ماتمنيت شي كثر شوفة عيونك - الصفحة 3

memowla · 08-13-2014, 09:34 PM

[QUOTE=روحن تحبك;1045836698]تم تغيير اسم الروايه من ( امنيتي وحده و عسى ربي يحققها ) الى ( ماتمنيت شي كثر شوفه عيونك )[/QUOT

السلام عليج ورحمة الله وبركاته , شحالج ؟

الروايه طرر وايد وتسلم اياديج وانشالله بكون رادار للرواية <<ههه

وعفكرة تراني ماعرفت الرواية لانج غيرتي اسمها وتميت أقول انا متاكدة ان هي ما مسحت الرواية عقب دخلت رواية رواية لين ما حصلتج <<<قلت قصة

your sis:- memowla
__DEFINE_LIKE_SHARE__

روحن تحبك · 08-14-2014, 06:45 AM

[QUOTE=memowla;1045837849]

المشاركة الأصلية كتبت بواسطة روحن تحبك

تم تغيير اسم الروايه من ( امنيتي وحده و عسى ربي يحققها ) الى ( ماتمنيت شي كثر شوفه عيونك )[/QUOT

السلام عليج ورحمة الله وبركاته , شحالج ؟

الروايه طرر وايد وتسلم اياديج وانشالله بكون رادار للرواية <<ههه

وعفكرة تراني ماعرفت الرواية لانج غيرتي اسمها وتميت أقول انا متاكدة ان هي ما مسحت الرواية عقب دخلت رواية رواية لين ما حصلتج <<<قلت قصة

your sis:- memowla

خخخخ زين والله كوني رادار

و القصه الي قلتيها ماعرف شو ارد عليها خخخخخخ
المهم ششكراا فديتج ع الرد __DEFINE_LIKE_SHARE__

reemoowh · 08-20-2014, 05:46 AM

السلام علييييكم .... شحالج اختي

روايتج طرر .. وجد انصحج تكملينها

انزين بسالج سؤال .. عادي احط روايتج ف المنتدى الثاني " منتدى غرام " ؟

يعني انا بحط انج انتي كاتبتنها ! __DEFINE_LIKE_SHARE__

روحن تحبك · 08-20-2014, 05:49 AM

المشاركة الأصلية كتبت بواسطة reemoowh

السلام علييييكم .... شحالج اختي
روايتج طرر .. وجد انصحج تكملينها

انزين بسالج سؤال .. عادي احط روايتج ف المنتدى الثاني " منتدى غرام " ؟

يعني انا بحط انج انتي كاتبتنها !

