ماتمنيت شي كثر شوفة عيونك - الصفحة 2

روحن تحبك · #1 08-10-2014, 07:13 AM

البارت الثاني

يالسين ع السفره يتريقون

ابراهيم يبوس شهد بنت اخوه مرشد : فديييتتج انتي و فدييت خالتتج الي يبات بنت خالتج

مرشد : هيييه قوول ان ها الي تبا توصل له

ابراهيم : شووه

مرشد : شو شووو.. فدييتج و فديت خالتج الي يابت بنت خالتج .. يعني تتفدا بنتي عشان توصل لبنت خالتها

ابراهييم : لااا مايخصه

عواش : مووول ما يخصه

ابراهيم : والله ما يخصه .. يعني مرتي بتفداها متى ما اباا ما بتريا لين ما تفدا بنتك عشان اوصل حق بنت خالتها

مرشد : هييه انزيين

ابراهيم يطالع مرشد و يبتسم : وفدييت مرتك لانها خالة مرتي

مرشد : اييييييه ما يخصك ف مرتي

ابراهيم : الحيين الي يسمع يقول بصرقها عنكك .. عيوز اكبر عني ب خمس مادري ست سنوات ش ابا فيييها

لطيفه : عيل انا الي اباك مثلا .. عندي ريليفدييته شو ابا فييك

مرشد : وجااان تخلي ريلها يستحي

شيخه : خفوووو علييينا

ابراهيم : شو تبين فيهم انتي

شيخه : ماايخصك .. وعقبال ما اخرب عليك و ع بسوم

ابراهيم : عشان ادفنج

شيخه : لاه

ابراهيم : هييه بعد شوه

.

تعالو صح .. ماعرفتكم ع اهل ابراهيم

اكبر واحد مرشد عمره 33 سنه و متزوج لطيفه خالةبسمه .. و عنده بنت اسمها شهد .. يشتغل ف الشرطة

شهد عمرها 5 سنوات تسير الروضه

لطيفه مرت مرشد عمرها 30 ابله انقلش

شيخه عمرها 28 ارمله

ابراهيم عمره 25 سنه يشتغل مهندس كهربا

عواش عمرها 22 تدرس تربيه

خلص ابراهيم بعدين ركب السياره متوجه للدوام .. و دق ع بسمه

بسمه ردت بدون ما تشوف منو الي اتصل : الـــــــــــــــــو

ابراهيم :فدييت الكسلانين النايمين

بسمه : جب لاه

ابراهيم : افااا ها ونحن امس مالجيين .. عيل بعديين شو بتسوين

بسمه : ابراهييم حراااااااام علييك ابا ارقد ... والله امس راده من الدوام متاخر .. و تعبانه

ابراهيم : فديييتهم

بسمه : يفدوونك

ابراهيم : منو هم

بسمه تتثاوب : هاييل الي تتفداهم .. المهم بااي ابا ارقد

ابراهيم : ارقددي

بسمه : انزين سكر

ابراهيم : ماابا

بسمه : احسن رصيدك مش رصيدي

ابراهيم : هههههههه

بسمه : يلاا باااي

ابراهيم : لحظه

بسمه شبه راقده : هاا

ابراهيم : احببج

بسمة : اعشقك

ابراهيم عرف ان بالغللط قالت جيه .. صح انها تعودت عليه بسرعه .. بس تستحي

ابراهيم يبتسم : ف امان الله

بسمه : همم

.

.

.

