البوح التاسع
أرجوان .~
دقايق قليلة وصرت معاه بنفس السيارة . .
ارتبكت وتوترت . . الصبح عرفته بموقف خايس جداً . .
والحينه صار ريلي وصرت حليلته . .
لميت إيدي وقرمشتهم بأظافري عشان أخوز الارتباك . .
لاحظ ه الشيء . .
. .: إهدي لا تتوترين ترا ما بأكلج
ما عرفت شو أرد
. .: أنا اسمي منصور تعرفيني ؟!
قالها بنبرة [ حنونة ] هيضت فيني شجون لذيج الأيام . .
[ الطفولة أجمل عهود الحياة ] . .
ركزت فيها عدل . . نفس الصوت . . ما تغير . . يمكن خفت حدة صوته الخشن شوية . .
هذا منصور اللي انتظرته سنيييييييين . .
هذا منصور اللي كان له دور بجزء من طفولتي . .
هذا منصور اللي كان يهددني لو سويت [ شطانة ] . .
هذا منصور اللي كنت أستشف خوفه علي بكل لحظة . .
لا إرادي ابتسمت . .
منصور: عرفتيني . .؟!
ما كان لي الشجاعة الكافية إني أرد . . استحيييت . . والله استحيت . .
هذا آخر إنسان أفكر ألتقي فيه . .
آخر إنسان أفكر يكون زوجي !!!!!!!!!!!!!!!!!!!
منصور: يعني عرفتيني . . ناناتي الصغيرة صارت ملكي . . جفتي كيف قدر ربج . .
ما رديت عليه [ أكتفيت بابتسامي ] . .
وهو سكت شكله حس بخجلي منه . .
لين وصلنا الفندق . .
منصور: تغشي وإنتي نازلة .. مابي حد يشوف مكياجج وكشختج
سويت اللي قاله ونزلنا
منصور: بننزل أترييني إهنيه بالاستقبال وانا بأكد الحجز وبردلج . . لا تروحي منيه ولا منيه [ وابتسم ]
هاا يالس يكلمني ك [ طفلة ] . . أكتفيت بهز راسي
سرحت أفكر شو مكتوب لي . .
كيف بتكون حياتي معاك يا منصور . .
أذكر يوم كنت 4 هو كان 15 . .
والحين أنا 20 يا ترى هو كم ؟!!
أممم يعني مضى 16 سنة ع آخر مرة شفته يوم صغيرة . .
15+ 16= أممممممم 31 سنة . .
صح يعني بيني وبينه 11 سنة . .
غمضت عيوني . . وتنهدت
منصور: يلا ناناتي نروح
أنا: ترا جنطتي ما نزلتهم . .
منصور: طرشت المفتاح ويا العامل . . بييبهم للجناح [ يأشر بيده ] تفضلي يا أميرتي . .
مشيت معاه وأنا متوترة . .
خايفة .. حاسة بأشياء متلخبطة بذاتي . . ما قدرت أفسرها . .
لين وصلنا للجناح . . بطله بالبطاقة . .
ودخلنا
الجناح . . فيه غرفتين بحماماتهم [ عزكم الله ] . . وصالة كبيرة . .
دخلنا غرفه من الغرف [ أكبر غرفه بالجناح ] . . ~
منصور: تفضلي قعدي لين ما توصل جناطج . .
أنا: أمم عادي ترا أنا بدلت فستاني ولبست خفيف . .
منصور: زين إفضخي عباتج . .
[ توترت ] . . بس عقب قلت هو ريلي الحينه . . ومساعة شافني بفستان شبه عاري وأنا احينه لابسة كندورة واسعة شوية . . مادري وين واسعه !! المهم طويلة وساترة ..
فصخت عباتي وشيلتي وعلقتهم ع التعليقة . .
وقفت جدام التواليت .. أطالع عمري . .
كل شيء كان أوكي . . مكياجي نفس ما هو . .
ما حسيت إلا فيه واحد وراي ويهه يم ويهي . .
صرت أحس بأنفاسه . . ويده تحاوط خصري . .
كل هاا شلل جسمي من الصدمة ما كنت متوقعة . .
منصور: الحمدلله اللي جمعني فيج حبيبي . .
