روايتي الأولى/ أنا غيرك ما هويت - الصفحة 14

3la Hoonk · 05-13-2014, 04:29 PM

مممواازز وييينجججج !!! __DEFINE_LIKE_SHARE__

MozaRashid · 05-14-2014, 11:51 AM

المشاركة الأصلية كتبت بواسطة 3la hoonk

مممواازز وييينجججج !!!

[align=center]
أعتذر حبيبتي كنت وايد مشغوله هالأيام ..
[/align] __DEFINE_LIKE_SHARE__

MozaRashid · 05-14-2014, 12:15 PM

الجزء الثاني والعشرون
الساعه 2 ونص الظهر ..
الوعد وهي اتكلم شوق وهيا : يلا خلصوا بسرعه ثاني الحين بيرجع من الدوام ..
هيا شافت شوق بمعنى ثاني ؟؟؟: نحن اشدخلنا في ثاني
الوعد : بنروح مع ثاني
شوق : لا لا ما نبا ويا ثاني
الوعد باستغراب : لييه ؟؟
شوق : بس جييه
الوعد : مايد ومنار فليل بيون !! يعني مع منو بتسيرون .. ( اتجنبت تطري حمددد )
هيا فهمت انه لو مب مع ثاني يعني مع حمد لان اعمامهم كلهم ساروا مع حريمهم واليهال .. ( اهون علي اسسير مع ثاني واتحمله ولا اجرح شوق اكثر )
هيا وهي اتخلي عمرها طبيعيه عن الوعد اتشك بشي : خلاص خلاص مب مشكله انسير ويا ثاني .. شو رايج شوق
شافت نظرة امتنان من شوق : هيه زيين ..
وعلى الساعه 3 كانو بيطلعون ..
فسيارة ثاني .. ثاني يسوق والوعد جدام ..
شوق وهيا والمها ورا ..
فسيارة حمد .. حمد يسوق وشهد جدام .. واسما وسلطان ووحميد ورا .. ومريم سارت قبل مع امها ..
حمد كان وايد مقهور .. ان شوق ما يت وياه طبعاً كان متوقع الشيء .. اما ثاني فكان عكس حمد كان متشقق من الوناسه لانه كل شوي يقدر يشوف هيا ..
طول الدرب كانت تسمع سوالف ثاني ويا الوعد .. هيا .. ( الي يسمعه يقول هذا واحد طيب وزيين.. مالت عليه بس )
على انها كانت مقهوره من وجوده الا انها كانت منجذبه لاسلوبه .. وفنص الدرب ..
ثاني وبابتسامه : بنات تبون المحطه ؟؟!!
كلهم سكتوا .. المها كانت مستحيه منه وفنفس الوقت مب مرتاحه لانه تذكره عدل وتذكر الي سواه وشوق بعد امه هيا فطبعاً اتحاول تتجاهله ..
حس انهم مستحيات : يلا بنات لا تستحون قولوا قبل لا اطوف المحطه ..
الوعد : يلا يا بنات !!
المها كانت عطشانه وشوق كانت متملله من الدرب
شوق : عادي ..
ثاني : خلاص انسير عشان شوقه ..
شوق ضحكت على الاسم : ههههههه ..
هيا شافتها بنظره ..
ثاني وهو يرمس بالفون : حمددد .. انا بوقف عند المحطه ..
حمد : شو بتعبي بترول!
ثاني : لا يبون المحطه !
حمد وباستفسار : منو ؟؟
ثاني حس انه يبا يعرف اذا شوق بس ثاني ما حب يقوله : منو بعد البنات !
شوق حست انه حمد سأل وحست بالامتنان لانه ثاني ما قال له عنها اي شي..
حمد : شو انت ما ناخذ منك لا حق ولا باطل ..
ثاني ضحك : ههههههههههههههه ..
هيا وبقهر ( الله يغرب.. وقبل لا اتكمل دعوتها اتداركت نفسها .. أستغفر الله أستغفر الله )
حمد : يلا انزييين .. اجلب ويهك ..
ثاني : افااااا .. ما عليه ما عليه مقبوله منك
حمد : هههههههههههههه .. يلا يلا فمان الله
ثاني : فمان الله ..
حمد : شهووده تبين المحطه !!
شهد : هيييه ابيي ..
وعند المحطه ..
ثاني : يلا آمروا شو تبون ..
هيا ( مالت علييك بس يالكريييه )
الوعد : اناا اباا فرييز وفيريرو وابا جبس سفاري ..
ثاني اتعمد يصد ورا .. يت عينه فعين هيا الي صدت بسرعه ( محلاها )