اكيــــــد حبيبتي __DEFINE_LIKE_SHARE__

روحن تحبك · 08-21-2014, 11:52 AM

ادري ماهو ذنبي ولاهو بذنبكك ذنب
الزمان اللي بطبعه اناني كم كنتاحلم
دقايق اقعد بجنبكوغييري
بليا حلم جالس مكاني
البارت ال3
دق قلبه بالقوو يوم شافهم مروا من صوبهم .. عرف بعدين ان خوات علي هم ميثه و روضه و اسما
>> انت ايييه ليش جيه تدق!! .. معقولهصح كلام وليد ؟ .. عادي مافي شي يمنع .. بس لحظه زيّود ليش اضارب مع ها الي يلحقهم .. معقوله يحب وحده فيهم !! .. هييه صح احيد يوم كنا ف المطار وكنت اسب روضه قالي " ياخي البنت حلوه " <<
قطع تفكيره صوت منصور : وين وصلت
زايد : وصل العالم الميهوول
عماار ابتسم ببرود و اطالع وليد الي اطالعه بنفس النظره جنهم يفكرون بنفس التفكير
زايد يدزهم : امشوا امشو ..واقفين جنهم اصنام عافان الله
عمار : اقولك زايد
زايد: انا
عمار : لا ابوي
زايد : شوو
عمار : ليش اضاربت ويا ها الريال
زايد استغرب بس قال : تراه حيووان كان يلاحق البنات
وليد : لا يعني عمار قصده ان حالهم حال باجي البنات ما تعرفهم
زايد : شوو مااعرفهم .. ترا ميثه شرات اختي .. بس ليش ها الاسئله يعني
وليد : ماشي بس استغربنا يعني
منصور : ليش ؟
عمار : ماشي ماشي انتو امشوو الحين
.
.
.
خوله : اووووف كرييييه يقهر والله
بسمه : عييب ها ابوج
شوق : الحيين هااا ابوج لا !!! .. انتي ماتذكرين شو كنتي تقوليين ؟ .. ماتخلين دعوه ما تدعينها عليه
بسمه : هاا قببل ... بس الحين عرفت انه يبا مصلحتنا و يخاف علينا
خوله : نعـــــــــــــم انتي ! شو يبا مصلحتنا و يخاف علينا .. انا ياااهل اشلي بها الخرابيط ... يتحرانا صايعات مثلا .. اول مره اشوف واحد مب واثق ف تربيته .. وجاااان زييين لو يشك ف وحده !!! ... يشك فيناا كلننننا
ريم : صح والله .. اول مره اشوف ابو جيه " تطالع بسمه " الحين انتي ملجتي ف بترتاحيين .. الله يصبرنا و يرزقنا الزوج الصالح .. ونتزوج بسرعه و نفتك من ها الهم
خوله : آميييين يارب العالمين وياي انا و شوقوه
بسمه ابتسمت
خوله : تعرفون .. احساسي يقولي ان ها الشك وراه شي
بسمه : شي مثل ؟؟
خوله : ماعرف
شوق : كيف ما تعرفين !!!!!
خوله : انسو انسو ماعرف شو يالسه اقول
بسمه : هبله .. المهم انا بسير الدوام باي " وطلعت من الحجره "
شوق : وانا بسير اساعد امييه " وطلعت بعد "
ريم كانت يالسه ع كرسي من الكراسي الي ف الحجره ف يوم طلعو نطت ع الشبريه عند خوله
خوله : بلاج
ريم : شو سالفه احساسج ... يمكن يكون نفس احساسي
خوله : بس لا تخبرين حد !!! ... احس ان ابوي كان يسوي اشياآت جيه
ريم : ساعات احس جيه بعدين اقول مستحيل ابوي ريال سيده و ماعنده ها السوالف
خوله : عاادي .. كل شي يصير !!
ريم : لو في شي لازم بنعرفه يا الحيين او بعدين
خولههزت راسها بمعنى هيه
.
.
.
اسماتضحك:عجبني هذا "وبلقافه" ميثووه منو هذا
كفخهاعلي:اصبلي عودج احسن لج وخل عنج الهذره الزايده
اسما تغيرالسالفه عشان مايصفعها علي:انزين انا اسولف المهم اممم ابي اتعشى يوعانهه
علي:ياللهجدامي
مشوا ميثهوروضه واسما
ميثه تحسبصداع بس طنشت انتبهت لقوم زايد
علي بتفكيروهو وقف:ميثه شورايج نعزمهم على العشا منها نتعرف على اللي يشتغلون معج ومنها هديهلهم على دفاعهم عنكم
ميثهبتفكير:مادري علوي احسهم بستحون
علي:خل عنجهالرمسه انا برمسهم وامري لله
توجه عليللشباب اللي يتمشون وهم ناوين يروحون يتعشون ويرقدون ويقومون من صباح الله عشانيتحوطون مره ثانيه
علي:هاايشباب
ابتسمواالشباب:هلا هلا
علي وهويبتسم ويقرب من عدال زايد:هلا والله بالبطل وضربه بخفيف على صدره مشاء الله ريالونخوه ينشد بك الظهر
ضحك زايدومسوي عمره مستحي:احرجتني
الشبابيضحكون
