البارت الثامن والعشرين


~ بالمدرسة ~


دش المدرسة صادف جم بنت لين وصل لباب الإدارة ودخل


أحمد : السلام عليكم


لمح علايه + فطامي وهيوونه وثنيتين قاعدات


الأخصائية : عليكم السلام تفضل


أحمد "يطلع بطاقته" : أنا اخو عليا .. تفضلي


الأخصائية" جيكت على الاسم وجافته متطابق" : إيه تفضل


أحمد: والله متصلين فيني وطالبيني عسى ماشر


الوكيلة " أم غلا" : ما شر أحمد في أبلة تنرفزت منهم وسوت لنا سالفه فقلنا للبنات يروحون البيت اليوم وياخذون اليوم أجازة


أحمد: ليش !!


أم غلا: والله هالابلة شرانيه والمديرة بنفسها قالت هالكلام ما ودنا يرججعون البنات لحصصهم ويصادفونها وتسوي لها مشكلة


أحمد: أها .. زين يعني أشل أختي البيت


علايه : وفطامي بعد


الأخصائية: بس هو مب ولي أمرها


علايه: أبلة هو أخوي وأنا وياهم وهيه بنت عمي ومحد بيردها ..


أم غلا: سوي لهم تصريح خروج .. "ترمس أحمد" لو إني مب واثقة منك ولا ما خليتك تشلها


أحمد: زين " لمح هيا" وهيا


هيا "بحيا": لا خليفه اخوي ياي


أحمد: اها زين جنطكم وين


علايه: يبناها .. "تاشر " كاهم


الأخصاصية"عطته ورقة": تفضل هذا عطه للحارس برع


أحمد: إن شا الله


وطلعوا وتصادف مع خليفة اللي توه واصل وو سلمو ع بعض ..


.


.


مثايل "ماسكه جتف فلاح" : فلاح قوله لا يودرني


فلاح " تدمع عيونه" : إن شاء الله حبيبتي


مثايل "بإحساس صادق" : أنا أحبه


فلاح "لمها " : وهو يحبج يموت فيج


مثايل: بمووت دونه " بدت اهني تدمع"


بو غلا: بسم الله عليج مثوولتي


مثايل: باباه " وركضت لحضنه"


حضنه إلي ياما ارتمت فيه من الصغر .. ورمت عليه دموعها كان هو أبوها .. الود ودها لو أنها تسجله بإسمها بدال أبوها الصجي .. هالحضن دافي .. هالحضن يذوب كوم الثلج من على ظهرها .. يشيل همها فوق همه


مثايل: باباه خايفه


بو غلا: لا تخافين حبيبتي لا تخافين هو بخير


.


.


تقربت غلا من فلاح إللي كسر خاطرها وايد ربيعه روح روحه بين الحياه والموت


غلا: فلاح


فلاح : ربيعي غلا ربيعي .. روحنا وحده .. قعداتنا وحده .. ضحكاتها وحده .. وهمنا واحد


غلا: إدعى له بالخير إدعى له بالسلامة


فلاح " يأشر ع قلبه": هذا ما ينبض بعده


غلا: بسم الله عليك فلاح بسم الله عليك


تقرب منهم المسؤول بالمستشفى


المسؤول: يا جماعه أنتو أهله ..


بو غلا ودر مثايل من حضنه: نحن مب اهله بس معارفه لو حاب بنتصل باهله


المسؤول : ياليت أخوي "يأشر ع ريال وراه" ترا هذا هو اللي لقاه لو حابين تتشكرونه


الريال: لا شكر ع واجب الغالي


فلاح: مشكور .. لو حد غيرك ما انقذه


الريال: الله يقومه بالسلامة يا رب .. أنا اترخص وبياناتي عند المستشفى لو أستجد اي طارئ


بو غلا: مشكور


بهاللحظة طلع الدكتور


فلاح: بشر دكتور


الدكتور: والله حالته متدهورة حيل " يطالع الممرضة" شو قال اسمها


الممرضة: مثايل دكتور


الدكتور: الأخت مثايل موجوده


مثايل: إيه دكتور انا


الدكتور: المريض ناداتج بالاسم .. ياليت تدخلين عنده محتاجكم بأخر لحظاته


مثايل ناظرت فلاح .. بو غلا .. غلا .. والكل ابتسم لها وابتسمت كأنه ابتسامتهم كانت جرعة منشطة مقوية


دشت مثايل ع سيف ودش معاها فلاح .. بعد ما لبسوهم لبس العناية الاخضر .. المعقم


سيف اللي شكله تعبان حيل بس الابتسامه ما فارقت شفاه ابد


اشر بايده وتقربت له


مثايل: سييييييييف


سيف " بصوت تعبان ": عيونه


مثايل "دمعت": لا تخليني


سيف " مسك ايدها" : غنيلي


مثايل " باستغراب" : أغني !!


