ﻧـﺂﻣ ﻣﺣﺑﯾ ، ﻋﻟـﮯ ھـۆﻧـہّ ۆ ﺂﻧآ ﺑﻋﮃﻧﯾ آرﻗبـ ﻋﯾۆﻧـہَ

ﻣدﻣﻧة ﻏرﺂﻣـہّ · #1 11-17-2012, 03:26 PM

روآية :ﻧـﺂﻣ ﻣﺣﺑﯾ ، ﻋﻟـﮯ ھـۆﻧـہّ ۆ ﺂﻧآ ﺑﻋﮃﻧﯾ آرﻗبـ ﻋﯾۆﻧـہَ
للكاتبة : ﻣدﻣﻧة ﻏرﺂﻣـہّ
بعد تـردد ، حبيت أنزل أول روآية لي ، أتمنى أنهـآ تنـآل أعجـآبكم ،
إن شاء الله ألقى تشجيع و ردود عسب أكملهـآ و إذآ مآ عيبتكم ، بوقفهـآ ،
و أخليكم مع ألبدآيةة ،

مع بدآية نغمـآت أغنية قلبين ، لمنى إمرشا و وليد الشامي ، بدت تدندن و تذكر يوم أهدآهـآ ألأغنية ، أبتسمت بأنكسـآر و بألم ،
و قالت هالمقطع بصوت عـآلي : يعني عمر وآحد يعيشونه أثنين ، طيب تعـآل بنقسم العمر نصفين و نتشـآرك أفرآحهه وجرحه ندآويـه ، " هه كله كـآن كلآم ،
ومن القهر بندت المسجل ، و بالأساس توها كانت واصلة بيتهم ، دخلت البيت ع الأزعاج اللي مسوينه أخوانها ، كانو يتضـآربون ع ريموت ، ضحكت عليهم لأن ها حالهم كل يوم استوآ روتين ، رآحت حبت رآس أمها ،
ألأم : هآ روضة شو سويتي اليوم بالدوآم ؟
روضة : مآشي الغالية ، كان يوم متعب خـآطري أتغدآ و أرقد ومـآنش ،
ألأم : يلآ منـآك ، بسم الله عليج شدعوه مـآتنشين ، ؟! آخر مرة جي تقولين يلآ أحين بروح أنجب الغدآ سيري بدلي ثيابج و نزلي تحت ،
روضة : أن شـآء الله ريمـآني هههه ،
ألأم : هي أصغر عيـآلج ،
روضة ، نشيت ع غرفتي بكل تعب صدق والله خآطري أرقد و لآ أنش ، بدلت ثيابي لبست تي شيرت لون ازرق فيه ورود فوشية و وردية فاتحة ، ولفيت شعري اللي يوصل لين نص ظهري لون بني هايلايت عسلي ، صح ماخبرتكم انا عمري 19 بعدني صغيرة أدآوم الصبح لين الظهر و العصر اروح الجـآمعةة ،. صح أنه تعب بس كل شي يهون ،
نزلت تحت عند أمي سألتها عن أبوية خبرتني أنه مآبي الآ باليل لأنه عنده نـآس يـآين من سعودية ،
" والله قهر كل أسبوع نـآس أيون من مكان ومـآنقدر أنشوفه يمكن بالأسبوع مرة و غير سفرآته بس دوم أقول الحمدالله ع كل حال ، "
كانو اليوم مسوين غدآنـآ مندي لحم ، يميمي لذيذ والله ، لآزم من أيد الوآلدة ،
روضة : مـآمـآ ريحته عجييييييبة من أحين أقولج تسلم أيديج حيـآتو ،
أمي : هههه الله يسلمج غناتي ، بس أنتي أول شي ذوقي أخـآف آخر شي مايعيبج ،
روضة : ههههه لآ أفـآ عليج أصلن أنتي شو ماتسوين يكون حلو حتى لو مسوية جـآي بعد حلو
أمي : هههه فديتج والله
محمد : رواض لا تقولين جي عقب بتخق علينا و مابتطبخ لنا
مريوم : هههههههه هي صح
أمي : بل كلتوني ، لآ تخلوني ماطبخ ترآني معلمة ع خدم كيف يسوون بس أنـآ عشـآنكم أدش
فطومة : لآ لآ أمي فديتج و فديت أيديج و فديت طباخج فوقج في حد مايحب طباخج ، أعذريني عـآد
روضة : هههه زين أنتو سمو بالله و يلآ كلو لأنه برد من هذرتكم ،
وبدينـآ نتغدآ بعد ما تغديت و شبعت رحت اتغسلت و فوق ع غرفتي ، انسدحت ع سريري أستستلم لرقـآد ، تبون صرآحة أنـآ مـآقدر أرقد ألآ وأنـآ أسمع أغاني أستغفر الله أنحرآف ، تميت أسمع أغنية مشتـآقلك موت لين ما يتني هستيريا و تميت اصيح وانا اقرآ محادثاتنا ، ورقدت ع صيـآحي ، و بعد سـآعتين يت أمـآية توعيني عسب الجآمعة ،
أمي : رويض رويض نشي أنآآ كم مرة بعلم فيج مب زين ترقدين ع الأغآني ، يلآ نششي
روضة : أن شـآء الله أمي ،
