمع اصوات " : لحد يقرب من السياره .. يا جماعه خلكم بعيد : الشرطه والاسعاف فالدرب .. هذا اخر شي سمعته هيا .. بعد ساعة .. البنات كانو يالسات ويا امهاتهم كلهم ويا بعض وكل وحده كانت سرحانة واتفكر فكلام المها واكثر وحده الريم الي كانت اتحس انها غبيه وتافهه وياهل .. اما شما فكانت اتشوف نظرات امها الي كانت تدل على انها ما صار خير !! فالميلس كان احمد يفكر انه خلاص يسيير وقبل لا يرمس رن فون سعيد سعيد : عن اذنك احمد : خذ راحتك سعيد : وعليكم السلام ورحمة الله .. اييه نعم .. شوو ؟؟؟ متى !!!! وين ؟؟؟ لا إله إلا الله .. سكر والكل يشوفه باستغراب سعيد كان خايف وفنفس الوقت متوتر احمد : خير يا بوسيف سعيد : مهره سوت حادث !! الكل فز !!!!!!!!!!!!!!!! احمد : يلا يلا انسير .. سعيد : منصور خبر امك عن تحاتي . ظهر هو وراشد واحمد وزايد وسيف .. منصور ما اعرف شو يسوي وللحظات فكر انه ما يرمس .. بعدها دق باب الصاله .. وسمع : ادخل دش شاف امه وخديجه وعاشه .. وحتى البنات كانو يالسين وياهم .. منصور : السلام عليكم الكل : وعليكم السلام .. تم واقف وهو يشوف امه ما يعرف شو يقول .. خلود : خير ابويه منصور .. منصور : امييه اب.وي وعمي ساروا.. خلود وباستغراب : وين ؟ منصور : المستشفى الكل شهق بخوف : بسم الله .. شو صاير ..اتكلم ! منصور وبتوتر وبسرعة : عمو مهره سوت حادث .. خلود : لا حول ولا قوة الا بالله ويلست وحذالها عاشه وهيه تستغفر ونقس الشي خديجه اما البنات فكانت الصدمه عندهم غير .. الريم كانت اتشوف شما بخوف من ظهرت المها وهي قلبها ناغزنها بدت توتر وتخاف اكثر .. دموعها قامت تنزل شما وهيه تحضنها : ريموه بسم الله عليج .. اما الريم فكانت اتردد : هيه ما سامحتني .. شمو ما سامحتني !! فالمستشفى .. الكل كان متوتر وخايف هذي اختهم ... اما زايد فماكان يفكر بحد كثر المها ما يبا يسمع شي عنها مب زين .. ظهر الدكتور وكان مبين عليه التوتر .. سعيد وبسرعه : خير دكتور بشر الدكتور بتوتر: البقاء لله .. راشد نقز على الدكتور وهو يهزه بعصبيه : ارمس انت ارمس عدل شو اتقول .. وزايد وسيف يسحبون راشد عن الدكتور .. وسعيد واحمد ما علقوا الدكتور وبخوف : هوا الحادث كان اوي .. انقذنا البنتين .. [/align]  |
|
04-25-2014, 08:46 PM
| رقم المشاركة : [ 2 ] |
| عضو جديد | الجزء العاشر
__DEFINE_LIKE_SHARE__
راشد نقز على الدكتور وهو يهزه بعصبيه : ارمس انت ارمس عدل شو اتقول .. وزايد وسيف يسحبون راشد عن الدكتور .. وسعيد واحمد ما علقوا الدكتور وبخوف : هوا الحادث كان اوي .. انقذنا البنتين .. صد راشد بصدمه على اخوانه ما يعرف اذا يصدق ولا .. بس لما شاف سعيد يمسح دموعه بغترته واحمد يالس على الكرسي منزل راسه بدا يستوعب !!!!!!!! ظهر بسرعه من المستشفى ما يعرف وين يسير وقف برع وهو يترك دموعه الي حبسهن ينزلن .. لو هو ريال اتكون هذي اخته .. اما زايد فما استحمل ايشوف ابوه القوي الي يشدون فيه الظهر منكسر وحزين يخفي دموعه .. عشان بعد فهذا الموقف يكون السند لاخوانه .. ولا يتخيل المعاناة الي بتعانيها المها !! شاف مسج من منصور يساله شو صار ما عرف شو يرد شو يقول ما يعرف شي حتى ما يعرف اذا كانوا بيردون الحين كان خايف من كل شي مش عارف يتصرف .. بعد 3 ساعات .. الكل كان يالس على احر من الجمر يتريا اي شي اي كلمه دش راشد الصاله بعد ما دق الباب .. كان شكله صدمه بالنسبه للكل عينه محمره والحزن باين عليه شكله تعبان .. الكل كان يشوفه يتريونه يرمس بعده دش سعيد واحمد .. خلود انصدمت اكثر من شكل ريلها واول وحده رمست : خير إن شاء الله يا بو سيف شو صار .. ما رد عليها سعيد رمست عاشه : يا احمد ارمس .. قول شي .. راشد ابويه شو مستوي !! سعيد : مهره عطتكم عمرها !! خلود : لا حول ولا قوة الا بالله .. عاشه وهيه تنزل دمعتها مهما يكون كانت من بينهم توها وياهم .. خديجه : إنا لله وإنا إليه راجعون اما البنات .. فساره من الصدمه حطت ايدها على فمها !!!!!! نوره نزلت راسها .. منال صاحت من شكل ابوها ومن امها الي تصيح !! شما حضنت الريم بقو الي كانت اتصيح من بداية السالفه ... تمو ساعه على هذا الوضع .. وبعدها الكل استأذن شما من ردت البيت على طول راحت غرفتها وقفلت الباب .. تدري انه امها مستحيل تفتح هالسيره الحين .. بس ما كانت خايفه من امها كثر ما هيه تبا اتكون بروحها .. اتيددت وصلت العشا .. وبعد ما خلصت رفعت ايدها بتدعي : يا الله يارب ارحم عم.. ما قدرت اتكمل توها تستوعب انها