وبابتسامه : ها بنات وانتو؟
شوق : عادي لو نزلت ..
ثاني شاف المحطه كانت فاضيه : يلا انزين تعالي .. ونزل ..
شوق : ها بسرعه شو تبون ؟؟!!
المها : انا ابغي اورنامين سي .. وجبسس وماي
هيا : انا ييبيلي شراتج ..
شوق : اوكيي .. ونزلت ..
مشت حذال ثاني الي قال : حيا الله بشوقه ..
شوق : هههههه الله يحييك ..
كانت تاخذ وثاني يتطالعها حس انه مب حق عمرها بسس .. ابتسم ..
شوق : ثاني ..
ثاني : آمري
شوق ما تدري كيف اتجرأت وقالت : هياا وايد مقهوره منك ..
ثاني انصدم وبينت على وييه الصدمه واتمنى انه شوق ما اتعرف عن شي: لييش !!
شوق : لا تستهبل علي الحين
ثاني : انزين انا غلطت .. واباها اتسامحني
شوق : توه الناس ..
ثاني وو يبتسم : شو رايج اتساعديني
شوق : وليش اساعدك
ثاني : افاا انااا ولد عمج بحسبة اخوووج .. ما تبين اتساعديني ..
هيا كانت اتشوف انه شوق اتسولف ويا ثاني واايد انقهرت ..
اما حمد فكان توه واصل المحطه .. وسالهم شو يبون ونزل ..
شوق : خلاص خلاص بساعدك ..
ثاني بمزح : افدااا هالويه اناا
شوق انحرجت وضحكت بصوت عالي بدون قصد : ههههههههههههههههههههه
حمد التفت على الصوت بسرعه لان المحطه كانت فاضيه .. وهو ما انتبه علييهااا الا من سمع الصوت ..
ثاني انتبه على حمد : شوق خلصتيي ..
شوق : هيييه ..
ثاني : يلا انزين عطيني الاغراض وسيري السياره
شوق : اوكي .. ومن صدت انتبهت على حمد اتجاهلته وطلعت بسرعه ..
فهمت ليش ثاني قاللها سيري .. اتحس هالانسان طيب واتحس بالامتنان له .. ومن سارت السياره .. هيا وبصوت واطي : اشوفج سوالف ويا الاخ ..
شوق : لاا وييين ؟؟؟
هيا شافتها بنظره وسكتت ..
وفالمحطه
حمد وبعصبيه: ليييش نزلللت ؟؟؟
ثاني وهو يسوي عمره ما يعرف : شوو !!
حمد : لا تيلس تستهبل علي شووق ليش نزلت ..
ثاني : وشو فيها لو نزلت ..
حمد : لا والله ..
ثاني : انا شفت انه المحطه فاضيه .. ولا اكيد ما كنت بخليها تنزل
كان يبين انه حمد معصب والوعد كانت منتبهه عليه وكلهم انتبهوا لانه سيارة ثاني كانت موقفه فالباركنق الي يعني مجابل المحطه يعني يبين الي فالمحطه وخصوصا وين حمد وثاني واقفين .. اما سيارة حمد فكانت بعيده شوي
حمد وبعصبيه : ثاني شوق ما تتحرك بدون شوري !
ثاني : ياخيي هددد .. انت ليش معصب ما حصل الا الخير ..
شوق حست انه معصب علشان هيه نزلت غمضها ثاني هو ماله دخل يعنيي .. واذا يباها اتساعده اذا كان اول مقتنعه مره فالحين عشر .. حتى هيا حست بانه حمد معصب من هالسالفه حست للحظات بانه ثاني طيب بس بعدت هالافكار بسرعه من راسها ..
حمد : ويين نلقى الخخيير وشووق فالسالفه ويين !! ولف عنه وهو معصب ..
ثاني ما حب يناقشه اكثر وخصوصاً وهو معصب فسار حاسب وطلع ..
فالسياره ..
هيا ما كانت قادره تاكل شي اتحس انه ثاني يتاطلعها .. وفعلاً كان كل دقيقه والثانيه ثاني يشوفها من المنظره ..
فالمزرعه .. بعد ما الكل استقر ..
كانت فلة المزرعه كبيره بس مش لهاك الزود يعني هم عددهم وايد على البيت .. البيت كانت فيه سبع غرف بس
فغرفة لابو ثاني وام ثاني
وغرفه لابو حمد وام حمد ومريم
وحرمة بو شوق ما يت .. فكانت غرفه له هو ولمروان ..
وغرفة لابو سلطان وام سلطان ..