أمي : الله يهديج مادري متى بتتعلمين ،" و ظهرت برع ،
بندت الأغاني ، و رح سبحت ، لبست قميص برتقالي سادة مع بنطلون وسيع فيه نقش بالبرتقالي و الابيض ، رسمت عيني و حطيتلي روج شبه برتقالي جريب من الأحمر وبلاشر برونز ع خفيف ، و لبست ساعتي اللي ماركت قسس ، و اتعطرت عطري المفضل قوتجي ، لبست عباة مفتوحة علها نقش خفيف بالأبيض ، ونزلت تحت شفت أخوية محمد ،
محمد : روضة نزليني بيت قوم سواف
روضة : زين اتزهب عندك عشر دقايق ولا بهون
محمد : هه زاهب ويا راسج
روضة : عاد جي !!
محمد : هي بلاه لبسي
" كان لابس فانيله بيضة و برمودة سودة و كاب أسود عليه جماجم ، "
روضة : مابي بدل
محمد : رويض والله مالي بارض
روضه : ههه عيل شو رايك مابوصلك سير دور حد غيري
محمد : أيييه رواض عاد زين بروح اغير أوف
روضة : هههه اوك اترياك فموتري ،
،،
ماعرفتكم ع عيلة ،،
أمي : أسمهـآ ريم ، عمرها 34 أتزوجت وهي صغيرة ، و طيبة و حبوبة
أنـآ : أتعرفوني / صح أنا ألبجر ،
مروآن : عمره 18 ، أول سنة جامعة يدرس برع البلآد ، و هو الوحيد اللي مايشبه حد فينا ، و عيونه زرق وناعسات يقولون ع يدت أبوية " الله يرحمها " بس خشمه طويل ،
مريومة : عمرها 17 ثالث ثنوي ، تشبه فطومة اختي وايد ، عيونها كبار و سود و خشمها طويل و شعرها قاصتنه بوي ّ! بس مب بوية ،
محمد : 15 سنة ، صف عاشر ،، حبوب و خقاق ووايد يشبهني ، عيونه وساع و بنيات و خشمه طويل و مطول شعره لين تحت أذنه ،
فطومة : آخر العنقود ، صف 5 ، عمرهـآ 10 ، دلوعتنـآ و ع كل دقة تصيح ، و تشبه مريومة كوبي بيست و بي هي شعرها شوي اطول من مريوم لين جتفها ،
،،
محمد " لبس له كندورة بيج و غترة حمرة و اتعطر ع سريع ولبس ساعته و ربع تحت "
روضة : هههه محلآك جي ، والله غـآوي
محمد : جب زين والله ليش خليتيني أغير
روضة : أقولك لآ تسويلي شرات هالشباب خلك فطين ،
محمد : اصلن انا من يومي غـآوي و شسمه فطين أنـآه
روضة : هممم احين بتسير شو بتسو عند سواف
محمد : بنلعب بلستيشن و عقب بنقول حق رشود يودينا البحر و هيك ،
روضة : أهآه خير ماتسوون ،
وبعد مانزلت " محمد اخوها عند سيف " ، رحت صوب الشيشة خذيت لي فيتامين سي و جلكسي و برنقلز ، و بعد ما خلصت دفعت و رحت الجامعة ، حطيت أف أم ، كـآنو حاطين أغنية " حسين الجسمي " : حبيبي برشلوني ، " وآآآو أموت ع هالأغنيةة ، هههه ، تميت مرتبشة وصلت الجامعة ، أنا فجامعة الغرير ، دخلت شفت أربيعاتي حبيباتي ، موآز و سلومة ، سلمت عليهم و قعدنا أنسولف ، في واحد كان يطالعنا و يبتسم هو و يا اربيعه ، موآز عصبت ان اكيد يحش فينا انا تميت اضحك عليها لانها وايد متحمسة بس سلومة انقهرت وياها و فولت درجةة أولى خخ ، موآز بكل جرأة راحت صوبه ، و أنا و سلومة منصدمين من حركتها ،
موآز : أنته أيييه شو فيك تضحك تطالع مهرج ؟
الولد : يمكن هههههه ،
موآز : ما ظن مكتوب ع يبهتي نكته
الولد : لا مكتوب أضحك و امرح
موآز : اقولك ، أنجلع سخيف وربي و يا هالويه
الولد : ليش أنجلع انتي اللي ياية صوبي انتي انجلعي شو انتي بوية ياية تتضاربين ،
Stop
آرآئكم ، ثم ردودكم ، ثم أنتقـآدآتكم ،" بـآب ألنقد مفتوح "
أتمنى تفيدوني ، لأن أول مرة أكتب روآية ،
__DEFINE_LIKE_SHARE__

