روايتي الأولى/ أنا غيرك ما هويت - الصفحة 9

MozaRashid · 04-29-2014, 09:37 PM

المشاركة الأصلية كتبت بواسطة almha

السلام عليج حبيبتي الروايه روعه استمري فديتج ولا تحاولين اتوقفيها لاني بزعل 😰 هههههه استمري فديتج ونرقبج

وعليكم السلام، شكراً حبيبتي كله من ذوقج♡♡♡ أنتي الروعة وأشكر متابعتج وانتظارج __DEFINE_LIKE_SHARE__

MozaRashid · 04-29-2014, 09:41 PM

المشاركة الأصلية كتبت بواسطة 3la hoonk

الباررت ططر تسسلمم ايدجج ،،

ححاليا م عندي توقعاتت و ف انتظاررجج !

شكراً يا جميلة أنتي الطر♡♡♡ أشكرج وأشكر انتظارج __DEFINE_LIKE_SHARE__

MozaRashid · 04-30-2014, 11:38 PM

المشاركة الأصلية كتبت بواسطة يتيمة حبيبي

اهلن حبوبا
ولله ما اعرف شو اقول جمال وﻻ روعة من اﻻبداع الي اقراه
تسلم ايدج حبيبي
ونتريا البارت الياي في اسرع وقت
اختج يتيمة حبيبي

شكراً حبيبتي أسعدتيني .. أنتي الجمال كله والروعه أشكر متابعتج .. __DEFINE_LIKE_SHARE__

MozaRashid · 04-30-2014, 11:40 PM

الجزء الثامن عشر
شاف المسسج بكل غضببب وهو مبب فاااهم شي ويتصل على الرقم مغلقق وكان المسج ( بنت عمكك وااايد مغتره فييك وتمشي وهي اتقول سيف يحبنييي !! وانا اعتبرني فاعلة خيير مثل ما يقولون واذا ترييد اتعرف بنت عمك شو !! باجر على الساعه 12 الظهر رووح مردف سيتي سنتر وتحدييداً في دبنهامز من الباب الي حذال الباركنات ..) اتوتر وفر الفون على السرييير بالقو وهو مب عاارف اصلا منو يقصدون فالمسج بس شك بأن المقصوده شما بس ما كان متأكد ولا فاهم ولا يعرف شوف السالفه .. خذاا الفوووطه بكل قهر ودش يسبحح ..
اليوم الي بعده الصبح وبعد االريوق .. المها والوعد كانو فالصاله اما هيا وشوق فالغرفة ..
شوق : هيااا ..
هيا : نعم
شوق : ولهتي على امج !!
هيا ابتسمت بحزن : الله يرحمها .. اكييد اشتقتلها ومستتعده اسوي اي شي بس اشووقهاا لو دقييقه ..
شوق : انا فعمري مااا شفت اميييه ولا اعرفهااا .. هييه بعد يقولولن اتوفت بس احس انها كانت اتحبني
هيا : ليش هي وينن سارت ؟
شوق ببرود : امي كانت خداامه !! هنديه ابويه اتزوجها وبعد ما يابتني طلقها !!
هيا انصدمتت ابد ما اتوقعت ام شوق اتكوون هنديييه : كيييف في ناااس لهلدرجه ظالمين !!
شوق : انا وانتي نتشابه .. نفس الابو !! ونفس فراق الام ..
هيا : آآه الله كرييم ..

