ياليت الزمان الاولي يعود - الصفحة 22

راعي الفتكـ الاسود · 03-23-2009, 08:34 PM

تسلمين احتيه ع طله وانا يالس اكتب البارت لياي __DEFINE_LIKE_SHARE__

راعي الفتكـ الاسود · 03-23-2009, 08:47 PM

ساعه 7 الصبح في بيت ابوهزاع

اليد يالس يحاوط فلبيت ويهزب طباخ وساعه يهاازب فدريول ولا زراع لين ما ظهرتله اليده

اليده: ها بسك زعيييق وحشره جالب لبيت فوق تحت مزيغ العالم

اليد: لاوالله لازم ينهزبوون عشان يشوفوون شغلهم عدل

اليده: لو دش وتستغفر ربك بيشتغلون عدل

اليد: زين زين يلا سرينا

اليده: يلا

ودخلوا ويلسوا يسولفووون ويايتلهم لخدامه الريووق ويلسوا يتريقوون

نزل بو هزاع وشافهم يتريقوان سلم عليهم وحب كل واحد فيهم ع راسه وزقر لخداامه وقالها تيب ضوو ويلس يتريقو وياهم

اليد: عيل ويني حرمتك

بوهزاع: ياي بتيب العود والعطر ويايه

اليد: زين زين

نزلت ام هزاع وسارت صوب المطبخ تشل ضوو وحطه فلمدخن ودته حق بو هزاااع

بوهزاع: تسلمييين والله ما قصرتي

ام هزاع: الله يسلمك يا الغالي شي تامرني دامني واقفه؟

بوهزاع: لاسلامتج

ويلست ام هزاع حذال ريلها وتموا لكل يسولفووون لين ما قطع حديثهم صوت فون بوهزاع يرن

ترن ترن ترن ترن ترن ترن

ترن ترن ترن ترن ترن ترن

بوهزاع: ها هزاع يتصل

ام هزاع: رد عليه شووفه شو يبغي حق شوه حطيته سايلنت

اليد: رد عليه ولدك طالع شو يبغي

بوهزاع: احين خل يسكر برد اتصل فيه ما ابغي اخسره

بس يسكر هزاع رد اتصل فيه ابوه ما يندرى عاد

بوهزاع: الوو

هزاع: الوو

بوهزاع: هلا هزاع شحالك ولدي

هزاع: بخير وسهاله من جداك

بوهزاع: بخير الحمدالله

هزاع: عسا مديم

بوهزاع: هلا لغالي امر عسا ما شر ولا متصل تطمن بس

هزاع: ابوي شوو سالفة المزرعه

بوهزاع: كل شي بوقته حلو وهناك بتعرف كل شي

هزاع: ان شاء الله بس متي بنسير

بوهزاع: بس اخلص اشغالي وكل شي بخلي اختك تتصل فيك وتبلغك

هزاع: خلاص ان شاء الله بس ابوي

بوهزاع: لبيه

هزاع: مايد بي ويانا لمزرعه

بوهزاع: اي مايد

هزاع: ولد عمي

بوهزاع: حياه انا اتصلت ببوه وقتله تعال ما رد علي خبر

هزاع: اها خلاص عيل شي تامرني

بوهزاع: لاسلامتك

هزاع: فمان الله

بوهزاع: فمان الكريم

ام هزاع: خير وشفيه هزاع

بوهزاع: لا ماشي

اليد: شو بلاه لولد

بوهزاع: ماشي بس يتنشد عن لمزرعه وجيه

اليد: اهااا

ومناك فطابق لي فووووق كانت سنو وايت توها ناااشه من لرقااااد دشت خذتلها شووور كووول ماي داافي يا حلاته وتوك ناش من لرقااااد طلعت سشورة شعرها وبدلت ثيابها

ويلست ع الكرسي تذكر لي صار امس عقبها تذكرة فونها لمسكين راحت طالعه فسده ما لقته تذكرة انها نشت عقب حطته يشحن رات شافت لمكالمات 22 مكالمه وكلهن من علايه