ميثه : يلا عااااد اسوووم يايه قطر عشان بنت خالتج انتيولا عشان ترقدين ؟

اسما : خلاص انتو سيرو و اسما ف الامارات ما يت

ميثه : والله !! .. عبالج الشي ع كييفج ؟ " ومطت عنها اللحاف " قووومي بسررررعه

اسما : اوووووووووف اوووووف اوووف

ميثه : اطفين حرييجه انتي

اسما : هييييه اطفي حريجه

ميثه : قووووميي

اسما : اووف حتى ف الاجازه بيخربون رقاادي " وقامت راحت الحمام "

و طلعت ميثه من عندها عشان توعي علي

علي : هاااج السوييج هنااك شلييه وانتي ودييهم

ميثه : اناا ماعرف اسووق الا ف الامارات

علي : لااوالله

ميثه : علاااااوي عاااد .. قووووم يلاااا

علي : اووه باجر باجر

ميثه : بيييك طراااق قووووووووووووووم

علي يصارخ : اوووووه انزيييييييين بقوم

ميثه تصارخ :يالحيواااااااان ارمسسك عدل انااا حق شووو تصارخ

علي : جبب اطلعيي

ميثه: والله مااطلعلين ما تنش

علي يتجلب الصوب الثاني : وانا ما بنش

ميثه : اوكييه انا ارااويك " وراحت المطبخ يابت كوب ماي بااااااارد ... وردت الحجره و وقفت وراه "

ميثه شهقت : شووووهاااا

علي لف عشان ييجوف شو ها الشي .. واول ماالف ع طووووول

تتتترررررررررشششششششش

علي : ي حمااااااااااااره و الله اراوييج

ميثه ركضت برع الحجره

علي يزاعج : اوكييه ميثوووه صبريي انتيي صبرريي ... انا اراوييج بنت اللذيينن

.

.

.

مها : مادري عنه .. والله امي تحاووول ويياه بس مايبا

حصه بضيج بسس تحول ما تبين : حيياته و كييفه

مها تعرف ان حصه تحب اخوها مع ان حصه تحاول ما تبين حق حد : اصلا امي حصلتله وحده حلووه و بنت نااس وطيبه و جييه و فيها كل الصفات الجميلهه .. و قالت انها بتخبره منو الي ف بالها يمككن سبحان الله يغير رايه

حصه : منو الي ف بالها

مها تبتسم : وحده

حصه : نعرفها

مها : هييه و تعرفيينها واااايد ... انتي اكثر وحده تعرفينها ..تعرفيين هيه ف شو تفكر .. منوو تحب و منوو تكره .. تعرفين شو تبا تقول .. يوم تكون سرحانه انتي الوحيده الي تعرفيين هي ف شوو سرحانه

حصه تفكر وحده اعرفها ؟؟ : منوو

مها : معقوله ما عرفتي

حصه : لاء

مها : بتعرفيين ان شاء الله بس ما بقولجمنو هي الحيين

حصه : كييفج .. " و تمت تحااول تفكر و تفكر بس ماعرفت "

.

.

.

ف قطر

اتجهزو كلهم و توجهو ل بيت خالتهم لان بنتها مربيه .. مش لازم اعرفكم عليهم لانهم مش وايد مهميين

المهم ان عليي حاقد ع ميثه .. و كل دقيقه يطالعها بنظرات .. و هي تضحك عليه

.

.

.

نش من الرقاد و شاف ان ربعه كلهم ناشين .. سار سببح و خلص

طلع من الحمام : كنت لي شي (ن) و اصبحت لا شي .. ب ايدك محيت طيفك من خيالي .. كنت لي شمس و كنت لي ضي .. كنت حااضر حتى في منامي

" كان توه ناش من الرقاد عشان جيه صوته ماكان صوته الطبيعي يعني جييه تعرفون صوت االواحد يوم ينش من الرقاد يكون خايس خخخ "

زايد : توه ناش و صوته ارف و بعد يغني

وليد : انت شووو حااارنكك انا عايبني

منصور : اسكتووو اننا مصدع

وليد يطبل ع الباب و يغني دخلت انذار جيه عناد ف منصور و سار زايد يكمل وياه

منصور : احلفووو انتو بس

عمار طلع من المطبخ معاه عصير : والله

وزايد كمل يطبل و وليد يغني و بعد شوي قام يرقص .. بعديين عمار رز ويهه و غير الاغنيه

