ياليت الزمان الاولي يعود - الصفحة 19

الــدانــه · #1 02-17-2009, 03:18 AM

مشكوور الشيخ عالبارت الطر .. اتوقع انه سيف وهزاع بيتراضون .. واتوقع انه راشد يبى يتضارب ويا الشباب ^_^

ويالله عاد تراك وايد اطول علينا وبعدين البارتات ويد قصيره حاول اطول شوي بليييييز ....

وبالتوفيق انشالله فمتحانك وبشرنا بالنتيجه ^-^ __DEFINE_LIKE_SHARE__

راعي الفتكـ الاسود · 02-20-2009, 02:52 PM

المشاركة الأصلية كتبت بواسطة الــدانــه

مشكوور الشيخ عالبارت الطر .. اتوقع انه سيف وهزاع بيتراضون .. واتوقع انه راشد يبى يتضارب ويا الشباب ^_^

ويالله عاد تراك وايد اطول علينا وبعدين البارتات ويد قصيره حاول اطول شوي بليييييز ....

وبالتوفيق انشالله فمتحانك وبشرنا بالنتيجه ^-^

العفووو وهذا من ذوووقج

شو نسوي ظروووف شوي ولبارتات قصار عشان الاثاره ما تخلث وتملون لو كان طويل __DEFINE_LIKE_SHARE__

راعي الفتكـ الاسود · 02-20-2009, 02:54 PM

شباب كل واحد تام يطالع ثاني وهزاع ما سوى ساااالفه مول لليالسين رشووود كان يالس يدووخ وهزاع نوصل حده وكل

شبابنا موصلين حدهم ومفووولين

احمد: نعم ويناا شو سالفتك

رشووود ساكت ويناظر بصمت

واحد من ربعه ياي بيستوي عنتر جان يناظره هزاع وانطب ويلس مكانه ولا رمس كلمه وحده

رشود: طيب اهدي اعصااابك

محمد: وانته شووو يخصك

رشوود: لوسمحتوا هدوووو شوي

احمد: اخلص وقووول لي عندك

رشوود: كلامي مب وياكم كلامي ويا هزاع

عواس: ونحن هنيه ريايل جدامك ونحن ربعه وهزاع ما بيرمس عندك مانع

رشوود: انا لي ابغيه من هزاع يهدي سالفه ويتصالح ويا سيف

هزاع قام وشل كوب ماي كان موجود وجبه ع ويه رشووود وظهر وشباب وراااه

روشووود ربيعه فول اونه رايح يضرب هزاع ما شاااف لا بوكس ع ويهه سدحه ع الارض لكل لفوا وراهم شافوا ربيع

رشوود منسدح ع الارض طلع عواس انتبه اهنه هاكي بقوم فلف عنهم وخلاهم لين ما يا هذاك وضربه وعقب كلهم قاموا

ودشوا سياره ولكل ساكت لين مفجأه طيط مسج ع فون عواس يوم بطل لمسج انجلب ويهه وعصب محمد سحب فون من

عواس ع طووول نزل وبطل دبه وظهر قب منها وراه عواس ولكل مستغرب لين ما قرووء لمسج لكل فول وسار صوب ادبه

يظهر اسلحلة الاجرام لازم عاد افولكم نص رساله:

بتشووفوون ولو فيكم غير تعالوا وراد لقهوه يا عيال ل.............

لمهم خل شباب يزهبووون عمارهم ههههههه خل نسير صوووب لبنات ونشوووف اخرى اخبارهم

ساره توها ظاهر من عقب شووور بدلت ويلست تحاوط فنت شوي ويالسه ع لمسن وناسيه لفووون وعقبها راحت رقدة

خل نسير صوب سيف واخته

سيف: شوو بلاها هاي شااطه علي

علايه: وانا شووو عرفني قم وسألها لا تيلس لنا جيه

سيف: اووووووف انا ساير حجرتي

علايه: فكه من حشرتك وحنتك قتلك لاتسوي هاي تمثيليه لغبيييييييييه وسخيفه

سيف دش حجرته ورض بلباااب علايه ع قد نياتها راحت حجرتها وخذتلها شوور عقب اتصلت بسوسوو لكنها راااقده