خلاص ما راح اتشوف عمتها مره ثانيه .. حطت ايدها على ويهها وقامت اتصيح .. حزنها بتتحمله بس كيف وهيه اتشوف الي بحسبة ابوها . عمامها وهم حزينين على فراق اختهم .. حياتهم بترد طبيعيه او لا !! بينسون هالحزن ولا !! المها المها بتسامحهم ولا !! الريم لما روحوا راحت غرفتها وما كانت حالتها احسن عن شما .. زايد كان منظر ابوه المكسور .. مش قادر يستوعبه خايف .. مآمن بقضاء الله وقدره كل شي فهالدنيا مكتوب !! لكن المها ما يبا يفقدها ما يقدر يعيش وفكرة انها مش موجوده .. خلود كانت مع ريلها اتذكره بأن كل شي مكتوب .. واما سعيد فبعد ما حس بالتعب صلى ركعتين .. وقام يددعي احمد كان يحاول يتماسك لين ما وصلوا البيت .. وطبعاً فغرفته استسلم للحزن .. منال ونوره ساروا مع بعض الغرفه بدون لا وحده منهم ترمس اكثر شي كانو خايفين منه المها .. ونفس السؤال الي دار في بال شما هل حياتهم بترد طبيعيه ولا .. راشد رجع هو وساره قبلهم .. فالغرفه عقب ما صلى .. كان يالس على السرير يلست حذاله ساره كانت كارهه عمرها لانها مش عارفه اتخفف عن حد او اتواسيه .. ساره وبتردد : راشد صد عليها راشد ساره وبخوف : راشد هذا قدر ومكتوب كل شي قضاء وقدر .. هذا يومها .. إن شاء الله نجتمع فالجنه يا راشد .. راشد حط راسه فحضنها بدون لا يعلق .. اليوم الي بعده .. الدفن كان صعب الي ما كان مستوعب استوعب فالعزا .. انتشر الخبر .. وايد ناس والبيت زحمه .. صح المكان كان حزين بس ما كان للدرجه الكبيره .. ما كان لدرجة الشهيق او غيره .... حزينين على فقدانها بس راضيين بقضاء الله وقدره .. رفيعه كانت اتصيح على اختها الي فقدتها ما كانت تدري انه البارحه لاخر مره كانت اتشوفها وانه كان الوداع الاخير .. ما وصللهم اي خبر من المستشفى لانهم قالوا يتوقعون المها تصحى بعد 72 ساعه لانه حالتها كانت صعبه نوعا ما اما هيا فقالوا خلال ال48 ساعه إن شاء الله بتقوم .. مره اليوم بطيئ على الكل اليوم الي بعده وصللهم خبر أنه هيا صحت .. مش كل حد سار على شان العزا .. نوره وشما وخلود هم الي ساروا .. دشوا عليها الغرفه .. كان شكلها تعبان .. خلود : الحمدلله على السلامه يا امي .. خطاج الشر وسلمت عليها هيا وبخوف : الله يسلمج سلمت عليها نوره وبعدها شما ... كان مبين عليهم التوتر الي حاولوا انهم يخفونه قد ما يقدرون .. هيا وبخوف وقلبها ناغزنها : ماماه وين شما شافت نوره بصدمه ما اتوقعوا انها ترمس الحين خلود : هيا حبيبتي اذكري الله واسمعيني هيا خلاص درت شو بتقول ما تبا تسمع خلود : كل شي قضاء وقدر وانتي انسانه مؤمنه .. وقبل لا اتكمل غطت هيا ويهها بايدها وشهقت قبل لا اتصيح .. خلود حضنتها بالقو وهيا استسلمت للحزن شما ونوره ظهروا برع ما راموا يشوفونها جيه .. هيا ما كانت تتخيل انها خلاص ما راح اتشوف امها هم منو لهم فهالدنيا غيرها .. خلود وقلبها معورنها : يا اميه اذكري الله لا اتسوين فعمرج جيه .. بس لا حياة لمن تنادي .. هيا حالتها كانت مستقره ما عندها اي كسور بس رضات خفيفه .. ظهروها من المستشفى .. كانت طول الوقت اتصيح .. راحوا بيت احمد على شان يرتاحون اشوي .. اما خلود فردت للعزا .. نوره وشما ويا هيا فالغرفة نوره : هيا حبيبتي لا اتسوين جيه فعمرج الي صار قضاء الله وقدره هذا الي مكتوب وهذا يومها .. محد يعيش اكثر عن عمره يا هيا خلي ايمانج بربج قوي هيا وهيه تصييح : مااا ابااا اعييش ابااا اموتت لييييش ما متت ليش !!! شما وهي تحضنها : استغفري ربج شو هالرمسه !!! لا اتقولين جيه هيا وهيه تصيح : استغفر الله .. استغفر الله .. بعد 4 ايام .. صعبه على الكل بس على هيا كانت الاصعب .. خلود : اميه زايد .. ودني فديتك صوب المها زايد بحزن : إن شاء الله .. بتسيرين روحج !! خلود : ما ادري بشوف اختك وبنات عمك ! زايد : يلا انزين انا بسبح وبنزل .. فالمستشفى .. خلود .. والريم .. ونوره وشما .. وزايد .. وصلوا الغرفة الي المها كانت فيها .. بس الصدمة إن الغرفة كانت فاضيه .. كلهم حسوا بالخوف أما زايد فحس النفس عنده انقطع ! مر الدكتور زايد برجفه : دكتور لو سمحت المريضه المها وين ؟!!! الدكتور : هوا ليه محدش علمكم بالي حصل .؟ الريم حطت ايدها على فمها .. نوره تشوف شما بصدمه وخلود ايدها على قلبها وزايد مغمض ! ما يبى ينصدم .. الدكتور : المريضه الصبح صحت .. زايد حس هذا اجمل خبر سمعه في حياته كلها !! كانت مغمضه عينها بالقو .. ابد مش مرتاحه كانت متأكده انه في شي صاير قلبها معورنها !! اندق الباب فتحت عينها على حس خلود : السلام عليكم المها ما ردت السلام كانت مصدومه وهيه اتشوف نوره والريم وشما خلود : اتقربت وسلمت عليها ونفس الشي البنات وكله وسط صمت المها خلود وبابتسامة فيها الم ولمحة حزن : الحمدلله على السلامة يا أمي المها وبخوف : امييه وييين ؟؟؟!!!!!!!!!!! ما كان في اي صوت فالغرفة .. المها وبدت اتحس بقلبها اتزيد دقاتها ما كانت قادرة تتكلم وشفايفها ترجف : امييي ويييين !!! .. بدت تستوعب الحقيقه بدون ما احد يرد عليها وصوت واحد يتردد فاذنها تشهد امها .. صرخت صرخة وهي اتغطي وييها باييدها: لاااااااااااااااااااا لااااا لاااااااااااااااااا امييييييييييي اميييييييييييييييي ... اباااااااااا اميييي .. آآآآآآآآآآآآآآآآآآه يا امييييييييييييييييي ... أأأأأأأأأأأأأأأه فز من عند الباب الي كان متساند عليه كان يترياهم يقولون له يدخل بس استوعب انها درت فتح الباب ابسرعه على صدمة خلود ونوره وشما والريم وهو يشوف المها بالبس الابيض يالسه على السرير اييدها على ويهها شعرها الطويل متناثر .. ركض عندها وحضنهااا بالقووو شما ظهرت برع ونوره وراها وخلود مصدومه مكانها بس استوعبت لما الريم سحبتها معاها برع الغرفة وسكرت الباب .. اما المها كانت اتحس بالامااان .. اتعرف صاحب هالعطر .. ااتعرف هالانسان ومتأكده انها الحين ما تحتاج غيره : آآآآآآآآآه ياااا زااايد رااااااحت يا وييييلييي رااااحت .. شهقه بعد شهقه .. جسمها كله يرجف فحضنه كانت حاضنته بالقو مثل ما اهو حاضضنهاا .. كان يحس بشي على خده بس ما كان مهتم !! غير فيها ما كان عارف شو يقول بس حاضننها بالقو المهااا : لييي..ش ياااا زااااااا..يد لييييششش .. ات..خ..ليينااا لي..ش ما ا..با الدن..نياااا بدووونهاااا !!! زايد وبالم : بسم الله عليييج .. لا اتقولين جيه .. اناا كييف اعييش بدوونج !! المهااا وبصياح يعور القلب : محتااااااجتنك ... مح..تااااجتنك لاا .. اتخلييينييي زايد وهو يوخر عنها ويحط عينه في عينها الي كانت مليانه ادمووع كانت المها اتشوف عينه رغم كل الحزن الي فيها الا انه انتبهت علي دموعه الي على خده .. حط ايده على ويهاا وهو بمسح دموعه : يعلنييي ما اعيش يوم واحد بعد لو فكرت اخليييج .. انا ويااج .. والي صار قضاء الله وقدره .. وإن شاء الله بكون وياج وبتمر الايام .. هالشي ما خفف من بكاء المها رجع زايد يحضنها بالقو صاحت وصاحت لين ما تعبت و غفت .. سدحها .. وظهر شوي شوي .. يمكن هذا كل استغرق نص ساعه او اقل من طلع من الغرفه شاف امه على الكرسي ونوره وشما والريم .. كانوا كلهم يشوفونه بصدمه .. يشوفونه كيف غترته متبهدله وعينه الي يبين انه هالانسان كان يبكي ولو شوي وكانوا يتريون منه ايطمنهم .. اما خلود فكان غير هالشي 100 شيء في بالها و الي صار جدام عينها شي غريب وما ينسكت عنه الريم وبخوف : شو صااار ؟؟؟ زايد وبحزن : رقدت شما : نترياها تقوم ؟! زايد واشوي بجمود يذكر المها شو قالتلها عنهم صح فهاك الوقت ما فكر وايد فيهم بس الحين يحس بالقهر ويحس انه لو كانوا قراب منها ما بتكون حالتها جيه : لا بنرد البيت ! خلود بحيرة وقلق وخوف : انا بيلس عندها .. زايد كان تفكيره كله متلخبط : اميييه بنرد البيت .. ولو قامت بيقولولنا .. مشى وما عطاهم اي مجال مشو وراه ركبوا السياره والكل ساكت !! خلود : زايد ما كلمت الدكتور عسب يخبرنا لو قامت مارد عليها كان تفكيره كل مكان ثاني وصلهم البيت ورد المستشفى على طول دخل غرفتها ويلس على الكرسي مجابلنها وهو يتأملها .. كان شكلها بريء رغم التعب والحزن الي مبين عليها الا انه شكلها فقمة البراءة والجمال .. ويهها كان صافي .. وشعرها الي على المخده معطنها جمال ثاني .. غمض عينه ( آآآه شفيييك يا زااايد شو هالمشااعر طول عمرها جدامك واتشوفها اخت !! شو فيك الحين شو الي اتغير ) يذكر كيف كانت فحضنه انفاسها الي اختلطت بانفاسه .. حط ايده على شعره وفتح عينه اول مره اليوم يشوفها من غير حجاب شكلها كان جميل مره وجذاب غمض عينه ( استغفر الله اكيد مهاوي ما ترضى اني اشوفها من دون شيله بس ما اقدر اخليها واروح ) كان مغمض عينه لكن بين دقيقه والثانيه كانت ترجعله هالمشاعر الغريبه الي حس فيها لام عمره واايد على الافكار الي يته لاول مره ما يحس انها اخته ( آآآه يا مهاوي لو تدرين شفيني ) كان يفكر انه يمكن بسبب الوضع الي هي فيه وانها وايد غامضتنه هو يحس بهالشعور بس كان متأكد انه ابدا ماله شغل كل ما تيه فكره او يتذكر كيف حضنته يلوم عمره لو تدري عن هالي في