روايتي الاولى بـ عنوان " سـأكتفي بهه ولـن اهدي قلبي لأحـد غيرهه "

forza alain · #1 11-14-2014, 09:48 PM

السلام عليكم عرب زايد شحالكم شخباركم إن شاء الله بخير ،، حبيت انزل لكم روايتي الاولى بـ عنوان " سـأكتفي بهه ولـن اهدي قلبي لأحـد غيرهه " انا منزلهه الروايهه بالانستجرام rwaiah_1020 وحبيت اخليها بالانستا بلهجتين إماراتي وسعودي لانه بالانستا اغلب اللي يقرون الروايات سعوديات ،، اما هني بنزلهه بـ لهجهه الاماراتيهه بس ،،واتمنى الكل يتفاعل معاي وان شاء الله تعيبكم " لاتلهيكم الروايهه عن الصلاه " .....
__DEFINE_LIKE_SHARE__

forza alain · 11-14-2014, 10:11 PM

*روايتي الاولى *

>> سأكتفي به ولن اهدي قلبي لاحد غيرهه <<

{محمد}: ابيضاني ،، لون عيونهه عسليات ،، جسمهه رياضي ،، متزوج مـاعندهه عيال ،، عمرها25..

{أمون}: بيضهه ،، لون عيونههاا سود ،، شعرها يوصل لنص ظهرها ،، حرمه حمود ،، تشتغل بشركهه ادنوك عمرههاا 23..

{حنان}: بيضهه ،، لون عيونههاا عسليات ،، شعرها طويل يوصل لركبها ،، تموت فاخوها سيف ماترضى عليه هي ربتهه لانهه امها ماتت ،، *تشتغل بشركهه ادنوك مع أمون ،، عمرههاا 24 ..

{خوله}: حنطاويهه ،، لون عيونها بنيات ،، شعرها قصير كيرلي ،، هاديهه م ينسمع لها حس ،، ثالث سنه بالجامعهه ،، عمرههاا 20..

{سيف}: حنطاوي يشبهه خولهه وايد ،، لون عيونهه بنيات ،، يموت ف اخته حنان يعتبرها شرات امهه ،، ذكي
{{ مصطفى }} ،، يعشق شي اسمهه بلايستيشن ،، ثانويهه عامهه ،، عمرهه 17

*البــارت الاولـــ *

*" فحجره حنان "

امووون بـ صراخ : لا لا لا*
خوله فرتها بـ المخده : لاتصرخين
حنان : شفيج
على صراخ أمون دشو محمد و سيف الحجرهه : خير شو صاير
أمون : بند اللاب ابا اكمل المسلسل
سيف : كلها عسب مسلسل اقولج اطلعي بررع
محمد ضربه ع ظهرهه : مااسمع *شوو قلت
سيف : ياحيوان لاتضرب
حنان : يعل ايدك الكسر ان شاء الله كله ولا سيفووو
محمد : اكرمينا بسكوتج
خوله : شل زوجتك واطلع بررع
أمون : لا والله ع كيفك
خوله : والله انكم حشرهه
أمون : ابا اكمل *المسلسل مايخصني
سيف : كملي محد زاخنج
محمد : سيري *جرجي اللاب
امون : تستهبل ولا شو
محمد: لا امزح شو رايج
امون شوي وبتصيح : اذا جرجتهه لازم اتريا نص ساعه لين يجرج عقب نص ساعه زيادهه لين يتبطل عشان اكتب الباسورد ويفتح وربع ساعه بعد لين يتحمل كلشي وو..

قاطعها سيف : بس بس بس لاتكملين فهمنا
امون *شافتهه بنضرهه
خوله: عندي فكرهه
امون بـ ملل :: شو هي
خوله : نسير كلنا نيلس برع ع حصير ونحط سويتات ومكسرات ويعني هسوالف الجو واايد حلو بنيلس وبقولج قصهه حلوهه متأكدهه مليون بالميه بتعيبج
امون تحمست : يلا اوك >> سارو يحطون الحصير برع والسويتات وو إلخ...
خوله: حنون كملي معاي القصهه
حنان : من عيوني
خوله: ...........

