| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
05-05-2014, 08:32 AM
| |||
| |||
 أبدعتي غناتي البارت طررررررر شوي عليه غمضتيني نود وغمضني منصور ان شاء الله انه بياخذها ان شاء الله شوق ترد لحمد وم يعذبها،ج ، ، ، والمها ان شاء الله تكون لزايد ، ، ، والبارت جد رائع حمستيني للأحداث اليايه بأسرع وقت ويتنق حبيبتي __DEFINE_LIKE_SHARE__
"* ڷـسٺ الأفــضڷ .. ۈڷـــڪن ڷـي أسـڷـۈبي"*  |
|
05-05-2014, 11:37 AM
| رقم المشاركة : [ 2 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
05-07-2014, 06:09 PM
| رقم المشاركة : [ 3 ] |
| عضو جديد  | ويينجج مموازز طولتي يلاا اترياجج !
__DEFINE_LIKE_SHARE__
|
|
| |
| |
|
05-07-2014, 09:57 PM
| رقم المشاركة : [ 4 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
05-07-2014, 11:07 PM
| رقم المشاركة : [ 5 ] |
| عضو جديد | الجزء الواحد والعشرون اجازة الربيع والي وقتها فالشتا الجو هالشتا واايد باارد وخصوصاً هالفتره الي فالمدرسه والكليه وجامعة زايد عندهم اجازه عدا الي فجامعة الشارجه .. يوم الاربعاء .. خطبة سيف الرسميه .. خلود والريم عند خديجه .. سعيد وسيف وأحمد وراشد ووياهم عبدالعزيز خال شما .. اتفقوا على كل شي سعيد كل ما يتكلم بشي كان يدور مصلحة ولده وشما يحب شما وهي بحسبة بنته .. كل شي صار رسمي وسيف ما اتجرأ يطلب نظره شرعيه .. شما ما كان عندها اي خيار كانت بتوافق لو رضت او ما رضت .. حست بحاجتها لابوها فهاليوم .. بس هذا القدر والي مكتوب فلييل .. راشد وهو تعب يحاول يقنعها تاكل : ساره حبيبي ما يستوي جيه انتي اليوم كله ما كلتي مب زين لا لج ولا للبيبي ساره بتعب : والله راشد مب قادره مب قادرة اشووف الاكل .. راشد وهو فاقد الامل : بالله هذي حاله يعني ساره وهي منهد حيلتها على الآخر : حبيبي ابا اناام خلاص ما اباا اكل تعبانه وابا اناام .. راشد وهو يبوس يبهتها : على راحتج يا قلبي بس من اتقومين بتاكلين ساره : إن شاء الله إن شاء الله .. خلاها على راحتها وطلع وهو متضايق من حالتها من كم يوم وهو بالموت يخليها تاكل .. المها وهي اتكلم الريم بالفون : والله وانا بعد مشتااقه لجج واايد الريم : لازم نيتمع كلنا .. المها : هييه يبييلنا يلسسه .. بنشوفلنا يوم انكون كلنا فاضيين فيه الريم : إن شاء الله .. المها : ها ما قلتي شو صار اليوم الريم : خلاص كل شي استوى رسمييي المها ابتسمت : إن شاء الله .. الله يتمم على خير ويتمم لج انتي بعد على خير الريم : آمين يا قلبي وعقبالج المها وهي اتحس بان هذي الكلمه جررح : يلا يا قلبي ريمي انا بخليج الحين اكلمج عقب الريم : اوكي حبيبتي سلميلي على هيا المها : ربي يسلمج الريم : فمان الله وايد ترتاح لما اتكلم المها ما تدري ليش وكم مره سألتها المها عن الي فيها بس ما تقدر اتقول لاحد اتحس بالخجل من الي سوته وما تبا اتطيح من عين احد كفايه اخوها .. المها ( ما ادري هالبنية شو فيها واضح من صوتها انها حزينه .. الله يساعدها ) .. يا على بالها زاايد .. ( ياربي اشتقت لهه احبببه وما ابيي غيير حببه بسس خايفه .. خايفه يا زايد اكون نزوه في حياتك وبعدها تنساني ) طالع .. من كم يوم موضوع الزواج في باله وكل ما يطري في باله هالموضوع تطري على باله .. (نوره؟! ليش لازم افكر فيج .. انا شوفيني اكييد البنت مب مفتكره فيني انا ليش افكر فييها .. ) مستحي يقول لامه تخطب له واخوه سلطان الي اكبر عنه للحين ما اتزوج .. احيانا يشوف انه الموضوع عادي ومافيها شي لو تزوج قبل اخوه واحيان يحس انه هذا الشي غلط ولازم ما يتكلم الا بعد ما اخوه يتزوج .. اليوم الي بعده فالمول .. الجوهره : يالله ميييراا والله دار راسي وانا اشوف الملابس ميره : انزييين شسويي ما في شي عاجبني الجوهره: واايد اشياء حلوه بس انتي ذوقج ما ادري شو فييه .. ميره ملت من تعليقات اختها : خلاص ما تبين اتمين وياي روحي اي محل الجوهره وهي صدق ملت بدلعها الي تكرهه ميره : اصلا راايحه ومع اني متاكده ما راح تاخذين شي بدون ذوقي بس ما عليه لو بغيتيني دقيلي .. وطلعت من المحل ميره وهي اتقلد كلامها (متاكده ما راح تاخذين شي بدون ذوقي ... مالت عليج وعلى ذوقج فوقج فكينا انزييين ) طلعت الجوهره وهي مب عارفه وين اتسير سرحت اشوي وفتحت عينها وهي اتشوف واحد يتطالعها ومبتسم .. ( مالت علييه لا يكون يتحراني سرحانه فييه ) ودخلت المحل الي حذالها .. فتحت عيونها على وسعهن وهي اتشوف ويه ما نسته ما عرفت كييف تتصرف بس بعدها راحت بسرعه وهي حاطه امل كبير بانه يا الوقت الي تعرف فيه كل شي .. وقالت بهدوء : لو سمحتي صدت عليها وبصدمه : ا..