ﻧـﺂﻣ ﻣﺣﺑﯾ ، ﻋﻟـﮯ ھـۆﻧـہّ ۆ ﺂﻧآ ﺑﻋﮃﻧﯾ آرﻗبـ ﻋﯾۆﻧـہَ - الصفحة 3

عجزت أنسآكـ · 11-21-2012, 08:05 PM

يسلموو على البـآرت الاككثر من رآئعع
ونترقب البـآرت الياي على آححر من اليمرآت
> ولآ تتـأخخرين علينـآ ..
__DEFINE_LIKE_SHARE__

ﻣدﻣﻧة ﻏرﺂﻣـہّ · 11-26-2012, 06:13 PM

عججب عججب بسيطةة لهلدرجةة تبيني أوصللك بهالسهوولة بعدك مآعرفت من أنـآ يـآلغغاالي ،،

البـآرت الرآآبع ، :

فطومة : لآ مس أنـآ بخير ،

أبلة نورة : أوكي حبيبتي انتي احين روحي أستسمحي من المعلمات يلآ فطوم روحي

فطومة : ههه ثآنكس ابلة ، " وطلعت تستسمح من أبلوآآتهـآ ،

صوب محمد ؛

محمد : يآـآآبوك مـآفيني أششررد والله ، آخر مرة زاغينا و مكتبينا تعههد انت ماتوب

عزوز : يلآ حمووود نش عااد بس بنروح دكان يلآ

محمد : والله مالي بارض روح بروحك

عزوز : لو انت ريال بتنش ويااية

محمد " ينش : و غصصصصبن عن هالخششم رياال ،

و رآحو ورا آخر المدرسة ركبو ع شيرة و من عقبها السور و عفدو ع برع طبعـآًً شنطهم ويـآهم ، لأن إذآ ردوو أكيد بيتوهقوون ، "

محمد : خسسك الله تعوورت ارركض جنه ألآ دورية

عزووز : شت يلآلآ سريع ،

و ركضو ، وصلو صوب دكان ،

محمد : يلعنك يلآ خذ اللي تباه يالحشرة

عزوز : ههههه زين " وتم يخاذله جبساات و حلآويآت

محمد : بل بل مب بطن عليك عزوز كل ها حقك

عزوز : لآ حقي و حقك

محمد : بس أنـآ مآبي توني متريق غصبب شو

عزوز : أنجعم لآه يلآ أدفع

محمد " رفع حوآيبه : أقووول أنـآ بظهر أتريـآك برع ،

عزوز : حيوآآآن ، و الله زطي

محمد : ههههه انجلع ، أقول ابا بطاقة رصيد 500 عندك

راعي دكآآن : هيه عندي ،

محمد : أوكيه " ودفعله 500 ،

عزووز : بل بل عندك بيزات و 500 حق منو متفيج والله

محمد : خدمتي بتخلص وانا خدمتي مب 49 و شسمه الباقي حق شهر كامل مابدخل بعد شفيك

عزوز : خير أن شاء الله ،

عزوز دفع ماله ، و محمد دخل رصيده

عزووز : فديت أربيعي طرشلي عشر

محمد : أقول أنت منو ؟ أنا ماعرفك

عزوز : أقول حمود خيبة أول مرة اشوفك جي زطي

محمد : ههههههههههه كيفي بيزآآآتي كيفي

عزوز : خايس والله لرويك " و راحو صوب البحر مشي أتخيلو وآيد بعيد ،

محمد ، طررش حق عزوز 250 أربيعه مهممـآ كآن مـآيهون علييه ، مهمـآآ صـآر ،

عزووز : حمود أحبك

محمد : وانا اكرهك يالخال

عزوز : حرمتك الخالة وين أنـآ خآل أحين أنـآآ برونزي

محمد : هي مرررة ذابحنـآ متعلم شرات هالبنـآت كل شهر اتروح اتسو تان يابوك لونك حلو

عزوز : أنجللع مـآبي أصلن أحين موضة

محمد : أييه مب جنك سرقت كلمتي

عزوز : أي كلمة بعد

محمد : أنجلع هـآي بس أنآآ أقولهـآ و خوآتي الكريمـآت ،

عزوز : خف علينـآآ

محمد : ههههه فديتهم أنـآآآ والله ،

عزوز : زين يآلوحش مآتبـآ رد بول

محمد : هي

عزوز ، عطـآآه ، و تمو دآقين سوالف بعدين ع ساعة 1 ردو البيت ،

صوب روضة ،

روضة : جمآل أنـآ خلصت ممكن أترخص شوي مشغولة ،

جمـآل" المرآقب : همم أوكيه تقدرين بس ممكن أعرف عذرج ؟

روضة : هي أبوية يبغيني ضروري أليوم ، وقالي أمره الشركة ،

جمال : أوكي ، انتبهي ع عمرج ، وهالله هالله فالدرب ،

روضة " ابتسمت : فمـآن الله جمـآل مـآقصرت ،

جمال : فمـآن الله ،

لفيت شيلتي عدل ، خذت شنطتي ، و ظهرت برع ، ركبت موتري ، و رحت ع شركة أبوية ، مآدآني أي هالمكآن ، ههه مآدري ليش ، حتى عرض عليه أشتغل عنده ، قلتله مآبي ، دخلت دآخل ، و ريحة دهن العووود شـآلة المكآن شل هالريحة مب غريبة عليه شامتنهـآ قبل ، آآه لآ يكون أللي فبـآآلي ، لآء يـآرب لآء و تميت أتبع مكان ريحة دهن العود لين ماوصلت صوب مكتب أبوية تميت متصنمة مكآآني قلت بخآطري ، لآ يكون هو دآخل ، شو يسوي عند أبوي ، لآ اصصلآً هو مآيعرف أبوية كيف بيعرف مكآنه بعد يـآربي ،