الوعد : مهاوي شو درستي انتي ..
المها : تصمييم دااخليي !!
الوعد : حللوو .. !! ويين تشتغلين
المها : ما اشتغل فعمري ما فكرت فالشيء بس الحين قمت افكر .. وانتي شو درستي ..
الوعد : انا ادرس بزنس بعديي .. بس عندي صالون
المها ابتسمت : كشخخخه صالون حلوو الشيء .. واشكثر بقالج علشان اتخلصين الجامعه
الوعد : سنتيين لاني اتأخرت فالمدرسه سنتين ..
المها باستغراب : كيييف ؟؟
الوعد : لما كان عمري 17 زلقت ودخلت غيبوبه سنتين ..
المهااا بصدمه ما عرفت شو اتقولل
الوعد : هههههههه عادي ساالفه قدييمه ..
المها ابتسمت : الله سلمج ..
الوعد : اييه الحمدلله ..
المها : وشو سالفة لهجتج !!
الوعد : ههههههههههههههه الله يسلمك لما كان عمري 10 رحت مع بابا الله يرحمه السعوديه لاني ما كنت اصبر عنه .. المهم جلسنا هناك 5 سنين واتعرفين المدرسه وصدديقاتي وكذاا .. حبييت هالهلجه واتعودت اتكلم فييها .. واحبهاا كثثير اتذكرني بشخص دايم كان يعلق علي والسبه لهجتي ..
المها ابتسمت : حلللو .. بس يعني ما تتولهين انج ترمسين عادي ..
الوعد : لا .. بعديين اناا مو كل شي اقووله بالسعودي .. يعني كثثير كلمات اقولها عادي
المها : بس بعدد غيير ...
الوعد : اييه بس انا اعرف اتكلم اماراتي وفعمري ما نسيت ..
المها : ارمسييي انزيين اباا اسمعج
الوعد ضحكت : ههههههههههههههههههه انزين ما علييه شو تبيني اقوولج ؟؟
المها ضحكت : هههههههههههههههههههههههه والله احسس جيييه غريييب الشيء ..
الوعد : هههههههههههههه يلا بس لانج بنت اخوييه وسنيين ما شفتج لبيت طلبج بس بيني وبينج .. مب اتخبرين البنات .. دومهم يأذوني وما ارمس جداامهم ..
المها : ههههههههههههههههههههه إن شاء الله عمتييي ..