الا 2 كانن من اخوها هزاع

تمت تفكر تتصل ولالا عقب احتاااارت واخرتها اتصلت فيه لكنه ما كان يرد طفرة راحت عقبها ورتبة اغراضها ونزلت لهم وشافت يدها ويدتها وامها تحت لكن ابوها كان ظهر

سلمت عليهم وراحت حطتلها ريوووق وصبلتها حليب ويلست وياهم

وقعدوا يسوولفووون عقب علايه اتصلت فيها ولكنها سوتلها طااااف وما ردة عليها وتمت تتصل وسوسو مسوتلها طاااف

ام هزاع: منو يتصلبج

ساره:هاي علايه

ام هزاع: ليش ماتردين عليها

ساره: صايره سالفه بيني وبينها

ام هزاع: عسا مب شر

ساره: ما عليج امايه

ام هزاع: خلاص بنتي برايج بس مب زين تحقرين لبنيه

ساره: ان شااء الله اميه

ام هزاع: يلا اشوووفج اتصليبها

ساره: عقب امايه مالي خلق احينه

ام هزاع: خلاص برايج ع راحتج

عقب استأذنة سااره من لي يالسين وسارت صووب حجرتها ويلست ع لمسن عقب اتصل فيها اخوها وردة عليه هاي لمره

ساره: الوو

مايد: الوو

ساره: هلا هزاع شحالك

مايد: اهلين بخير وسهاله بس انا مب هزاع

ساره: عيل؟

مايد: انا مايد ولد عمج

ساره: هلا ميوود شحالك وشحال الاهل عيل وين اخوي هزاع؟!

مايد: شو ما تبين ترمسيني يعني

ساره: لامب جيه بس

مايد: لابس ولا شيات لمهم هزاع دخلناه المستشفى من شوي واحين نحن هناك

ساره: ها

مايد: لاتقولين حق اي حد فلبيت انا اتصلت في ابوج وسويت عمري هزاع عشان ما يحاتي وايحد يسأل فلبيت عن هزاع

قوليله قال انه بيطوول في ابوظبي شوي

ساره: شوو فيه اخويه

مايد: ما فيه الا لعااافيه هوه بيظهر وببيقولكم كل شي يلا فمان الله

ساره: بس

مايد: لابس ولا شيااات يلا فمان الله

ساره: فمان الله

وسكر مايد عن سارة وخلها ع نارها تبغي تعرف شو فيه اخوهاا ها كله بنعرفه فلبارت لي ياي شو بلاه هزاع ؟

وشوو بيصير بين ساره وعلياء بيتصالحوون ولا؟
__DEFINE_LIKE_SHARE__

غلاك فـ قلبي · 03-23-2009, 09:50 PM

حلوة البارت
يلا اخوي نتريا بارت اليديد؟؟ __DEFINE_LIKE_SHARE__

مس بوظبي · 03-23-2009, 09:54 PM

تسلم الشيخ

ع القصهـ الحلووهـ

وسلمت اناملك ع الابداااع

ونترقب البارت الثاني __DEFINE_LIKE_SHARE__

راعي الفتكـ الاسود · 03-24-2009, 02:30 PM

تسلمممين ع طله الغاااويه ولاتحرميني من مرورج لمنور صفحات الموضووع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة وناسة إلى الصمان الغربي (( ولهان الصمان ))	محروم.كوم	منتدى أخبار المواقع والمنتديات العربية والأجنبية	0	04-25-2010 11:20 AM
صور من فياض الصمان وتوضيح ((((((أكثر)))))))للي ناوي على الصمان 12/2/1431هــ	محروم.كوم	منتدى أخبار المواقع والمنتديات العربية والأجنبية	0	01-31-2010 02:00 PM
ليت الزمان الأأولي يعود	آلوهـِـِـِم	تصاميم الاعضاء	12	06-30-2009 01:14 PM
حصريا التغطيه الاولى لبرنامج دورينا (الحلقة الاولى) -فيديو	محروم	رياضة محلية و عالمية	42	03-26-2009 11:00 PM
ليت الزمان الأولي يعود"حياااكم ..للي يحب المدرسه"	شمانيAJ	عدسة الاعضاء , كاميرا الاعضاء	63	11-18-2008 05:57 PM