إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


قصص و روايات تهتم بالقصص المنقوله وقصص الاعضاء الطويلة والقصيرة

إضافة رد
 
LinkBack أدوات الموضوع انواع عرض الموضوع
  #1  
قديم 08-06-2014, 11:20 PM
عضو جديد
بيانات روحن تحبك
 رقم العضوية : 151729
 تاريخ التسجيل : Jul 2014
الجنس : Female
علم الدوله :
 مكان الإقامة : دبي دار الحيّ
 المشاركات : 31
عدد الـنقاط :100
 تقييم المستوى : 0
 رسالة SmS
سبحان ربي العظيم وبحمده

السلام عليكمـ
شحالكم ؟ شخباركم؟
اول شي .. انا وحده اعشششق القراءه ... و ابدا ما فكرت ف الكتابة .. بس من شهر تقريبا فكرت اني اكتب
وبتكون هاي اول روايه لي
((( ماتمنيت شي كثر شوفة عيونك )))
ثاني شي .. اطمح اصير شرات ضحيه حبيبي و معاني .. مش شراتهم يعني شراتهم .. بس يعني (اوصل لمستواهم) .. لان احلى رواايات قريتها روايات ها الاثنين .. و خاطري اتعرف عليهم .. لاني حبيتهم من رواياتهم
ثالث شي .. انا بنزل بارت وااحد من اول روايه اكتبها .. واذا حبيتو البارت و حصلت ردود ان شااء الله بكملها .. و اذا ما حصلت ف الرواية بتتسكر .. و بتريا اسبوع او اسبوعين *...*
رابع شي .. اممم اذا في روايه نفس القصه ! .. خبروني عشان خلاص ما اكملها =) ..
اخر شي .. لا احلل النقل بدون ذكر المصدر ليوم الدين >> واثقه الاخت انهم بينقلونها خخخخ
المهم ما بطوول عليكم
مع تحيات # روحن تحبك
كلام الكاتبه
__DEFINE_LIKE_SHARE__

التعديل الأخير تم بواسطة мѕ.ѠяЭǝиѕԋ™ ; 08-11-2014 الساعة 12:26 AM.
رد مع اقتباس
قديم 08-06-2014, 11:23 PM   رقم المشاركة : [ 2 ]
عضو جديد

بيانات روحن تحبك
تـاريخ التسجيـل : Jul 2014
رقــم العضويـــة : 151729
الـــــدولـــــــــــة : دبي دار الحيّ
المشاركـــــــات : 31 [+]
عدد الـــنقــــــاط : 100
الجنس : Female
علم الدوله :
الحالـــة : روحن تحبك غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