عمار :قوم نادي ع الصعيدي وابن اخوك البورسعيدي والشباب لسكندراني اللمه دي لمة رجال

منصور يمثل انه يرمس ف الفون : الوووو مستشفىى الامل تعالو ثلاث من ربعي متخبليين شلوهم

عمار : نحن ف قططر ش دخل متشفى الامل

منصور : كييفي

زايد : عااادي الا هي مستشفى و دنيي يلا

وليد : ودووني ودوني للمشفى ودوني من شفت انا عيونوه اعلنت انا جنووني

زايد : تخيلتك بلقييس

عمار : وعع

وليد : وانا تخيلتك بالشطه ههههاهاااي

منصور : نضحك يعني

وليد : لااا صيحو

زايد يمثل ان يضحك : ههههههههههههه مابنصيح بنضحك هههههههههههه هههههههه هههههه هههه " بعدين حس عمره اهبل تم يضحك ع عمره .. و ربعه كلهم ضحكو وياه "

.

.

.

خوله ماسكه لابها تقرا روايه

امها : هديي اللابتوب و سيري سوي شي مفيد بدال ها الخرابيط الي تقرينها

خوله : لحظه لحظه بس بشوف شو بيستوي

امها : شو تستفييدين كلهم خرابيط.. حبيته و حبني و بعدين عذبني و اتزوج غيري و اتزوجت غيره و مادري شوو >> ها المحاظره اسمعها كل يوم خخخ

خوله: لا في اشياء ثانيه بعد ... باقي شوي و بخلص

" سمعو صوت ابوهم يدش البيت "

امها : سكري بسرعه

خوله : انزين " و سكرت اللاب بسرعه .. ونزلت تحت عشان تيلس ويا ابوها .. لان اببوها جيه استغفر الله واايد معقد ويلووع الجبد .. يعني لو وحده منهم ماسكه الفون و قاعده ف الحجره .. يعني ترمس شباب او تسوي شي من وراهم و كاااان واااايد يشك ف بسمه .. مع انها بريئه و كانت صييح عشاان يصدق ان هي ما تسوي شي من وراه و كم مره قالتله يفتش فونها بس ما طاع ..و قالتله يراقب فونها من الاتصالات بعد ماطاع .. و اللحيين ع ريم و خوله.. بين فتره و فتره يسمعولهم محاظره طوووويلة او يصارخ عليهم .. بس بعد ابوهم واااااااااااايد طييب و وااايديخااف عليهم عشان جيه معقد .. بس ماكان يشك ف شوق "

بعدين تيعمو الخوات كلهم عند ابوهم بدون بسمه

ابو بسمه : بسوم وين

شوق : راقده .. لان البارحه يوم ردت كانت تعبانه

بو بسمه : يحليلها

.

.

.

نجاه تصارخ : ندى اسطلببببي

ندى تنقز ع الغنفات و تصارخ

نجاة : ندووي بتصطلبيين ولا شوو سالفتج

ندى تضححك و بعدها تنط : هههههههههه ماما تتشبهين شرشبيل

نجاة معصبه و فيها ضحكه : ابووج شرشبييل ي الحيوانه

ندى : خالو نوره قالت مو زين انقول حيوانه

نجاة : صح انزين اسمعي كلام خالوه نوره .. واسمعي كلامي و انزلي بتطيحين

ندى اهني بدت تعاند و نقزت زيادة و جااان اتطيح و فيه طاوله يدام الغنفه ف دق راسها ع الزاويه و تم ينزل دم .. اهني نجاة خاااافت و ركضت و هي تصارخ .. نجاه طبعها حساسه يعني يوم تشوف ها الاشياء واااايد تخاف و ماتعرف تتصرف .. مها و جواهر و نوره وام عمار يوم سمعو صوت صياح ندى و صراخ نجاة ركضوو الصاله وشافو ندى طايحه و مييييته من الصياح و نجاة تصارخ ما تعرف شو تسوي

