| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
05-15-2014, 10:48 PM
| رقم المشاركة : [ 71 ] |
| عضو جديد |  شكراً حبيباتي الي رديتوا علي، حماسكم يعطيني دافع على شان أكمل ..
__DEFINE_LIKE_SHARE__
يتيمة حبيبي 3la Hoonk وأشكر كل من يقرا روايتي سواء كان يرد أو لا ..كل الي أتمناه أنه روايتي تكون شي يعجبكم .. |
|
| |
 |
|
05-15-2014, 10:55 PM
| رقم المشاركة : [ 72 ] |
| عضو جديد | الجزء الثالث والعشرون حمد وهو يبتسم بخبث : وانااا حمددد اسويي الي ابااه شوق وبخوف ما عرفت لوين يبا يوصل .. وما حست الا بانفاس حمد تختلط بانفاسها .. وفجأه وخر عنها وشافها مغمضه عيينهاا بالقو .. واول ما وخر فتحتهم .. وويها محمرر مررره وعيوونها مليااانه دمووع .. حمد وبخبث : ههههههههههههههههههههههههههههههههه .. حط اييده على جتفهااا .. وقال : دييريي باللج ياا شووقي .. وبلا اغراءات حطت شوق اييدها على فمها تمنع صوتها يطلع وهي اتشووفه بصدمه .. والدموع فعيينهااا .. حمدد وهو يتقرب منها مره ثانيه ويهمس فاذنها : لا تتشطرييين وتنسييين انيي ريلللج .. عدتت علىى خيير ترا .. ووخر عنها وشافها للحيين مصدوومه : ههههههههههههههههههههههه .. اذا ما ودج اطلع تراا انا ما عندييي مشكللله يااا عسسسسل .. شوق وخرت عن الباب بسرعه وحمد فتح الباب وهو يشوف هيا متسانده على اليدار ولما شافته فتحت عيينها على وسعهن من الصدمه .. شافته مبتسسسسم بكل ثقه .. ومن ابتعد دخلت بسرعه الغرفه وهي اتشوف شووق وااقفه فمكاانها ومبين علييها الخوووف والصددمه .. هيا وبخوف : بسم الله شوووق شوو صاار .. شووق اتقربت من هياا وحضنتها بالقووو .. هيا بخووف من سكوتها : حبييتيي اشفييج .. شووق ( شوو اقوولج يا هياا شووو ) ابتعدت عنها .. : روحي بدلي هيا : شوو سوااالج .. شوق وبخوف : ولاا شي .. هيا وهي مب مصدقه : اكيييد شوق وبخوف: هممم .. هيا حست انها ما تبا اتقول .. فخذت لها ملابس ودخلت الحمام .. عبدالله خلاص تعب من التفكير مب عارف كييف يتصرف .. فكر واايد ومافي في باله غير حل وااحد .. بس ما يدري لو الي يفكر فيه صح او لا !! أحمد : عبدالله .. ياخييي من يلست وانت مب على بعضك .. عبدالله : بوشهاب طلبتك .. أحمد : وما اردك ! تممم .. عبدالله : انا بتزوج .. واباك تشهد أحمد وهو مب مستوعب : تتزوج !! عبدالله : هييه بتزوج .. بس بدون ما اخبر هلي .. أحمد وباستغراب : ليششش !! عبدالله : أحمد دخييلك لا تسألني ليش .. أحمد وباستغراب : بس يا ريال فكر انت شوي .. عبدالله : بوشهاب والي يسلمك .. الي فيني مكفيني .. أحمد : خلاص خلاص لا تتضايق انت الي تباه بيصير عبدالله : وشوف بعد واحد من معارفنا الشباب .. وياك أحمد : إن شاء الله .. عبدالله : يلا عن إذنك .. ونش من الميلس وهو يركب سيارته وما يدري اذا الي يسويه هو الصح .. ولا أكبر غلط بيرتكبه فحياته .. وصل لبيتهم .. دق الجرس .. وانتظر .. فتحتله الباب مثل الحرمه الي شافها مع احزان والظاهر ان هذي امهاا .. يوم شافته شقت الحلج : هلا والله .. هلااا عبدالله وهو مستحقرنها بس يحاول ما يبين : أنتي أم أحزان .. أمها : هييه هييه نعم .. خير الغالي شو بغيت احزان !؟ عبدالله وباستحقار : لا بغيتج انتي ابا اكلمج فموضوع .. أمها : اتفضل اتفضل حياك الله .. دخل عبدالله وراها .. وفالصاله .. ام أحزان : شو تشرب .. عبدالله : ما اريد شي .. انا ما بطول .. أم أحزان : اييه .. عيل اتفضل تكلم .. عبدالله : أنا عبدالله بن عبدالعزيز ******* أم أحزان وباستغراب : ايييه تشرفنا هلا فيك عبدالله وبدون اي مقدمات : أنا ابغي أحزاان بالحلال .. أم أحزان وهي ترفع حواجبه : هاا ؟؟ أحزان من وين لقتك عبدالله شافها بنظره ( الله يغربل هالشكل ) اتجاهل الي قالته وقال : شوقلتي ..؟؟ أم أحزان : كم تدفع ! عبدالله وباستحقار :***** ( المبلغ الفلاني ) أم أحزان وهي تبتسم : هذي الساعه المباركه .. عبدالله : أهلي ما يدرون .. وما اباهم يدرون .. أم أحزان وبدون اهتمام : أنت ريال وتعرف شو تسوي عبدالله : خلاص باجر الصبح اتسير العياده اتسوي تحاليل ومن تظهر النتايج بييب الملاج أم أحزان : ننتظرك .. عبدالله وهو يعطيها نظرة استحقار : فمان الله ام احزان : الله يحفظك .. ومن ظهر من عندهم .. احزان فالغرفة .. تدري انه ريال فالبيت لانها سمعت حس ريال بس ما استوعبت من هذا الشخص وكان شي عادي وجود ريال فبيتهم بس الي استغربت منه لما سمعت امها اتيبب .. طلعت من الغرفه بسرعه .. وشافت امها واقفه اتيبب .. أحزاان : خيير شوو مستوييي !! أم أحزاان : يااانااا عرييييس من ذهببب أحزااان ( قططططع ) وباستهزاء : اوووه بتعرسيين أم أحزان : لا مش لي .. لج انتي أحزان : نعمممممممممممم !!!!!!!!! أم أحزان : بيعيشج أحسن عييشه .. أحزاان : اكيييد وااحد من الزباله الي اتعرفينهم !! أم احزاان وبعصبيه : احترمييييي نفسسسسسسج أحزاان وهي اتصرخ : انتييي مببب علىىى كيييفج اناا ما باخذ واحد من الي انتي تبينهم أم أحزاان : انتيي مينووونهه ولا شووو .. اصلا انا ما اعرف هذا الريال .. ( عقب انتبهت انها شايفتنه مكان ) ولا تعالي هذا مثله ايي والله هذا هو الي شفنااه من يومين أحزاان وبتعجب وصدمه : عبدالله !!!!!!!!!!!!!!!!!! أم أحزان وبخبث : عيييل اتعرفيييينه .. أحزااان دخلت الغرفة وفرت عمرها على السرير بالقو وهي تضحك من الوناااسه ( عبدالله !! ياا عييينييي عبدالله) فلييل .. فالمزرعه الكل برع يشوون وحاطيين اكثر من حصير واحد للريايل واحد للحريم وواحد للبنات وواحد للشبااب .. ومايد ومنار وصلو.. شوق حاولت تتجاهل وجود شهد الوعد وهي يالسه وثاني يكلمها على البي بي ام.. ثاني : وعووودتيي الوعد : عيوونيي ثاني : افدااا هالعيوون اليي اتعذب .. الوعد : ثاني اخلص شو عندك ثاني : افااااا الوعد : يلا ثاني تبي شي ثاني : طلبتج وانتي ما اترديني .. الوعد : على كيفك انت ثاني : قووليي تممم الوعد : اول قولي وش تبي ؟ ثاني : انتي قولي تم الوعد : لا ماني قايله تكلم اشعندك .. ثاني : ويا ويهج الحلو .. ابا اكلم شووق الوعد : نعععمم نعممم ؟؟ ثاني : اباها بسالفة الوعد : تبي حمد يخليج ترد الشارجه مشي .. ثاني ضحك بصوت عالي .. مايد : بلااااااااك .. ثاني : هههههههههههه ولاشي ولاشي .. ثاني وهو يرد على الوعد : لا وعوود فاهمه غلط بيني وبينها سالفه .. الوعد : سالفه ؟؟؟ ثاني : هيه بتتوسطلي عند ناس .. الوعد : والله ما فهمت علييك وش تخربط انت .. ثاني : انتي خليني اكلمها .. الوعد : طيب انتظر بسالها اول .. الوعد : شوااق شوق : هلاا .. الوعد : تعالي عندي اشوي شوق وقفت و سارت صوبها : همم الوعد وهي اتكلمها بصوت واطي : هذا ثاني يبييك يقول بينه وبينك سالفه مدري وش يخربط شوق : هههههههههههههه انزييين الوعد وهي اتمدلها الفون : امسكي بسرعه اخلصي .. شوق : ههههههه انزييين .. خذت الفون شوق : هلا ثاني ثاني : هللا بالزيين كللله شوق : ههههههههه شو تريد ؟؟ ثاني : افاا نسسيتي الاتفاق شوق : لا ما نسيت بس شو تباني اقووللها ثاني : انا بخطب هيا شوق شهقت بصدمه وكل البنات صدوا عليها رجعت تكتب : من صدقققككك ثاني : هيييه .. شوق : مستحييييل توااافق ثاني : مافي شي مستحييل .. انتي اقنعييهااا .. شوق : واذا ما اقتنعت ثاني : لا اتقولين .. إن شاء الله تواافق شوق : خلاص أنا إن شاء الله بكلمها بس اذا ما رضت ؟؟ ثاني : خلاص بتكونين سويتي الي عليج .. وبشكرج .. شوق : متى اكلمهاا .. ؟؟ ثاني : الوقت الي اتشوفينه زين شوق : خلاص اوكي .. ثاني : يلا انزين سوي اند جات قببل لا تعطين وعود الفون شوق : انزين .. يلا باي .. سوت اند جات وعطت الوعد فونها .. مع انه فكرت انه تقدر اتشوف الهيستوري لو تبا بس ما اتوقعت الوعد بتفكر تعرف شو الموضوع وعلى سوالفهم .. شافت شوق مسج على فونها .. شلت الفون .. وفتحت المسج وشهقت من الصدمه وكان : تعالي المييلس انا اتريااج .. صدت شوق بسرعه اتدور حمد بس ما لقته .. عصبت لابعد درجه ( هذا شو يتحرى عمره ؟؟!!!! علىى كييفه .. ) شوق وهي اتدز هيا وتراويها المسج والي كانت ردة فعلها تقريبا مثل شوق وبصدمه قالت : بتسيرين !! شوق وهي تبستم بانتصار : مدري ! هيا : انزين ليش مستانسه !! شوق ضحكت : ههههههه ابدد .. هيا : والله ما يندرى شو وراج شوق وهي اتفكر : طلبتتججج .. هياا : تممم .. شوق : بروح الميلس .. ومن اروح على طول قولي لشهد اني مع حمد هيا وبصدمه : شووووه !!!!!!!!! شووق : دخييييلج ! هياا وباستغراب : بسس ليش شوق : ليش يعني ! عشان تموت من القهر ووقفت ومشت .. هيا حست للحظات انه تصرف شوق طفولي نوعاً ما بس عجبها دخلت شوق الصاله .. وبعدها الميلس فتحت الباب وشافت حمد يالس واول ما دخلت ابتسسم .. وفخاطره ( ما اتوقعت ) حمد وبخبث: سكري الباب واقفليه .. شوق شافته بنظره ما عرف يفسرها .. وومسكت المفتاح ومره قفلته بس رجعت تفتحه .. وحمد ما انتبه والي فباله انها قفلته مرتين .. وتمت واقفه عند الباب .. وفنفس هذا الوقت هيا قامت من مكانها وسارت صوب الحريم لان شهد كانت يالسه عندهم وطت عمرها وشهد استغربت انها يايه صوبها وهمست لشهد : روحي الميلس شوفي اخوج ويا منو !! وقامت وعلى وييها ابتسامة .. وثاني يتطالعها .. شهد من قالت هيا الجمله هذي على طول رفعت عينها اتدور على شوق بشك وقامت من مكانها بسرعه .. حمد وهو يكلم شوق : تعالي .. شوق ابتسمت ومشت لين ما وصلت عنده واختفت ابتسامتها وقالت : خيير ؟ حمد ضحك : هههههههههههههههههههه لييشش يييتيي .. شوق ( هه ليش ييت الحين بتعرف ) وابتسمت وبدلع : ما ادري قلت اكييد ححمدد ولهاان وما يصصير اخلي حبيبي يوله !! حمد شافها باستغراب .. وعقب ابتسم وقال باستهزاء : والله ؟؟ شوق وبكل جرأه يلست فحضنه وقالت بهمس : شووه مش مصدقني ؟؟! حمد وهو يقرب راسه من جتفها وقبل لا يتكلم .. انفتح الباب وماسمع الا شهقه .. شهد ( مستحيييل !!! هوو يكرهههااا هو ما اتزوجهااا الاا عشااانييي .. كييف كييف جيييه ) شوق وبخبث : هههههههههههههههههههههههههههههههه شهد سكرت الباب بالقو وركضت لغرفتها .. اما شوق فوقفت وصدت على حمد وهي اتشووف الشرااار من عيننه .. حست بالخوف بس اتعمدت ما اتبينه وضحكت مره ثانيه : ههههههههههههههههههههههه !! تبي تعلب ؟؟! وانا اعرف العب ومشت بسرعه بس ما قدرت تطلع لان حمد مسكها بالقو .. ولفها له بالقو .. حمد وبعصبيه : مااا نتأدددببب نحننن !!!! ما نتأدب شوق وبغرور : بالاول اختك تتأدب وعقب انااا .. حمد : احترميي نفسج .. شوق وبالم اتحاول تخفييه بالغرور : فجني .. وروح شوف يور بيبي اكييد الحين ميته قهر .. وعادي تذبح عمرهاا .. حمد وهو يدري انه شهد عادي اتكوون فاتحه منااحه الحين : ما علييه ياا شوووقيي حسااابج بعديين شوق وبقهر : هه عادي ما يهمني شو الي بتسوييه .. بتضربني ؟؟! ما راح اتكون اول مره .. ومشت وطلعت عنه .. حمد وهو يتذكر هااك الييوم ( لييش اتذكريينييي ليييشششش ) وغمض عينه بسرعه ورجع لسنه ورى .. شوق .. هالبنت تعجببه .. يعجبه برودها وغرورها .. جمااالهااا .. شكلهااا .. الا انه مستحييل يبين هالشي .. وفوق جييه ما نسى الكف الي لقته اخته من ورااها .. مستحييل يخلي غييره ياخذهااا .. ومستحييل يخلي الكف يعدي .. ولما قرر يخطبهاا .. يذكر ردة فعل شهد .. وكيف انها انصدمت وصاحت واايد .. خبرهاا انه بياخذها .. وبياخذ حقها من شوق .. وهذا الي خلى شهد ترضى .. وعلى هالذكريات .. طلع من الميلس لبرع .. ومن يت عينه على شوق شافها مندمجه وهي اتكلم هيا واتوقع انا اتخبرها الي صار .. وشاف شهد يالسه حذال امها ومبين علييها القهر وانها بس نقطه واتصييح .. كان مبين على شوق انها مستانسه .. هيا ( يارب ريحناا ) المها شافت كيف هيا مندمجه مع شوق والوعد ترمس ويا منار وغاية اتعلق عليهم واسما تشاركهما... حاسه بالغربه وبالوله بالجرح والالم مشتاقه لزاايد لابعد مدى .. اهون كان عندها اهون انه اتكلمه وتنجرح .. ولا انها تبتعد .. مسكت فونها وبدت تكتب .. وبعد دقييقه قرت الي كتبته ومالقت غير ..( أحبك ) .. مسحت المسج بسرعه وفرت الفون .. حست انها بتتهور .. مر الوقت عشا وسوالف وبعدها الكل سار .. الشباب الميلس والبنات غرفهم ويدتهم كانت تعبانه وما تقدر تصعد الدري ففرشولها تحت في غرفة تحت لانها كانت فاضيه ومحد يستخدمها .. شهد وهي منسدحه على الفراش واتكلم اسماء .. اما غايه فماكنت وياهم فالغرفة كانت فالغرفة الثانيه ووقت النوم بتي .. اسماا : شهوود شفييج شهد وبقهر : ولااا شييي .. اسماا : كيف ولا شي شوفي شكلج كيف غادي .. شهد وبعصبيه : جبب يلااا .. عطيني فوني من على الجارج .. اسماا وبقهر من اسلوبها قامت تييب فونها من الجارج ( اناا لييش جييه .. ليش اسوي كل الي تباه ؟؟ ليش ما اقدر اقول لا ؟! اناا اخااف منها صح ؟ انزين لو قلت لا شو راح اتسويي !! لا لا كييف شو راح اتسوي ؟؟ ما راح تعطيني من ملابسها ولا اغراضها .. صح صح انا لازم اسوي الي تبااه علشان استفييد منها .. كلن يمشي ورا مصلحته .. وانا لازم اخذ حمييد منهااا !! بسس كييف .. هو ما يباها بس هيه لاصقه فيه .. هو اكييد يباني انا اصلاً اجمل منهااا .. وبعدي.. ) وفزت على المخده الي يت علييها شهد وبوقاحه : حماااره شووو !!!! اسما وبخوف والي يا فبالها ( شهد عرفت فشو افكر يا ويلي ) : شوو فييج بسم الله شهد : شوفيني ولا انتي الا شوفيج عنبووو سااعه بس وااقفه مكااانج اتحركيي عطيني فوني .. اسما وبخوف : إن شاء الله .. وخذت الفون بسرعه من الجارج وعطته لشهد .. شهد مسكت الفون واتصلت على احد وبدلع ماااصخ ما يلييق على عمرهااا : مرحبااا .. وبهيام مصطنع : يااا هلااااااااا .. شهد وهي تتدلع : ويينك لييش ما دقييتليي ! : ياا عمريي تونيي الا بتصل والفون يرن .. شهد : شو تسويي .. : شسوويي آآآه تسألييني شو اسوييي .. اكيييد افكر فييج ضحكت بدلع : هههههههههههه يااا عياااار انتتت .. : أشتقت لججج اباا اشوووفج .. شهد وبدلع : من شوي كنت اتشوفني .. : أشووفج شي وايلس ويااج شي .. شهد : هييه بس الحيين ماا اقددر .. وباسف وهو يحاول يستفزها لانه يدري انها ما ترضى : افااا .. لييش خاايفه حد يشووفج .. شهد وبجديه : طبعاااً لااا يلاا اناا نازله تعال المسبح .. وبوناسه : حاااااضرررر .. شهد : باي .. : باي .. اسمااا وهي تشهق : شههووود لا اتسيرين الحين الوقت ليييل ويمكن شي يصيير .. شهد وهي ترفع حواجبها : نعمم ؟؟!!؟ اسما وبخوف : خلاص خلاص انا مالي شغل بكيفج .. شهد : لو اتصل اخووج عليج يسالج ليش ما ارد او اي شي قولي له اني اتسبح .. اسما : اوكي .. طلعت شهد من الغرفه .. اسما وبقهر ( تلعبيين على الحبليين يا شهد اشوي حميييد واشوي سلطااان .. يحلييله اخووي مبين انه صدق يحبج .. مالت علييج بس تقهرييين ) اسما حاولت تستوعب كيف بدت علاقة شهد بسلطان وحميد بس ما قدرت توصل لحل .. حست انه بس جييه فجاه يعنيي .. كانت اول اتكلمهم عادي وبعديين بدت تدلع علييهم وعقب الاثنين صاروا متخبليين .. (عفانا الله) وغمضت عينها وانسدحت على السرير .. فالغرفة الثانية غايه منسدحه على السرير وفاتحه الابتوب واتشوف فلم .. اما المها فبيدها كتاب تقرا للمره العاشره .. واايد اتحببه هالكتاب كله قصص وعبر من الحياة .. اما هيا فيالسه على الكرسي والوعد اتحطلها ميك اب وتتفنن .. وشوق واقفه عند الدريشه وعينها على المسبح ووتذكر الي صار اليوم وبقهر ( لازم اخذذ حقي منهاا مستحييل اخلي الي صار يعديي .. انا متوعدتلج ياا شهدد وقايله راح تندميين فيوووم .. ) وعقدت حياتها وهي اتشوف شخص متوجه للمسبح ( بسم الله هذا منو؟؟ هيئة حميد ولا سلطان وااحد منهم ! شو يسوي الحين حد يسبح هالوقت ) ويت بترمس بصوت عالي بس انصدمت وهي اتشوف وحده ماشيه للمسبح .. فتحت عيينها بصدمه تباا تستوعبب وتربط الاشيه فبعضهاااا .. وحاولت اتدققق اكثثر .. ومره وحده استوعبت انه شهد كانت لابسه اسودد .. منعت شهقتها من انها تطللع .. شوق وهي مب قادر اترتب افكارها ترمس ولا تسكت ولا ولا ومره وحده استوعبت الي تبا اتسويييه وجنه الوقت الي كانت تترياه من شهوور يا .. قالت وبسرعه : انا بنزل المطبخ .. وطلعت بسرعه .. محد انتبه على توترها لان كل وحده مشغووله بالي فايدها .. شوق طلعت من الغرفه وهي تنتبه انها حتى ما حطت شيله .. وحست ان الوقت ما يسعفها .. عشان ترجع وتيب شيله .. نزلت بسرعه وهي اتحط اييدهاا فجييبها وحمدت ربها ان الفون موجوود .. يت بتطرش مسج ( لااا يمكن ما يشووفه ) طلعت من باب الصاله بهدووء ودقت على .. كان منسدح يتطالع ثاني وسلطان الي يلعبون بلاي ستيشن .. وثاني واايد مندمج لانه خسرااان .. رن فونه وفز وهو يشوف اسمهااا على شاشة الفون بكل استغراب .. شل الفون وطلع من الباب الخارجي وشافها فوييه .. ههو كان ناوي يطلع ويرد بس اتفاجأ بوجودها .. شوق : روووح بسرعه المسبحح .. حمد وهو للحين مقهور من الي سوته اليوم وما حاسبهاا للحيين .. شافها بنظره تعجب وقهر .. شووق وبغرور : بتروح ولا شو ؟؟! حمد وببرود : ليش ! شوق باستهزاء : روح شوف اختك شو اتسوي حمد وشياطين الدنيا كلها ركبت راسه يبا يفهم بس شو تقصد مشى بسرعه ساير للمسبح .. المسبح كان كله زجااج شفاف بس الستاير منزله من بعد ما سبحوا البنات .. بس كان مبين انه المكان ظلام .. مشى وشوق وراه .. فتح باب المسبح بالقو .. بس ماكان يبين بوضوح منو داخل لانه ظلام بس كان في نور خفيف من الليتات الي فأرضية المسبح كان مبين هيئة حد .. يعني ثنين واقفين ويا بعض بس منو هم مب مبين .. وانصدم بالليتات الي اشتغلت وطبعاً شوق الي شغلتهم .. صد شاف شوق بصدمه ورجع يشوف الي واقفين ويا بعض بصدمة .. غمض عينه بالقو ورجع يفتحهاا .. شهد كان مبين الفجع والصدمة والرعب والخوف وكل شي على وييها .. وحميييد وهو الي كان وياها نفس الشي .. اما شوق فكانت واقفه تشوفهم باستهزاء وشماته وانتصار .. حمد كان في حاله الله وحده يعلم بهاا .. كان للحين مب مستوعب تواجد اخته مع حمييد فوقت متأخر وبروحهم وقراب من بعض لهالدرجه .. كانت عيونه الي توحي بشعوره .. كااانت عيونه اتبين عصبيته .. وقهره .. اتقرب وشهد ترجف من الخوف .. واشوي وطار حمييد لورى من البوكس الي ياه .. كان ساكت وهو يشوف حميد يقوم من الارض بالم ويركض برع المسبح .. اما شهد فكانت عادي اتموت من الرعب .. اتقرب منها حمدد وهو يشوف اخته الي سواا عشانها واايد .. الي محد يقوللها شي خوفاً من حمد .. وبكل انكسار قال : لييش ؟؟!!! شهد ودموعها بدت تنزل وهي ما اتعرف شو اتقول .. اما شوق فغمضت عينها وهي تسمع ( لييش ) تسمع الانكسار بصوته .. حمددد القاسي الي ما رحمها .. الي ظلمهااا .. اليي حبتهه منكسسسر .. وبسبتهااا !! تدري انها السبب بسس لازم كانت تثبتله انه الي لقته منه بسبت اخته ماكان له داعي .. يبغي يرجع كرامة وحده اهي بالاصل ما عندها كرامه .. حمد وهو ما يبا يضربهااا ماا تهووون علييييه .. وخصووصاً وشوق موجوده .. بس الي سمعه من شوق فهاللحظه كان كافي بان شهد تلقى كفف .. وهو : شفت انه لازم اتأدب اختك اول .. ركضت شهد بخوف وفجع لبرع وحمد للحين وااقف مكااانه مصددوم .. ومكسووور .. ومنقهرررر .. كان وده يذبح حمييييد بسس ماا يقدر لان اكييد اخته بارادتها يت هنيي والي كاسرنه اكثر انه شوق .. شووق الي اهانها وقهرها وخبرها انها مش متأدبه كثثثيير هي الي شافت اختهه .. شوق وبغرور : اتصدق عاد .. احس بوناسه .. خلاص ما ابا من اختك شي .. خذت حقي منها ويا الوقت الي تندم على الي سوته اختك .. وشفت انه ربك ما يرضى بالظلم .. وباجر.. شو بيكون شعورك لما الكل يدري بالي صار .... انت ظلمتني حمدد .. مع هذا تدري فعمري ما دعييت علييك .. بس سبحان الله .. كل ظالم ياخذ جزاه .. ( كان كلامها تهديد بانه الكل بيعرف بس كانت متأكده انها مستحيل اتسوي اكثر عن هذا وتكسر حمد اكثر ) واقف يسمع كلامها .. كل كلمة قالتها آلمته .. كل كلمة قالتها كانت طعنه .. صد يشوفها واقفه للحين عند الليت .. شافت الالم فعيينه .. الانكسار الي اول مره اتشووفه .. جرحهااا انكسااره .. ما كانت تبا اشوفه حزيين وضعييف كل الي كانت تباااه انه شهد تطيح من عيينه وبسس .. ندمانه على الي سوته ..