| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
07-13-2014, 03:48 AM
| ||
| ||
 حلو البارت لا اتطولين نزلي اللي بعددده ,
__DEFINE_LIKE_SHARE__
 |
|
07-13-2014, 10:38 PM
| رقم المشاركة : [ 2 ] |
| عضو جديد | السلام عليكم ؟ شحالككم ؟
__DEFINE_LIKE_SHARE__
شكرنن وايد على الردود الجميلة ، واتمنى تكثرون منهها ، وتكتبون توقعاتكم وترمسون عن الشخصيات . وان شاء بأقرب وقت بنزل بارت . وفمان الله . |
|
| |
| |
|
07-19-2014, 09:21 PM
| رقم المشاركة : [ 3 ] |
| عضو جديد | كملييي  )
__DEFINE_LIKE_SHARE__
|
|
| |
| |
|
07-20-2014, 07:49 PM
| رقم المشاركة : [ 4 ] |
| عضو جديد | البارت 14 . . . ام سلمى : شو فيج ؟ سلمى : أبا اطلعع والله ملل ام سلمى : وين زايد بيطلعج ؟ سلمى : ما ادري ام سلمى : روحي عند البنات جوفيهم سلمى : محد راضي يطلع وياي ام سلمى : اتصلي في زايد سلمى : ادري انه بيجوف رقمي وما بيرد ام سلمى : ييبي فوني انا بتصل فيه زايد : هلا خالو ؟ ام سلمى : هلا بولدي شحالك ؟ زايد : بخير يعلج بخير ام سلمى : انت وين الحين ؟ زايد : والله رايح دبي مع حرمتي وبنات عمها ام سلمى : افا وبنت خالتك هنيه قاعده وما طلعتها وياكم زايد : خالو انا ما جفتها ام سلمى : وين ما جفتها هي دوم في بيتكم وتشرب وتاكل وترقد زايد : السموحه خالو المره اليايه بنطلعها ام سلمى : وين بتروح ؟ زايد : بنروح القريه ويمكن نمر مول ام سلمى : يالله انزين ردوا خذوها زايد : خالو مافيني ارد واحنا قريب وبنوصل ام سلمى : مسامحتنك هذي المره زايد : ما عليهه المره اليايه ام سلمى : سلم عليهم ويلا عيل مع السلامة , وسكرتت زايد : تسلم عليكم خالو البنات : الله يسلمها زايد : تسلم عليجج يالشيخه : الله يسلمها , شو كانت تبا ؟ زايد ابتسم : يالله ياللقافه : يلا قوول منو هذي اللي تبا تروح ؟ زايد : بلاج هذي خالو ام سلمى , وتقولي ليش ما خذت سلمى وياك : شو نبا فيها عشان تضارب في الدرب زايد : سلمى قبل ما كانت جي بغيض : يعني شو تقصد من خطبتي , ولا وبعد تدافع عنها , يلا انزين رد لهها لازم ناخذ الشيخه ويانا ولا بيزعلون زايد : هدي هدي , بلاج كلتيني ؟ : ججب رنن فون زايد ورد : ننعم سلمى : لا تزعل زايد : وانتي شويخصج اذا زعلت ولا ؟ سلمى : اكيد يهمني وانت قلبي زايد : بلا رمسه زياده ويلا انا اسوق , وسكر في ويهها .. وانا احترق داخل في خاطري : انا ما حبيته ولا اكره , انا تعودت عليه , ولا بعد رد عليها , يعني ترمسه بالفون قههر وصلنا صوب باركنات القريه العالميه وكان زحمه , ربع ساعه بس ندور باركنن جفنا مصري طلع دخلنا مكانه , زايد راح يأخذ تذاكر وددخلنا قلت : انا بروح الحمام البنات كلهم راحوا وياي وزايد يتريانا برع .. نورة : ريلج وايد يقهر يعني يرمسها جدامج نزلت دموعي ورصيت على شفايفي , قربت نورة وحظنتني : خلاص امايه برايه يزول هو وياها : يقههر والله يقهر نورة بعدت ورفعت راسي : يالله اختربت كشختج وقفت جدامم الجامه وقعدت اعدل شككلي وطلعنا .. زايد : وايد طولتوا محد رد عليهه .. زايد : يلا نروح قلنا بندخل تايلند , خذنا لنا بددل وخذت شنطط وخذت بدله في قياسات كبار وصغار خذت لي انا وريم ووحده لبيبي سلامهه , طلعنا من القريه دخلنا الكويتيه , وايد احب جلابياتهم خذت لي و لامايه ولسلامه وريم , وقلنا بندخل الصينيه وخذيت لي جواتي وخذت ككعب , ودخلنا القريه الهنديه حبيت نعلهم خذت لي , والبنات بعد ياخذون وياي , وقعدنا نتمشى وندخل ونتشرى ونطلع .. زايد مسك ايدي : بسج خخلاص نورة وقفت هي والبنات : احنا بندخل هذي القريه زايد : لا تتأخرون سليمه : ان شاء الله راحوا , زايد مسك ايدي وقعدنا نتمشى , طلبت لي بطاطا وقعدت آكل ومطنشتنه .. زايد : زعلانه ؟ ما رديت عليه .. زايد : انا ارمس : وشو تباني أقول ؟ زايد : ليش مضايجه ؟ : ماشي زايد : يعني ما بتقولي : لاا زايد : عقب بتقولينن : يصير خير زايد : يعني ما بتقولي : مب الححين زايد : اوكك . . . سلامة : اخختي وينها ؟ بوخليفة : طالعه مع ريلها سلامة : حد وياها ؟ بوخليفة : البنات راحوا وياها سلامة : وين راحوا ؟ ام خليفة : راحوا دبي سلامة : الله يسعدها بوخليفة وام خليفة : اممين يارب بوخليفة : وايد عنيده ما ادري طالعه على منو ام خليفة : على عمها ناصر بوخليفة : دلعها وعلمها العناد وانها ما تغير كلمتها ام خليفة : بس الله يهديها جدامنا اذا رمست ريلها كله تعاند ولازم تسوي العكس عيل الله يعينه شكلها تضاربه سلامة ضحكتت : ههههههه امايه عاد بنتج تدرين انها ططيبه ما تضارب ام خليفة : الغلط مننا احنا غصبناها والحين كل ما عاندت نغصبها سلامة : كيف يعني ؟ ام خليفة : هي ماكانت تبا تروح مع ريلها بس انا قلت لها لازم تروح سلامة : يالله يا امايه ههذا مب شيخ كل ما قال كلمه ما تردونه بوخليفة : خلاص الحين البنت بعد أسابيع بتعرس سلامة : هي خلصت الزهبه ؟ ام خليفة : ولاخلصت شي البنات كل ما يطلعون ياخذون لها شي ولا البنيه ميبسه راسها بوخليفة : الله يهديها ما بينفعها العناد سلامة : ماعليه انا هذي الأيام بطلع وياها بوخليفة : والله انتي اعقل ما سويتي مثلها ورضيتي بكل شي ام خليفة : واذكرج كنتي بروحج تاخذين لج بوخليفة : ياليتها طالعه عليج سلامة ابتسمت : لا ابويه مواز غير في طيبت قلبها وانا ما طلعت مثلها في القلب , ادريبها وايد تعاند وتتنازع بس والله انه ططيبه , كانت تقولي : أكون طيبه في كل شي بس اذا حد غصبني اتغير ام خليفة : الله يسعدها وياه يارب ويغير منها شوي بوخليفة : انا اللي خايف منه انها تعاند وتصارخ وعقب ترد البيت بورقه طلاقها سلامة : الحين فكرت فيها , الحيننن يا ابوي الله ككريم بوخليفة قعد يشرب الجاهي , ونزلت ريم قالت : وين خالو راحت ؟ سلامة : راحت مع زايد ريم : ههههههههااااا زايد سرقها ؟ سلامة : ما سرقها هو ريلها ريم راحت عند بوخليفة : يدي ليش خليتوها تروح ؟ الحين ما بترجع بوخليفة ضحك على تفكيرها : هههههههههههههههههههههههههههه بترد انتي ترييها ريم : مابا ماما اتصلي فيها سلامة : بترد انتي صبري شوي ريم : مابا قلت اتصلي سلامة تأشر على سلامه وتطالع امايه وابويه : ججفتوا ههذي طالعه عليهاا ريم : أبا ارمسها سرعه سلامة اتصلت فيني وانا رديت : ههلا اختي ؟ ريم : انا ما اختت , خالو انتي وين خليته سبيكر لانني كنت قاعده مع زايد بالكراسي اللي جدام البحر في القريه : ههلا ببنت اختي ههلا بريموه , انا في دبي ريم : خالو زيود الدب سرقتج صح ؟ ننقعت ضحك , وزايد ابتسم واشر علي اسككت وقال : يحيوانه انا ما دب ريم شهقت : انت الحيوان وين سرقت خالو ؟ انا اباها زايد : مابردها لج خلااص ريم : ما عكيفك ردها ولا بتصل في الشرطة زايد : ما بردها وبقول لشرطه انا ريلها ريم : انت حيوان عطني ارمس خالو زايد يبا يخوفها : خالتج الحين تصيح عشان انا ضربتها ريم شوي وبتصيح : حيوان والله بخبر عليك بابا ويدي زايد نقع ضضحك : ههههههههههههههههههههههه صدق خخفتي ؟ ريم : انا ما خفت وبعدين بخبر عليك بابا , وسكرت في ويهه .. زايد : والله مب هينه طالعه على خالتها تسككر في الويهه ابتسمت : انت ادرى ليش نسكر رنن فوني وكانت نوير قلت لها نتلاقى صوب البوابه , ركبنا السيارة وتوجهنا للبيت .. . . . يوم العرس .. نورة وسليمه وشمه وسميه ودلال وشيخه وصالحه راقدين عندي ومسهريني لصلاة الففير وعقب من التعب كلنا رقدنا , وامايه من الصبح قايمه ويدوه عندها , واهم شي عند يدوه انها جافتنا واحنا نصلي , يدوه الساعه 9 تدق الباب ومحد رد عليها وتمت نص ساعه بس تدق , ركبت لها امايه وقالت لها : بيقوموا عموه تعالي بننزل تحت يدوه : الحين الساعه 9 متى تبيهم يقمومون وهذي الحماره متى بتقوم عرسها اليوم ام خليفة : ما عليه خليهم لساعه عشر وبتجوفيهم كلهم تحت عندج يدوه : لا عشر ولا شي الحين كلهم ينزلون وياي , وقعدت تدقق الباب , قامت نورة وفتحت الباب جافت يدوه : يعني ما نرقدد ؟ يدوه : هب هبابجج يلا قومي الحين الساعه 11 متى تبين تقومين ؟ ام خليفة من الصدمه كيف الساعه 11 , تمت ساككته لانها تدري بتهزبها اذا رمست .. نورة فتحت عيونها : الحين 11 وابوي انا ما سويت شي , وركضت داخل تقومنا : بنات قوموا الحين بيأذن الظهر مسكت فوني جفت الساعه 9 : هه اقولج ردي نامي الحين تسعع , اكيد يدوه قايله لجج ادريبها نورة من الغيض راحت وسكرت الباب وقفلته وردت انسدحت ورقدتتت .. يدوه وام خليفة نزلوا لانه محد رد يفتح الباب لهم , دقايق وحريم عمومي كلهم في الصاله .. ام صالح : البنات للحين ما قاموا ؟ ام خليفة : سهرانينن اكيد ما بيقوموا ام شيخة : هي فديتهم عاد اول وحده تعرس من بينهم اكيد كانوا يرمسون ويخططون وانتو تدرون بسوالف البنات ام خليفة : قالت لهم سالفه يدوه , وككل الحريم يضحكون .. يدوه دخلت الصاله : مسودات الويهه ما قاموا للحين ام شيخة : وما بيقوموا انتي ارتاحي عموه يدوه : دواهم عنندي عقب ام عبدلله تضحك : هههههههه حرام عليج خليهم يرقدون ل الساعه 10 بنقومهم مرت ربع ساعه وقمنا ونزلنا تحت وكل وحده بكشتها وببجامتها .. يدوه : بسم الله الرحمن الرحيم , لايكون كذا بتطلعون جدام الحريم اليوم , بقولج للخدامه تييب الدهان اعدل لكم شعركم نورة : يدوه الله يخليج نبا نرقد يعني ممكن بدون حشره , وحطت راسها على ريل أمها .. يدوه ترفع عصاتها وتضربها على جتفها ونوير نقزت : مسوده الويهه آخر زمن بنات يسكتنن يدتهن وابوي عليج انا صدق انج ما تستحين على ويهجج سميه : يالله يدوه هي ماقالت شي يعني انتي من الصبح تدقين الباب يدوه : سكتتي انتي بعد ترادديني , صدق انه الزمن تغير قبل ما نرفع راسها من الخوف والحين انتو تراددونا سليمه : خلاص يدوه اسمحيلنا ناصر : هووود هوود ننقزت : نصوور يدوه : هب هبابج شو نصور ريال بطوله بعرضه يلعب وياج في السككه هو طنشتها : تعال ننصور ادخل محد غريب الحريم تحجبوا واحنا عادي لانه يصير عممي , من دخخل ركضت وحظنته .. ناصر : اليوم عرسج وبعدج دلووعه صححت : حبيبي اشتقت لكك وايد وايد وايد ناصر : ياعممري انتي وانا بعد وايج تولهت عليج يدوه : وابوي عليكم , وتأشر علي : اننتي ايهه هذا مب ريلج ترمسينه جي همست : نروح الصاله الثانيه هذي العيوز ما بتخليني ادريبها ناصر ضضحك : هههههههههههههههههههه يلا تعالي رحنا انا وياه الصاله الثانيه , قلت : انت اليوم ياي ؟ ناصر : لا من اربع أيام انا هنني ضربته على كتفه : حيوان وليش ما تقولي ناصر : قلت لهم محد يقولج عشان اسويلج مفاجأة بابا : والله اشتقت لك وايد نورة فتحت باب الصاله ودخلت هي والبنات : يعني احنا مالنا ررب بعد ناصر : بسم الله الرحمن الرحيم نورة : جايف يني ؟ ناصر : تقريبا نورة : ححيوان ناصر : ععيل كل وحدة كشتها منقعه بصارووخخ : هههههه والعيوز تخلينا نرتاح في الرقاد ناصر : تتأدبون سميه : شحالك عممي ؟ ناصر : ههذي شيختكم تقول عممي مب انتو من دخلت ناصر ولا نصور نورة : يعني انت بعدك صغغير ليش نكبرك ونقولك عممي ناصر يأسر بإيده يطلعون : يلاا برع مابا اطردككم أبا اقعد مع بنتتي شمه : وانت طردتنا وخخلاص , أي بنت الله يهديك نورة : لا عاد ههذا اسمه ظلم , اححنا نغار ناصر : أبا اسولف وياها ممكن نورة : لاا : بيغارونن نورة : ججب انتي انززين ما عليه اللي يحضر عرسج نزلت راسي وتضايحت من الطاري لانني خلاص اليوم بصير ملكه .. ناصر اشر لهم اطلعوا , والبنات على طول طلعوا , وهو رفع راسي : بلاه الحلو ؟ ابتسمت بتصنعع : ماشي , انزين قولي ححلوه أمريكا ؟ ناصر : تججذبين على الكل الا باباتج صح ولا ؟ : ايوا ناصر : عيل يالله قولي شوفيجج ؟ : انا مغصوبه على الزواج ناصر بصصدمه : شوووو ؟ : هي ابويه وامايه غصبونني وهددوني اذا قلت لحد , يعني نفس حاله سلامة ناصر : ليش يعني سلامه بعد مغصوبه ؟ : انت ما تدري بأبوي ماياخذ شورننا في شي ناصر : ارمسي طلععي اللي في خاطرج : كانت صددمه بنسبه لي يوم قالو باجر الخطبة ويعني امه وخواته وايد كانوا طيبين , وعرفت انه بنت خالته تححبه ويوم الخميس قبل الملجة بيوم *قلت كل اللي صار في المزرعه * وو.. ناصر بعصبيه : وشككوا فيجج ؟ : الله كريم , ويدوه وايد تغيرت ناصر : ككملي : لا تقاطعني , وتعرف هو مدير شركه وعندهم وحده اسمها ميرة وتححبه بعد , في يوم ملجتها من ولد عم زايد قالت لي انها كانت تحب زايد وانا جي في صدمه , وفي يوم ملجتي رمستني سلامه وقالت عططيه فرصه , تخيل احنا قاعدين في الميلس وهو يسولف دخلت سلمى اللي هي بنت خالته *وقلت له كل اللي صار ذاك اليوم * وانا في أيام مابا اطلع وياه يرمس ابوي ولا امايه وهو يدري انهم ما بيردوه فيغصبوني على الطلعه وياه , من خطبني والكل صار يغصبني على أي شي , وفي يوم كننا رايحين دبي وهو مودنا انا والبنات , تخخيل هي اتصلت ورد علييها وكان يعني يههدها انج لا تتصلين بس قهرني لانه فون آيفون وينسمع صوتها ووهي تقوله انا احبك واننت قلبي يعني هذا الشي ما يقهر , وصار كله يضايجني والبنات بعد كلهم تغيروا ككلهم , نزلت راسي وقعدت اصيح .. ناصر حظني وحط راسي على صدره : بس بابا هذا زايد انا برمسه انتي لاتصيحين جي , ما كنت ادري ابوج قالي كله برضاجج : قالو لكل حد انه برضاي ححتى يدي جذبوا علييه ناصر : خلاص اههدي : ناصر انا تعبت وانت تدري انني ما احب حد يغصبني على شي , اوكك المرة الأولى ما قلنا شي بس مب كل يوم ناصر : انا برمس زايد وبرمس ابوج : لا ككله ولا ابوي عقب بيضربني مابا تعبت انا من الضرب ومن كل شي ناصر : تذكرينن لما صغيره كنتي متخبله على العرس , واذكرج كنتي تخططين , وتختمين رمستج بالدعاء لريلج المجهول وانج تقولين أيام الخطبة والملجة والعرس بتكونين طايره من الفرحح وفرحتج مالها قياس ولا تنوصف : كل شي تغير , في الخطبة والملجة نفس الجثه وبدل ما افرح كنت ححزينه وحزني ماله قياس ولا ينوصف , واليوم نفس الشي ناصر : افرحي انتي وانسي كل شي , كل بنتت تتمنى هذا الشي : مابا اعرس خلاص قولوله انني هونت وغيرت رايي ناصر : لا بابا بنتي ما تقول جي صح ؟ , بنتي طيبه وماتحب تفشل ولا تضايج حد صح ولا ؟ : بنتك تتعذب تموتت كل ددقيقه ناصر : بنتي قوويه وفي حياتها ما بتكون قاسيه على حد : علمت بنتك وربيتها الشي اللي ما يعيبها واذا غصبوها تتغير ويتغير قلبها وطيبتها ناصر رفع راسي : بس بنتي في حياتها ما بتقسى على حد , فااهممة ؟ حظنتهه : الله لا يحرمني منك ناصر : ولا منج يا احلى بنت : مابا اكمل حياتي من دونك , حتى لو عرست ناصر : وانا طول الوقت بكون عندج دخلت الخدامه يايبه الريوق حطته على الطاولة وقالت : بابا ناصر كيف حال انت ؟ ناصر : الحمدلله وانتي شحالج ؟ الخدامة : انا وايد في زين ناصر : وانتي بعدج ما ترمسين عدل لازم تنقعين الخدامة : بابا ناصر انا مافي معلوم كيف يرمس نفس انت , اوووه الهمدلله على سلاامه ناصر : الله يسلمج الخدامه : انا في خلي انت عند هذي دلوعه ابتسمت وفعت راسي : الحين انا دلوعه الخدامه : احنا داكل بلاد دلوعه يعني هي وايد هلوه , وبعدين انتي عرس اليوم ليش في صيح ؟ ناصر : مثل ما قلتي ددلوعه , لا تخبرين حد انزين جنج ما شففتي شي الخدامه : اوكك بابا , وطلعت وسكرت الباب ناصر : منو من البنات متغير عليج ومزعلنج ؟ : كلهم الا نوير وسليموه ناصر : ليش متغيرين ؟ : ما ادري ناصر : لا تجذبين اعرفجج انا مسحت دموعي لانني جفت حد يفتح الباب , دخلت امايه طالعها ناصر بنظرات لوووم : شحالج حرمت اخوي ؟ ام خليفة منزله راسها لانها تدري انني قلت كل شي لناصر : الحمدلله ناصر وانت شحالك ؟ ناصر : دوم , دام حال بنتي جي انا في حياتي مابكون بخخير ام خليفة : لا تقول هذي الرمسه والبنيه مافيها شي واليوم عرسها ناصر : كل هذا ومافيها شي وانتي أمها ولازم تكونين قريبه منها , بس منو يعني بلووم انتي ولا اخخوي الله يهديكم بس همكم مصلحتكم وبس ام خليفة : ما عليه الحين ما نقدر نغير شي واليوم عرسها شوبيدنا نسوي صرخت عليها : لا تقولي اليوم عرسي , قولي الييوم ججنازة بنتتي , اليوم ددفن بنتي في المقبررة ام خليفة شهقت : لا تقولين ههذي الرمسه ناصر : حرمت اخوي لو سمحتي طلعي أبا ارمس مع بنتي شوي اللي ما حافظتوا عليها من سافرت وانتو كله تغصبوها بس الله ككريم ام خليفة طلعت وراحت غرفتها ومامرت على الصاله الحريم يعني محد جافها , دخلت حمام الصاله وغسلت ويههي وطلعت شليت الاكل وقلت : بنروح ناكل عندهم , وقف ورحت انا وياه قبل لا يدخل قلت : نااصر بيددخل دخلنا انا وياه وهم كانوا مخلصين ريوق كلنا انا وياه والبنات قعدوا يسولفون وهو يرد عليهم ببرود قال : منو بيوديكم الصالون ؟ نورة : ما بنروح الصالون على طول القاعه وهناك بيكونون راعيات الصالون ناصر : اهها . . . حمدان : عسى الفرحه ما تفارقكك زايد : اممين يارب حمدان : خلاص يعني اليوم الععرس زايد : هيي وطاير من الفرحه بعد حمدان : الله يوفقكم ويسعدكم يارب ويرزقكم بحمدان يارب زايد يأشر على خشمه : على هالخششم اول عيالي حمدان حمدان : تسلم حبيب . . . رحنا فوق غرفتي ودخلت انا اسبح ولبست بنطلون شورت والقميص ككات ولونهم اسود , دخلوا البنات وحده وحده تسبح , مسكت فوني وقعدت اجوف في البيبي ام وانه اكثرهم يباركون ورديت عليهم ورمستني حنين وقالت هي اللي بتمر علينا وقعدت تسولف , دخلت محادثه ناصر لانه كان يرمسني , كتبت : ععيونها ناصر : تسلم عيونهها الوارمات : ححرام عليك , بعضهم يتمننون نظره بس ونصهم يذوبون ناصر : ادري اولهم اننا , يالواثقه : وثقه عمياء ببعد ناصر : يحق لج حبيبي استانست هو الوحيد اللي يغير مزاجي وما يحب يجوفني زعلاننه , صورت المحادثه وحطيتها دي بي , ججفت زايد على ططول رمس , دخلت محادثته : منو ها ؟ وليش محطيه الممحاددثه ؟ ومنو نصور ؟ , انا أبا اقهره افتح عشان يطلع له آر واقهره شوي , وهو يرمس عقب طنشته .. الخدامه دخلت وهي ماسككه عبايتي , لبستها وتحجبت عدل ونزلت تحت جفتهم كلهم قاعدين عمومي والحريم والشباب والبنات كانوا فوق , سلمت وقعدت عند ناصر .. هزاع : ههي اللي لقى احبابه نسى أصحابه كملت : يا دنيا يا دواره راشد : ولا وبعد ما تسأل عن احوالنا : ترانني اجوفكم جدامي , والحمدلله مافيكم شي سلطان : سككتوا عنها لان راسها يابس نفس نصور راشد : 24 ساعه وياه اككيد بتاخذ اطباعه : انتو ججب وبعدين تتمنون تكونون نفس شيخكم هزاع : يجبج ي... ولا خلاص ما بنسبج لانج اليوم عروس نزلت راسي بضييج , ودي اصرخ عليهم وأقول : يعني لازم تضايجون فيني بالهطاري اذا جفتوني مستانسهه ههففف .. ناصر جافني منزله راسي قال لهم : ججب يلا هاي شيختكم الكل سكتت لانهم حسوا انه في شي , اطالعتهم وابتسمت , وشي تذكرته وانا ادوره من بينههم ما حصلته اتصلت فيه يطلع مغلقق صارخخت : ويين خخليفة ؟ هزاع : اووه نسينا نقولج انه يسلم عليج وانه ما بيحضر وسامحيه : ليييش ؟ مابسامحه اذا ما ححضر راشد : يا بابا الريال عنده امتحانات مايقدر يرد صارخت والكل يطالعني : والله العرس ما بيصير الا اذا كان موجود ناصر : هدي حبيبي انا هنني وهو عنده امتحانات : مابا ناصر انا قلت له لازم يحضر وانا حلفت انه العرس مابيستوي عند الحريم .. ام صالح : البنت وايد ععنيده ام عبدلله : على عممها ام شيخة : الحين شو بتسووا لازم نقنعها ام خليفة : ما بترضى لازم يكون خليفه وياها بو صالح : بس لازم تفهموها انه هو برع البلاد يعني حتى لو حجز له طيارة متى بيوصل الامارات ؟ بوعبدلله زقرني وانا رحت قعدت عداله : آمر عمي بوعبدلله : سحبي رمستج واستغفري ربج ولا صومي ثلاث أيام , الولد برع البلاد يعني مب هني نزلت راسي ومارديت .. بوصالح : احنا كلنا وياج ولو تبين بندخل وياج وبندخل ويا ريلج بوشيخه : ها بابا شو قلتي ؟ رفعت راسي وابتسمت : بعدي عند قراري اذا هو ما كان موجود ما بيصير العرس بوشيخة : مابينفع وياج العناد : افهموا هو اخوي الوحيد وانا اخته الصغيرة يعني لازم يكون موجود واولهم بعد بوصالح : كلنا موجودين : بس خليفه غغير بوشيخه : ما بتغيرين رمستج ؟ : لاا بوشيخة : خلاص بنرمسهم انه ماشي عرس وايي ياخذج : مب على كيف اممه بوصالح : ععيب يا بنت بوشيخة : بنتصل فيهم وبنقولهم وهم عادي عندهم : طبعا لاا مابا بعد بوشيخة : أبا افهم انتي شو تبين ؟ : مابا شي بوعبدلله : عيل لا تعاندين واسمعي الرمسه : نوو بوصالح : لا عاد انتي جي بتزعلينا وبتفشلينا بعد قمت وقلت لهم : عمومي انا قلت لكم العرس ما بيصير الا اذا خليفة كان موجود , واذا ماتبون اتصلوا فيهم وورقه الطلاق توصلنني عادي راضيه بكل شي عمومي من الصدمه فاتحين عيونهم , رحت عنهم ورديت مكاني عند ناصر وابتسمت .. ناصر : تعجبيني على كلمتج وما تغيرينها هزاع : هي انت بععد زيدها وخلها تزيد عنناد راشد : بننت عمي وطلعتي قوويه والله : على كلمتي ومابيتغير شي , واصلن انا أبا يصير اكشن شووي سلطان : والله انج مب هينه محد يروم عليج : احم احم تربيه عمي صالح : انتي مره نصور ومره ناصر ومره عممي احنا لو جي بيكفخنا : تستاهلون لانني انا الوحيده اللي أقوله جي هزاع : هي دلعها الحين انا بروح عند عمومي اللي فاتحين عيونهم من الصدمه وبقولهم هذا كله من ناصر ناصر بمزح : روحح , جرب انت بس خالد : لا اخوي لا تروح أباك انا عقب منو بيطلع وياي راشد : ورفججه ما تروح انت ربيععي هزاع : اصلنن انا من اول كلمه خلاص هوونت أبا أعيش حياتي بعدي صصغير : اننت صغغغير ؟ عيل وليدوه شو ؟ هزاع : ججب انزين مره عاد انتي ناصر : لا تقولها ججب احترمها هاي شيختك هزاع : والننعم والله طويل العمر ناصر : لو قلت لها شي ثاني كنت بخليك غصبن عنك تقولها آسف يالشيخه هزاع : انا كنت حاس والله بوخليفة وقف : شباب يلا قوموا نروح نصلي ما باقي شي وبيقيم الصلاة الشباب : ان شاء الله عمي وطلعوا كلهم وتمينا احنا البنات والحريم , رحنا قعدنا جريب من الحريم , رحت اصب لي جاهي ورديت قعدت .. يدوه : شوهذي الرمسه بعد تقولينها جدام عمومج انا اشرب الجاهي وما رديت عليها .. نورة : يدوه يعني ههي تبا اخوها حبيبها يحضر , يعني تخيلي يستوي عرس العروس بروحها تحتفل والمعرس محد الكل ضحك على تشبيهها : هههههههههههههههههههههههههههه يدوه : انتي سكتي لازم ترمس لسانها يعورها نورة : شراتج يدوه انتي بعد دوم ترمسين لسانج يعورج يدوه رفعت العصا : نوروووه نورة : خلاص حبيبتي انتي يدوه الغالية كشخي اليوم عشان تطلعين غاويه يدوه : وانا دومي غاويه نورة : افا عليج يالخفوق انتي دومج صارووخ ططر وتذوبينهم بعد يدوه استحت : نوروه لا ترمسين وايد انا استحي كلنا ماسكين الضحككه ندري بالعصا بتكفخخنا .. نورة : اقولج يدوه ربيعتي سألتني عنج قالت منو هذي الغرشوب قلت يدوه اقلج يدوه انصدمت قالت صغيره وايد يعني انا قلت خالتج عمتج ما توقعتها تكون يدتج يدوه استحت : وانتي ليش تقولين لها انني يدتج قولي اختج انا ما قدرت امسك عمري طحت على سليمه قاعده عدالي من الضحكك : ههههههههههههههههههههه بططني ههههههههه يدوه : وويعهه شوفيج تضحككين ؟ : لا يدوه قرريت شي وضحكنيي . . . اتريا ردودكم . |
|
| |
| |
|
07-20-2014, 07:53 PM
| رقم المشاركة : [ 5 ] |