البارت الاول
ام عمار : وبعديين وياك
عماار : امييه مب اللحين ع الاقل عقب سنه
ام عمار : انزين بنخطبلك الحين و عرس عقب سنه
عمار : اماايااا ع شو مستعيله
ام عمار : مستعيله ابا اشوف عيالك قبل ما اموت
عمار : ييعل يومي قبل يومج" قام وباس راس امه " الله يخلييج لي وتشوفين عيالي و عيال عيالي بعد
ام عمار : اميين يارب
عمار : عمره 25يشتغل ف احدى الشركات .. واحد جميل حييييل يطيح الطير من السما .. ضعيف و معضل ع الخفيف يعني جسمه طرر .. شععره شرات شعر بن دراي خخخخ.. فرفووش وااايد .. و طيب بس ريال سيده ماعنده سوالف المغازله وجيه ويعطي ف الويه .. ولد وحيد بين اربع بنات .. خواته
اكبر وحده نوره عمرها 30 سنه متزوجه بس الله مارزقها ب عيال
نجاة عمرها 27 متزوجه و عندها ندى و حامل الحين ف الشهر الرابع
مها عمرها 20 سنه تدرس اداره اعمال
جواهر عمرها 17 سنه صف ثاني ثنوي
.
.
.
ام عمار : والله ها الولد ملوع جبدي مادري ليش مايبا يتزوج
بو عمار : خليه ع راحته
ام عمار : بس و الله حصه بنت واااايد زينه و ماتتفوت
بو عمار : و انا اشهد .. انزين ليش مايباها ؟
ام عمار : انا ما قلتله ان حصه الي ف بالي ..لان هو رافضض فكره الزواج
بو عمار : انزين انتي قوليله انها حصه و يمكن يوافق
ام عمار تتنهد : ان شاء الله
.
.
.
منصور يرتب شنطة السفر مالته ودخل عليه اخوه مايد
مايد : بتسافر ؟
منصور : هييه بسير قطر ويا الربع
مايد : هييه انزين
منصورر : ماشي تروحون و تردون بالسلامه
مايد : لا ماشي
منصور : ماااالت
مايد : يعني شو بيستوييلك مثلا
منصور : يممكن لاسمح الله بسم الله عليينا تطييح الطياره .. او يخطفونها
مايد : مينون تفاول ع عمرك
منصور : لا بس اقوول يعني لا سمح الله
مايد يسويله مالت
منصور .. ربيع عمار الروح بالروح.. عمره 25 .. يشتغل ف نفس الشركه الي يشتغل فيها عمار.. واااايد حلييييو .. جسمه وسط يعني لا متين ولا ضعيف ..شعره غليظ.. وعنده شبه قصه يستشورها ع ورى .. دمه واااايد خفيف والبنات يتخبلون عليه بس بعد شرات عمار مايسويلهم سالفه .. عنده بس اخو واحد و هو مايد
مايد عمره22 .. جميييييييييييييييل بكل معنى الكلمه .. يددرس عن الطاقه المستجده و المستدامه
.
.
.
عمار : لاتنسوون الساعه 11 تكونون ف المطار
وليد : انزين انزيين ما بننسى
منصور : انا مستغرب ان زايد بيخاوينا
زايد : هييه ترا بتسيرون قطر لازم بخاويكم
عمار : منو قص عليكم وو قال ان بنسير قطر ؟
وليد : انت بعد منو
عمار : انا قلتلكم الكوييييت ولا يبت طاري قطرر اصلا
زايد : عيل سافرو بروحكم
وليد : احسسن بعد
زايد : عيل والله اني بي
وليد :احلى واحد من ربعه .. وشراتهم بعد يشتغل ف نفس الشركه .. جسمه شرات عمار ضعيف و عضلاته ع الخفيف .. شعره لين تحت اذنه .. صوته طر يوم يرمسويغني .. ها بكبره استهبال ماتعرف متى يرمس جد ومتى يتمصخر .. وكل ربعه يحبونه ويلجأوله يوم يكونون مضايجين .. وليد عايش وحيد ابوه توفا قبل لا ينولد وامه توفت يوم كان عمره 10 سنوات .. وماعنده اهل ف جييه واايد يكسر الخاطر
زايد : ها شكله عادي مش حلو ولا خسف ..شعره نازل ع يبهته شوي ..معضل اكثر عن عمار ووليد .. يعشق شي اسمه ضرابه .. بشوش كله يبتسم .. عايش مع اخو واختين .. هو اكبر واحد من اخوانه
بعدين خواته التوم ميره ومهره عمارهم 15 صف 9
اخوه خليفه عمره 13 صف سابع
.
.
.
ف بيت بو حصه
حصه بنت خالة عمار .. فيها كل المواصفات الجميله شكليا و اخلاقيا .. هي واااايد حلوه .. و خلوقه و مؤدبه .. شخصيتها قويه . . وطييييبه بس مش لدرجه انها مغفله
حصه اصغر وحده من اخوانها عمرها 21 تدرس اداره معلومات صحيه
اخوها راشد اكبر عنها ب 5 سنوات يعني عمره 26 متزوج وعنده ولد
اختها ايمان اكبر عنها ب 7 سنوات يعني عمرها 28 بعد متزوجه و عندها ولدين
حصه ترمس ربيعتها بسمه
حصه : والله ؟!! مبرووووك
بسمه : الله يبارك فييج .. عقبالج
حصه تذكرت عمار : آميييين
بسمه : بس لا تنسيين لازم تحظريين الملجه
حصه : اكييدو انا ارووم افوت ؟
بسمه : ههههههه
حصه : ومنوو بتاخذين ؟
بسمه : احم بعض الناس
حصه : ابراهيم ؟
بسمه : هههههه هييه
حصه : كششششخه يلا الله يوفقكم
بسمه: آمييين يارب .. وياج
حصه : متى الملجه ؟
بسمه : قلتلج ترا الاسبوع الياي
حصه : الملجه الاسبووع الياي ؟ ولا حفله الملجه
بسمة : هييه انتي قصدج الملجه الملجه .. الملجه الله يسلمج باجر
حصه : يلا بالبركه ان شااء الله
بسمه ربيعه حصه بس اكبر عنها ب سنتيين .. تشتغل ممرضه .. حصه تعرفت عليها يوم كانت صف 6 بسوم كانت صف 8 و لانها ماكنت وايد تحب سوالف بنات صفهم كانت ترابع الي اصغر منها و منهم حصه الي صارت ربيعتهها الروح بالروح .. بسمه انسانه تتمنى يكون عندها اخو .. لانهم 4 بنات
بسمه عمرها 23 اكبر وحده
شوق عمرها 19
ريم عمرها 16
خوله عمرها 14
.
.
ف المطار وليد و منصور سايريين يشترون حلويات و خرابيط .. و عمار وزايد تمو يتمشون .. بعدين شافو وليدومنصور ياين صوبهم .. ف راحو كلهم ويلسو ع الكراسي يتريونهم يعلنون عن رحلتهم .. وكان في بنتين يالسين ع الكراسي الي صوبهم و وحده قاعده تطالع عمار و ماخوزت عينها عنه .. وعمار كان يحاول يسوي روحه مايشوفها وبعديين يطالعها شوي و هي موووول ما تخوز عينها عنه
منصور بصوت واطي : اييه عمار شوف هاييج كيف تبحلق فيك
عمار بصوت عالي : قله ادب شو نسوي
وليد : ههههه مسكينه شكلها انعجبت فييك سولها سالفه
عمار عاقد حياته : وع ماشي شغل اسوي سالفه حق ها الاشكال
وليد : امززح
زايد : ايييه شووف هاييج الثاانيه بعد تطالعك
عمار رفع عينه وشافها صدت : ع الاقل هاي اهون يوم شافتني اطالعها صدت