شوق وبتفكير( لو سترتي علييها يا شوق وما اتكلمتي شو كان بيصصير ؟؟!! ) حمد وبكل اللم : ليش ؟ غمضت شوق عينها ورجعت تفتحها ما تبا تسمع هالنبرة بصوته : لييش ؟؟؟!!! حمد : ليش شهد سوت جيه ؟ دلعتهااا آخر دللع كل الي تباه اييها لمكانها .. شووق وبالم : انت قلت يا حمد هذا من دلعك لهاا .. ما خربها الا الدلع .. انت تدري انا ليش ضربت اختك .. حمد : بدون سبب !! شوق بالم : كيف يعني بدون سبب ؟؟! حمد : لانها قالت انها ما تباج وياهم .. شوق : من قال ؟! حمد وباستغراب : انا سمعتها .. شوق : بس انت كنت بعييد كييف سمعتها ؟؟؟ حمد : هيه قالت بصوت عالي .. شوق وقهر : والي قالته بصوت واطي انت ما سمعته .. ما سمعتها لما قالت لي بنت الهنديه .. ؟؟ حمد وهو يشوف شوق بصدمه وهي تكشف له حقييقه مرت سنيين وهو ما يعرفها بس حاول انه ما يبين انه غلط : لو شو ما قالت ما كان لازم تمدين اييدج علييها .. شوق : وانا لو شو ما قلت ماكان لازم اتمد اييدك علي ؟! حمد وبقهر : بس هذا غير وهاك غير .. شوق : لا لا ما في شي غير .. بس انت تبي اتطلع نفسك الصح وانا الغلط .. وعلى فكره انا الكف ما جرحني كثر ما اني ارجع لغرفتي بليلة عرسي .. وما جرحني الكف كثر ما اني اسمع يدتك اتقول لابوي ( ما عرفت اتربي بننتك .. بنت الهنديه شو بيينا منها ) حمد انا انسانه .. انا عندي قلب وانا احس .. انا كنت احللم اني اعيش حياة ثانيه .. وكل يوم ارقد وانا عندي امل انه باجر بيكون احسسن .. كل يوم احلم يا حمد انه حمد الي علمني احببه .. يرجع لي .. يرجع وهو يقول انا ظلمتج .. بس الحين انا ما ابغي شي منك .. انا بس اباك اتطلقني .. وطلعت من المسبح , وحمد مصدوووم ولاول مره في حياته كلها يحس بالجرح وانه فقد شوق .. دخلت شوق الغرفة وهي اتشوف المها راقده والوعد منسدحه وغايه سارت غرفتها .. وهيا تمسح الميك اب .. انسدحت شوق على السرير الثاني .. ودقايق ويت هيا وانسدحت حذالها وبهمس .. قالت : وين سرتي ؟ شوق : بعديين .. وغمضت عينها وهي اتحس بدموعها اتبلل وويهها .. اما حميييد .. فمن طلع وهو يدعي على شوق ويتوعد لهااا .. وشهد مقهوووررره .. ورقدت وهي ذابحه عمرها صياح واسما بس تسألها شوفيها ..وغايه مستغربه منهم بس مسويه طااف اما حمد فما يدري اشكثر يلس فالمسبح وهو يفكر .. وهو يحس بالضيق والقهر يقطع اعماااقه .. اليوم الي بعده الصبح .. الريم وهي تتمشى ويا نوره فالمول سايرين من وقت ما دام مافي زحمه الريم كل ما يطرون احمد جدامها تبتسم استوت اتكن له مشاعر خفيفه لو انها ما اتعرفه بس هيه متأكده انه خطبته لها ما كانت صدفه وانه هو اختارها من بين الكل الريم : اووف احسس ما في شي عيبنيييي نوره : ريموه واايد فساتين يعني ولاشي من هذا كله حلوو الريم : ماا ادريي ماا ادريي نوره :انا سامعه عن معرض على الشهر الياي ايقولون فيه عبي وفساتين حلوه دام ما حصلتي شي يمكن اتحصلين هناك الريم : واذا ما لقيييت نوره : إن شاء الله بتلقييين الريم: إنزيين خليينا ندخل بعدد مكاان نوره : يلا انزيين نشوف الريم اتجدمت نوره ونوره كانت تمشي وراها بمسافه فزت على صوت يقوللها : سبحاااان منن سوااااج نوره لا اراديا وقفت تبا اتعرف الكلام لها ولا شو .. شافت واحد يا ووقف جدامها كان يشووفها بإعجااب واضح من عيوونه : والله والله حللوووه نوره مشت عنه بسرعه بخوووف وهي اتحسه ورااهااا لين ما دخلوا المحل الريم : بلاااج نوره : ولاشي ولاشي الريم :شوفي ويهجج كييف نوره وبصوت واطي : شي وااحد كان يلحقنيي الريم ووانهاا معصببه : هدييني خلنيي اسييرله نوره : هههههههههههههه تبيين الدكتووور يصفعجج الريم وهي تضحك : هههههههههههههه ايي لاا اتقووليين الدكتوررر قوولي احمددد نوره :ههههههههه لييششش الريم : ماا ادريي احس اتذكر سالفة المستشفى نوره : هههههههههه يلا انزيين شوفي شوفي خلينا انخلص نوره ابتسمت لما الريم كانت تتدور فستان اتخيلت للحظات نفسها مكانها ( انزيين منو بيكون ريلي ؟؟ ) ويا في بالها الشخص الي شافته توه ضحكتت على عمرهااا .. بس حست بنبضها يزييد من كلامه لو كان يبغي يلعب الا انها حست بنظرات الاعجااب في عيينه .. نهاية الجزء الثالث والعشرون ولكم حرية التوقع .. |
|
| |
| |
|
05-16-2014, 03:36 PM
| رقم المشاركة : [ 73 ] |
| عضو جديد  | حححلو البارتت ططططرر تسسلممم اييدجج اتريا البارررتت الياي __DEFINE_LIKE_SHARE__ |
|
| |
| |
|
05-17-2014, 11:27 AM
| رقم المشاركة : [ 74 ] | |||||||||||||||||||||
| عضو جديد |
تسلمين حبيبتي.. أشكرج [/align] __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
05-17-2014, 12:51 PM
| رقم المشاركة : [ 75 ] |
| عضو جديد | الجزء 24 عبدالله من صار الصبح وهو في غرفته .. يفكر وذابحنه التفكيير .. ما يدري اذا الي بيسويه صح ولا .. ( كيف بتقبل انها اتكون زوجتي ؟؟ لا عادي انا اصلا بتزوجها عشان اطلعها من الي هيه فيه عشان اساعدها يعني زواجنا على ورق وبس .. انزيين هيي تدري ؟؟! ولو ما تدري شو بتكون ردة فعلها !! يا الله ساعدني .. إن شاء الله اكون اسوي الصح يا الله يا رب ) فالصاله .. تحت الجوهره سرحانه فاخوها سلطان الي عينه على التلفزيون الا انه مبين انه فكره بعييد .. الجوهره ( يا رب ريح قلبه .. يا رب اجمعه مع الي يحبها,, بشو تفكر يا سلطان ؟؟ اتفكر فييهاا .. يمكنن .. ليش ما سمعتها يا سلطان ؟؟ وليش ما اصريتي يا الوعد !! ليش ما خبرتيه بكل شي لو غصباً عنه ) سلطان ( اشتقتي لي ؟؟ ولا خلاص نسيتيني !! لا مستحييل تنسينيي !! انتي اتحبيني !! ليش سويتي الي سوييتيه ليش يا وعدي ؟؟ معقووله كنتي تلعبيين !! مستحييييل انا ادريي مستحييل ؟؟ انزيين لو كانت عندج ظرووف .. المفروض ما كنتي تتخليين عنيي !!! لو شو ما كانت ظرووفج ؟؟ ليش ما رجعتي تتصليين ؟؟ اشفييك يا سلطاان تبااها تتصل وانت الي قلت لها لا تتصليين !؟؟ صح اناا اكرهها انا ماا ابااها انا قلتلها اني اكرههاا ؟؟ اكره كل شي يذكرني فييهاا !! انزيين اناا اكرهها ليش افكر فييها ليييش ليششش !!! خلاااص ارحميينييي اطلعييي من رااسي دخييلج ) مييره ( شو يسوي ناصر الحيين ؟؟ هههههه انا اشفيني شو ابغي فالريال !! ولا اعرفه ولا يعرفني .. والاكييد انه مب داري عنيي .. معقووله انا انعجببت فيييه هههههه لا لا ما اتخييل شو اخربط انااا) واشوي ونزل عبدالله .. ويلس وياهم .. الجوهره وبدلعها : عبدالله حبيبي اشفييك ؟ ميره ( ياربيي تقهرنييي هالجووهره شو الحيين ما فيه شي بس تبا اتسوي جوو ) عبدالله وهو يبتسم : ما فيني شي حبيبتي .. الجوهره قامت ويلست حذاله وبصوت اقرب للهمس : متأكدد ما فييك شي .. عبدالله ( استغرب منها .. حس انه صدق محتااج يكلم حدد غمض عينه بالقو ورجع يفتحها ) : جووج انا بطلع .. ( هالجمله كانت مثل نداء الاستغاثه جنه يقوللها انا بطلع تعالي احتاج اكلمج ) الجوهره : بي معااك .. عبدالله عقد حياته مستغرب من الجوهره يحس احياناً تصرفاتها متناقضه واحيانا يحس انها واايد زيينه انسانه طيبه : تعالي .. وقام وطلع من باب الصاله .. ونشت جوج بسرعه لبست ونزلت .. ميره : وييين ؟؟ الجوهره وبسرعه حاولت تتهرب من اختهاا عن اتقول انها بتي : بطللع .. وطلعت بسرعه مييراا وبقهر (ما تبااني ارووح معااهم شو هالاخت ) الجوهره ركبت السياره .. وكان المكاان هدووء فضييع .. دقايق وحرك عبدالله .. وقام يمشي وهو مب عارف وين يسير .. الجوهره وبتردد عقب الصمت الي حل : عبدالله .. عبدالله : هلا .. الجوهره وبحنان : عبدالله انا ما احب اشووفكم متضايقيين .. قولي شو فييك .. عبدالله : جووج ما ادري شو اقوولج .. انا بسوي شي .. ما ادري لو هو صح او غلط .. الجوهره وبخوف : بسم الله عبدالله شو اتقول انت .. عبدالله غمض وبسرعه : جوج امس شفت بنيه .. شكلها صغيير مبين علييها البراءة .. بسس .... وسكت وهو مب عارف شو يقول الجوهره وباندماج : كمللل عبدالله : جوج الكلام الي بقولج اياه بيكون بيني وبينج .. ما ابا اي احد لو من ما كان يدريي .. الجوهره : اكيييد .. عبدالله : جوج البنت رقمتني .. الجوهره وبصدمه : شوووه ؟؟!!!!! عبدالله : اتخيليتي كيف الموقف يصدم .. الجوهره : عبدالله انا ما بقولك اني ما انصدمت بس انت لانك ما اتكلم بنات ما تعرف شي بنات واايد جييه .. عبدالله : بس جووج البنت غرييبه .. اقوولج صغييره .. الجوهره وباستغراب : وهذي كل السالفه يعني هذا الي ضايقك ؟ عبدالله اتنهد بتعب : آآه شو اقوولج بسس !! كلمتهاا ! الجوهره رمشت بسرعه : انتت كلمتهااا .. عبدالله وبضيقه : وشفتهااا .. جوج ما ادري كييف كنت متاكد انه البنت ورااهاا شيي .. وما ادري كيف قالتلي كل شي .. بس انا مصدقنهاا .. الجوهره وهي بدت تتوتر : كملل عبدالله شو قصة البنت عبدالله : امهااا !!! امهاا اتخلييها اتكلم شبااب وتطلع وياهم عشان الفلوس الجوهره شهقت : امهاااا ؟؟؟؟؟؟؟؟؟؟ عبدالله : شفتيي كيييف !!! الجوهره : ليشش ما تتصرف ليش ما اتقوول ماا ابااا !! عبدالله ما حب يخبر جوج التفاصيل اكثر : جوجو ما تقدر وبس لا تسألين ليش ؟ الجوهره : وانت شو راح اتسوي ؟؟ عبدالله : بتزوجهااا .. وسكت اتريا دقايق ردد الجوهره علييه .. بس ما سمع اي حرف منها ولما صد علييها شاف انها اتشووفه بكل صدمه .. الجوهره وهي مب مستوعبه : عبدالله انتتت شوو اتقوول !! عبدالله : جووج دخييلج لا اتلوومييني .. انا ابغي حد يخفف عنيي الجوهره وبضيق وصدمه : بس عبدالله الي بتسوييه غلط !! ما يصير تتزوجها وامي وابوي ما يدروون !! عبدالله : جوج لو امي وابوي دروا الكل بيدري .. واصلا ما اعتقد امي وابوي بيرضون .. البنت امهااا .. امهااا ما اعرف شو اقوللج .. بس انا متأكد انهم ما بيوافقون وانا بس بس بتزوجها اسمم بس علشان اساعدهاا الجوهره وبعتب : عبدالله انت ما راح اتساعد البنت انت رااح تظلمهااا اصلاااً عبدالله وبضيق : اظلمهااا ؟!!!! انا بظلم عمري ما بظلمهاا .. الجوهره : غلطان يا عبدالله .. انت ريال باجر بتروح وبتتزوج غيرها وبتعيش وهي شو ؟؟ بتم زوجتك اسم وبس .. هييه بنت واكييد تحلم انها تتزوج واتحب زوجها وهو يحبها واتصير عندها عايله .. عبدالله وبضيق : لا .. منو قالج انا بتزوجها علشان اطلعها من بيت امها .. والبنت للحين صغيره .. بتكبر وبعدين بتعتمد على نفسها وبتعيش وما بترجع لامها .. الجوهره وعتب : اووه يعني تقصد .. انك بتطلقها بعديين ؟؟ عبدالله : ما ادريي ! الجوهره : عبدالله لا اتقول ما ادري .. انت ناوي على جييه .. عبدالله باجر لما بتطلقها ولما حد بيتقدملها .. شو بتكون ردة فعله لما يدري انها كانت متزوجه .. لا وفوق جيه محد يدري عنها وعن زواجها !! عبدالله انت تدري بمجتمعنا .. وبعدين انا ابغي افهم البنت تدري بكل هذا .. عبدالله وبتعب : لاا !! انا بس قلت لامها اني ما ابا حد يدري وبس .. الجوهره : انزيين يمكن امها قالتلها ويمكن البنت وافقت .. عبدالله : اصلا انا متأكد انها بتوافق .. هيه ما تبا هالحياة الي عايشتنها الجوهره : بس لما تدري بالحياة الي بتنتظرها اعتقد انها ما بتستانس .. عبدالله البنت اكييد ابوها مش موجود صح عبدالله : متوفيي الجوهره : انت قلت البنت صغييره .. البنت اكييد فاقده حناان .. اكييد بتحط آآمل عبدالله انت بتعذب البنت بدل لا اتساعدهاا عبدالله وهو يوقف على الطرف : جوووج دخيييلج اناا اباااج تفهمنيي لا اتحسسيني بالغلط اكثر انا كل الي اباه اساعدها .. الجوهره : عبدالله رب العالمين ما ينسى احد .. انت وااايد اتسرعت ما تدري يمكن البنت الله يرزقها بريال زيين !! عبدالله : جووج انا خلاص قلت كلمه وما برجع عن كلامي .. الجوهره وباسف وعتب : لا حول ولا قوة الا بالله .. ومتى بتاخذها ؟ عبدالله : باجر ولا الي بعده إن شاء الله .. الجوهره وبصدمه : عبدالله ليش جييه ليش كل شي بسرعه بسرعه .. ليبش ما عطيت نفسك فرصه انك اتفكر .. عبدالله وبعتب : الجوهره دخييلج .. انا ما قلت لج عشان اتعاتبيني .. انا ابااج توقفيين وياااي .. الجوهره وبحزن ابتسمت : انا ويااك .. ما بخلييك .. عبدالله شافها بنظرة امتنان .. أحزان وبعد ما سارت العياده طول اليوم ما اتحركت من السرير خلاص اهي رسمت حياتها .. مستاانسه لابعد درجه واخييراً بتطلع من الي هيه فييه .. الكل يالس فالصاله ويسولف .. الا حميد .. وشهد الي يالسه بعيييد .. حمددد يحاول يكون طبيعي .. وشوق الوحيده الي ملاحظه الانكسار الي فعينه .. هيا : شووق اشفيييج .. شوق وبحزن : عقب .. عققب .. حمد وقف وهو مبين عليه الضيج .. مشى .. وهو يسمع يدته تزقره بس طوف .. شوق اتحز بنغزات بقلبها .. ما تبا اتشوفه منكسر .. ( ياربي انا شسويييت شوسسيييت .. انا اشدخلنيي ؟؟ كل هذا بس لاني حاقده على اخته .. ليش ياا شووق ليشش .. ) هيا وهي عينها ففونها .. رفعت راسها شافته مبتسم ويطالعها هياا ( قطييعه على باله بنحرج مثلا ) شافته بنظره .. ثاني ( افدا العيييييون انااااا ) غمزلها هيا انصدمت وهالمره انحرجت ونزلت راسها ( مالت علييك الا مالت عليك انا اقول ) المها وهيه يالسه الا انه تفكيرها لعند زاايد ومحد غيره .. الوعد اتعيش وهي مب عايشه تضحك وتسولف لكن كل شي تصنع وبس .. العصر سلطان ( ليين متىى ؟؟ انا شو اترياا من الوعدد .. خلااص اناا ما ابااهااا .. انا مب يالس اسوي شي غير اني اتذكرهاا وبسس انا لازم انسااهااا ) .. ووصل لغرفة امه .. عبدالله من نزل اخته وهو يحس بشعوور غرريب .. شععوور ذابحنه ( اناا كييف بتزوج احزاان كييف هذي يااهل .. وفووق هذا البنت استغفر الله .. انا كيف بقدر اتقبل فكرة انها بتكون عرضي وانا مسؤول عنهاا .. وهيي كييف كاانت .. اناا وااثق انهاا مجبووره بس بعد ما اقدر اتقبل ما اقدر .. عبدالله انت شو يالس اتسويي شوو ؟؟؟ ) فالمزرعه .. العصر كان الجو يجنن وشوي شي نفاف .. الحلو ان جدام المزرعه شي برااحه .. وفيها نداادييد صغار .. فكانو الشباب يلعبون بالدراجات والبنات يتفرجون .. منار : اناا بركبب مع ماايد .. وقااامت اتأشرله من بعييد .. لين ما يا حذالها وركبت ورااه .. غايه : افااا ياا خووي ما هقييتهااا منك .. مايد وهو يضحك على اخته : هههههههههههههه اتريي انزيين بعديين بركبببجج .. غايه : يلااا يلاااا انااا مااا بتريااك بركب ويااا حمييدوو .. مايد : ههههههههههه انزييين .. وساار شوق من سمعت طااري حمييد اتكدرت .. دقاايق ووقف سلطاان .. حذاالهم .. سلطاان : هاا عمهه بتركبيين .. الوعد : والله اتصدق ودي اركب .. سلطاان : يلااا .. الوعد ركبت معااه تمت شوق والمهااا وهيااا .. واسما وشهد ما كانوا ويااهم يعني دااخل .. المها كانت اتشووفهم وهي مبتسمه .. اتحب الدراجات وهالسواالف .. شوق : مهووي شكلج متحمسسه .. تبيين تركبييين المها ضحكت : هههههه هييه والله احس بحمااس .. تدرين يمكن من 4 سنيين ما ركببت .. شوق : لما بتيي وعوود ركبيي وراا سلطاان .. المها : لا اناا ابغيي روحي اسووق .. هيا : يا خطييره انتييي المها : هههههههههههههه .. شووق : هاا هيوونه ما بتركبيين هيا شهقت : مستحييييللل شوق وهي تعقد حياتها : ليششش .. هياا : اخاااف شوق : وياا ويهج .. ودقييقه وثاني وقف حذالهم .. وسكر الدرااجه .. وهو مبتسم هياا ( قطططططططع ) ثاني : هاا يا بناات ما تبون تركبون شوق : مهااوي تبغي تسوق ثاني وهو ينزل : يلا تعاللي المها وباحرااج : لا لا ماا علييه خلك مش لازم .. ثاني : يلا يلاا تعاالي .. وشغللها الدراجه .. المها : شووق تعااالييي .. شووق شافت هيا بمعنى عااادي .. هياا ما كانت تبا توقف مع ثاني بس حتى لو شوق ما ركبت تراها بتم واقفه .. فابتسمت .. وشوق ركبت .. ثاني سكت ثواني وعقب قال .. : ما بتلعبيين .. هيا شافته بنظره بمعنى ( انت اشدخلك ؟ ) ثاني ( محلااا العيووون ) وتم مبتسم .. هيا صدت عنه ( والله قواات وييه يبتسم بعد ) ثاني : هيااا .. هياا طنشت .. ثاني : هيااا شووفيني اشوي اباا اقوولج شي .. هيا صدت بقهر : خييير ؟؟؟ ثاني : انتي ماشاءالله علييج واايد حللوه .. هيا رمشت بعينها كم مره تبغي تستوعب الي قاله حسست بالاحراااج .. بس ما حبت اتبين احراجها الي اصلا كان وااضح علييهاا : وققح ثاني حاول يكتم ضحكته : انزيين انتي ليش كله امعصبه ولا مره ابتسمتي فويهي .. هيا : وليش ان شاءالله ابتسم ؟ ثاني : انزيين انااا ااسف .. هيا صدت عنه بسرعه حست انهاا بتصييح .. ثاني وبحناان : هيااا .. هياا خلااص ما كانت تبغي تسمعه مشت .. ومشى ورااهاا هيا صدت علييه بقهر : اشتبييي روووح خلااص ثاني وبحنااان : هياا انااا والله اسسف .. اناا والله من بعد هاك اليوم واناا ما اتحرشت فاي وحده والله انتي كنتي غيير انااا داايماً افكرر فييج .. والله انيي متحسفف على الي سوييته وابااج اتسامحيني.. هيا غمضت عينها بالقو تذكر هاك اليوم .. فتحت عيينها وكاان مبين على ويهها انها بتصييح والدموع فعيينها : اناا ما ابي اسمعك ولا ابي اشووفك ممكن ترووح .. ثاني وهو حاس انها بتصييح : بسسيير بس والله انااا اسف .. وتجدم عنها .. يلست على الرمل بحزن وهي تترياهم يخلصون لعب .. ( ليش تسوي نفسك طيب ليش خلك مثل ما انت فبالي وفكني منك ) فالصاله .. الجوهره مع امها .. ام سلطان : جوجو .. الجوهره : نعم .. ام سلطان : اليوم سلطان كلمني .. الجوهره وباستغراب : عنن ؟؟ ام سلطان وبابتسامه وسعاده : قالي اشوفله بنيه .. الجوهره فتحت عيونها علو وسعهن وقالت بصدمه : بيييخخخطططططب ؟؟؟؟؟ ام سلطان وباستغراب : بسم الله الرحمن الرحيم .. اشفييج .. الجوهره ( مستحييل كيييف كييف والي يحبها معقووله نساها معقوله ما يبااهااا .. لا لا هو يحبهاا هو مايدري بشي كييف جييه ) : هو اختار حد يعني ام سلطان : لا بس قالي ما يبا من الاهل .. الجوهره وبسرعه : ماامااه اناا اعرف بنيهه مااشاءالله علييهااا جمييييله وبنت نااااس .. وعمرهاا مناااسب واايد خلنا نخطبهاا .. ام سلطان : والله زييين داامج اتعرفيينهاا .. هاتيلي رقم امهااا .. الجوهره وبسرعه : إن شاء الله إن شاء الله اليوم بييبلج اياه .. وسارت غرفتها على طول .. عند سلطان يدور وهو مب عارف ويين يسسير ( اناا كييف كييف قلت بخطببب ؟؟ والوعد كييف خلييتهاا .. كييف اخليها لغييريي .. بس هييه جذبت علي .. انا اكرهها وما ابااهاا .. لين متى بتم اذكرهااا .. خلااص كل الي كان بييناا انتهى .. انا الي سويته صح ) الجوهره .. ( سلطاان لاازم يدري بكل شي هو ظالم البنيه .. هي اتحبه حراام لازم ما يخلييهاا .. المفروض يسمع كل شي ومش على كييفه ما يسمعهااا .. مش على كييف .. ) مسكت الفون بتردد بس فالنهايه اتصلت .. منار شافت رقمها على الشاشه بتعجب .. وقامت من مكانها : مايد حبيبي انه برمس وبرجع .. مايد: خذي راحتج .. راحت لاقرب مكان فاضي وردت .. الجوهره : الو السلام عليكم .. منار : عليكم السلام .. الجوهره : شحالج منار .. منار : الحمدلله انا بخير .. انتي شحالج .. الجوهره وبسرعه : انا بخيير .. مناار سلطان كلم امي تخطبله .. شهقت منار بصدمه : شوووه .. الجوهره: الي سمعتييه .. وانا مثلج انصدمت .. هو ما حدد احد وقال لامي تختارله .. انا قلت لامي اعرف وحده .. والي هي الوعد منار : لااا .. ماا يصيير هو ما بيرضى لو درى انها الوعد الجوهره : خلي كل شي علي .. بس الوعد لازم اتوافق .. منار : لازم اتعرف انه سلطان على شان اتوافق .. الجوهره : انزين وشو يعني لو درت منار : الجوهره انتي شو اتقولين .. ترا هذا كل مب سهل الجوهره : منار عطيني رقم ام الوعد .. لو سمحتي .. منار : الجوهره بليز .. انا ما ابي وعود اتعرف انه لي علاقه باي شي .. الجوهره : إن شاءالله إن شاء الله .. إنتي عطيني رقمها .. منار :خلاص راح اطرشلج اياه . الجوهره : انتظر انا .. منار : اوكي .. وسكرت عنه وطرشتلها الرقم وهي مش متطمنه وحاسه انه مصيبه راح اتصير .. الجوهره من وصل لها الرقم ركضت وقالت لامها عنه .. اليوم الي بعده .. الساعه 8 الكل كان واعي ويلملم أغراضه .. يعني بيسيرون .. لكن هالمره .. النظام اتغير .. بو حمد وام حمد وشهد ومريم ويدتهم في سياره .. ام ثاني وابو ثاني ومعاهم 3 خدامات .. بو سلطان وام سلطان واسما وحميد في سياره .. جمال ومروان في سياره .. مايد ومنار ومعاهم غايه في سياره .. ثاني ومعاه الوعد وغايه وهيا والمها .. وشوق وتم