وطبع بوسة طويلة ع خدي .. ما بعده عني غير دقة الباب . .
منصور: أكيد يايبين الجناط بروح أشوفهم . .
هزيت براسي . . وطلع . .
ياربي شقايل جريء وايد . . والله منصدمة :o
.
.

مايد .~
رحت بيت عمي . . وأنا أفكر بأللللللللللف طريقة وطريقة عشان أمنع بعدها عني
فكرت أكذب أختي . . فكرت بأشياء وأشياء غيرها
أرجوان عاشت معاي سنتين بنفس المكان . .
ما عمري لاحظت عليها هالشيء !!
ما عمرها إبتعدت عني وايد . .
متى بيوحالها تسوي جي !!
هي لي . . العمر كله . .
بتكون حياتي مثل ما رسمتها . .
بتكون هيه أم لعيالي . .
بيكونون كلهم بنات . .
عشان يريحون أمهم . .
بتكون حياتي بس معاها . .
دخلت بقوة . . بعد ما تنهدت من الخاطر
أنصدمت من المكان . . إهنيه كان فيه حفلة ؟!
الكراسي . . الزينة الخفيفة . .
باقات الورد . .
هزيت راسي [ أقوول لا ] . . بس ما قدرت أنطق . .
جفت أبوي . . عمي سلطان . . أخوانها . .
كنت أنتظر حد منهم يقولي . . لا ما راحت . .
كنت بس أنتظرها تطلع من أي مكان وتقولي انا موجودة ما رحت مكان . .
أنا: وينها ؟!!!

أبويه : منو هي يا ولدي ؟!
أنا: أرجوان أبويه وينها وينها ؟!
عمي سلطان : تسهلت لدربها . . الله يوفقها
أنا[ بصدمة ] : زوجتوها !!!!!!!!!!!!!!!!!
عمي سلطان: هي [ يبتسم ] أكيد زعلان لأنه ما باركت لها صح . . بس أنا سألت عنك وأبوك قال عندك شغل . . ولا ما بخليها تطلع إلا وأنت مسلم عليها . .
أنا: عمي هي بخاطري . .
أبويه: ماااااااااااااااااااااايد
حسيت خلاص كل أمل بقربها تلاشى . .
كل أحلامي تبعثرت . .
[ خاﺂبٺ ظنوﻧي
وﺂلحلم آﻧهدمم
ۈ م عآد ﺑآقي شيء
عندي يهون "
گلهم مشآعرهم
ب ا̴̄ﻟآخہڕ : عـدمم '
وﺂحذر ٺٺعلق ﻟ̲آنهم
ب يبعدؤن ..!
م فيہ ﭑﻧسآن گآمل
ب هاﻟ̲زمن ..
... گلهم مهمآ يحبونڳ
ﺑيجہڕحون و
ﺑيہڕحلون ...
(گلهم مهمآ يحبونڳ
ﺑيجہڕحون وﺑيہڕحلون) ]
ما حسيت بعمري إلا طايح . .
.
.
سلطان .~
تونا راجعين من برع . .
رحنا تمشينا . . الجو كان بارد وحلو . .
مرينا الملاهي ولعبنا . .
وسموي بس تصارخ ما تبا تلعب . . [ أنا أخخاااااااااااااف ] . .
ههههه وأنا شلي ذابحني غير خوفها ودلعها ك طفلة . .
ما لعبت ولا لعبة . . لأنه الألعاب كلها عالية . . وهي تخاف من الأشياء العالية . .
لعبنا شوية السيارات اللي تتداعم . . ورجعنا . . !!
سمية : شفيك سرحان .؟!
أنا: سرحان فيج . .
سمية : سرحان فيني وأنا معاك ..؟!
أنا: شفتي كيف أشتاق لج وإنتي معاي . . فما بالج لو غبتي عني !!
سمية: [ بحيا ] أنا معاك العمر كله .. ما بغيب عنك
أنا: عساني ما أنحرم منج
سمية : سلطاني . .
أنا: تعرفين أخر وحده قالت لي سلطاني شو سويت فيها !!
سمية : شو !!