وغرفة لمايد ومنار
وغرفة .. المها وهيا وشوق والوعد
وغرفة لشهد واسماء وغاية ووياهم يدتهم ..
والميلس لبقية للشباب ..
وبعد ما وصلو المزرعة والكل استقر ..
وعلى الساعة خمس .. فالمسبح ..
الوعد والمها .. وغايه كانوا يسبحون ..
اما شوق فواقفه تتطالعهم وحذالها هيا .. بس كانوا واقفين صوب العميق مش الماي العادي يعني ..
هيا : يلا شوق خلينا نسبح
شوق : لا لا لا .. مستحيلل اناا اخاف ..
هيا : شو اتخافين الماي هناك مش وايد عمييق تعالي بنسير
شوق وبخوف : سيري انتي انا ما اباا ..
اسما : شهوود شو فييج اشحقه تضحكيين
شهد وبخبث : شوفي شو بسويي ..
هيا : لا تستهبلين انا ماا بسير بدونج .. تعالي يلا كلنا وياج وهناك الماي مب شرا هالصوب ..
شوق وهي اتفكر وما قدرت تتخذ قرار لان الي استوى كان عكس توقعات الكل ..
هيا وهي تطالع شوق تترياها تقرر .. وبينما كانت غايه تستعبط واتسوي حركات هبله والمها والوعد يضحكون عليها .. ما حست شوق الا باحد يدزها فالحوض بالقو ..
صرخت شوق وهيا وياها .. اما المها شهقت وهي اتحط ايدها على فمهاا .. هيا شافت شوق خلاص جنها بتغرق .. وهي ما اتعرف تسبح وحتى هيا مش لهاك الزود يعني وهذا الصوب عميق اما الوعد فكانت بعيد وبغت اتسير صوب شوق .. بس حست انه ريلها اتجمدت .. غايه كانت للحين مب مستوعبه
اما اسماء فشهقت ما اتوقعت شهد اتسوي جييه .. ولاول مره اسما تحتقرها .. شهد ما يا في بالها انه شوق ما اتعرف تسبح ..
هيا ما قدرت اتفكر اكثر وما حست الي وهي تنط فالماي ..
هيا حاولت تمسك شوق .. وبالموت قدرت .. بس بعد ما مسكتها بغت تسبح وما قدرت ..
واشوي والمها وصلت عندهم وهي اتحاول اتطلع شوق الي هيا ماسكتنها ..
من ظهروها من الماي .. شهد من الخوف ركضت برع المسبح ووياها اسماء ..
اما شوق فسدحوها على الارض .. وهيا يالسه حذالها والمها اما الوعد وغايه ساروا صوبها بس ما ظهروا من الماي ..
هيا وهي اتصيح بخوف : شووق شوووق تسمعييني ..
شوق ما كانت مستوعبه انه هيه طلعت من الماي كانت تسمع صوت هيا .. واشوي وبدت تفتح عينها وما حست الا بهيا تحضنهاا ..
والمها اتقوول : حبييبتييييييي .. انتييي بخييير ..
شوق يلست بصعوبه .. وقالت لهيا وقفيني .. هيا وقفتها ووقفت معاها .. شوق سارت صوب ما كانت فاتحه شيلتها حطتها على شعرها وطلعت ..
الوعد شهقت وهي تتخيل شوق شو بتسوي : هيااا دخيييلج الحقيييهااا ..
هيا شافت عمرها كيف مخترسه بس طبعاً ما كان شي وقت اتفكر بشي حطت شيلتها وركضت برع .. ووهي اتحاول توصل لشوق الي ماكانت تركض بس كانت تمشي بسرعه .. وهيي معصبببه ..
هياا : شوووق .. شوووق لحظههه ويين سااايره ..
شوق وبعصبيه : بذبحهااا بذبحهااا .. بتمووت على اييدييي ..
هيا وبخوف وهي اتحاول تمسكهااا : شوووق اترييي لحظههه .. شوووق
وفنفس هذا الوقت كله عند شهد .. الي كانت تدري انه حمد يلعب مع ثاني وحميد وسلطان .. سارت بسرعه ورا الفله مكان ملعب الطايره والكوره وعند حمد .. وكان مبين على شكلها انهااا خاايفه ..
حمدد : شههووود شوو فيييج
شهدد بخوووف : ولااا شيي ..
حمدد : عليي انااا .. قوولي اشفييج ..
شهدد وفجع واضح على شكلهاا : هااا .. لاا م..ممااشي