memowla · 11-17-2012, 03:32 PM

يا هلا ومرحبا بج مدمنه غرامه الروايه طر وعاد نريا التكملة وفوق هذا لج تقيم واتمنى ترتاحين فالمنتدى __DEFINE_LIKE_SHARE__

memowla · 11-17-2012, 03:34 PM

الرواية طرر

انشالله تتقبلين مروري __DEFINE_LIKE_SHARE__

ﻣدﻣﻧة ﻏرﺂﻣـہّ · 11-18-2012, 03:36 PM

مشكورة أختي Memowla ع ردود ، و أن شـآء الله قريب ،
بس مـآشي أي تفـآعل ، إذآ جي مآبكملهـآ ،
__DEFINE_LIKE_SHARE__

ﻣدﻣﻧة ﻏرﺂﻣـہّ · 11-18-2012, 04:55 PM

ﯾﺑۆﻧ ﯾﻏغصـﺑۆﻧﯾ ﻋﻟـﮯ ﺣﺑﮑ ، ۆ ﻣ̝ا درَوأ ﺂﻧي ﻣ̝̚يتهہّ ﭬﯾگ

البارت الثاني :

موآز : اقولك ، أنجلع سخيف وربي و يا هالويه

الولد : ليش أنجلع انتي اللي ياية صوبي انتي انجلعي شو انتي بوية ياية تتضاربين ،

موآز : جب جب بوية فعينك

الولد : عيني و لا خشمي انتي مايخصج

صوب سلومة و روضة ،

روضة : أوييه هـآي مصختهـآ قومي أنروح نسحبهاآ

سلومة : لآ لآ حلو أكشن خخ

روضة : يا حيوانة ما فينا ع مشاكل يلآ انروح

سلومة : يا خي و الله وناسة ليش ماتحسين والله طر شي ،

روضة : أووه والله فشلة ،

و شوي الآ موآز يـآية صوبهم وويها محمر \

روضة : ههههه بلآج ،

موآز : هـآ سخيف و الله أونه روحي و لا بمشكلج جان اقوله مب انت اللي تمشكلني اصلن وراي كلاس و بروح و قالي عيل بعد الكلاس بنكمل ،

روضة : ههه ماعنده سالفة

سلومة : هههههههه بس عجبتيني ههههه ،،

روضة : أيييه انتي ثانية لا تشجعينها ع غلط مافينا مشاكل

سلومة : ههههه أقولج عقب بنكمل بعد الكلاس اوكيه

موآز : روحج كملي ههه و الله كلب ، و يسأل بعد أي تخصص عشان اكون صوب الكلاس ،

روضة : هههه انتي وياه مضيعين المذهب سكتي بس سكتي ،

سلومة : زين بلآ تضييع و قت باقي عشر دقايق و بيبدا الكلاس ،

ع فكرة انا و اربيعاتي كلنا ماخذين نفس تخصص بزنز ومن ،، و علم هندسة ،

دشينا الكلآس ، و تمت الدكتورة تشرح ، هي أجنبية توها نيو علينا بس ما شا الله عليها كيف تهذرب