روضه وهي يالسه مع شما : شما حبيبتي بتسيرين وياي مكان
شما : مثل وين يعني ؟!
روضه : بنسير MCC انا طالبه قلاده من النت والمندوب بييبها هناك ؟ بتين وياي
شما : مندووب ؟ ليش ما ايي البيت !
روضه بارتباك : هاا لاا هو يوصل لكن بس في دبي ..
شما : اووه .. اوكي ما عندي مشكله انسير mcc ليش لا ؟!
روضه : يلا عيل !!
شما وهي اتشوف الساعه قريب ال 11 : الحييين !!
روضه : هيه .. قال على ال12 بيكون هناك
شما : يلا عيل بقول لامي وبييج ..
سارت شما وخبرت امها والي اتعودت على روضه وقالت لها عادي ..
فمردف سيتي سنتر ..
روضه : شما بندخل من باب دبنهامز هو بيي هني ..
شما : اوكي ..
نزلت وياها وتمو واقفين وثواني روضه كانت صاده على اليسار وشما واقفه عادي شافت وحده اتاشر على روضه واتسوي بايي ..
شما : رووضضه شووفي هالبنيه شكلها اتعرفج
روضه رفعت راسها وشهقت : اويييه هذي الوووي .. حبييبتي من زماان ما شفتها .. بروحح اسلم عليييها انزيين
شما ابتسمت : اوكيي سيري
روضه وهي تعطي شما فونها : شما حبيبتي لو اتصل المندوب ردي علييه وسارت
شما خذت الفون وثانيه ورن ردت شما : الووه
صوت رجولي : هلاا ..
شما باستغراب وكانت بتسكر ..
الريال : انا المندوب .. ووصلت
شما استغربت يبين من اللهجه انه مواطن وبصوتها الجذاب : اوكي اخوي انا واقفه عند ( ووصفت المكان ) ..
شما ما عرفت كيف تتصرف تاخذ الي روضه طالبتنها ولا تترياها ولا تزقرها بس استحت لان شافتها وشكلها مندمجه نزلت راسها تتريا المندوب مثل ما قالت روضه ورفعته شافت روضه تمشي ويا البنت لبعييد : بسم الله هذي وين سايره .. واشوي فزت على صوت رجولي ..
الريال : اختت روضضه ..
صدت شما وشافت واحد وماسك كييس ولابس بدله وشعره لجتفه وشكله ابدا ما يوحي انه مندوب ..
شما : أ. عفواً اخويي .. ؟!! انت المندوب
الريال وهو يبتسم : هييه انا المندوب ..
شما : اووه اوكيي ومدت اييدها تاخذ الكيس وما حست الا بحد يمسكها من جتفها بالقو .. شهقت شما بخووف من الي مسكها وانصدمت بان المندوب حط الكيس على الارض وركض وهو ينزل من الدري ..
صدت على الي مسكهااا وبصدمه قالت : سيييييييف ؟؟!!!!!!!!!
وهو يسحبهاا عشان تمشيي وياااه .. وبعصبيية الدنياا كلهااا وكل الي فالمحل يشوفون سييف : وييين سااار هالحيواااان ويييين !!!!
شما لسانها انربط هو خووف ولاا صدمههه ما اتعرف شو اتقووول وسيف يسحبها وهي تمشي ورااه وترجف من الخخوووف وصل السياره وبصرييخ : اركبيييييي الله ****** اركبيييي بسررعه .. ر كبت شما بخووف ورااا وهيه اتصييح .
سيف بكلل عصبييه : انتيييييييييييي شوووووووو ... مااا تستحيييييييييييييين تبييينيييييي اذببحججج يال****** وهو يسمعها اتصييح وتشهق : بسسسسسسسس اقوووووووووولج بسسسسسسسسس لاااا اتصيييحيييييين واتسويييين عمرررج خااايفه انتيييي لووو اتخااافييييين وتحشمييييييين ما اتواااعدييين ياا حقققققققيييره .. وضرب السكاااان بقو والي زااااد صيااح شماا .. احمديييييييي ربجججججج ماااا ذبححتتتج وهال******* آآآخخخخ بسسس لووو طااااح فايييديييييي .. وسرع اكثثر
