» شفته انا فــــي بوظبي «

بنوتهـ طــرر · #1 07-09-2008, 10:50 PM

» شفته انا فــــي بوظبي «

الجــــــــزء الأول

بــــوظبي
احفاد مهنا وموزه

اول شي عيال بطي الله يرحمه : هزيم و مهره
هزيم : وهو 21 .. ابيظاني .. شعره احمرو طويل <احمر لون هع .. وهوو حليو .. اخر سنه جامعه ..
مهره : فهي17 سنه .. ثنويه عامه ..مثل اخوها وااايد تشبه .. شعرها احمر قصير ..
امهم وبوهم اتوفوا فحادث

عيال امنه : مهنا و شقرا
مهنا : 21 سنه .. عاااد هذا غرشوووب بوظبي هع .. حنطاوي .. شعره بوي ناعم .. عيونه رصاصيه على ابووه ويده .. والمووهيم انه خطيييييييييييير هع .. لازم يعني أأكد لووول .. ثالث سنه كليه ..
شقرا : 19 سنه .. بنوته حلوه كتكوته .. ثنويه عامه ..شقرا وشعرها طويل ..

عيال هزيم :لاري و الكوزه و ميثه
لاري : شاب وسيم ..عمره 19 سنه ..ثنويه عامه ..طبعن شي اكيد شعره طويل وشي مستحييييييل يقصه ..بس غصبن عنه بيقصه هع ..
الكوزه : ام قصه .. بنوته حلوه .. عينها سود وساع .. حنطاويه .. شعرها اسود طويـــــــــــل .. وقصتها اللي تغطي على حياتها محليتنها اكثر .. 18 سنه .. ثنويه عامه ..
ميثه: وهي 17 سنه .. ثنويه عامه .. مجدمينها سنه هي ومهرووه عشان يكونون مع بعظ ..تشبه اختها واااااااااايد .. بس هي شعرها كستنائي ناعم .. لين جتفها .. وعيونها بنيات ..

روضة وبنتها الوحيده سلامه ..
سلامه : 18 سنه .. ثنويه عامه .. وهي وحيدت امها وابوها واتعيش مع امها فبيت يدها .. امها وابوها افترقوا .. وجدولها يوم عند امها ويوم عند ابوها ..فيها السكري .. بس مع هذا وااااايد ظعيفه ومحافظه على عمرها .. وعندها اخوان كبار من ابوها وكلهم اولاد .. سلامي بنيه مشالله عليها اللهم لا حسد على جمالها .. عيونها سود وساع .. خدود وشفايف ورديه .. جسمها روعه ( خصرن مثل كسره وراها ظمه وفتحه على حد السكون ) .. وبياظها محلنها اكثر تقولون مصريه .. تف تف الله واكبر هع ..
مهير .. ولد مهنا الصغير ..

وهذا مهير اخر العنقود .. خال العيال هع هع .. المشاغب .. وعمره 20 سنه وبعده ثنويه عامه هع حليله شكله ما بيخلص حتى عقب عشرين سنه .. وهذا غرشوبنا 2 .. ولازم مربي الشعر هع .. < ياخوفي اذا ما سمعو الكلام هو ولاري وسباع تحليق عالزيروا هع .. الموهيم حاله مثل حال غيره عيالنا غراشيب لووول ..

الشهامة
عيال اخو مهنا (درويش) الله يرحمه ..وهو اصغر من مهنا بوااايد ..
صدام : 23 سنه .. ثالث سنه كليه .. حنطاوي .. شعره سبايكي الموظه افكورس هع .. عيونه رصاصيات مثل ابوه .. ومشالله عليه ماعليه كلام ريال والنعم فيه .. ومن صفاته ..الحلاااه ..
سباع : مخرب قوم .. هذا الفسااد كله هع هع <حليله .. مزيون شعره طويل بوي ناعم ..حنطاوي .. في شبه هو واخووه .. عاااااد بعيييد عن عيونه كله ولا عيونه عذاااااااب .. عاد ما نمدحهم وايد بيصدقون عمارهم ههه .. بس صراحه عيال الهنديه جماال عليهم ..<شكلنا غلطنا .. يالله ما عليه هع ..
نور : عاد هاي غير عنهم كلهم مايخصها فحد .. بس الها جمالها الخاص ..بنوته حلوه .. مشالله بيااااظ عليها .. وغمازاتها مطلعتنها احلى .. عيونها رصاصيات على ابوها الله يرحمه .. 19 سنه .. اول سنه جامعه ..
و امهم هنديه ..
قبل سنتين كانو فبوظبي وانتقلو الشهامة ..