انتي ! الجوهره: اظن نحن لازم نتكلم وهي اتحاول تتجاهلها بالملابس الي قدامها : ما في شي نتكلم عنه الجوهره ما عيبها انها اتجاهلتها : لا في وانا لازم اعرف كل شي .. ( يمكن لو درت يتصلح كل شي .. لا لا مستحييل اتكلم انا اتدخلت مره وخربت كل شي وان اتدخلت من يديد ودرت وعود طول عمرها ما راح اتسامحني .. لحظه لحظه اساساً الوعد وسلطان كل شي منهدم بينهم .. شو بيصير اكثر عن جيه ليش ما اتكلم معاها يمكن كل شي يتصلح ومثل ما خربت بينهم اصلح بينهم ) وفزت على صوت فونها يرن وشافت مايد يتصل اكيد مل وهو يترياها عند المحل لانه ما دخل وياها .. رفعت منار عينها على الجوهره وقالت : عطيني رقمج الجوهره ما صدقت وعلى طول عطتها رقمها .. وما سمعت غير : عن اذنج واختفت منار من جدامها .. مايد : شو ما عجبج شي .. منار : لا حبيبي ما في شي دخل خاطري .. الجوهره ( يا رب ساعدني إن شاء الله أقدر أسوي شيء واسعد واحد من اخواني إن شاء الله الي أسويه يكون صح ) دشت الوعد الغرفه وهي مبتسمه : ها يا بنات شو تسوون هيا : تعالي تعالي شوفي حطيت لشوق ميك أب اتقربت الوعد : ماشاء الله روععه ... هيا : شكراً ... الوعد : زهبوا أغراضكم بنروح المزرعة بكره هيا ابتسمت :والله الوعد : اييه .. يلا عن أذنكم بروح اعلم المها .. طلعت الوعد من الغرفة .. هيا وهي اتشوف شوق : شكلج ما حبيتي السيره شوق : هييه مالي خلق هيا : بالعكس بنغير جوو ... شوق : ما ادري .. هيا : يلا عاااد .. إن شاء الله بنستانس قومي نحط ملابسنا.. شوق ببرود : مالي بارض هيا : يلا شوووقي .. شوق بالم : لا اتقولين شوقي هيا باستغراب بين على ملامحه : ليش شوق : كان يقولها .. هيا فهمت انها تقصد حمد : ما ابا اجرحج بس ودي اسالج ؟؟ شوق بهدوء : سألي هيا : ليين متى بتميين زوجته اسم وبس !! شوق غمضت عينها : الله كريم .. هيا يلست على الارض وهي مجابله شوق وابتسمت : انا وياج شوق ابتسمت مسكت اييدها بالقو : يلا قومي نزهب ملابسنا هيا : يلا .. ثاني منسدح على السرير .. يشوف الفيديو وهو مبتسم ( شو سوييتيي فيينييي .. انتي اتجننيييين ) الريم وهي يالسه فالصاله .. دخل منصور والسماعه فاذنه واضح انه يرمس، الريم من شافته وقفت ما تدري ليش .. منصور للحين مقهور من الي سوته ومب قادر ينسى كل ما يشوفها يذكر نود وهي تنضرب وتنهان .. : السلام عليكم .. ومشى .. الريم بحزن : وعليكم السلام .. دخل غرفته : انزين وشو كنتي اتقولين .. نود ضحكت وبدلع: كنت اقول اني احبببك .. ضحك : وانااا اعشقجج .. نود : الله لا يحرمني منك .. منصور : آمين يا قلبي ولا يحرمني منج .. منال مع امها بالجمعيه .. كانت ماسكه الفون وتدز القاري بيد .. وما حست الا بصوت رفعت عينها بسرعه وانحرجت وهي اتشوف واحد واقف وهو مبتسم بعد ما دعمت عربانة الريال .. صدت اتدور امها ما لقتها .. اكييد اتجدمتها .. انحرجت واايد وقالت : ا..اسفه الريال وهو مبتسم : لا ما علييج .. مشت منال وهي منحرجه وتحمد ربها أنها ما علق ولا قال شي .. الجوهره وهي تنتبه على فونها يرن : هلا مييراا ميره وبتملل : انا فالسياره .. الجوهره استغربت سارت بدون ما اتخبرها : اوكي يايه .. فالسياره .. الجوهره: ها خذتي شي .. ميره سكتت كانت مقهوره منها لانها روحت وهي تدري انها ما اتعرف تختار شي بدونها الجوهره بدلع : ميييراااااا اكللللمج .. ميره : عن المصاخه الزايد وسكتي ترا الي جدام فار اذنه هنا ( كانت تقصد الدريول ) الجوهره : اوكي اوكي .. نار ما تتحاجين ! ميره : أستغفر الله العظيم . وصلو البيت .. دخلت ميره ووراها الجوهره ومن دخلت الجوهره رن فونها .. شافت رقم غريب بسرعه ركضت لفوق .. ميره : مينوونه .. الحمدلله والشكر ردت الجوهره بسرعه : الووه .. منار وبتردد : السلام عليكم الجوهره : وعليكم السلام .. منار : ا.