سيف " يطالع فلاح" : أنا سميتك الدنيا .. أبا اسمعها من شفاتج .. تردني .. أعتبريها آخر طلب لي قبل لا أمووت


مثايل: لا لا مما بتموت .. سيف بغنيلك وبغنيلك طول العمر .. انت ما بتموت


سيف: غنيها حبيبي


فلاح: هيه حياتي غنيله


.


مثايل" ابتسمت له وبدت تغني "


فديتك يا هوى نفسي مع الشدات خاويني


فديتك لا قسى وقتي علي وناحت أشجاني


"رصت ع ايده "


أبيك في لحظة الفزعة تحط يديك بيديني


وأبيك ليا شكيت الياس تكون بساحة أوطاني

طلبتك يا بعد ذاتي أماااااااااانه لا تخليني


تراني لو رحلت أبقى ضحية كيد عدواني


" دمعت "


سألتك بالله الواااالي سألتك لا تجافيني


لأني أمووووت بغيابك يا روحي وجثماني

معي واصل مشاويرك أواسيك وتواسيني


معي إبقى مثل ظلي حذااااري لاتعداني

أبي منك الوعد إنك على غيري تبديني


وأنا هذا وعد مني ما أبيعك وأشري الثاني


وإذا بلسانك الصادق نطقت وقلت تغليني


أنا بأعلن خبر عاااااجل تعالوا إقروا إعلاني


" ابتسمت له "


أبكتب داخل الإعلان إلى من صار يغليني


إلى قلبي إلى عمري إلى من صار يهواني

إليك أهدي نغم شعري وكل عرق نبض فيني


وإليك أهدي شذى عطري وياسميني وريحاني

و أبكتب داخل الإعلان وصيه كان شاريني


معي بالطيب عاملني ولا تجرح بهجراني

ومهما " تقسي الدنيا " علينا لا تعاديني


ولا تسعى أبد في يوم في عندي وعصياني

أبيك دكتور لآلامي من أحزاني تداويني


وأبي لا كفت أبصاري تكون النور لأعياني


" كمل سيف بدالها"


وأبي لا فاضت أنفاسي تكون أول معزيني


وأبيك بيدينك الثنتين تلف الجسم بأكفاني

وبعد ما أكون في قبري تذكرني وتبكيني


وأكون حزن على بالك ما تغفل وتنساني


" شهقت مثايل"


أبي لا قالوا العذال وش اللي بينك وبيني ؟


تبسم وتدمع عيونك من الحسرة وفقداني


" يأشر ع قلبها "


وتجاوبهم إني حي وبالأضلاع تخفيني


وإني سلوة الخاطر معك لا صرت وحداني

أبيك تقول هو ما مات أحاكيه ويحاكيني


أبيك تقول هو موجود وخبيته بوجداني

أبيك تقول هو دمي اللي في شراييني


لأنك دمي اللي كان يضخه عرق شرياني

وأبي لا زادت جراحك تخيلني وتناديني


وتفتش داخل شعورك و تهمس لي وتلقاني

وإذا طال السفر إقرا كتاباتي ودواويني



وقل يا كثر ما خلي كتب لي شعر و أهداني

ترى لو للقصيد عيووون والله ما تقديني


لأني للقصيد عيون واسمك رمز ديواني

وترى لو للحروف أهداب تعجز لا تغطيني


لأني للحروف إيحا ووحيك سر لإذعاني

تداركت الزمن يمك الا يا ليت يمديني


أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني


ونسيت الأول والآخر والقاصي مع الداني

" يناظر عيونها وسرح شوية وكمل "


وجاري المسح للباقي وأنت اللي تكفيني


حرام أحط معك غيرك وأحبك وأظلم الثاني

كفاية أنت في دنياي أمل باقي يسليني


آمل صوته إذا ضاع الأمل ألقاه بأركاني

كفاية همسك الحاني إذا جاني يدفيني


ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني


وتراك بدنيتي دنيا لها لون وشكل ثاني

أنا سميتك الدنيا وانته وش تسميني؟


" قاطعته مثايل "


ودنيا ,, ما بها حسك ما أبيها وعمرنا فاني



مثايل: والله دنيا مابها حسك ما أبيها ما أبيها


رص على إيدها بقوة .. إرتفعت أصوات الأجهزة .. دخلوا الممرضات


وطلعوا مثايل وفلاح ..