أنـآ : لو سمحتي ممكن تقولين لسعيد أن روضة موجودة

سكرتيرة : سوري مآقدر أدخلج الأستاذ مشغول

أنـآ : بس هو طلبني وقالي أيي شركة

سكرتيرة : منو أقوله روضة منو ؟

أنـآ " قلتهـآ بألم : روضة بنته ،

سكرتيرة و بتعجب " : أنتتتي بنننتتته ؟

أنـآ : هيه بنته ممكن

سكرتيرة : أحين أخبره اتفضلي ،

أنـآ : يلست ع كرسي وانا متوترة ، تميت انقع صبوعي زين ماكسررتههم ،

سككرتيرة : ترومين تدخلين ،

أنـآ : مشكورة ،

دخلت عند أبويية ، وريحة دهن العود بعدهـآ موجودة ، فيني فضول هل هو و لآ أبوية حاط ،

أنـآ : السلآم عليكم ، و بست رآسه وانا فيني صييحة من زمان ماشفته والله ،

أبوية : حبتج ألعـآفية روضة

أنـآ : الله يعافيك

أبوية : أشحآلج بنتي ؟ شو الشغل معاج ؟ مرتآحة ؟

أنـآ : هيه الحمدالله أبوية ،

أبوية : مديم حآلج بنيتي ، أنـآ خليتج أتين الشركة عندي موضوع وياج و اتمنى أنج مآ تنزلين راسيي فالقاع ، ،

أنـآ : آمر أبوية و مآعـآش من ينزل رآسك فآلقـآع

أبوية : لآ ترديني يـآ بنيتي ،

أنـآ : قول يـآ بوية و تم ،

أبوية : في وآحد طآلبنج أسمه رآشد ، ريـآل و نعم فييه ، و رآتبه بعد أوكييه ، و مآعلييه قصور ريـآل

أنـآ " تميت سـآكتة

أبوية : يـآ بنيتي ترآج قلتيلي مآبترديني وان رديتني مب رآضي عليج و بتكونين منزلةة رآسي بالقـآع

أنـآ : لآ افـآ عليك أبوية أللي تشووفـه بيصيير ،

أبوية : فديتج ، تسلمين بنتي ،

أنـآ : يـآ أبويية خلآص أنآ مرووحة

أبوية : أوكي ،

أنـآ : فمان الله ، \ ظهررت برع ع طول ، وانا فييني ضيققة حتى ماعرفه عدل شو هـآآ ، بس كل شي يهون ،

رحت صوب البحر ، حطيت أغنية ، " لو يوم أحد ، " مآلت عبد الممجيد تميت أسمععهـآآ ، و افكر اللي بيصير في حيآآتي ، شو من تطورآت بتصير ، تونـآ فألبدآية بعدهم مآخطبووني رسمي ، الله كرريم ، يـآربي بعده رقمه نفس مآهو ، أتصل فيييه و لآ ، لآ شو أتصل فييه أتخبلت أنـآ نحن من زمآن أفترقـنـآآ

،،

آآآه أتذكر ، يوم قـآلي : أنتي لي وحدي ، " كله كلآلآلآلآم ، مآدريت بعمري و ألآ ب 3 ساعآت وانا موجودة فـآلموتر ، اللي نبهني ع عمري أتصـآل أمي ،

أنـآ : هلآ أمي

أمي : وينج فديتج أتأخرتي قمت أحاتيج

أنـآ : لآ أمي أحين يآية يلآ فمآن الله

أمي : فمان الله

بندت منهـآ ، مريت صوب المحطة خذت ككآو فيروروشييه و جلكسي و توكس و حلويـآت كل عآدة ، ترست الكيس كله ،

رديت البيت ، شفت فطومة عطيتها ، وقلتلها توزع عليهم ،

رحت عند أمـآية يلست ويآهـآ ، مآخبرتهـآ بأني مريت عند أبووية ، و عقب خبرتها اني بروح غرفتي ارقد تم طول الوقت ع بالي ماقدر ابعده عن تفكيري اه والله احببه ، أحيد مرة يوم شفته فالمول صدفة بس ههه ماعرفني أحسن لأني كنت متغشية ، و الله ريحت عطررره بعدهآ عآلققة فيني أبـآهـآ ، أووف ، بس اللي سوآآه فيني مب شوية ، كل بنت مآترضـآ أن حد يخونههـآ ،

تميت ع أفكـآري لين مآخمممدت ،

لا شيء يشبہ شعُور آن تتذكر شخصَ قد رحل و تُغلق عينيككَ بشده و كأنك لآزلت ترُفض تصديق ذلك ♡̷̷̷̷"

،،

خلآص خلآص لآزم أبدآآ حيـآة يديدة المشكللة انه هو أول ححب ، مستحيل أنساه ، مادري كيف بتعايش مع انسان يديد فحياتي ، الله كريم ،

نشيت ع أذان المغرب ، ع صوب أمي ،

أنـآ : بسم الله سآعة كم

أمي : ساعة 5 أذن ، وشو مب ناوية اتروحين الجامعةة

أنـآ : لآ أمي أليوم مب مروحة عندي محاظرة وحدة وهي عن توعية مالي بارض بس قولي حق قوم مريومة يتجهزون بظهرهم

أمي : الله يعطيج العافية حبيبتي ، زين نزليني بيت أمي ع دربج

أنـآ : من عيوناتي عيل ساعة 7 ان شاء الله ظاهرين من البيت ،

أمي : أوكيه خ أروح أخبرهم ،

أنـآ " نشيت سبحت صليت و توضيت و دعيت ربي ان الله يوفقني ف حياتي و لبستلي سكني ابيض و قميص فوشي فيه هاينيك و فيه ورود بالابيض صغار صوب الصدر ، رفعت شعري كامل و سويتلي باف خفيف رسمت عيني بالأسوود و شخطت بجحال ابيض و كثرت من المسكرة و حطيتلي بلاشر برونز ، و روجي فوشي ،" شفت مريومة داشة