| عضو جديد | البارت 15 . . . شمه : كلهم قاعدين تحت ثاني : روحي قعدي عندهم انزين شمه : انا اهم شي عندي ارمسك ولا هم برايهم طول الوقت قاعده عندهم ثاني : فديتج والله شمه استحت : افدداك ثاني : فديت اللي يستحون شمه : تدري مواز قالت لو اخوها اللي يددرس برع ما حضر عرسها ما بيصير ثاني بصدمه : كيف يعنني ؟ شمه : يعني لازم اخوها يكون موجود ولا ما بيصير العرس ثاني : لازم تقنعوها شوي شمه : هاي راسها يابس طالعه على عمي ناصر ، دوم يدلعها ويعني يقهر لما يقعد وياها دوم وانه كله يطلعها ، ويدي بعد اذا رمسنا مايسأل عن احوالنا اول لازم هي ويعني هو بعد يدلعها والعايله كلهم يحبونها والله مرات احس بققهر وغيره كنت واقفه صوت الباب ومن خلصت كلامها : احححم ممكن تنزلين الغدا جاهز شمه لفت راسها بصدمه ، بس انا من خلصت كلامي نزلت تحت وما ترييتها انصدمت وايد من كلامها ما توقعتها جي بس الله كريم .. ثاني : لايكون سمعت كل شي شمه بعدها في الصدمه : اكيد سمعت كل شي وهي ترمسني ببرود ثاني : عقب رمسيها وراضيها شمه : بعدك ما تعرفها عدل ، خذت من اطباع عمي ناصر ، اذا زعلت ما تقول انا زعلانه ولا تبين شي واذا رمسناها تقول ماصار شي ثاني : يعني شو عديمه إحساس ماعندها مشاعر شمه : لا بس تتغير مكانه الشخص في قلبها ثاني : وايد حبيت الشي بس بعد لازم تأخذ حقها وتزعل شمه : الطيبه عممت عينها وما تبا شي هي ، يلا ارمسك عقب بروح اتغدا وبرمسها وانت بعد روح ككل ثاني : ان شاء الله بالعافيه شمه: الله يعافيك مع السلامه ، سكرت عنه ونزلت تحت تتغدا .. واحنا ناكل دخلت سلامه هي ومحمد وريم ، وقفت وسلمت عليها وريم ركضت وحظنتني ، وقعدت تسولف وياي عن الحضانه وتقول منو ربعها.. ناصر : تعالي كملي غداج رحت قعدت عند البنات في الطاولة لانه الريايل تحت يتغدون والحريم بعد تحت بس بعيد شوي عنهم واحنا البنات قاعدين فوق الطاولة ، وريم تسولف ومستانسه وانا اكلها ، قام ناصر وخذها مني وراح ورد مكانه .. هزاع : حبيت الححركه يفكر في حبيبه القلب ناصر : كل وانت ساكت قعدوا ياكلون ، عقب خلصنا كلنا والخدامات قعدوا ينظفون ، سلامه راحت عند ناصر وحظنته وهو بادلها ورصت عليهه .. محمد : نححن هني سلامه ابتعدت عنه وقالت : الحمدلله على السلامه ناصر : الله يسلمج سلامه ابتسمت وراحت تقعد عند محمد ، وناصر راح يقعد عند الشباب .. دخلت الخدامه : ماما موزة ربيعه مال انتي برع : اووووه نسيتها ، انتي روحي وشغلي مكيف الميلس وانا بروح عندها , طلعت برع جفتها واقفه في الحوي : اههلن حنين : اهليين سلمت عليها عقب دخلتها داخل , وقلت لها السالفه انني ما بروح الا اذا كان خليفة موجود , قعدت تضحك عقب قالت : تدري لو انا مكانج محد بيسوي سالفه وبيطنشوني والله : ههههه ما علينا منهم حنين : ععيل دامج ما بتروحين انا بروح : لا شو تروحين قععدي حنين : لا جفت وايد سيايير برع واكيد كلكم مجتمعين روحي قعدي عندهم تراج عقب بتروحين عنهم : جب انززين , قعدي شوي بس حنين : بروح انا بطلع الفستان والككعب وجي وبروح الصالون : لا تروحين الصالون انتي تجهزي وروحي القاعه واحنا بنييج حنين : خلاص اوكك بستها علة خدها : لا تسرعينن , ربي يحفظج حنين : من عيونني , يلا مع السلامه , وطلعت عنني وراحت , انا دخلت الصاله ورحت اقعد عند نوير واسولف وياها والبنات كلهم قعدوا يسولفون .. شمه : أبا اقول جشي تعالي وياي قمت وياها ووقفنا صوب الدري : آمري بنت عمي شمه : زعلتي ؟ : لاا شمه : اككيد زعلانه وانا ادري انج ما بتقوليين : والله انني مب زعلانهه وكيفج لو ماصدقتتي شمه : انا آسفه : لا عادي عرفت كل شي , وان كل وحده فيكم طلعت تجامل انها تقعد وتسولف وياي بس ما علييه الله كريم , وبعدين انا مب زعلانه عشان تتأسفين ويلا انا رايحه , دخلت الصاله وزقرت البنات ورحنا كلنا فوق عشان كل وحده تطلع اغراضها وماتنسى شي .. محمد : اقولك نصور تدري انه خلوف يجذب عليكم وانه هو ساعه وبتنزل الطيارة ناصر : اححلف والله انه حيوان انا براوييه محمد : ههههههههههههههه ما كان يبا حد يدري وخاصه مواز ناصر : حالفه لو ماكان موجود ما بيصير العرس محمد : خيبه خيببه ناصر : اقولك ما جفتها اخواني يقنعونها وهي تقول على كلمتي ومابغيرها محمد : اكيد بتقول ججي طالعه عليك ناصر : ياخخ انتو شوفيكم ححسد اعوذ بالله , هاي بنتتي بنننننتي محمد : وانت ما تفكر تعرس ناصر : لاا , مافيني على المسؤوليه وانتي تدري انا انسان ما احب اقعد في البيت طول الوقت حواطه وسففر محمد : يحظها حرمتك ععيل ناصر : يصير خخير لو عرست محمد : يعني ما تفكر تعرس , معقوله مافي وحده في بالك ؟ ناصر : لاا , انا بس اللي شاغل عقلي الحين مواز كيف بتعيش حياتها بيسعدها ولا , لانها من رمستني عنه ما ارتحت له بس يقولون انه محترم وجي محمد : لا ما عليك كل اللي قاعد يصير من عناد مواز ولا هو ططيب ناصر : ما علييه انا اليوم بقعد اسولف وياه محمد : من دون ععصبيه ناصر : يصير خخير . . . ميثه : امايه اليوم عرسها وهاي ربيعتي واختي وتوأمي يعني لازم كلكم تحضرون بعد , ومسكينه يات بيتنا عشان تعطينا البطاقه بس انتي كنتي محدد ام سعيد : ما تقصر وان شاء الله بنروح اليوم العرس ميثه : زين امايه عاد انا طلبتج ولا ترديني ام سعيد : قولي شو عندج ؟ ميثه : بييبون راعيات الصالون في القاعه يعني بدل ما تودوني الصالون عقب ارد البيت ألبس فستاني عقب تودوني القاعه , بخذ اغراضي كلها وبنروح هناك وبيعدلوننا ام سعيد : زين عيل روحي ميثه تمد ايدها : يعنني لو سمحتي أبا فلوس ام سعيد : روحي حجرتي وفتحي شنطتي بتجوفين البوك خذي لج ورديهه , ولاتاخذين وايد انتي الا بتتعدلين ادريبج انا ميثه ركضت الحجرة : ان شاء الله يانبعع الحنان سعيد نازل : بلاها الخبله ام سعيد : قوم وداها اليوم بتروح القاعه وهناك بتتعدل سعيد : عرس منو ؟ ام سعيد : عرس مواز بنت سعيد بتاخذ زايد ولد راشد سعيد : هي زين ربي يوفقهم ام سعيد : وميثوه حاشرتنا والبنيه ما تقصر يات لههني عشان تعطينا البطاقه سعيد : خلاص انا برمس هدوي وروحوا كلكم ام سعيد تصارخ : مميثثوووه يلا كل هذا تاخذين فلوس ميثه طالعه من حجرة أمها وتبتسم وقعدت عدال سعيد .. سعيد : شوعندج تبتسمين ؟ اكيد وراج شي ميثه : حرام عليك الابتسامه في وجهه اخيك صددقه , وتطالع وراها بإستهبال : تعال جوف مافي شي وراي غير المخدده سعيد : صدقق انج خخبله ام سعيد : ماقلتي كم خذتي ؟ ميثه : 500 ثنتين ام سعيد : بلا هبل وقولي كم يعني ميثه : يعنني 1000 ام سعيد : خخيبه انتي العروس وانا ما ادري ميثه تمثل الحزن : ياليت انا العروس والمعرس قاعد يكشخ بس الله كريم سعيد : اعقللي يا بنت ععيب عليج شو هذي الرمسه ما تستحين ميثه : افا يعني انا قاعده أقول الصراحه ولا تبوني اجذب عليكم , وانا ما استحي انتو اخواني وعادي يعني سعيد : الحمدلله والشكر ميثه راحت غرفتها عشان تجهز اغراضها وطرشت لي في البيبي ام انها بعد صلاة العصر بتكون في القاعه , وفرت الفون وقعدت تتجهز .. . . . لميس : اقولج شموي هذا ولا هذا شيماء : الاثننين لميس : ما منج فايده , تطالع ميره وهي قاعده على الفون : ميروه هذا ولا هذا ؟ ميرة : هذا حلو وخلج سمبل يعني والفستان وايد راقي يعني لميس : انزين الأسود بعد حلو شيماء : صح الثاني احلى لميس : وانتي شو بتلبسين ؟ شيماء : عنابيي لميس : اههها , وانتي ميروه ؟ ميره : انا احممر لميس : انا بروح القاعه اتعدل وياهم اللي تبا تروح تيي وياي بعد صلاه العصر بروح شيماء : منو بيودينا ؟ ابوي مشغول مع بومواز ميره : خلاص انا برمس علاوي وهو بيمر علينا لميس شلت الفساتين وراحت هي وشيماء يتجهزون .. . . . ام حميد : ماذا بكِ ؟ مهره وهي تشاهق : امايه حميد من البارح طالع وما رد للحين ام حميد بصدمه : ممماذا ؟ وأين ذهب ؟ مهره : ما اعرف , لانه اليوم عرسها يا امايه عرسهها بتصير ملكك لغيره كيف تبينه يتقبل هذا الشي ام حميد قعدت تمسح على راسها : لا إله الا الله , وقعدت تدعلي لحميد وانه الله يصبره مهره : امايه تدري انه احنا طالعين عليجج ام حميد : بماذا وانتي نسخه من والدك ؟ مهره : بالقلب , الكل يعرف انه الأجانب عادي بتطلق بتعرس غيرها ولا بتكمل حياتها الا انتي لانج حبيتي ابوي ووفيه في هذا الحب , وجوفي حاله حميد طلع نفسج وللحين مب قادر ينساها ام حميد : الحمدلله على كل حال , اتصلي به مهره : انا حرقت تلفونه وهو مب راضي يرد ام حميد : لا حول ولا قوه الا بالله . . . انا منسدحه على السرير وقاعده على الفون والبنات يتجهزون ويطلعون اغراضهم .. نورة : تراج وايددد تقهرينن سليمه : وباررده بعد ابتسمت لهم واطالعتهم : يعني شو تبوني اسوي نورة : بيني اهتمامج لهذا اليوم شوي على الأقل رديت اطالع الفون : ما عليه انتو كملوا شغلكم عن تنسوا شي نورة : واايد تقهرين مالتتتت انا أقول : بنات ترا لميس وميره وشيماء وميثه وحرمت اخوها هدايه وحنين وريم وسارة بيكونون بعد صلاة العصر هناكك يعني لا تتأخرون شيخه : انتي وين فستانج واغراضج ؟ عيوني على الفون بس ارمسها : مطرشتنها من البارحه نورة : يلا انا جهزت كل شي بس بروح ازقر الخدامات ينزلون الأغراض لسيارة الدريول , وراحت شيخه : رمسي عمي ناصر قوليله يودينا : ومنو قال بروح ويياكم ؟ سليمه : ننعممم ؟ : ههههههههههههههههههههههههههههههه بلاجج ؟ انا ما بروح انتو تلبسوا وخلصوا ولا نسيتوا انني قايله ما بيصير العرس الا اذا كان خليفه موجود سميه : الله يطولج ياروح , انتي هبلهه اليوم ععرسج فهمي كل بنت تتمنى هذي اللحظة وانتي .... قاطعتها واطالعتها واشرت علي : الا انا ما أتمنى ههذي اللحظة , جفتي عاد انا غير عن كل البنات اللي يتمونوا هذا اليوم سميه : برودج يذبحني سلامه دخلت : يلا بنات حمود بيودينا نزلوا كل البنات وانا قمت وتحجبت ونزلت تحت وقعدت عند ناصر .. نورة : يلا بنروح : روحوا انتو وكشخخوا والله يحفظكم نورة : نععم شو تقصدينن ؟ ناصر : روحوا انتو انا عقب بوديها نورة راحت وهي مععصبه , وطلعوا كل البنات وراحوا القاعه .. ناصر : بنروح نتمشى عقب بوديج هزاع : نبا نروح وياكم ناصر : نوديهم ولا ؟ : هي يلا نروح طلعنا كلنا وركبنا بسيارة وحده , وطبعا انا جدام وناصر يسوق وخالد وصالح وعبدلله وحمد قاعدين ورا وفي الدبه هزاع وراشد ومانع وسلطان .. هزاع بعصببييه : الححين انا اقعد في الدب وهاي تقعد جدام ناصر : هههههههههههههههههههههههههههههه مب عايبنك يلا بردك وانزل هزاع بقههر : خلاص راضي اصلنن انا خالد صورهم ويحطها في الدي بي , انا لفيت صوبهم وصورتهم كلهم وحطيتها في الدي بي على طول اجوف بنات عمي وككز !!! .. نورة : لا والله انتي طالعه وياههم ليش ؟ : ههههههههههههههههههههههه نوير بلاج اليوم فلفل ؟ نورة : جب انزين , وربعج والبنات كلهم هني : ززحمه ؟ نورة : وايدددين واللي يقهر انه سلمى وفاطمه موجودين : ما يهمني برايههم وفريت الفون واطالعت ناصر : تدري نوير مععصبه اونه انتي ليش طالعه وياهم وتتفلسف راشد : ما عليج تراها منقههره لانها تبا تطلع ويانا هزاع : تصدقون انني استحيت الكل يضارب عشان يطلع ويانا : لا تصدق عمرك احنا نضارب على الطلعه مب على اللي بيكون موجود ويانا راشد : هزاع بروح ادور وياك الجبهه الكل ضحححك : هههههههههههههههههههههههههههههههههههههههههههههههههه عبدلله : لا لا عنده ريل واييد بس تعال عندي بلصقها هزاع : صدق انكم حيوانينن وقعدنا نسولف ونستهبل ومر الوقت بسرعه , وعلى آذان المغرب استانست وانا اجوف ناصر يدخل باركنات مسيد الشيخ زايد – الله يرحمه - , قلت : استانستت وايد هزاع يصارخ : عسى الوناسه ما تفارقجج الكل : آميييييييييين : وياكم يارب وقف في باركن ونزلنا كلنا .. ناصر : من نخلص بنتصل فيج عشان عقب ما نتأخر : ان شاء الله ومشينا كلنا مع بعض وانا رحت عنهم عقب , وهم يمشون صورتهم من ورا وحطيتها في البيبي ام .. . . . زايد : ههذي بعدها طالعه وماراحت القاعه حمدان : حرمتك الصراحه ماعليها ككلام زايد : ادري لو رمستها بتطنشني بس انا بأدبها اليوم حمدان : اذا صارخت انت اسكت عنها تدريبها ديايه ماعندها الا تصارخ زايد : تحسسني انا البنت عشان اسكت عنها حمدان : يالله ما علييه ان شاء الله تتغير زايد : حجزت لك ولا ؟ حمدان : هي حججزت . . . طلعت وجفتهم واقفين برع يتريوني رحت صوبهم قلت : تققبل الله الكل : منا ومنج هزاع : يلا بنوديج عندهم : يلاا ركبنا السيارة ووصلوني عند القاعه وهم راحوا , دخلت القاعه وركبت الدري فوق دخلت الغرفه جفتهم كلهم قاعديين وكانوا وايدين ما شاء الله , قعدت اسلم عليهم وكانوا تقريبا كلهم مخلصين , فصخت عبايتي وقعدوا يعدلوني , الساعه ثمان ونص انا مخلصه , كلهم طلعوا راحوا الغرفه الثانيه , سلامة قربت صوبي وساعدتني عشان ألبس الفستان وكل شي اسويه من ورا خاطري .. سلامه دمعت : يلا عاد ابتسمي اليوم عرسج وقفت وكلمه عرسج في بالي وانني خلاص اليوم عروس وكلهم يتعدلون عشاني وانهم كلهم بيون يباركون لي .. سلامة قربت وباستني وطلعت , كنت أبا اصارخ واقولها لا تخليني بروحي , حسيت اني ما أتكلم ألساني اربط ما قدرت اسوي شي , وقفت جدام جامهه كبيرة وانا اطالع شكلي , اليوم ما قدرت اتشرط عليهم واقولهم انني أبا سمبل , خليتهم على راحتهم , بس بصراحه غيروني صرت غغير , اندقق الباب اللي برع يعني يطلع لبرع القاعه وانا انصدمت واجوفه ينفتح ويدخل خخليفه وهو ناصر ومبتسمين صارخخت : خلييييييييييييييييييفه خليفه : عيوننه كنت بمشي بس ما قدرت تحركت شوي على طول طححت , ضحكوا ععليه وتقرب خليفه وحظني : انتي الغاليه ككيف ما احضر عرسج ناصر يضحكك : هههههه اقولج انتي كيف بتمشين ججدامهم عن تنجلبيين : البنات بيساعدونني قعدوا يسولفون وياي شوي ودخلت سلامه : يلا خخلص الوقت البنات بيدخلون خليفة وناصر وقفوا , ناصر : خلاص عييل احنا بنروح : اترياكم والله ما بنزل من دونكم خليفه : من عيونني , وطلعوا دخلوا عندي البنات وقعدوا يسولفون شوي دخلوا ربععي بنات كلاسي واللي في المدرسه وقعدوا يسولفون , دخلت امايه هي وابلاتتي طرت من الفرحه وبنفس الوقت استححيت .. أبلة اسلاميه : مستحيه اليوم اللي يجوفج ما يصدق نفس البنت اللي في المدرسه وخبلاها : ابلهه عاد مب جدامهم سستري علي أبله عربي : ربي يوفقج وان شاء الله تعقليين نورة : لاا ابله تقول اونه يوم بتجوفوها حامل بتكون عاقله درجه أولى أبله عربي : عيل الله يعين ريلجج شوي نزلوا كلهم وخلوني بروحي , دخلت سلمى وقعدت تنككد علي برمستها وانا بس اقرها بالابتسامه : انزين كمملي اسمعج سلمى : انا ما قلت عشان تبتسمين : ما عليج كلامج اححسه فاضي يعني وما يهمني عشان جي اسمعجج طلعت وهي معصبه , دخلت منيرة هي وشمه ابتسمت لهم وسلموا علي وطلعوا , دخلت حنين وقعدت تسولف وياي , دقايق دخلوا كل البنات وصارخوا كلهم : يلااا بتنزليييييييييييين : حيوانات خوفتووني نورة : يالله يا عروس الحين بتنزليينن : مابا انزلوا انتو بدالي سليمه : هاهاها ككيف يعني يشغلون الزفة وهذا الجيش كله ينزل : ياخخ انا مابا سميه : يلا ابوي الحين بيشغلون زفتجج والحلوه ريم تترياج : صبروا شوي , اتصلت في ناصر قالي : انهم عند الباب وكانوا بيدخلون بس سمعوا أصوات بنات : بنات يلاا تحجبوا ترا خليفه وناصر بيدخلون وياي كلهم تحجبوا وسميه نزلت تحت وقالو بالمايك : عم العروس واخوها بيدخلون وياها تحجبوا البنات ودخلوا ناصر وخليفه ومسكوا ايدي وانا ارتججف , ونزلنا وكل العيون علي وانا وايد خايفه , لححظه انصدمت من شكل سلمى ما لابسه عباة وعادي بفستانها ومن دون شيله بعد , طنشتها والبناات يأشرون علي انني ابتسم , ومشينا ولعوزني الفستان وايد ثجيل بس ناصر وخليفه ساعدوني وهم يرفعونه وياي , وصلنا الكوشهه ووقفت شوي وعقب قعدنا , مرت خمس دقايق وقاموا ناصر وخليفه وانا وقفت وياهم همست : لا تخلوني عادي قععدوا ناصر : لا الحريم يبون يسلمون عليج خليفه : واحنا بعد بندخل مع المعرس وبندخل مع الشباب بعد ناصر تقرب وباس راسي , وعاد البنات يصورون وايد استانست وعقبها خليفه باسني على راسي وخدي وقال : ابتسمي اباج اليوم تستانسين وانسي الحيوان ريلج انا انصدمت قالها اسمه بطريقه خايسه : ان شاء الله ونزلوا من الكوشه وراحوا عند يدتي وحبوها على راسها وطلعوا , يوني الحريم يسلمون علي وانا أحاول انني اتصنع الابتسامه عشان خاطرهم , ووانا بعدي منصدمه ليش قال اسممه جي , حبيت حركه البنات انهم قاموا يرقصون , وعقبها صدمتني نورة قامت ترقص هندي وايد حبيت حركتها وكان ودي أقوم واحظنها , والكل مستانس ويصفون لها ويدتي تتوعد لها ههههه .. . . . خليفه : هلا حمييد حميد ابتسم : اهلييين , شحالك ؟ خليفه : والله الحمدلله وناصر واقف عدالهم ومنصدم من شكل حميد قال : اخليكم على راحتكم خليفه : تعال , أشر على حميد : هذا ربيعي حميد , أشر على ناصر : وهذا عمي ناصر ناصر : تشرفننا والله حميد : تسللم وقعدوا يسولفون وقلبوها ممصخره , وزايد قاعد يطالع ناصر ومنقهر منو ههذا وليش مواز تحطي صورته .. حمدان : ابتسم يا اخوي الناس كلها تطالعك وبلا هذي العصبيه زايد : اقولكك تجوف خليفه منو هذا اللي وياه ؟ حمدان : ههذا حميد امه من لندن بس ابوه اماراتي زايد : لا لا اللي عدالهم حمدان : ما ادري اككيد يقرب لههم , بس انت شو تباه ؟ زايد : ححرمتي تحطي صورته اذا سألتها تقول نصور حمدان : يا صوبنا يلا ابتسم ناصر سلم على زايد من دون نفس وهو معصب منه ووده يعطيه بكس ويكفخخه : شحالك ؟ زايد : الحمدلله وانت ؟ ناصر : بخخير الحمدلله , ادري انك ما تعرفني لانني ما حضرت الملجه انا عمها ناصر زايد ابتسم براحه : تشرفننا ناصر : حمدان ممكن اقعد وياه شوي حمدان قام وراح عند هزاع وراشد .. ناصر : تدري من بدايه حسيت انك ريال والنعم فيك وبتحافظ عليها , لكن صدمتني وهي ترمس عنكك زايد يطالعه ومنصدم : ما فهمت ؟ ناصر : فاهم كل شي يا زايد , هي قالت لي كل شي بس بقولك كلمتين وبروح زايد : صببر فهمني عن منو ترمس انت وانا مب فاهم شي ناصر حط ايده على جتف زايد ووقف : لا تلعب بين حبليين , يا مواز يا سلمى , والله لو ما فشله من الناس ججان الحين خليتك تطلقها زايد مسك ايده عشان يقعده : أي سلمى وانا شو يخصني فيها ناصر : انا قلت اللي عندي ويلا مع السلامه , ورد يقعد عند خليفه ووحميد .. . . . نورة : ودي اكفخهها شموه : بلاها ؟ نورة : تخيللي قبل ما كانت تحب ام ثاني ودوم تضاربها الحين قاعده تركض وياها ججنها خدامه : ههههههههههههههههههههههههههههههههههههه برايها احنا شو يخصنا فيها نورة : بس والله وايد تقهر : *قلت لها سالفه يوم سمعتها ترمس ثاني * نورة بعصبيه كانت بتوقف بس انا سحبتها وقعدتها : نععم وين رايححه ؟ نورة : بروح ادبها : هههههههههههههههههههههههههه قعدي قعدي بقولج شي نورة تنافخخ : حيوانه ككريه حققيره كرهتها : ما عليه , اقولج خليفه لما حب راسي قالي كلام وصدمني نورة : شو قال ؟ : قال لي ابتسمي واننسي ريلج الحيوان نورة : عادي يمكن يبا ينسيج ويسبه : لا لا انا اعرفه قالها بنبرة غغير ما ادري ككيف نورة : انتي قايله لهم شي : هي قلت لناصر كل شي واكيد هو قال لخليفه لان انا اقولهم كل ششي نورة : خخيبه صبري بتصل في نصور , واتصلت فيه : ههلا عمي ناصر : اهلين نوير ؟ نورة : عمي قلت شي لريل مواز ناصر : أدبته الحيوان قبل لا اتعرف علييه نورة : افاا لييش ؟ شو صار , حطته سبيكر ناصر : رحت عنه * وقالها كل السالفه * نورة : يستاهل بس بقولك هو ما يحب سلمى ليش قلت له جي ؟ ناصر : نرفزززني , كنت بقوم اكفخه واعططيه بكس نورة : نصوور هدي لا تفضححنا ناصر : نصور في عيننج ويلا سكري انا قاعد عند الرياييل نورة بإستهبال : صددق والله عبالي انك قاعد هني في القاعه ناصر بعصبيه : نووووير نورة : خلاص عمي آسفه ناصر : يلا باي , وسكر في ويهها : اليوم انا مذبووحه نورة : ما عليج منه وبيني قوتج جدامه ولا تضعفين في يوم مر الوقت بسرعه ودخل زايد وناصر وخليفه وبوخليفه ويدي وبوزايد وباسوا راسي , وقعد يدي يوصي زايد , عقب سلموا وطلعوا , حسيت انه زايد معصب وانه ما قال شي بس يبتسم , صعدت سلمى فوق وهي مب لابسه عباة ولا شيله يعني عادي عندها سلمت على زايد بإيده وعقب سلمت علي وقعدت تبارك لنا ونزلت , قاموا الحريم يسلمون , عقب دخلوا الشباب واللي ضحكني وايد انهم مشغلين ززفه , سلموا وقعدوا يستهبلون وانصدمت لما جفت حميد من بينهم , تموا شوي عقب نزلوا , يات ريم وفي ايدها الطقم , خذا الخاتم وانا ايدي ترتجف مسكها ولبسني وعقب انا لبسته ولبسني الطقم عقب قمنا نقص الكيكه حبيت شكلها كانت على شكل تاجج ومسكنا السكينه وقصيناها وردينا نقعد ويابوا الكيك ناكل وعقب العصير , يات امايه وقعدت تصيح قمت وحظنتها نزلت دموعي ورديت اقعد , شوي ويات امه وسلمت وقاموا العيايز يسلمون , ويدتي قعدت ترمس زايد قالت : هاي دلوعه وعنيده محد يقدر عليها غير وليدي ناصر , طالعه عليه في كل شي , بس انت ياوليدي اصبر عليها يمكن تعقل , وهد اعصابك اذا قامت تباغم وتصارخ , وهالله هالله فيها هاي الغاليه زايد ابتسم : في عيوني قبل لا تقولين البنات ركبوا فوق يسلمون وججي , نورة قالت : ويعني اذا وديتها دبي دوم ييبها عندنا , وهي ما بتطلع من الشلهه ومن العصابه الكل ضحك : ههههههههههههههههههههههههههه نورة : صبروا خلوني اكمل كلامي , هي واذا عصبت لا تحاول تضربها يوييلكك سمعت سليمه بإستهبال : بتجوف نجوم الظههر الكل ضحك : ههههههههههههههههههههههههههههههههههههه نورة : وشو ببعد ؟ اممم , تطالع البنات : يلا قولو شي شيخه : ولا تحاول تغيرها وتخليها تعقل لانك ما بتنجح , وهي رئيسة الشله نورة : ههي هاي البوسس مالنا , ولا تصرخ عليها دومم اذا خبرتني بماي وملحح بالعصا على ظهرك زايد : ان شاء الله يدوه : يلا بسكم وايد رمستوا شمه : عمي ناصصر بيدخل جفته من بعيد يمشي , وقرب صوبنا على طول حظنته وقعدت اصيح .. ناصر يمسح على ظهري : هدي بابا نورة شهقت : يهبلهه المكياج كله اخترب ناصر رص على حظني دقايق وابتعد : يالله بابا الله يوفقج ويسعدج : خلك دوم وياي ولا تتغير ناصر قرصني على خدي : انتي اللي لا تتغيرين نورة : يححيوانه احنا لو قرصنا خدجج بتقوم القيامه عندج : لانه منصور غغير زايد يطالعني عقب لف ويهه وقعد يرمس امه , تمينا نص ساعه على هذا الحال , عقب مسك ايدي ونزلنا ورحنا الغرفه عشان نتصور , وانا معصبه من المصوره تخلينا نسوي حركات يعني هبله شرات ويهها .. . . ونتريا ردودكم .
__DEFINE_LIKE_SHARE__
|
|
| |
| |
|
| مواقع النشر (المفضلة) |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| طلت محياك اشراقة يومي | محروم.كوم | منتدى أخبار المواقع والمنتديات العربية والأجنبية | 0 | 04-11-2013 11:00 AM |
| يآ أعضآء لآهنتو واحد منكم يشغل النور | محروم.كوم | منتدى أخبار المواقع والمنتديات العربية والأجنبية | 0 | 01-07-2012 03:40 AM |
| الي يعرف واحد مسروق له ددسن وخاصه بالدمام يدخل | محروم.كوم | منتدى أخبار المواقع والمنتديات العربية والأجنبية | 0 | 12-15-2011 03:00 AM |
| ماابي هالناس [ بعدك ] لانهم مايشبهونك ~ fendi | Дјறàl Диsǎήһ | الأناقة والجمال والموضه والطفل | 32 | 07-03-2010 03:49 PM |
| نظام “جوجل كروم” يرى النور قريباً من خلال الصين | محروم.كوم | منتدى أخبار المواقع والمنتديات العربية والأجنبية | 0 | 10-04-2009 07:10 PM |
الساعة الآن 04:59 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227