| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-27-2014, 06:08 PM
| رقم المشاركة : [ 31 ] |
| عضو جديد  |  البارتتت ططرر يياخخخ ،، حرامم وععد جي يصير فيها ! اتوقع بترجع لسلطانن !! و منارر ابي اعرف شو سوت عسبه يفترقو ! كرهت ششهد و ححمد ، و حبيت شوق ،، تسسلمم ايدجج و ف انتظارجج حبيبتي __DEFINE_LIKE_SHARE__ |
|
| |
 |
|
04-27-2014, 11:52 PM
| رقم المشاركة : [ 32 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
04-28-2014, 01:30 AM
| رقم المشاركة : [ 33 ] |
| عضو جديد | الجزء السادس عشر منار وهي تقرصهاا بالقوو : وعوووووود عن المنكككر .. انا بسسير بيتنا ومب يتصل واتقومين اتردين علييه ..
__DEFINE_LIKE_SHARE__
الوعد وبتوتر : طييب منار وبشكك : وعوووووووود اكيييييييد مب طيب واي باجر اتقولين رديتي .. ولا اقووول هاتي فونج احسسسن .. الوعد وهي تمسك الفون بالقو : لا منوور ما راح ارددد بس خلييه منار : اووف منج .. وسارت عنهااا .. تذكر اليوم الثاني وهي تيلس ويا الوعد .. منار : وعوود فييج شي !! الوعد بخووف : منااار كلمتهه امس منار شهقت : انتييي شو اتقووليين الوعد وبخوف : والله مناار ما ادريي اشصاار منار بلوم : ليش يا وعوود !! والله كنت حاسه انه هذا الي بيصصير الوعد : لا لا منااار .. انا بس رديت بمسج وااحد .. وعطتها الفون تقرا .. " وبعدين معاك ترا والله انك ازعجتني " منار : وبشو ردد الوعد : ها شوفي .. " أناا آآسسف بسس والله انيي ما العب عليييج انا حاس بشي غرييب صووبج وانجج غيير .. بس خلييني اسمع صووتج " منار : هههههههههههههههههههههههههههههههههههه !! الوعد وبتوتر : وش الي يضحك .. منار : لا يكوون انتي صدقتيي يعني !! الوعد : منار بقولك شي بس لا اتعصبيين منار : قولي سمعيينيي !! الوعد : مناار انا لما يطرش لي شي استاانس ما تخيلين اشكثر افرح احسس انه مهتم فيني ولما سمعت صوته لما كلمتييه ما ادري وش صارلي .. منار : وعددد شو هالكلااام انتي اتقولين جييه لانه يعني اول مره يصيرلج هالموقف الوعد : مناار انزيين خلييني اكلللمه وش بيصصصير منار وهي مصدوومه : وعوود شو اتقووليين الوعد : والي يسلمك منار بس اليوم لو اتصل راح اجاوبه .. منار وهي صار عندها فضول وتبا اتعرف شو راح يصصير : بس هذا غلط يالوعد الوعد : محدد بيدريي وبعدين لو صار شي انا اتحمل مو انتي منار وبارتباك : اووف منج .. وفعلا ساعه واتصل وردت الوعد وحطت سماعه فاذن منار وسماعه فاذنها : الو سلطان ومبين من صوته السعااده : واخييييييراااا الوعد سكتت وهي خايفه من الي سوته وكانت راح اتسكر : انت وش تبي سلطان ومبين انه متوتر : والله من سمعت صووتج وانا متخبببل علييج بسس اباا اكلمج .. الوعد بخوف وتوتر واحراج وبراءه : بس والله انا ما اكلم شباب سلطان وهو يحس البراءه بصوته : هههههههههههههههههه انزين انا ادريي ولا جان ما انحقرت هالكثر سكتت الوعد .. سلطان : انا سلطاان ! منار سحبت الفون وسكرت : بس بسسس وعووود كاافي شو سوييتي انتيي الحين ما بيسكت واذا كان اول يتصل 10 الحين بتصل 100 الوعد : مناار انا حاسه باحساس ثاني .. انا احببه منار بصدمه : هههههههههههههههههههههههههههههه وعووووود شو هالخبااال انتي وين اتعرفيينه عشان اتحبيينه .. بعدييين هذا يلعب علييج الوعد : لا ما يلعب علي .. ورجع الفون يرن منار شافته بمعنى لا اتردين الوعد : مناار انا والله حاسه انه هالانساان غيير وانه رااح يحبني .. منار : وعد انتي عمرج 16 لا تنسيين الوعد : لا مو ناسيه وانا ماني طفله .. وراح ارد عليه .. وفعلا ردت الوعد .. وبدت اتكلمه فالبدايه كانت سوالف عاديه وبدت تطور هالعلاقه .. وطبعا كل هذا ومنار كانت تدري وكل ما يصير شي اتخبرها الوعد لين ماا الوعد وهي تحضن مناار : مناااار قالييي يحبنييييي يحبنيييي مناااار منار وبصدمه وخوف : الوعدد كل الي اتسوييينه غللللط .. الوعد وهي اتصييح : تكفيين مناار لا اتلوومينيي انااا احبببه احبببه وما ابي اخلييه .. : وعععد امييي تعالي .. الوعد : بروح اشوف امي وبجيك .. سارت ما تدري منار كيف مسكت فون الوعد الي خلته وخذت منه رقم سلطااان .. .. فليييل اتصلت بتردد .. عطااها كم مره مشغول حست انه ايكلم الوعد تدري هالوقت اتكون اتكلمه وبعد ساعه اتصلت مرتين وبعدها رد .. سلطان : الو منار : السلام عليكم سلطان وباستغراب وهو حاس انه هالصوت مب غريب : وعليكم السلام منار وبعفويه : سلطان ما عرفتني .. ( ما كانت تقصد مثل ما يا في بال سلطان كانت تقصد انه يتذكر اليوم الي ردت فيه عليه ) سلطان وباستغراب : انا من فتره مودر هالسوالف انتي من وين طلعتييلي منار وبصدمه من جملته (انا من فتره مودر هالسوالف انتي من وين طلعتييلي ) معقووله ما يكون يلعب على الوعد وودر كل شي : لا عفوا فهمتني غلط انا كنت اقصد لو متذكر انا منار قصديي الي رديت عليك من كم شهر من فون الوعد .. سلطان وبعدم ارتيااح : ااوه .. السموحه