زايد : ترا البنت حلوه ياخي
عمار : حلوة ف عينك
" بعدين راحت بنتو خلت البنت الي تطالع عمار بروحها و هي بعدها مبحلقه "
عمار : ترا الي خلقني هوو نفس الي خلقج ... يعني لا تميين تبحلقيين .. جنه ماشي غيري يالس ع ها الكراسي .. انزييين ع الاقققل ع الاقل يوم بشووفج لفي سوي عمرج تستحيين شرات ربيعتج او اختج مادري منو هاي .. ترا والله يمدحونها الركاده ... وبعديين استحي ترا الحيا زيين .. يعني لا تعرفيني ولا اعرفج حق شو مبحلقه انتي ؟!!! .. يمكن مشبه ترا انا مش بن دراي .. وبعدين الله يخلق من الشبه اربعين .. بس اذا تقصدين شي ثاني ف جلبي ويهج.. ولايكون عبالج اني انعجبت فييج ؟! لا احلمي .. صح ان ربعي قالو عنج جميله بس انا لاا ..ترا جمال البنت ف حياها.. يمكن الف واحد بينعجب فيييج بس انا احلميي .. بلاج عنبووو بعد كل الي يالس اقوله و بعدج تطالعيين ؟ ... صمخه انتيي !!
البنت << ها ليكون يقصدني ؟! يمككن >>
بعد شوي يت البنت الي كانت ياها و معاها بنت ثانيه
منصور : ايييه هاي مش ميثه الي ويانا ف الدوام
زايد : ههييه صح
عمار : الحيين شوفو ميثه كييف وهاي الي تبحلق كييف
وليد : اعووذ بالله انت ليش حااط عليها مسكيينه يمكن عميه
عمار : بلا مصخره قال عميه قال
" اعلنو عن رحلتهم و قامو و عقب قامو ميثه و الي ويياها مسكو ايد البنت الي
كانت تطالع عمار"
عمار نزلت دمعه من عينه و تم يطالعها و هي تروح .. بعدين دق منصور
منصور : بلااااك !!
وليد : بلاك ولا محول
عمار : شووفووو مسكو ايدها
زايد : يعني؟!
عمار : شو يعني ؟ يعني صح كلام وليد
وليد : سبحان الله حسيييت
عمار : تعاللو يلا اعلنو عن رحلتنا خ نسيير
زايد : وين بنسير نحن
عمار :قطر بعد ويين
وليد : ها الي بييه طراق الحين ..كويت ولا قطر
عمار : والله قطر
" قبل ما يوصلون الطيارة كانو صوب قوم ميثه "
عمار : اقولكم بنسير نسلم ع ميثه
" وقاموا ع اساس يسلمون ع ميثه .. ميثه يوم شافتهم ياين صوبهم ابتسمت "
عمار : حيا الله ميثه
ميثه : الله يحييك
منصور : شحالج ؟
ميثه : تمام انت علوومك
وليد : ها وين سايرين ؟
ميثه : قططر
زايد : اوووه شراتنا
عمار : ماقلتيلنا منو الخوات
ميثه تاشر ع الاولى : هاي اختي اسما "بعدين اشرت ع العميا " و هاي روضهاختي .. "ترمس خواتها " ها وليد و ها منصور و ها زايد و ها عمار
عمار : انزين اختي روضه ممكن اقولج شي
روضه : آمر
عمار : اذا قلتلج اسف بتقبليين !!
روضه استغربت : اسف ع شو ؟
عمار : سامحيني ترا ظنيت فيج ظن سووء.. تحريتج تطالعيني و انتي قصدج شي ثاني ما كنت ادري ان " وسكت "
روضه : يعني الكلام الي قبل شوي انت كنت تقوله ؟
عمار نزل راسه : هييه و انا اسف ..
روضه ابتسمتله : لا عادي
زايد : يلا الطياره بتطير
ميثا : انزيين سيرو
وليد : وانتو ؟
اسما : نتريا اخوي
منصور : انزين الحين انتو قووموو شعندكم واقفين هني خ نسير
.
.
.
ف الطياره
منصور وزايد و يدامهم وليد و عمار .. يدامهم ميثه وروضه ويدام ميثه وروضه اسمه وعلي
طارت الطياره و كان الوضع هادي و فجاه يت مطبه هوائيه
زايد : حسبييي الله ونعم الوكييل علييه من طياار طيح حمامه فوادي
كلهم ضحكوو
منصور: خخخخخخخخخخخخ ياهل تخاف من طياره ؟
زايد : هيه ياهل هاي مطبه عنبوو
عمار : انزيين منصوور عطني شي يحطونه ف الحلج
منصور : تبا فار ؟.. ترا يستوي تحطه ف حلجك
عمار : اونك تنكت يعني
وليد : يعني اذا انت غبيي نحن شو نسويييلك .. شو شي يحطونه ف الحلج
عمار : شي يحطونه ف الحلج بعدين يعلجونه عقب يبلعونه
زايد : لا ماعندنا ما عندنا
عمار : انت منو رمسسك ؟ّ! انا ارمس منصصوور
منصور :ما عندي انا
عمار : سرتو خميتو سوق الحره كااامل و تقولون ما عندكم شي
منصور : ماعنديي
وليدد : لاتذل عمرك انا بعطييك
عمار : والله انك ربع
زايد : انك؟ و ربع !
عمار : كييفي
.
.
.
روضه : هههههههه خبايل
ميثا : ماشفتي شي بعدج =)) هاييل كل يوم جيه
روضه : ههههههههه كشخه
ميثا : هيييه انا ماصدق يقولولي سيري ييبي ششي من عندهم اتخببل يضحكوون .. وبعديين بيني وبينج " ترمس بصوت واطي " انا منجذبه ل وليد وواايد بعد
..
وليد سمعها <<شو قالت ؟ .. منجذبه ليي ؟؟ .. يمكن يتهيأ لي >>
روضه عمرها 22 .. حلوووه و واايد بعد .. ضعيفه بيضه خشمها سيف .. شفاتها ضعيفه و طويله يعني مش متينه يعني انتو افهموا قصدي .. اخت اسمه و علي من الام .. و ميثه بنت ريل امها بعديين بنعرف السالفه
ميثه عمرها 25 .. ملامحهاا جميله واكثر شي عيونها .. بس فيها شي يجذب الكل لها و محد يعرف شو ها الشي .. يعني الي يعرفها يحببها سواء بنت ولا ولد
علي عمره 18 وسيم حييل .. ثنويه عامه ..بس يروم يتحمل اللمسؤوليه .. واجتماعي يعني يسولف مع اي حد
اسما عمرها 14 اممم ملامحها طفوليه .. و طيبه واايد .. و وااايد تشبه علي ..الي يشوفهم يقول توم
وباقي اخوانهم بعديين ان شاء الله
.
.
ف الامارات
ام عمار : مادري بعده ميبس راسه
ام راشد " ام حصه " : صبري علييه بعده صغيير وبعدين مش بسهوله تحصلين بنت الحلال الزينه حقه
ام عمار : حصللت بنت سنعه و ادب و اخلاق و جماال
ام راشد : بنت منوو
ام عمار : بنت ناس عزييزيين علليه .. يوم بيستوي الشي بخبرج
ام راشد تضايقت بس ما بينت : ان شاء الله
.
.
.
اليوم الثاني
ف بيت ابوو بسمه
بسمه ترتجف و هي توقع ع الدفتر .. و بعد معااانااة و قعت .. بو بسمه يحبها ع راسها
ابوها : بالبرركه بنتي
بسمه بحيا : الله يبارك فييك
وراح ابوها عشان يودي الدفتر الميلس و قوم امها تمو يببون و حاله
و بعدين قالولها تسير الميلس عشان تشوف ريلها
بسمه : الله يخلييكم ما برووح
شوق : هههههه اول مره اشوف بسووم مستحيه
