كيف بنسـآ حبهم . . - الصفحة 5

bskat · 12-25-2013, 07:47 PM

.
.
عقب يومين ......
خوله قامت بالسلامه وطلعت من المستشفى وهي ف بيت يدها الحين
وميره ردت بيت ابوها ...
خوله : يالله ميييييييروه ظهري برع خليني ارمس ع راحتي
ميره : مااااااااااااااااااابااااااااااا وتزاعق " عبوووووووووووووود سكر سكر ابا ارمس بنت اخويه انا
عبدالله : ههههههههه بلاها هالخبله عطيني برمسها
خوله بغيره : لا عيونننني ارتاح
عبدالله : يالله فديتهم الي يغارون عمتج هاي حو
ميره : يبا يرررررمسسني صصح هاتي هاتي
عصبت خوله : لا والله جي يعني اوكي .. فرت التلفون ع ميره وطلعت وقعت الباب بالقو وراها
ميره بصوت عالي: لا حححححححلفتج شلي الباب وحطيه ف مخباج
عبدالله: يعععععععععععللللللللجججججج روحي روحي راضيها
ميره : جب جب انته زعلتها
عبدالله : مالت عليج يالسيلانيه فديتها انا فديتها ميروه يوزوني بنت اخوكم بموت انا
ميره : والله يا عبيدان لو تباها اترياها تخلص دراسه وانته روح اشتغل يالبطالي وبعدين تعال شلها
عبدالله : مالت عليج عبيدان ريلج يعني قلتي شي مفيد زولي روحي راضي حرمتيه يلا
ميره : ويهد انا عمتك قولي عموه
عبدالله: تخخخخخخخسين سباله وحده عمتك اونه
ميره : ياغبي مب تقول خولو حرمتك خلاص وانا عمتها يعني عمتك
عبدالله : اقولج !! باي باي حبيبتي زعلانه وانتي تقرقرين
سكرت ميره من عبدالله وراحت تشوف خوله وين ..شافتها فالصاله ومتكوره ع عمرها وتصيح
ميره : اويه خولوه !!!!!!!!!!!!!!!!
خوله وصوتها رايح : ها شعبتو !
ميره سكتت فتره وبعدين ضحكت عليها وراحت حضنتها : فدييييييييييييييييييييييييييتهم انا تغارين من عمتج يالسباله
خوله : والله لو كنتي امهه وتصصارخ ليييييييش ترمسسينه ويرمسج ها عبدالله ححححححححقي بسس
ميره تركض وتسد ثمها : اشششششششششش يا الجلبه بتفضحينا امشي داخل
.
.
مكان ثـآآني ...
......: معقوله !! الي قاله عيسى صدق ؟ اوووه انا مب فاهم شي كيف يعني لاحول ارمس عيسى وارد افهم منه ..
عيسى : مرحبا مليون
....: مرحب باجي وينك !
عيسى : والله انا بخير الحمد الله انت اشحالك
.....: انزين وينك ؟
عيسى : مديم ححالك ياربي الاهل تمام يسلمون عليك
......: ويهد !!!!!!! بالع راديو
عيسى : ههههههههههههههههههههه والله شسويبك متصل لا سلام ولاكلام على طول وينك
.......: عواس اخلص وينك
عيسى : تولهت عليه حياتي !
......: يالشذوذ بتصفعك
عيسى : هههههههههاااااااي انا ف بيتنا شوتبا
..........: تعال المقهى برمسك شوي
عيسى : يلا يياي فمان الله .
.
.
ف بيت سلطان ...
سلطان : ياااا شيخه ياششيخه طفرتيبي خلاص قلت لج الي تبينه بيصير
شيخه : لا والله ! انا من خذتك وانا اسمع الي تبينه بيصير ولا شي من الي اباه صار
سلطان : ماعليه خلاص انا قلت لج الي تبينه بيصير وفكيني بروح ارقد تعبان انا
راح سلطان وتمت شيخه تتحرطم : الي تبينه والي تبينه ولاشي من الي اباه صار
عيسى من وراها : لا صار ولا تبيني اذكرج !!
شيخه بارتباك : ها انا انا بسير جدري ع النار
عيسى : هه جدري ع النار ها ويهي لو تعرفين تسلقين بيض اروح احسن لي
طلع عيسى وصادف سميه ف دربه ..
سميه : ها عواس ع وين
عيسى : انا بوحميد طولي بعمرج عواس اون اصغر عيالج انا !!
