ف بيت يدت خوله ..
خوله ترمس فون ....
.......: مابغيتي تتكرمين وتردين عليه استاذه خوله ؟
خوله : امم وعليكم السلام !!
........: لاتستهبلين !! شو عندج ماتردين ان شاء الله
خوله : بخير ربي يسلمج ويعافيج انتي اشحالج ؟
..........: انتي شاربه فودكا ؟
خوله : لا فديتج بس يالسه ويا اهليه خلاف برمسج
.........: ومجابله الاخ منصور من جي ماتقدرين ترمسين عدل ؟
خوله : ههه لا حبيبتي لا احراج ولاشي دقايق فديتج بطلع منهم
............: والله انج خبله !!!!!!!!!!!! انا معصب وانتي تضحكين
.... بعد ماطلعت خوله ...: انته مممممممممممممينون !!!!!!!!! ليش ماقلت انك بتتصل زين جي احرجتني قدام اهليه !!
..........: السموحه منج مس خوله نسيت اخذ منج موعد قبل لا اتصل
خوله بنرفزه : عبدالله عببدالله افهمني ماقدر ارمسك قدامهم ليش مب طايع تفهم ها
عبدالله : والله ماظن اني غريب عنج !! انتي تعرفيني انا منو وولد منو لاتستهبلين وتنرفزييني رجاءً خخخخوله
خوله : بس انته قداممم الكل غريب عني !! لاتنسى هالشي
عبدالله: اوووووووووه خوله افهميني شوي
خوله : عبدالله حبيبي دخيلك مابا مشاكل ويا اهل ماما روحك تعرفهم كيف لاتتصل الايوم برمسك ولا يوم بتصلبك انا رد
عبدالله : ليكون مجابلة ولد خالج المصون الي يسسمونه منصور اذا ماخاب ظني
خوله : استغفر الله العظيم كمممم مره بقولك منصور شرات اخويه ومابينا شي ليش مب طايع تفهم تشك فيه انته ماتثق فيه ولاتثق بحبي لكك !!!
عبدالله بعصبيه : يوم اغار عليج مايعيبج يوم اهتم بج مايعيبج يوم اتصلبج واتخبر عنج مايعييبج شوتبين بالضبط !! قولي بعدين ماتحبني ولا تغار عليه ولاتهتم فيه ولا معبرني اوككي
خوله : في فرق بين الغيره والشك وانته تشك فيه
عبدالله : اوكك اوك انا اشك فيج الحين ها !! وتضاربيني عسب هالزفت ولد خالج الي مدري ع شو تحبينه
خوله : ماححححبه ماححبه افهممممني
عبدالله : انتي الرمسه ضايعه وياج فمان الله
سكر الخط بويهها وهي عاد تمت مبوززه .. ردت خوله داخل وين ماكلهم متيمعين بمناسبة طلعت يدتها ام راشد من المستشفى ..
ناصر : هلا هلا بغرشوبة بوظبي هلا بحبيبة خالها تعالي ابويه صوبي
ابراهيم : لالا هاي حبيبتي انا تعالي تعالي هني عندي
راشد : لاابويه لاعندك ولا عنده بنت فطيم بتي عندي
خولة بغرور : امم عاد سمحولي غرشوبة بوظبي بتروح عنكم .. وحطت ايدها ع ثمها وقامت ترمش بعيونها .. اوبسس شفيكم !! تراني راده لكم بس بروح ازهب غرفة امايه وبرد
ابراهيم : لالا تمي شوي ماشبعنا منج نحن بعدين روحي
راشد : برهوم عاد الحين نصور وعرفها شو يبا من خولو انته شو تبا منها ليكون تبا تيوزها لواحد من عيالكك
ابراهيم : لي الشرف والله ان خذت حفيدة حميد بو سلطان بس تتوقع عاد دلوعة يدها بيخليها يدها تاخذ ولديه !!