بسمه : مشش وقتج انتي الثانيه
ريم : يلاا عااد بسووم
بسمه : انتي جب ... "تطالع امها " .. امييه مااباا الله يخلييج
ام بسمه : شوو ما تبيين ؟ .. مب ع كييفج ققوميي .. عيب الريال يتريا
بسمه تتنهد : خلااصص ش سويي .. امري لله
مشت للميلس و هي تحس خطواتها صعبه وااااايد اوييد شي >> ماعليكم من كلامي بس انتو افهمو
حصلت ابوها واقف صوب الميلس يترياها عشان يدخلها
ابو بسمه : ويينج
بسمه ابتسمت
ابوها دخلها داخل و هي تمت منزله راسها .. و ريلها ( ابراهيم ) يوم شافها دشت وقف
ابو بسمه ابتسم و خلاهم بروحهم و طلع
بسمه واقفه عند الباب
ابراهيم : بتمين هناك ؟
بسمه :..
ابراهيم : شفيييج تعالي قرييب ما باكلج قسم بالله
ببسمه مشت ببطئ و سارت صوب الغنفات الي مجابلتتنه
ابراهيم : ماشي مبروك ؟!
<< مش جنه هو الي لازم يقوول >>
بسمه بصوت وااطي : مببرووك
ابراهيم يبتسم : الله يبارك فييج
ابراهيم سار صوبها و مد ايده..وهي واقفه من كثر الربكه ما تعرف شو تسوي تمت تتامل ايده .. وها كلهو هي بعدها ماشافته لانها تتطالع تحت
ابراهيم يبتسم : ما بتسلمين
بسمه رفعت راسها : هاه
و اننصصددممت موول ما توقعت انه يكون جميل لها الدرجه وتمت فاجه عينها و حلجها تطالعه.. شرا البقره الي شايفه حريجه .. هي شافته قبل بس ماكان وايد جميل
<< ها انسان و لا ملاااك . . هاا جد مش طبيعيي .. شكله وااايد تغغير >>
ابراهيم ابتسم
بسمه حست وردت نزلت راسها
ابراهيم نزل ايده : شكلج ما تبين تسلمين
بسمه مدت ايدها : لا بسلم
ابراهيم ابتسم
بسمه افتشلت
.
.
.
علي : دشووو دشووو لا بارك الله فيكن من بنات
روضه : هههههههههههههه
اسما : والله محد قالك تعنى وييبنا .. جان خليت ذياب يي ويانا و افتكييت
علي : كنت بخلييه بس المشكله انا اخوكم العوود
ميثه : تبقى اصغر عنا
علي : مش جنكم يايين هني عشان تزورون خالووو ؟
روضه : هييه لااه .. حق شو تحوطنا
علي : تسالووني اناا ؟! اسالوو عمااركم .. انا بسير ارقد و المغرب بتسيروون بيت قوم خالوو سمعتو ولا
ميثه : ان شااء الله ي اخوونا العود
علي : هيييه جييه ابااج تسمعين الرمسه
ميثه : ماشي شغل اسمع كلامك انت بعد !!
علي : اووه انتوو ما بتخلصوون .. اسير ارقد احسن
.
.
.
عمار : خلووووني ارقد
وليد : بتندق والله .. يايبنا هني عشان ترقد
عمار : اظهروو رووحكمم خلووني انا
زايد : شو نخخلييك روحك .. يمكن يخطفونك
وليد : ههههههههههههه حلووه هااي شو يخطفونه
عمار : بررررررررع
منصور : ولللي انزيييين بنطلع نحن ما يخصنا فييك
عمار : اطلعووو فكووونييي
زايد : اخااف عليييك
وليد : تخاف عليه !! .. تم وياه
زايد : لا خلاص بي وياكم
وليد يطنز عليه : لاا تم ويااه عن حد يخطفه
زايد ابتسم : جب جب
.
.
.
بسمه : اقوولج حصوو حبييته من الخااطر
حصه : ههههههههههه انتي من قبل تحبينه اصلا
بسمه : جب
حصه : و تحقق حلمج الي من اول ما تعرفت عليج و انتي تتمنينه
بسمه : الحمدلله عقبال ما تاخذيين عمار
حصه : آامييييييين
.
.
.
علي : انتووو ناوييين تذبحوونيصح ؟
اسما : هييه ناويين نذبحك
علي : والله فشلله .. انا قلتلكم برقد وانتو تجهزو " رن فونه " هااذي خالو تتصل
روضه : انزين خلاص علاوي قولها ان نحن تعبانين و جيه
علي : انزييين .. الو هلا خالو .... لا ترا البنات تعبانين ان شاء الله باجر ... لا بس مصدعين شوي.. هيه اكييد .. خلاص ان شااء الله ... ان شاء الله .. ان شاء الله.... يلا فمان الله " وسكر "
روضه : شوو
علي : زييين جييه قالت انها بتي تشوفكم
اسما : اوووف انا مب متفيجه اسير اليوم والله .. امل يوم اسير كلهم كباار
علي : محد قالج سيري .. انا قلت ان هي الي بتي
اسما : حتىى ولو اليوم ابا ارتاااح
علي : اسستهبل ترا هي قالت انها بتي عقب يوم قلت انكم بس مصدعيين قالت خ يرقدون
ميثه : اسستتغفر الله .. وانت ما تعرف ان الجذب حرام
علي : لا والله!! خلاص عيل قومي بوديج
ميثه : اسيير روووحي ؟ استحيي
علي : عيل جب .. يلا باي انا بطلع لوعتو جبدي
روضه : اصغر عنا و يتفلسف
علي : يااهي مذذذله .. اصغر عنكم ولا اكبر عنكم اهم شي اني انا الريال
روضه : هههههه انزيين اعصاابك
علي : تبون شي ؟
اسما : هييه ابا جلكسي
علي : الناس يقولون سلامتك
اسما : اوووه ابااا جلكسي شو ابا ف سلامتك انا
علي : اعووذ بالله ولاجني اخوها .. انزين موثي ورواضي ماتبون شي ؟
روضه : انا ابا شوارما
علي : كفتريا ابوج يبيعشوارما الحيين ؟
روضه : اوووه مابا شي خلاص
ميثه : ولا انا
علي : اححسسن .. ييلا مع السلامه " وطلع "
.
.
.
عمار : منصوووووووور .. وليييد .. زيوووووووود .. طع وينهم
شل فونه و دقلهم
عمار : ويينكم انتو
منصور : نتحوط ف السياره
عمار : تستهبلووون !! .. ليش ما توعووني ؟!
منصور : مووول مااوعيناك
عمار : لااه
منصوور : والله .. حتى رغتنا وقلت برايكم اطلعو بدوني
عمار : الله لااا يسامحكم
منصور : ههههههههه
عمار : جبب بااي
منصور : بااي
زايد : شو السالفه
منصور : ماشي بس خطفووه
زايد : ياخي كنت اممززح بيذلووني الحين
منصور : اسسكت شووف ها المتحمس
وشافو وليد الي مغمض عيونه ويالس يغني و يرقص و مايخصهفيهم مووول
منصور : ولووود اعصااابك
وليدطاااف
زايد : خله خله
.
.
.
عما سار سبح و بدل عقب طلع و سار صوب اللفت .. وحصل واحد
عمار : السلام عليكم
الولد ابتسم : وعليكم السلام
انفتح اللفت و دشو اثنيناتهم
عمار << احسه يشبه اخت روضه .. اوكيه يشبهها و انا شلي راز ويهي >>
وبعدين طلعو وكل واحد منهم سار سيارته
.
.
.
ف بيت بو علي
آمنه تدخل الصاله
بو علي : تعالي آمنه حبيبتي
آمنه ابتسمت و سارت عند بو علي " الي هو ريل امها "
بو علي : شحااج