ركضت جواهر الحجره بسرررعه يابت عباة نوره و نجاة و مها شلت ندى ركبتها السياره

و تمت نوره تسوق و نجاة تصييح

نوره : نجاتوبس عااد ادعي بدال ما تصيحين و هدي بنتج انتي جيه تخوفينها اكثر

نجاة حست ان صح كلام نوره و حاولت تهدى .. بعدين قعدت تصيح بهدوء

وصلو المستشفى و الحمدلله دخلوهها ع طوول و قالو ان لازم يسوولها خياطه لان يبهتها انطرت و نوره اتصلت ف ام عمار تخبرها عشان يخبرون ابو ندى .. ورمست عبدالله تقوله انها ف المستشفى

.

.

.

المغرب

خوله ترمس ربيعتها مهره

خوله : اخ والله انا ماصدقت افتكييت من اشكالكم و الحين بعد اسبوع برد اجابلها

مهره : لاااه خفي عليينا انتتييعني نحن الي ميتييين ع شوفة شيفتج

خوله : هييه غصبا عن شكلكم بعد

مهره : اونه ها السنه نحن بنكون قو

خوله : هيييه طبعاا بنكون اكبرطالباتت ف المدرسه

مهره : متفييججه انتي

خوله : شخباار ميروه

مهره : ي الحيوااانه ترمسيني انا و تقوليلي ميروه !! .. حيوانه انتي ولاحيوانه

خوله : هههههههههههه اسال عن ربيعتي حرااام

مهره : هييه حراام .. انزين اقولج اسوم متى بترد من قطر

خوله : ترمسيني اناا شدخل اسوم ف السالفه الحييين ؟؟

مهره : اسال انزيين

خوله : امس راحو و ماظن بيطولون يعني بيردون اظن يوم الخميس او الجمعة

مهره : هييه زيين والله لها وحشه ها الملسونه

خوله : مااالت عليج انتي و اسوم و فديييت ميرووه و بس

مهره : تبين ميروه حق شو داقتلي دقيلها هي

خوله : بالغغلللط باللغلط دقيييتلج بالغلللط

مهره : ههههههه سكري عيل .. ولا اقولج وييت وييت

خوله : هلاا

مهره : سويتي الي اسوم قالتلج تسوينه ؟

خوله : هههههههه هيه بس مب واايد

مهره : حتى انا .. اتريي بعده باقيي اثنين و ثلاثاء و اربعا و خميس يمكن تزيييد

خوله : هيييه

.

.

.

وليد و ربعه راحو مطعم من المطاعم عشان يتعشون .. يلسو ع الطاوله بس زايد الي ما يعرفون ون راح

وليد : تخيلو حد خطفه

منصور : انت بعدك ما نسيت

عمار : انااا اباا اعرف السالفه ياخيي

وليد : موووت حرره محد قالك ترقد ما بنخبرك

منصور : ي الغبي ترا لو ما رقد جان زايد ما تفلسف

" بعد شوي ياي زايد صوبهم و هو لابس ها القحفيه مال الطباخين و ها الابيض ماعرف شو اسمه الي فيه حبل يربطونه صوب الظهر .. باختصار ها الي يلبسونه عشان ما يوصخون ملابسهم "

وليد : طعع الغبيي

زايد : اسكتوو ياخي و الله اضاربت وياهم عشان يعطوني

منصور : هههههههه قووم قوووم روح ييب كباب و عرايس " يطالع عمار و وليد " وانتو شو تبون

وليد : ابا تبوله و حمص و تكه

عمار : انا ابا الي طلببه و ليد و الي طلبه منصور

زايد يلس: حد قال اني اشتغل عنكم

عمار : اهم شي ها القحفيه خخخخخخخخ " شل فونه وصوره "

زايد : ههههه كييفي اصلا بسير اشتغلل وياهم " وسار يرد القحفيه و الي مادري شو اسمه حق مال المطعم " >> ع فكره ها الموقف صج صار مره

.