انااا مناار الجوهره : يا هلا .. انا الجوهره منار : اخت سلطان صح الجوهره ( وبتوتر وفضوول) : هييه انا اختهه .. منار وبتوتر : كييف نبداا الجوهره : كييف ؟؟ امم خلييني اسألج كيف اتعرفين سلطان ؟ منار : الوعد .. عمتي هي الي اتعرفه الجوهره : اهااا .. الوعععد نفس البنت الي كانت تصيح هاك اليوم منار : هييه نفسها .. الجوهره: اوكي ممكن اعرف كل شي منار : وشو بتستفيدين لو عرفتي ..؟ يمكن ما تقدرين اتسوين شي الجوهره: صح يمكن ما اقدر ويمكن اقدر .. منار : شوو اقوولج يا الجوهره الجوهره : كل شيي .. منار وبدت تتكلم وتتكلم .. ما تدري اشكثر مر وهي تتكلم .. الجوهره كانت مذهوله من الي تسمعه اتحسس الشي قصه اتحسه مش حقييقه .. منار : وهذا كل شي !! الجوهره وهي متأثره واايد : شكراا منااار .. انتي عطيتيني فرصه علشان اسعد اخووي .. منار : إن شاء الله اكون سوييت الصح وان شاء الله تسعدين اخوج .. الجوهره : خلاص يا منار .. إن شاء الله بنتم على تواصل وانا بفكر بحلل وبخبرج إن شاء الله منار : إن شاء الله .. يلا فمان الله الجوهره : مع السلامه .. فرت الفون وانسدحت وهي تتطالع الصقف ابتسمت وهي تتخيل كل الي كانت اتقوله مناار واختفت ابتسامته وهي توصل للآخر شي صار .. منار سكرت ( يارب اكوون سوييت الصح إن شاء الله اكون سبب فسعادتهم مثل ما كنت سبب تعاستهم ) وما حست الا بالباب يندق : اتفضضل مييره : جوج ماما اتقوول لبسي بسرعه بنروح بيت يديي الجوهره وهي اتشوف الساعه بتصير ثمان : الحيين مييره : لا بااجر !! الجوهره : ظرييفهه !! يلا اووت بلبس .. ميره : ترااج ما بدلتي للحين مش لازم تبدليين .. الجوهره : لا ما احببب اتم على نفس الملابس .. ميره بتملل : خفي عليناا .. الجوهره بدلع : ميييييرااااا ميره انجلب ويهها وسكرت الباب وصرخت : بسرعهه اتلبست الجوهره ونزلت .. في السيارة الجوهره: ماما شغلي قرآن واايد يريحني ام سلطان : ماشاء الله .. إن شاء الله دوم .. وشغلت ميره وفخاطرها ( استغفر الله جووج بعدد اونهاا يعنييي .. والله هلانسانه حياتها كلهاا جووو .. ما اقدر افهمم تصرفااتها ابداً .. ) من وصلو بيت يدهم .. ومن دخلوا الصاله .. انصدمواا بوجود شخص .. ام سلطان : السلام عليكم .. ابوها وامها والشخص الموجود : وعليكم السلام ورحمة الله الجوهره واايد حست بالاحرااج لان في شخص غريب من بينهم اما ميره فلمحته على السريع وحست قلبها دق بسرعه .. ونزلت راسها .. الشخص : شحالج يا ام سلطان وشحال بو سلطان ام سلطان : الحمدلله يسرك الحال .. انت شخبارك وشحال امك وابوك .. عساهم طيبيين .. الشخص : الحمدلله .. يلا يا عمي انا بستأذن عمه والي هو ابو ام سلطان : لا يا بوي على ويين الشخص : ما عليه يا عمي مروح إن شاء الله اشوفك فوقت ثاني وسلم عليه وطلع وهو مبتسم ( حلللووووه دخلللت خاااطري ) وبعد اليلسه .. والعشا والسوالف وفي السياره .. الجوهره وبفضول : ماما منو الريال الي كان عند يدي امها : هذا ولد عميي .. ميره : بس شكله يعني مش كببير الجوهره : ليش لازم يعني يكون كبيير عادي امها : هيه اعتقد بداية الثلاثين .. ماشاء الله علييه .. نااصر معرووف رياال والنعم فييه .. ما يقطع ارحامه فيه الخير والبركه الجوهره : هيه ما شاء الله ميره ابتسمت وهي تتذكر شكله .. ومن ردت البيت على طول اتصلت فاقرب ربيعاتها مريم .. مريم : هلااا والله هلا بالغلااا كلللله ميره : ههههههههه هلااا فيييج مريم : هااا شو عندج .. ميره : عفانا الله ويين ساار الترحييب مريم : هههههههههههههههههه لا مببب جيييه احسس عندج شي لان لو كنتي متوله علي جان كلمتيني على البيبي ميره : سخيييفه قصدج ما اتصصل الا اذا عندي شي مريم : لا حشا ما قلت جييه مييره وهي حاسه بالاحراج : ما علييه ما علييه الحين بتغاضى لاني ابا اخبرج شي مريم وبفضول : قولي قولي اسممعععع ميره وباحراج : بس مب تييلسسيين اتذليينيي وما تنسسين السالفه مريم والفضول ذابحنها : انزييين انزييين يلااا انطقي ميره : من شوي رجعنا من بيت يدي .. مريم : انزييين !! ميره : المهم لما وصلنا كان في حد عند يدي مريم : انزييييين ارمسسييي لا تسكتييين مييره : هههههههههه انزين المهم جيه هو ولد عم ماما .. مريم : انزين شو فيييه ميره وباحراج : ماا فيييه شي مريم وبعصبيه : انتيييي تستهبلييين ولااا شووو ميره : ههههههههههه انزين شبلاج لا اتعصبيين .. بس كنت بقولج ان هو ماشاء الله علييه واايد جييه اتحسيينه شخصيه يعني مريم وبخبث : اهاااااااااااااااااااااااااااااا ميره وانحرجت : ههههههههههههههه وياا وييييههج بلااا بيااخه مريم : ما قلت شي انااا !! ميره : مب لازم اتقولين من صوتج واضح انج تبين تعلقين مريم : هاهاهااهاهاهاهاهااا .. قوولي قوولي انعجبتيي فيييه ميره باحراج وعصبيه : بلااا سخاافه تدرين ما احب هالسوالف مريم : انزين انزين لا تاكليينيي .. قولي كييف شكله ميره : يا ربي ويا الشكل بيذبحج الفضول انتيييي مريم : الله يخليييج قووولي كييف شكله مييره : والله ما شفته عدل .. بسرعه جيييه مريم : قوللي الييي شفتييه يلاا .. مييره : طويييل ماشاء الله وعرييييض .. ابيض .. ما شفت ملامحه عدل بس يعني حليو .. وجيه كان لابس غتره وعقال وشكله جيه شخصيه مريم بخبث : هاااااااذااا كلللله وماا شفتي شيييي مييره وباحرااج : مريوووم والله بسكر فويهج ترااا مريم : خلااص خلااص بسككككت .. قولي شو سويتي بعد .. وكملوا سوالفهم .. ناصر : 31 سنه طويييل وعرييض .. ابيض .. ملامحه رجوليه واحلى ما فيه ابتسامته .. شخصييه .. والكل يحترمه الجوهره وقفت جدام المنظره : ما شاء الله علييه الله يخليه لاهله يت في بالها نوره .. ما تدري ذكرت لما كانوا في الثانويه وكانت اتقوللها بتخطبها لراشد .. ( لو كنت زوجته !! كنت بحبه .. لااا اصلاً احس راشد ما يعجبنيي لو كاان مثل ناصر مثلاً اكييد كنت بحبه ضحكت على عمرهااا .. انا شفيني .. صحح سمعت من فتره اناا ساره حامل .. يحلييلها هالبنيه طيبه .. انا شسويت هاك اليوم صدق اني هبله .. غرت منهاا .. شخبااري والله اني مال اول .. شو يعني اغار منها .. الي يقول عااد واايد مهمته برااشد اناا ولا اعرفه ولا يعرفني .. جد مالت علي ) مسكت الفون واتصلت على نوره .. نوره شافت رقمها وردت باستغراب : مرحبااا الجوهره وبدلع : مرحباا فييج .. شحالج حبيبتي نوره : انا تمام الحمدلله .. انتي شحالج الجوهره : اناا بخييير .. شو مسوييه نوره : والله كل شي على حاله .. الجوهره : شو ما قدمتي على وظيفه نوره : لا .. توه الناس لاحقه الجوهره : هييه زيين .. انا بالاحد بداوم نوره بصدمه : والله !!! الجوهره :هيييه . نوره : هيه ما شاء الله . الله يوفقج الجوهره: آمين حبيبتي وعقبالج نوره : آميين الجوهره وباستفسار : هيه نواري سمعت إن ساره حاامل نوره اتوترت يا في بالها انه هالشيي مب عاجب الجوهره: هييه الجوهره ابتسمت : ماشاء الله .. اذا هي قريبه منج عطيها الفون بباركلها نوره وهي اتكلم ساره : هذي الجوهره تبي اتكلمج ساره خذت الفون باستغراب : الو الجوهره : السلام علييكم ساره : وعليكم السلام الجوهره : شحالج حبيبتي ساره ساره استغربت من اسلووبها : الحمدلله انا بخير انتي شحالج الجوهره : انااا تمااام .. مبروووك حبيييبتييي على الحملللل ساره ابتسمت : الله يبارك فيج .. عقبالج الجوهره وبدلع : هههههههه بالاول ايي المعرس وعقب عقبالي ساره : هههههههههه الجوهره : حبيبتي الله يسهل علييج ويتمملج كل امورج ساره : آميين حبييبتيي الجوهره وبمزح : عاااد ما اوصييج ان ظهرت بنووته ماشي احلى من اسم الجوهره ساره : هههههههههههه .. عاد راشدد قايل ان كانت بنت مهره إن شاء الله الجوهره : على اخته الله يرحمها صح ساره : هييه الجوهره : يلا ما علييه البنوته الثانيه إن شاء الله ساره ضحكت : ههههههههه إن شاء الله .. الجوهره: يلا يا عمري ما اطول علييج .. حبيت اسلم عليج واباركلج ساره : حبيبتي ما تقصرين ومشكوره الجوهره : العفو يا عمري ما سويت الا الواجب .. ساره : حبيبتي فيج الخير .. الجوهره : يلا إن شاء الله اسمع خبر ولادتج بالسلامه ساره : ان شاء الله .. الجوهره: يلا مع السلامه ساره : ربي يحفظج .. سكرت وهي عاقده حياتها نوره ابتسمت على شكلها : مستغربه صح ساره : هي والله .. بس جد فرحتني .. نوره ابتسمت .. الجوهره سكرت وهي اتحس براحه جنه هم وانزاح تدري احيانا تكون حقيره ويا الناس وبعدين اتلوم عمرها على حقارتها بس اتحاول اتغير