=

=

,,

صبآح / مسا ,, الخير ,, لكل من حدر الموضوع ,,



آشحالكم وعلومكم ؟!

[overline]قبل كل شي ,, الرجاء من اللي يحدر الموضوع , يرد , مب يشوف ويقلب ويهه ,, هههه[/overline] ,,, لنه تعبنا عليه ,, هيع ,,

,,, نبدأ ,,,

- - - - - -

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..
إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..
ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..
يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..
وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..
ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..
أعرف تراني .. تحت .. ذيـك .. النصايـب !!

وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب !!




أخطيت يوم أني طلبتك حنانك
لا صرت فاقد شيء وشلون تعطيه !!
مهما نطق لي بالمشاعر لسانك
شيء بدون إحساس ما أقتنع فيه !!
إحساسك المصنوع خنته وخانك
جاملتني به وأنت تجهل معانيه !!
مني نصيحة تنفعك في زمانك
إلا
شعورك
لا تبيعه و تشريه !!!!

-

تعذبني وانا اتريا اتصالك
يزيدالشوق وارقب تيلفونك
احبك موت وعيوني فدا لك
فديتك وينك اشتقت لعيونك
دخيلك خلني دوم فخيالك
اريد اروي فوادي من فتونك
ياليت اكون همك وانشغالك
وليت شجوني تلاقي شجونك



أبسالك كيف نتقابل دامنا ليل ونهار
لو تقابلنا تموت الناس وتقوم القيامة

كيف واحنا بالتناقض قلب ثلج وقلب نار
قلب ماعنده هيام وقلب ميت من هيامة

النصيب اللي جمعنا عاد واللي صار صار
ماعلى قلبي ملام ولاعلى قلبك ملامة

لكن اسف واقبل مني رسالة اعتذار
ظرف حب وفيه ورد وبين طياتة حمامة

دام ماللحب عندك أي قيمة واعتبار
ليش عذبت خفوقي واستغليت غرامة

ليش ماسرت معي في الحب في نفس المسار
قبل اعيش الآم موت القلب والآم أنقسامة

جيت وعيوني شوق وأحلامي كبار
ورحت شخص مامعة من الهموم الا عظامة

من عرفتك والاماني طايرة والنوم طار
منطوي والبال يشرب وحشة الليل وظلامة

أعترفلك كنت أحبك حب حتى الانتحار
كنت أحس بضعف قلبي لاسمعتك وانهزامة

لين شفت ان الفراق أحيان مامنة فرار
قلت أفارقة واموت ولااعيش بلاكرامة

والا انا واللة قبلك ماعرفت الانهيار
لين شفت بوسط عيني نار دمعة وابتسامة

لو خذلت حب قلبي واعتبرتة انتصار
ماخذلت راسي اللي ماخضع للوقت هامة

علة اخر مايكون من الولة والانتظار
مستحيل ارجع وانا أنسان ماينزل مقامة

خذ آخر مابقالك في شفاهي باختصار
قول عاشق طار عقله ماتراجع عن كلامة

يوم شفت الليل لايمكن يقابلة نهار
قلت روح والوعد ياصاحبي يوم القيامة



شفت مشاعر الحب مابقت امواج
و القلب غارق في نظراتً حزينه
لا خيال الحب و لا الواقع له علاج
مادام الجروح في الخافق دفينه
موج قلبي هاج و ليته بعد ماهاج
جلس لحاله يدور لحاله سفينه!!



بغيت أيام محسوبه حســــــايب .. ألوف ديار فيها القلب ذايــــــــب
لعل أشوف طيف ٍ من حبيبــــي .. وأناظر وجه عني صار غايــــب

يسافر في دروب الحب فــكري .. يعيد أيام ذكراها حصايــــــــــــب
يردد وين يا ديرة صبانــــــــــــا .. زمان الود وأيام ٍ أطايـــــــــــــب

تقول الدار لا تبكي بحســـــــره .. صروف الدهر فيها من الغرايب
تبدل من توده دون زلــــــــــــه .. رحل من غير ما يبـــــدي سبايب

تجلد بالصبر ع الهجر مــــــره .. ومره خل دمعاتك صبــــــــــــايب
عسى الأيام تجمع شمـل حبك .. عساه يعود لك من كان غايـــــب



متعنــي بصوتك وأمتعــك بالحب
عطني قليل الحب وأعطيك قلبي
والحب أطهر عاطفه تدخل القلب
مااجمل كلام الحب لا صرت جنبي

-

عودتني لو غبت عني تتصل فيني ..!!
ومهما تكون ( ظروفك ) ما تقاطعني ..!!
حاولت أدور في غيابك من يسليني ..!!
لكن قلبي بصراحه ما يطاوعني ..!!
كلمة ( اشتقت لك ) لو هي بمسج منك تكفيني ..!!
قول بس ( اشتقت لك ) حيل تقنعني ..!!




زاد الونـــا والــهـم فيـنـي تمـكـن
وابدت معالم حسرتي خافي البوح
يضوي علي الليل حزنٍ علـى حـزن
نور النهار وبسمتي يخفـي جـروح
ماكني من الأنس ولامسّنـي جـن
ولاني مع الحييـن ولافاقـد الـروح



- - -

اترك باقي التعليقات عليكم ,,,

[overline]ملاحظه : اللي صورني ,,, ظبياني صغيرون ,, واللي مصورينه ,, اناااه ,,, > أللي هو قآيد الحلويين هههه ,,[/overline]

وادري ادري ,, > لو انا هب موجود فالصور ,, ولا صوره ظهرت حلوه ,صح هههههههههه ,,

اتمنى اشوف التفاعل اللي يفرح ,, عسب نكمل ,, > ونزل اجزاء يديده ,, لول > هذا لو عيبنا الموضوع ,, وردودكم ,,

والسموؤحـه

=

=