ومسووويه طااااف حق دنيا كلها ولا ع بالها علايه تامه تحااااتي اذا ساره زعلانه ولالا وقامت واتصلت بيثوووه

ترن ترن ترن ترن

ترن ترن ترن ترن

علايه: الووو

ميثوه: الووو

علايه: هلا شحالج

ميقووه: نعم انا راااقده عقب برمسج

طوط طوط وطوط

وتسكر فويه علايه ولا سوتلها سالفه مول علايه راحت ورقدة وكلن كمل رقااااده

ونرررح صوب شبابنا مساكين بيتضاااربوووون احينه شباب كلهم متيمعين وشباب رشوووود وياهم توه بينقع لبوووكس

ولا واحد يدش فنص لابس نظاراة شمسيه وكاب وبنطلون وقميص نص كووم وقف فنص ويهه ما يبين

....: السلام عليكم

لكل: وعليكم السلام

.......: منو ها لي يبغي يتضارب ويا هزاع

رشوود: انا شي فراسك

طاخ طيخ طوووخ

رشووود منسدع ع الارض وهذاك دايس بطنه ورافع سجين فويهه

.....: شي فراااسك

ربع رشووود يتشاردووووون كلهن

رشوود: خلاص خلاص اسف

ويهده ولا الا يشرررررد

هزاع: ميود؟

....: زين عرفتني

هزاع: حيك اخبارك واخباره عمي

ميود: بخير وسهاله

هزاع: يلا خل نتوكل

وشباب كلهم ساروا ويا عواس الا ميود وهزاع راحوا بسيارة ميووود

كت شووو بيصير ومنووو ميوود ها
__DEFINE_LIKE_SHARE__

راعي الفتكـ الاسود · 02-20-2009, 02:55 PM

طبعا شبابنا كلن رووح مع حد بختصار لكل مع عواس الا هزاع سار ويا ميووود واتفقوا يتلاقوان بواحد من لمطاعم راااقيه

في بوظبي شبابنا لي ويا عواس اخري خرشه اما ميود وهزاع مشغلين اغاني هاديه ومسكر الدرااايش ويمشي ع راحاته بس

١٤٠ مب اقل هههههههههه وهم فدرب دار بينهم ها الحوار

ميود: علوم اخبار ولد العم

هزاع: والله ماشي يديد كرااافه

ميود: شو دراسه وياك

هزاع: والله سااري حالها خلها ع الله

ميود: اه شووو نقول الله يعين

هزاع: هيه والله

ميود: وصلك لخبر ولا

هزاع: اي

ميود: ابوك وابوسيف يبغون لعيله كلها فمزرعتكم

هزاع: شوو وابوو سيف؟!

ميود:هيه وابوو سيف

هزاع: لايكون ها لجلب مناك والله تراه لاراويه شغله

ميود: اكيد بيكون مناك تستهبل يعني

هزاع: ان شفته بجتله يا انا يا هوه ساعتها

تايم اوت شوي خل نقاطع كلامهم عشان ما تتلخبطووون ميود تراه يبغي ساره بنت عمه ولا يدري بسالفة سيف وخل نكمل

ميود: مب انته وسيفوو كنتوا ربع ومب اي ربع بعد

هزاع: فعل ماضي مبني على خل يلتعن ويغور من ويهي

ميود: استهدى بالله شو فيك جلبت علي مره وحده ازين فهمني شووو سالفه اول

ويخبره هزاع سالفه وينفعل مايد ويوصل حده ساعتها ومن كثر مب معصب ما حس بريله ع ريس وشوي ولا هوه منزل لعاد

كامل وطاير ولا حاس بعمره وهوه يتحلف لسيف طبعا الشباب وصلوا لمطلعم والله سلم ميود وهزاع ولا صار فيهم شي

وكان ميوود مفووول واصل حده حتى انه بغى يضرب خان لامس جتفه بلغلط ماكان يقصد يحليله ميود واحد على قد نياته

طيب ومب شراني لكن بسرعه تجلب احواله وساروا شبابنا صوب مطعمهم الفاخر ع قولتهم وتوهم جدام لباب حصلوا لمكان