أنا [ بخبث ] : كلت خدودها . . [ وقمت ]
سميه : أمييييييييييييييييه [ وركضت للحجرة ] . .
ضحكت عليها ورحت وراها ..
أنا: سمية بطلي البااااااااااااب . .
سمية : مابا
أنا: بس أنا أبا
سمية: أباهم خدودي . .
أنا: وأنا أباج يالله بطلي الباب . .
سمية: مابا . . بدخل أسبح أنا . . بااي
حاولت أفتحه . . بس هيه قافلتنه
خطرت في بالي خطه خبيثة . . بضطر أسويها . .
رحت للغرفة الثانية . . فيها باب يودي للعرفة الرئيسية وفي فقل . .
فتحته وكنت متوقع أشوفها مصدومة . . هههه
بس ما شفتها . . سكرت الباب . .
سمعت صوت الماي بالحمام . .
فتمددت ع السرير . . أفكر كيف صاير بس أحب أعاندها عشان أشوف دلعها . .
أشوفها كيف تعاندي وتسوي عكس اللي أباه . . أحيان أقولها عكس الشيء . . وأنا بخاطري هالشيء . . عشان بس تسويه . .
سمعت صوت الماي يتسكر . .
قمت من السرير بعد ما عفسته عشان تعرف انه في حد توه راقد فيه . .
ووقفت يم الحمام . . لو طلعت منه ما بتشوفني . . إلا إذا اطالعت ورا . .

طلعت وهيه لابسة برمودا أحمر . . وقميص كت أبيض كله قلوب حمرا . .
شعرها القصير فاتحتنه . . بس ما كان مبلل . .
سمية: بسم الله توه السرير مرتب . . ليكون أنا فقدت الذاكرة فجأه . .
أنا: لا ما فقدتيها . . صح هو كان مرتب وأنا عفسته . .
سمية [ أطالعني ] : أنت كيف دخلت إهنه ليكون أنت شبح
أنا [ أطالعها بطريقة درامية ] : لا مب شبح [ أغير صوتي ] جني . .
سمية [ بخوف ] : بسم الله الرحمن الرحيم . .
أنا: ليش مخلية سلطان برع بروحه . . تراه وايد زعلان وأنا بنتقم له
سمية [تصارخ ] : سلطاااااااااااااااااااااااااااااااااااااااان
أنا: الباب مفققول شقايل بيدخل [ وأقرب منها ]
سمية [ تركض للباب تبطله بس رحت لها وحضنتها ] : شو تباااااااااا؟!
كسرت خاطري . . خوفها ما كان مصطنع . . خوفها فطري . . ندمت . . أنا حسبالي هي تسايرني . .
أنا: سمووي أنا سلطان . . دخلت من الباب هذا [ أأشر ع الباب اللي دخلت منه ] . . هالباب موجود بالغرفة الثانية . .
سمية [ تصيح ] : خوووووووفتني والله
أنا[ أحضنها ] :أسف حبيبي والله ما أعيدها . .
سمية : أنا أحبببببببببك [ وهي تشهق من صياحها وتتعلق فيني زياده ]
حاوطتها بيدي . . أحاول أهديها
أنا: سموي ترا بأكل خدودج
سمية [ تسمح دموعها بكف إيدها مثل اليهال ] : عادي حلالك
أنا: صدق عادي [ أطالع عيونها ] عادي
سمية [تهز راسها] : هيه
أنا [ أتقرب منها بزيادة ] : أنتي جنيتي ع روحج ترا . .
ووو . .
[ آضحكهاَ ، آبكييها
آزعلهاَ بدُون آسباب
بدُون آسباب آزعلهاَ
عشآن آرجع وَ آرآضيهاَ
آسهرهّا ، آنوُمهّا
آصححيهاّ بِ رضا وَ عتاَب
آطمّنها بّ غلاَ
وَ آرجع آجننّها وَ آبكييهآ
آدلعها ، آوُلعها
آقآبلهاّ بِ بروُد آعصصآب
وَ إذآ ضآقت آجي طآير
عليها لَجل آسليها
آعللّها ، آخخوُفها
آقوُل الجنّي عند الباب ،
وَ إذآ خخآفت !
آنوُمها على صدري وَ آغطيهآ ]

.
.