*********************************

*" هني بنبدأ " بـ روايهه سأكتفي بهه ولن اهدي قلبي لأحد غيرهه "

*{{ قبل 4 سنوووووات }}

*" بيت بوعبدالله "

- بحجرهه ميود -*

يالس يكشخ عسب يسير المول مع { كايد } عقب م كشخ سار حجرهه مهوي عسب يشلها معا سار حجرتها مالقاها عقب نزل الصاله لقاها منسدحه ع كنب واتابع مسلسل هندي

ميود : مهووي
مهوي طااااااااااف
ميود : يالس اكلمج*
مهوي : اسكت شوي ابا اسمع شو يقول لها
ميود : كنت بشلج معاي خلاص غيرت رايي
مهوي ركضت لعندهه : لا خذني شلني معاكك
ميود : خلاص لاتحاولين
مهوي : يلاعــااد
ميود : اسسسفف
مهوي : تباني ايلس بروحي محد فالبيت
ميود : مايخصني سيري عند عزوز
نزل عزوز اول ماشافتهه مهوي سارت حبتهه ع خدهه : فديت اخوي حبيبي
عزوز : خلصيني شو تبين
مهوي : شلني معاكك
عزوز : مع نفسج حبيبي
مهوي شوي بتصيح : الله يخليك
ميود : انا بسير
عزوز: تعااال تعاال وين بتسير
ميود : بتريا كيود
عزوز : قلت بتشلها صح
ميود : منو قالك بشلها
مهوي بـ قهر : مالت عليكم من خواااان ،، بدق لاحمدوه يشلني معاا مابي منكم شي
عزوز : نننععم ماسمعت
مهوي : بدق لاحمدوه يشلني
عزوز : انا بسير معا 😏
مهوي : ويعني so 😒
ميود : مابتسيرين
مهوي سحبت عليه ودقت لاحمدوه تمت تحن علييييه عسب يشلها معاهم لين وافق عقب بندت عنهه
ميود بـ عصبيه : انتي سيري شوفي شو بيصير فيج
مهوي : تصدق خوفتني
ميود كان بيصفعها بس تذكر قبل ابوهه شو قالهه ورص ع ايدهه
عزوز : يوم بييون عبود وابويه بقولهم عن حركاتج يالخايسهه
مهوي بلا مبالاه : سير قول جنهه ب يصدقوك >> عقب سارت تزهب عسب تسير
عزوز : والله انج استغفر الله شو اقول بس

عايله { بوعبدالله }

{ بوعبدالله : علي } ،، عمرهه 47 طيب مش مقصر مع عياله وحرمتهه له هيبه عند الكل مدلع بنته اخر العنقود وااايد
يشتغل بشركه العايله ..

{ ام عبدالله: علياء } ،، عمرههاا 45 طيبه وحنونه مهتمه فعيالها وتحبهم وايد مش مقصره معاهم تشتغل وكيله بالمدرسة ..
{عبدالله}: ابيضاني ،، لون عيونهه سود مركب تقويم لو برتقالي { لزوم الخقهه لااهه 😜 } طويل ،، يموووت ف اختهه دلوعته ،، يشتغل بشركه العايله عمرهه 24 ..

{عزوز}: حنطاوي حليو ،، لون عيونهه بنيات طويل ،، مغازلجي دومهه طايح فـ مول مع { احمدوه } ولد عمه ،، يحب يضارب مع اختهه ،، يشتغل بشركه العايله عمرهه 22 ..

{مايد}: ابيضاني ،، لون عيونهه سود طويل ،، دومهه مع { كايد } ولد عمه ،، يحب { فطوم } بنت عمهه وااايد ،، اخر سنهه له بالكليه عمرهه 20 ..