دبــــــي
عيال اخو موزة (سند) الله يرحمه .. و هو بعد اصغر عن موزه ..وعياله
حوتان : 20 سنه .. خلصت دراسته .. والحين شغلته الحواط فالشوارع هع ..<عن يعصب .. وجمالوو في غرووروو هع هع .. اهممم احليو .. شعره هب طويل ولا قصير ..طول شعره مثل الوسمي جي .. <انا قلت شعره هع ..وعيونه عسليات ..

موزه : 19 سنه .. مب مالت دراسه ..صف ثامن خلت دراستها .. بس ألحين من سنتين بدت تدرس فمعهد .. بعد حرام تكون جاهله هع .. عيااال سند مب مال دراسه .. امم عيونها عسليات مثل عيون امها .. طويله شوي ..شعرها بني لين كتوفها .. و و و وبس وهي حلوه
ويعيشون مع امهم فبيتهم اللي عدال بيت العيايز خوات ابوهم يعني خاالاتهم ..عفرا وشقرا وحمده الله يرحمها .. او بالحرى بيتين في حوش واحد ..

خلص الدوام
شقرا : يعني لازم اسيرين بيت ابوج ..ترى قلتي محد هناك ..
سلامه : لو بيدي جان زين اليوم قال لازم تين واتولهت عليج وماعرف شو ..
مهره : انزين العيد وين بتعيدين ..عدنا ولا هناك ..
ميثه : عدنا ..مايخصني ..
مهره : هيه تراج كل عيد عندهم ..
الكوزة توها يايه : هلاا صبايه ..يأأ الدريول !!
البنات : نوووو ..
الكوزة : اهااا .. هاا سلامي اجوفج سايره ..
سلامه : والله بحاول ارجع العصر يالله جاااااااو صبايه ..
البنات : بااي ..

عالغدى بيت اليد ..

مهير : باجر عسكريه ان ما قرعونا هاا لاري هههه ..
لاري : منو قال اني بداوم هااهااهاا ..
شقرا : ميثوه ميثوه يوم بيتقرعون بنغنيلهم اقرع مقيرع طاح فطاسه
مهره : قالتله امه شوووووووووو !! ههههههه
لاري : هيه صح صح .. بسم الله على شعري الله يخليه ههههههه ..ويمسح على شعره
مهره تطنز على رمسته :بسم الله على شعري الله يخليه .. وتعطيه نظره وتقوم ..
لاري صخ ومن داخل يظحك ..صدق متخلفه ..
مهير : بلاااهاا هاي هع .. الله يعين سبااع شكله بيقرعونه عاد صدق بنظحك من الخاطر ..
لاري : وشدراك يمكن يسوي مثلنا هههه ..
الكوزه وهي تقوم وشاله صحنا بتقعد عدال يدها : اخر شي بييكم المدرب البيت هني بيفرشلكم وبيقرعكم هههههه ..
مهير ولاري : جااااااااااااب ..
اليد مهنا –بوبطي : الله لاقاله .. خله ولدي طالع عليه شعره جي حلو ..
عااد ألحين بدت الخقه هههه خلنا انقوم عن لاياكلونا ههه ..
العصر الاهل ياسين فالصاله العوده ..

بوبطي : اقوول ابويه مهير ..
مهير ياكل همبا : هاا بويه ..
بوبطي يكفخه : خلص اللي فحلجك ..
ام مهنا : هالطبع الخايس مايوز عنه
مهير : انتي جب مايخصج ابويه يكلمني ..
ام مهنا : اتجوفه هذا الياهل شقى يرمسني !!
بوبطي : حشم .. انزين خلنا فموظوعنا .. شحال سباع واخوانه !!
مهير : تمام ..لا جديد ..
بوبطي : هيه وشخبار امهم !!
مهير غمز حق ابوه ووعطاه بالعصى على ظهره
مهير : ااااااااااااااااااااخ
لاري : اااااااخ والله حسيتبك ههه
شقرا : ههااااااااي دواك ..
مهير : اقول شقاري انتي وهو اسكتو ولا اخش هالهمبا فحلوجكم ..صد على ابوه وابتسم .. فديت خشمك ابويه يوم انك تبى وحده بيبلك هنتين بدال وحده ههههههههههههههههه ..
بوبطي ظحك على ولده لأن صدق ياهل لو صك الاربعين مابيعقل ..
عاد الكوزة هاي الوشايه يوم جافت يدها سكت قامتلهم : والله لخبر يدووه اجوف عايبنك يديه .. الحين اربعلها .. وتربع يدوووووووووووووووووه يدووووووووووووووووووه ..
الاهل ناقعين على الكوزة كل ما قالوا شي سارت خبرت يدتها هههه ..
لاري : والله هاي شي فمخها هههههه
شقاري : هيه حتى انا بعد بسير بشهد يالله بنات قومن ..
وبعد هالسوالف .. يت سلامي وسولفو شوي وقامو الشباب ساروا المسيد ويايدهم ..