سلومة : يخرب بيتها طاعيها كيف ترطن اجنبي

موآز : يا حآء أجنبية شو تبينها ترطن لج ؟ عربي ولا عيمي ؟

سلومة : محد حاء غيرج

روضة : بس سكتو يـآ حمير والله اخر شي بتنطردون

موآز : زين هالحاء ماتسككت

سلومة : أنجلعي لآه خايسة هههه حاء أم ريلج

روضة : و الله بنش ترا سكتو

سلومة : تحسيس تبين تروينا انج منتبهه ترا ندري انه بالج مب وياها

روضة " اتلومت : جب زين " أشرت ع مس و قلت " تيجر كان أي جيينج ماي بليس

الدكتورة : يس يو كان ،

سلومة : أوييه رواض تستهبلين

روضة : لآ ماستهبل " ونشيت عنهم رحت يلست يدام المكان كان فاضي وشي كمن ولد و بنت يالسين ،

تمت تشرح و تخبرنا عن الأشياء اللي يمكن نتعرضها ايام الشغل و جي و قالت بعد يومين بتعطين كويز فيه و هيك ، بعدين ظهرت قبل سلومة و بنانا ، لأني مقهورة منهم ، ومن حركاتهم كله يتضاربون ، كنت امشي بسرعة جان موآز أتمط شيلتي اللي لافتنها جي من ورا ، اطالعتها ،

روضة : أييه بنانا شفيج

موآز : بلآج كنا أنسولف

روضة : أدري زين ،

سلومة : لآ تستهبلين زعلتي صح ؟

روضة : ماشي شغلة ازعل من انتو تقهرون من بدا الكلاس تهذربون ، جنكم الا فسوق سمج مب فمحاظرة وياين تفهمون و تسمعون ،

سلومة : خفي علينا يا امي ،

روضة : جب والله قاهريني

سلومة : هههه حقج عليه و اليوم بعزمج ع حسابي يا روحي

روضة : بفكر لو رضيت ، عقب برد عليج

موآز : حيوانه ماتستاهل اونها تتغلا اعزميني انا شو وراج

روضة : هههه حيوانة ام ريلج ، يالحمارة يالجلبة

مواز : جب جب ، زين لا تتغلين خلينا انسير نتغدا ع حسابها والله يوعانة

سلومة : هي لازم مب انتي اللي بتدفعين مال عمك مايهمك

روضة : هههه دام جي لانكم انتو ماتشتغلون وهيك خلاص ع حسابي و المطعم اللي ع ذوقكم بعد شو تبون

سلومة : أيييه مايتستوي جي لا تستهبلين رواضي

روضة : والله صج حبيبي انتي لاتشتغلين ولا شي يلا خل نحضر اخر كلاسين و من عيوناتي بس والله اذا سمعت حس لكم فالكلاس والله برد بيتنا و لا برمسكم يوم كامل

موآز : بل بل مايسوا علينا خلاص جب و انجبينا

روضة " ضحكت على اللي قالته ماعرف كيف يابتها " : ههههههههه جب وانجبينا ها

موآز : خخخ انجلعي لاه

سلومة : بس بس يلا سرينا وايد طولنا

ورحنآ كان البروفسور محمد ها ما شاء الله عليه شرحه حلو و عجيب خخ وينفهم بعد بسرعة ، دشينا الكلاس و حضرنا الكلاس اللي عقبه و عقب كل وحدة راحت بموترها ع دي أم ، أتفقنا ان بنروح مطعم هافانا بصراحة المطعم عجيب كل وحدة طلبتلها اللي تباه ،

أنـآ طلبتلي ، بـآستـآ بديـآي و عليه صوص ، كولا

سلومة ، لزآنيـآ باللحم ، سفن اب

موآز ، مشـآوي ، بيبسي

قللنا بناكل فالهوآء طلق دآمه حلو اهم شي ان ماكان فيه رطوبة اصلن نحن فربيع و الشتا قرب ،

سلومة ضحكتنا نشت وقفت ع كرسي والاخت لابسة عباة مفتوحة و يطير ولابسة تحت لقنز اسود و اتقول صورووني وانا مادري ههه كانت تشبه بات مان بس ها بات ومن تمينا ناقعين عليها ، ووالله وفشلة وناس يطالعونا ، جان أنا اقول