ذياب .~
طاح مايد علينا وشليناه المستشفى . .
ما خبرنا الحريم عشان محد يصارخ ولا يخاف ..
أنا شليته ويا حمدان
وعقب لحقنا عمي سعيد وعمي علي وأبوي ومعاهم سهيل . .
عمي علي: ها شو فيه ؟!
أنا: عمي ياه إنهيار عصبي . . الصدمة اللي تعرض لها قوية . .
أبويه: من شو الصدمة ؟!
سهيل : من كلامه يبين أنه صدق بخاطره
أبويه : والله لو أعرف ما رخصتها لغيره [ يطالع عمي علي ] وأنت شقايل ما تخبرني
عمي علي: مابا ولدي يأخذها
أبويه: ليش شفيها بنتي ؟!
عمي علي: نسيت اللي صار الصبح
أبويه: بنتي أشرف منك . .
عمي علي: بنتك ربات أمها شوف كيف صارت ؟!
أبويه: بنتي أنا ربيتها . . بنتي أنا اللي ربيتها أحسن تربية . . واللي يشكك بتربيتي يقول
عمي علي: لو ما شاك بتربيتها ليش زوجتها ؟!
أبويه: الريال بيصونها أكثر منا . . الريال هذا اللي ياني أكثر من مرة يحاول يثبت لنا براءتها . .
قادر بإذن الله يصونها طول العمر . .
عمي علي [ بسخرية ] : تقص ع منوه أنت . . أكيد كشفت شيء بينهم وقلت تصلحه بزواج . .
أبويه [ بعصبية ] : موووب كفاية أنك السبب في موووووت زوجتي والحين تبيني أذبح بنتي !!!!!!!!!!!!!!!!!!
[ عمي علي السبب في شووووووووو !! ]
شقايل . . شو السالفة ؟!
ماني فاهم شيء ؟!!
عمي سعيد : يا جماعة ما له داعي تفتحون الجراح . .
أبويه: لا له داعي
عمي سعيد : كفاية اللي صار قبل سنين ولا تبون تكررون نفس السالفة أحين ؟!
أبويه: هي بنكرر دامه يشككني ببنتي بكرر
أنا: يا جماعة الخير ذكروا الله قولوا لا إله إلا الله . . صلو ع النبي
أبويه: الف من ذكره . . [ يأشر ع عمي علي ] هذا ما له قعده عندي
عمي علي: اللي يقول أنا اللي ميت ع القعده وياك . . أبركها من ساعة والله .. أنا ساير أحجز ع البلاد احينه
وطلع من المستشفى . .
أبويه: ها تسمونه أخو هذا ؟ ؟ حتى ولده هو السبب في اللي صابه
عمي سعيد: خل نرجع البيت ونيي باجر نطمن ع مايد
حمدان: سيروا أنتوا ونحن بنتم معاه . .
أبويه: سعيد أنت سير البيت أنا ماروم أقعد فيه وهو موجود . . [ يفتح فصم كندورته ]
أنا: أبويه تعبان تحس بشيء ؟!
أبويه: لا يا أبوي ضيقة بتروح إن شاء الله . . ظلمت البنت واحينه الولد خاطره فيها وأنا ما أدري . .
أنا: أبويه لا تقول جي . . هذا قدر مكتوب . .
سهيل: يلا عمي خل نروح البيت . .
أبويه: اسبقوني بطمن ع مايد أول . . سعيد شل سهيل وحمدان وياك وأنا برد ويا ذياب
حمدان: أبويه أنا بتم وياه . .
أبويه: هيه ولد عمك تم وياه . .
وراح عمي سعيد وسهيل . .
أبويه: وصلوني للدكتور
رحنا للدكتور . . اللي قال نفس الكلام اللي نعرفه بس زاد شيء زيادة . .
قال أنه لو ما قام خلال 24 ساعه بيدخل في غيبوبة والله يعلم متى بيقوم منها . .
.
.
مها .~
قاعده أنا وأمي وميرة بالغرفة تبدل لها الشاش . .
أمي: ميرة يعورج ؟!
ميرة: لاا ماماه ما يعورني
أمي: زين حبيبتي . .
أنا: ماماه وين مريم ؟!