مريومة : هلآ هلالآ بالحلوة

أنـآ : هههه بعدج مب زاهبة عزيزتي

مريومة : احم بغيتج اتعدليني و جي يعني و تعالي اختاريلي لببس ع ذوقج

أنـآ : من عنوني يلآ نشي ،

رحت غرفتهـآ ، لقيت قميص بيبي بلو في حزام بالذهبي و تركوآزي ومخرز من تحت ، و لقنز أسود ، " ردينا غرفتي ، حطيت لهـآ فاونديشن ، عقب رسمت عينها بالآيلنر و حطيت لها جحال تركوآزي من داخل و آخر شي حطيت لها بلآشر وردي و روج وردي ، كآآنت ظآآهرة طرر مآشااء الله ، ظهرت من علبتي اللي أحط فيه اكسسوآرآتي ، سـآعة ذهبية وفيه فضي ، و لبستها سلسلة اربيعتي عاطتني أياه هدية جي شرات الثعبان عيونه زرق بس لونه ذهبي و سويرته نفس شي و حتى الشغاب ، " التراجي " ، ظهرتلهـآ عبـآة من عندي عباة مفتوحة فيه حزام ينحط ع خصر ، بلون ذهبي و شيلة ع طرف فيها شغل بذهبي ، تميت أقرا عليهـآ ، وعقب رحت لبست عباتي ، نفس العباة تقريبا بس انا الحزام اسود و حطيت اككسسوار بلون الفشي عسب اعكس اللون و لبست ساعتي القسس الفضية ، و خاتمي اللي من اس اهج ، و سلسلتي اللي فيه أسمي ، بعد ما خلصت ، اتعطررت و عطرتهـآ وياية ،

أنـآ : لآ لآ مريمو انتي بتنخطبين

مريومة : هههه بس أنتي أحلى عني

أنـآ : لآ والله انج أحلى ما شاء الله عليج ، أخبرج سيري شوفي فطيم شو مسوية فعمرها وانا بروح عند امي ،

مريومة : أوكيه ،

ظهرنا برع انا رحت صوب غرفة الوالدة ، شفتهـآ لآبسة مغربي ، و عباة مفتوحة سادة بس شيلة مفصصة من الخآآطر ، و ريحة دهنن العود وآآآو ، و البخوور ، عررس عررس ، هع مب بيت أختها ههه ما شفت عمري انا ،

أمي : هآ ع وين العزم كل ها كاشخة

أنـآ : ههههه أمي اليوم خمميس عادي ، أنتي اللي كاشخة جنج ألآ رآيحة عررس

أمي : بعد وين ررآيحةة بيت حشـآششة يوفي رآيحة عندد أمي

أنـآ : ههه زين أبي بخورج حبيبتي ،

أميي : هـآآج \ ، و تمدلي ايـآه تبخرني و تقرا عليه المعوذآت ، و الآ محمد يدخل لآبس قميص بربري و سكني بني و حزام هرمز بيج كااان طرر بمعنى الكللمة و منزل شعرره ، و مرتبنه بطريقه حللوة

محمد : أمي أبي بخور ، أييييييه روااااض انتي وين راييحةةة !!!

أنآ : شو وين رآيححة عيل منو بيوديكم يآ عيوني

محمد : خفي واآيد كآشخةة يآبوج

أنـآ : محمد عآد أليوم خميس لآزم نكشخ وهيك

محمد : الله يستر عليكم بس توني هازب هايج ام لسان اونه رواض ماقالتلي شي

أنـآ : ههههه خلهـآ يـآبوك ، عآدي أنـآ اليوم عـآزمتنكم ،

محمد : زين عيل امي شو انتي بعد طالعة ويانا جي كاشخة اغار عليكم

أمي : هههههه لآ يـآ وليدي انا بخلي رويض تنزلني بيت أمي

محمد : زين عيل ،

أنـآ : حمود حبيبي روح غرفتي روح شغل الموتر السويج ع تسريحة

محمد : أوكيه خيتو ، \ وبعد ماتبخر ظهر و كلهم ظهرو ، فطآمي كانت لآبسة قميص لين ركب لون أصفر فييه كروس بالأبيض و جنز و سكارف اصفر فيه رصااصي و ابيض و حاططة ايلنر ع عينهـآ و حاطة روج وردي فاتح بس ، / ركبنا الموتر ، وصلنآ أمي بيت يدتي ، قـآلتلنـآ نزلو سلمو قلنالها يوم بنرد بننزل انسلم ، محمد يآ عفد يدآم عندي ،

كنت حاطة اغنية " حبيبي برشلوني " وحمـآآس كل اللي فالموتر مرتبش وياية ،

أنـآ : وين تبوني أوديكم ؟

فطومة : ودينا دي أم ابا ادخل الاسكيت

محمد : خ نسير سينما ،

مريومة : أي مكاان أهم شي نستاانس ،

أنـآ : هههه أوكيه ، شوفو ، بنروح دي أم عشان فطومة ، و عقب بتدخلون الاسكيت وعقب سينما و عقب بعشيكم وبنرد شو قلتو ؟

مريومة : أوكيه حلو

فطومة : يب يب بشووف أربيعآتي ،

محمد : حلو / هممم حآسبو ع عماركم عن حد يتحرش فيكم

أنـآ : لآ تحآتي حمود

محمد : اوكيه ،

وصلنـآ دي أم كآن زحمة ، بس مب وآيد ، رحنا صوب الحمامات و محمد تريانا برع انا لفيت شيلة بس مآ جذب ان الباف ماكان يبين كان يبين بس انا ع خيفيف جي شوي هع و مريومة كانت منزلة قصتها و فطومة شرآتهـآ ، و بعد ماخلصنا من الحمام ظهرنا برع ، شفنا محمد يطالعنا من فوق لين تحت وقال