حمد شافها بنظره وصد على اسما : اسمااا ارمسيي شو مستوي
شووق دخلت الصااله وشافت جدامها الخدامه سألتها : وييين حمددد
الخدامه : ما في داخل .. كلوا برع داخل حديقه ..
فهمت انها تقصد الملعب لان ما في حديقه فالمزرعة ..
هيا : شووق اشتبيين فحمدد
اما شوق فكانت متأكده 100% ان شهد سارت عند حمد
شهد كانت واقفه مجابله حمد وشوق يت وراها .. حمد وهو يسأل شهد ما انتبه فالبداية على شوق بس عقب انتبه .. ويوم اتقربت انتبه على شكلها المخترس .. واستغرب اكثر يوم شاف هيا وياها بس ما قدر يستوعب شي لين ما شاف شوق تمسك شهد من شعرها الي لفت بسرعه عليها من الفزعه وعلى صدمة هيا واسماء وعصبية حمدد الي الشرار كان يظهر من عينه وصرخ بالقو : شووووووووووق
بس شوق ولا جنه يرمسها ومشعتها بالقو .. حمد مسكها وهو يبعدها عن شهد الي كانت اتصييح من الخوفف .. وشووق اتصرخ وما كان ينفهم شي من كلامها غيرر : بذبحهااااا ..
حمد كان ماسك شوق يعني واقف وراها وظهرها على صدره وماسكنها وشوق كانت منهاره ومعصببه واشوي واتصيييح من القهرر : الله ياااخذججج .. والله لاراااوييييج والله لتشووفيييين .. يااا حقيييررررره
حمد والي كان نادر يعصب على شهد هالمره عصب عليها شهدد لانه كان يدري انه شهد اكييد مسويه شي ولا ماكانت بتي وهي خايفه : شهههههددد
شهد وقفت صياح بخوف وهي تطالع حمد ..
وثاني اتقرب يشوف شو السالفه ..
حمدد : شوو مسويييه ..
شوق كانت تتنفس بعصبيه وقهر وحمد ماسكنها بالقو ويحس بانفاسها وكيف معصبه ..
شهد وبخووف : ولااا شيي
هيا : صدق انج ما تستحين .. وبعد تجذبين
حمد شاف اسما بمعنى شو مسويه ؟؟
اسما بخوف من حمد : دزت شوق فالمسبح .. وبعد صوب العميق.. ووشووق ككااانت .. كااانت بتغغررقق ..
شوق وبعصبييه وهي اتصررخ على شههدد : انتيييي حيواااانه شووو حيواااانه .. انااا ماا ااعرففف اسبببح مااا اعرففف .. كنتييي يتذبحنيييييي ..
حمد اول مره يدري انه شوق ما اتعرف اتسببح ( ما اتعرف تسببح كاانت بتغرق لو استوى فيها شي !! انا شو بسوييي )
شوق وعقب استوعبت انه حمد ماسكنها وبعصبيه : وااانتتت وخخررر عنييييي .. فجنييييي خلنيي ااادبهااااا ..
حمد وهو مب عارف يوقف ويا منو : بسسس .. لا اتصرخييين ..
شهددد تعاللي اتاسفي من شوقق ..
شوق بسرعه صدت على حمد لانه كان مرخي اييده .. يعني استوت مجابلتنه بس واايد قريبه منه شافته بنظره يمعني من صدقك ؟!
وردت اتصد على شهد بعصبيه ويت بتتجدم بس حمد رجع يمسكهااا ..
شهد اتجدمت خطوه .. بس وقفت من صرخت شوق : لا تييين صووبي .. واننت وخر عنييي ..
حمدد : بهدج وبتسيرين داخل على طوللل
شووق : وخرر عنييي مب عليي كييفك ... حمد مسكها ومشاها وياه وهي تصرخ يهدها لانه كان يدري لو هدها اكييد ما بتخلي شههد
ثاني تم يتطالع هيا الي شكلها معصبه بعد وويها احمر ..
وقال بصوت واطي وهو واقف حذال هيا : ريلاكس ..
هيا صدت وشافته بنظره وردت اتصد على شهد وبعصبيه : انتي تدرين شيبالج .. يباالج كففف ...
ثاني كان مبلم يتطالعها يرسم ملامحمها رسم يشوفها من راسها لريولها بس من سمع جملتها حس انه بيضحك فابتسم وهو يحاول يخفي ضحكته ..
واشوي وشاف الوعد والمها وغايه يايين ..
الوعد وبخوف : وشش صااار ..
