ياليت الزمان الاولي يعود - الصفحة 20

الــدانــه · 02-21-2009, 07:56 AM

تسلم تسلم عالبارت الكشخه .. ^_^

يالله كمل احمد منوه شاف ؟!! __DEFINE_LIKE_SHARE__

الــدانــه · 02-26-2009, 12:30 PM

رااعي الفتك الاسود .. وينك .. حرام .. ليش وقفت ..

كمل القصه والله وايد طولت .. __DEFINE_LIKE_SHARE__

راعي الفتكـ الاسود · 03-12-2009, 03:54 PM

سموحه منكم اخواني وها لبارت لياي __DEFINE_LIKE_SHARE__

راعي الفتكـ الاسود · 03-12-2009, 03:55 PM

احمد تم واقف مكانه يناظر ولكل ملتهي فلمنيوو الا ميوووود انتبه ع حال احمد فهد لمنيو

ميود: احمد تعال شوي دلني وين الحمام

احمد: ها،، انزين تعال

وعقب هدوا شباب ع طاوله وراحوا صوب الحمامات وطول الدرب احمد قلبه يدق وميود يالس يطالع بستغراب

ميود: شو فيك شايف حد معذب قلبك شووو

احمد ولا همه مبقق عينه فلمنظره لي فلحمام لين ما قام ميود يهزه

احمد: ها ها شو فيك

ميود: انا شو فيني ولا انته منجلب حالك فوق تحت

احمد: ها

ميود: حمووود شو فيك

احمد: تبغي صراحه

ميود: شوق

احمد: ومنوو قالك محد ....

ويقاطع ميود كلامه

ميود: شفتك وانته مبقق عينك فيها ويوم لفيت ويهي انتبهت انه لي وياها تزقرها شوق فعرفت اسمها

احمد تم منزل راسه ومب عارف شو يقول

ميود: تبغي برتبلك كل شي بقردنها لك لو تبغي

احمد: شو تقردنها لي بعد انته تبغيني اسطرك ع ويهك

ميود: عيل شو تبغيني اسوي

احمد: ما ابغي حد من لي ويانا ينتبه

ميود: احمد ربك انهم مبققين عنيهم فلمنيوو ولا كان الله فعونك من تعليقاتهم وفضايحك واصله كل لبلاد

احمد: اه شو تبغيني اسوي يعني

ميود: تقولي شوو سالفتها هاي شووووق

ويقوله احمد سالفة شوووق من اولها لين اخرها وباتوا فلحمام طبعا احمد يقول لميود سالفه ولحين عاد بدا لعقل

لمدبر يفكر شو يسوي عشان يساعد ربيعه ويوصل للي يبغيه لمهم عقب بقولكم سالفتها لنه احينه نبغي نلحق

نسوي لخطه قبل لا تروح ع احمد لمسكين لمعذب فهواه وقلبه ......بس قبلها نحن وايد يلسنا ويا شباب وخاصه

ميود وكان له دور فوايد احداث وخاصه يوم ضرابه واحينه يوم ويا احمد طبعا بتعرفون شو بيسوي لكن مب

احينه عقب عاااااد ..... لاتخافووون ما بنسير صوب

البنات هههههههه لبنات رقوووود كم بارت بنتم ويا شباب شوي سموحه من لبنات لكن شو نسوي

ميود عمره 22 باقيله اخرى سنه فلكليه يدرس ادارة اعمال واي تي

لمهم رد كل من احمد ومايد وطبعا لكل بعده يدور شو يطلب جدامه كل ما لذ وطاب ميود همس فأذن احمد وقاله

ازقر ميشيل وسير اتريا هاكي صوب واشرله صوب مكان احمد زقر ميشيل واستأذن شباب اونه بيرمس بلفوون

احمد مسك ميشيل ودس له 100 درهم وهمس فذنه وخلاه يروح طبعا شي مب من عادت شبابنا وهيه انهم ما

تليقفوا لمهم ميشيل سار صوب طاولة البنات(قوم شوق) وشي قالهم طبعا انتم بعد عن لقاااافه ولا تسألوني شو

قال لنه كل شي بوقته حلوو لمهم عقبها روح ها لميشيل واسأذنة شووق وسارة صوب الحمامات وهيه تمشي

ومستغربه حست حد يسحبها من وراها وتوها كانت بتصرخ لين ما حطت عنيها بعينه ما عرفت شو تسوي فتمت

ساكته وهوه تم ساكت وقفوا بمكان بحيث محد يشوفهم

احمد: هلاوالله

شوق: نعم منو انت والله لخبر اخوي لو ما صطلبت

احمد: افا ما عرفتيني

شوق: لاماعرفتك واخلص لايصير شي ما بيعيبك انا بنت.......

ويقاطعها احمد

احمد: شوق

شوق:......