محمد : الله يهدييكم ،

روضة : ههه امين ، ويهديك ويانا

محمد : همم زين انا بروح صوب الاسكيت حد بي وياي

فطومة : أنـآآ

مريومة : مب أنآ

روضة : عيل أوكيه وانا و مريومة بنروح صوب السينما نحجز لنا تذاكر

مريومة : يلا عيـل ،

محمد : حجزي لنآ فلم توآيلآيت

فطومة : هي حق المصآآخة فآلحين

مريومة : جب جب سكتي انتي ثاانية ، مب ع كيفج ماتبين نحن نبا

فطومة : أيييه عآد والله استحي

أنـآ : لعنبوج تستحين هآ خلآص لعيونج بنحجز فلمين شو رايكم

محمد : لآ عآد ليش الخساير اليوم هالفلم و الفلم الثاني خلو ع يوم ثاني

مريومة : هي صح

فطومة : أوكيه بس متى

أنـآ : اليوم اللي تبونه

فطومة : باجر

محمد : للآ لآ عاد جي استويتي طماعة

أنـآ : خلالآص محمد هي و كيفهـآ بآجر ، تم فديتج

فطومة : تسلمين حبيبتي والله ،

أنـآ " ظهرت من محفظتي 500 عطيت حق محمد ، : اصرفهم

محمد : لآ والله محشومة خلي بيزاتج وياي بيزات

أنـآ : والله ان ماخذتهم بزعل

محمد : روآض عااد والله وياي عيب اصلا انا ريال

روضة : ريال حق عمرك و حقي انا اخوية الصغير يلآ خذ

محمد : أوف تقهررين ، " وخذهم و هو و فطومة رآحو صوب الاسكيت ،

أنـآ : هممم زين يـآلحلوة أنتي ،

مريومة : أحم ههه ، شتبين قولي

أنـآ : طآع ويهج محد يتغزل بج ،

مريومة : ههه زين شسوي مب دوم حد يتغزل فيني هه

أنآـ : لآزم من دفاشتتتج ، ويا هالفييس ،

مريومة : خخخ جب زين ، جوفي هآ

أنـآ : هههه شوفي شو بقول ، " مرينـآ صوبه " أوييه ميمي مآعندج مششط ، و الله حرآم ع شعررج ،

مريومة " تصد تطآلعه " فيهـآ ضحكةة : يـآ بووج شسوي ماعندي مشط والله حتى احيده كانو يبيعونه فالدكان ع ريال بس شكلهم من بيشوفون شعري بيعطوني ببلاش هدية

الولد " صد صوبنـآ و أنآ قرصت مريومة ع أيدهـآ

مريومة : ههههههههههههههههههه ، و الله شعررك خبـآلك

ألولد : هه صح عسب جي قاعدة تنكتين

مريومة : لآ حشـآآ محشوووم منو ما يبا هيك شعرر

الولد : شكلج مب مواطنه اونه هيك

مريومة : فعيينك مب موآطنة

الولد : لا لأنج قلتي هيك

مريومة : زين و احين شتبا

الولد : هي تعلق الناس فيها و عقب تروح مب منج من جمالج

مريومة : طااع ها و الله مايخصه بعد موول انجلع يا عميي

الولد : زين ماتبين شعري و لا هونتي

أنـآ " واقفة و اطالعهم بس خاطري اصفع مريومة ع خبالها هه "

مريومة : وع وع شو ابا فشعرك انجلللع يا عمي انججلللللللللللع

و مشينا عنه " و عقب مريومة انصدمت ان الولد يود ايدها و لآ يدآآم العآآلم !!!

مريومة : يـآآلكلب هد اأيدي

الولد : أبآآآج

مريومة : ابآآج قال هد أيدي " وشوي وبتصيييييح "

اأنـآآ : لو سمحت هد ايدها شفيك

الولد : أوه انتي اهني عيل خلاص باخذج و بخليها

مريومة : والله لصرخ و لم الناس عليك هدني

الولد : هههه زين بهدج يآ قمر وباخذ اللي حذالج

أنـآ " صرخت : بتهدهـآآ ولآ شوو

اطالعت ان ناس صدو ، شفنآ وآحد يـآ صوبنـآ عطآه بكس ف عينه و مريومة سيدا يودت أيدي و رحنا ع طررف

سمعنا الولد 2 اللي توه ياه : أقولك اذا ماعررفت تحترم عمررك انا بعلمك كييييف فاااهم ولا ؟

الولد : ههه مسوي عمرك زعيم لا يكون عايبنك و تبا ترتب حق نص الليل

الولد 2 " يعطيه كف : يا الكلللللب هاي حبيبتي و يرد يصفعه و يضرب ضرب

نحن خفنآ " رحنـآ عنهم ، صوب السينما ، خذنا التذاكر ، وسيدا رحنا يلسنا ،"

مريومة : أوفف والله شو هالاشكـآآل فيني صيييييييحة

انا : مريومة خلاص لا تحاتين و هاك ولد حلال يوم يا ساعدج

مريومة : هيه و الله بس بعد و الله فيني صييحة

انا : مريوم حبيبي انتي خلاص حصل خير وانا و ياج " ومابا محمد يعرف بسالفة لأنه والله بيعصب

مريومة : خلاص اللي تشوفينه ،

أنـآ " طلبتلها كابتشينو عسب تهدا : هدي فديت روحج انا ،

مريومة : ثانكس روآآض والله أحبج ،

أنـآ : أفـآآ علييج أختي الغـآآليية ، مريومة ميمي مريوم ميمي شوفي منو اهني !!!!!!!!!!!!!