غايه بعصبيه : شهدووو يا حماااره لازم حد يصفعج انتي ..
المها وبعد كانت معصبه منها : انتي تتحرين عمرج ياااهل !!!!
الوعد : اييه والله شهد وبعدين معاااك .. اشووفك قربي منها مره ثانيه .. ويين رااحت الحيين ..
اسما : مع حمدد ..
الوعد وباستغراب : هااه !!
عند شوق وحمد كان ماسك شوق وهي معصبه تباه يوخر عنها .. ومن ساروا فوق ..
كان الكل فالصاله .. وكلهم يشوفونهم باستغراب كيف شوق معصبه وحمد ماسكنها ..
جمال ابو شوق : شوو صاايبنكم !!!
شوق من سمعته يرمس صدت علييه وعطته نظره .. وردت تمشي وحمد للحين ماسك اييدها
وكل الي فالصاله قام يخمن ويتوقع شو مستوي ..
ولما وصلوا للكوريدور الي فيه غرفتين ودايماً معروفين انهم غرف البنات ..
حمد : ويين غرففتج !!
شوقق بعصبيه : انتت ماللك شغغلل .. خلاص وخر عني ..
حمد : هيه انتي ياهل بهدج وبتسيرين عند شهود ..
شوق انقهرت اكثثر مب مخلنها اتسسير عندها هي للحين ما طلعت حرتها : ما يخصصصك فيينيي انتت مااا يخصصصك ..
حمد وبعصبيه : شوووق اي وحده غرفتج .. ماردت علييه .. فتح الباب الي كان على الييميين .. وشاف شنطة شهد على الارض فدرى انه مستحيل شوق فهالغرفة سكر الباب وفتح باب الغرفة الثانيه .. ودخل شوق ..
شوق وبعصبيه : خلاااص يلااا روحححح !!!
حمد ابتسم بخبث : اسيير !!
شوق : هيييه شو تبييي رووح خلاااص ..
حمد : تبيني اقفل علييج البابب ..
شوق وبعصبيه : فعييينك
حمد : ههههههههههههه عيل انا يايبنج لين هنا حق شوه .. علشان اطلع وتطلعين وراي .. ما سويت شي عيل
شوق : انت ليش ما تخليينيي ااادب اختتتك !! لييشش
حمد وهو يتقرب منها ويمسك ذقنها ويرفع راسها وبصوت اقرب للهمس : انتي بروحج يبالج تأدييب
شوق عضت شفايفها بقهر وقالت : طلقنيي !!
حمد غمض عينه ورجع يفتحها يبا يستوعب شو قالت ومره وحده انفجر : هههههههههههههههههههههههههههههههههههههههههههههههههه هههههههههههههههههههههههههههههههههههه
شوق خلاص حسسست بتصييح وما تباا اتصييح جدااامه : انتتت حقييييييير !!
حمد وبعصبيه : لا يا شوقي ما اتفقنا على جيييه !! وخر عنها .. واتجه للباب حست براااحه وانها الحين يتقدر اتصييح واتظهر الي فخاطرها بس انصدمت لما شافته يقفل الباب ..
وقفت مكانها بخووف وهي ترمش بعينها بخوف وحمد متساند على الباب ومبتسم ..
شوق وبخوف : اننننت ليش ما تطلع ؟؟
حمد وبخبث : تبيينيي اطللع !!!
شوق راحت حذال شنطتها بخوفف تبغي اتظهرلها ملاابس ببس ما قدرت اييدها ترجف وحمد منتبه عليها كييف خايفه .. خذت الشنطه كلها وهي تمشي صوب الحمام بخووف .. سكرت الباب وقفلته بسرعه .. وعلى طول يلست على الارض وهي اتحط ايدها على فمها ( هييين ياا شهدددد هييين ما اكوون شوق ان ما خلييتج تندميين وهذا حمد على باله خايفه منه .. ينجلع لو يبات فالغرفه ما سويتله سالفه .. وقامت تسبح )
حمد وهو يالس على السرير مبتسم بخبث ويترياها تطلع ..
شوق من خلصت لبست دريس قطن طويل بس كت وماسك على الجسم .. وهي يايبه معاه جاكيت .. بس ما لبسته .. وقفت عند المنظره وهي اتشوف عمرها.. ( انا اادبك يا حمد ) شافت عمرها فالمنظره .. شعرها الخرسان والمفتوح .. وويها صافي .. خذت طوق من شنطتها ورفعت قصتها فيه وخذت لوشن حطته على ويهها والمرطب .. وطلعت من الحمااام .. شافت حمد يالس على السرير .. اول ما شافها بلمم .. اما هيه فشافته من فوق لتحت ومشت وسارت اتظهر الاستشوار .. يلست على السرير وشغلت الاستشوار .. وحمد بسس مبللمم وهو يشوف شكلها ..