شمااا وهيي اتصييح .. تباا اتقوووله هذا مندووب وانه هي مالها شغلل وروضه كانت معاهاا وسارت اتسلم على ربييعتها .. بس مب قاادره ترمس كل الي فمخهااا مب راضي اييي علىى لساانهااا واكثثر شي كانت خايفه منه عصبيية سييف وعلى صياح شما وانفاس سيف الغاضبه رن الفون الي للحين فايدها .. هيه فونها فشنتطها وهذا فون روضه .. شافت الرقم بدونن اسم اتوقعت انه روضه دقت من فون ربيعتها وهذا بس الي يا في بالها .. ما كانت قادره اتررد شوو بتقووول ..
سيف وبعصبيييه : هاااااااااتيييييي الفووووووووون
شمااا عطته الفوون بخوووف .. شاف سييف رقم بدوون اسم ولما يا بيرد سكر .. صد وفر علييها الفوون .. : دقيي على نفس الرقمم بسرعه ..
شما شافته بخووف وشلت الفون بس الصدمه انه فييه باسوورد مما خلى شما تتوتر اكثر ..
سيف وبعصبييه : يلاااااااااااااا !!!!!
شمااا وهي ترجففف : م..م..مماا اقددر ماا اقدر وشهقت بخوف وهي اتصيييح ...
سييف وبعصبييه : ماااتقدريييييين.. ماااا تقدرييييين عييييل .. وسرععع اكثثر .. خ شمااا حسسست انه قلبهااا بيوقف اتحسس انهمم يطيييرون يطييييرون وهييي اتشوف كل اشوي فلاش الرادار .. خلاااص اتحسس نفسهااا بيوقففف مب قاادره ترمس غمضت عييينهاااا بالقو .. وفتحتهم لما سمعت حس سييف ايقوول بكل بروود : انزلييي شماااا !!
صدت اتحاول تستوعب همم وييين !! ..
سييف بصريييخ : والله ان ماا نزلتييي لاذبححجججج والله بذبببححججججججج !!!!!!!!!!!!!
شما بصدمهه شاافت انه هوو وااقف فالباركن وحذاله كافتيريا وبسس !!!
شما خلاص حاسه انه نفسهاا وققف مب قادر تتنفس من الخوف بغت تمسسك قبضت البااب بس مب قادره اتحررك اييدهااا نزل سييف بعصبييه وفجلهااا الباب وهو يصرررخ : انزليييييييييي شماااا انزليييييييييييي ماااا تفهميييييين .. بس انصدم من شكلها يدري انها كانت اتصييح بس الحيين شكلهاا فضيييع وييهااا كله دموووع واحممررر .. غمضت عينها بالقو ورجعت فتحتها وهي اتحاااول تاااخذ نفس مب قااادره ما تدري كييف حركتت اييدها وحطتها على صدرهاا وهي ترجع تحاول تاخذ نفسس بسس مب قاادر ..
سييف بارتباااك : شمااا شو فيييج !!
شماا كانت تبا ترمس تبا اتقوول انه هييه مب قادره تتنفس بسس بعد ما كانت قادره تتكلم ..
سييف وهو يشوفها بخووف حس انها مب قادره تتنفس من شكلهااا ..
نسىى كلل اليي صاااير ورقد السييت ونزل ربع الدرييشه وعق شييتلها الي كانت من الاساس متبهدله بس علشان ما تضايقها وفتح اول عقمتين من عباتهااا .. وركب بسرعه وهو يسرع ..
شما خلااص ما كانت قادر اتعبر عن اي شيي اتحسس انهاا بتمووت اصلا ما كانت تدري اذا هيه تتنفس اول لاااء ..
نزل سيف وفجج البااب وهو يعدل شيلتها وعقم العباه شلها وركض لباب الطوارئ اول ما شااف النيييرس صررخ .. :I need a bed !!!
ويا الموظف ابسرعه ووياه الكرسي ( الويل جير ) بس فز على صرخة سييف وهو يقوول : ياا حمااااار I said a bed !!!!!
زاغ الموظف الي فهم انه يباا سرير بس ما فهم السبه او الكلمه الي قالها قبل ركض وياب السرير سدح سييف شمااا .. وهو معصب وما سار صوب الاستقبال .. وهو يصرخ على الكلل ..
