منتدى استراحات زايد - ياليت الزمان الاولي يعود

يله نبدأ

السلام عليكم ورحمة الله وبركاته

اول قصه ألفها يلا ابغي راايكم
البارت الاول.

هزاع كان قاعد بحجرته يتعدل عشان يظهر ويا ربيعه خليفه تعطر وبطل الباب ونزل

وهوه على الدري شاف يده قاعد صووب المسبح سار وسلم عليه وحبه على الراسه

هزاع:السلام عليكم يدي شحالك عساك الا بخير.

اليد: شوو شيبه جدامك ازقرني ابوي العود بعدني صغير يحليلي يالس اتكبرني وانا بعدني.

هزاع: من العين هاي قبل ها العين انته تامر امر وحبه ع راسه مره ثانيه.

بين ما كان سيف بيظهر زقره

يده: وين بتسير يا ولدي.

هزاع: والله يا ابووي بسير اتمشى

ويا ربيعي خليفه بلموول وعقب بنتغدى وعقب فليل برد.

اليد: الله الله بعماركم يا ولدي وعن الشطانه

تيسلوون طاعون بنات خلق الله خلووهن بحالهن ما يسلمن منكم انتوا شباب. هزاع ويهيه محمر وجان

يظهر من لباب. وكان خليفه يتريااه برع بسيارته الاستيشن ليديد 2008 وركب وياه هزاع.

خليفه: مرحبا نورة لبلاد نور لمكان يا حي الله بهزااع وينك يا اخوي ما تبين مختفي عنا لا تٍسال عنا ولا شي

شو خلاص نسيتنا نسيت شردات من لمدرسه نسيت سرقاة الدكان<<سوالف ليهال خخخخ.

هزاع: الا والله ما نسيتك وانا اخوك ما نسيتك لكن المشاغل الحياة التعرف.

خليفه يقاطعه: اي مشاغليا الخريط كله قاعد بطالي لا شغله ولا مشغله على النت 24 ساعه بها لمنتديات<<<هزاع كان كاتب مبدع

وما يشترك بمنتدى ويتم مشترك فيه الا يكون مشرف عام او اداري مستحل يتم عضو عادي من كثر

تميزه حتى انه ينعرف بين الناس بنت حتى لو غير نكه. وصلوو الامارات مول ونزل خليفه وهزاع عقب ما وقفوا

السيارة, المكان كان زحمه اجازه والعيال والناس من دشوا مشو شوي والا

خليفه : هزاع مب جنه ها عبوود

لي كان ويانا ايام ثنويييه .

هزاع : هيه والله عبوود ازقر عليه خل بنسير صووبه.

هزاع وخليفه سارو صوب

عبدالله لكن عبدالله ما عرفهم وهم عرفوه خليفه سلم ع عبدالله وتوايهوا ونفس الحال هزاع عبدالله يطالعهم

بستغرااب. خليفه عبوود شو شكلك ما عرفتنا يالهرم.

عبدالله: لا والله ما عرفتكـ اخوي منو وياي

خليفه:انا خلووف وها هزاع كنا وياك بثنوييه قبل افا نسيتنا نسيت ذكرياتنا قبل وانا اخوك.

عبود:لا يكون انته.

يقاطعه خلووف: هيه لي كان يفر شلق بالكفتريا مالت المدرسه ونتوا تشلون الاكل وتشردون.

تم يضحكون

وهزااع بالعالم ثاني خليفه لاحظ ها شي عليه.

شو تتقوعوون يصير؟؟

وين هزاع عن عبدالله وخليفه؟؟؟؟؟؟؟

شو لي بيستوي بهذا اليوم وهل لقائهم بعبدالله بيغير بحياة هزاع؟؟