{مهوي}: حنطاويهه حليوهه،، لون عيونهاا عسليات خشمها شرات السيف سلهه ،، شعرها طويل يوصل لين فخذها لونهه اسودع اشقر ،، جسمها حلوو قصيره طولها 160 وزنها 40 ،، مـاتحب تختلط بـالناس وايد ،، يوم تزعل او تضايق مـاتحب تتكلم مع اي حد لانها لو تكلمت بتصيح *،، محد يسلم من لسانههاا تيلس تتحرش ف اللي رايح واللي راد شرات{ احمدوهه } ولد عمههاا ،، تحب تيلس معاا واايد ،، ثانويهه عامهه عمرههاا 16{{ عيناويهه 💜💜😍 ،، تحب تلعب كرهه قدم }} .،

*********************************

*رايكم وتوقعاتكم وانتقاداتكم
*لاتسحبوون
__DEFINE_LIKE_SHARE__

forza alain · 11-15-2014, 12:10 AM

*البــارت الثانـــي *

عايله { بوحمدان }

{ بوحمدان: عبدالله } ،، عمرهه 46 طيب مـا يرضى بالغلط له هيبه ،، يحب حرمتهه وعيالهه مش مقصر معاهم ،، اخو { بوعبدالله } يشتغل بشركه العايله ..

{ ام حمدان: هدى } ،، عمرههاا 44 طيبه وحبوبه مربيهه عيالهاا عدل مدلعتهم وااايد خصوصاً { كايد } *ماترفض له طلب ،، تشتغل بالمدرسة مع { ام عبدالله } اخصائيه اجتماعيه ..

{حمدان}: حنطاوي ،، لون عيونهه سود طويل ،، دومهه مع { عبدالله } يعتبره شرات اخوو اللي م يابتهه امهه ،، يحب وحدهه ومع احداث الروايهه بتعرفون من هي ،، يشتغل بشركه العايله عمرهه 24 ..

{احمدوه}: اسمراني سماره يجننن ،، لون عيونه سوود طويل ،، دومهه يمصخر الكل محد سلم من لسانهه ،، مغازلجي شرات { عزوز } ،، راعي مقالب ،، يشتغل بشركه العايله عمرهه 23 ..

{كايد}: ابيضاني جميل ،، لون عيونهه عسليات ،، لا طويل ولاقصير طولهه اوگك،، الوحيد من خوانه اللي طالعع ابيضاني ع امهه يشبههاا وااايد يموت فيههاا مـايرضى عليههاا ،، ويحب مهوووي حييييل وهي {{ اساساً م تحبهه 😪 }} ،، يغار عليها بذات من اخو { احمدوه } دومهه مع { مايد } ،،اخر سنهه له بالكليه عمره 21 ..

{فطوم}: حنطاويه جميله ،، لون عيونها سود صغار ،، خشمها شرات السيف سلهه ،، شعرها طويل لين ركبههاا اطول عن { مهوي } بس طولها يعني اوگك ،، لا ضعيفهه ولا متينهه مربربهه شوي ،، تحب { مايد } ولد عمها ،، ،، ثانويهه عامهه عمرههاا 17 ..

*بيت بوحمدان

*- الصالهه -

كايد: أمي يلا عاد بتأخريني ع ميود
ام حمدان: ترييه شوي ماعندك صبر
تمت ام حمدان تقرا ع كايد وتبخر كندورتهه*
كايد: شو تسوين حق شو تقرين علي
ام حمدان: عسب الناس م يحسدوك
كايد: منو بيتفيج يشوفني
ام حمدان: بس خلاص وايد تتفلسف
شوي الا ويشوفون احمدوه نازل من الدري مسرع قبل لا يسير الميلس قالت لهه امهه: وين ساير
احمدوه: بيت عمي
ام حمدان: حق شو ساير
احمدوه: يعني حق شو بسير هناك بشل عزوز ومهوي

كايد: وليش بتشل مهوي*
احمدوه سحب عليهه وسار الميلس ايب سويج السيارهه
كايد انقهر منهه عقب طلع برع البيت وركب سيارتهه وسار بيت عمهه