ترآآني ماعرفج يآ بات ومن هههههههه ، و حطينا صورتها دي بي ، وتمينا طايحين فيها ،

أمي أتصلت فيني تبا تشوفني وين لأني أتخرت ع البيت ، و خبرتها اني ويا البنات قالتلي لا تتأخرين وانتبهي ع عمرج ، وبعدها قلنا بنروح ، لأن الساعة 10 الآ ربع و مب حلوة انطول برع البيت زيادة ، اتصل فيني محمدد أخوية ، يقولي أنه يباني ايبلهمم عشا من ماك حقه و حق فطومة لأن مريومة طالبتلها من كنتاكي وماتعطي حد ، قلتله شو يبون و خبرني واتخبرته اذا امي تبا حاية من برع قالي ماتبا ، مريت صوب ماك طلبت اللي هم يبونه و خذتلي ايس كريم اوريو ، و رديت بيتناآ شفت موتر برع رنج ، مآدري مال مو فيني فضول اعرف منو، تشيلت عدل ، و دخلت داخل ،

شفت اهل ابوية ، كانو ياين يبون امي فسالفة اونه ، رحت عطيت أخواني عشاهم وبدلت ثيابي و لبستلي مخورة و شيلة بيت و نزلت تحت

يدتي : تعالي صوبي فديتج ،

أنـآ : آمري الغالية

يدتي : ما شاء الله كبرتي يا روضة ، أحيدج يوم كنتي تلعبين قبل فحوي بيتنا

أنـآ قلت فقلبي " أكيد كبرت يعني بعدني بتم أحبي خخ " : أحم هههه ـ

يدتي : ليش ماتمرين بيتنا ولا شي يعني اهون عليج ماجوفكم الا فسنة مريتين الا فالعيد حتى فرمضان نعزمكم ماتون ليش جي

أمي : و الله اقوللهم سيرو بيت يدتكم سيرو بيت عمامكم ، بس لآ حياة لمن تنادي

أنـآ " ويهي قفط : همم يدوه لا تلومينا والله يعني انا صبح دوام و العصر جامعة و المسا ارد البيت ، أن شاء الله مابنقصر ، فالويكند وياج كله ولا زعلج

أمي : هي طيبي عاد بخاطر يدتج

يدتي : مسموحة فديتج دامج جي مشغولة بس مرونا مرة عاد قاطعينا انتو حتى تلفون ماتسوولنا

أنآ : لآ لآ لآ أفـآ عليج الغلآ كله ، أحطج بعيوناتي الغلا

يدتي : هي استوية سنعة عسب ازوجج و تروحين بيت ريلج

أنـآ : خيبة شو يدوه تبين الفكة اونه بيت ريلج

يدتي : عيل شو تبين تعيشين فهالبيت ما مليتي !!

انآ : يدوه أنـآ لآهية عمري الشغل و الدراسة لا ابي ريل و لا بيت

عمتي الريم : شعنه ماتبين ترا ها هم بنات عمتج مريم عمرها 18 و تزوجت و منى يوم كان عمرها زوجناها و شوفي كل وحدة عندها 3 ولا 4 ،

أمي : شدعوه تبون تزوجون بنيتي ليش هي طايحة فرقبتكم بعدها يوم بيها نصيب بتروح بيت ريلها

أنـآ أنقهرت هم مايخصهم اتزوج ماتزوج هاي حياتي اويه بلاهم ، نشيت من عندهم رحت الصالة الثانية عند اخواني بس اسمعهم شو يقولون وانا فيني غصة شوي و بصيح ،

عمتي الهنوف : عقب بيرمسون عن بنتج وبيقولون انها عانس عاد بهواج عقب

أمي : بسم الله عليها توها 19 ماكملت الثلاثين عشان حد يرمس عنها ، و اذا هي مرتاحة برايها و ماحيد حد طلبها عسب تتزوج

عمتي الريم : لآ طلبوها بس اخر مرة ابوها ماوافق

أمي : لآ حشا انا ماعندي علم ، يوم بعرف و بنتي بتعرف يصير خير ،

عمتي الهنوف : هه شو اخوية حاسد الخير لبنته

أمي : أنآ بنش ايب العصاير

" أمي نشت ، أصلن كل شي موجود حتى العصاير و الفوالة ، حسيت امي متضايقة رحت لحقتها المطبخ ،