عالساعه 7ونص البنات قاعدات فحجرت مهره وكل وحده ماسكه حبيبها هههه(لابتوبها)
ميثه : انزين شو سويتي فبيت ابوج !!
سلامي : كالعاده كل واحد ملتهي بحياته .. محمد سار ويا شمسه وحميد ولده وبنته مريم غنتوت ..وعقب الغدى لحقوهم سعيد وحرمته .. وابويه طلع عنده شغل وخالوه غايه عندها حرمه .. قعدت انا وسيف بروحنا عند التي في
ميثه : ويلي على هالطاري .. شحاله سيف .. شوو متى بيقرر ايي يخطبني هههه < طبعن استهبال ههه
شقرا شهقت : هاااااااا بدينا بالخيانه والله والله واااااااااااااالله اعلم حوتان ..
ميثوه قفطت ..: عادي خبريه شعليه منه اصلن انا ما اخذ الا ظبياني ..
سلامه : ههههههههههه سيف بخير ويسلم عليج هاااااااع

الكوزه : هيه انتي خربيهاااا ههههه..ألحين ادقله الحييييييييين ..
ميثه : لا دخيل ربج انتي عاد الوشايه .. لا وبعد ما تكتفي بالحقيقه ازيد من عندها وتخربط ههههه ..
ومن صوب مهاري عاللاب ..قاعده عالمسن

gιв мαнαяЧ 3αЧSн ч9σσŋк(مهره)
: لاري !!!!!!!!!!!!!!!
بدون نك) : هيه لاري
gιв мαнαяЧ 3αЧSн ч9σσŋк(مهره)
: والله !!! .. فقتــــــــــــــك
لاري : هههههه احلفي انتي بس !!!
gιв мαнαяЧ 3αЧSн ч9σσŋк(مهره)
: لاري اتعرف انك سخيف وتقهر وانا ما حبك

لاري : افاااا ليــــــــش !!
gιв мαнαяЧ 3αЧSн ч9σσŋк(مهره)

: لأأنك سخيف ..

لاري : ألحين كل هذا وعزر الزبا .. عشاني هب طايع اقص شعري
gιв мαнαяЧ 3αЧSн ч9σσŋк(مهره)
: هيه ترى انت يعيبك .. مطول شعرك عشان البنات يلحقونك مالت عليك وعلى شيفتك .. بااااي واذا تبى ترمسني باب حجرتي موجود وهالفيس .. ويعل يقرعونك اليوم قبل باجر بااااااااااااااااااااااااااااي ..

اليوم الثاني ..

ثاني حصه عند شبابنا ..

سباع يرمس المدرب : استااااذ ابويه امس مريظ ومارمت اتحلق ..
مهير يعلي صوته : استــــــــــــــغفر الله .. اطلع ابوك من القبر ههههه
لاري : لا هااي ماريناهاا ..
المدرب : انتوا الثنين شوفو شغلكم وانتوا ساكتين والمره اليايه انتوا الثلاث ياويلكم ان يتوا جذيه بهالكشه
سباع : يا استاذ انت ظالمني انا اقصد عمي حسبت ابويه
المدرب : ماعلي خلاص فهمنا هالمره سمااح المره اليايه ماشي اعذار

مهير ولاري وربيعهم راشد يزحفون عالرمله الحااااااااااار .. اااااااااي والله عذاب هع حليلهم يعانون وايد ..
لاري : يلعن ابو الخريييييييط ..
راشد : استغفرالله شو هالكلام ..
مهير : لا عادي ما سبينا حد ههههه ..حماار سباع طاعو يطنز علينا وهو من هناك مستانس .. والله براويه ..
لاري : هههههههه طاعو المدرب لف يالله قوموا اركظوا ..
<< جدام المدرب يزحفون ويوم يصد عنهم يقومون يركظون عشان بسرعه يخلصون هالعقاب ههههههه ..ومره وحده جافهم سباع وقعد يظحك والمدرب دبلاه وياهم وزاد على مهير ولاري وراشد هههههه ..