راشد وهو يشوف خوله : عاد خولو منو مايباها ل عياله بس لمنو تباها لمنصور ولا ل بويوسف
ابراهيم : لمنصور الي عال قلبي يباها ها خولو شقلتي تبين ولديه ولالا
خوله بتكبر : السموحه منكم خوالي نسبكم يشرفني وعلى العين والراس يابو يعقوب بس ماتوقع ان حميد بن سلطان خليفه ال... بيرضى ان بنت ولده تاخذ واحد شرات منصور العذر والسموحه يابو يعقوب لو كان يعقوب كان قبلنا بس منصور انت ادرابه والحين السموحه منكم بروح اشوف غرفة امايه
منصور وهو يهمس لاخوه : وقسم بالله بنش اصفعها ع شو شايفه عمرها هاي
ناصر وهو يصفر : ششششششششششششت ششششششششششششت قويه بنت فطيم عاشت عاشت منصور اندوك اندوك خشمك طايح صوب ريلي
ابراهيم وعلى ويهه ابتسامه : قوية والله صدق انها بنت ال.... وحفيدة حميد ردت ولا خافت .. ويلف على منصور : زين لك فقدت هالشيفه حتى بنت عمتك تعرف سواياك
منصور بكرهه : هه حفيدة حميد ال ..... شو تت .. ويقطع عليه حميد بدخوله : وشفيها حفيدة حميد ال.... يا ولد ال... لايكون مب عايبتنك ياولد الخال ... ويلف على خواله سلام عليكم ..
منصور بهمس : هه كملت والله .. لابد سلامتك يا ولد العمه اقول بس ان نسبكمم يشرفنا بس اختك رفضت هالنسب يكون بينا
يلس حميد وهو يقول بستهزاء : هه زين انها رفضت يا ولد الخال ولا كان انا رفض هالنسب
وقف منصور وعلا صوته فالميلس : وشفيه هالنسب يا حفيد حميد
حميد وهو يوقف ويعلي صوته اكثر : ماريده هالنسسب يامنصور لانه مايشرفني احد ايدي بايد واحد شراتك والحشيمه لك ياخال
منصور : لا دخيلك يا ححفيد حميد رجيتك يوزني اختك المسعده .. ويعلي صوته .. ولا انا يشرفني اخذ وحده شرات اخت قطع رمسته بكف من ..........
تحت صدمت الككل .......
.
.
فالعين ..
ميثه : ياربي وينج يالعنود صارلي شهر وزود وانا اتصلبج ماتردين وان اتصلت ع البيت ردت عليه الخدامه وانتي تدرين بالحال ماقدر امرج البيت
العنود : اهه ياميثه شقولج بس فارس يباني اروح ل اهل ابوه من زمان وانا رافضه وانتي تردين محد يدري ب سالفة زواجنا الا عمته فطيم واخته واخوه
ميثه : امم بس الي اعرفه ان فارس ابوه وامه متوفين والي اعرفه بعد انه ولد خالتج تعالي يعني ؟!!!!
العنود:يلسي وبقولج شالسالفه .. الله يسلمج فارس يكون ولد اخوهم العود
ميثه : اووووووويه يعني ولد راشد !!!!! كيف عيل يقول ان ابوه متوفي !! يعني راشد متزوج خالتج الله يرحمها على حرمته ؟!؟!
العنود : لالا صخي وانا بقولج لاتقاطعيني بس
ميثه : امم اقولج شي تعالي فالميلس برع هني اخاف ميروه تسمعنا وعاد لو ميروه سمعت رحتي فيها فديتج
العنود : زين تعالي ...
طلعو برع وميره تحلقهم !! " سوسه هالميره ملقوفه "
ميثه : يلا يلسي الحين وفهميني كل شي ..