اتذكرتج خير اختي ؟! منار : سلطان انا ما ادري كيف دقيت علييك بس انا ابا اكلمك عن الوعد .. سلطااان الوعد طاايره فييك .. اتشووفك كل الناااس وهي اتحبك فعمري ما شفتها جييه .. سلطان لا اتاذييهاا دخييلك سلطاان : منار قلتيلي صح؟! منار وبخوف : اا.. اا هييه سلطان وهو حاس بخوفها من نبرة صوتها : منار لا اتخافين الوعد انا والله احبهااا واعرف انهاا غيير عن كل الي كلمتهم وانا ما العب عليييها والله .. منار : سلطان انا الوعد قالتلي انه عمرك 18 وانت تدري انه عمرها 16! انتو صغاار والي اتسوييه غللللط !! الوعد فعمرها ما كلمت شباب .. وانت علقتها فيك انا حاسه انه الوعد فاقده اهتمام ابوها الله يرحمه وشافته فيك واتعلقت فيك اكثر .. وبعديين انت واثق انها راح اتكون لك بعد 5 سنين او اكثر ما اتدري شراح يصصير لا اتعلقها فييك اكثر ؟؟ سلطان : منار انا ادري الوعد شو وادري انها ما كلمت غيري وانا واثق فيها وانا بكون كل شي لها ان شاء الله وببقى وياها .. انتي ما تبين سعادتها ؟ منار : انا اكثر وحده تبغي اتشوفها سعيييده .. وانا خايفه انه فالنهايه هالسعاده تنجلب .. سلطان : منار صدقيني انا صح ما اعرفج بس انا ما العب علييها والله احبهاا واعدج ماراح اخلييها وماراح اتكوون حزيينه .. منار : على خير يا سلطان .. ارجوك ماابا الوعد اتعرف اني كلمتك سلطان : إن شاء الله منار : مع السلامه وسكرت .. وذكرت الوعد لما كانت منهاره بعد ما كلمت سلطاان اخر مره وكيف خبرتها عن كلامه قالتلها كل شي قاله ( هه اتقول يا سلطان انه الوعد ما اتعرف شو معنى الوعد ناسي انك وعدتني ما اتخليها وانها ما اتكون حزينه ) الوعد مالها ذنب بشي يالله كل مني .. قامت تذكر .. منار : وين كنتي يدوه من متى تزقرج الوعد بهمس : كنت اكلم سلطان وما انتبهت لها منار وبخبث : اكييد ما بتنتبهيين الوعد : هههههههه .. ام الوعد وهي اتحط الفواكه فالصحن : ها امي يودي كلي الوعد تضحك : يا ربي يا امييه .. خذت الصحن منها : خلاص انا راح آكل فغرفتي وركضت .. ام الوعد : وعوود ماما انتبهي الخدامه ماسحه الارض والارض زلق ومن قالت هالجمله .. طبعا الوعد ما انتبهت الا بعد ما خلصت امها من كلامها وما سمعوا الا صوت الصحن يتكسر والوعد على الأرض .. فزتت امهاا ومنار الي كانو موجودين فذاك الوقت يركضون ام الوعد كانت اتصيح وهي اتشوف بنتها على الارض ومنار مثل الشي الي نزلت عشان اتقومها ومن حطت ايدها تحت راسها حست انها اتبللت ورفعتها وكانت كلها دم واستوعبت انه الوعد دق رساها طرف اليدار .. تذكر المستشفى فهاك اليوم اول مره اتحس انه المستشفى زحمه .. ام الوعد اتصيح وهي اتصيح وياها وعمامها كلهم موجودين لين ما ظهر الدكتور بعد العملييه .. وهي تسمع الدكتور يكلم ابوها : نحن سوينالها العمليه ووقفنا النزيف ولله الحمد لكن البنت دخلت فغيبوبه .. يدتها فهالوقت انهارت وهي حرمه عوده ضغطها نزل وطاحت علييهم وشلوها لغرفه ثانيه اما هيه فشافت ابوها يمشي ورا الدكتور لين مكتبه وقفت عند الباب الي كان مفتوح .. ابو منار : كيف يا دكتور يعني هالغيبوبه لين متى !! الدكتور : والله العلم عند الله يوم يومين او شهر حتى احيانا بالسنين واحيانا كثيره اذا دامت الغيبوبه اكثر من 3 شهور احياناً اتكون خطيره .. ابو منار بخوف واضح من صوته : لا حول ولاقوة الا بالله .. الدكتور : انا راح اقولك شي بس انصحك انه ما اتخبر والدتها .. ونحن للحين مب متأكدين من شي ابو منار وبخوف : خير إن شاءالله الدكتور : البنت تلقت الضربه على راسها وفمكان خطير نحن متوقعين انها لما تقوم اتكون فاقده الذاكره او جزء منها يعني تتذكر الاشياء القديمه مثل طفولتها .. ابو منار بصدمه : انت شو تقول يا دكتور شو هالكلام الدكتور : لازم اتكونون متوقعين هذا الشي ابو منار : يعني ما بتذذكر يا دكتور الدكتور : ما اعتقد يا اخخ .. بس كل شي باييد الله تذكر كيف سحبت عمرها بالقو وهي اتصيح على عمتها وصديقتها وتوأمها وكل شي !! كيف يعني ما تتذكر يعني ما تتذكرني !!! مرااح تتذكر من انااا ؟؟.. اكييد ما راح تتذكر يعني .. ( هذا الي دار في بال منار ) طول هالايام وتلفون الوعد كان عندها والحاحات سلطان فالاتصال وترتهاا ما تتخيل اتقوم الوعد وتصدم سلطان وتكبر السالفه ويمكن سلطان يصر عليها وحد يعرف تنهي كل شي الحين احسن من البدايه هي كانت حاسه انه هذا الي يصير غلط وطرشت " سلطان انا آسفه .. ظروفي صعبه انسى كل شي من بينا " وبعدها حطت تلفون الوعد عندها وكانت اتشوف المسجات الي توصل والاتصالات بس ما كانت تقدر اتسوي شي حتى ما اتجرأت تفتح اي مسج خلت الفون والغريب انها ما قدرت تغلقه كان عندها امل بسيط انه الوعد اتقوم وهي متذكره واتصلح الي هي سوته واحيانا كانت اتفكر اتخبر سلطان بس اتخاف من الي ممكن يصير للوعد لو قامت .. كانت تتخيل انه الوعد تعطي حد من خوانها التلفون ولا شي واحيانا تتخيل انهم يدرون فخافت .. تم الفون مكانه لين ما خلص جرجه وبعد ما مرت سنه انقطع الرقم وكان المفروض يتجدد بس محد فكر فهذا الشي .. لين ما يا اليوم الي وصلهم خبر قومتها تذكر كيف دخلت عليها بخوف خايفه انه الوعد ما تتذكرهاا .. لكنها انصدمت ب الوعد : مناااار شووو صااار لي ... !!! ؟ ___________________________________________ كم يوم ورجعت الوعد للبيت ومنار اضطرت اتخبرها شو صار مع سلطان لان سؤال الوعد عنه ما وقف فتحت الوعد الفون الي كان كله مسجات بس كلهم مبين جداام تارييخهم جدييم .. " وعديييييييي انتييي شوو اتقوولييين " " ووعدييييييي رديي علييي بلييييز " " وعديييي شوو صااااير " " الوعد انا قلت لج ببقى وياج لو شو ما يصصير ومستعد اوقف وياااج فظرووفج بس رديي علييييي " " الوعد ردي دخيييلج لا اتعذبيني اناا احبببج " وكثثير غييرهها لكن اخر مسج كان : " الوعد ما بساااامحج على الي سوييتيه ".. وبسرعه اتصلت وعطاها انه رقمها الي تستخدمه مقطوع وما تقدر تتريا تجدييده خذت تلفون منار واتصلت .. وكانت آخر مكالمه بين الوعد وسلطان .. ( يا رب انا ليش اتدخلت انا غبيه غبيه .. لو لو صار اي شي وما طرشت لو خبرته انزيين .. لو ما صدقت كلام الدكتور !! كيف وثقت في كلامه هو منو علشان يحكمم .. آآآه يااارب ) قامت تذكر فرحة الوعد على مكالماته ولا يوم يطرشلها صوره وكيف اتراويها اياهم بفرح وغرور ذكرت اليوم الي الوعد شافت فيه سلطان : منووووووووور ما تتخيلييين واااي فديييته فديييته وسسسيم مررره منار: هههههههههههههههههههه انزين انزيين عن تتخبلين علينا ادري وسيم ترا راويتيني صورته الوعد : لا منااار والله احلى من الصووور .. غييير غييير على الطبيييعه غيير منار : هههههههههههههههههههههههه انزين انزييين الوعد وبهيام : ربي يحفظه ماشاءالله عليييييه .. منار : هههههههههههه ويااا ويهججج .. ( بسس يالوعد سنه كلمتييه ولهلدرجه حبيته .. الله يجمع من بينكم ) وما حست الا بحد يهزها منار فزت : مااايد متى طللعت ماايد وبخوف : حبيبي فيييج شي من متى وانا اكلمج ما اترديين علييي منار بتوتر : لا بس سرحت اشوي مايد : فشوو ؟؟! منار وهي بعدها متوتره : في وعوود حليلها كانت تعبانه .. مايد : هي الحين بخير ؟! منار : هيه الحمدلله .. مايد : الحمدلله .. يلا ننزل منار : يلا .. شافت فونها وشافت الساعه 10 ونص هيه يوم يت الغرفه كانت توها طايفه العشر ( كييف مر الوقت بسرعه ) .. الوعد ( مالي ويه اجابل البنات ولا حمد شو بيقولون عني ) كل من هالحبوب الله يفكني منها ( ذكرت كيف بدت تاخذهم من بعد ما كلمت سلطان آخر مره تعبت وايد ما كانت تقدر ترقد ومره طاحت عليهم من التعب ونصحهم الدكتور ياخذونها لدكتور نفسي فالبداية الكل اعترض لكن عقب ما تعبت اكثر اضطروا يودونها اتعالجت عنده قريب الشهرين ما كانت اتحس باي تحسن اصلا ما قالتله عن الي فيها كل الي قالته انه تعبانه من فراق ابوها .. ماكانت تجذب صح السبب الاول كان سلطان لكن فهاك الوقت احتجات لحنان ابوها الي فقدته من سنييين يمكن لو كان حضن ابوها موجود جان خفف عليها فراق سلطان الي اعتبرته الرجل الحنون في حياتها .. لكن فراق سلطان بالحقيقه ذكرها بفراق ابوها .. ما استفادت الوعد من الدكتور النفسي غير بشي واحد والي هو المهدئات الي كانت تاخذها قبل لا ترقد على شان ما تفكر بشي والي صارت ما تقدر تنام بدونهم من 4 سنييين .. وكل ما خلصوا تلجأ لنفس الدكتور الي اتعالجت عنده والي على باله وعلى بال الوعد انها استفادت من هالعلاج واليوم وبسبب الي صار امس اكتشفت انه ضرها ومع هذا ما تقدر تتخلى عنه .. فبداية علاجها كانوا اخوانها وامها يدرون بموضوع الدوا .. بس بعد ما كملت السنتين الي كانوا باقيلها من الثانويه .. وبعد ما امها حققت حلم بنتها الي الكل كان يدري انها تبا يكون لها صالون وبعد ما دخلت الجامعه .. كانت تقضي فترة الصبح فالجامعه وعالعصر لين المساء فالصالون ومن ترجع البيت تيلس وياهم اتوقعوا انها خلاص رجعت طبيعيه وتركت هالشي بس الي ما يدرون فيه انه الوعد صارت بنفسهها تلجأ لهذا الدكتور كل فتره والثانيه .. خلاص تعبت من التفكير قامت وطلعت من غرفتها ودقت الباب على شوق شوق : ادخلي الوعد وهي تفتح الباب: وش اتسوين شوق : ولا شي الوعد وهي تنتبه على شي وتتجدم وتوقف حذالها : بسم الله شوووق وش ذاا !! وهي اتأشر على ويها كان عند فكها معلم على اليمين واليسار ومستوي مثل الكدمه الصغيره وشوق انتبت اول ما قامت عليهم .. شوق وهي مرتبكه : ماا اعرفف ! الوعد : وش الي ما اتعررفيين ؟ شوق وهي ما تبا اتقول : ما ادري ؟ الوعد : لا والله تبين تقنعيني انك قمتي الصبح وويهك كذا مكفخ ؟ شوق : عممووه دخييلج خلاص لا تسألين .. الوعد طلعت وسكرت الباب بالقو وهي متنرفزه منها .. وقبل لا توصل الصاله سمعت .. امها : وانت لين متى جذا بتخليهن يسرحن ويمرحن على كيفهن .. الوعد وهي ما اتحب تتسمع على حد .. قالت وهي تتجدم : من امييه ؟؟ امها : هذا اخوووج مخليي بناااته عند خالهم اقولها قوم هاتهن مب راضي الوعد وباستفسار : ليه امهم ويين ؟! امها وبدون اهتمام : اتوفت من فتره .. الوعد وبشهقه : كيييف ولييه محد قااال ما رحنا عزيناهم .. نزل راسه : سرت انا .. الوعد : حتى ولو لازم كان حد منا يروح يعزي الحريم ما يصصير كذا .. امها : انا ما فيه شده للسيره منو كان بيسسير .. الوعد وهي لاول مره اتحس بالقهر من امها : انا كنت بروح ليه ما قلتوا .. ورجعت غرفتها بقهر .. ترريا منار عشان تشكيلها قهرها .. اما فالصاله : يعني اميه الله يهدييج انا من متى مخلنهم عند امهم تبيني الحين اخاذهم امه : انا من يوم كانوا عند مههره اقولك هاتهن .. ابو المها : الله يرحمهاا .. امه وبليا اهتمااام : سير هاتهن ابو المها : امييه اييبهم انزيين ويين بيلسهم .. ام الوعد : تراك كنت يالس ويا مهره هنا عنديي .. ابو المها : يا امييه كانو البنات صغار وويانا فغرفة وحده الله يهديج الحين الوعد كبرت وشوق لا تنسينها وين بيلسهم انا .. بناتي مب يهال ييلسن وياي والبيت ما يضمنا امهه : مرواان لا تيلس وتتعلث هات بناتك جان تبا رضاي .. مروان : خير إن شاء الله خير .. طلع وهو متضايج ذكرته امه بمهره الله يرحمها .. وكيف فبداية زواجه كان عايش عند امه وفهاك الوقت كان توه يشتغل ووللحين ما عمرله بيت .. امه ما كانت تطيق مهره كل يوم ضرابه وشتم .. ومشاكل .. ومهره ما كانت من النوع الي يرضى بالغلط وطلبت من مروان يطلعون من البيت وامه ما رضت علشان ما يتمشكل واتصير له ديون .. ومهره ما قدرت تتحمل اكثر وخيرته يا يطلعون من البيت يا الطلاق ومروان ما همته مرته ولا بناته فهاك الوقت كثر امه وشغله وراتبه .. مروان ( والله هذا صالح .. شل مرته وعياله وطلع من البيت .. صح الديون كاسره ظهره بس على الاقل مرته وعياله حواليه معوضينه .. لو حالته تعبانه ما خسر كثري قلت اشتري راحتي بالفلوس ونسيت عايتلي .. الله يرحمج يا مهره.. ) شل التلفون بيتصل على أحمد بس قال يسييرله خلاف احسن .. فمكان ثاني .. منال ونوره وهم سمعوا بسالفة الريم وساروا عندها البيت .. ومن وصلوا بعد ما سلموا على خدييجه كانوا عندهاا فالغرفة نوره : ياا عمريي انتيي سلاامااات الريم : الله يسلمج منال : حبييبيي ماا اتشووفيين شرر الريم : الششر ما ايييج نوره : كييف طحتييي الريم وهي تضحك وتخبرهم السالفه .. ونوره ومنال يسمعونها ويضحكون .. ومر الوقت وهم سايرين نوره طلعت قبل منال .. وسارت السياره ومنال وهي سايره شافت زايد فويهها .. زاايد يوم شافهاا حس بشعور غريب حس انه المشاعر الي كان يحسها بشوفة منال كلها اختففت ما يدري كيف قدر انه يسكت وما يقوول شي منال حست بالغيض بالقهر ( لييش ما عبرنييي ؟؟؟ لييش ماا كلمنيي ؟؟ لا يكون يترياني ارمسسسه ) وشافت زايد بنظره زايد حس انه تبا اتقول شي وقال باحراج انه ما سلم : شحالج منال منال وهي اترص على اسنانها : بخييير !! زايد ابتسم .. منال ( ليش يبتسم اكييد على باله اني مستانسه لاني شفته ) ومشت وهي طالعه قالت : زااايد زايد : هلاا منااال منال : ترااك مبب أكببر طموحااتي .. وطلعت زاايد وهو مصدوووم يبا يستوعب شو تقصدد .. حسس بالاهانه للحظات وللحظات ثانيه بالقهر وللحظاات بالغييييض تجاه منال يبا يفهم ليش قالت جيه .. رااح غرفته واتصل للمها يشكي لهاا الحال رجعت منال البيت و لقت هيا وساره فالصاله سلمت عليهم وسارت غرفتهاا كانت حاسه بتأنيب الضمير حاسه بالغبباء بس تبغي تفهم هيه كيف قالت لزاايد هالكلام .. مرت من غرفة المها .. انصدمت وهي تسمع صوت صيااح مؤلم رمشت بعيينهاا وركضت لغرفتها المهاا كانت ذابحه عمرها صياح من بعد ما سكرت عن زاايد كانت متألمه لقهر زاايد وكيف كان يشكي بعتبب وكانت مجروووحه لابعد حدوود يشكييلها عن حبيبته وهو ما يدريي انها تمووت فيييه حست كل الاشياء تراكمت عليييها وهي للحييين متألمه من فراق امهااا قاامت تصييح بكل الم .. رجعت لغرفتهااا بصدمه وصووت صيااح المها كان وكأنه كفف وصحاها من كل شي ركضت لغرفتها وسكرت الباب يلست علىى السريير وحطتت اييدها علىى راااسها ( ياربي سامحنييي على الي كل ش يقلتهه اناا كيييف قلت جيييه كييف مب حرااام عليي ؟؟!! انا كيف كنت قاسيه كيف ما فكرت فيهم هم فقدواا امهممم اشفيييج يا مناااال لاا تكوونيين انااانيه حسيي فيييهم كيف حقدت على المهااا كييف غرت منهاا اناا من شوو اناا من حجرر ؟؟؟ اناا ماا احس بالي حووليي وزااايد زاايد كيف قلتله هالكلام الغبي كييف) وقفت واتجدمت عند المنظره وهي اتكلم عمرها : أناا أنااانيه !! معقووله اكوون انااانيييه ؟! لا انا اصلا طيبه ومب اناانيه !! بس كيف وانا من يومين غرت من المها واهتماام ابووي كيف ما فكرت انهم محتاجيين للاهتماام اكثر منيي !!