Stop
__DEFINE_LIKE_SHARE__

روحي مشتاقه · 11-30-2012, 10:27 AM

يسلموووو ع البااااارت

ف انتظار الي بعده

بليز لا تبطين __DEFINE_LIKE_SHARE__

forza alain · 12-03-2012, 06:36 PM

يسلموووو ع البااااارت __DEFINE_LIKE_SHARE__

ﻣدﻣﻧة ﻏرﺂﻣـہّ · 12-06-2012, 07:08 PM

شكككراًً > روحي مشتـآقة ، Forza alain < "

أخلييكم مع ألبـآآرت ألخـآمس ،

ياما عن إهمالگ بَ وصلي نهيتگ

والحين تسأل عن سبايب برودي ؟ حبّـگ گرهته ..

وأعتبرني نسيتگ يا ليت تتگرّم ، وتنسى وجودي ،،

البـآرت الخآآمس ،

أنـآ : أفـآآ علييج أختي الغـآآليية ، مريومة ميمي مريوم ميمي شوفي منو اهني !!!!!

مريومة : شو ؟

أنـآ : طآآعي أستحي أأشـرر ،

مريومة : اويييه خير أن شاء الله طآآع ويههااا هآي ع شو طآير هآلخروف صوبها

أنـآ : هههههههه يعني فذمتج شوفي عباتها و بتفهميين ،

مريومة : هي قطططع عاد قلنا فصلوه عباة بس مب جي وع وع ولا مخصرتنهاا عدل

أنـآ : زين عرفتيها منو هاي ؟

مريومة : لآ منو ؟

أنـآ : يـآلطووووط هآـآي بنت عممج عبدالله

مريومة : أييه ويت ويت حلفي انتي بس

أنـآ : والله شوفي خشمهـآ و بتعرفينهـآ

مريومة : ههههههه استغفر الله هي صح بس هاي ليش جي عباتها بصورها

أنـآ : أييه مريومة مب زين والله

مريومة : لآ بس بروي عبايتها امي بس مآببين ويهـآ

أنـآ : حتى ولو ماله داعي حتى خلاص انتي شفتي صح سيري خبري ماما وبس

مريومة : أنجلععععي لااه محد قالج تقوليلي احين الا اصورهاا و روي امي

أنـآ : مريومة عييييب والله

مريومة : لآ حيـآة لمن تنادي بصور يعني بصور ، " وصورتها

أنـآ : أييه أشوووف

مريومة : شوفي ملي عينج خخ

أنـآ : عيب والله مسحي

مريومة : يحلمون هاتي فوني ،

أنـآ : مالت بس مالت ،

مريومة : هههه زين يلآ ،" و خذنآ التذاكر ، وعقب تمينـآ نتمششى هه ، "

أنـآ " يـآني أتصـآآل من رقم أمي ،

أنـآ : مرحب مرححب

أمي : مرحبتين ماما ، رويض امي ترآ اأبوج خبرني انج موافقة ع اللي خطبج صدق وآفقتي أنتي ؟

أنـآ : هيه أمي

أمي : متأكدة يا بنتي ان ابوج ماغصبج

أنآ : هي أمي

أمي : زين فديتج خذيلج ثيآب لأن بآجر بيووون ،

أنآ : هي أمي ، هآآآآآآ ويت ويت ليش ايون بااجر تو الناس شو ماصدقو حد يرد علييهم خبرررر مابي ليوون باجر

أمي : يا بنيتي انا مادري ابوج خبرني و قالي خبري بنتج وانا خبرتج حبيبتي بس استانست يوم قالي ماضغغطت عليها وروحها موااافقة ،

أنآآ " بخآطري " آآه يـآبوية أبد مآضغططت عليه بس شقوول مسمووح يآلغآآلي مسمووح ، " : هيه أمآه أوكيه اللي تشوفونه خلاص

أمي : هي و اشتري حق خواتج زين و لا تفضحونا عند العرب طلبي شي من المحمصة

أنآ : أن شاء الله يا أمي

أمي : فديتج انا كبرتي و صرتي عروس الله يحفظج مع سلامة

،

مريومة : أمي شتبآ منج

أنـآ " أحآول أبين أني مستآنسة : أحم أحم أستحي أخبررج

مريومة : حلفتتتتتتتج تقوولين

أنآ : هه أحم خطبوني ووآفقت

مريومة : جذآآآآآآآآبة

أنـآ : والله ، وبآجر بيونآ و بالمرة بنتشرا حق باجر قومي انروح صوب المحمصة اللي هني باخذ حلاوة حق باجر و بنمر صوب هيل و زعفران بناخذ شوية من عندهم

مريومة " تعفد تحضنهـآ " : وأخييييييييرااااااا بتتزووجين و بفتك منج و باخذ غرفتج وااااااااو

أنآ : يا حيوآآآآنة فضحتينا الناس يطالعونا

مريومة : هههه من ونآستي الله يوفقج اختي

أنآ : أمين ،

أنـآ " آآه يآ أمي آه مستآنسسة و أبوية أبد ماضغططت الله يسامحكم الله يساامحك مادري كيف بتقبل حيااتي اليديدة بس انا حتى ماعطوني فرصة اصلي استخآآرة ، سرنا المحمصة طلبت صينيتين ككاو منوع قالي باجر الساعة 12 بيخلصهم رحنا صوب هيل و زعفران خذت و رحنا صوب الباركينات خليتهم فسيارة و ردينا اتصلت بحمود اخويه خبرته ان ايون ، مريومة مآقدرت اتيود لسانها خبرتهم و هم فرحولي ، "