.

.

نوره راحت البيت تيب ثياب حق نجاة وبنتها لانهم بيرقدون ف المستشفى

جواهر : مسكيينه والله

نوره : هييه و بروحها حاامل مسكيينه الله يعينها.. اقولج جوجو سيري شوفي اميه بتي ولا

جواهر : مهاايه سيري شوفي اميه بتسير ويا نوره ولا

مها : جب يلا اصغر القوم خادمهم

نوره : قومي جواهر مابا اتاخر ع نجاة

جواهر : ااااااااوووووووووووووفف " وراحت تسال امها .. وامها سارت وياها "

.

.

.

ف المستشفى

نجاة و فارس ريلها

فارس : كلله من اهماالج

نجاة : ححرام عليك .. ليش كل شي بتعقه علي

فارس : لاوالله .. و انتي وين كنتي يوم طاحت ؟ .. يالسه تسولفين ويا خواتج ؟ .. بنتج اهم

نجاة بعصبيه خفيفه : ماااكنت يالسه ويا خواتي .. كنت يالسه وياها.. و اقولها لا تنقزين هي كانت تعاند

فارس : ترومين تروحين تشلينها

نجاه : بطني كان يعورني ها الوقت

فارس : لاوالله

نجاه : وبعدييييييين يعني .. يوم تشوف اني مش قد المسؤوليه خل بنتك عندك

فارس : نعم

نجاة : الي سمعته

" وبعدين دخلو امها و اختها نوره .. ف سكتوو.. عطوها ثيابها .. نوره طلعت بس امها تمت "

.

.

.

عمار : متى

جواهر : اليوم

عمار : ولييش محد خبررني

مها تسحب الفون من جواهر : هاي وايد تبالغ .. طاحت و انطر راسها شوي و سوولها خياطه

عمار : انزين ليش محد خبرني

جواهر تسحب الفون من مها : العصر طاحت تراونحن نسينا

عمار : و شخبار ندى

مها تسحب الفونه : ندى بخير الحين امي ونوره عندها

عمار : و فارس ؟

جواهر تسحب التلفون : قال انه بيسير عنددها بس ماعرف اذا راح ولا

عمار : انزين لو سمحتو وحده ترمس

مها : هاي جواهرلازقه لزقة العنزروت غصب تبا هي ترمسك

عمار : انزيين ترا هي الي داقه انتي الي رازه فيسج

جواهر : هاهاهاهاههاهااهاا لقطي ويييههج

مها : اوكييه عمااارووه انا براوييك اصبر انت بس .

.

.

.

اليومالثاني العصر

نروح ل قطر

ميثه : لاتستهبلون

اسما : والله بعد شوه ... عيل انتم هني محبوسين

علي : صح والله .. انا بعد خاطري العب

اسما : انزين عيل انتي تمي ف البيت

ميثه : ماابا ببي وياكم بس ما بلعب

علي : عيل من البدايه لا تتفلسفيين

ميثه : اتخيل اشكالكم و انتو تلعبون

اسما : ترا شرات ما نلعب ف القريه و ف سيقى بنلعب هني

روضه : انزين خلاص خلاص

علي : يلا سيرو تجهزو

..

راحو تجهزوو خلصو و جيه .. عقب توجهول مملكه علاء الدين

بعد ما وصلواسما و علي راحو يلعبون و روضه و ميثه يتمشون

.

.

.