تنهدت العنود وقالت ...: ابو فارس الله يرحمه اسمه منصور وهو مب ولد ام راشد بس يقولها اماية ك احترام لا اكثر ولا لاهي تحبه ولا هو يحبها فارس عنده اخت معرسه اسمها هاجر صح انج ماسمعتي من خوله وهي ترمس عن هاجر بس هاجر مسافره من 6 سنين ويا ريلها وماتزورهم وايد ولا تقرب صوب بيت ام راشد واخوه الاصغر منه اسمه فراس
ميثه : لحظه لحظه خليني القط شي شي الحين منصور الله يرحمه يكون ابو فارس ولد سالم بو فطيم .. و حرمة منصور تكون خالتج كنه الله يرحمها وعيالهم فارس الي هو ريلج وهاجر المسافره وفراس الهايت !!
العنود : هيه .. انزين راشد وفطيم وناصر ومنى وخلود واحلام وابراهيم من ام وحده و عمي منصور الله يرحمه من وحده ثانيه محد كان يدري ان بو راشد معرس على ام راشد الا بعد ما ربت ويا بت عمي منصور وطبعا ام راشد مثل اي حرمه مابترضى بشريجه قامت المشاكل بينهم وابويه كان اربيع عمي منصور وكان ماخذ اميه واميه ماعندها الا اخت وحده وهي خالو كنه الله يرحمها وقتها كان عمي منصور يبا يعرس وابويه شار عليه بانه ياخذ خالو كنه عرسو وياب فارس وهاجر وفراس يوم ولادت فراس خالو كنه توفت وعقبها بشهرين توفى عمي منصور بمرض القلب ولانه كان وايد تعلق ب خالتيه حالته النفسيه كانت زفته واميه مارضت ان عيال اختها يتمون رواحهم ويا الخدم واعمامهم خاصه ان اعمامهم من الابو استوت ضرابه بينهم محد كان راضي بانهم يتمون عند اميه لاني كنت كبيره وقتها عمري 15 وفارس بعد كان كبير تقريبا 18 مدري 17 سنه واميه تمت تصيح وقالت ماعليه بنتي بتكون اخته ومني مناك لين ماصخو الاعمام لين كمل فارس 22 سنة انجبر انه ياخذني لسبب احتفظ فيه لنفسي انا وفارس نكره بعض كره العممى من جي كل حد مستغرب كيف عرسنا محد وقف وياه فالعرس غير عمته فطيم .. ضحكت العنود بستهزاء .. هذا اذا كان عرس طبعا مجرد ملجه وخلاص وعقب سنتين من زواجنا الحين يبا يوديني ل اعمامه ويقولهم انا خذيت بنت خالتيه
ميثه : ول ول ول كل ها يطلع من اهل فطيم !!!
ميره وهي تدخل : دخخخخخخخخخخخيلج عنيد قولي شسالفة زواجكم وليش خذاج فارس والحين قرر يعلن عرسكم قدام اعمامه
ميثه بصدمه : انتي شتسوين اهنه كيف سمعتي رمستنا !!!ونحن شاردين عنج

ميره بعتب : افا ياميثه افا ياحرمة ابويه تخافين اسمع وانقل سر العنود للناس ؟ ماهقيتها منج والله حتى لو اكرهج ماتوصل فيني اخرب بيت اعز انسانه ع قلبج شوفيني انا قدامج الحين اكرهج بس ماخربت بيتج الي هو بيت ابويه مع ان يوم المنى الي تطلعين فيه من بيتنا بس مهما صار واستوى مب حقيره انا عسب اخرب بيوت الناس لاتحسبين اني ماعرف المشاكل الي بينج وبين عيسى ولا تحسبين اني ماعرف عن بلاويج قبل .. بس ياحرمة ابويه من ستر على مسلم ستره الله يوم القيامه ..
طلعت ميرره وراحت تزهب عسب تروح بيت امها ..
يلست ميثه من الصدمه ومن القنبله الي فرتها ميره وراحت .. وسارت لها العنود وحطت ايدها ع جتفها تهون عليها ..
.
.