سميه : ممممممممممممممممماحيد يقولون للي اسمه عيسى بوحميد المهم وين بتروح
عيسى : جب جب انا بسمي بجري على ابويه حميد قولي بوحميد وانجعمي ووين بروح مايخصج
سميه : هاهااهاه عرس انته اول بعدين اختار اسم عيالك انزين بيت يدي ع دربك !
عيسى : لا شو عندج ؟
سميه : ماشي ملانه ويالسه روحي قلت اسير عليهم خوله وسلامه هناك
عيسى : خوله !! متى طلعت من المستشفى ! وليش محد خبرني ان شاء الله
سميه : من يومين وبعدين ليش خايف عليها وانته شو يخصك يقولون لك ولا مايقولون لك
عيسى : جب جب انتي عند 5 دقايق لو ماشفتج بروح عنج
سميه : طييييييييييييييييييران والله لاتروح بسس مممملانه ..
.
.
بيت خليفه ..
فطيم : حمييييييييييييييد حممممممممممميد قوم اميه عويش مريضه خلني بروح لها
حميد : روحي روحي امايه نص ساعه وتعالي
فطيم : قوممممممممممم عنبو صار لك يوم كامل راقد لاصلاه ولاعباده
حميد : اووووه امايه دخيلج من زمان مارقدت شرات الناس
فطيم : هي لو ابوك يودر هالساحره جان رقدت شرا الناس ولا اشتكيت
حميد قام ويلس : امايه امايه دخيل والديج شو ياب طاري ابويه الحين ها
فطيم : نش نش وباجر بروح الشارجه صوب خوالك من زمان ماشفتهم وصل وانزل شوف خلود اخوك وينه
حميد : ان شاء الله ان شاء الله
من طلعت امه رد ورقد مره ثانيه لووووووووووووول
.
.
بيت اول مره نروح له !! " بيت العنود "
فـآرس " ريل العنود ويكون ولد خالت العنود وولد اخو فطيم حرمت خليفه خذا العنود عقب قصصصه طويله بتعرفونها بعدين وعمره الحين 24 وماخذ العنود من سنتين وللحين الله مارزقهم بعيال " ..
العنود : فارررس فاررررررس انا طالعه
فارس : وانتي كل يوم طالعه خفي شوي
العنود : يعني شسوي اقابل منو هي !! انت راقد واذا مب راقد فالدوام واذا مب فالدوام واذا مب فالدوام بيت ابوك ولا يا ربعك
فارس : حتى لو الحرمه مكانها ف بيتها يالعنود لو تبين تطلعين بنطلع انا وياج بروحنا مب لازم كل يوم مع اربيعاتج
العنود : لا حبيبي ارتاح لا اطلع وياك ولا تطلع ويايه انا اعرف شو نهاية الطلعات هاي
فارس: يعني شو تبيني اسوي ها !! ايج راي تممي فالبيت اليوم ماشي طالعه و انا بعد مب طالع وبشوف اخرتها وياج
العنود :اوووووووووووووووووووووووووووووووووووف اوووووووووووف من هالعيشه لو اني ف بيت ابويه وايد ارحممم
فارس بعصبيه ومسكها من ايدها : كارهه العيشه ويايه كارهه قرررررربي يالعنود تبين بيت ابوجج ها حاااااااامض على بوزجج
العنود وهي تتويع : اااااههه فاررررررررس خل ايدي تراك تعوررني فارس ايدي دخيلك
فارس وهو للحين ماسك ايدها وكل ماله ويضغط اكثر : اررمسي انطقي كارهتني يالعنود نسيتي نسيتي ولا اذكرج ان انتي سبب الي نحن فيه
العنود بصراخ : ااااااااااااااه فارررررررس اترك ايدي تعورني انته انا ماااااااايخخخصني ف شي والله مايخصصني
فارس دز العنود بالقو ع الارض و راح عندها وهي تمت ع الارض تتويع من ايدها وتصيح ع حالها ويا فارس
.
.
فالمقهى ..
.......: كككككككيف يا عيسى كييف انا مبب فاهم كيف ابويه جي يسوي فهمني
عيسى : والله هاالي قالته لي ام سعيد
سعيد : وليش ماتقول امايه
عيسى بعصبيه يلف ع سعيد : انا ماعندي اممممم :@
خالد : هي عواس اميه امك قوم قوم روحنا بيتنا
عيسى : قلت لكككككككمممممممم ماعندي ام خلو امهاتكم لكم والله يحفظهن