لا لا انا مب اناانيه ! لا كيفف يا منااال انتي مب اناانييه وزاااايد .. زااايد الي ما يكوون غيير وللد عمج بس لانه قال انه يحبج صرتي ما تبين حد يقرب منه ؟!!! ليييشش ياا منااال انتيي حتىىى ما اتحبيينه بس عايبنج حبه واهتمااامه !! انتيي بسس اتحبيين اهتمااام الناااس ،، انتيي ما اتحبيين الااا نفسسجج ... لااا لااا انااا مبب انااانيييه وماا اغاار من حدد واحببب الكللل مب انااانييه اناااا حطت اييدهاا على فمهاا تكتم شهقه كانت بتظهر منهااا شهقه بتعلن نوبة بكااء !! شلت العطر الي يت عيينهاا علييه وفرته بالقو وهي مغمضه عييينهااا سمعت صوت الزجااج وهو يضرب الارض .. انكسسر العطر !! يلست على الارض وهيه اتحس بكتمهه وتعبب .. ما كانت قادره ترفع نفسهاا .. بس حاااولت وحاولت ليين ما وقفت ووصلت للسرير خذت فونها واتصللت .. مسكت الفون وباستغرااب : هلاا منوولي منااال : احتااااجلج ! وبخوووف : بسم الله عليييج .. شو فييج وركضت لغرفة منال .. شافتها يالسسه بتعبب شهقت بخووف : منااال حبيييبتيي اشفيييج منال شافتها بانكسار : دخييلج سكري الباب .. سكرت الباب وويلست حذالها على السريير وهيه اتشوفها باستغرابب منالل : لييتنييي مثللج يا ساااره .. طيببه واحب الكلل ما ازعل حدد ساره وبصدمه : حبييبتيي منااال شو هالرمسسه انتيي اطيب منيي وما اتزعليين احدد منال وهي اتصييح : ساااره انااا انااانييه اتعرفيين شو يعنيي اناانييه ما اهتمم الااا لنفسييي ساره وللحين على صدمتها : بسم الله علييج لا اتقولين جييه يا روحييي منال : لاا ياا ساااره بقوول اناا اناا بنفسيي اكتشفتت انييي انااانيهه شفتييي كييييف .. اقوولج شي على شاان اتصدقيين اناا غرتت من المهااا من اهتمااامكم فييها وحطت اييدها على ويهااا وهي اتصييح : شفتييي كييف اناااا انااانيه ما فكرت فيييها ولا فمعااناتها ما فكرت الا بنفسييي وحتىىى زاااايد لانه مهتم فييها غرت .. وهي اتشل ايدها عن ويههاا واتحط عينها بعين ساره الي كنت اتشوفها بصدمه وذهول .. وكملت : غرتتت واناا حتىىى مااا احبببه ولاانيي ابيييه غرتت .. وشهقتت ماا اباا اكووون انااانييه يا سااره مااا ابااا .. ضمتهااا بقوو وبحزن على حاللهاا : منااال ما ادريي شوو اقووولججج قااطعتهااا : ادرييي طحتت من عيييننج وطلعت انساانه تافهه وانا... ساره : اووووووووووش .. وهي تمسح على شعرها يا منال انتي لازم اتحطيين فباالج انج طيبهه ولو كنتي للحظاات انانيه انتي عرفتي غلطتج يا مناال انتيي قلبببج طااااهر ولو كنتي مثل ما اتقولين جان ما حسييتيي ولا افتكرتي ولا عاتبتي نفسج ولا ااتضاايقتييي والدنياا مااشيه وكل انسان يقدر يتغير للاحسن ومحد كامل لا انا ولا انتي ولا غيرررنااا .. منااال :سااااره لاا اتخليينييي انصحييينيييي .. اباا الانااانيه ترووح اباا اكوننن منااال ثاانيه اباا اكون مثل منال الي فباالكم الطيببه ساررره : انتيييي طيييبه يا منااال واناا معاااج داايماااا وما راح اتخلى عنج واذا تبيين نصييحتيي قبل لا اتسويين اي شي حطي نفسج بداال غيرج وشوفي لو كنتي مكانهم بتتحمليين .. منااال هزت ر ااسهااا : إن شاء الله .. إن شاء الله .. ووقفت وراحت صوب كبتها تحت صدمة ساره ؟!!!؟! فتحت الكبت وطلعت بدلتيين وشكلهم يداااد .. : ساره اي وحده احللى !!؟ ساره بصدمة : كلهم حلوااات منال ابتسمت وحطتهم على الكرسي وبدت اتظهر ملابس واشوي نعول واشوي عبييي وساره مصدوومه : منااال شوو اتسويين منالل ابتسمت : رااح اتبرعع فيييهم .. ابيي اتغيير من هاللحظه ابيي احب النااس اكثر من نفسسسي ساره ابتسمت حستهاا للحظاات انها طفله ووللحظات انسانه ثانيه بس انسانه احسسسن ( الله يهدي الجمييع إن شاء الله ) مناال ( رااح اتغيير رااح اصصير احسسن بعوون ربييي ) اليوم الي بعده دقت الباب بتوتر .. فتحت المها الباب وانصدمت : منال ؟ منال وبابتسامه : صباح الخير مهاوي المها وهي مصدومه : صباح النور منال : ابويه يقول انزلي انتي وهيونه عسب الريوق .. المها وباستغراب : إن شاء الله .. منال : اوكي .. وسارت المها : هيونه سمعتي هيا : هيه يلا ننزل .. المها ( سبحان الله شو متغير اليوم يا منال امس شي والحين شي ) نزلت وهي ما فكرت واايد .. روضه انا مستححيييل اخلييه يرووح من ايديي بس لو هو صدق كان يحب هذي شما .. ههه وين المشكله يودرها ويحبني انا ؟! ) سارت عند امها : ماماي انا اليوم بروح عند شما بنت خالي رفيعه وبدون اهتمام : هيه زين سيريلها .. ________________________________________________ العصر عند شما اتفاجأت بروضه تدخل غرفتها .. وقفت بسرعه وهي اتحس بالاحراج مب متعوده على روضه وهي الحيين ببجامتها اتحس انها مبهدله بس اتداركت الوضع وقامت سلمت عليها .. روضه : شحااالج شمااا حبيبتي شما : الحمدلله انا بخيير وصححه انتي شحالج وشحال عمو وعمي واخوانج روضه : كلهم بخيير .. انا اسسفه فاجأتج شما : حبييبتي انتيي، حيااج الله فاي وقت .. اتفضلي يلسيي اشحقه واقفه .. يلست روضه .. وبعد سوالف سطحيه يابت الخدامه عصير وكيك .. بدت روضه اتسوولف عن وايد اشياء واندمجت شما وياها لين ما دخل وقت العشاء اتعشوا وعلى الساعه 10 راحت روضه .. شما وهي اتفكر دقت على الريم .. الريم : هلااا بشميييييييمييي شماا : هلاا ريمي .. الريم : فيج شي ؟! شما : قولي منو كان عندي .؟ الريم وباستغراب : منوو شما : رووضه .. الريم وباستغرااب : رووضهه ؟؟؟؟ شما : هيه وما كنت ادري انها بتي جيه فجأه الريم : اونهه ؟؟ شما : هييه اتخيلي ريوومه حسيتها مرتاحه وياي كانت اتسوولف .. سولفت عن كل شي دراستها بررع ربعهااا عماامها وعماتها .. ابوها اخوانها ربعها .. حسيتها عفويه وطيببه .. بس ما ارتحت .. الريم : حلييلها .. بس ليش ما ارتحتي شما : ماا ادريي .. الريم : بسس لااا شو بعد ارتحتي ما ارتحتي .. تراها بنت عمتنا .. شما : هيه ادري بس ما ارتحت معاها يمكن لان اول مره اسولف وياها جييه .. الريم : يمكنن .. وكملوا سوالفهم بعيد عن روضه .. .. مناال : باابااا الحييين الحييين احمدد : هيه حبيبتي سفره طارئه هذي .. عاشه وهي اترتب الشنطه ونوره اتساعدها ,, عاشه : بس غريبه هذي اول مره .. احمد : هيه والله .. بس الشغل شغل .. نوره وبتفكير وبجراة : ابويه انا برجع بسوق .. شافت نظرة احمد البارده الي خوفتها بس ما سكتت : ابويه الحين انت بتسافر ويمكن نحتاج شي راشد ما يكون دايما فالبيت احمد وببرود: المها موجوده و ما بتقصر وياكم عاشه : صدقت يا بو نوره ما بتقصر بس بعد ما يصصير انعبل عليها وسيري وتعالي .. ومنال ما عليه راشد بيوديها الجامعه بس فالرجعه ترا دوامها يختلف .. احمد باقتناع : خلاص ما عليه يا نوره السويج بعطيه امج وطلعه بدون امج ماشي .. واضح ! نوره وهي منزله راسها : إن شاء الله .. نص ساعه والكل كان فالصاله يسلم عليه .. نوره وعاشه ومنال والمها وهيا وراشد وساره .. اتصل سلم على اخوه واخته وبعدها راشد وصله المطار .. كان توه داخل البيت .. : رمسسست الرياال ! مروان وهو يتذكر : راااح عن باليي يا امييه كنت مشغووول ام مرواان : انتت محدد يعتمدد علييك قمم اتصل فييه الحييين مروان : امييه الله يهدييج الساعه قريب ال 11 .. باجر إن شاء الله بسيير له البيت .. ام مرواان : قمم بسس قممم عني هنااك .. مروان سار بهدوء عن امه .. الوعد لازم ترقد عندها جامعه باجر ودوامها من وقت بس مب قادره كل يوم ما ترقد لان سلطان في بالها واليوم سلطان وغيره تذكر كلامها ويا منار كانت معصبه من امها واايد وما طلعت حرتها الا فمنار ( مسكيينه يا منوور كل ما اعصب اصرخ علييك ) تذكر : منااار اتخييلييي اتوفففت اتووفت وما قالو لاحددد منار : لان هالسالفه مب مهمه عند يددووه الوعد وهي اتصررخ : ادرررييي ادرييييي انه مو بمهم عند امييه .. ترجعيين اتخبريينييي لييه .. وبدت تستوعب انها اتصرخ عليها وهي مالها ذنب سكتت ووييهاا احمر من الغضب يبين انها لو ما اتكلمت بتنفجر مناار وهي اتعرفها عدل واتعرف انها كاتمه عصبيتها : حبييبتيي وعوود .. عاادي طلعيي حرتجج فيننيي صرخييي علييي بسس لا تسكتيين الوعد وهي اتصرخ : ما ادرييي وشش اسويييي فيييهم ما يقدرون البشششر ومروااان يااا اخييي امهم تتوفى وما تخبر احدد وش ذا الجنوون !! وقامت اتصرخ على منار لين ما هدت ( يا عمري يا منار محد فاهمني بالهدنيا غيرك و غير سلطاان ) ( ويينك يا سلطاان احتااجك انااا ) يوم الاحد وبصدمهه : احسسس فلمم هنديي : هييه والله انااا انصددمتت واايد ما اتوقعت اشووف مثل هالموقف .. : قووليي كييف كاان شكلهاا : ههههه شو تبين في شكلهاا .. : يلاا ميييروه قوولي ميره : جميييييله .. جذاابه اتحسسن ملاامحهاا حااده .. مريووم مش انج اتقولين عننهاا نااعمه او بيبي فيس .. لاا اتحسسينهاا يعنيي جييه ما اعرف كيف اشرحللج مرييم وباعجااب : فهمتت فهمتت مثل الي اتقولين مسويه عملية تجمييل مييره : علييج نوور .. سبحاان الله .. مريم : ما شاء الله شوقتني اشووفهاا .. ميره : يتت يتت المسس مريييم : اوووووووووف قططططع ميره وهي مب عايبنها : حراام علييج مريووم لا اتقولين عنها جييه مريم : جب انزين جبب .. دشت المس : قبل صباح الخير وقبل السلام .. الي ما تبغي تحظر تتفضل برع .. قامت شلة بناات وطلعوا .. مريم : مييرووه حلفففت عليييج نطلللع ميره شافتها بخووف : لااا مرييم مريييم : اتردييني وما عطتها مجاال ترمس مششت ومشتت مييره ورااها شافتهم المسس بصدمه وقالت : حتى أنتواا ؟؟ .. ميره كانت بترد بس مرييم سحبتهاا وطلععت ومن اتسكر البااب انفجرت مرييم :هههههههههههههههههههههههههههههههههه طوووول ما هيييه اتدرسنيي واتقوول هالجمله اتمنى اطلع صدق بسس اليووم ما ادري كيف اتجرأت مييره : اوووف منجج انا ما ادريي اشحقه لحقتججج .. الحين ما بفهم .. مريم شافتها بنظره : خفييي عليينا يا مصطفى .. انتي وين والدراسة وين ميره : هاهاهاها عبيييطهه مريم تعالي بنيلس على الدري وبعدد ما يلسووا : مييرووه مييره وبملل : هاا مييروه ؟! مريم وببراءه : شو كان اسمها ميره : منوو ؟؟!! مرييم : منووو بعدد حبيبة سلطاان ميره وبصدمه : انتيي بعدجج !! وبعديين منوو قالج انهاا حبييبته مريم : اكييد حبييبته .. ميره : والله انتي ما عندج سااالفه مرييم : احسهااا لااايقه على سلطااان يعنيي هوو حللووو وهيي طررر مييره : هههههههههههههههههههههههه مريوووم والله انج اتضحكيينيي اتحسسييني انج شفتييها مرييم : انتيي اشعرفج انا خلااص اتخييلت شكلههاا ميره : الحمدلله والشكرر مرييم : شوو اسمهااا انزيين ؟؟! مييره : ماا ادريي ! اتعرفيين انصدمتت من جوووج مرييم : شو سووت بعدد مييره : يووم كنت اسال سلطان عن البنت عصبت وصرخت عليي .. مرييم شهققت : يممكككن اتعررف شوو الساالفه مييره : هزرررج ؟؟!! مريمم : هييه ولا ليش بتسكتج مييره وهي تبعد الي يدور في بالهاا : لا لا لا ما اعتققد اتعررف .. بس انزيين خليينا انسكر هالسالفهه شيء واستوى ومالنا شغغل فييه .. مريم وبفضوول : انتيي ما ادريي كييف جييه انا الحيين اتحرقصصص اباا اعررف كل شيء وانتي بكل برود وهي اتقلدها " خلينا انسكر هالسالفه " مييره : ما احب اتدخل في شي ما يخصنيي والله اعلم شو سالفة هالبنت والي يستر على الكلل .. مرييم : اوييه يعنيي البنت مب زيينه مييره : استغفر الله انا ما احب اتكلم عن الناس بسس احس الي اتكون اتعرف واحد اتعرف عشره غييره .. استغفر الله استغفر الله ما ابا اتكلم عنهاا خلاص الي يستر علييينا اجمعيين .. وبعصبيه : انا ما اقوولج خليينا انسكر السالفه بسس احصل ذنوبب من ورااج مريم : ماا يخصهه مييره مب شرط اتكون اتعرف غيره ميره بعصبيه : ما قلت سكري السالفه مريم : انزيييين خلااص سكتنااااا .. الجوهره  آآه لوو انا كنتت مكاانهاا وعشتت قصة حببب .. وابتسمت احببب وحدد يحبنييي .. مستحييل اخلييه يرووح من اييدي .. لازمم يا الجوهره اتسويين شي زيين فحيااتج انا فعمري ما اسعدت شخخص يا ليت لو اسعد احد من اخواني ).. مر الوقت وصار الظهر توها طالعه من اخخر كلاس حاسه انه اليوم كان مرهق 4 كلاسات وماكان عندها ولا بريك .. مششت ليين برع ركبت سيارتهاا .. ( وشش ذاا الحرر أعووذ بالله .. غمضت عينها وفتحتها بسرعه ارجع البيت اريح واروح بعدها الصالون ولا على طول .. احسسن ارجع .. اووه كييف نسييت شووق باقي ساعه عن ايخلص كلاسها وينن اروح ويين !! ااووه الجواال .. ) واتحركت تييب الفون الي كان عند سلطان وهو اساساً لحميد.. وفعلا لين ما وصلت وعلى زحمة الشاارع خذت الفون ورجعت للجامعه تقرييبا مرت سااعه .. مسكت فونها واتصلت .. : هلاا الوعد : يلا حبيبتي شوق انا انتظرك شوق : يلا يايه .. __________________________________________________ _ الريم وهي طالعه من غرفتها سيف : رييمووه سيري بنت عمتج تحت الريم وبوناسه : هيا ولا المهااا !! سيف وباستغراب : روضه ! اختفت وناستها وابتسمت وباستغراب وقالت بصوت واطي وهي تمشي بعكازها : رووضه !! كانت تترياها تحت وهي مستانسه ( وااي فدييييته فديييته كييف كاان يتطاالعنيي شكليي عييبته ) هذا الي كان في بال روضه انه نظرات سيف كانت اعجاب وهذا عكس الي سيف كان يشوفها فييه وماكان ابد عايبنه شكلها بدون شيله ولا عباه .. الريم من وصلت الصاله تحت شافتها روضه ووقفت وسارت صوبها سلمت علييها الريم روضه : اناا اسففه ييت بدوون ما اخبررج الريم وبابتسامه : لا حبييبتي افاا علييج حياج الله اتفضلي .. ويلسوا روضه : حبيبتيي سلاامت ما دريت عن ريلج الريم : الله يسلمج من الشر .. تمو ساكتين لدقايق وعقب روضه : تدرسين في زايد صحح الريم : هييه روضه : وشو الدراسه الريم : الحمدلله روضه : اشكثر بقالج الريم : ان شاءالله هالسنه وكورس روضه : ما شاء الله بس انا سمعت انه في زايد واايد يطولون ! الريم : امم صحح في حد يطول بس انا ما طولت في الليفل وكل سنه اخذ سمر كورس انا وشمه بنت عمي سعيد روضه ( بعدد شماا !! ) : واااو !! كييف تقدريين تدرسين السنه كلها والسمر بعد !! الريم : لا السمر ما يكون طبعا السمر كله !! وبعد انا عادي عندي اضغط على عمري وان شاء الله بخلص وبرتاح روضه : هييه زيين انا لما كنت فامريكا دراستنا هناك ويا حلوه وعندنا وايد اكتفيتيز شوفي يعني مثل 3 ايام فالاسبوع ...................... الريم كانت تسمع سوالفها ومبتسمه حست الي اتقوله مثل الي قالته لشما بس كان عادي عندها تسمعها وفي بالها انه روضه تبا تتقرب منهم و هي ما عندها اي مانع والي كل شوي تتذكره ( كفايه الي صار مع المها ما ابا نفس الشي يتكرر ويا روضه ) مر الوقت على سوالفهم .. منصور كان بيسسير غرفته وما يدري انه حد فالصاله بس من شاف روضه انصدم وصد : احمم .. هووود منصور كان في باله انها ربيعة الريم .. الريم صددت وما انتبهت عدلل منو الي واقف وهي ما اتشوف عدلل : تعاال زاايد هذي روضه بنت عموه رفيعه منصور انصدم من شكلها ومثل سييف ابدد ما عيببه الوضع : السلام علييكم .. ردت الريم وروضه : وعليكم السلام . منصور وبدون اهتمام : شحالج رووضه رووضه : الحمدلله انت شحالج .. منصور : تمام .. ومشى غرفته ! الريم استغربت من تصرفه حسته مب مهتم وفوق