عالغدا البنات طبعن ماسكتو ويووو دبلووهوم دبلوووهوم ههههه .. واليده تشكي الحال على ولدها مهير وهو قاص عليها ..

اليده-ام بطي : والله براويه هذا معلمك .. عيل جي يسوي فيكم .. يالله بستر ..مايرحم .. بخبر عليه الشرطه ..
وهم ناقعين ..
مهنا : يدووه وين تخبرين الشرطه .. روحهم هالعسكريه جي يسون الشرطه جي تبى ..
هزيم قام : الحمدالله .. هيه يدووه عشان تخليهم ريايل هب حريمات مربيلهم شعورهم ..
مهير : انت اول شي طاع عمرك وهالفيس هع ..
هزيم : المشكله ولد يدي ماروم اسوي شي ولا انا ألحين زاغدنك وذابحنك
مهير : هااهااا حلوه النتكه ..
لاري يكمل : بس لاتعيدها ..

فبيت المرحوم درويش
صدام : اليوم كنت ساير محل تلفونات ..وقولو منو حصلت ..
سباع يصد على امه واخته : قوولووو منووو ..

صدام : انت اسكت دبلووك اخر واحد تتكلم ههههه ..
سباع : يعني اظحك !!!
نور : هااهااهاااااااااي انا ظحكت
صدام : ويوووو فشلوك .. هه انزين اسمعو .. كنت داش محل فونات .. وكان في بنتين بالحرى بنت وخالتها .. وحده منهن زقرتني عاد انا فلخت قلت منو يعرفني ماحيدني سباعوو المغازلجي هههه .. الموهيم دون مقاطعات .. ولا اجوف القمر واخته .. بعدني قالتلي ماعرفتني انا بنت خالتك روضة وهاي بنت امنه .. اقولكم زين مايتني جلطه بس اهون اتخرطفت وانا طالع هاااااااااع ..
سباع : بس هذا اللي عندك اتحريت شي شي .. طلع ولا شي .. وبعدين شو يعني اول مره اجوف بنات ..هههه
نور: اهممم والله تولهت عليهم من زماان ماجفتهم .. شو رايكم العيد انسيرلهم ..!!!
صدام : شي طيب ليش لأأأ !!!
نور : انا اكلمهن عالمسن البنات ..
سباع : اونه عطيني ارمسهن ..
نور : احلف انت بس .. انا قصدي بنات عيال عمي مهنا ..
صدام صد على نور : شو اسمها بنت امنه ..
سباع يقلد صدام صد على نور : هيه شو اسمها بنت امنه..
نور : ههههههههههههه توني نسيت هاااع .. اقول اجلبوا ويووهكم هب فاظيه ..
سباع : بزنس الاخت ..
نور اتقوم : يقولون ..
سباع : عيل سجلي موعد ..

موزه اتكلم مهره عالفون ..

مهره : وين قاعده حشره ..
موزه : هههه عند العيايز قوم خالوه ..حاطين نجوم .. على قولت خالوه موزه (يدة مهره) يبات يرقص ليل ونهار هااااع
مهره : حليلهن ..
موزه : انزين ما قلتيلي ألحين بتونا العيد ..
مهره : ما ادري .. انتو ليش ماتون نحنا كل عيد عندكم .. انتو تعالو
موزه : ماعرف بجوف حوتان وقوم امي .. واذا تبون نيبلكم العيايز
مهره : جان زين بنرتبش ..

بعد اسبوع .. والبنات محتشرات ماخذن شي حق العيد

شقرا حاطه ايدها على خصرها : اماااااااااااااااايه ورى باجر العيد ونحنا ماخذينا شي ..
ام مهنا : لبسو من اللي عندكم ..
ميثووه : لأأأأأأأأأأ شو هاااأأ
ام مهنا : يعني شو تبونا انسويلكن قبل يوم انقولكن قومن ما اطيعن .. والحين على اخر يوم تقولن نبا .. شو باليد حيله
سلامه : الحمدالله انا خذيتلي ..
الكوزة: هيه ونحن ..!!!!!!
ام سلامه توها داشه < من صفات ام سلامه هي شوي فري .. يعني شباب اكثر .. ومافي فرق بينها وبين بنتها ..
سلامه : يبون ثياب ..
ام لاري : خلاص بخبركن .. قومن وفكنا .. روظة فديتج الدريوليه فدبي بتودينا فسيارتج ..!!
ام سلامه : انزين يالله مشينا ..