صوب خوله ؟!؟
ف ميلس ام راشد
الكل صد على صاحب او خلنا نقول صاحبة الكف الي كان من نصيب منصور
خوله : ججججججججب وقص يارب تخسي انته ترمس عليه انا لو ماكنت تعرف من خوله حفيدة حميد بقولك انا من هي خوله يا ولد خالي اللوم مب لك اللوم لخالي الي مخلنك على راحتك وكيفك وتسب وتشتم ف عرض الناس ...

منصور باستهزاء .: تذكرين يابنت خليفه وطلبت القرب منج شرديتي عليه ؟ ولا اذكرج ؟
خوله بقوه وصوت عالي : اذكر ياولد الخال واقولها لك قدام خوالي واخويه ماحبيته فيوم لجل ابتعد عنه و بحبه وبحبه الين ماتصعد روحي لباريها
منصور وهو يصفق : ححلو ححلو وتقولين شريفه !!
ابراهيم بصرخه هزت المكان : خخخخخخخخخخخولهه منصوووووووووووور حششششمو
خوله : اسمحلي يا خال بس ولدك زودها وانت تدريبي وتدري بتربية حميد بن سلطان ولا هي من شيم العرب انك تشتم الناس ببيتك
ابراهيم : السموحه منج خوله .. ولف على يعقوب .. شل اخوك وتقدموني ع البيت
طلع يعقوب وماسك ويا منصور وتلاقو ويا حميد عند الباب الي طلع بعد ماقالت خوله رمستها ..
يعقوب : العذر والسموحه منك ياولد عمتيه لا تحط بخاطرك على منصور .. ولف على منصور وشدد ع كلمته .. تراه ياهل بعده مايعرف شيخربط ..
حميد : مسموح ياولد الخال ومثل ماقلت ياهل مايعرف شيخربط بس بعدني مابردت خاطري ..
وبحركة سريعه ماتوقعوها مسك حميد منصور وسادنه ع اليدار فالحوي ..
حميد وهو راص ع ضروسه : وربك وربك ياولد ابرااهيم مابتلمس شعره من شعر ختيه واحلم انك اطولها ف يوم حفيدة حميد مانرخصبها لواحد مثلك وشرواك ..
حاول يعقوب يفرق بينهم وبالفعل فرق بينهم ورد اعتذر لحميد ع الي سواه اخوه ...
.
.
عند ميره الي راحت الفجيره عند امها ع قولتها فترة نقاها من بيت ابوها ..
ميره : امايه باجر بخطف على قوم خالتيه مزنه من زمان ماشفت البنات
ام خليفه : وانتي من اتين عندي جنج مقروصه بس تبين تهيتين
ميره بمكر : والله عاد انا قلت بسير على خالتيه بعدين لو زعلت بقولها اميه ماتباني اييج
ام خليفه : علج بريل بعمر ال 20حسبي الله ع بليسج تبين تسوين مشاكل بيني وبين ختيه ها
ميره : والله انتي تقولين لاتروحين
ويدق جرس البيت ...
ام خليفه : نشيي فجي الباب للاوادم
ميره وهي تاكل : اميه اكل اكل ماتشوفيني ادح وينها بشكارتج خليها تفج لعربانج الباب
ام خليفه وهي تضربها بالعصا : صصصصصصصصصصصصصصصصه نشي اشوف ولا اسمع لج حس
ميره وهي ترفع ايدها للسما وتدعي : ياعلك يالي ادق باب بيت اميه اليهد والعله و المرض المزمن يارب العالمين ..
.. ويدق الجرس مره ثانيه ..
ام خليفه وهي تزاعق : ننننننننننننننننننننشي اقولج خاسو الاوادم عند الباب
ميره وهي تطلع وتزاعق عسب امها تسمعها : خخخاسو فوحل فيه ضفادع ان شاء الله علهم السممم حد اي بيت الناس هالوقت
.. سارت ميره تفتح الباب وهي مسكره عين وفاتحه عين لان الشمس مقابله ويهها ..
........: عنبوجج انتي من وين اتيبين هالدعاوي ها
ميروه : ويههه سواق بيتنا تاخرنا عليك السموحه الشيخ ..
......: سواق ابوج يامسودة الويهه وانا كل ما اي اشوفج هنه ماعندكم بيت
ميره : والله يووووووم بيكون بيت ابوك تعال حاسبني هالي ناقص بسس اخلص عليه توني ناشه ويوعانه من تبا ومن انته يلا ارمس الشمس حرقتني ..
.........: مطول لسانها هالبنت .. ابا خالتيه مهره من انتي يالسيلانيه انا مايد بن ناصر ولد مزنه
ميروه وهي تتحرطم وتضرب ع خدها : ياويلج ياميروه ياويلج طلع السيلاني الي تضاربيه ع التلفون
مايد: حححو السيلانيه خالتيه داخل ولالا
ميره : ها هيه هيه اقرب من هالصوب
مايد وهو يشوفها :يعلج ساعه موقفتني برع
ميره بطولة لسان : ايه انته يالطويل لاتشوفني جججي
... مايد ماشاء الله طويل وعريض وميره جنها نمله صوبه ..
مايد : والله انتي قصيره .. طوفي طوفي قدامي هالناقص بعد بنت وتوقف لي فالحوي
ميره : مايخخخخخخصكك فيه يالضيف روح سلم على خالتك وتوكل لا اطول اانا يوعانه
مايد بتسلط .: قلت لللج طوفي قدامي داخل وعناد فيج بيلس بتغدا عندكم اليوم وغصبن عنج بتطلعين وبتقعدين معايه بعد ع نفس السماط ..
ميره : هه بعيد عن شواربك ياولد خالتيه ..
راحت ميره من قدامه بتدخل ولا يد تسحبها بعيد عن الباب ..
مايد بهمس وهو نازل لها لمستواها : وربج وربج ياميره لتندمين بعيد عن شواربي يابنت خالتيه ماعليه لج يوم وبتندمين على رمستج هاي ... ودرها مايد وكانه ميره شي قذر بالنسبه له ..
ميره : واي واي الله ياخذج ياميروه زين لج الحين ليش تراددين الريال ها مالت على الويهه الي ماييب لي الا المصايب ..
.
.
عند عيسى والمجهوله الي وياه ..
...........: عيسى عيسى حبيبي خلاص تعال ارقد ولا تم رايح راد دوختني
عيسى : ارقدي حبيبي ارقدي لا تحاتييني مب زين لج ولا للياهل
...........: تخاف عليه وعلى ولدك .. ؟؟
عيسى ببتسامه : انتي روحي وحياتي والي فبطنج قطعه مني ومنج كيف ماتبيني اخاف عليه ؟؟
.........: لا خليت منك يارب .. قولي يابوحميد شسويت بسالفة ميثه ؟
عيسى بهم : ااهه يا شمسه شقولج بس كل مره اشوف يدي استحقر عمري
شمسه : ماعليه حبيبي تذكر انك ماسويت الغلط هي الي يتك وترجتك انت مارحت لها ..
عيسى : بس الياهل الي فبطنها مب من صلب يدي من ذاك الححححححححححقير الي خايس فالسجن الحين
شمسه : انت سترت عليها ويوزتها يدك قبل وبعد ماصار الي صار سترت عليها ولا قلت لحد سالفتها انا حرمتك واختها ماخبرتني بالسالفه لانك خايف من الله وخايف على بنت الناس ويدك
عيسى : شمسه حبيبي افهميني انا مقدر اشوفها وهي يالسه ويا يدي ولا جنها مسويه شي احس عممري حقير قدام يدي
شمسه : اووه خلاص عيسى انت ماغلطت انت ستتتتتترت عليها ومن ستر على مسلم ستره الله يوم القيامه صح انها ختيه واذتني وكنت اتمنى اني انتقم منها وافضحها شرات مافضحتني وطلعت عليه رمسه وهي جذذابه لو لا انته الله يعلم بحالي الحين ..
عيسى : اختج عقربه ياشمسه عقرربه واحذري انها تعرف اني انا ريلج احذذري
.
.