خالد : ياريال نش ودني البيت الحين اميه يالسسه وتحاتي وتسبني وتقول ل حميد وحميد بيلعن خيري
عيسى : يالحشره انته نش نش مالت عليه حد قالي اييب يهال ويايه
.........: عييسى بينا رمسه لاتنسيى
عيسى : خير خير ياحمد ان شاء الله خير
" حمد شخصيه يديده ف روايتي عمره 29 ويدرس ف امريكا وويرد البلاد ف الاجازه عم الشباب والبنات يعني ولد حميد بوسطان محمد بعيد شوي عن اهل ابوه واخوانه بس علاقته وايد قويه ويا عيال اخوانه وهو من ام ثانيه "
.
.
صوب البنات ...
سلامه : اا انتو بلاكمم !!
ميروه : نحن !! ولاشي شوبلانا يعني ؟؟
خوله : لا ماشي ليه !!
سلامه : ليه ها مممممممممش طبيعيات !!
ميره : لاتقولين مممش قولي مب
سلامه : زولي عاد كله واحد
ووتدخل سميه ..
حاست خوله البوز : شرفت اخت محمد
سميه : سلامم عليكم بنات عمي وبنت يدي
البنات : وعليكم السلام والرحمه ..
سميه : ها متيمعات عسى خير بس
ميره : عاد كنا متيمعات والحين كل وحده بترد بيتها
سميه : اها يعني دخلت الملائكه وذهبت الشياطين !
خوله : اقول حشمي روحج بس وخلي لسانج ف ثمج وانطبي
سلامه تهدي الوضع : خلاااص خلااص بنات هدو شوي
خوله : اووه اقول انا اروح بيتنا وايد احسن
سميه : الي يسمع بيتكم ورا بيت يدي
خوله : انتي جججججججججججب
ميره : اففففف منكم بنات بس عاد كله ضرابه
سلاممه : خخخخخلاص عاد نحن ماصدقنا تصفى النفوس لاتردون تسون مشاكل
خوله بعصبيه : سكتوها هي اول بدت ومن دخلت دخل الشر وياها
سميه : اقول يامرت اخويه يلسي بس باجر بياخذج اخويه وبتشوفين بس ماعليه
خوله : وااااااااااااااااااااااالله ما خذت اخوج لو على جثتي هالي ناقص انا خوله بنت خليفه اخذ محمد عديم الشخصيه
سميه : للللللللججججججج الشرف يابنت خليفه تاخذين اخويه محمد
نخلي البنات وضرابتهم ونروح ل ميثه ..
ميثه : اهه ياميثه شو الي سويتيه بعمرج ليش تروحين له بريلج افف بس انا ماسويت شي ماسويت شي هو الي جبرني هو الي ياني للبيت بس هذا بيت يده ولاززم بشوفه فيه اي وقت اووهه وانا ليش افكر فيه بالطقاق عاد اتصل فالعنود واشوفها وينها اليوم مايت ..
.
.
بيت ام سعيد ..
سعيد : يا امايه يا امايه مافيها شي لو البنات ططلعو ويايه انا اخوهمم عادي
ام سعيد : لافيها البنت ماتطلع من البيت الا لبيت ريلها
سعيد : امايه انتي ترمسين عن زمنكم الحين لازم البنت تتنفس شوي وتفج عن البيت ولا بتم حابسه روحها والله وعلم ترمس منو ولا شتسوي
الريم : هي هي اميه يعني الحين ماتخلينا نطلع عسب الشباب وعسب مايشوفوونا ونرمسهم ترا عندنا نت وعندنا تلفونات ونروح المدرسه لو نبا نرمس شباب شي الف طريقه وطريقه
ام سعيد : صه يالي ماتستحين هاي رمسه تقولينها قدامي وقدام اخوج وانته ساكت لها
سعيد : صدقها امايه يعني بنات الحين ماينخاف عليهن ينخاف منهن وبعدين بروح نتعشى ونرد لو تبين قومي تعالي ويانا
العنود " اخت سعيد مب اربيعت ميثه " : امايه دخيلج ددخيلج خلينا نروح وياه ملينا من البيت
ام سعيد : انا قلت رمستيه ومابرد عنها جان مليتو من البيت اتصلو للمطعم وطلبو منه ويوصل لكم الي تبونه للبيت لشو العباله وتروحون انتو
الريم : اممممممايه قلنا من البيت مممممممب من اكل البيت دخيلج اميه وراس عيسى وغلاته عندج خلينا نروح