النيرس كانت مواطنه وشكلهاا صغيره الي كانت اتدز السرير مع الموظف وهي اتشوف شكل سيف المتوتر والمعصب : هددديي يا اخوووييي ما علييها شررر إن شاء الله .. عطاها سيف نظره خلتهاا تتروع وتسكت دخلوا شما الغرفه والدكتوره دخلت ودقايق وطلعت ويت نفس النيرس عشان اتخبر سيف شو صار .. وقبل لا ترمس قال سييف : شوو استوىى شو سوييتوولهااا شحاللهااا ؟؟؟؟؟؟
النيرس وهي تبتسم وتحاول اتطمنه : هييه بخيير الحمدلله .. شكلها البنت كانت متوتره او خايفه وصار لها ضيق تنفس نحن حطينا له اوكسجين الحين ومغذي ومن يخلص الاكسجين بنسوي لها تحاليل وتخطيط قلب ..
سيف وبخووف : تخطيييييييييط !!!!!!!!!!
النيرس ويخوف : هيه تخطيييط بس لا تخااف إن شاء الله ما في شي بس على شان نتطمن ..
سيف : اوكي سارت النيرس دخل سيف .. شاف شما مغمضه عينها يلس على الكرسي وعدل اللحاف عليها .. ما قال ولا كلمه وشما كانت اتحس بوجوده بس ما فتحت عينها .. بعد ربع ساعه دخلت نفس النيرس وقالت : خلص الاكسجين والحين بسوي لها تخطيط ..
سيف : اوكي ..
النيرس : انت اخووها ؟!!
سيف وبدون تفكير : لاا !!
ابتسمت النيرس : اوو زووجها ! عيل اذا حبيت اتم معاها عادي لاني بسوي لها التخطيط الحين ..
شما صح كانت تعبانه بس فتحت عيينها على جملة النييرس وتباا اتقوول لااا بسس مب قاادره ترمس ..
سيف لما شاف شكلها كيف خاايفه ومنحرجه كان بيضحك بس ذكر كل الي يصصير وشافها بنظره .. وطللع ..
النيرس ابتسمت وهي مستغربة ..
بعد ما خلص التخطيط ..
ظهرت الدكتوره وقالت : الحمدلله كل شيء تمام ونحن خذنا منها دم ونص ساعة وتظهر النتايج على ما يخلص المغذي ..
هز سيف راسه بتفهم .. وما دخل الغرفة سند راسه على اليدار وهو يفكر : ( ليش يا شما ليش .. ما توقعت منج !! يمكن انا ظلمتها !! شوو ظلمتهاا وانا شفت كل شيء بعيني !! بس شو سالفة المسج !! المسج شكله كان من بنت !! لا لا هذي وحده يمكن تبا اتنبهني !! بس شو بتستفيد !! انزين ليش ما اسألها !! مستحييلل لا لا ما بسألها .. يعني خلاص ما افكر في شماا !! انسى شما .. واشوف غيرها .. وشما اودرها يمكن اتتوب عقب هالسالفه .. ما اقدر افضحهااا .. احبهاااا !!! لا كييف اخلييها وياخذهاا غيري والله لاتخبلل !!!! لاذبحهااااا واذبح الي بياخذها!! ما اقدر انسى الي شفته !! آه منجج يا شماااا !! ليششش سوييتيي جيييه ليييش !!!!! ) وتممم يفكر لين ما فز على صوت الدكتوره اتقول : النتايج تمام .. والمغذي خلص .. الظاهر انه صابها ضيق تنفس يمكن كانت متوتره من شي او خايفه او في شي متعب نفسيتها .. حاولوا ما تزعلونها وما تتضايق .. واذا ممكن تطلعونها مكان تتعدل نفسيتها ..
سيف بهدوء : إن شاء الله ..
دخل الغرفه وكانت شما تعدل شيتلتها والظاهر انه عارفها انها بتسير ..
سيف وبهدوء عكس الوضع الي كان فيه : يلاا ..
مشى ومشت وراه وهي اتحس بتعب فضييع .. لما وصلوا السياره يلست ورا وهيه ساكته وسيف سااكت