ومن خلصت : خير لين متى بتم هنا ..
حمد : الا مب جنه لسانج طولان ..
شوق وهي تبتسم .. مما خلا حمد يتخبل على ابتسامتها
شوق وهي بعدها مبتسمه وبدلع : اووه .. وانت اشدخلك
حمد خلاص يحس ما يقدر يتصرف عدل وهي جييه ..
حمد قام من السرير وشوق كل الي فبالها انه بيطلع الحيين ..
بس خافت لما شافته ايي صوب ما اهي يالسه وييلس ..
خلت عمرها عادي وانها مب خايفه .. رفع ايدده وممرها على جتفها .. وقفت شوق بخوف وبعصبيه : ممكن تعطيني المفتاااح ..
حمد وبخبث : يعنيي خاايفه ..
شوق : هه اخاف منك .. ( مبين انك متوتر .. هه والله وطحت فاييدي يا حمد .. انت اتعذبني بطريقه وانا اعرف بطريقه )
حمد : متا راح تتكلميين عدل ..
شوق وهي توقف مجابتلنه وتطوي عمرها .. شافته كيف يشوفها باعجاب واااضح علييه ..
شوق وبدلع : تسأل متى راح اتكلم عدل ..
شاففت حمد وهو كيف يشووفها ويتفحصهااا .. حست بالتوتر بس ما حبت اتبين له شي .. عضت شفايفها بالقووو .. وعقب قالت : لماا ابرد حرتي فاختك .. هذيك الساعه بتشوفني ارمس عدل ..
شافت نظظرته اتغيرت وبعصبيه وقف .. وكل الي فباله انه شوق بتبتعد وهي خايفه .. لكن الي صدمه ووتره انه شوق ما اتحركت لورا بالعكس اتجدمت لين ما لصقت فيه ورفعت راسها وهو منزل راسه عشان يشوفها وغمزت له : شوو حبيبي ما عجبك كلامي ؟!!
حمد وهو متوتر ويحس كل الي فكر فيه انجلب ضده وبدال ما هو يوترها صارت هيه اتوتره ..
شوق ( تبي تلعب معاي يا حمد .. وانا اعرف العب ) بس انصدمت لما حط اييده ورا ظهرها ..
شوق حست بالخوف بس خلت عمرها عادي وابتسمت وهي تعقد حياتها .. بس الي انقذ الموقف دقت الباب ..
هيا : شوووق يلاا فتحيي البااب من ساعه وانا اترياا .. ( لانها دقت الباب كم مره لما شوق كانت تتسبح ومحد رد علييها فاتوقعت انها تتسبح )
شوق وهي تبتعد عن حمد : يلا حبيبتي يايه ..
واشرت على الباب بعينها : عطني المفتاح ..
حمد وبخبث : تتأمريين بعد
شوق : انااا شووق اسوي الي ابييه ..
حمد وبخبث : انزيين يا شوقي وهو يمدلها المفتاح .. شوق خذت المفتاح بغرور ووصلت للباب وهي اتحس انه حمد وراها ولاصق فيها بعد .. دخلت المفتاح فالباب ولما يت اتلفه ما حست الا بحمد يبوس جتفها .. فتحت قفل الباب بسرعه وهي قلبها يدق بسرعه وترتجف من الخوف .. حمد لفها بسرعه وخلاها تتساند على الباب ..
هيا فتحت الباب بس ما قدرت لان شوق كانت متسانده عليه وحمد اييده على الباب ..
هيا عقدت حياتها باستغراب وهي تسمع صوت عند الباب بس ما قدرت تفهم شي ..
حمد وهو يشوف شوق كيف ترتجف ابتسم بخبث : اونج ما اتخافين ..
شوق وهي اتحس انفاسه عند ويهها : وخرر عني البنت تبي تدخل ..
حمد : قبل شوي شو قلتي
شوق وهي تعقد حياتها ما تدري شو يقصد وبتوتر واضح قالت : متى ..
حمد : يوم قلتي تبين المفتاح ..
شوق وبغرور : اييه .. انا شوق اسويي الي ابييه ..
حمد وهو يبتسم بخبث : وانااا حمددد اسويي الي ابااه