آمنه : بخير
بوعلي : دووم ان شااء الله
آمنه : بابا ابي ارمس رواضي و موثي و اسوم
بو علي : ان شااء الله تامرين امر انتي
" بو علي مش ابوها بس يحبها و يعاملها جنها بنته "
آمنه عمرها 25 .. متلازمه الدام .. عشان جيه كل حد يحبها .. اصلا هي طيبه و ف حالها
دق بو علي ع ميثه
ميثه : هلااا والله
بو علي : اهليين
ميثه : فديييت ها الحس
بوعلي : يفدااج حبيبتي .. شحالكم ؟
ميثه: الحمدلله
بوعلي : وشخبار خواتج ؟
ميثه : الحمدلله
روضه : سلمي علييه
ميثه : ابوي.. روضه تسلم عليك
بو علي : الله يسلمها .. انزين هاج آمنه تبا ترمسج
آمنه : السلام عليكم
ميثه : منااايه حبيبتي شحالج
آمنه : بخيير
ميثه : اشتقنااالج
آمنه : تتعاالو بسسرعه
ميثه : ان شاااء الله حبيبتي
آمنه : ويين روااضي
ميثه : دقييقه
"المهم رمسوها شوي وجييه "
تبوون تعرفوون قصتهم ولاا ؟ ... اصلا حتى لو ما تبون بخبركم =))
" اممم الله يسلمكم .. ابو روضه كان يبا عيال و امهم كملت سنتينومايابت عيال .. و بعدين يابت آمنه و طلعت متلازمه الدام .. انقهههر وااايد .. بس قال انه بيصبر يمكن الله يرزقه ب بنت او ولد غيرها .. و تريا عقب سنتين او ثلاث تقريبا .. ويابت روضه الي يوم اكتشف انها عميهعصصب و طلق امهم
و بعد فتره اتزوج وحده كويتيه و راح عاش ف الكويت .. اما ام آمنه ف تزوجت بو علي الي بعد كان متزوج .. و مرته يابت ميثه وبعدها بسنه تقريبا توفت .. ام علي"الي هي ام امنه " بعد ما تزوجت بو علي يابت علي و اسما و ذياب .. بو علي مثل ما قلتلكم يحب آمنه و روضه ويعاملهم شرات ما يعامل ميثه واسمه .. و ام علي بعد تحب ميثه وااايد.. و الاخوان واااااااايد يحبوون بعض
.
.
.
دشو الفندق و وصلو صوب اللفت
عمار من وراهم : هاا الخوونه
وليد : بسسم الله
عمار : شايف يني
ولييد : طبعا
عمار اطالعه بنظره خايسه
زايد : يمااا ش ها النظره تخووف
عمار بعده يطالعهم ب ها النظره .. بعدين انفتح اللفت و دشو وهو بعده واقف برع يطالهم
زايد سار صوب الازرار مال اللفتو دق ع ها السهم الي يسكر الباب " و تسكر "
عمار : ايييييه.. هاييل صج يستهبلوون
بعدين وصل اللفت الثاني و دخل. . و يوم طلع حصل الواحد الي ركب وياه اللفت العصر واقف عند باب الشقه الي صوب شقتهم.. طلع بطاقه الشقه من جيبه و طاحت بيزاته .. عمار سار صوبه
عمار : لو سمحت اخوي
الولد اطالعه و ابتسم : هلا
عمار نزل شل البيزات : فلوسك طاحت
الولد ابتسم : مشكوور
عمار ابتسم له : العفوو
.
.
.
ابراهيم : تبين الصج .. احسها احلوت اكثر عن قبل
عواش : هههههههه انت ش ذكرك الحين ف شكلها .. اول و اخر مره شفتها فيها قبل عشر سنوات
ابراهيم : مايقولون " و يغني " بروزت طييفك في خيالي آماني .. يا مرتسم ما بين جفني و عيني .. ماشفت مثلك ف البشر حد ثاني .. انت الوححييد الي تحلي سنيني
عواش : جب جب ويا ها الصوت الارف
ابراهيم : احلىعن صووتج
عواش تغني : يشبعوووبك .. مادرووو عن عيووبك .. يلي عنيي ابعدووك .. صرت ثا..
ابراهيم يقاطعها : خلاااص جبب
عواش : ما تعرف ان عيب تقاطع الي اكبر عنك
ابراهيم : اكبر عنك اونه .. مالت عليييج و ع وييهج
عواش : ايييه لا تسبني لا تنسا ان لو مش انا جان ماتزوجت بسووم
ابراهييم : لااا حلفي انتي بس .. قصدج لو مرشد ما كان متزوج لطيفه .. جان لا انتي رابعتيها .. ولا انا تزوجتها
عواش : انزييين بس بعد لاني انا رابعتتها
ابراهيم : رابعتييها عقب ما عرفتي انها بنت اخت لطييفه
عواش : انزييين خلاااص اوووف
.
.
.
الدكتوره : للاسف مافي امل
نورة : مووول مووول
الدكتوره : حاليا موول .. بس اذا ربج كتب ان شاء الله بتيبين
نوره بضيج : ان شاء الله
..
ركبت السياره وحطت ايدها ع ويهها .. و قعدت تصييح من الخاااطر .. تصييح بصووت عالي .. بصوت يعور القلب
عبدالله ريلها : نوااري " يمسح ع ظهرها " نوااري خلااص
نوره : عبدالله ماشي امل مووول .. يعني انا ابداا ما بييب عيال
عبدالله بعده يمسح ع ظهرها : منوو قالج .. اذا الله كاتب انج بتيبين محد يقدر يقول لا
نوره كملت صيحها
عبدالله : يلا عااد نواااري .. لا تصيحين ماحب اشوفج جيه
نوره سكتت و مسحت دموعها : عبدالله انت تبي عيال
عبدالله :...
نوره : هييه ولا لاء جاوبني
عبدالله : خلااص نوره .. سكري ع السالفه
نوره : تبا ولا جاوبني اول شي
عبدالله : قلتلج سكري السالفه
نوره تصيح : مااباا اول شي جاوب .. تبا صح
عبدالله :..
نوره تصارخ : ليييش ساكت
عبدالله : نوره حبيبي اهدي
نوره : انزيين جاوب بهدا
عبدالله بعد سكوت طويل : مافي ريال ف الدنيا ما يبا عيال
نوره : انزييين تزوج علي
عبدالله : خيير
نوره : والله انا موافقه .. تزوج علي .. ييبلك حرمه تيبلك ولد
عبدالله : نوره اسكتي
نوره: والله ارمس جد .. و انا والله ما بقولك شي .. ولو تبا انا بسير ادورلك ع حرمه
عبدالله : قلتلج اسسككتي
نوره : لييييش تسكتنيي
عبدالله : نووره بترمسين عن شي ثااي ارمسي .. بس اذا ما بتغيرين السالفه اسكتي احسسن
نوره : عبادي انا ابي سعادتك
عبدالله بعصبيه : نوووره بتسكتين ولا اضربج
نوره : لييييش تسكّتنيي انزييين
عبدالله : انسي سالفه اني اتزووج فهمتيي ولا .. انااا احببج انتي و ما برووم اعدل .. وربي بيحااسبني لاني بظلم بنت الناس وياي .. واذا الله ما رزقنا ب عيال انا رااضي ب حكمه ربج .. دامج انتي وياي مابي شي ثاانيفهمتي ولا
نوره : واناا بعد احببك و ابي سعادتك
عبدالله : سعادتي وياج انتيي .. صح اني ابا عيال .. بس عيااال مننج انتتيي .. ابااا عيااال لانج انتي بتكوونيين يايبتنهم .. وخلاااص سكري السااالفه قلتلج
نوره تنهدت : ان شاء الله
.
.
.
__DEFINE_LIKE_SHARE__