حمد روحه .. الوعد ما كانت تبغيه يتم روحه بس بعد ما كانت تقدر اتروح وياه واتخلي بقية البنات مع ثاني .. الكل اتحرك واخر شيء تم حمد وثاني .. الوعد : يحلييله حمد بيروح ومحد معاه .. هذي كانت جنها نغزه لشوق .. لان محد غيرها يقدر يسسير وياه .. هيا وبقهر : ثاني انت سير مع حمد والوعد سوقي بداله .. ثاني اول مره يسمع اسمه من لسانها واستااانس بس طبعاً ما حب فكرة انه يسير وهي موجوده .. فقال : لا وعود ما تسووق هالدرب كله .. هيا وبصوت واطي : يا كرهك .. هيا وهي تهمس لشوق : تعالي بنسير وياا حمدد شوق وبصدمه : لا لا لا هيا وعلى نفس الهمس : يلا فالييه انا ركبت ويا ثاني عشانج تعالي بنسير ويا حمد .. شوق : هياا لااا الله يخلييج .. هيا انقهرت منها : اووف .. وبعدها اتحرك ثاني ووراه حمد .. كانت السياره هدوء .. ومحد يسولف وثاني كل شوي يشوف هيا من المنظره الي اصلاً كانت مقهووره من وجوده وفوق هذا نظراته الي ما اتخلص .. كانت هيا يالسه ورااه بالضبط .. هيا اتجدمت بقهر علشان ما يتطالعها .. واستوت واايد قريبه من ثاني .. طول ثاني على الاغاني شوي .. وهمس : لييش عاااد .. هذا كلله علشان ما اشووفج .. هياا رمشت بصدمه وقالت بصوت عالي : صدق ما تستحي .. وردت ورا بالقو .. وكل الي فالسياره مصدومين .. ثاني ما قدر يمسك عمره : هههههههههههههههههههههههههههههههههههههههههههههههههه .. الوعد وهي اتوطي صوت الاف ام : بسم الله اشفيييكم انتواا .. ثاني وهو للحين يبغي يضحك : ما فييناا شيي .. هيا وبقهر : اوووقف انا ما ابغي ارووح معاااك .. المهاا وبصدمه : هياااا !!! ثاني وهو يضحك : شو فييج هيااا .. شو سوييتلج اناا .. هيا وخلاص اتحس انها بتصيح من القهر : اوووقف اقوولك .. شوق : هيا بسم الله .. شويااج خلااص ما صار شيي .. هيا وهي معصبه : يااربي انت ما تفهم ولا شوو .. اقوولك اووقف .. ثاني وهو يحس بيضحك خلاص مب قادر يمسك عمره : هدييي انزيين ليش معصببه انتيي .. هياا : الوعددد قووولييله يووقف انااا بنزل .. الوعد وبخوف : حبيبتي هيا وين بتنزليين .. هيا وخلاص ما قدرت تمسك عمرها اكثر وصاحت .. ثاني من سمع صوت صيااح .. على طول ضرب اربع اشاير وصف على اليميين .. ثاني بخوف : هيااا ليش اتصييحيين .. شوق : بسسم الله علييج .. هياا حبييبتيي لا اتصييحيين المها وبفجع مسكت اييد هيا : هياا يا عمري خلااص وقف لاا اتصييحيين .. هياا وهي اتصييح : ماا ابيي ارجعع معاااه مااا ابيي .. ثاني وبضييج : انزيين انزيين خلااص لا اتصييحيين .. ومسك فونه واتصل على حمد الي كان متجدمنه .. حمدد : الووو ثاني : حمدد صف على اليمين حمد وبخوف : ليشش شو صاير .. ثاني وهو يحرك السياره : دقييقه واتعرف .. انت صف على اليميين .. حمد صف على اليمين .. وثاني اشوي وشافه وصف ورااه .. نزل حمد بخوف وثاني نزل .. حمد : ثاني شمستوي .. ثاني باحراج : هياا بتسير ويااك.. حمد : هاا ؟؟ ثاني سكتت .. حمد : يلا انزين خلها تنزل .. المها : هيونه انا بسير ويااج .. شوق : لا لا خلااص انا برووح ويااهاا .. يلا هيا نزليي .. هيا نزلت ووراها شوق .. ويت عين هيا فعين ثاني الي كان يبين من نظراته انه ضايج .. هيا ركبت ورا حمد .. وشوق ركبت حذاله .. فسيارة ثاني الوعد وبعصبيه : ثاني انت شسويت حق البنيه .. ثاني وهو يذكر ليش عصبت على الي فيه الا انه حس انه بيضحك : ما سويت شي .. الوعد : لا والله .. عيل اشحقه وحليلها ما تبغي تركب معااك ثاني : ما ادري عنهاا دلاااعه .. المها ما عجبها الكلام بس ما حبت تتدخل .. حمد وبحنااان : هيا شوفييج .. هيا وبقهر : هذاا ثاانييي قليييل الااادببب .. حمد بصدمه : اشسواااللج !! هيا وبقهر: كلللههه يشوووفنييي !! حمد وهو مب فاهم : كييف يعني يشووفج هيا : من اركب معااه وهو يشوفني .. حمد ابتسم : اممم .. شوق كانت ساكته ما اتعرف شو اتقوول .. وحمد من اول ما ركبت معااه ما عبرها ولا اي شي .. وفي سيارة بوحمد رن تلفونها .. ردت وسمعت : السلام عليكم .. ردت باستغراب : وعليكم السلام ورحمة الله وبركاته .. سمعت صوت حرمة كبيرة فالسن ما اتوققعتها كبيره واايد بس قالت : شحالج يام الوعد .. ردت ام الوعد : طيبه طااب حالج .. منو الغاليه ردت : ويااج ام سلطاان .. ام الوعد وهي ما عرفت منو بالضبط : اسمحيلي فدييتج ما عرفتج .. ردت ام سلطان : والله يا ام الوعد انتي ما اتعرفيني .. انا منيره ***** ***** ****** ام سلطاان بن **** **** ***** .. ونحن سامعين كلام طيب عن بنتج الوعد وطالبين القرب منكم .. ام الوعد استااانست واايد : اتشرفت فييج يا ام سلطااان .. ونحن ان شاءالله بنسأل عن الولد وبنشاور البنت وان صار نصيب حياكم الله .. ام سلطاان : خير إن شاء الله .. والي فيه الخير الله يجدمه .. ام الوعد : إن شاء الله .. ام سلطان : فحفظ الله .. ام الوعد : فمان الله .. ومن سكرت : هذي حرمة .. ولدها سلطان بن ***** ***** يبون الوعد .. بو حمد : هيه ما شاء الله .. ام الوعد : خبر اخوانكم واسألو عن الولد .. بو حمد : إن شاء الله .. الريم وهي اتكلم شما : شمتييي متى بتسيرين اتشوفين لج فستان شما وبضيق : لا اتذكريني يا رييم .. والله كل ما اتذكر الي سوااه انقهررر الريم : شماا لييش جييه مسوييه فعمرج .. سيف والله يحبج ويباااج شما وبقهر : ريييمووه انتيي ماا شفتييه هاااك اليوووم والله انه كاان بيذبحنييي .. اخووج ما يثق فييني رييم هو يكلم بناات يتحرااني مثلهم .. الريم : لا اتقووليين جييه شمووو .. سيف لانه عصبيي سواا جييه يعنيي اتخيليي انتيي حد يطرشلج مسج ويقولوج جيه .. وهو ايي ويشوفج وواحد واقف وياج .. يعني اكييد بيسويي جييه شماا : لا لااا لو شو ما كان المفروض يسال اول .. وبعدين حتى لو حد طرشله مسج المفروض هو يثق فيني وما يسوي جييه الريم : شمااا تراااج والله اتباالغيين .. انااا انااا اختهه لو حد قاله عني جييه .. جان والله سوا فيني اكثر عن الي سوااه فييج .. وهو لو ما يحبج ويغار علييج ما سواا هذا كله .. شما ابتسمت : بس ريووم هو شك فيني مره وبشك فينييي كل مره الريم : ليش جييه اتقووليين .. هو اكيييد اتعلم وما راح يعييدهااا .. اوووف الله لا يوفق من كان السبب.. شماا : أستغفر الله الرييم لا تدعين عليهاا .. الله يسامحهاا الريم وبقهر : أستغفر الله .. انزيين شماا خلااص شووفي اذا انتيي مب قادره تتقبليين وتنسيين السالفه وما تبيين سيف .. قوولي مااا اباااه .. ولو ما تقدرين عسب خالو خلااص اناا بقووول لسيييف انج ما تبيينه .. شما وهيه تتخيل هذا كلله : ريييم لييش جييه اتقووليين افهمييني شوي الريم : شمااا شو الي افهمج .. انتي ليش جييه وايد مسويه ازمه .. ياا هييه وياا لااا .. وما في شي بالغصب .. شما : يعني على بالج