جيه استغربت انه ما قال هو منصور لانه فالبدايه ما ميزت بس عقب لما سلم عرفت انه منصور .. روضه حست انه ما اهتم لوجودها وانقهرت ! الريم وهي تبا اتلطف الجو : هههههههههههه ترا هذا منصور مش زاايد انا مانتبهت ... روضضه وهي اتخلي عمرها طبيعيه : ههههههههههههه ما شاء الله عليج ودقاايق ويت خلود الي روضه كانت مسلمه عليها من اول مايت .. خلود : ريم امييه يلا الغدا الريم : زاايد ما بيي ؟! خلود : لا قال بيتغدا برررع .. الريم : خلاص اوكي روحت خلود .. الريم : روضه تبين نتغدا فوق ولا عادي هني روضه فهمت انه كلهم بيتغدون من سالت الريم عن زايد اذا بيي على الغدا بس خلت عمرها مب فاهمه : ما ادري عادي عندي كله وااحد .. الريم ابتسمت : لا انا اقصد تحت يعني سيف ومنصور بعد روضه كانت واايد تبا اتشووف سييف بسس خافت ريم اتشك بشيء وقالت وهي اتمثل الاحراج : عيل فوق احسسن الريم : هههههههه اوكييه بس لازم تتعوديين علييهم .. روضه : هههههه ان شاء الله الريم : خلاص ثواني بس بقوول لاميي روضه : كييف جييه بتروحين الريم : لا ماا عليييج انا عادي عندييي .. وسارت فوق وهيه تصعد الدري بصعوبه كان منصور نازل منصور : هاي بنت عمتج وين تبا ؟؟! الريم وبصوت واطي : الله يفشلك يا منصور بتسمعك البنيه .. شو تبا فيها انت !! منصور سوالها طاف ونزل .. وعلى الغداا .. الريم وروضه فالغرفه روضه : رييم خبرييني عن عايلتناا احسس اني ما اعررف عنهم شي الريم : امم شو اقوللج يعنيي !! روضه وهي تبغي توصل لشي: يعنيي خالي راشد من متى معرس الريم : مش من زمان واييد يعنيي ما كملل سنهه روضضه : اووه .. ومررتهه كييف انا ما اعرفها عدل الريم : ساره يحلييلها طيببه ما في شراتها روضه بتلميح: امم انزيين ولا وحده من البناات مخطووبه صح الريم : للحيين لا بس يمكن قرييب روضه وبخووف حاولت تخفييه : كييف يعنيي !! الريم ما حبتت تتكلم لانه للحين ما في شي : لا ولاشي بس ان شاء الله يعني وحده منهم تنخطب ويتغير جو الحززن الي صار رووضه : ان شاء الله وليش وحده منهم مب انتي الريم : ههههههههههههههههههههه لا انااا ماا اتخييييل روضه : هههههههه لييش !! الريم : اخخر همييي اباا اعييش حيااتي اخلص جامعه اولل .. وبعديين يصيير خيير روضضه : واخواانج محدد خاطب منهم !! الريم وبدون ما تنتبه : سي.. وسكتت روضه وبخوف : كنتي بتقوليين سييف ؟؟! الريم : هاا لا بس يمكن سيف قريب ان شاء الله يخطب روضضه : جددد !! منوو الريم ما اتعرف تجذب وبعدين حست انه شو يعني لو رمست روضه من الاهل ومب غريبه : شماا .. بس للحين يعني محد يعرف رووضه ( مستحييييل اناا بسس وغييري مستحييل ) من ورا خاطرها : هيييه زيين زيين الله يتمم على خيير الريم : امييين ________________________________________________ تحت منصور : امييه .. هاذي روضه اشحقه جييه يالسه لا شيله ولا شي ما تستحي ! سيف وباعتراض : هييه والله جنه الا نحن محارمها سعيد وبعصبيه : بسس عييب علييكم هاي بنت عمتكم .. خلود : يا امي ما يستوي اتقولون عن البنت جييه بعديين هي طول عمرها عايشه برع وحتى خاري ما تتتحجب مش عشان انتوا عيال خالها ما تتغطى عنكم سيف ومنصور انصدموا لان كان في بالهم انه ما تتحجب عشانهم من الاهل ما كانوا يدرون انها بالاساس ما تتحجب .. منصور ( انا شوبلاي على البنت شو يعني ما تتحجب ؟! حتى نود ما تتحجب ! لا لا مستحيل انا اقارن روضه فنود نود غيير وينج يا نووود وحشتيني ؟! ) سعيد ما عيبه الي سمعه وكان ويا عياله انه ما يجوز ما تتحجب بس ما حب يعطيهم مجال بانهم يتكلمون عنها لان هالشي غللط .. العصر مر مروان لبيت أحمد يسأل عنه وقالت له الخدامه انه مسافر وما تدري متى بيرجع .. فماحب يتكلم بالموضوع مع غير احمد لانه علاقته بسعيد مب اوكي .. نهاية الجزء السادس عشر، في انتظار ردودكم وتوقعاتكم |
|
| |
| |
|
04-28-2014, 04:10 PM
| رقم المشاركة : [ 34 ] |
| عضو جديد | ححلو البارتت ،، تسسلمم ايدجج قهرتني منار الي سوته ف الوععد !! وحرامم سلطانن الممفروض يسمع الوعد و يفههم منها كل ششي ! روضضهه احسها بتخرب بين سسيف و ششماا عيبتني منالوهه انها بتتغير و م بتستوي انانيهه شراتت ققبل !!! ماشاءء الله عليج مبدعه وف انتظارجج __DEFINE_LIKE_SHARE__ |
|
| |
| |
|
04-28-2014, 08:47 PM
| رقم المشاركة : [ 35 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى مدري ليه انت بذات حبيتك ؟! | روح مغليكـ | استراحة قصص وابداعات الاعضاء | 8 | 01-18-2013 04:22 PM |
| قصة خيالية : ⌡ جلسـآت نفسيه ..~ روايتي الأولى | al-3nedh | قصص و روايات | 1 | 07-08-2012 09:21 PM |
| مشاركـ : روايتي الأولى:قلبي أنا ما أستغنى عنك | أسيرة الحنان | استراحة قصص وابداعات الاعضاء | 8 | 04-12-2012 11:48 AM |
| قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
الساعة الآن 02:48 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227