أمي: مادريبها وين . .
[أسمع صوت أبويه ]
أبويه: وينكم يا عيال . . يا أم سلطان
أمي: أهنه تعال
أبويه [ بعصبية ] : قومي لمي أغراضكم بنطلع للمطار طيارتنا عقب ساعه . .
أمي [ بخوف ] : ليش ؟! شو صاير
أبويه: مالي قعده في بيت سلطان . . خل بنته تفيده . .
أمي: زين ومايد شو صار فيه ؟! من أمس ما كلمني
أبويه: مايد الله يأخذه ويفكني منه . . ع آخر عمري يبا يكسر كلامي
أمي: يا ريال هذا ولدك لا تدعي عليه
أبويه: المهم يلا لقطوا أغراضكم بنروح
أمي: زين زين
وطلع أبويه
أنا: أمي شو صار ؟!
أمي: أكيد أضارب ويا عمج سلطان . .
أنا: ردينا ع نفس قبل ؟!
أمي : والله مادري . . يا خوفي يكونوا ظالمين ه البنت والله
أنا: شو نسوي بعد
أمي: الله يعين . . والله انه قلبي عند مايد اللي ماعرف وينه
أنا: زين برتب وياج الأغراض
أمي: زين وروحي خبري مريم أختج وجوفي رشود وينه
أنا : أوكي
وطلعت أدور مريم ورشود . .
.
.
أرجوان.~
طلب منصور عشا . . وتعشينا . . حاولت أتعود عليه شوي شوي
خاصة مع نبرته الحنونة معاي . .
منصور: دشي لو تبين تبدلين ملابسج وتلبسين شيء مريح ع ما أطلع الأكل برع
أنا: زين . .
دخلت الغرفة ورحت لصوب جنطتي . .
بطلتها وشليت أول بدله . .
شهقت بقوه . . من اللي شفته [ . . . . . ] هذيييييييييييييييل يستهبلون . .
فشله شوو ألبس هالقميص جدام منصور . . والله أموت ولا ألبسه !!
يوم سمعته يفتح الباب خشيت القميص بالسحاب اللي بظهر الجنطه
منصور: شفيج ؟!
أنا [ بإرتباك ] : ماشي . .
منصور: ما بدلتي ؟!
أنا[ أقوم وأقعد ع السرير ] : عقب ببدل
منصور: اها اوكي . . تدرين شكثر كنت أتمنى قربج !!
أنا: شكثر ؟!
منصور: وااااااايد كثر ما أتخبل يوم أجوفج فوق البيذام . .
ضحكت . . وهو يتذكر كل طفولتي اللي قضيتها معاه بحذافيرها . .
ما غفل عن أي صغيرة فيها
[ * ♥ ۊيبقى مآضضضيُ آلطفولهُ ..روآيہ'هُ جميلة لآ تتڳرر ')- #آ ]
بعد يومين . ~
قضيتهم عند منصور . . معيشني ملكة مب أميرة . .
كنت مستحية وايد . . خاصة مع جرأته الأوفر . .
بس بجد كنت أحاول أتأقلم معاه
منصور[ بهمس ] : هاه حبيبتي شحالج اليوم !
أنا : تمام . .
منصور: عسى دوم يا ربي . . أنا بروح عند الوالدة أوكي . . صاير لي يومين ما كلمتها . .
أنا: زين روح
منصور: [ يطلع فونه ] وينه فونج ما عندي رقمج ؟!
أنا: فوني عند خالد شلاه عني
منصور: بسبب اللي صار ؟!
أنا [ هزيت راسي ] : هيه
منصور: من اليوم ورايح أنا أهلج وأنا كل خلانج . . لا تهتمين في ناس شكوا فيج . .
أنا: من يوم صغيرة وأنا أعتبرك هلي وناسي
منصور [ سحبني لحضنه ] : فديتج يا ربي . . عساني فدوة لعيونج
أنا : يلا ما بتروح بيت أهلك ؟!
منصور: بتروحي معاي ؟!
أنا: هيه أبا أتعرف عليهم
منصور [ بتردد ] : متأكده ؟!