علي:واللهانا ياي لكم اعزمكم على العشا "كانوا بيقاطعوه بس قال بسرعه" لا لا لاترفضون بنتعشىعشى زملاء عمل منها بتعرف عليكم وبتعرف على اللي يشتغلون مع ميثه اختي ومنها هديهلمساعدتكم خواتي
الكل كانيفكر ومستحي
وليد:احنابصراحه ......عادي عندنا بس اذا البنات يستحون لاء مانبي نروح
علي ضحك:لالا افا عليكم ...البنات بيلسهم فحالهم
وليد يطالعالشباب اللي هزوا راسهم:اوكي بنروح
عليابتسم:يالله كل واحد على سيارته وبنتقابل فالمطعم ال..........
الشباب:سو يو
علي:يو تو
ومشوا الشباب
وراح عليوخواته
ودخلواالمطعم اللي كان فخم وراقي كل زوايه منه تنطق بالفخر
حجز عليكبينه كبير فيها طاولتين وبعدهن عن بعض ويلسوا علي والشباب وميثه يلست وياهم شويهبتروح تتعشى ويا خواتها
البنات اسماوروضه
صوب اسماوروضه
اسماتهمس:شوفي شوفي الجلب ميثوه يالسه وتسولف واحنا مالت علينا اهني
روضهبحذر:اسما عيب حبيبتي شو تبغين فيهم بعدين عيب تقولين عن ميثه جلبه
اسما وهيطفرانه:زين زين اسفين
.
.
.
قاعد ف الكوفي ويا ربعه
سلطان : كم بنت رقمت اليوم ؟؟؟
فهد : اظني ثلاث
مايد : انتو مش ناويين تودرون ها السوالف !!
فهد : لا والله نستممتع ياخي
سلطان : ع الاقل انا اهوون بس رقمت هنتيينن
مايد : اناا ابا اعرف انتو كييف جييه .. ما تخافون ع خواتكم؟ .. انا ماعندي خوات .. و ما ارمس بنات
سلطان : لا تتعب عمرك محد بيسمع كلامك
مايد : الله يهديكم
سلطان : ذكرتني ف اميه =))
مايد اطالعه بنص عين
فهد : هيه صح منصور شخباره ؟
مايد : الحمدلله
ثواني و رن فونه
رد عقب قال : لو طرينا المليون ابرك
منصور : ليش شو كنت تقول ؟
مايد : ماشي فهود كان يسال عنك .. المهم شو الاخبار
منصور : الحمدلله
" وقعدو يسولفون و جيه لين مالاعت جبدهم "
.
.
.
دخل الحجره شافها يالسه ع الكرسي و مساننده راسها ع اليدار و نايمة .. غمضته واايد .. امس وايد قسى عليها .. تقرب منها و باس راسها .. ف هي نقزت
فارس : اسف وعيتج
نجاة : لا عاادي
رد باس يبهتها : سامحيني
نجاة : عادي شفيك !! .. ترا لو ما وعيتني كنت بنش روحي
فارس : اقصد ع الي صار امس
نجاة : انا بس بسالك سؤال
فارس اطالعها باهتمام
نجاة : للين متىى بتم جيه ؟ ... كل ماصار شي عقيت اللوم عليه
فارس نزل راسها
نجاة : والله ساعات اتمنى انك تكون شرات عبدالله ريل نوره اختي .. رغم انها صعب تحمل .. و مايابت عيال .. وهو وااايد متشفق ع يااهل لو واحد .. بس مستحيييييل يزل لسانه ويقولها كلمه تزعلها
فارس بغيظ : اذا لها الدرجه عايبنج .. سيري له
نجاة تتنهد : شفت انا ويييييييين و انت وييين انت عمرك ما بتفهمني .. انا بس قلتلك ان عبدالله مايزعل نوره .. حتى لو كانت هي غلطانه يتفاهم معاها
فارس : انزين انا اسف
نجاة ابتسمت ببرود >> اليوم اسف و باجر بتنسا كل شي .. بس شو اقول ؟ .. الله يهديك ان شاء الله <<
.
.
.
عمار : ولييد
وليد : هلا
عمار : الحين انت صج تحب ميثه ولا ؟
وليد : ماعرف ! .. يعني هي يوم قالت انها منجذبه لي و انا كل ما افكر فيها قلبي يدق بالقوو ... ف ماعرف انا حبيتها .. ولا عشان الكلام الي قالته
عمار : وانا اليوم يوم شفت روضه قلبي بغا يطلع من ممكانه من قوه الدق
وليد: اظن انك بديت تحبها
نطت زايد صوبهم : عن شووو ترمسون
وليد : عن الدنيا
زايد : لا والله
وليد : هيه والله
عمار : وين منصور ؟
زايد : يعني ما تعرف انه ديايه
وليد : لا تقول رقد ؟
زايد : ما بقول رقد .. بقول نام
عمار : تنكت اونك
وليد : قوم بنسويله حشره
عمار : حرام خلو الريال ف حاله
وليد : جب انته
" دشو حجره منصور و فتحو الباب بدفاااااشه "
منصور نقز بس رد غمض عيونه
وليد : قووووووووووووم بسسرررعه حجررتناااا احتررررررقت قووووووم حريييييييييييجه