هالطبع .. وسرحت لافكارها من يديد ( آآه يا سلطان كيف اجمعك مع الي اتحبها كييف ) عبدالله وهو يالس فواحد من الكوفيات ويا ربيعه .. كانوا شي ثنتين وحده شيلتها على راسها لمن كل شعرها برع والثانيه شيلتها على جتفها ,, كانوا يتدلعون وكل شوي يصدون عليه هو وربيعه .. هو ما حب يسويلهم سالفه وربيعه الي وياه متزوج .. فبعد ما كان عاطنهم ويه .. عبدالله : بوشهاب .. أحمد : آآمرني , عبدالله : قم نطلع .. أحمد : يلا سرينا .. حاسبوا وظهروا وعلى طول طلعوا وراهم البنتين .. والي شيلتها على جتفها اتعمدت اتمر من جدام عبدالله .. لا اراديا يت عينه فعينها .. الي استغرب منه ان شكل البنت صغير .. يعني هالبنيه مستحييل تتعدى ال17 .. ويهها بيبي مبيننها ياهل .. في فعيونها لمعة براءة .. بس شو ها الي اتسويه .. البنت عادت رقمها مرتين على استغراب عبدالله واحمد بدال ما هو يرقمها هي اترقمه .. وبعدها سارت .. انتبه على الي وياها شكلها كبيره يمكن فالثلاثين حتى !! على الساعه 10 ونص .. شووق : هياااا هيا : عيوونهااا شوقق : لو شفت حمدد باجر شسوي !! هيا صدت عليها بحزن : اتجاهلييه ! شوق : انزين ولو كلمني .. هيا : صدي عنه ! شوق وهي اتغمض عينها على اساس انها بترقد : كلامه يجرحني ,, تصبحين على خير هيا حزنت عليها وفهمت انها ما تبا تتكلم عن الموضوع اكثر : وانتي من اهله .. المها وهي تضحك : ههههههههههه وعووود لا تستهبلييين الوعد كانت ماخذه حبتيين بس ماياها رقاااد .. وياالسه اتخربط على المها .. والمها تضحك وهي مب فاهممه شي .. الوعد : هههههههههههههههههه انتي وشفييييك المها : هههههههههه انا شو فيني ولا انتييي .. انا اقول ارقدي ارقدي واايد احسن شكلج مشفره .. الوعد : هههههههههههههه وغمضت عينهاا .. المها ( اشتقققت لكك انت اتفكر فيني الحين ؟؟!! ولا نسيتني .. انزين شو اتسوي الحييين .. فكرت للحظه انها اتكلمه بس بعدت هالافكار من راسها ) الريم كانت منسدحه اتحاول ترقد بس مب قادره من فتره وهي على هالحال .. مسكت الفون ودقت شما : هلا يا قلبي الريم وهي اتصييح : شماااا مبب قااادره ارقد دخيييلج سااعديينيي .. شما عورها قلبها علييها هذي مب اول مره تتصل وهي اتصييح هي تدري الريم مهما تتصرف ومهما اتسوي الا انها فالنهايه حساسه وتنجرح من ابسط الاشياء هي تدري انه الريم ندمانه على الي سوته : حبيبتيي ريوووم لا اتصييحييييين .. قومي وكلميي منصوور الريم وهي اتوقف صيااح : انتي تستهبلين علي تدرين انه ما يكلمني شما : هيه صح هو ما يكلمج ولا تتوقعين انه بيي وبيكلمج سيري انتي وكلميه .. الريم وبتردد : شو اقووله ؟! شما : انتي اتعرفين شو اتقولين .. الريم : اسير الحين ؟! شما : هيه يلا سيري .. الريم وبسرعه : اوكي باي شما سكرت عنها ( الله يهدييج ) الريم وصلت لغرفة منصور وبتردد دقت الباب .. ما سمعت صوت دخلت الغرفة ما لقت حد بس سمعت صوت الماي .. يلست وما تدري اشكثر اتريت .. وبعدها ظهر منصور وكان شكله انه سابح .. شاف الريم باستغراب كان وااضح على شكله الريم وقفت ابسرعه وهي ما اتعرف شو اتقول كانت نظظرات منصور عباره عن شو تبين ؟!؟ الريم وبتوتر : منصووور انااا اسفففه منصور سار وانسدح : سكري الباب وراااج الريم فتحت عيونها على وسعهن ما عبرهااا ولا سواالها ساالفه .. حست بالحزن والخيبه .. الريم وكان واضح عليها انها فاي لحظه بتصيح : انااا اقووولك اسسفه ! منصور وببرود : وانا قلتلج اطلعي وسكري الباب وراج .. الريم وهي اتصييح : اناا والله اسفففه .. والله والله ماا كنتت ادريي انه جيييه بيستوييي .. منصور يوم شافها اتصييح عوره قلبه ويلس بسرعه على السرير : انتي اشحقه اتصييحين !!! الريم وهي اتصييح اكثثر : ا..ااناا اق..