زحمه ولا طاوله فاضيه هاي عاد كانت يايه ع نحاستهم ههههههههههههه

عواس: افاا احينه شووو بنسوي

علي: نحااااسه كله من ميووود

ميوود: ها وانا شوو يخصني عاد

هزاع: خل نطالع مطعم ثاني

محمد: يلا قمنا

احمد: عاد انا عناااااد ماكل بها لمطعم واحينه بدش وبيلس ع طاوله

علي: تتحراااء عمرك فمطاعم لهنووود قوم براتا وكيما بتضارب ويا هندي وبتيلس مكانه هههههههه

احمد: وان دخلتكم ويسلنا وتعشينا فها لمطعم

علي: لحساب علي

احمد: لو شووو كم ما طلع تراه غالي

علي: افاا عليك انته بس

ميود: عاشوا ايوا بنشوووف واذا ما قدرة شوو بيصير

احمد: اعزمكم ع قصر الامارات وعلى حسابي بعد ولا تزعلووون<<<<<<<<<ويبتسم ابتسامه خبيثه

هزاع: يلا عيل راونا شطارتك.........ورنا قصر الامارات

وردوا الشباب ودوشوا لمطعم

احمد: هاي

نادل: هاي

احمد: ميشيل از هير؟

نادل: يس سير

احمد: كول هم بليز

نادل: واكي سير ون منت

وسار ليزقره ميشيل ماله وشباب مبقيين عيونهم شو سالفه وعلي شكله بيتوهق معانا ليوم هههههههههههههههه

ميشيل: هلا حبيبي

احمد:اهلين وسهلين وبوسه ع لخدين

ميشيل: كيفاك

احمد: تمام كيفك انتيه

ميشيل: تمام ،،،، امر يا غالي

احمد: ابغي طاوله حقي انا وها شباب لي وراي

ميشيل: عندك حجز ولا

احمد: تعرف دبرها بطريقتك ولا

ميشيل: لخاطر عيوناك نبدرها

ويلس يدوور فدفااااتره ويحاوط ويلف ويدووووور لين ما لقاله مكان

احمد: ها ميشيل بشر

ميشيل: انا لآيت مكان لكن

احمد:هديتك زاهبه لاتخاف

ميشيل: لامو هيك لحكي ولو

احمد: عيل

ميشيل: مش فمكان كل مره يعني مش فلvip مثل كل مره

احمد: لاشوو انا عندي ضيوووفي

ميشيل: خلاص ولا يهمك بحاول ادبرها

هزاع: عادي يابووك خلنا نيلس اي مكان لمهم نيلس

احمد: لا ماشي غير vip

ميشيل: تفضلوا معي من هون

ويسيرون ورى ها لميشيل ويلسوا ع طاولاتهم وياب لكل واحد فيهم لمنيووو

ميشيل: تامروني بشي تاني

شباب: لا سلامتك

واحمد وهوه قاعد شاف حد فز له قلبه انسان ما توقع يقابله فحياته بهاي ظروووف

وكـــــــــــــت

__DEFINE_LIKE_SHARE__

غلآآآآآهـ · 02-20-2009, 11:47 PM

القصة نآآيسآت صرآحهـ بس استغربت ان محد مقيم

وتـم التقييــم ~.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة وناسة إلى الصمان الغربي (( ولهان الصمان ))	محروم.كوم	منتدى أخبار المواقع والمنتديات العربية والأجنبية	0	04-25-2010 11:20 AM
صور من فياض الصمان وتوضيح ((((((أكثر)))))))للي ناوي على الصمان 12/2/1431هــ	محروم.كوم	منتدى أخبار المواقع والمنتديات العربية والأجنبية	0	01-31-2010 02:00 PM
ليت الزمان الأأولي يعود	آلوهـِـِـِم	تصاميم الاعضاء	12	06-30-2009 01:14 PM
حصريا التغطيه الاولى لبرنامج دورينا (الحلقة الاولى) -فيديو	محروم	رياضة محلية و عالمية	42	03-26-2009 11:00 PM
ليت الزمان الأولي يعود"حياااكم ..للي يحب المدرسه"	شمانيAJ	عدسة الاعضاء , كاميرا الاعضاء	63	11-18-2008 05:57 PM