أنا: أمم هيه
منصور: عيل قومي تلبسي
دخلت الغرفة ولبست لي تنورة قصيرة لونها وردي . . وتحتها ليغنز [ سكيني ] بيج مع قميص طويل بيج . .
أممم أحترت ألبس عباه ولا أكتفي بسكارف . . فقلت بزقر منصور
أنا: منصووووووور
منصور: هلا حبيبي
أنا: منصور البس شيلة وعباه ؟!
منصور: هيه اكيد . .
أنا: أممم زين بلبس سكارف وجاكيت طويل أممم ولا تباني أتغشى .!
منصور: إذا بتتمكيجين وجي تغشي مابا حد يشوف حلالي
أنا: لا ما بتمكيج . . بس بطلع قصتي
منصور[ يقرب مني ويمط قصتي ] : هذي مابا حد يشوفها زين
أنا: أيي منصور يعورني
منصور[ يهد القصه ] : دامه يعورج لا تطلعينها
أنا: زين ما بطلعها . .
[ رحت طلعت لي كوت طويل لونه بيج . . ولبسته مع سكارف وردي ] . .
منصور: [ يمسك رأسي ] بقرأ عليج آيات من القرآن وآية الكرسي عن يحسدونج
أبتسمت له . .
.
.
بدور .~
واقفة ع الجامة اللي تطل ع الحديقة . . أجوف الكل تقريباً متجمعين . .
الساعه تقريباً 10 الصبح . . الجو يبين حلو وخفيف . .
والله خاطري أنزل معاهم تحت . .
رحت صوب خالد اللي قاعد يلبس ملابسه . .
أنا: خلوود مليت بروحي خل نقعد ويا أهلك تحت
خالد: ماكو
أنا: ليييش ؟!
خالد: عمي تحت وأخواني
أنا: زين ما فيها شيء
خالد [ يطالعني بنظرة ] : شوو؟!
أنا [ سكتت] . .
خالد: لا تكلمي قولي شعندج؟!
أنا: عيل خل نرد البلاد . . أربع أيام قاعده بلندن ما شفت فيها غير المطار ع كم شارع وهذي الفلة . . وحتى من غرفتي ما أطلع إلا أوقات يوم تصير كريم وتطلعني لغرفة خواتك
خالد [ يتنهد ] : أنا أغار عليييج تعرفين شو يعني أغار عليج . .
رحت له وطحت بحضنه ولميته .. وهو رد الحضن وتم حاضني بيد والايد الثانية يمسح فيها شعري . .
خالد: أغار عليج من كل شيء . . مابي مخلوق غيري يأخذج عني . . مستحيل أعيش من دونج . . مابا أي شخص يأخذج مني . . والله بموت
أنا: خلود منو اللي بيأخذني منك ؟!
خالد: الكل يمدح فيج ويقول يا بخت خالد ببدور . . شالته ع كفوف الراحة . . أبويه يقول لحمدان لا ييت تخطب دورلك وحده مثل بدور . . أخافه يأخذج مني
أنا: المفروض تستانس مب تعصب وبعدين كيف أخوك يأخذني [ أخوز من حضنه ] أنت مينوون ؟
خالد: هذا يزاتي أغار عليج تقولين لي مينون !!
أنا: أستانس لا جفت غيرتك من الغريب بس أخوانك مثل أخواني وبعدين حمدان أخوك كله بدوامه ولا قعد معانا ما يناظر عيني
خالد: قصوره بس يناظرج عشان أذبحه
أنا: خلوود حبيبي هذا أخوك
خالد : وأنتي ليش مهتمه فيهم هالكثر
أنا: لأني فقدت وجود أخو بدنيتي . . والله اني أحسهم مثل أخواني والله
خالد [ يسحبني لحضنه ] : أدري يا عمري أدري بس ما تدرين هم كيف يفكرون فيج . .
تنهدت هذا الغيرة ذابحتنه . .
خالد: يلا شرايج نروح عن نالوه أختج . . لها وحشه ما تنشاف
أنا: خلود شقايل توحشك أختي !!
خالد[ يضحك ] : هذي أختج .. تغارين من أختج . .