شما : ( حراام علييك يا سييف ليشش تظلمني ليش ما تسمعني !! اصلا انا ما ابااك تسمعني .. هه ولو سمعتني !! ودريت انك ظلمتني .. انت شكيت فيني مره وبتشك فيني مليون .. على بالك انا مثل الي كنت اتعرفهم يا سيف !! انت ما اتحبني ولا اتقدرني !! كييف اتشكك فينيييي !!! كيييف وانا الي امي ضربتني عشانك وهي فعمرها ما مدت ايدها علي اناا يا سييف اتحملت كلام امييي وقسوتهااا اتحملت انه امي اتعاملني مثل وحده من الشارع وكله وانت كنت السببب يا سييف وبعدد هذا كله اتشك فينيي !! الله يسامحك يا سييف .. يا ليت اقدر اقوول الي فخاطرييي ياا لييييت ... ))
سيف : ( اتكلميييي انزيييين مااا ابااا اسأللللج عن شيي يا شمااا برررييي من نفسج دخيييلج قوولي شييي قولي سيف انت ظلمتني قولي انا ما اعرفه قولي اي شي لو كاان جذب ارمسييي ))
بعد ما مر الوقت على هدوء الاثنين وقف سيف برع الفلة ما دخل السياره .. نزلت شمااا بدون ما اتقول اي كلمه وهي قلبها يتقطع ملييون مره ..
حرك سيفف ما كان له خاطر يرجع البيت بس ما يعرف وين يسسير .. مشى مشى ووصل للكورنيش وقف .. ورجع الكرسي وغمض عينه .. وفز على صوت الفون .. مسك فونه بس مب فونه الي يرن .. صد لمصدر الصوت وشاف انه فون على الكرسي استوعب انه فون شما ما كان نفس الي عطته اياه لما رن اول مره وياه فضوول انه يعرف منو مد ايده بس ما وصل للفون نزل بسرعه وفتح الباب الي ورى بس في هاللحظه ما قام يرن انقهر وشله ورجع ركب السياره ومره ثانيه رن الفون شله وشاف مكتوب roudha ما اهتم للاسم واايد كثر ما اهتم للرقم ..
( انا وين شايف هالرقم ؟؟؟ ) ومره وحده جنه ذكر شي شل فونه بسرعه وفتح المسج وانصدم انه من نفس الرقم .. !!!
( منووو رووضه !!! لا يكوون روضضضه !!!! كيييف ولييش هييه الي مطرشه المسج ) وبدا يذكر نظراته لما اتشوفه وحركاتها الي ما يحبها , وبدا يستوعب ( يمكنن منهااا هييييه .. انااا لاازم اعرررف كل شيي )
حرك بسرعه ..
شوق وهي اتمشط شعرها .. وبهدوء : هيااا
هيا : هلاا
شوق : شو تدرسين !
هيا : بزنس
شوق : هممم ..
هيا : عادي اقولج شي وما تزعلين
شوق ببرود : قولي !
هيا : ليش انتي مغروره
شوق : هههههههههههههههههههههههههه والله يا هيا من شهوور ما ضحكت !!!! الحييين شوو سوييت عشان اتقولين اني مغروره
هيا : والله شوووفيييي كييف ترمسين روحي وقفي جدام المنظره وتكلمييي .. جيييييه ترمسيين ببرود خقااااقققه وياا ويهج
شوق : هههههههههههههههههههههههه الله يخليييج لا تضحكيني اكثر على شو بخق العز الي عايشه فييه ولا من دلع ابوووي ليي ..
هيا : آآسفه ..
شوق : ليش تتأسفين
هيا : ما ادري
شوق : ترا انا ما اهتم لهلكلمه !
هيا : كييف يعني ؟؟
شوق : يعني الحين انا ما زعلت ولا شي بس لو زعلت وحد اتاسف مني ترا ما اهتم من كلمة آسف ولو هو صدق يحس بالأسف جان من البداية ما فكر يغلط ..
هيا : غريييبه انتيي !!
شوق وببرود : حد عاش مثل حياتي وما تبينه يكون غريب ..
هيا : ليش وااايد متعقده من حياااتج .. قولي الحمدلله ترا وايد ناس حياتهم اخس عن حياتج !
شوق : صدقيني الكل عايش احسن عنييي
هيا : أستغفر الله حراام يا شوق اتقولين جيييه !!
شوق وجنها حست بتأنيب الضمير : أستغفر الله الحمدلله على كل حال ..
هيا : اتحسين بتعود على هالحياه
شوق : بتتعودين بس ما بتحبينها ..