وتمت مثايل بحضن فلاح تصيييييييح


.


.


طلع من الدوام بعد ما أتصلوا فيه المستشفى


بالطريق إتصل بفجر مرة مرتين 3 محد يرد


خاف عليها .. هي روحها بالبيت فعكس دربه للبيت وعقبها ع طول بروح لأخوه بالمستشفى


دش البيت


لقاه هادي


وليد "يدورها" : فجر .. حياتي


بس ماكو رد


دش غرفتهم


لقاها ماسكه فواغي ترضعها


وليد: فجورة


فجر" مندمجه وما عبرته إكتفت انها حطت فواغي تحت ع السرير ": . . .


وليد" يقرب" : شفيج ما تردين علي .. اتصلت بج ما رديتي خفت عليج


فجر"رفعت راسها" : تخاف عليه " بأبتسامه سخرية" هه


وليد " مستغرب من مودها المتغير فجر عمرها ما ردت عليه بهالأسلوب " : ...


فجر " إطالعت كندورته البنيه وتذكرت كل اللي شافته بالمول " : روووووح لها روووووووووووووح ليش ياي لي .. لييييييييييش ؟!!!!! " قامت له ويلست تضربه ع صدره " لييييييش جذبت عليه ليييييييش ؟!


وليد " مسك إيدها ": حبيبي شفييييييج ؟! بشو جذبت عليج بشوو !!


فجر: "إنهارت" لييييش عرست عليه لييييييييش ؟!


وليد" بصدمه" : عرست عليج ؟! شوو !!


فجر: إسكت لا تنكر مابي أعذااااااااار .. " سكتت " طلقني مابيييييييييك


وليد: أطلقج .. لا انتي ينيتي .. شو صار فيج .؟! الصبح مافيج شي


فجر: تجذب عليه .. تقولي مابي ولد وأخر شي متزوج علي ليييييييييييش ؟!


وصار تبجي بهستيريه


وليد: " لمها وهيه ما لها حيل تقاوم حضنه" فجورتي خبريني شو صاير منو جذب عليج وقالج معرس عليج .. منو يستاهل أييبها شريجه ع راسج .. "يبوس راسها" أنتي الغالية .. منو يستاهل هااه


فجر: خبرتني هيه قالت لي انها زوجتك وقالت لي انك تواعدت وياها بالمول ورحت وشفتك " تضرب صدره بالقو" شفتك شفتك


وليد: والله العظيم أني ما طبيت المول كنت بالدوام " يمسك إيدها " علني الموووووووووووت لو أجذب عليج علني المووووووووووت


فجر: بسم الله عليك حبيبي بسم الله عليك


وليد: والله ما أجذب عليج والله


فجر: عيل شو السالفه


وليد : حبيبي بنعرف عقب ... بنجوف منو ؟! قومي الحينه سيف أخوي بالمستشفى حالته خطيرة قومي بنروح له


فجر "شهقت": شوفيه


وليد: الخبيث تعبه وايد


فجر: وايد


وليد: الله كريم .. قومي معاي .. مابخليج روحج


فجر: "مسحت دموعها" إن شاء الله


.


.


الدكتور: البقية في حياتكم


مثايل: لااااااااااااااااااااااااااااااااااااااااا سيف ما ماااااااااااااات


تقربت منها غلا وطاحت مثايل بحضنها


أم وليد : لاااااا ولدي سيف


فلاح "دمعته ع خده" : توج تذكرين انه ولدج وينج عنه من زمان .. وينج عنه يوم يتضايق .. وينج عنه يوم تعب ومرض .. وينج عنه ويييييييييييييييييين


أم وليد: وينه ولدي وينه ما أستسمحتت منه وييييييييييييين


مثايل طاحت من طولها


.


.


رابع يوم العزا " الخميس" ال


أم حمدان: مثايل قلتلج ما تروحين يعني ما تروحين


مثايل: مالج خص بروح يعني بروح


أم حمدان: بصفتج شو تروحين .. أمه أخته .. ولا حرمته


مثايل" بخاطرها : ياليتي حرمته وترملت ولا أخذ واحد غيره


بو حمدان : خليها تروح


أم حمدان: بتفشلنا هذي


فلاح: والله ماحيد العزا شي يفشل


أم حمدان: أنت آخر واحد تكلمني


بو حمدان: بببببببببببببسسسسسسسسسس


مثايل:"قامت " بروح غرفتي بدال القعده هذي اللي اتيب المرض


أم حمدان: عشتوو والعزا شوو يرد الروووووح


بو حمدان: قلت بس عاد شو ما تسمعين الرمسه أنتي ولا شو


أم حمدان :موكفايه نحشتوا حبيبي الغالي سلطان بعد ما تبوني أتم اهنه أنا أحسن لي أروح أسكن عند ولدي محمد أحسن لي


بو حمدان: حبيبج الغالي بروحج نحشتيه ..