باله لتزعل منه .. تم يفكر وهو مغمض عينه .. كان يسمع صوت ناعم يناديه بس لاقرب من الهمس كان يتحرى انه من كثر ما هو يفكر يتخيل صوتها بس استوعب يوم علاا هالصوت اشوي .. فتح عينه وهو يشوفها تتأمله غرق للحظات فعينها وردتله كل هالأفكار من اول ويديد .. كانت نظراتها كلها حزن .. الم المها وبدت دموعها تنزل مره ثانيه : ؟؟!! بس بس لو خلتني اسوق بدالها لو متت اناا زايد ما كان قادر يرتب اي فكره في باله كان يستغفر ربه ويتعوذ من ابليس على شان يتكلم : بسم الله عليييج لا اتقولين جيه يومي قبل يومج هذا الي مكتوب ولو سقتي انتي او هي هذا يوممها امج يا قلبي عند ربج الحين .. هذا الي مكتوب وهذا عمرها .. خلي ايمانج بالله قوي .. لازم اتكونين اقوى عن جيه لا تنسين اختج الي تترياج فالبيت والي محتاجتنج الحين .. لازم اتكونين قويه عشان هيه اتصير قويه المها وهيه تصيح : وانا من وين اييب القوه انا منو بيصبرني زايد وهو يمسك ايدها ويحس برجفه : انا وياج انا بصبرج وبقويج والكل وياج المها : ما بتتركنيييي صحح زايد : اموووت ولا اخليييج المها : زااايد اباا اصيييح اكثر ابااا اصيييح تعبااانه ياازاااايد آآآآه زااايد وبهمس غريب : احضضضننج ؟؟! المها : احضننيييي .. اتقرب منها وحضنها ومن صارت فحضنه سمع تنهيييده طويييله : آآآآآآآآآآآآه ياا زااايدد آآآآآآآآآآه .. لا اتخليني لمهااا له اكثر وهو يمسح على شعرها .. لكن هالمره خلاص قام يحس بمشاعر اكبر من الي حسها قبل .. كانت شوق ولا حزن على حالها ولا ولا .. ما كان يدري بس الي يدري انه ما يبا يتركها المها : طلعني من هناا يا زاايد اباا اشووف اختييي ما ابا ايلس هنييي .. زايد : إن شاء الله .. المها : اليومم زااايد الحين زاايد : اشششش .. غمضييي .. غمضت عيونها بالقو دقايق وبعدها قامت ترتخي جفونها ونامت .. بس هالمره بأمل .. لما حس انها نامت سدحها وهو يتأملها مره ثانية وفز على صوت فونه ظهر بسرعه من الغرفه عن لا اتقوم ورد زايد : الو سعيد : السلام عليكم زايد : وعليكم السلام سعيد وبصوت فيه راحة : ها ابوي بشر امك قالتلي المها قامت شو قالك الدكتور زايد وبارتباك : هااه .. هييه قامت الحمدلله وانا نزلت امييه البيت لانها كانت راقده والحين وصلت المستشفى عشان اسأل الدكتور وبطمنك سعيد : يلا ابوي اترياك لا تتأخر علي زايد : إن شاء الله .. فمان الله .. سكر وهو يحمد ربه انه السالفه مشت على ابوه سار عند الدكتور وسأله ورد يتصل فابوه سعيد : ها ابوي شو قالك زايد : يقول إن شاءالله لو باجر كانت اوكي بيظهرونها .. سعيد : خلاص عيل إن شاء الله باجر بنيها .. الحين انت رد البيت وخذ اختك خلها ترقد عندها .. زايد وبسرعه : لا لا ابوي الدكتور قال انه عاطينها ابرة مهدي وما بتقوم لين باجر .. ما يحتاي سعيد : خلاص ماعليه .. يلا انت تعال البيت زايد : إن شاء الله .. بس بشوف ربيعي اول محتايني فشي وانا واعدنه سعيد : يلا ما عليه .. اتحمل بعمرك .. فمان الكريم زايد : الله بحفظك .. وسكر ما يدري كيف ابوه ما شك فأي شي مع انه ابوه مش من النوع الي ما يفكر بس حمد ربه ورجع صوب غرفتها .. ( زايد انت بلاك شو هالافكار .. انت مش يالس اتفكر فيها مثل اول .. زايد مهاوي اختك اختك .. نسيت انت اتحب منال .. منال ؟؟!!! ) استغرب من صار الحادث وهيه مول ما يت فباله !! مستعد يحلف انه ما فكر فيها ولا لثانيه وحده محد كان في باله غير المها وبسس .. وهو يفتح الباب ( اشفيني انا نسيت اني احب من.. ) ما كمل كان يشوفها كيف نايمه .. سكر الباب ويلس على الكرسي وهو مبتسم غمض عينه بالقو وهو يذكر ابتسامتها شقايل اتوله عليها من زمان ما شافها .. راحت عن باله منال الي من اشوي خطرت على بالها وبسرعه اختفت من تفكيره .. الريم : شفتوه كان يصيييح !!! شما : هيه والله انا انصدمت ؟؟!!!! نوره : احس انه يحبهااا !! الريم : ما ادري بس قلبي عورني عليها شفتوها كيف كانت شما : هيييه حرااام .. نوره : اتصدقون فزيت يوم زايد دش !! الريم : انا بس كنت مبلمه وانا اشوفه يحضنها وماماه ما ادري شو ياها !! شما : خلو عنكم زايد .. الله يعين المها صدق غامضتني !! نوره : الله المستعان .. الحمدلله ربي قومها بالسلامه .. إن شاء الله اتقوم وهي اتخفف عن اختها وهيا اتخفف عنها .. الله يصبرهم .. شما والريم : آمييين شما : تدرون امي ما تدري اني هني على بالها فبيتكم نواري . احس لو تدري مستحيل كانت اتخليني الريم : آآآه .. الله يعيييين من الي ياي .. على الساعه 8 .. كات يالس