اقووولك .. اسفههه وانت تقووولي طلعييي .. حراام علييك منصور غمضته صح الي سوته جرحه واايد بس تبقى اخته الي يحبها .. منصور مش من النوع الي يعرف يخفف عن الواحد ولا هو برومانسي ولا اسلوبه حلو : خلاص انزين لا اتصيحين الريم وهي تمسح دموعها : يعني انت خلاص مب زعلان منصور وهو يبتسم : لا مب زعلان .. بس لازم تتعلمين ما تتدخلين فحياة غيرج .. الريم هزت راسها بتفهم .. وسارت حضنته بالقو وعقب طلعت .. عبدالله وهو منسدح يفكر بالبنت الي شافها .. هو ابد ما يكلم بنات ولا يهتم فيهم بس هذي مب قادر يطلعها من باله يحس بشيء غريب .. يحسها غريبه ... يتردد الرقم الي قالته فباله كان سهل ومتسلسل .. مرتين كانو كافيات علشان يحففظه .. ففكر للحظظات انه يتصل على هالرقم ! ( انزين يا عبدالله بتتصل وشو بتقول !! يا الله انا ليش شايل هم هالبنت ! اشلي فيها .. الله يهديها مالي شغل انا .. ) وبعد كل هالكلام الي حاول يقنع عمره فيه ما لقى نفسه الا وهو يتصل عليها .. انتظر وانتظر ووصله صوت جداً طفولي .. نااعم مره الا انه مبين انه طفولي ردت البنت : الووه عبدالله بتردد ما عرف شو يقول فعمره ما كلم بنت غريبه عنه يعني ما كانت له علاقه بهالسوالف : الوو.. يوم سمعت صوت واحد بدلع : هلااا والله مين معااي ؟! عبدالله حس بالغباء وانه مش عارف شو يقول وبعدين قال : عبدالله البنت حست انه هو نفس الشخص الي شافته لانه واضح اانه اول مره يكلمها : اهااا .. انته الي شفتك اليوم ؟! عبدالله سكت وهو مب عارف شو يقول البنت : اتصدق عاد ما اتوقعت اتصالك ! عبدالله : ولا اانا البنت : سوري ؟؟! ما فهمت شو تقصد عبدالله : وانا ما اتوقعت اني اتصل فيج .. البنت وبدلع :هههههه شووه ما عجبتك ؟ عبدالله : شو اسمج ؟ البنت : أحزان .. عبدالله ما استوعب : هااه !! البنت : اسمي احزاان عبدالله حس بشعور غرييب : لييش ؟ البنت : هاااه .. عبدالله : ليش احزان ! أحزان: انت داق اتحقق معاي ؟! عبدالله : انتي كم عمرج أحزان ضحكت : هههههههههههههه شو هالسؤال !! عبدالله : جدد .. انتي كم عمرج ! أحزان : شو رايك انت ؟؟ عبدالله : ما ادري بس شكلج صغييره أحزان: مو مهم اتعرف كم عمري ! عبدالله : لا مهم أحزان : انت داق علشان تتسلى ولا علشان شي ثاني ! عبدالله باستغراب : ادق عسب اتسسلى؟؟ أحزان : اكيييد ، يعني بتقنعني داق علشان شي ثاني ؟ عبدالله : انا ما اكلم بنات أحزان : ههههههههههههههههههههه والله انت جد اتسليني واتضحكني .. على بالك بصدق يعني اني انا اول وحده اتكلمها عبدالله وبجمود وجديه : انا ما امزح معاج أحزان حست بتوتر وبخوف : هاا ! عبدالله : انتي كم عمرج 16 ؟! أحزات خااافت : انتت شو تبيي مني ؟ عبدالله حس بالخوف من صوتها وحس بانها فعلا طفله وما يدري كيف قال : انا ابغي اشووفج احزان : مسرررع !!! عبدالله : اوكي ؟؟؟ احزان : انا ما اشوف احد فريي ؟؟ عبدالله استحقرها للحظات : اووه قصدج تطلعين بفلوس ! احزان : اييه ! عبدالله : مب مشكلله .. متى اشوفج احزان : الوقت الي ترييده .. عبدالله : باجر الصبح !! أحزاان وبدلع : شووه مستعييل على شووفتي ؟ عبدالله : أحزااان ! أحزان وبتوتر : نعم ؟ عبدالله : الصبح زين ! أحزان : زين عبدالله : كيف اشوفج ! أحزان : بطرشلك العنوان مسج .. مرني عبدالله وباستغراب ما اتوقع انه جييه بيكون الموضوع : خلاص اوكي .. يلا باي .. وسكر بسرعه وهو ما يدري كييف اتجرأ وكلمهااا اصلاً أحزان ( غريب هالانسان طول كلامه وياي حتى ما اتغزل فيني ؟ معقوله يكون غير عن كل الي عرفتهم ) اليوم الي بعده قامت هيا وهي تسمع ازعااج غريب مسكت الفون الساعه حتى ما يت 7 وعت شووق .. هياا: شوووق .. شوووووق شوق : همممم هياا : قووميييي شووق شووق وهي اتحاول تفتح عيينها .. هيا : ليش جيه حشره شوق : الحين الله يهدييج موعتني عشان تسأليني هالسؤال هيا : جددد شووق حشره شو الساالفه شوق وهي تحاول تستوعب: نسيتي انهم بيسيرون المزرعه هيا : انزييين وشو يعني !! شوق : تلقين يدوه محتشره وشاده حيلها .. الحين بتسسير هياا : هااااه .. شوق : هييه هيه دايماً اتسير من وقت ويا حريم اعمامج .. هياا : اوووه انزيييين يلاا قومييي شوق وهي اتغمض عيينها : ليشش بعد !! هيا : احس فيني نشاط .. شوق : انااا اقوول ارقدييي وااايد احسن هيا : لا تستهبليين شووق يلا بسج قومييي شوق : انزيين انزييين بقووم .. هيا : يلا انزين شوق : بعد شوييي هيا : شووووووووووووق شوق فزت : خلاص خلاص قمتتت .. على الساعه عشر .. عبدالله قام من الرقاد عنده اجازه اليوم .. مسك فونه شاف مسجين .. فتح الاول كان عنوان مكان .. ما استوعب عدل وفتح الثاني .. شاف صباح الورد .. عبدالله غمض عينها ورجع يفتحها .. استوعب كل شي صار امس فالليل.. احزان وهي يالسه مكانها وهي متلبسه وحاطه ميك اب تترياه ( يمكن هو يتمصخر علي يمكن ما بيمرني ) واشوي وشافت مسج فتحته بسرعه وكان ( نص ساعه وبكون عندج ) ابتسمت برضا .. وبعد نص ساعه تقريباً عبدالله وقف جدام البيت الي وصله .. كان البيت واايد جديييم .. الباب جديم وحليان واليدار متشقق .. طرش لها مسج بانه برع .. واشوي وشافها تطلع من الباب .. ركبت السياره وهي مبتسمه .. أحزان : السلام عليكم عبدالله : وعليكم السلام .. أحزان : شحالك ؟ عبدالله : تمااام .. وسكت أحزان وهي تبتسم : وانا بعد تماام .. عبدالله صد عليها ورجع يشوف الشارع أحزان : وين بتاخذني ! عبدالله : بس فالسياره أحزان وبدهشه : كييييف ؟؟ عبدالله : ما ابغي حد يشوفج وياي .. أحزان وبعصبيه : لا والله .. رجعني البيت ما ابغي اطلع معاك خلاص عبدالله وبجمود : لا اتعلييين صوووتج أحزان بخوف وهي اتحاول اتهدي عمرها : طيب .. رجعني البيت عبدالله ( هذي اشفيها ) : شو بتفرق يعني فالسياره ولا اي مكان .. أحزان بعصبيه اتحاول تخفيها واتخلي صوتها عادي : ليش ما تبغي حد يشوفني وياك ؟ عبدالله وببرود : لانه هالشي غلط وعيب أحزان : هييه يعني عيب واتخاف من كلام الناس .. ومش خايف من الحرام ومن ربك .. عبدالله ضحك : اوووووه اتعرفيين الحراام بعددد أحزان وبعصبيه : انتتت احترم نفسك .. ورجعنيييي البييت عبدالله : انتي اييي لا تتحريني ميت عليييج .. ولا وايد معجب فوحده مثلج أحزان حست بالجرررح والقهر : ممكن بس افهم استاذ عبدالله انت شو تبي مني ؟؟ عبدالله ما عرف يجاوب على سؤالها لانه هو اصلا ما يعرف شو الي يبغيه .. عبدالله وباستحقار : انتي ما عندج أهل ؟ أحزاان وبعصبيه : لاااا ماا عنديييي زيين جيييه !! عبدالله وبعصبيه : انا ما قلت لج لا ترفعين صوتج .. أحزان : انت يوم انك مستحقرني لهلدرجه ليش اتكلمني .. عبدالله : أحزااان انتي ليش جيه مسويه فعمرج ! أحزان : وانت شو معورنك اسوي فعمري الي اباااه .. شو مشكلتك معاي عبدالله : انتي ما اتخافين من ربج ؟ أحزان سكتت وهي مجروحه : عبدالله : أحزااان اكلللمججج انااا أحزان وهي اتحاول تخفي دموعه الي تهدد بالنزول وبصوت واطي : عبدالله فهمني انت شو تريد مني ؟! عبدالله : ابغيي اعرف كل شي عنج أحزان : ليش .. علشان تفضحني ؟؟ عبدالله وبذهول : افضحج ؟؟ أحزان : هيه يعني تبغي اتعرف ان بنت منو وهالاشياء عشان تفضحني ؟ عبدالله : أحزاان انا عندي خواات اخااف علييهم .. ليش بفضحج أحزان وبنبرة بكي : عبدالله انت ليش جيه اتسوي انت ما اتعرفني وانا ما اعرفك .. انت يالس تجرحنييي .. انا عارفه انه ما عندي اهل يخافون علي واعرف انه الي اسويه حرام واعرف اني زباله .. ليش اتذكرنييي بكل هذاااا ليييش .. عرفتت واايد غيرك بس الي يبونه وحده تتكلم معاهم واتسليهم .. انت ليش غير فهمنييي !! عبدالله استغرب من كلامها وحس انها انجرحت واتاكد انه هالبنت وراها شي واستحقرها يوم قالت انها اتعرف غيره هو يدري من اول انها جيه بس قهرته لما قالت ( عرفت وايد غيرك ) : انا حاسس انه ورااج شي .. أحزان : ولو قلتلك كل شي شو بستفييد ؟! وانت شو بتستفيد عبدالله تم ساكت ( صدق انا شو ابغي فهالبنت .. بس انا من شفتها واحس بشي غريب .. احس جني مسؤول عنها .. انا شو اخربط ) .. أحزان : شفت كيف انه انت ما عندك جواب للي اقوله .. عبدالله : أحزاان اناا ابغي اسااعدج .. اباا اظهرج من الي انتي فييه أحزاان فتحت عينه باستغراب من الي يقوله وبحزن : ليش ؟ عبدالله : ما ادريي بسس انا صدق ابغي اسااعدج أحزان وباستهزاء : هه واذا اتكلمت وباجر سمعت الكل يتكلم عني وعن حياتي ؟ عبدالله بجديه : أنااا عبدالله يا أحزاان أناا رياال وانا ما ارد بكلامي .. أحزاان وبوثوق في هالشخص : ابوي متوفي من عمري 10 امي هه حرام اتقول عنها امم كل يوم مع وااحد ما في شي يهمها .. نفسها وبسسس .. تجبرني اكللم شباااب .. علشاان الفلوس .. فالبدايه كان عمري 15 لما قالتلي عن الي تباه استغربت كيف تطلب مني هالشي .. قلتلته ما اعرف .. جد ما كنت اعرف كيف اكلم ريال غريب عني!! انزيين شوو اقوول ؟؟ قامت اتعلمني ,. تباني اكون نسخه منها .. الحين عمري 17 اكرررره عمرييي واككرررره اليي اسويييه اتمنى اموووت،،اموووت ولا اعيش هالحياة ..قبل شهر قلتلها اني ملييت خلااص ما ابغييي اتم على هالدرب .. تدري اش قالت ؟؟ قالت خلاص مب مشكله ما تبين اتكلمين انا عندي حل ثاني اييبلي فلوس .. اتخييل اميييي امييي اتقول لي انتي بنت وصغيره انا واايد بستفييد منج !! تتخيل انت انه امي تبي تبيعني .. انا مجبووره اكلمك واكلم الف غيرك ولا امشي بهاك الدرب .. ادري انه هذا شي غلط بس اهون من اني ابيع عمري .. عبدالله انا لو مكانك ما بصدق هالكلام وبقول هذي وحده جذابه وتباني ارحمها واشفق علييها .. اناا والله اصلييي والله انا اخااف من ربيي والله بس شسوييي ااذاا عندي امم تكرهنييي .. تكرهنييي تكرهنييي واظن متحملتني علشان الفلوس وبس ..! عبدالله كان يسمع الي اتقووله وهو مب قادر يستوعب انه في ام جيييه صدق كل الي قالته لان هو من شافها وحاس انه هالبنت غرييبه .. يدري لو غيره يمكن ما يصدق الي اتقوله مثل ما هيه قالت بس هو مصدق .. تم ساكت طول الدرب وهو مرجعنها لبييتها .. يفكر بكلامها ويفكر بحل لهالبنت .. اما احزااان فعقب ما قالت كلامها سكتت تترياه يتكلم بس هو ما رد علييها باي شي ( قلت انت ريال وما اترد بكلامك اشووفك سكتت الظاهر اني غلطت لما وثقت فيييك ) .. وصلها البيت وهو سكت وقبل لا تنزل شافته يظهر بوكه .. لا ارادياً حطت ايدها على عينهاااا ( ليششش ياا احزااان ليششش خليييتيي نفسج مصخخرررره .. من يووومج زباااااله غبيييه .. غبيييه ليشش اقوووووله ليشش على بالي انه ملااك !! مثل الباقييين الي اتعرفينهم ما يبى غير يتسلى شكله بس كان يبغي يتمصخر علييه ) عبدالله وبصوت عالي خلى احزاان اتفز : احزاااااااااااان احزان وهي اتفز اتشل اييدها من عيوونها :خيير !! عبدالله: ويين سرتي من متى وانا ازقرج !! احزان ابتسمت وهي اتمد اييدها وهي عارفه انه بيعطيها فلوس عقب ما حطهم فايدها لامست ايده ايدها حست بنفضه فكل جسمها وخذتهم منه بسرعه وهي تنزل ( احزان : الله كريم ).. ودخلت دااخل .. رجع راسه على الكرسي وهو يفكر فهالبنت وكيف يقدر يساعدها ( أسمج لوحده حزن يا أحزان ) احزان من دخلت البيت ركضت على غرفتها وبقهر .. يلست على الارض وهي اتصرخ واتصيييح بكللل قوتهاااا : آآآآآآآآآآه يااا ربييي آآآآه ليشش انااا ليششش .. انتيي زباااله يا احزااان زبااااله .. رخييييصه .. ضاااايعه .. كل شي مب زييين انتييي .. الله يااخذنيي من هالدنيااا الله ياخذنييي .. وقفت وسارت عن المنظره وهي اتشوف عمرهااا .. مررت ايدها على كل ملامحها .. وخذت بقهر العطر وفرته على المنظره بالقو .. وهي اتشووف المنظره تنكسسر .. وصارت صورتها مب وااضحه علييهاا .. هالانسان الي اسمه عبدالله بدل ما يساعدها جرحهاااا .. جرحهااااا اكثر من ما هي مجرووحه .. حسسها بالاهانه متندمه لانه قالتله كل شي .. كييف بسسس كييف وثقت في انسان غرييب عنها ما اتعرفففه .. كل الي فبالها الحين لو الانتحار مب حراام جان من زماان اتحرت وريحت عمرهااا .. أحزان : 17 سنه .. مجروحه من الحياة بشكل كبير .. تتمنى انها ما يت على هالدنيا .. تكره وتستحقر عمرهااا .. اما شكلها .. شعرهاا بني غامج .. مش مصبوغ طبيعي يعني .. طويل لنص الظهر وكثيف .. وييها مدور .. حواجبها مرتبه .. عيونها متوسطة الوسع بس فيهم براءة .. ورموشها كثيفه محلين عينها .. أنفها ولايق على ويهها .. فمها عادي .. بس شفايفها اشوي مليانه .. فيها غمازه واايد واايد خفييفه على خدها اليمين وشامه صغيره تحت عينها اليسار .. نهاية الجزء الواحد والعشرون، ولكم حرية التوقع .. |
|
| |
| |
|
| مواقع النشر (المفضلة) |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى مدري ليه انت بذات حبيتك ؟! | روح مغليكـ | استراحة قصص وابداعات الاعضاء | 8 | 01-18-2013 04:22 PM |
| قصة خيالية : ⌡ جلسـآت نفسيه ..~ روايتي الأولى | al-3nedh | قصص و روايات | 1 | 07-08-2012 09:21 PM |
| مشاركـ : روايتي الأولى:قلبي أنا ما أستغنى عنك | أسيرة الحنان | استراحة قصص وابداعات الاعضاء | 8 | 04-12-2012 11:48 AM |
| قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
الساعة الآن 06:01 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227