زايد سحب اللحاف : بسررررعه قوووم حجرتنااا ااحترقت بسررررعه
زايد : قووووووووووم بسررررعه
وليد : نحن خلنا ننشرررد ههاا يبا يموت خ يموت روحه
منصور : مش وقت سخافتكم و الله فيينيي رقاد انااا
زايد : نقووولك حرييييجه
منصور صارخ : اطلعووو بررررع
وليد : افا يعنيي خطتنا ما نجحت
منصور : لـــا مانجحت يلا برررررررع
عمار ياي : وييييييييو طردووهم
زايد : جب جب
وليد : منصووووور قووووووووووم بنطالع فلم
منصور : مش متفيج طلعووو برررع
زايد سحب وليد : خلاااص خلاااص اطلللع ياخي ما يبونا
وليد : تعااال تعااال نحن بنروح حجرتنا مالت عليكم
.
.
.
قاعده تسوق وهي سرحاانه
<<
قبل عشر سنوات تقريبا .. يوم كان عمرها 13 .. دشت الصاله و هي شاله اختها خوله لان هاك الوقت كان عمرها مال 4 او 5 سنوات تقريبا .. وفي باب ف للميس ينفتح ع الصاله .. ف فتح خالها الباب وهي كانت مجابلتنه بس مش منتبهه .. بعدين صدت وشهقتت شههقه قووييه .. و طلعت من الصاله
عواش : شوفييج
بسمه : تبطل الباب و جابلت اخوج فششششله كفايه عمي مرشد الي ثلاث مادري اربع مرات طلعت ف ويهه بدون شيله
عواش : اي واحد ؟ يمكن مب اخوي لان حتى عيال خالتي موجودين
بسمه : لا انا متاكده انه اخوج .. لان الويه ويهج بس فيه لحيه وشوارب
عواش : ابراهيــم !!!
بسمه دق قلبها .. لان دوم خالتها تقولها تخيليتتزوجينه .. و هي حبته بدون ماتشوفه .. بس من ها الكلام
>
<
>> فدييته اهم شي انه ريلي الحين <<
دقتله
ابراهيم : اهلا
بسمه : اهلييين .. ممكن نتعرف
ابراهيم : افاا عليييج وياج الشيخ ابراهيم ريل الشيخه بسمه .. وانتي منوه
بسمه : معاك الشيخة بسمه حرم الزبّال ابراهيم
ابراهيم : مااالت عليييج انا اقوول عنج شيخه و انتي تقولين عنني زبال !!!!
بسمه : آسفيين بوخليل
ابراهيم : و فديييت ها البوخليل كييف جمييله
بسمه : تحاول تخليني استحي يعني ؟
ابراهيم : ليش نسيتي اول يوم كيف كنتي
بسمه : اول يوم غييييرو الحين غير.. اول يوم ماكنت اعرفك .. صح ان للحين ماعرفك عدل .. بس بديت اتعود عليك يعني
ابراهيم : زيين زييين اصلا انا مابيج تستحين
بسمه : يقولون احلى شي ف البنت حياها
ابراهيم : ي الحماره .. يقصدون هني ..يوم البنت تستحي ع ويهها و ما تكون قليله ادب ... مش لمّ تستحي من ريلها
بسمه : انزيين انا فاهممه بس استهبل عليك
ابراهيم : هيه ادريبج .. المهم وينج
بسمه : ف السياره راده البيت
ابراهيم : شوي شوي ف الدرب
بسمه : وانته وين ؟
ابراهيم : ف مكان سرّي
بسمه : لا تستهبل
ابراهيم : ما بتزعلين ؟
بسمه : لا
ابراهيم : ف بيت مرتي
بسمه انصدمت : مرتك منو
ابراهيم : شو مرتي منوو .. ليش انتي ما تعرفين
بسمه : شو الي ماعرف ؟
ابراهيم : اني متزوج ؟
بسمه بضيج : لا ما كنت اعرف .. المهم انا وصلت البيت برمسك عقب شوي
ابراهيم : اوكيه
" دخلت البيت و الحزن مسيطر عليها "
>> كيييف جييه... طلع متزوج ! .. انزين ليش عواش ما خبرتني ؟ .. اه ياربي ش سوي <<
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وأخيراااا .. تم اكتشاف سوفت وير صيانة لـــ C7 و سوفت وير belle تقريبا رسمي	محروم.كوم	منتدى أخبار المواقع والمنتديات العربية والأجنبية	0	01-22-2012 09:50 PM
كل//ماتمنيت .. ~ ؛ البرواز ديزاين	mohamed . A	تصاميم الاعضاء	5	09-24-2010 08:08 PM
غمض عيونك	W a H o 0 o J a	طلبات الاعضاء	3	10-07-2009 12:10 PM
[Style] : ستايل شادي سوفت الاحترافي الإصدار الأول من تصميم منتديات شادي سوفت	محروم.كوم	منتدى أخبار المواقع والمنتديات العربية والأجنبية	0	06-23-2009 03:50 PM
غمض عيونك	راعي الونات	المواضيع المكرره	13	03-01-2008 11:21 AM