ام سعيد : عسب خاطر الغالي عيسى هالمره بتروحن وياه ولا والله مره ثانيه بتثبرن فالبيت
.
.
صوب عيسى ...........
عيسى : وهاي السالفه يا ابويه والحين انا ابا افهم ولد منو انا ومن هي امي ومن هو ابويه
بوسلطان : هييي يا عيسى فتحت جروح وجروح وانا اقول محد بيكشف هالسر
عيسى : ابويه انت ربيتني ع اني ماسكت عن حقي وانا من حقي اعرف من انا ومن هو ابويه ومن هي امي
بوسلطان : ايلس ياعيسى وانا بفهمك
عيسى : وانا اسمعك يا بوسلطان
بوسلطان : انته ولد ولديه خلفان ياعيسى وامك غبيشه ام سعيد هي امك وشيخه امك بعد وهي رضعتك ويا علي الله يرحمه خلفان ابوك عصاني وتزوج غبيشه دون رضايه وانا حلفت مايطب بيتي لو تمت غبيشه على ذمته ....
خلفان : ابويه انا احبها ومابطلقها لو شو ماسويتو
حميد : بطلقها يا خلفان يعني بطلقها ولا انته ولديه ولا انا اعرفك
خلفان : تتبرا مني ابويه ليش خذت الي احبها واباها
حميد : يوم انك ماطيع شوري هي اتبرا منك وحرام انك تدخل بيتي طول ماغبيشه على ذمتك
خلفان : دام هاي رمستك ابويه انسى ان عندك ولد اسمه خلفان
... بوسلطان : ظهر ابوك ووياه امك ومخلي وراه يدتك عذيجه الله يرحمها تصيحه انكسر ظهري بظهرت ابوك من البيت ظهرت وياه يدتك وهي تترجاه يطلق غبيشه بس ابوك راكب راسه ولا يشوف غيرها
عيسى : يالله يا بو سلطان تروغ ولدك وتتبرا منه عسب حرمه
بوسلطان : هي ياعيسى يوم ولديه يفضل الحرمه على اهله شو ابابه هاي مب تربيتي
تنهد عيسى : كمل يابوسلطان ..
بوسلطان : راح ابوك ووياه امك جدا الفجيره ويلس ويا امك فاطمة ام عمك خليفه وذاك الوقت كنت مطلقنها طلقه وحده لانها وقفت ويا ابوك وامك اعرفك بتسال ليش فاطمة وقفت ويا ابوك وعذيجه امه ماوقفت وياه عذيجه كانت مريضه ولافيها شده ع ويع الراس ولا الضرابه ويايه وذاك الزمان محد كان يقدر يوقف ف ويههي الا فاطمه وقفت ف ويههي وطلقتها يوم انها قالت لو خلفان مادخل البيت ورد مابرد انا وجان تبا اطلقني طلقني انا مابتحمل اشوفك تظلم ولدك واسكت وقتها كان عمر ابوك 26 ف عمرك يعني وكان محاسب ع كل شي يسويه بعكس خليفه خليفه ماكنت اعرف عنه شي شلته وياها فاطمه وكان عمره 20 ودرس برع ويوم اتصلبها اتخبرها عن خليفه كانت اتيب لي طاري ابوك واسكر ف ويهها عسب ما احن له ...
فاطمه : خير يا بو سلطان متصل تتخبر عن خليفه ولا خلفان
حميد : استهدي بالله يافاطمه وخلي خلفان عنج وردي بيتج
فاطمه : الله بسماه يا حميد مابدخل بيتك قبل لايدخله خلفان خاف ربك بييك حفيد غير محمد
حميد : شوووه غبيشه حامل !!
فاطمه : هي حامل ويا شيخه وبتيبلك عيسى خاف ربك ف هالياهل الي بيك يا حميد باجر بترد فيك ف وحده من بناتك
حميد: يلا فمان االله اقام الصلاه ...
بوسلطان : دوم كنت اتهرب بالصلاه انا قوي قدام الكل الا فاطمه اضعف قدامها تعرف شو ابا وتعرف شو فخاطريه
عيسى : وليش طلقتها عيل !!
بوسلطان : خلنا ع سالفتك ..ولا اقولك نش نش روحنا المسيد ذكرني مب لازم تعرف كل شي
عيسى : دخيلك يابويه كمل ابا اعرف بعد عن ابويه وامايه
بوسلطان : المهم انك عرفت من هي امك ومن هو ابوك ومع الايام بتعرف كل شي ..
.
.
ف صالة بوحميد ..
ميثه : اااءء بنات شورايكم ارمس يدكم ونطلع كلنا