قاعدد يتمشى روحه مايعرف وين راحو عنه .. وجاف ان في واحد قاعد يلحق بنات .. و شكله رقمهم

عصصب من خاطر الخاطر .. وسار صوبه

الريال : انت ايييه ليش تلاحق بنات الناس

الريال 2 : و انت منووو عشان ترز ويهك اسويي الي ابا اسويه

الريال 1 : لاوالله تلاحق خواتي و تباني اسكت

البنتين لفو يشوفون منو ها الي يضارب

ميثه شهقت : هاا زايد " وقفو بعيد شوي "

الريال 2 : تتحراني غبي بصدق انهم خواتك

زايد من بين اسنانه : اجللب ويهك احسسلك

الريال دزه : انت شعننددك

زايد عطاه بكس : انتت الي ششعنندكك

وبعدين نقع البكس بينهم .. و شوي ها يطيح ها و بعدين ها يطيح ها و جيه

.

.

.

وليد : شووفوو ضرابه

عمار : تعالوو نشووف

منصور : والله لو زاايد ويانا جان ركض

وليد : ايييييييه ها زايد الي يضارب

عمار : احلف .. قومو نسييير بسرعه

راحو يشوفون الضرابه .. بس محد تدخل لانهم 1×1

بعدين زايد سدحه ع الارض و حط ركبته صوب صدره و تم يعطيه بكسات بكس ورا بكس .. لين ما واحد من ربع ها الولد رز فيسه وعطا زايد بكس طيره خخخخ امزح مش طيره طيره يعني خوزه عن ربيعه .. وجيه يوم تدخل ها الولد االثاني وليد عصب و دخل و ياهم

.

.

.

ياي عشان يشوف شو السالفه

ميثه و دموعها ف عينها : ها واحد كان يلحقنا .. بعدين زايد .. ها واحد وياي ف الدوام يوم شاف .. راح اضارب وياهم

علي : انا اراويه ولد الكلب . .

راح بيتضارب بس بعدين رجع

علي :اي واحد زايد

ميثه : هاك الي لابس بني

علي : اوكييه انا اراوييهم

ميثه : تعاااال .. و شوف ها الي لابس اصفر ربيعه وليد

علي : اوكييه

راح عندهم

علي : روحوو انتو ما يخصكم انا بتفاهم وياهم

وليد : منو انته

علي : بعدين بتعرف روح الحيين

زايد : انا والله ما بتحرك و بعديين هااييل ثنين ما بتروم عليهم روحك

و هاييل يالسين يتناقشون جان ايي زايد بكس سدحه ,,. جان علي يقوم يضربهه ضررررب .. و المشكله ان الناس يطالعون و مايسوون شي .. لين ما يو ثلاث من الي يشتغلون هناك .. عشان يعرفون شو السالفه .. بعدوهم عن بعض

علي يمسح الدم من حلجه : اححمدو ربكم يو وقفو الضرابه .. ولا جان اندفنتوو

الريال : تخسسي انت تذحببنيي .. قول انت الي كنت بتموت

يا واحد ثالث : خلاص احمد هدي

الريال الثاني : شووو يهديي ما شفت شو سوو

الريال : بس سييف اقصر الشر

سيف : حموود انت لا تدخل

حمد : انزيين قومو غسلو ويهكم

" ها الشباب الثلاث اطالعو زايد و وليد و عللي بنظره عقب راحو "

علي : اسمحللناا و الله خليتهم يضربونك عشان خواتي

زايد ابتسم : تراهم شرات خواتي

علي : ما تقصر والله

عمار : هاا انت

علي : اووه ها انت

وليد : شو السالفه

عمار: ها ساكن ف نفس الفندق جيه كم مره تقابلت وياه

علي ابتسم

منصور : الله كاتب .. يباكم تستون ربع

عمار : هيه

علي : اسمحولي بسير عند الرضيعات

زايد : مسمووح

راح علي عنهم و هم تمو واقفين مكانهم يسولفون .. بعدين مروا علي و خواته صوبهم

من مرت دخلت انذار رجف قلبي وبديت انهار

من شافها قليبي صاح الهي استرنا ياستار
تجي من يمي تتمشى تبلشني بالف بلشه
ثقيل انا وثلج طبعي وبس تمر اصير النار