أنا: [ أروح عنه بعيد ] : مثل ما أنت تغار من أخوانك . . يلا روح مابا اروح مكان وياليت نرجع البلاد بأقرب وقت .. كرهت العيشة والله
خالد: بدور
خليته ورحت تمددت ع السرير وتلحفت . .
.
.
ديمة .~
كنت قاعدة بالحديقة . . مع عذبة وعليا وخواتهم روضة وريم . .
والشباب مع أعمامي وحريم أعمامي الطرف الثاني . .
القعدة ناقصة . . ناقص وجود عمي علي وأهله . . نانا أختي . .
وبدور وخالد . . مادري ليش ما يخليها تقعد ويانا !!
أنا: والله فاقده مهوي . . ما تخيل بنقطع عنها مثل قبل . . والله بصيح
عليا: إي والله لها وحشة عودة . .
عذبة : إن شاء الله بنرجع الامارات وبتواصل وياها وبتكون ويانا بالمدرسة
أنا: إن شاء الله . . والله إني اشتقت للبلاد فديتها والله . . وأشتقت لأمينة . . هههه
الكل يضحك . .
روضة : أنا أبا اسير صوب الخيل بتون . .
ريم: أنا بيي
عذبة: ماروم أيي ريلي تعورني
علاية: أنا بتم معاها . .
عذبة: لو تبين تروحي عادي . .

علاية : لا حبيبتي ريلي ع ريلج . .
روضة: زين عيل أنا وريوم بنروح
أنا: زين سيروا بس أسمعوا كلام أبويه وعمي . . خلوا حد من الشباب وياكم . . المكان بعيد شوية عنا وفي عمال بالمزرعة
روضة : أمم منو فاضي لنا
أنا: بزقر حسين ويت [ أصرخ ] حسووووووووووون تعال
حسين [ يصصارخ مثلي ] : حسون أصغر عياااالج
أنا: إن شاء الله من غلاتك ع قلبي بسمي أصغر عيالي عليك
حسين [ أيي صوبي ] : هلا آمري يأم حسين
أنا : إي شو أم حسين بعدني صغيرة أنا
الكل يضحك . .
أنا: حسون رواض وريم بيسيرو صوب الخيول سير وياهم . .
حسين: آخر عمري أكون حارس شخصي . . !!
روضة: حسين لو ما تبا عادي بنروح بروحنا
حسين: لا لا ماشي روحه بروحكم أنا بروح وياكم يلا أمشوا جدامي يلا . .

وراح معاهم . . أيي صوبنا خالد . .
خالد: سلام عليكم . .
الكل : عليكم السلام . .
ابويه: وينها مرتك ؟!
خالد: راقده أبويه . .
أبويه: زين نوم العوافي يارب
خالد: أبويه أنا برد البلاد الشغل طالبيني
عمي عبدالله: لو مشتغل عند أبوك مب أحسن لك
خالد: عمي الله يهديك ماله داعي تفتح الموضوع كل مرة . . أنا مرتاح بشغلي الحمدلله
عمي عبدالله: الحمدلله . .
أبويه: متى بترجع ؟!
خالد: بروح الحينه أجوف أقرب رحلة للبلاد . . وبشل حرمتي وبنرجع
أبويه: خلها إهنه تستانس ويا البنات
خالد: أبويه تعرفني ماروم أستغني عنها
عمي عبدالله: الله يخليها لك يارب .. هيه جذه أباك لا تودر حرمتك بعيد عنك
خالد: هيه صادق عمي [ يقوم] عيل أنا أترخص بروح أجيك ع الرحلات
ذياب: أوديك ؟!
خالد: إذا ما عندك شغل وداني
ذياب: بروح معاك وعقب بمر مايد بييطلعوه اليوم
خالد: صار أوكي
ذياب: هي الحمدلله . . أحسن بوايد . .
أنا: عادي ايي وياكم ؟!
خالد: بملابسج هذي لا . . وبعدين سايرين عند رياييل نحن
[ كنت لابسه كت وبنطلون . . وخالد ما يحب جي ] . .
أنا [ بوزت ] : زين مابا أسير . .
خالد: أحسن
وراحو . .