أم حمدان: أوووه خل ارووح أنا


.


.


أم وليد " قاعده بغرفة سيف ولامة ثيابه وقاعده تشمها" : أنا حتى ما لميته ع صدري ولا قلتله كلمة حلوة ..


فجر "تصيح وياها" : عمووه بسج من الصياحح إدعيله بالرحمه


أم وليد: فديته الغالي راح ولا حتى استسمحت منه


فجر: الغاليه هو ما عمره بيشيل عليج . إنتي امه


أم وليد: كنت أبدي وليد عليه أغار عليه وودرت سيف .. أهتم فيه وسيف لا .."تتطالع فجر " حتى إنتي وايد أذيتج وايد بغيرتي


فجر: مسموحه عمووه مهما صار إتظلين عمتي


أم وليد "إبتسمت": أصيلة .. "تدور حواليها" وينهم بناتج


فجر: برع عند وليد


أم وليد: "مسكت إيدها" سامحيني يا بنتي ..


فجر " إبتسمت لها": مسموحه عمووه


أم وليد : "قامت " خلينا نروح عند وليد بضم البنات و عندي رمسة صغيره لج ولوليد


فجر: إن شاء الله عموه


.


.


راد من الدوام متحمس


خالد: أبوية عندي لك رمسه


بو خالد ودر أوراق الشغل من إيده: خير خالد آمر


خالد" أحمر": أبويه أنا عندي طلب وو مستحي


بو خالد : آمر بنت منوه هيه


خالد" بصدمه" : أبوية شدراك اني ابا اخطب


بو خالد ضحك : يايني وابوية ورمسه و تغير لونك معلومه السالفه


خالد "نزل راسه"


بو خالد: إرفع راسك انت ما قايل شي غلط .. ما قلت لي بنت منوه


خالد بتردد: بنت عمتي وديمه هيا


بو خالد: ونعم خير ما أخترت


خالد: يعني أتوكل


بو خالد: توكل


خالد: بس أبويه ع فرق العمر ما تحس إني كبير عليها


بو خالد: العمر مب مشكلة بنجوف شو يقولون أول


خالد: متى ترمسها


بو خالد ضحك: خل أرمس يدك ويدتك وأمك أول


خالد: بيييييه المشوار طويل يعني


بو خالد: دام صبرت كل السنين ما رايم تصبر شويه بعد


خالد: لا بوية مارووم بسرعه عرسووني لا أنحرف


بو خالد ضحك ع هبال ولده .. شكله حب وقعد


.


.

فهد: يا بنت الناس قلتلج ولهت عليج تقولين لي شحقه


علايه: هيه شحقه توله عليه .. الناس توله ع أمها .. أبوها .. أختها ونت ولهت على


فهد"قاطعها": حبيبتي


علايه " بطلت حلجها وعيونها"


فهد ضحك: بلاج كأنج بقرة شايفه حريجه


علايه: أنتا تحبني أنا


فهد: هيه عيوني


علايه: شحقه قلوا البنات


فهد: ههههههه أول مرة أسمع وحده يقولون لها أحبج وتقول قلوا البنات


علايه : بس انا دفشة .. خبلة .. هبلة .. شو تبا فيني


فهد: ما عليه بعقلج إن شاء الله


علايه: كيفك بس ما اتي عقب تقولي ماحبج مارمت أعقلج


فهد: يعني تحبيني


علايه "نزلت راسها"


فهد: فديييييييييييتج


علايه: بس عن حد يسمعنا


فهد: عادي خطيبتي


علايه ضحكت: بلاك تخبلت


فهد برومسنية: حبج خبلني


علايه ضحكت


.


.