من مواضيعي
0 وهم -محمد الشحي -
0 ماتمنيت شي كثر شوفة عيونك

  رد مع اقتباس
قديم 08-06-2014, 11:26 PM   رقم المشاركة : [ 3 ]
عضو جديد

بيانات روحن تحبك
تـاريخ التسجيـل : Jul 2014
رقــم العضويـــة : 151729
الـــــدولـــــــــــة : دبي دار الحيّ
المشاركـــــــات : 31 [+]
عدد الـــنقــــــاط : 100
الجنس : Female
علم الدوله :
الحالـــة : روحن تحبك غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

روضه : اسووم .. اسماا
اسما : هممممم
روضه : قومي اذن العشا
اسما : انزيييين
روضه : قوومي
اسسما : خلاااص جب بقووم
ميثه تدخل : قووومي
اسما يلست : هاااا هااا قمت
ميثة : قووومي دشي الحمام
اسما : اوووووووف انزين " وقامت فرت مخده ع ويهه روضه وسارت الحمام "
روضه : ي العننننزز
ميثه : ههه خ تولي لااه
روضه : وين علاوي
ميثه : سار المسيد
روضه : هييه زيين " وتريت لين ما حست ان ميثه طلعت .. قامت عشان تسير تتوضا .. تبا تعتمد ع روحها .. وهي تمشي تخرطفت ب ريول الطاوله و طاحت "
روضه : اااااااااه
ميثه ركضت عندها : بسم الله عليييج .. شفييج
روضه تحاول تقوم : مافيني شي .. كنت ابا اسير اتوضا
ميثه : جان زقرتيني عشان اساعدج
روضه سكتت
حتى ميثه سكتت لانها تعرف ان روضه تحب تعتمد ع عمرها
اسما طلعت من الحمام وشافتهم ع الارض :بسم الله شو فييكم
ميثه : مافينا شي .. يلا روضه قومي حبيبتي " و قومتها "
.
.
.
ام عمار : حبيبتي انتي بعدج صغيره ليش مستعيله
نوره : امييه قالولي مووول ماشي امل
نجاة : لا يقصون عليج .. ياما ناس قالولهم ماشي امل و الحين عندهم عيال
نوره : مادري انا احس اني ما بييب
مها : انتي ماعندج ايمان بالله
نوره اطالعتها
مها : انتي ادعي و ان شااء الله ربي بيرزقج
جواهر : ماعندج سالفه تبين عيال .. لاحقه ع الشقى حبيبتي
نوره : يووم بتعرسين و بتشوفين كيف ريلج يعشق اليهاال و متشفق ع يااهل ما بتقولين جييه
ام عمار : ليش عبدالله قالج شي ؟
نوره : لا .. بس انا اعرف ان خااطره ف ياهل .. و انا قلتله يتزوج .. يمكن وحده غيري تييبله عيال
مها شهقت : حسبي الله ع ابليسج .. و شو قال
نوره تتنهد : قالي اسكتي
نجاة : خلاص عيل اصبرري و ان شااء الله ربي يرزقج الذريه الصالحه قولي آمين
الكل : آمين
.
.
.
ابراهيم : انزيينبسالج سؤال
بسمه : اسال اساله
ابراهيم : كييف تبين معاملتي وياج تكون ؟
بسمه : امممم اباك تعاملني جني اختك
ابراهيم : لاااوالله
بسمه تبتسم : والله .. لان انا ها الشي الي كنت اتمناه و ماحصلته
ابراهيم : ..
بسمه : دووم ربعي كانو يرمسون عن اخوانهم و ضرايبهم و مغامراتهم .. كنت احس ان احلى من اخت و اختها .. حلو الشي يوم الاخو يمصخر اخته و يضارب وياها و يعيب عليها
ابراهيم : ههههه عادي بعوضج بس بكون ريلج .. يعني بضارب وياج و بمصخرج شرات ما اسوي ف عواش اختي .. بس بتكونين مرتي
بسمه : هههههه انزيين
ابراهيم : امممم بسالج سؤال ثاني
بسمه ابتسمت : اسال
ابراهيم : شو كان احساسج يوم شفتيني قبل عشر سنوات لمايينا بيت يدج عشان لطيفه ربت
بسمه : اممممم تبا الصج
ابراهيم : طبعا
بسمه : اخاف اطيح من عينك
ابراهيم : والله ما بتطيحين
بسمه : ايييه لا تحلف بيتم ف ذمتك
ابراهيم : انزيين قولي
بسمة : اناا من قبل ما اشوفك و انا اتمنى انك تكوون ريلي .. و حتى يوم شفتك ماكنت اعررف ان ها انت .. بس ساعات كنت اسمع خالاتي يقولون تخيلو ابراهيم اخو مرشد يتزوج بسمه .. ف كنت اقوول يااارب تكوون ريلي
ابراهيم : ههههه انا يوم كليت المعكروونه هااك اليوم تخبلت علييها .. و بعديين يوم شفت البنت ام مخور و شغاب ازرق تخبلت ع البنت .. و يوم مره كنت ياي ويا ابوي و مرشد اخوي لانه ابوي كان بيسلم ع يدج .. وانا تمييت ف السياره .. و وحده الله يستر عليها تتمشى ف الحوش و ترمس ممادري منو ف الفون بس كانت تغني ماترمس و ماتعرف ان في حد ف السياره .. تخبلت ع صووت ها الانسانه .. و عقب اكتشفت ان المعكرونه انتي مسوتنها .. و البنت الي شفتها انتي .. و الصوت الي سمعته صوتج ..ف تخببببلتت .. ين ينوني
بسمه : متى سمعت صووتي ؟
ابراهيم : قبل ما تشوفيني و اشوفج
بسمه : وااااي فشششله
ابراهيم : خ اشووفج تعيدييين ها الحركه بتموتين نفس اليوم
بسمه : ياخي كانت حركات يهال
ابراهيم : هييه زيين
.
.
.
عمار : ولييييد هاات لابك
وليد : ليييش
عمار : هاااات ياخي
وليد : شو تبا فيه
عمار : ياهي مذله .. هاااته بنشووف فلم
وليد : من ويين بتيب فلم ؟
عمار : اناااا هااك اليوم نزللت هاات
زاايد : ياااخي يقوولك هاات عطه بدوون ما تسوي تحقيق
منصور : وانت ليش راز فيسك
زايد : انت شخصك فيني
وليد : هاك .. ويييت الجراجه مش موجوده
عمار: احللف
وليد : دقييقه بدوره " وتم يدوور " مش موجود .. انزيين منصور انت يايب لابك ؟
منصور : لا انا يايب الايباد بس
عمار : هاااته هاااته
زايد : انا ابا اعرف انت لييش تشتحت وين لابك ؟
عمار : لابي خربان .. و ماياي ع بالي اييب الايباد
منصور : مافيه جرج
زايد : جرجه بعد شوو
منصور : مش يايب جراجه