أبويه: تعالي الديم عندي ما عليج منهم
خليت البنات ورحت صوب قوم أبويه
عمي سعيد [ بوجنان ] : ما عليج منهم لبسج شحلاته . . وأنتي بعدج صغيرة
أبويه: وين صغيرة الله يهديك . . خلاص كبرت
بوجنان [ يطالعني ] : من الحينه بيغلسون عليج لين تتحجبين . . بس لا تسمعين كلامهم لين روحج تقتنعين
أبويه: خواتها من كملو 15- 16 تحجبوا ..ع الأقل هي تتحجب بدون عباه . . ما بجبرها ع العباة
أنا: أبويه ماله داعي هالكلام [ وبوزت ]
مسكني عمي سعيد وقعدني يمه . . يعني ماكو بيننا شيء . . عداله بالضبط
بو جنان : يوم بتكلمين 15 ولا 16 ع قولة أبوج تحجبي . . أما الحينه لا استمتعي بحياتج
[ أنا بطلت حلجي . . والكل قام يضحك علي ]
أبويه [ يضحك ] : سعيد جم عمرها ديمووه
بو جنان [ يطالعني ] : أعطيها 13 -14 سنة . . ليش ؟!
عمي عبدالله: ديمة كبر بناتي عليا وعذبة . . بتكمل 18 قريب
بو جنان [ يطالعني متفاجأ ] . .
والكل قام يضحك علينا . .
يعني شو ذنبي أنه جسمي أصغر من عمري . .
قمت عنهم وهم يزقروني . . بس ما عبرتهم . .
.
.
حسين .~
رحت مع بنات عمي عشان يركبون الخيول ..
من وصلنا . . راحت روضة أتيب الخيل . .
أنا: خليه عنج أنا بييبه
روضة: لا أنا بييبه لازم أعوده علي عشان أركبه
أنا : يعني بتسوين طقوسج هذيج . .
روضة [ تضحك ] . .
ريم: أي طقوس ؟!
أنا: أختج عندها خبرة في لغة الحيوانات .. ما شاء الله . . تتكلم مع الخيل . .
ريم [ تضحك ] . .
روضة: يلا عاد لا تضحكون علي . . [ تبوز ] ترا بخبر باباتي
أنا: لا أرجووج يا دلوعه أبوج . .
ريم: روضة أنا دلوعة باباه مب أنتي
روضة: لا أنا
ريم: أنااااااااا
روضة: أناااااااااا
أنا: بس بس كلهم دلوعات أبوكم . .
روضة[ تدز ريم ] : سيري ما أحبج . .
ريم [ تدز روضة] : أنا بعد ما أحبج . . بس عند باباتي [ وتروح ]
روضة [ بعصبية ] : أحسسسسسسسسسسسسسسن
وراحت أتيب الخيل . . أحترت ما أعرف شو أسوي . . هذي كبريت . . اخاف ع روحي أنا . . وه البلية ياربي . .
روضة : شفيك سرحان ؟ !
انا[ بخوف ] : أخافج تعصبين علي بعد . . ترا والله ما سويت شيء أنا
روضة [ تضحك ]
هذي تضحك من الخاطر . . هذي مب اللي توها معصبة .. هذي إنسانة ثانية . .
روضة: ليش تخاف أعصب عليك ؟!
أنا: أخاف اسوي شيء يعصبج . .
روضة: لا مستحيل
أنا [ أطالعها عين بعين ] : مستحيل
روضة [ تنزل عيونها عني ] : هي أنت ولد عمي مستحيل أعصب عليك . .
أنا: ليش؟!
روضة [تسكت ] . .
أنا: ع فكرة شيلج وايد محتلتنج . . طالعه أحلى . .
روضة [ بحيا ] : مشكور
أنا: العفو . .
وراحت تسوي طقوسها ويا الخيل . . بس أنا قاعد أغلس عليها . .
أنكت عليها . . شكثر أستانست يوم تنقهر مني . .

.
.

أرجوان .~
بالسيارة . . تميت ساكته . . ومنصور نفس الشيء . .
عرفت أنه هالسيارة مأجرنها . . عشان يكون هو اللي يوصل أهله . .
بعد فترة وقف جدام كوخ ريفي حلو وبسيط . .
منصور: أرجوان أنا أبا أقولج شيء بس لا تتفاجئين . .
.
.