أنآ : ماما شفيج ؟

أمي : ماشي حبيبتي بروح اودي العصاير

أنـآ : ماما كل شي موجود ، أدريبج متضايقة من الكلام اللي قالولج اياه صح

أمي : لآ ، صدق شي عصاير يمكن انا ما لاحضت ،

" لآ حظت عليها ان دمعت ، حضنتها بالقو ، مسحت دموعها "

أنـآ : أمـآية حبيبتي ادريبج زعلانة من الكلام اللي قالولج ايـآه بسبتي يمكن صدقهم ، لأن كل بنات عمتي اتزوجو ألآ أنـآ ، ترآ كل حد نصيبه واذا ريال زين ، مآ بنرفضه ، بس الله كريم أمـآية دخيلج لآ تضايجين بعمرج ،

أمي : حبيبتي والله كل حد بنصيبه ، الله يسامحهم بس ، الله كريم ، أنـآ بيب السويت اللي فثلاجة وبي ، روحي عندهم ،

أنـآ " بست راسها : أن شاء الله

وظهرت برع ، و سمعت ،

عمتي الهنوف : أحين كيف نقنعها ان نيوزها راشد

يدتي : بنرمس سعيد ابوها و اذا ماوافق هالمرة ع راشد لا هو ولدي ولا انا اعرفه

عمتي الريم : لازم نقسي قلبنا عليهم ولا هم ابد مايستاهلون ونحن اصلن من متى نشاور البنت ع زواج ،

أنـآ : هههه يدتي اتريا ابوية زين لين نص الليل تراه بي وقوليله اللي فقلبج ، و مشكورين عماتي ايي منكم أكثر ، وانا مب مسوتلكم شي وجي ، اللله يستر لو غير جي بس ،

عمتي الريم وقفت وصفعتني كف : سكتي ولا كلمة ، مابا اسمع منج حس فاهمة يـآلعـآنس ،

محمد : عموه ليش تصفعينها هي ماسوتلج شي وشو من ادب ها فبيتنا و تضربين اختي خير ان شاء الله

امي : خير يا عساه خير شو فيكم

محمد : شوفي الادب يا امي فبيتنا و يستقوون علينا ، انا كله ولا روضة ما ارضا عليهـآ

أمي : يا الريم شفيج على البنت ترا قلنالج ان كان نصيب يا عساه لها خير شفيكم مستعيلين

عمتي الريم تشل شنطتها : والله و تربايتج ولددج ولسانه طويل و بنتج عانس و الله يستر ع مريوم و فطومة

أنـآ " ركضت فوق و قفلت باب الغرفة عليه "

محمد : عمتي أنتي آخر من يتكلم عن التريبة والادب سير شوفي بناتج متزوجات بس كل وحدة خاينة ريلها مابي افتح سوالف عنهم

Stop

تعليقـآتكم ، " بـآب ألنقد مفتوح ، "
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ﺻۆﭠگـ ﻋﻟآﭴ ﺂﻟړُۆﺣ ﯾآ ﺑﻋﮃ ﺂﻟآﺣﯾآء	راقيه باسلوبيْ}~	الشعر المنقول	5	03-29-2012 01:58 PM
گآﻧﮪ ترگني بعد هآ ﺂلعشق مآآآآآﺑﯾﮪ ﻟگن قولي لہ ﻟﯾﯾﮪ يآ ﯾﻣﮪ ﻗﺗﻟﻧي =‘(	*̜ Ƭв8ɑ 7lм	مدونات ويوميات الاعضاء Blog	12	02-28-2012 09:36 AM
. . ﻓرﺻۃْ ( ﻟ̲ﻗﺂ̲ﻧﺂ̲ ) ﺿﺂ̲ﻋتّ / ﺑزﺣﻣ̵̑ۃَ ﻣ̵̑ۊﺂ̲ﻋﻳ̉د'، . .	♕ وليد الجسمي ♕	برامج وصور وثيمات والعاب بلاك بيري و IPhone	7	02-15-2012 05:18 PM
آﻁﻋﻧـﯾﻧﯾ . . ﺂﻟפـﻗ̮ـ̃ــآړُھَہّ	joode M	شعر و خواطر	9	09-10-2011 02:40 PM
ﻋﺳـآھَہّـﺂ ﻟﻟـﮑﭬـﻧ ړُۆﺣــﯾ آذﺂ ﺣﺑــﭠ آפــﮃ ﻏ̣̐ﯾــړُگـ . .	joode M	نغمــات للهــواتف	4	09-01-2011 03:00 PM