لو قلت لا امي بتطييع الريم : لا ما بتطييع .. بس انا بكلم باباه .. وهو اكييد ما بيرضى انه خالو تغصبج .. شما وبضيق : اناا احببه .. الريم : انتي مب اتحبيينه .. انتي الا فلم هنديي .. شما : اوووف نحسسه انتيي .. يلا يلاا سكريي . الريم وبققهر : اووف مستوييه تنرفزين الوااحد .. بااي شما سكرت بقهر .. وغمضت عيينهااا الريم ما كانت تدري انه لما قالت عن ابوها ما بيرضى انه شما تنغصب جرحتهاا .. حسستها بمعنى الابو .. حسستها بفقدها لابوهاا .. ما تدري شو اتسوي .. امهااا خلاص من بعد سالفة سيف اتحس انها ما قامت تهتم فيها وااايد .. خسرت اهتمام امها عشان سسييف .. مر على بالها هاك اليوم .. حست بالخوووف .. رجفت ما تتخيل هالموقف ينعاااد .. سيف تدري انه عصبي بس هاك اليوم ما كان كشخص معصب كان وحشش .. حطت اييدهاا على رااسهااا بالقو .. ( اووف بسس بسس مااا ابااا افككررر .. ابغيي اطللع من الي اناا فيييه .. بسسس ) .. الريم وهيه واايد مقهووره من شماا وفنفس الوقت اتحااتييهاا .. ما تدري اتكلم سييف ولا تسكت .. هيه خلااص من عقب سالفة منصور ما تبا تتدخل فحيااة اخوانها .. هيه دايماً بدال ما تنفعهم اتضرهم ( يا رب ساعدني .. شسويي يا ربييه شسويي .. ) طلعت من الغرفه ونزلت تحت .. شافت امها فالصاله .. يلست بضييج .. خلود : شووفييج .. الريم : ولا شي خلود : اشحقه جييه منعفس ويهج .. الريم : ولاشي ماماه خلود : استغفر الله ,, الريم : وينهم الباقين .. خلود : منصور طالع .. وسيف وزايد رقوود .. الريم وبعصبيه : لا والله .. الحيين لو اناا الي رااقده جاان وعيتييني وما خليتيني ارقد .. خلود ضحكت : انتي بنت لازم اتقومين من الصبح الريم وهيه معصببه : لللللااااا .. بعددد بعدد رديينااا انتي وبنت وهو ولللد .. حتى فالرقااد .. شو هاللأأرففف .. وسارت فوق وهيه معصبه .. زاايييد ما كان رااقد من نص سااعه وهو وااعي ومااسك الفون حلماان فالمهااا .. وخلاص مشتاااقلهااا ومبب قادر يمسك نفسه عن لا يتصل فييهااا .. بسس هو قال بيسويي الي هييه تباااه .. ( خلااص انا بسوي الي بسوييه والي فييهاا فييهاا ) طلع من الغرفه ونزل تحت .. زايد وهو يحب امه على راسها : صباح الخيير خلوود : اي صباااح بيأذن الظهر الحيين .. زايد وهو ييلس : ويين الريم .. خلود : سارت فوق .. زاييد : اميييه خلود : هلاا امييه .. زاايد : ابغيي اخطبب .. خلود وهي تبتسم : من عيوونييي .. انت اشر واناا اخطبلك .. زاايد وهو مبتسم : ابغيي المهااا .. خلود وهي اتغير ويهاا .. زايد وبخوف : شوو امييه .. خلود : ما ادري والله .. بس يمكن البنت ما ترضى .. عسب امها الله يرحمها يعني بس الا مرت سنة .. زاايد وبضيج : الله يرحمهاا .. انزيين انتووا كلمووهاا .. بس اخطبوولي اياها واناا عاادي بتريااهاا .. خلود : واذا ابووها ماا طااع .. زاايد : وليشش مااا يطييع .. خلود : آخر مره ابووك متوااقع ويااه .. زاايد : يا ربييه .. انااا اخلص من شي يظهرلي شي .. خلود : والله يا زاايد اني احب المها وما بتحصل احسن عنهاا .. بس عن المشااكل .. شوو راايك في نوره ولا منال .. زاايد وبعصبييه ( منااال .. منااال بعدد منااال ) : لاا لااا اناا غيير المهاا ما باااخذ .. والله غيررها مب مااخذ وجان ما خذتها الي بياخذها والله لاذبحه .. وقاام وساار فوق .. خلود وبخووف : اعووذ بالله .. ين الولد ينن .. زايد وهو ساير فوق ( اسمم منااال يتردد فباله .. اناا كييف كنت اقوول انيي احبهااا كيييف ؟؟!!!! يا الله اناا لو خسرت المهاا بخسرهاا والسبه منااال يا الله من هالمنااال يا الله ) مر الوقت .. مر الوقت دخلت امها بكل دفاشه وخلتها اتفز : الملاج بيي اليوم انا بروح اشوف خالج عشان ايي أحزاان وبصدمه ما اتوقعت كل شي بسرعه .. كييف متى رااح اترتب .. ام احزان : اقوولج ترا الريال ما يبا حد يدري خلي لسانج ففمج .. احزاان وبصدمه (.. اكييد ما يتشرف فيينيي !! هو بس شفقان علييي ) وبحزن : يعني بروح معاه اليوم ام احزان وهي تغمز : مب عاجبنج .. شافت امها بحقاره : طلعي برع .. وروحي شوفي اخوج جان صاحي ولا فدنيا ثانيه ام احزان وبعدم مبالاه : باي .. وطلعت احزاان وهي تحاول تقنع عمرها انه عادي وانه الحياة اليديده بسلبياتها احسن من ايجابيات هالحياة لو كان فيه ايجابيات بالاصل .. الساعه خمس .. عند هيا وشوق هيا كانت مصدومه وهي تسمع شوق تشرحلها كله الي صار اما عند ثاني ثاني وهو يكلم ابووه : ابووويه .. بو ثاني : آآمرنيي يا ولدييي .. ثاني : ما يامر علييك عدو الغالي .. عقب ثلاث شهور عندي دورة في استراليا 6 شهووور .. بوثاني : اشدورته ؟ ثاني : بدرس في معهد وعقبها بيرقوني .. بوثاني : هيييه ماشاءالله .. زيين زييين .. ثاني : ابوويه .. ابغي اتزوج قبل لا اسسير .. بوثاني وهو يبتسم : ماا طللبت لو تبااا من بااجر ازوجك .. ثاني : ههههههههههه صدق والله .. بوثااني : ثاني الغالي يآآمر ونحن انفذ .. ثاني : مشكووور الواالد .. بوثاني : شايف بنية .. حاط حد في بالك ولا تبغي امك اتدورلك .. ثاني : ارييد هيا بنت عمي مروان .. بوثاني : مايصصير فالك الا طيب .. هيا يعني هيا وإن شاء الله عمك ما يردناا .. ثاني وهو يبوس راس ابوه : مشكوور ابووي .. عن اذنك .. بوثاني : اذنك معاك .. بس ازقرلي امك .. ثاني : إن شاء الله .. فمكان ثاني .. بو حمد : حمدد اتعرف سلطان بن **** **** حمد وهو يحاول يتذكر اذا يعرف حد بهالاسم : لا والله ابوويه ما اعرفه .. ليش بو حمد : متقدم حق عمتك حمد : ايواا .. ما علييه بسأل الشباب جان يعرفونه .. بو حمد : زيين اتسويي .. ام الوعد قررت انها ما اتكلم الوعد .. وتتريا يسألون عن الريال وتتمنى من قلبها انها اتشووف بنتها متزوجه .. عبدالله وهو حاسس بالتوتر .. يالس والملاج حذاله واثنيين من ربعه .. وخال البنيه .. الي هو ولي امرها .. النتايج طلعت بسرعه من العياده وحمد ربه .. وقع وخلاص وسمع موافقتها بعد ما سألها الملاج والحين بس يترياها اتوقع .. احزان وهي ماسكه القلم بتوتر .. ام احزاان : يلا اخلصيييي .. احزان غمضت عينها ورجعت تفتحها ووقعت بسرعه .. |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى مدري ليه انت بذات حبيتك ؟! | روح مغليكـ | استراحة قصص وابداعات الاعضاء | 8 | 01-18-2013 04:22 PM |
| قصة خيالية : ⌡ جلسـآت نفسيه ..~ روايتي الأولى | al-3nedh | قصص و روايات | 1 | 07-08-2012 09:21 PM |
| مشاركـ : روايتي الأولى:قلبي أنا ما أستغنى عنك | أسيرة الحنان | استراحة قصص وابداعات الاعضاء | 8 | 04-12-2012 11:48 AM |
| قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
الساعة الآن 08:59 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227