محمد : بس يـآ روضة والله لو مب موآآفقة حلفتج تقولين

أنآ : بسم الله علييك حموود موآفقة شفيك

محمد : هآ أشووفج مستعيلة ع ريل صح منو

أنآ : همم مدري بس يقولون عنه ولد حلآل و معروف و هيك

محمد : كيف جي بتأخذين وآحد حتى ماتعرفين اسمه

أنآ : محمد خلها ع الله

محمد : ألله يصببببببرج أختي

أنـآ " أبتسمت له و لآ تعليق " رحنا خذنا لنا بوب كورن وهيك أنآ خذتلي بس كولآ ، عشآن بعدين أتعشا ع راحتي هع ،

دخلنـآ الفلم ، و طبعـاً لقطآآت طففسسة " و فطومة كل شوي تتحرطم وانا اضحك عليها ومحمد اونه يغطي ع عينها ، و بعد الفلم ظهرنآـآ و رحنـآ صوب بـآسكن ـ ، عقب محمد رآح صوب بـآبـآ روتي يآخذله كب كيـك ، و من بعدهـآ رحنـآآ صوب البـآركنـآآت ، نتريآـآه محمد يـآ و يلس يدآم ، و مريومة تمت تطالعه و قالتله ،

مريومة : أييه انـآ أكبر منك

أنـآ : أقولج لا تحسسينـآ ترآج صغيرة وهو ولد بيلس يدآم فأحترمي عمرج شويـآت

مريومة : خيبة ماقلت شي كلتيني

أنـآ : جب روحج قاهرتني ع حركتج فالفلم و لحد الحين سآكتج لآ تخليني أرمس زيـآدة

محمد : أي حركة اللي سوتهـآ ؟

أنـآ : هي أدرى و صح حمود احين بنمر ع ماما بترد ورآ

محمد : ان شـآء الله ،

مريومة : اوف تقهرون

أنـآ : هههه فطومة أستـآنستي

فطومة : هيه بس هـآ حمود مآيخليني اشوف كل شي

محمد : ههههههه كيفي كيفي

أنـآ : لأنه يخاف عليج

محمد : لآ و عيل انتو تطالعون عآدي

أنآ : خلآص بـآجر بوديج فلم شـآروخآن شو رآيج

فطومة : فديت قلبج أنـآ تسلمين حبيبتي

أنـآ : أفـآآ عليج و لو أختي الغـآآلية أنتي /

فطومة : صح ماخذنآـآ ثيـآب حق بـآجر

أنـآ : نشو صبح بنروح صوب محل ريفيـآ بنآخذلنـآ ملآبس كويتية و هيك

محمد : أنـآ مـآبي ويـآكم

أنـآ : ليش حد قالك تعـآل

مريومة : و لآ أنـآ

أنـآ : ليش ، شو بتلبسين باجر

مريومة : يآخي انتي اللي بتنخطبين انا ليش اتحمس واسو كل ها حسستيني انج اول وحدة تنخطبين

أنـآ " حز الكلام بخاطري و ابتسمت : صح كلآمج مآله دآعي ،

محمد : أييييييييه مريومة يوم بترمسين رمسي عدل لآهففففج بكف

مريومة : أوف متى بتطلعين من البيت و بنفتك منج

أنـآ : لآحقققة عليه بطلع بطلع

زدت سررعتي رحت صوب امي و وصلتهم البيت وانا مالي بارض شي ، ظهرت من عقبهـآ سمعت امي : وين رآيحة ،

أنـآ : بمر صوب موآز و لطوف و عقب بي

أمي : خير ان شـآء الله ،

أنـآ : مع سلآمة ،

" رحت صوب البحر و انا فيني ضيقققة ، أول شي حركتهـآ مب حلوة يوم فالسينمـآآ ، و ثـآني شي قآعدة تجرح فيني اونه ليش أتحمس اللي يقول انا مستآنسة اني بنخطب ، حطيت رآآسي ع ريلي وهلت دموعي ، والله كل شي يستوي بالغصصصصصب زوآآج بالغصبب أرضي أخوآني بالغصصصب كل شي أسوويييه بالغصصصب والله مابي أجرح مريومة و اقوللهاا الكلام اللي سمعته هاك اليوم بس الله كريم ، محد بيعرفه غير عمآمي و أمي و أبوي و أنآ اللي أتحروني ماعرف سآلفة هه ، دنيـآ والله دنيـآ ، بعد تعب رحت ركبت موتري شفت الفون 3 مسكولات من أمي و 5 من مواآز و 2 من لطوف ،

أتصلت فأمي و خبرتهـآ أني فدرب ،

أتصلت فموآز و شبكت معـآهـآ لطوف ،

موآز : شفييج روآض ليش طول هاليوم مآتصلتي فيج شي حتى ع بيبي مآرمستينـآ

لطوف : هي صح وينج مختفية

أنـآ : كنت طآلعة ويآ أخوآني

لطوف : أهآـآ حييج صح بلآه صوتج

أنآآ : هممم مآبلآه شي صح بخبركم شي

لطوف : قولي

موآز : شوو ؟

أنـآ : انخطبببت !