مكانه ابدا ما تحرك المها فتحت عيونها انصدمت : زاايد انت ما رحت !! زايد : تبيني اسير واخليج ! المها وبحزن وبنبره قريبه للبكي : اميي رااحت وخلتني !! زايد وبحزن : بس مهاوي لا تسوين جيه فعمرج !! نحن شو قلنا ! المها حطت ايدها على ويهها وقامت اتصيح من اول ويديد : اميي رااحت يا زاايد راااحت !! زاايد وهو يرد رااسه على وراا : آآآه كلنااا بنرجع لربنا يا مها كلنا ! المها وهي اتشل ايدها عن ويهها وصخت وهي اتشوفه استغرب بس تم يتأملها لثواني وقالت بصوت حزين : ادريي بس ما كنت ابا افقد حدد .. اناا ما اخااف من الموت يا زايد ما اخااف امووت .. الي اخااف منه اني افقد الي احبهم وهذا صار !! من ليي غيرها يا زايد وين بنروح نحن الحين ويين !! عند ابوي الي 20 سنه ما دري عنيي !! الي ما يسال ولا يحبنا ! ادري انا الحياة بدون امي راح اتكون صعبه .. ومره وحده شهقت شهقه كانت كاتمتنها : آآآآآه يا امييي آآآه زايد كان صاخ ما يعرف شو يقول !! مب عارف بشو يرد عليها الي اتقوله المها صح !! بيرجعون عند ابوهم ! كيف بيعيشون معاه والحياة بدون الام صعبه .. زايد : مهاوي هذي الدنيا .. مب كل الي نباه يصيير الحياة ما تمشي على هوانا، بس هذا ابتلاء من رب العالمين والي يصبر اجره عند ربه .. ادعي لامج .. المها : زاايد اوعدني ما اتخلييني انا ما بقدر اعيش بدونك ! زايد بابتسامه : انا وياج ! المها بحزن وبصياح : قووول وعععد زايد : وعد ! المها وعلى نفس الحاله: شكرا يا زايد ! ما بنسى انك وقفت وياي زايد : الي يزعلج يزعلني ! وانا وياج فحزنج وففرحج ! ادري فكرة انج فقدتي امج صعبه بس الصعب باذن الله يصير سهل .. انا ما بقولج لا اتصيحين .. لا تزعلين ! انا اباج اتسوين كل ها من نفسج انتي لازم اتكونين قويه لنفسج ولاختج وعشاني ! مهاوي فهالوقت الضعيف ما يعييش ! والحياة جدام والدنيا ما توقف .. الي صار قدر ! غمضت عينها بقوو ( آآآه يا زااايد من غيرك ما راح عيش .. لا حول ولا قوة الا بالله .. الله يرحمج يا امي الله يرحمج ويرحمنا ) هالمره كانت دموعها تنزل لكن بهدوء بصمت وبدون صوت كانت تبا اتقول لزايد يرجع اكيد هو تعب من اليلسه بس ما كانت تباه يخلييها تباه وياها ( اشفيج يا المها شو هالانانيه راحته اهممم ) فتحت عيونها .. كانت يتأملها بشوق وحزن وهالاحساس الغريب للحين في محله المها : زايد ارجع البيت ! زايد وبسرعه : لا انا بتم وياج المها : زاايد ما يصيير جييه .. انت من متى هني ما تعبت من اليلسه زايد : ما تعبت واذا تعبت شو يعني التعب عشانج رااحه مهاوي ! المها : بسم الله عليك من التعب زايد ابتسم : اتخافين علي ! المها وبحزن : من لي غيرك ! زايد : عمري كله لج ! المها : ما بتنساني ! ما بتنسى المها (وبألم) اختك يا زايد ما راح تنساها لو تزوجت ما بتنساها ؟ زايد حس بضيج ما يدري ليش : انسى عمري قبل لا انساج المها : آآآسفه ما ابااك اتروح واتخليني بس ما اباك تتعب ! زايد : اوووششش .. ويااج ما اتعب ! المها : اتعشييت ! زايد : لاا المها : انزين روح اتعشي وبعدين تعال زايد : انزين انتي بعد ما اتعشيتي ! المها : والله مالي خاطر فالعشى دخيلك زايد روح اتعشى .. روح البيت اتعشى وبعدين تعال .. زايد : ما اباا اخلييج المها : عشاني ! زايد وبابتسامه : إن شاء الله وظهر فونه الثاني وحطه على السرير : مهاوي لو بغيتي اي شي دقي المها : إن شاء الله .. اتحمل على عمرك زايد : من عيوني .. اتآمريني بشي المها : هيه ييبلي شيله وياك زايد : إن شاء الله زايد قام من الكرسي : يلا الله يحفظج المها : ويحفظك .. من ظهر غمضت المها عيينها وتركت دموعها تنزل لو تكلمت ولو قالت الحزن فقلبها كبير صح ما قدرت انها ما تصيح جدامه بس حاولت تكتم لو يكون زايد ما تباه يشوفها ضعيفه لهالدرجة لانها تدري انه يباها اتكون اقوى !! اما زايد ظهر ومره وحده ظهرت النيرس فويهه : كيفها المدام ! زادت ابتسامته على كلمة المدام : الحمدلله النيرس : بدي اييس الضغط الها ! زايد : مب مشكله .. النيرس هزت راسها وزايد روح وهو يحس بسعادة .. في مكان ثاني .. ( يا ربي ليش مش راضي يظهر من بالي ) تذكر عيونه ملامحه عدل طوله صوته كل شي .. ( يا ربي اشفيني آآه يا سيف جننتني ) : روضه يلا العشاء روضه وبعصبيه : يلا روح وسكر الباب وراك ما ابا عشا ! سكر الباب رجعت تنسدح وهيه مبتسمه .. دش زايد البيت الريم : اوووه زيود ييت زايد كان مروق للآخر : لا سرت الريم : يا سخيف ! زايد : وين العشا ! الريم : يحلييلك والله تتحرا بنترياك خلاص اتعشينا ! زايد : قومي انزين حطيلي عشا الريم : بس لاني طيبه بسير زايد ابتسم : يلا انزين .. بعد ما خلص كان يالس ويا الريم روحهم فالصاله .. زايد : ريومم هاتي شيله لمها ! الريم وباستغراب : هاااااااه !!! زايد : شو الي هاه ! الريم وبغباء : كيف يعني انت بتسير عندها ؟ زايد : يلا ريوم خلصيني الريم قامت يابت شيله وحطتها فالكيس وعطته .. ظهر وهيه مستغربه سارت غرفتها انسدحت وهيه مرتاحه اتحس الحمدلله الامور ماشيه تمام .. زايد وصل دق الباب ودخل المها ابتسمت من شافته عطاها الشيله اول شي حست بالاحراج بس لفتها وهو يشوفها مبتسم ومبين انه منحرجه بس للحين لمحة الحزن فعيونها والي حتى لو حاولت تخفيها مبينه .. كان زايد يحاول يغير الجو لكن ما خفى عنه انه المها فعالم ثاني . نامت المها وبعدها زايد على السرير الي يكون فالغرفة .. الصبح قام من وقت واستغرب لما شاف المها نايمه يدري انه نومها خفيف بس اكيد من التعب ما يلومها .. غسل ويهه وظهر .. بعد ساعه قامت المها واستغربت لما ما شافته اتصلت فيه زايد : صباح الخير المها وبخوف : زااايد ويينك ويين رحت !! زايد : مهاوي سرت لانه ابويه اكييد الحين بييي المها وبحزن : همممم زايد : ااسسفف المها سمعت دق على الباب : عادي .. زايد حد يدق الباب يلا بسكر زايد : اتحملي بعمرج .. وطمنيني مع السلامه المها : إن شاء الله .. باي .. قبل ما ترمس المها انفتح الباب كان سعيد مع وخلود سلموا عليها كلهم سعيد : الحمدلله على السلامه يا امي المها : الله يسلمك خالي كانت ملاحظه نظرة الحزن الي فعيونهم .. خلود : ها يا امي المها شو صحتج الحين المها : الحمدلله خالو بس ريلي اشوي اتعورني سعيد : الدكتور قال في رضة قويه فريلج بس ما تحتاج جبس .. المها : انزين خالي متى بظهر سعيد : اذا انتي اتشوفين عمرج بخير الحين انكلم الدكتور المها : هيه دخيلك خالي ما ابا ايلس هني سعيد : خلاص انا بكلم الدكتور .. ام سيف ساعديها اتقوم لين ما اشوف الدكتور خلود : إن شاء الله .. ظهر سعيد وبعدها المها بدت تستوعب الي صار امس وانه زايد حضنها بوجودهم كانت منحرجه منهم بس تحمد ربها انه خلود ما يابت طاري .. بعد ساعه وبعد ما اطمنوا عليها .. ظهرت من المستشفى وفللسيارة طرشت مسج لزايد اتخبره انها ظهرت سعيد : امييه المها انا بوديج الحين بيت خالج أحمد اختج هناك .. إن شاء الله هالفتره انتوا بتيلسون عنده .. واذا تبون تيلسون عندي احطكم فعيني هذاك بيتك وهذا بيتكم .. وخالج أحمد قال تيلسون عنده عشان تاخذون راحتكم اكثر .. المها بحزن اتحس انهم ثقال : مشكورين خالي .. وسكتت لين ما وصلوا ييوم دشت البيت ورا خالها كان الكل فالصاله حست بشعور غريب ما كان سعاده بكثر ما كان هو ضيج شاافتهم كلهم الا اختها .. كانت تسمع ( الحمدلله على السلامه ) ( خطاج لشر ) ( نور البيت ) ووايد بس كانت اتحس للحين بالحزن الكل كان موجود ( خالها أحمد وراشد وعاشه وخديجه وساره ونوره وشما والريم ومنال وروضه وخالتها رفيعه ) حست بتعب كانت نوره يالسه حذالها المها : نوره نوره وبابتسامه : آمريني المها : ممكن اروح عند هيا نوره : اكيد وقفت ووقفت وياها المها محد علق والمها حتى ما تكلمت راحت فوق ونوره ساندتنها نوره وبحزن : هي هني فالغرفة تراها ما ظهرت من الغرفة ابدا انا بنزل لو بغيتي اي شي ازقريني المها : مشكوره .. نزلت نوره فتحت المها الباب شافت اختها على السرير والمصحف باييدها يوم رفعت هيا راسها وشافت اختها كانت مصدومه وبنفس الوقت فرحانه سكرت المصحف وبسرعه ركضت لها حضنتها بالقو وانفجرت صياح وعلى كثر ما حاولت المها تمسك عمرها الا اناها ما قدرت قامت اتصيح وياها هيا : راا..حت وخ..لتنااااا المها وهي اتصيح : ما يصيير يا هيا نحن لازم انكون اقوى عن جيه هذا قضاء وقدر لازم يكون ايمانه قوييي .. كانت اتحاول اتخفف عن هيا بس مب قادره اتخفف عن عمرها صاحوا فحضن بعض لوقت طويل كان بالدقايق او بالساعات ما يدرون بس جنه حضنهم لبعض كان شفاء للالم الي فقلوبهم .. لانهم حاسين في بعض وحاسين بمعنى فقد الأم.. ________________ الي فالصاله قاموا يستأذنون الا البنات فكانوا مع بعض وروضه الي ما تعودوا عليها الا انها شاركتهم اليلسه الريم : اتحسون لو زقرنا المها وهيا بيون ييلسون ويانا نوره : ما عليه ريوم اصبري عليهم .. هم لما بيشوفون عمرهم مرتاحات بيون رواحهم .. بعد شهر وااحد سريع على حد وبطيئ على ناس .. يوم الجمعة الساعة 6 الصبح المها : هيونه هيا : هلا ! المها : قومي اتلبسي