الهي استرنا ياستار
عليه الليل يتعدى يقطعلي الف ورده
تحبني والا ماتحبني خلص حتى ورد الجار
ياربي فدوه ساعدني خلي شويه ترحمني

واذا ماكو امل منها خل تقفل عليها الدار
الهي استرنا ياستار
ليلي يمر بالدمعات دوختني السبع دوخات
اقرر باجر انساها وارجع جن ولاشي صار

الاخرس من تمر يحجي الاعمى يشوفها ويبجي
وهيه تمر ولاهمها وماتدري وراها شصار
الهي استرنا ياستار الهي استرنا ياستار

.

.

.
__DEFINE_LIKE_SHARE__

دااانه غير · 08-10-2014, 07:44 AM

واوو بارت رائع بس واايدد قصير حبيت اقوولج انجج في تقدمم بس حبيبتي لازم تكثفين مثل ماقلت لجج الحوار وتخلي الحوار احلىى حطي مواقف حلووهه وفيها اكشن او حزن اوفرحح او رومنسيهه او شي جيي

بصرااحهه انا اشجعجج على التكملهه ومشاء الله حلووهه الروايهه
زايد فديتت خشمكك قووو قوو اعطيهه ولاتسكتت
وليد انت دوومكك طربانن ياخي استغفر الله
ميثه حرام عليجج وصختي اخوجج وغربلتي اختجج
روضه مالها وجود فهذا البارت وين راحت

اتمنى انجج تكملينن
تحياتي دوما

دانههه __DEFINE_LIKE_SHARE__

روحن تحبك · 08-10-2014, 09:13 AM

المشاركة الأصلية كتبت بواسطة دااانه غير

واوو بارت رائع بس واايدد قصير حبيت اقوولج انجج في تقدمم بس حبيبتي لازم تكثفين مثل ماقلت لجج الحوار وتخلي الحوار احلىى حطي مواقف حلووهه وفيها اكشن او حزن اوفرحح او رومنسيهه او شي جيي
بصرااحهه انا اشجعجج على التكملهه ومشاء الله حلووهه الروايهه
زايد فديتت خشمكك قووو قوو اعطيهه ولاتسكتت
وليد انت دوومكك طربانن ياخي استغفر الله
ميثه حرام عليجج وصختي اخوجج وغربلتي اختجج
روضه مالها وجود فهذا البارت وين راحت

اتمنى انجج تكملينن
تحياتي دوما

دانههه

شككككرااا حبيبتي .. ان شاء الله البارت الي عقبه بيكون احلى __DEFINE_LIKE_SHARE__

~AL3thab~ · 08-11-2014, 03:36 AM

مبدعه ختيه فانتظاارج ... __DEFINE_LIKE_SHARE__

روحن تحبك · 08-12-2014, 07:10 PM

تم تغيير اسم الروايه من ( امنيتي وحده و عسى ربي يحققها ) الى ( ماتمنيت شي كثر شوفه عيونك ) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وأخيراااا .. تم اكتشاف سوفت وير صيانة لـــ C7 و سوفت وير belle تقريبا رسمي	محروم.كوم	منتدى أخبار المواقع والمنتديات العربية والأجنبية	0	01-22-2012 09:50 PM
كل//ماتمنيت .. ~ ؛ البرواز ديزاين	mohamed . A	تصاميم الاعضاء	5	09-24-2010 08:08 PM
غمض عيونك	W a H o 0 o J a	طلبات الاعضاء	3	10-07-2009 12:10 PM
[Style] : ستايل شادي سوفت الاحترافي الإصدار الأول من تصميم منتديات شادي سوفت	محروم.كوم	منتدى أخبار المواقع والمنتديات العربية والأجنبية	0	06-23-2009 03:50 PM
غمض عيونك	راعي الونات	المواضيع المكرره	13	03-01-2008 11:21 AM