ميره : وين بروح يعني !!
خوله :لالا ميثه مب الحين يوم برد من الشارجه
سميه : عادي ذلفي ل اهلج ونحن بنطلع تراج مابتزيدينا شي ولا بتنقصينا شي
ميثه : سمميه وخوله بس لاتبدون !!
سلامه : ميثه لو رمستي يدي وطاع قوليله يرمس اميه
ميثه: خلاص تمم وبخبر العنوود بعد اتي ويانا
ميره : وينها صح مالها حس اليوم ماشفتها عندج
ميثه : مدريبها والله اتصلتبها ماترد
ميره : غرييبهه !! احيدكم ريه وسكينه ماتتفارقون
ميثه : دخليج ميره ويع البطن كافي لاتزيديني انتي بعد
خوله : ءء ميره تعالي اباج شوي
سميه : ليش ماترمسين هنه ولا اسرار بعد
لفت عليها خولهه ببرود : جب !
راحت ميره ويا خوله وهي تعرف ان خوله ماتبا شي بس عسب تبعدها عن ميثه ويبدون الضرابه ..
.
. __DEFINE_LIKE_SHARE__

bskat · 12-25-2013, 07:50 PM

السلام عليكم ورحمة الله ..
اشحالهمم !!
اعتذرررررررر ع البارت لو انه قصير ..
امم صح مافيه احداث كثيره ..
نزلت البارت لانه احتمال ما احدر باجر ولا الي عقبه ..
بحاول اكتب بعد واذا خلصت بنزله لكم الفليل ...
اتمنى يعيبكم البارت واتمنى اشوف المشاركات ...
.
.
اختكم " بسـكآآت "
__DEFINE_LIKE_SHARE__

دااانه غير · 12-26-2013, 12:37 AM

البارت حلوووو تسلمين ياقلبي
عيسى وااايد غمضني مسكين احس هو بيروح وبشووف ميثة احس السالفه اللي من بينهم ان عيسى قبل كان يرمسها وهي حبته بعدين قال ماابيج وهي حلفت انه تراويه وتزوج يده عشان يكون خط واصل بينها وبينه

احس في أشياء في الروايه واايد وضحت
ليش خولووه وسموويه يتضااربون يمكن لأنن سمووي تقول ان محمد لخوووله
وأتمنى الأكثر
تحياتي:دااانه غير __DEFINE_LIKE_SHARE__

ايمان الحمادي · 12-29-2013, 11:44 PM

السلام عليكم

مسا الورد

الروااايه رووووعه
تسلم أيدج ع هيك كتابه
وتنزيل البارت الياي

تحياتي لج __DEFINE_LIKE_SHARE__

bskat · 12-30-2013, 01:28 AM

السلام عليكم ورحمة الله وبركاته ..
اشحالكم عزيزاتي !!
السموحه منكم ماقدرت اكتب البارت لاني سافرت فجاة !!

و فنفس الوقت الالهامم داااااااااااااااااااون !!!!!!!
ومشغوله شوي متى ماقدرت راح اكتب البارت وبنزله لكم على طول

واعتذر مره ثانيه ..

اختكم " بسكـآآت " ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وربي لأدمر حبهم ...... }~	تعبت آقول وآحشني ،	قصص و روايات	123	10-19-2013 05:36 PM
مواطن يتهم طبيباً بارتكاب « خطأ طبي »	محروم.كوم	منتدى أخبار المواقع والمنتديات العربية والأجنبية	0	11-20-2011 08:30 AM
رجل يتهم زوجته بالتزوير في قضية نفي نسب	محروم.كوم	منتدى أخبار المواقع والمنتديات العربية والأجنبية	0	08-19-2011 06:10 AM
بني ياس يتهم «القرعة» بإقصائه من الكأس	وحداوي البال	اخبار محلية و عالمية	11	03-06-2010 02:17 PM
بنت تحب بنت مثلها ؟ شو نهاية حبهم ؟	» βỊη άℓ đόόŁα «	الحوار والنقاش - الرأي والرأي الآخر	13	04-15-2009 03:59 PM