موآآز : مبروك حيآتي

لطوف : مبروك و عقبالي خخخ منو سعييد الحظ ؟

أنـآ : قولي منو تعيس الحظ

لطوف : افـآ ليش من موافقة شو

أنـآ : هممم وآفقت بس عشآن أبوية قالي اذآ مآ وآفقت بنزل رآسه بالقـآآع

لطوف : أيييييييييييه نعم خيير هـآ أبووج والله بصفعه ع شو بعد تنزلين راسه

موآز : سوري سوري روآض أبوج مب ريـآل عيل في وآحد يغصب بنته

أنـآ : هي شفتي عآد ، هممم حتى مآعرف أسسمه أتخيلو بس اللي اعررف انه ريآل زين و راتبه اوكيه و بس هاللي عرفته و بآجر بيون يشوفوني

موآز : اوييييييه مسسرع مآصآر كل شي و متى أبوج رمسج

لطوف : لآ تستهبلين

أنـآ : والله أليوم رحت عند أبوية شركة و رمسني و عقب طلعت أخوآني و ألآ أشوف امي طآيرة من الونـآسة اتخبرني اتزهبي حق باجر بيون

لطوف : حليلج حبيبتي

أنـآ : شفتي والله حتى ليتني شايفتنه

موآز : لا تحاتين حبيبتي انا بدعي ان واحد يكون حلو شرآتي

أنـآ : ههههههههههه جب جب

لطوف : هي صح وانا بدعي ان مايكون خآل و قصير و متين

أنـآ : أييييييه هههههههههه جب بعدني ماشفته وجي أتحسه بيكون جيكر و خال و متين و قصير و مب حلو و خسف ،>

لطوف : هههههه هي ضحككي جي نبـآج دبة وحدة احين انتي وين

أنـآ : جريب البيت

لطوف : زين عيل يالحآـآء احين سـآعة 1 ردي بيتكم و خمدي وباجر من تصبحيين رمسينآ

موآز : هي صح و اذا بغيتي شي مآيردج ألآ لسـآنج

لطوف : هي و انتبهي ع عمرررج وآآيد

أنـآ : مشكوورين فديتكم والله احس عمري احين احسسن الله لا يحرمني منكم موول موول قولو امين

لطوف و موآز : و لآ يحرمنآ منج

أنـآ : يلآ ببند عنكم و تصبحون ع خير

لطوف : وانتي من هله قلبي

موآز : وانتي من هله دبوتي

أنـآ : بـآي

موآز ، لطوف : بـآي ،

أنـآ " الله لآ يحررررمني منكم يـآ أغلى بشششر دخلتو حيـآآتي ، "

و صلت ألبيت ، و أنـآ مآلي خلق أحد ، شفت أبوية ،

أبوية : من وين يـآية ؟

أنـآ : أبوية كنت صوب أربيعآتي

أبوية : ترآج أحين جريب بتعرسين مآشي طلعآت نص ليل ،

أنـآ رفععت حوآيبي : هي يعني قصدك أكون فسسجن

أبوية : رروحي رقدي باجر وراج شغغل

أنـآ " أووف كريييييييه !

رحت فووق و انآ منغثة من رمسته اونه وراج شغل ع كيفه يزوجني ع كيفه يحدد متى ارقد ع كيفه يحدد متى انخطب شو هآآآ بيعقدني ، عقيت عباتي وبدلت ثيابي جيكت ع بيبي طرشت برودكـآست فيه ،

" الألم مب ألم الجسسد الألم ، " ألم الروح و القلب ، " لمـآ ينجبر و خافقه مآنه بشووره ،)

بعد البرودكآآست حطيت فوق سلليب ، ورقدت لين اليوم ثآني بتعب والله احس شي ثجييل ع قلبي ، نشيت بصعوبة ع صوت المنبه صليت الفير و اتسبحت و سمعت دقـآت بـآب ، يـآ الله صبـآح خييره ،

أنـآ : منووو

أمي : فجي البـآب

أنـآ : أن شـآء الله " فتحت لهـآ البـآآب ،

أمي : صليتي

أنـآ : هيه ألحمدالله

أمي : زين عيل نآمي لين ساعة 10 عقب نشي ساعديني

أنـآ : لآ خلآص مآفيني رقآد

أمي : زين عيل تعآلي اتريقي وياي

أنـآ : أن شـآء الله ، " شليت البيبي غيرت سليب حطيت صبـآآحو ،

أمي : بسسسسج من العبـآلة فالبلاك بيري كلي لج كمن لقمة

أنآ : انزيين ،

خذتلي سليس حطييت فييه لبنة و صبيت لي عصير برتقال ، و حدرو علينـآ أبوية و حمود أخوية

محمد : هلآ بحبية قلبي هلآ باللي نآشين صبـآح الله خيرر هلآ بروضتي هلآ بعيوني

أنـآ : له له له ليش كل هالغززل لا و حقي ع صبـآح الله خير تبـآني أذووب

محمد : فديت اللي تذووب أنـآآ

أنـآ : أحمم تقبل الله صلآتك

محمد : منـآ و منج فديت روحج

أبوية : شو طآري عليك قآعد تتغزل فيهـآآ من صصبـآآحه

محمد : يـآبووك ختي كيفي أتغزل فيهـآ عيل تبآني أتغزل فالقمـررر اللي حذآلهـآآ

أبوية : عن لوآآتك مآيخصصك فريمـآآني

محمد : أووب اوبب ريمآآآني بععد يآآخطططيير أنته

أنـآ : ألآآآآ يآـآآ وحش هههههه

أمي : صخو عني بلآ هالرمسسة المـآآيعة اصصطلبو قبل لااا صلبكم

محمد : رويض محد يتغززل فيهـآآ

أمي : هههه حرآآم عللييك

أنـآ : هههههههههههه حمووود شووف زخيتهـآآ يعني هي تبـآآ حد يتغزل فيهآ بس تتدلع

حمود : هههههههههههههههههههههه

أبوية : أييه يآ عيآل ترآ هآي الحب مآرضـآ عليهـآ

أنـآ : أمي أبوية بخبركم شي

أبوية : آمري بنتي خبرينـآ

أنـآ : بـآبـآ أتصل لمروآن والله أشتقت له و محد عنده رقمه غيرك خبره أني بنخطب

أبوية : تآآمرين أمر بنتي

أنـآ : أبويية عطني رقمه

أبوية " عصب : ترآآآآآآآآج مصختيهـآآ قلتي أتصل و قلنـآ أوك عآد شتبين فرقمممه مآيخصج فرقمه فآآهمة و ماله داعي ترمسينه والله وانعرفت ان انتي ولا حد من خوآنج ترمسونه والله يآويلكم