بوديج مكان .. هيا بصدمه : الحين المها : هيه يلا .. هيا هزت راسها باستغراب والمها ظهرت من الغرفة .. نزلت شافت أحمد وعاشة يتريقون ! المها : صباح الخير أحمد بابتسامة مستانس لانها نزلت : صباح النور عاشه : صباح الخير حبيبتي .. أحمد : تعالي أمي اتريقي المها بابتسامه : مشكور خالي .. انا بس بغيت اخبرك انه انا وهيا بنطلع أحمد بصدمة : الحيييين !!! المها وبأمل : هييه ما بنطول أحمد ما حب الفكره ابدا بس شافها كيف متأمله موافقته وهو حزنان على حالهم ( اذا الطلعة بتخفف عنكم اتوكلوا ) : سيروا ما عليه بس اتحملوا بعامركم ولا تتأخرون المها : إن شاءالله .. سارت فوق اتلبست ونزلت بسرعة ويا هيا ومن ركبوا السيارة هيا : مهاوي وين بنروح المها بابتسامه : مكااان هيا : ادري مكان بس وين المها : اصبري .. بعد ما تحركوا نزلت منال وشافت امها وابوها سلمت عليهم .. عاشه : غريبه منول اليوم صاحية من وقت منال: هيه البارحة راقدة من وقت ولا شو ويكند واقوم من بدري ليش أحمد : عيل اكم مهاوي وهيا من الصبح ينشون منال ( بدييينا عاد بهالسوالف ) من ورى خاطرها : هههه زين زين عيل وينهم ما اشوفهم عاشة : ظهروا منال ( ظهروا !!) : اهــاااا واااايد زين .. هيا وهي اتشوف المكان : الله البحر !! المها : هييييه شو رايج هيا : جنااان يلا يلا خلينا ننزل المها وهي مستانسة لوناسة اختهااا من اتوفت امهم ما شافتها مبتسمه : ههههههه انزين اصبري خليني ابركن بعد ما نزلوا وهم يالسات على الرمل : مهاااوي البحرر وااايد حلوو شوفيه المها وهيه بدت تسرح : همممم " المها : زيودي احس البحر يشبهك ! زايد : ههههههههههه كيف بعد يشبهني المها : لا تضحك والله يشبهك زايد : انزين وفشو يشبهني المها : شوفه كيف وسيع مثل قلبك .. الناس تاخذ منه بس ما تعطيه زايد : بس البحر ماله امان المها : مش كذا .. الي واثق من نفسه بس هو الي لازم يقرب منه زايد وبابتسامه : عشان جيه انتي قريبه مني المها وهي تبتسم : اييه واثقه منك وواثقه انك ما راح اتأذيني ! زايد وهو يشوف فوق : انزين شوفي فوق المها وهي ترفع راسها.. زايد : شوفي الشمس .. تشبهين الشمس فشروقها وفزت مره وحده على صوت هيا : بسم الله وين رحتي المها : لا وياج وياج هيا : مبين المها وبتردد : هياا هيا : نعم ! المها ( مول مش وقته اسكت احسن ) : لا لا خلاص هيا : قوليي المها وبسرعه : زااايد هيا وباستغراب : زاايد ؟! اشفيه المها : شو يعني لج ! هيا اتحس انه في شي : زايد الحين حاله من حال منصور، سيف ؟! عادي ولد خالي !! المها بصدمه : بس كنتي اتحبينه هيا : أناااا ؟!! ليش انا فعمري قلتلج احبه المها : لا مش جيه بس انتي كنتي .. يعني ما ادري دايما كنتي تطرينه هيا : يمكن طريته ! يمكن كنت اميل له ويمكن !! بس زايد يحب منال مب هيا ليش اعلق عمري فوهم .. اتعرفين من قلتي لي انه يحب منال صار ما يطري على بالي، زايد خلاص ما قمت افكر فيه.. بسهوله طلعته من بالي لانه فعمري ما حبيته المها بحزن : هيه ! هيا وباستغراب على حزن المها وفبالها انه المها زعلانه عليها : اتعرفين لما اذكر اني كنت استانس لاني شفته اضحك على عمري .. والله مهاوي الحين ما احس باي شي صوبه ! المها ابتسمت : والله ! هيا وهي تبتسم : والله المها وهي تنتبه انه فونها مش وياها : ااووه هياا فوني فالسياره بروح اييبه هيا : اوكي .. قامت المها ومشت وهي سرحانه وفبالها زايد .. الي كان واقف ما صدق تمت بروحها .. هيا وهي اتحس بحد يلس صوبها وهي موجهه نظرها للبحر وهي اتصد يمينها : مسرع ما يي**** وانصدمت بالي يالس حذالها شهقت شهقه ***** : صباح الحلووين ظهرت منها شهقه ثانية لكن مشش من الي سمعته من يوم يت عينها على الي واقف يصور .. يمكن يوم كانت اتشوف البحر ما كانت اتبين بس لما صدت عينها يت على كيمرة الفون ما عرفت شو اتسوي مش قادره توقف اتحس ريلها ما اتشلها ويوم بغت تتحرك على ورى مسك ايدها وبكل وقاحة : وييين !!! من الخوف ما رامت تتحرك سحبت اييدها بالقوو وصرخت : بعععععععععد صدت بسرعة ( هذاا صوتهااا ) وانصدمت بالي شافته كانت خلاص بتوصل للسيارة ركضت بسرعة ومسكت اختها ووقفتها كانت مصدومه ما اتعرف كييف تتصرف الحين واقفه ومجابلتنه ويه بويه ( انزين شو اتقول ) تبا اتهزئ تبا اتصرخ بس لسانها انربط وهيه اتشوفه مبتسم بوقاحه ولا جنه سوى شي ومره وحده انفجرت فويهه : يا وقحححح يللليييي ما تخاااف ربككك .. كانت بتكمل لكن انتبهت على هيا الي اتشد اييدها فهمت انها تبا اتسير مشوا بسرعه .. ركبوا السيارة وهو للحين واقف مكانه حمدت ربها انه ما لحقهم .. كانت تبا اتعرف اي وحده سيارته عسب تاخذ الرقم وتبلغ بس ما عرفت لانهم كانوا كم سياره .. هيا كانت اتصيح المها واتحاول تمسك عمرها : هياا لا اتسوييين جيييه فعمرج خلييه يولي .. حسبي الله ونعم الوكيل عليه حسبي الله هيا وهي اتصييح : مهاااوي صورنييي صورنييي !!!! المها بصدمه : منووووه !!!! هيا وهي اتصيح اكثر : اليي ويااااه !!! المها ما عرفت شو تقول ما تبا تنفعل اكثر عشان هيا لا تتأثر : خلييه يولييي اكيييد مش وااضح هياا : شو الييي مشش واااضح بيفضحني !!! |