طلعن البنات وعااد سااااااااعه لين ما يختارن ..

ميثه : شقاري تعالي شوفي هذا شرايج ..!! بيطلع عليج حلو ..
شقرا : امممم لأأأ لأأ ما دخل مزاجي ..
مهره : وهالمزاج اصلن انتي شو ايووزلج ماشي يعيبج فكينا يالله واختاري ..
ام مهنا : هاي من اليوم لين باجر ما بتخلص تقعدلها سنه لين ما تتنقى ..

عقب ما خلصو مشوار بقن شوية اشياء .. بس برايه هب ظروريه ..
فالخيمه .. هزيم ياي يربع من الخيمه < هاا شو مسوي .. جاب الماي على راس مهير .. وسلامي عاد قاعده على باب الصاله تبغي اتسير عند قوم شمووه و مريووم بنات يرانهم ..

ام سلامه : لأأأأ ماشي سيرات .. سيري اكووه ابوج عالتلفون يبااج ..
سلامه : ما اباا ارمسه .. تراني بفج الباب وبطلع .. < ههه والله حركات يهال ..
ومره وحده هزيم يفج الباب بقو وظرب ايد سلامي بالقو عاااد اأأأأأأأوووج يعور هع ..
اليدة –ام بطي : ويييييي غربلج الله .. دواج محد قالج موقفه عالباب ..
سلامي لين ألحين مسكره عينها من الويع .. صدت على هزيم وعيونها ادمع : انت وااحد سخييييييييف .. مااا حبك كلب ليش تظربني ..
هزيم ناقع على سلامي جنها ياهل : هههههه ما جفتج ..
وتقعد اتقوله ما حبك وما حبك < ههه ترى اللي يظربها ولا يغايظها ولا يعصببها اتقوله ما حبك عااد يالله يالياهل ههه..
وتربع صوب التلفون .. تبا ترمس ابوها ..

سلامه وهي تصيح : ألووو بابااا .. هاااا .. انا اسفه .. باابااااتي هزيم كفخني بالباب .. وهزيم ناااقع على حركاتها ولا جنها 18 سنه تشكي الحال لبووهاا ..
ابوها : هدي حبيبتي .. هذا ماصخ هزيم ..
وهي تعيد ورى ابوها : هزيم ماصخ ..

هزيم : طااااااااااع انا ألحين ماصخ .. ياربي انا شو سويت شو ذنبي..

ابوها : يالله عاد ألحين اسمعي الكلام وماتطلعين من البيت نص الليل .. وباجر تعالي مسويلج احلى غدا ..
سلامي وهي حايسه بوزها وبتأفف : انزين .. باااي .. وربعت فوق .. هزيم شل سماعات التلفون

هزيم : هلااااااااااااا عمي شحالك !! .. بخير تمام يسرك حالي .. هااا ..!! هيه اعرف هالدلوعه ..ههه .. لاا لا ما بنخليها اتعصب مره ثانيه .. انعرف انه هب زين ^^ .. انزين تعال عمي .. ألحين منو الماصخ !!! .. ههه اعرف انك اتسولف هههههه معذور اكيد ياهل نبا انسكتها .. هههههههه انشالله مع السلامه ..

اليوم الثاني قرروا هل ادبي يشرفون بوظبي وينورونها طبعن النور نورنا ههه بس بتنور اكثر هااع ..

كـــــــــــــــــــــــــــــت ,,

وبنكمل الاحداث فالاجزاء اليايه,, __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فــــي الجـــــــــامعــة	!!بنت العـــــز!!	الشعر المنقول	9	03-10-2009 12:26 AM
(¯`tq•.¸.فــــي شـــــــوارع دبـــــي.¸.•tq´¯)	jnoon	كلمات الاغاني	28	07-09-2008 04:29 PM
مزيون بوظبي .. دلــوعة بوظبي .. اتفضلووا ^_*	الـــرزيـــن	تصاميم الاعضاء	28	05-31-2008 05:48 PM