******************************************

*بيت بوعبدالله

- حجرهه مهوي -

غيرت ملابسها ع سريع وتكشخت ونزلت تحت فـ صالهه

ميود: انتي ليش جي
مهوي شافتهه بنضره
ميود: قتلج م يحتاي تسيرين مع احمدوه
مهوي:م تباني أسير مع احمدوه ،، عيل مع منو أسير
عزوز: اساساً م يحتاي تسيرين
مهوي حطت ايدها ع خصرها: لا والله
ميود: سمعي كلام ويلسي فـالبيت
مهوي: خلاص انتم بعد لاتسيرون إيلسو معاي
ميود: انتي ليش جي عنيدهه فطووم مش موجودهه حق شو تسيرين
مهوي: يعني اذا هي مش موجوده م أسير
ميود: هيه
عزوز: وهي شو يخصهاا بـ فطوم
ميود: يخصها ونص
مهوي علت صوتها عليهه : مش ع كيفكك بسير يعني بسير
ميود عصب : قصري صوتج لا اصفعج
عزوز: لو فيكك خيير مدد ايدكك عليهاا
ميود: انت شو يخصك انا يالس اكلمها هي م اكلمكك
عزوز: قتلكك لو فيكك خير مدد ايدكك عليهاا
ميود يبا يتكلم دق له كايد وطلع برعع
مهوي: مايخصني بسير *....
عزوز قاطعهاا: بس بس وايد تتكلمين
مهوي: امش برع ساكت >> طلعت وركبت سيارهه احمدوهه
عزوز: تعالي يا حمارهه >> طلع وراها
احموده فتح جامهه السيارهه: لو م ييت بسرعهه بحركك
عزوز: هيه عسب اصفعك
مهوي: اركب ولا صدق بنسير ونخليكك
عزوز ركب السياهه يلس جدام عدال احمدوهه
مهوي: شو ها الريحه
احمدوه: دهن عود
مهوي: وبخصوص الكشخهه يعني
احمدوه: مش عايبج
مهوي: كل هالكشخه حق المول
عزوز: انتي اصلا شو عرفج بـ هسوالف
مهوي : جب انزين
عزوز قرصهاا: مرهه ثانيهه قولي جب بصفعج
مهوي صرخت : اااااااي يالحمار يعور
احمدوه ضرب عزوز ع ظهره: لا تقرص حرمتي مرهه ثانيهه
مهوي بوزت: بخبر عليكك يدي يالحمار
احمدوه: فديت المبوزين انا 😘 { حط لها اغنيهه ميحدحمد " شفت برق لاح " يعرف انها تموت فيهه }
مهوي استانست وتمت تغني معا بس عزوز م فكها من شرهه كل شوي يسحب شيلتها ولا يقرصها ولا يعضها
واحمدوه يراضيها

**********************************

*رايكم وتوقعاتكم وانتقاداتكم
لاتسحبوون __DEFINE_LIKE_SHARE__

دااانه غير · 11-15-2014, 05:41 PM

روعه الروايه استمري فديتج
وان شاء الله تلقين تحفيذ اكبر
اختج:
دااانه غير __DEFINE_LIKE_SHARE__

forza alain · 11-15-2014, 09:12 PM

المشاركة الأصلية كتبت بواسطة دااانه غير

روعه الروايه استمري فديتج
وان شاء الله تلقين تحفيذ اكبر
اختج:
دااانه غير

انتي الاروع
حبيبتي والله استانست
واايد يوم شفت ردج
اول وحدهه ترد علي برد
جمييييل ❤❤❤ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نداء ل ((ذراع الذيب )) محبينك ينادونك """""""""""""""""""""""""""""""""""	محروم.كوم	منتدى أخبار المواقع والمنتديات العربية والأجنبية	1	05-10-2024 05:34 PM
بمناسبة قرب الوسم اهدي لكم هذا التقرير """"""	محروم.كوم	منتدى أخبار المواقع والمنتديات العربية والأجنبية	0	10-09-2012 01:51 PM
رمزية + توقيع "" وحدك الي وسط قلبي ,, قعدت "" قمة التمييز والابداع	محروم.كوم	منتدى أخبار المواقع والمنتديات العربية والأجنبية	0	10-17-2011 02:00 PM
((ملعون قلبي كيف للحين ماتاب))روايتي الاولى	corns	استراحة قصص وابداعات الاعضاء	17	11-18-2009 01:18 AM
" ,, متعني بصوتكـ وأمتعكـ بالحب ,, عطني قليل الحب واعطيك قلبي ,, " ( الجزء "1" ) " . قايد + ظبياني	qayed	عدسة الاعضاء , كاميرا الاعضاء	63	10-24-2008 01:43 AM