عمار : هاااك جرج ب جراجه فوني
زايد : تستهبل !! .. انت فونك ايفون 5 و جراجته غير جراجه الايباد
عمار : اووه نسييت
منصور : بسير اشتري جراجه يديده
زايد : بي وياك
وليد : حتى نحن بني نخاف يخطفونا
زايد : بتنندق و ربيي .. ترا قلتلكم كنت اسوي سوالف
منصور سحبه : امشش انت خ يولي
.
.
.
<< روضه .. بس اي واحد منهم الي اعتذرلي .. احساسي يقولي انه عمار .. احسه وااايد زييين .. وانا لييش افكر فييه .. آآه ياربي >>
طلعت من الحجره
روضه : علااوي
علي : عيوون علااوي
روضه ابتسمت : لااا شكلك رايق
علي : بسرعه شو تبين دام عرفتي اني رايق لان انا مزاجي ف دقيقه ينجلب
روضه : يماا منك .. انزيين ابي اشم هوا
علي : شمي
روضه : ايييه عااد لا تستهبل .. ع الاقل بس حوالين الفندق
علي : اوكيه قومي يلا
.
.
.
عمار : ولوود
وليد : هااه
عماار : ياخي كله افكر فيها
وليد : ف منوو
عمار : روضه ؟
وليد : قصدك روضه العميه ؟
عمار : هييه .. مادري شفقه ؟ ... و لا تانيب ضمير لاني ظلمتها ف المطار .. ولا يمكن شي ثاني
وليد : شيثاني ؟ كيف يعني
عمار : ماعرف
وليد : يمكن حب ؟ او اعجااب
عمار : ماظن ... لان انا مش من ها النوع
وليد : مافي انسان ما يحب .. يعني انت تحب .. لان الحب مش حرام اذا كان ب نيه صافيه .. لانك انت ما تروم تتحكم ف قلبك .. في ناس يدخلون قلبك و انت ماتعرف كيف دخل وليش دخلو .. جيه فجاه تحس انك حبيتهم
عمار : ماعرف بس ما اظن انه حب
وليد : يممكن !! .. و يمكن يكون اعجاب.. لان حتى انا ابا اتاكد من شي
عمار : شو هو
وليد : ابا اتاكد اذا انا حبيت هاييج الانسانه ولا مجرد اعجاب و لا بس لانيسمعت الي قالته
عمار : منو ها الانسانه ؟ وشوو الي قالته
وليد : سمعت ميثه تقول حق روضه ف المطار " انا منجذبه ل وليد و وايد بعد "ف ها الوقت قلب دق جيه بالقو .. ويوم نزلنا و جفتها بعد حسيت ان قلبي دق
عمار : كييف بتتاكد ؟
وليد : ماددري .. بس اننت سههل
عمار : كييف
وليد : اممم اذا جفتها .. شوق قلبك بدق بالقوو ولا ؟
عمار : و انا شدراني اذا بجوفها ولا
وليد : مادري
.
.
.
دخلو الفندق
زايد بصوت واطي : اييه صرصوور
منصور : صرصور ف عيينك شو تباا
زايد :شووف هاي هيي الي كانت تطالع عمار ف المطار ؟ اسمها روضه اظني
منصور : هييه صح
زايد : وييت لا تدش بنشوف ف اي طابق هم
منصور : وانت شللك
زايد : انت شخصك .. ايييه شووف شراتنا الطابق الرابع
منصوور : اقوول امش ما عندك سالفه و ربي
.
.
.
ريم ترمس شوق : مبروك باقيلج مادري سنه و بتتخرجين
خوله ترمس ريم: وانتي بعد مبروك بتدشين ثاني ثنوي
شوق ترمس خوله : وانتي بعد مبروك بتدشين صف تاسع
خوله تتنهد : يحليلي والله باقيلي 3 سنوات
شوق : عاااادي كلنا ترا درسنا 12 سنه ف المدرسه و بعدينن دشينا الكليه
خوله : عاااد انتي مستر عبقرينو ع طوول تخصصتي و بتتخرجين بسرعه بعد
شوق : قووولي ماشاء الله .. الله ياخذج الجنه
خوله : ويااج ياارب
ريم : و وياي اناا يااارب
شوق تطالع خوله : مشكله الي غصصب يرزون فيسهم
ريم : هههههه كييفي
خوله تطالع الساعه : مش جنه بسووم تاخرت ؟
شوق : لا ترا قالت انها يمكن ترد الساعه 12
ريم : والله ها الانساانه متفييجه .. ماعندها سالفه تشتغل ف المستشفى .. انا لو يعطوني مليون و يقولولي اشتغلي ف المستشفى ما اسويها
خوله : حبيبتي يوم بتشوفين المليون بتغيرين رايج
" دخلت بسمه البيت و هي حاطه ايدها ع راسها .. و اول ما فجت الباب طاحت "
كلهم ركضوو صوبها .. و خوله قعدت تصارخ
شوق : خولووه مش وقت صصراخج الحيين سيري هاتي عطر
خوله راحت بسرعه و يابت عطر .. ورشت شوق العطر .. ف فتحت بسمه عيونها
ريم : بسم الله شو ياج ؟
بسمه : ماشي بس تعبانه
خوله : لييش
بسمه تحاول تقوم لانها ع الارض
شوق مسكت ايدها و و قومتها
بسمه : طلعت من المستشفى و ع طلعتي دخلو واحد الطواري بكبررره دمم .. والله كل ما اتذكر احس مادري كييف
ريم : انت الله يهديييج حد قالج اشتغلي ف المستشفى
بسمة : خلااص تعبت شكلي بستقييل
خوله : متعبه عمرج و دارسه ؟ عشان اخر شي تقولين بستقيل
شوق : خلييها ع راحتها
.
.
.
زايد : عماااروه
عمار : هاا
زايد : تتوقع منو شفنا يوم نحن رادين ؟
عمار : شو قالولك ساحر ؟ شدراني انا
زايد : قلتلك توقع !!!
عمار : خدامتكم ؟
زايد : ماعندك سالفه والله .. خلاص ما بخبرك
منصور : انا بخبرك .. شفنا روضه اخت ميثه
وليد : وين شفتوها ؟
منصور : دشت الفندق هي و اخوها اظنن
زايد : و نفس الطاابق بعد
وليد يطالع عمار : سبحان الله
عمار : انزيين شو يعني
وليد : مادري
زايد : ماالت عليكم انا الغبي الي ياي اقولكم شي مهم
عمار : شو المهم ف الموضوع !!
زايد : مادري بس مهم
عمار : اسكتو اسكتو خ نرقد
وليد : عنبووو حياته كلها رقااد
عمار : جبب
منصور : و نحن تعنينا رحنا خذينا جراجه عشان حظرتك ترقد ؟
عمار : باجر بنشوف الفلم ان شاء الله
منصور : سخييف واحد
عمار اطالعه و ابتسم بس ماقال شي
.
.
.
وهاا هوو الباارتالاول
عيبكم و لا ؟ .. يلا ويتنق *...*
__DEFINE_LIKE_SHARE__