( المها وهي سرحاانه يا ربي انا كم بتحمللل ؟؟ كم بخبييي !! اشكثر بقدر اتصرف بعكس الي فيني !! كيف بتحمل اني اعيش بعييده عن الناس الي اتعودت علييهم .. انزييين لييين متى بتحمللل انيي اكوون اخت زااايد !! منااال ؟؟ كييف بقوول لزاايد عنهااا انا للحيين ما قلتله عن شي ما اقدر هو ما قام يطريلي اياها كيف افتح الموضوع .. يااربييي تعبت خفف عني يارب رن فونها .. ردت
: ليييش سرتييييي ....
المها : لاني كنت متوقعه ايي هاليوم واكييد ما كنا بنتم بيت خالي طول عمرنا ..
زايد : متىى بشووفج !!
المها : يوم الله بيكتب ..
زايد وبضييق : ليشش ضاايقه
المها : منو قالك اني ضايقه
زايد : علييي انااا !!!
المها وهي تصيييح : زاااايد احااااول اخلييي عمرييي قويييه وانيي متقبله كل شي بسس ما اقدررر ..
زايد : حبييبيي ليششش الصياااح والله انج اتقطعيين قلبيييي ..
المهااا : زااايد متىى برتاااااح .. ليششش محدد يحسس فيينيييي
زاايد : افاااا يا حبييي .. وانااا ويين سرت !!
المها وبحزن ( اتحسسس بكل شي الاا حبببكك الي ذابحنيي ) : زاايد
زاايد : يا عيوون زااايد
المها : لين متى !!
زاايد : شو الي لين متى
المها : ولا شي ..
زاايد : اباا اشووفج !
المها : ليش ؟
زاايد وباستغراب : مهاوي شو فييج ؟؟؟؟
المها ولاول مره اتكلم زايد بقهر وعصبيه وبأسلوب ما اتعود عليه : زااااايدد انت لما تحط راسك على الفراش تنااام !!
زايد وهو مب فاهم : شو هالسؤال ؟
المها : انااا ماا انااام .. افكر فامي وفابوي وفي هيا وفيك وفي منال !
زايد سكت وهو مب عارف شو يقول : مهاوي انا اسف شكلي ضايقتج !!
المها : لا لا لا تهتم انا المها عادي اتحمل كل شي !
زاايد وهو يعصب منها وهذا كان نادراً يصير : مهوووي !!! رمسيي عددل
المهاا : اووه عصبتك !!! اناا اسفه ما قصدت
زايد وهو يستوعب انه عصب عليها : مهاوي انا اسف انتي شكلج معصبه بسكر انا ويوم بتهدين كلمييني ..
المها : لحظه لحظه .. ليش مستعيل بتسكر ما علييه بس اسمعني
زايد وهو مب عايبنه اسلوبها .. سكت يسمعها
المها : ليين متى بكلمك !!
زايد : شو ؟؟
المها : شو الي شو ؟؟؟ اسالك انا لين متى بكلمك باجر بتتزوج واكييد زوجتك ما بترضى انك اتكلمني ؟؟
زايد : مهااوي ليش اتسوين فيني جييه ؟؟
المها وهي تنفجر صياااح : مناااال قاالللت انهااا ماا تحببببك
زايد كانت صدمه له إهانه يديده من منال بس ما اهتممم واييييد كثر ما انه مهتم فالي مضايق المها : حبييبيي مهااوي انتييي دخلتيي ملييون شي في بعض .. مب قاادر افهمجج انتيي شوو فيييج ..
المها : احببببك زاااايد احببببك ..
زااايد ورجعله احسااسه الي من سنه ويااه احساااسه الي متعبنه وبكل رومنسايه : واناا احبببج اموووت فيي حبببببببج اعشقجججج انتيي كلل حياااتيييي ..
المهااا وهي اتصييح اكثثر : بسسس انااا اختككككك !!
زايد وبهيااام : منوووو قاللل انجج اختيييي ؟؟؟؟؟؟؟؟؟؟؟؟؟؟
المهاا وبخوووف وبنفس الوقققت فررححح وهي مب فاهمه شو يقصد : انتت !!
زاايد وبهييام : انااا !! انسيييي انيي قللتت
المها سكتت وقلبها يدق بسرعه ..
المها وبصوت واطي : ليششش !!
زااايد : مهااااوييي اناا ماا ادريي شفييينييي ..
المها : اشفييك ؟؟
زاايد وهو يستوعب انه كان بيقولل شي المفروض ما ينقاال : مهاااوي انسييي كلللل اليي قلتهه
المها وبخييبة املل : انسىى !!
زاايد : هييييه انسيي اليي قلته واناا بنسى كل الي قلتيييه .. بسس بذكر انج اتحبيني واذكري انيي احببببج ..
المها وهي اتغمض عيينها بالقوو : لا اتخليييييينييي
زااايد : اوووووووووششش ... احبببببج ..

نهاية الجزء الثامن عشر .. شكراً لكل من يتابعني وفي انتظار توقعاتكم ..
__DEFINE_LIKE_SHARE__

M7d shratii · 05-01-2014, 03:37 PM

يااخييي روااايتج طررر كنت أقراها من البداايه بس مادري ليش ما رديت هههههه سودان يا رياال يوم اتذكر اني بكتب و جي استمري فدييتج و فانتظاارج لا تطولين .... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايتي الأولى مدري ليه انت بذات حبيتك ؟!	روح مغليكـ	استراحة قصص وابداعات الاعضاء	8	01-18-2013 04:22 PM
قصة خيالية : ⌡ جلسـآت نفسيه ..~ روايتي الأولى	al-3nedh	قصص و روايات	1	07-08-2012 09:21 PM
مشاركـ : روايتي الأولى:قلبي أنا ما أستغنى عنك	أسيرة الحنان	استراحة قصص وابداعات الاعضاء	8	04-12-2012 11:48 AM
قصة خيالية : روايتي الأولى:تحياتي لمن دمر حياتي ..	حكاية عشق مجنونه	قصص و روايات	16	12-28-2011 09:41 PM