أم وليد: إسمعني يا وليد وإسمعيني يا فجر .. أنا بيوم كنت اغار عليك ياوليد من كل شيء من الهواء اللي حواليك .. من لمسة الماي ع يبنك .. من "تتطالع فجر" قرب مرتك لك .. حاولت أفرقكم لاني كنت اشوف وليد ملكي بروحي كانوا البنات لعثتي .. قلت فجر ما اتيب إلا البنات .. غصصت فيها .. ضايجتها .. لين ما طلعتوا من البيت .. ما لقيت غير خطه سخيفه تفرقكم عن بعض .. قلت فجر بتطلب الطلاق بعد هالمرة .. ووليد بيرجع لي .. بس إكتشفت اني كنت معماية تحت قناع الغيرة سويت خطة .. خليت بنت تتصل بفجر


"قاطعها وليد" : مستحيل تكونين انتي


أم وليد: ايه انا .. خبرتها تقول انها زوجتك .. و سويت كل هالشي اللي صار سامحوني والله سامحوني انا غلطت


وليد : يمى ليش ليش ؟! تدرين فجر طلبت مني الطلاق يعني لو كنت سامع كلامها كان فقدت حبها


أم وليد: أسفه يمى سامحوني


فجر"قامت وباست راس عمتها" : أنا مسامحتج ليوم القيامة وليد تعال


وليد " قام وباس راس امه ": مسموحه الغالية


.


.


بعد مرور الأيام والأيام


مثايل "لامة ريولها" : حبيبي ولهت عليك إشتقت لك حيل حييييييييييل


فلاح "قاعد وياها" : حتى أنا إشتقت له ولهت عليه


مثايل: ليش القدر جي .. ناس نحبهم يحرمنا منهم .. ناس نعزها يجرحنا غيابهم


فلاح: ليش ناس نحبهم يعاملونا كأنا مب عيالهم


مثايل: لأننا صدق مب عيالهم


فلاح: شووه


مثايل: صدق صبر


" أتصلت ع رقم"


: ألوو


مثايل: حمدان متى ؟! ما يا الوقت


حمدان: تبين الحينه


مثايل: الحينه .. لازم نكشف للزمن تلاعبهم لازم نبين للناس مكرهم .. لازم نكسر قناع الطيبة والحنان اللي لابسينه


حمدان: لازم الكل يكون موجود


مثايل: والكل بيكون موجود بإذن الله


حمدان: لقانا اليوم بالليل


مثايل: لقانا اليوم بالليل .. وأنت تعرف الباقي شو!


حمدان: هيه اعرف الباجي علي ان شا الله


مثايل: بحفظ ربي


حمدان: بحفظ الكريم


||


فلاح: شو اليوم ..منو هذا ؟!


مثايل: حمدان .. ولا نسيت منوه حمدان


فلاح:حمدان اخوي .. شعنده


مثايل: عنده العلوم كلها .. اليوم بالليل بتعرفها


.


.


بالليل


مثايل يمعت الكل بالصالة


عمها بو خالد ومرته وعياله + عمها بو مهره ومهره + عمها بو فهد ومرته وعياله + عمتها وديمه وعيالها + أهلها واخوانها + محمد ومرته + يدووه + يديـه


.


.


بو حمدان: خير بنتي شو صاير؟!


مثايل: أتريا ثواني بس..


دق الجرس .. بطلت الباب .. دش حمدان


الكل إستغرب منوه هذا .. بس بوحمدان + أم حمدان + محمد + سلطان + فلاح + مثايل .. يعرفونه


مثايل + سلطان + فلاح يعرفون لشو ياي


فلاح.. يعرف انه ياي لشيء بس مب عارف شو هو الشي


.


.


حمدان : لي مكان اهنه ولا ..!!


مثايل "إبتسمت له" : لك مكان يالغالي يا أخوي


الكل إستغرب >> أخوها !!!!!!


حمدان: بس أهل البيت ما رحبوا فيني


يديـه: تفضل إن ما شالك البيت تشيلك عيوننا


حمدان: تسلم الغالي .. بس انا معاي ضيوف " بإبتسامه" ضيوف غالين على قلبكم


يديـه: أنتا وضيوفك على العين والراس .. خلهم يتفضلون


حمدان " رفع سماعه فونه واتصل لرقم وسكره "


بعد ثواني بسيطه


دخلوا الضيوف من الباب


وإنرسمت ملامح الصدمة على ويه بو حمدان + أم حمدان ..


وملامح التعجب إزدادت على ملامح بقية أفراد العائلة


حمدان " بصوته الجهوري ": الضيوف لهم مكان عندكم ولا نطلع


يديـه : أنت الداخل ونحن الطالعين


حمدان : تسلم


يديـه: قولوا اللي عندكم وكل الآذان صاغيه مثل ما يقولون


مثايل: هيه حمدان قول اللي عندك وانا بقول اللي عندي " تناظر جهة الضيوف " والضيوف لهم كلام بعد

.


.

وجاري كتابة البارت الأخير
وو بجوف حسب حماسكم متى أنزله