من مواضيعي
0 وهم -محمد الشحي -
0 ماتمنيت شي كثر شوفة عيونك

  رد مع اقتباس
قديم 08-07-2014, 08:16 AM   رقم المشاركة : [ 4 ]
عضو فعال

الصورة الرمزية دااانه غير

بيانات دااانه غير
تـاريخ التسجيـل : Aug 2011
رقــم العضويـــة : 133871
الـــــدولـــــــــــة : في دارن مابه عاشق من لندن يساويها
المشاركـــــــات : 378 [+]
عدد الـــنقــــــاط : 1942
الجنس : Female
علم الدوله :
الحالـــة : دااانه غير غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

روعه الروايه عجبتني الإحداث واايد حلووهه
اتمنى انجج تكملينها وان شاء الله اكون دووم من مشجعينجج
وخلي الكرسي لي دووم اوكي <<ههه طرارهه وتتشرطط
المهم عجبتني الشخصيات
بس نصيحهه كثفي الحوار خلي فيها اكشن حزن ضحك
روضه غمضتني هالبنت بس فديتهاا تبي تعتمد على نفسها
عمار كرهتك للحظات بس عرفت انك انسان طيب
ميثه احسها شخصيهه قياديه
زايد حرام ليش جي يعاملوونهه احسهه سخيفف ومغلوب على امرهه
وليد جو ثاني مال دقيق وتصفيق
منصور لاتعليق
بسمه الله يوفقها هي وبرهووم احلى شي المعكرونهه
حصهه احسها يوم بتعرف ان عمار بيحب رووضهه بتخرب شي جي


واخيرا
فالإنتظار


تحياتي
داانهه
__DEFINE_LIKE_SHARE__

من مواضيعي
0 ما يذلني شوق مخلوق للطين عايد ,, دامه رضى بعدي صار بعده يوم عيدي
0 ~ رح للذي خلاك تاج على الراس .. و اعلم اني تاج راسك و راسه ~
0 قصه روعه دخلوها بتستفيدوا منها
0 الغريب
0 عيد الحب ارجوكم ادخلوو

  رد مع اقتباس
قديم 08-07-2014, 08:38 AM   رقم المشاركة : [ 5 ]
عضو جديد

بيانات روحن تحبك
تـاريخ التسجيـل : Jul 2014
رقــم العضويـــة : 151729
الـــــدولـــــــــــة : دبي دار الحيّ
المشاركـــــــات : 31 [+]
عدد الـــنقــــــاط : 100
الجنس : Female
علم الدوله :
الحالـــة : روحن تحبك غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

المشاركة الأصلية كتبت بواسطة دااانه غير مشاهدة المشاركة
روعه الروايه عجبتني الإحداث واايد حلووهه
اتمنى انجج تكملينها وان شاء الله اكون دووم من مشجعينجج
وخلي الكرسي لي دووم اوكي <<ههه طرارهه وتتشرطط
المهم عجبتني الشخصيات
بس نصيحهه كثفي الحوار خلي فيها اكشن حزن ضحك
روضه غمضتني هالبنت بس فديتهاا تبي تعتمد على نفسها
عمار كرهتك للحظات بس عرفت انك انسان طيب
ميثه احسها شخصيهه قياديه
زايد حرام ليش جي يعاملوونهه احسهه سخيفف ومغلوب على امرهه
وليد جو ثاني مال دقيق وتصفيق
منصور لاتعليق
بسمه الله يوفقها هي وبرهووم احلى شي المعكرونهه
حصهه احسها يوم بتعرف ان عمار بيحب رووضهه بتخرب شي جي

واخيرا
فالإنتظار


تحياتي
داانهه




شكراا واااايد حبيبتي .. رفعتي معنوياتي لاني كنت احس ان الروايه سخييفه

المهم .. ان شااء الله الكرسي لج دوم خخخخ =))

و بعد شكررا ع النصااايح
__DEFINE_LIKE_SHARE__

من مواضيعي
0 وهم -محمد الشحي -
0 ماتمنيت شي كثر شوفة عيونك

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
رواية, وحن تحبك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
وأخيراااا .. تم اكتشاف سوفت وير صيانة لـــ C7 و سوفت وير belle تقريبا رسمي محروم.كوم منتدى أخبار المواقع والمنتديات العربية والأجنبية 0 01-22-2012 09:50 PM
كل//ماتمنيت .. ~ ؛ البرواز ديزاين mohamed . A تصاميم الاعضاء 5 09-24-2010 08:08 PM
غمض عيونك W a H o 0 o J a طلبات الاعضاء 3 10-07-2009 12:10 PM
[Style] : ستايل شادي سوفت الاحترافي الإصدار الأول من تصميم منتديات شادي سوفت محروم.كوم منتدى أخبار المواقع والمنتديات العربية والأجنبية 0 06-23-2009 03:50 PM
غمض عيونك راعي الونات المواضيع المكرره 13 03-01-2008 11:21 AM


الساعة الآن 02:17 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML