كيف بنسـآ حبهم . . - الصفحة 6

bskat · 01-23-2014, 03:36 PM

[align=center]السلام عليكم ورحمة الله وبركاته ..

اشحالكم عزيزاتي ...؟
اعتذر منكم .. صارت لي ظروف وماقدرت اكتب بارت " ايدي انكسرت =) "

ججــآآري كتتآبة البارت =)
من اخلصه بنزله لكم
واكيد بنزله اليوم بس متى !! مدري للحين ماخلصته
اعتذر منكم مره ثانيه [/align].. __DEFINE_LIKE_SHARE__

M7d shratii · 01-23-2014, 04:13 PM

سلااماات حبييبتي ما تجووفين شر

و متى ما تخلصيين نزليي الباارت فانتظاارج حبييبتي... __DEFINE_LIKE_SHARE__

bskat · 01-24-2014, 12:45 AM

صوب عيسى ..
........: معقوله ياعيسى انت العاقل الي الكل يضرب فيك المثل تسسوي هالسوات !!
عيسى : اووه الحين انا قلت لج عسب ادورين لي حل مب توقفين ضدي وتلوميني !!
......: روح عند امك عيل
عيسى : شوووووووووووووه !!!!! اروح عندها !! وليش ان شاء الله
......: روح عسب لو يدك عرف بالمصيبه واالله مابيخليك ف حالك
عيسى : كننتت سككران ماكنت بويعي تفهمممين !! يعني شي خارج عن ارادتي
.......: يعني شو بايدي اسوي ها خبرني
عيسى : يوم بيعرف يدي اكيد بي وبيرمسج واباج تقولين انج ماتعرفين اي شي
......: عيسى !!!! هاي ختيه تعرف شو يعني ختيه !!؟؟
عيسى : وانا !! مالي خاطر ولا لي قدر عندج ؟! نسيتي شو كانت تسويبج !! نسييتي يوم اتيني وتقولين ابا انتقم منها واحرق قلبها شرات ماحرقت قلبي ؟! الحين صارت اختج ؟
.... : لاحول ولا قوة الا بالله هاي ختيه يعني لو ماسوت بي بتم ختيه الي مالها غيري ولا لي غيرها
عيسى : انا قلت الي عندي وان فتحتي ثمج ب شي ف انتي طالق ولا ابا اشوف ويههج
.
.
فالشارجة عن اهل خوله ..
خلونا نتعرف عليهم اول ....
راشد : خال خوله الكبير معرس وحرمته فاطمة عنده 3 اولاد و3 بنات : جاسم عمره 24 نواف 22 يوسف 19 البنات : مشاعل 24 توام جاسم سلمى 18 رفيعه 16
خلود : خالت خولة ارمله وعندها بنت ورده عمرها 17
منى : خالتها ومعرسه عندها 7 بنات وولد 1 بناتها : نوف 26 ومعرسة وعندها بنت وولد ساره 25 بعد معرسه وعنها ولد بس نادية و ندى توام 23 سنة وديمة عمرها 20 وكنه 18 ولدها : صالح وعمره 19
ابراهيم : خالها مطلق وعنده 4 عيال يعقوب 19 و منصور 17 و سالمه 20 و سوسن 16 " حرمته بحرينية شاله البنات وياها "
ناصر : خال خوله اقرب واحد لها من خوالها ودوم وياه عمره 24 ودومه واقف ويا عيال خواته واخوانه
احلام : مب معرسه وعمرها قريب من عمر البنات ودوم وياهم 23
.
.
خوله : يالله امايه تدلع تبا تعرس ولا هي مافيها شي
ام راشد : الله يلعن العدو الحين انا ابا اعرس وادور ريل يالي ماتستحين
خوله : يالله الحين انا ما اسستحي امايه هاه هاه
ناصر : ههههههه خولو خلي اميه ف حالها بروحها تعبانه
فطيم : خولو ويهد ماتشوفين يدتج تعبانه قومي بعيد
خوله وهي مبوزه : الحين انا مسويه حشره ها لو ورودو بنت خالو خلود جان سكتو وماقلتو لها شي
خلود : بدينا بالغغغيره عااد الحين شو ياب طاري بنتي ها
ناصر وهو يضربها ع راسها : يالجلبه كل ها الدلع ومب عايبنج
ام راشد : يلا مناك اششوف كلكم ضد بنتي يكفي انها خوله على اسم امايه
خوله : الحححين انا ع اسمم منو ها !!! مره ع اسم عمتج المرحومه ومره على اسم امج ومره على اسم ام يدي حميد
منصور وهو يدخل : ومره على اسم خدامتنا ياالخامه صوتج واصل لاخر غرفة فالمستشفى .. السلام عليكم
خوله : لالا تو الناس مستر منصور ابراهيم توك تسلم مالت بس
ناصر بطفره : حححوه لاتبدون ضرابه نشي نشي اوصلج البيت عند البنات
خوله : انزززززززززززين مالت ع هالويهه يامنصور من دخلت قالو روحي
منصور وهو يلعب ف حياته ويغايضها : اذا دخلت الملائكه هربت الشياطين
خوله : وجججع لو مودينك البحرين بدل خواتك زين وبعدين يقولون ان لو دخلت الشياطين ذهبت الملائكه .. توصون ع شي حرمات !!
خلود : قولي ل ورده بس تاخذ دواها ورمسي خالتج منى شوفي اشحال ريلها وحطي بالج ع البيت
ام راشد : هي يااميه شوفي شو حال ريل خالتج وشوفي لي كم قطعة غاويه وطرشيها لي وياا ناصر وحطي بالج ع البيت خالتج احلام مامنها فايده
خوله : كله نصاييح بس ان شاء الله على هالخشم وانتي ماما ماتبين شي !!
فطيم وهي تشوفها بنظره : ماشي سلامتج بس حطي عقلج ف راسج وعن الينون وقابلي اخوانج
منصور : ع اسساس ان بنتج عاقله عموه !! ولا فيها مخخ
خوله : انتتههه ججججججججججججب
فطيم : خولو !!!!!!!!!! يلا روحي
.
.
عند ميثه . .
ميثه : بو سلطان يتني شيخه مرت ولدك وتبا بطاقة البنك وعاد انا قلت لها ماعندي
بوسلطان : وشو تبا هالضبعه فالبطاقة !!
ميثه : مدري عنها تقول ولدك يبا البطاقه
بوسلطان : ايووا ولدي يبا البطاقه ها اتصلي ب عيسى قوليله يمرني
ميثه : ها !! اتصل بمنو !!
بوسلطان : اتصلي بب عيسى اقولج ماتفهمين يالله بسرعه
ميثه : انزين روح ارتاح انته وانا بتصلبه
بوسلطان : ننننشي اقولج الحين قدامي !! شعنددج انتي كل مايبت طاري عيسى خفتي ؟؟! وبعدين حسبي حسابج بتقعدين معانا
ميثه فخاطرها : بلاكك ماتعرف عن الي مسونه ولد ولدك الي شاد الظهر فيه ولا بعد يقولي يقعدي وياه زين والله
ميثه : ان شاء الله تامر يا بوسلطان ..
قامت وميثه واتصلت ب عيسى وقلبها يدق من الخوف
عيسى : هه مرحبا وهلا ب مرت يدي خير ان شاء الله متصله اكيد تولهتي ع صوتي فديتج
ميثه : تفداك العفاريت يارب يدك يباك يعلك ماتوصل للبيت سالم
عيسى : هههههههههههههههههههههههههههههههههههههههههههههههههه هههههههه ول ول ول كل ها ححقد !!!
ميثه : وليش وانت سويت شي يخليني احقد عليك بس وربك ياعيسى ل تدفع ثمن كل الي سويته بي
عيسى : هه انا ريال ياميثه ما تهدد ولو فتحتي ثمج بشي انتي الي بتخسرين وبتخسرين وايد وايد بعد

ميثه : الله يحرق قلبك الله يحرق قلبك شرات ماحرقت قلبي الله يحرق قلبك
عيسى : توكلي توكلي يا امم ...
سكرت ميثه فويهه وهي تصيح وتتحسب عليه
.
.
بيت ام سعيد ..
المكان هادي ومافيه الا الريم وام سعيد وفجججاة
الريم صارختت : امماية ابا اروح عند خوله طلعت من المستشفى مارحت لها
ام سعيد : هيه قولي ابا اهيت البنت صار لها دهر طالعه من المستشفى ماقلتي ابا اسير
الريم : استغفرررررررررررر الله انا لو انحرفت محد يلومنني افففف
سعيد نازل من الدري ومعصب ..: انتي ايه ماتعرفين تقصرين صوتج ماتقولين في ناس راقده
الريم وهي رايحه فوق : فككككككككككنا زين
مسكها سعيد من ايدها ولواها ورا ظهرها : شو شو شوقلتتي اخت ريم !!!!!!!!!!!!!
دخل عيسى ف هالوقت !!!!!!! والكل انصدم من وجوده الا سعيد طبعا
قامت سعيد وهي ترحب ب عيسى سلم عيسى على امه
والريم مفتشله منه اول مره تظهر قدامه بالجنز والتيشيرت صح انه اخوها بس للحين ماتعودت على وجوده
سعيد : ها وين لسانججج اخت ريممممو شوقللتي والله مابهدج
الريم ووهي ترمس من بين ضروسها : سعيدان خلني اروح فشله واقفه قدام اربيعك جي روح اذلف سلم عليه
سعيد بصوت عالي خله عيسى ينتبه عليه : لالالا شو صاير بالدنيا ريممممو الملقوفه ام لسان تسستححي وبعدين يالججلبه اسمي سعيد تاج راسججج مب سعيدان واربيعي هذا على قولتج يكون اخوج
الريم : الله ياخخخخخخخخخخذككك يارب خلننني اخويه اليديد الشيمه اتي تخلصني من يد الوحش المتخلف
ويرص سعيد على ايدها اكثر : متخخخخلف ها خله اي اخوج اليديد على قولتج عسب احطه فوقج بعد
نش عيسى وهو يضحك وغمز ل سعيد : يا ايها المتوحش اترك يد اختي الجديده ولا ساقتلك
سعيد وهو فاهم عليه : نيييييييييياههاهاها لا لن اتركها سادفعها ثمن ماقلته عني
عيسى : اتركها والا قتلتك يا ايها الوححش الخبيث
الريم وهي معصبه : يامسخخخخخخخخخخخخخفكم كان واحد وصارو اثنين وانا شاده الظهر فيك يا اخويه اليديد
عيسى وهو كاتم ضحكته : اسمي عيسى مب " وهو يقلد صوتها " اخويه اليديد .. ولف على سعيد .. وانته ححوه خل ختيه اليديده الاموره ف حالها احسن لكك
ام سعيد : يالله ياعيسى وسعيد خلو اختكم ف حالها
يلس عيسى ويا اهله وكان فخاطره يقعد اكثر معاهم بس يده طالبه والود وده ما يروح
.
.
نروح لبيت سلطان !!
شيخه : بتاخذينه يعني بتاخذينه
سمية : واالله مممممممممممماخذته
شيخه : انا ابا اعرف ليش رافضتنه تراه تاجر وعنده خخير
سميه : والله لو عايبنج خذيه انتي
شيخه : شوووووووووووووووووووووووه يالججججججججججلبه انا امجج تردين عليه هالرد
سمية : اوووووه امج وامج الله والام عاد
شيخه : الله ياخخخذكمممممم من عيال الله يفكني منكم .. وتصد على محمد .. وانته ماتنطق ماتقول شي !!
محمد: وشو تبيني اقول تراج ماتعتبريني ريال فالبيت !!
.
.
فالشارجه . .
ناصر : خوله اباج ف موضوع ..
خوله : خير نصور صاير شي امايه تبا شي ثاني ؟!
ناصر : اممم لا بس ابا اخذ رايج بشي ..
خوله : حوه ماحب المقدمات غرد شو مهبب
ناصر : جلبه والله المهم من الاخر عمتج ميره مخطوبه محيره شو موقعها !!
خوله : ها !!!!!!! ميروه !!!! ؟؟؟؟
ناصر : همبه هي هي ميره عمتج مخطوبه !! حد رامس عليها يباها !!
خوله : اممم والله مدري بس اعتقد لا لان ولامره سمعت حد يرمس عن هالموضوع
ناصر : ايووووووا اوككيك يابنت خيتوو رمسي عمتج وجيسي النبض بس خلي الموضوع بيني وبينج مابا اتقدم لها و اهلها يجبرونها
خوله وهي تغمز له : ياححركات وقمنا نحب بعد
ناصر : انقلعي اتصلي ب منى
خوله : ها ها حاسب ع رمستك مستر ناصر
فر ناصر عليها المخده وهي شردت وراحت ترمس خالتها وتطمن على ريلها ..
رن تلفونها ومن شافت الرقم خافت عطت المتصل بزي وطرشت مسج غلقت التلفون ودخلت تنام ..
.
.
بيت ابراهيم خال خوله ....
يعقوب : منصور عيب عليك البنت مب صغيره تمزح معهاا بهالطريقه حاسب
منصور : افف وانا كل ماشفتها عطيتوني هالمحاظره
يعقوب : انا حذرت انت تدري لو حميد شافك ترمس مععها بهالطريقه بيذبحك
منصور : يصير خير خواتك بيون فالاجازه ولا نحن بنروح لهم
يعقوب : مدري امك ماقالت لي شي للحين ولو بيون اكيد بتتصل عسب نطرش لها بيزات التذاكر
منصور: فخخخاطري اعرف سبب انفصالهمم وليش خذت البنات وخلتنا
يعقوب :لاننا رياييل يالخديه والبنات يحتايون ام ف حياتهم

منصور : والله في شيي وشي كبير بعد وانا بعرفه يعني بعرفه
يعقوب : اترك عنك اللقافه اللقافه للحريم
دخل ابراهيم البيت .. : السلام عليكم ورحمة الله
منصور ويعقوب : وعليكم السلام ورحمة الله .. نشو الشباب وحبو ابوهم ع راسه وقعدو عنده واحد ع يمينه والثاني ع يساره
ابراهيم : شحالكمم شباب شخباركم !! تعشيتو ولابعدكم
منصور: بخير ابويه لا ماتعشينا نترياك
ابراهيم : وشو عشاكم !!
يعقوب وهو يشوف منصور : عشانا باستا من بيت امايه
ابراهيم : من بيت اميه !! بس ماحيد ان خدامتهم تعرف تطبخ !! ولا احلام ؟
منصور : ءء ابويه هاي خوله سوت لنا وسوت ل بيت امايه و لبيت عمتيه منى وعمي راشد
ابراهيم وهو يشوفه بطرف عين : هيه خخخوله مسويه العشا عيل ها
يعقوب : ترا منصور ماقالها سوي لنا هي من نفسها والله
ابراهيم وهو يضحك : زين زين ماقلت شي حطو العشا ببدل وبيكم
.
. __DEFINE_LIKE_SHARE__

bskat · 01-24-2014, 12:48 AM

[align=center]السلام عليكم ورحمة الله ..

اعتذر على البارت القصير ماحبيت اتاخر عليكم اكثر ..

باذن الله بكتب بارت ثاني وان كان طويل بنزله لكم باجر وان كان قصير بطوله و بنزله لكم السبت
تعويض عن الايام الي طافت ..

والسموحه منكم ..

اختكم / بسكـآت[/align] __DEFINE_LIKE_SHARE__

دااانه غير · 01-24-2014, 04:47 PM

حلوا البارت وتسلمين على هيك بارت بيفتح النفس
ماافيه واايدد احدااث
احس ان منصور يحب خوله
ميثووه وعيسى مدري وش سووى لها بس مع الأيام كل شي بيبان
منوو اللي اغتصبها عيسى اتوقع ميثة لأن ميثة يوم تدعي عليه مب شويه وايد فيبين جي وهو مجرد توقع

مع تحياتي:دااانه غير
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وربي لأدمر حبهم ...... }~	تعبت آقول وآحشني ،	قصص و روايات	123	10-19-2013 05:36 PM
مواطن يتهم طبيباً بارتكاب « خطأ طبي »	محروم.كوم	منتدى أخبار المواقع والمنتديات العربية والأجنبية	0	11-20-2011 08:30 AM
رجل يتهم زوجته بالتزوير في قضية نفي نسب	محروم.كوم	منتدى أخبار المواقع والمنتديات العربية والأجنبية	0	08-19-2011 06:10 AM
بني ياس يتهم «القرعة» بإقصائه من الكأس	وحداوي البال	اخبار محلية و عالمية	11	03-06-2010 02:17 PM
بنت تحب بنت مثلها ؟ شو نهاية حبهم ؟	» βỊη άℓ đόόŁα «	الحوار والنقاش - الرأي والرأي الآخر	13	04-15-2009 03:59 PM