نهاية الجزء الثاني والعشرون ..
أعتذر لأني اتأخرت أنتظر توقعاتكم وأشكر كل من يتابعني
__DEFINE_LIKE_SHARE__

يتيمة حبيبي · 05-14-2014, 05:10 PM

البااااااااارت حماسسس واااايد
بيبييي نبي الباارت الي بعداا

بلييييز باسرع وقت ما اقدر اصبر زياداااا __DEFINE_LIKE_SHARE__

3la Hoonk · 05-14-2014, 10:51 PM

الباررتتت ططرر !!

قهررتنني ششهد !

اترياججج لا تتاخرينن __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايتي الأولى مدري ليه انت بذات حبيتك ؟!	روح مغليكـ	استراحة قصص وابداعات الاعضاء	8	01-18-2013 04:22 PM
قصة خيالية : ⌡ جلسـآت نفسيه ..~ روايتي الأولى	al-3nedh	قصص و روايات	1	07-08-2012 09:21 PM
مشاركـ : روايتي الأولى:قلبي أنا ما أستغنى عنك	أسيرة الحنان	استراحة قصص وابداعات الاعضاء	8	04-12-2012 11:48 AM
قصة خيالية : روايتي الأولى:تحياتي لمن دمر حياتي ..	حكاية عشق مجنونه	قصص و روايات	16	12-28-2011 09:41 PM