أمي : هد سععيييد هد فديتك روضة نشي غرفتج من دون أي نقآش

" أن يتني صيحة ، حرآم علييه والله ليش يحرمنا من أخونـآ ، أخوية مروآن شو أذنب ليش كل هالمعآملة لييش ، " فريت عمري ع فرآشي والله مب مستآنسة لآ ع الخطبة ولا ع شي أووف ، تميت اكتب تويتآآت فتويتر ، لأن مآيتني غفوة ، ورقدت و ع ساة 9 اشوف حمود أخوية يتصل فيني ،

أنـآ : هلآ حمآآدوه

محمد : رويض نشي متى بنلحق انيب فوآلة و تتشرين

أنـآ : زين خواتك نآشآت

محمد : مريومة مب طايعة و فطومة زآهبة

أنـآ : أوكي ربع ساعة و بنزل

محمد : أتريـآج بـآي

أنـآ : بآي ،

نشيت خذتلي شآور ع سريع لميت شعري بشكل مهمل حطيت لي مقابض صغار عسب شعري يثبت حطيت فاونديشن و مسكرة كحلية و جحال كحلي و روج و ردي و بلاشر وردي لبست لقنز أزرق و قميص ابيض عليه ألوآن قوس قزح ، لبست عبآتي المفتوحة و شيلة كحليية فيها شخآبيط بلون ألفوشي و البرتقـآلي و السمآوي ، تعطرت و لبست سآعتي الفضية و نزلت تحت ،

شفت حمود أخويية لآبس برمودة جنز و قميص برتقـآلي مآركة بولو و فطومة قميص فوشي و لقنز اسود ،

أنـآ : عيل مريومة مـآبتي

حمود : هيه

أنـآ : عيل يلآ سرنـآ

أول شي سرنـآ دبي مول طبعاً وقت لين ماوصلنا كانت ساعة 10 فاتحين المحلات رحت صوب مآنغو شفت إذآ فطومة فخآطرهـآ شي عيبتهـآ بدلة قميص برتقـآلي و فيه حركة هـآينك و صوب الهـآينك فيه شغل لين الصدر بس أيدينه كآت ، و تحته يكون تنورة بيج فـآتح و عكس الشغل اللي فوق بس ع أطرآف بلوون برتقـآآلي ، و ايد كآن حلو خذتلهـآ شآل مآل عسب تغطي أيدينهـآ و نعـآل برتقـآلي ،

أمآ أنـآ خذتلي من ريفيـآ ، ثوب كويتي معروف ان ثوبهم تي لين ركب عيب وآحد لون سلفر و فيه بنفسجي و فييه حزآم مفصص و عقب جي شرآت الكسرآآت يعني يعكس مآبين لونين ، و خذتلي هيلآهوب شبه شفاف لون أشود مخطط و بوت بلون سلفرر وآيد كآن رآقي شكله ،

مريت صوب محل اس اهج يت عبآلي مريومة حتى ولو مزعلتني هي اختي ، خذلهـآ خاتم اس اهج ب 300 و لونه سلفر و قميص أسود أيدينه طويله فيه شغل بلون الاخضرر الغاامج و بنطلونه اخضر غامج و فيه شل ع طررف بألأسوود و حزآم ينحط تحت صدرر لون أسوود فخم شوي عسب يبين ، و خذتلـهـآ نعـآل و أكسسوآرآت بلون الأخضضر و كمن سويره درجات الاخضر عسب شوي يبين فخامة اللبس ،

أمآ عن محمد أخوية قال بيلبس كندورة ،

مرينـآ صوب المحمصـة ، خذت صوآني و عقب رحنآ صوب بنك بيري خذت لفطومة كانت تحن ، بعد ما خلصنا ردينـآ البيت قلت حق فطومة تودي اغراض مريومة غرفتهـآ و مآتقوللهـآ ان مني بس تعطيهـآ ،

Stop

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ﺻۆﭠگـ ﻋﻟآﭴ ﺂﻟړُۆﺣ ﯾآ ﺑﻋﮃ ﺂﻟآﺣﯾآء	راقيه باسلوبيْ}~	الشعر المنقول	5	03-29-2012 01:58 PM
گآﻧﮪ ترگني بعد هآ ﺂلعشق مآآآآآﺑﯾﮪ ﻟگن قولي لہ ﻟﯾﯾﮪ يآ ﯾﻣﮪ ﻗﺗﻟﻧي =‘(	*̜ Ƭв8ɑ 7lм	مدونات ويوميات الاعضاء Blog	12	02-28-2012 09:36 AM
. . ﻓرﺻۃْ ( ﻟ̲ﻗﺂ̲ﻧﺂ̲ ) ﺿﺂ̲ﻋتّ / ﺑزﺣﻣ̵̑ۃَ ﻣ̵̑ۊﺂ̲ﻋﻳ̉د'، . .	♕ وليد الجسمي ♕	برامج وصور وثيمات والعاب بلاك بيري و IPhone	7	02-15-2012 05:18 PM
آﻁﻋﻧـﯾﻧﯾ . . ﺂﻟפـﻗ̮ـ̃ــآړُھَہّ	joode M	شعر و خواطر	9	09-10-2011 02:40 PM
ﻋﺳـآھَہّـﺂ ﻟﻟـﮑﭬـﻧ ړُۆﺣــﯾ آذﺂ ﺣﺑــﭠ آפــﮃ ﻏ̣̐ﯾــړُگـ . .	joode M	نغمــات للهــواتف	4	09-01-2011 03:00 PM