احمد: انا احمد

شوق ودموع تملا عيونها:،،،،،،، احم،،،،،،

احمد: هيه احمد نسيتني ولا شووو ........حوبي

شوق: ،،،،،،،،، انتـ،،،،،،،،،

احمد: وحشتوني

شوق ما قدرة تمسك عمرها ودمعت عيونها غصبن عنها كان فيد احمد كلينكس عنابي مسج دوموعها فيه وحطاه
فجيبه

شوق: وينك ليش شو صار وو وو وو و و و و

احمد: حياتي والله اسف انا

شوق: ما اقدر اطول اختصر

احمد: بعده رقمي عندج ولالا

شوق تهز راسها <<<<<<يعني هيه

شوق: معقوله انسااااااه

احمد: دقيلي ليوم ولا بعدج ما عندج فون

شوق: لا عندي احينه شو قالولك بعدني ياهل بس ما يعطوني اياه الا يوم اظهر

احمد: حاولي دقيلي ليوم وانا بقووولج كل شي

شوق ببتسامه تبذلها الدموع: من عيووووني

ويرد احمد ويطلع هذاك لكلينكس ويمسح دموعها وعقب هدته ودشت لحمام وطلع احمد برع يشم هوى شوي

وقلبه تتسارع دقاته وكل شوي طلع لكلينكس وتم يطالعه عقب رد عند شباب فوووق واول ما وصل كانوا يالسين

يطلبون يا احمد وطلبله اي شي ع سريع وعقب ربع نص ساعه يابولهم اكلهم تعشوا وخلصوا وعقب نزلوا كلهم

ركب احمد وهزاع عند ميود ولباقين ركبوا عند عواس لكل نازل عليه حب ميووود ليوم مسوي تضبيط تراه حليووو

وبتسامته ساحره ومركب تقويم لونه ابيض طالع عليه

رووحه وهو ابيضاني بس مب ابيض ابيض لمهم لكل مخترش ومشغل اغاني وعواس وميود متخبلين ع درب يالسين

يداعسون

وصفايف راحت فيها من كثر برياكتهم لحلوه قبل كل رادار خبال شباب شو نسوي بعد لمهم وصلوا واتصل ميود

ب ابوه

ميود: السلام عليكم

ابومايد: وعليكم السلام....ها لهرم وينك من صبح ادق دقلك وانته ما ترد مب قايل بتي تراويني هاي مال مصاروه روطانا شينمه

ميود ينقع من ظحك: خل حد غيري

ابومايد: شو خل حد غيري ليوم بيحطووون ها فلم غومنسي ع قولتهم انته شوعرفك فلغومنسيه

ميود: ازين يا الشيبه شو اسم لفلم

ابومايد: شيبه محد غيرك يا لهرم وينك انته وينك انتي تعالي سمعي ولدج يقولي شيبه لاتخلوني اقوم احينه اخذ هاي هريسا

ميود: منو هريسا

ابومايد: هريسا هريشا هاي لي تغني لبنانيه لغاويه <<<<<<<وهو يهمس يخاف ام مايد تسمعه هههههههههه

ميود: اليسا قصدك

ابومايد: هيه هيه

ميود ويه حمر من ظحك: لمهم ابوي

ابومايد: ها

ميود: همبا

ابومايد: شو يا مسود لويه

ميود: والله اسف ابوي وها راسك احبه اموااااااااااااااح والله نسيت انك شيبتي تحريتك واحد من شباب ههههههههه

ابومايد: رد وقال شيبه

ميود: اسفين والله اسفين

ابومايد: اخلص اخلص اكوه لفلم بيبدا
ميود: زهبت لفراخ
ابومايد: شوها لبراااخ بعد
ميود: ها لي ياكلونه لبيض
ابومايد: لالا انا زهبتلي قيمات
ميود: بالعافيه
ابومايد: الله يعافيك
ميود: اقول ابوي
ابومايد: لبيه
ميود: ببات برع لبيت اليوم
ابومايد: عند منوه وليش
ميود: عند هزاع ولد عمي لنه باجر بروح وياهم لمزرعه
ابومايد: سلم سلم عيل وتحمل ع عمرك
ميود: خلاص تم لوالد
ودشوا كلهم لبيت وسار كل حة حجرته ورقد مايد ويا احمد والله يعين صبح

وترقبوا البارت لي ياييي __DEFINE_LIKE_SHARE__

دموع العمر · 03-17-2009, 05:11 PM

وييييين الباااارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة وناسة إلى الصمان الغربي (( ولهان الصمان ))	محروم.كوم	منتدى أخبار المواقع والمنتديات العربية والأجنبية	0	04-25-2010 11:20 AM
صور من فياض الصمان وتوضيح ((((((أكثر)))))))للي ناوي على الصمان 12/2/1431هــ	محروم.كوم	منتدى أخبار المواقع والمنتديات العربية والأجنبية	0	01-31-2010 02:00 PM
ليت الزمان الأأولي يعود	آلوهـِـِـِم	تصاميم الاعضاء	12	06-30-2009 01:14 PM
حصريا التغطيه الاولى لبرنامج دورينا (الحلقة الاولى) -فيديو	محروم	رياضة محلية و عالمية	42	03-26-2009 11:00 PM
ليت الزمان الأولي يعود"حياااكم ..للي يحب المدرسه"	شمانيAJ	عدسة الاعضاء , كاميرا الاعضاء	63	11-18-2008 05:57 PM