|
| |
| |
|
04-25-2014, 08:49 PM
| رقم المشاركة : [ 3 ] |
| عضو جديد | تابع الجزء العاشر
__DEFINE_LIKE_SHARE__
المها وخلاص حاسه بدومعها بتنزل بس ما تبا اتكون ضعيفه لازم اتكون اقوى : حسبي الله عليييه بسس هياا لا اتصييحيين دخيييلج هيا واتحس بالقهر والظلم والخوف ما تبا للحظه اتفكر شو بيصصير باجر : مهاوي بنفضح المها بعصبيه : بسسس ي هيااا من هالكلمه بسسس الله فوق !! ولو ترا انا كنت واقفه حذالج .. خلااص يا هيا لا اتسويين جييه وبعدين انتي ما سويتي شي يغلط يوللييي هيا وهي تكتم الي فيها صدت صوب الجامه وهيه اتصيح بس اتحاول ما اتظهر صوت .. اما المها ( كله مني اناااا كله مني لو بس ما طلعنا من البيت لو ما خليتها ورحت اناااا مبب زييينه مببب زييينه بدل ماا اخففف علييها ازيييدهااا )) ****** : عطني الفون كان يشوف الفيديو وهو مبتسم صح ما كان شكلها واضح فالفيديو بس يذكر مالمحها عدل وكيف بينسى وهي كانت قريبه منه لدرجه فضيعه ( يخرب بيتها محلاها ) كان الفيديو مصور ففونه لانه عطى الي وياه فونه يوم يكون شي يخصه يحب انه يكمل الموضوع وهو يخصه وبس حتى لو كان تصوير يباه عنده .. وصلوا البيت الساعه 8 كانت الصاله فاضيه راحوا الغرفة بهدوء هيا عقت عباتها وعلى طول انسدحت على السرير اما المها فظهرت فالصاله وكانت فاضيه يلست وهيه سرحانه وتلوم نفسها فكل شي .. في مكان ثاني كانت متعوده اتقوم الصبح خاصة يوم الجمعه لان امها ما اتحب الرقاد . كانت يالسه ويا امها واتحس من نظرات امها في شي ومره وحده وبدون اي مقدمات : بيت عمج سعيد تنسينه فتحت عيونها على وسعهن انصدمت ما اتوقعت امها تييب الطاري بعد تقريبا اكثر من شهر اتحرت انها نست وما اتوقعت ابداً هذا القرار ( كيف يعني ما اسير بيت عمي ) وبصدمه : بس امييه ! خديجه وبنظره اتخوف : جب ولا كلمه ربينا وتعبنا وآخر شي سواد ويه شما تبا اتبرر او اي شي هيه تدري انه الموقف الي كانوا فيه وايد غلط بس لازم اتبرر : اميييه ان*** شافت امها وقفت ويد صوبها وما حست الا بكف حست قلبها بيوقف اول مره في حياتها كلها تنضرب ومن منو امهااا !! ما كانت اتحس بويع الضربه كثر النغزه الي فقلبها .. مصدومه لآخر درجه خديجه كان مبين عليها الجمود : يبالج تربيه من اول يديد .. ما يبتيلي غير سواد الويه قومي انجلعي هناااك ! شما وقفت بهدوء فضيع مشت لين غرفتها سكرت الباب وقفلته يلست بعدها على السرير مدت ايدها وحطتها على شفايفها لكن هالشي ما منع الشهقه الي ظهرت منها وقامت اتصييح بقهر ما اتوقعت امها جيه بتسوي محتاااجه لحدد شلت فونها .. : هلاااااااااااااااا والله شما وبصياح : ريمييي الريم وبشهقه : شماااا يااا عمرييي اشفيييييييج !!! شما وهي اتزييد فصيااااحهااا : ريييييميييي اميييي امييي ضربتنييي اتخيليييي !!! إلى هنا سأكتفي، أشكر كل من يقرا روايتي وأنتظر ردودكم و توقعاتكم |
|
| |
| |
|
04-25-2014, 09:58 PM
| رقم المشاركة : [ 4 ] |
| عضو جديد  | البارتت ححلوو ححرام ام ششمة ليش ججي تفهم غغلط ، م تستاهل ششموهه فيني فضضول ابيي اعرف منو الي صورر مها و هيونه ، احسسهم بينشرونن الفيديو و الصورر وبسس ف انتظاررجج __DEFINE_LIKE_SHARE__ |
|
| |
| |
|
04-26-2014, 12:04 AM
| رقم المشاركة : [ 5 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى مدري ليه انت بذات حبيتك ؟! | روح مغليكـ | استراحة قصص وابداعات الاعضاء | 8 | 01-18-2013 04:22 PM |
| قصة خيالية : ⌡ جلسـآت نفسيه ..~ روايتي الأولى | al-3nedh | قصص و روايات | 1 | 07-08-2012 09:21 PM |
| مشاركـ : روايتي الأولى:قلبي أنا ما أستغنى عنك | أسيرة الحنان | استراحة قصص وابداعات الاعضاء | 8 | 04-12-2012 11:48 AM |
| قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
الساعة الآن 01:57 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227