أنا || سميتك الدنيا وأنتّ وش تسميني ؟

أشواق تائهة · 12-09-2012, 08:35 AM

البارت السابع والعشرين
فجر يالسه ع الكرسي اللي يم سريرها
فجأه رن فونها رقم غريب
فجر : الووه
فاجأها صوت انثوي: الووة .. فجر
فجر بحيرة: هيه منووه
البنت : انا فاعله خير
فجر "بتعجب" : نعم
البنت: ايه مثل ما سمعتي فاعله خير ويايه أبي اقولج شي عن ريلج
فجر"بعصبيه" : إيـه إنتي شايفه روحج وايد يالله فارجي يالله
البنت: مممم زين سمعي اللي بقوله ما بتخسرين شي
فجر "يهدي روحها" : آمري
البنت: ريلج المحترم يصير ريلي الغاليه والحينه متواعدين بنقعد في ستار بكس اللي في [ ..... ] لو حابه تتأكدي حياج
فجر " بصدمه " تحاول تستوعب كلامها ..
البنت: انا خبرتج المكان وتقريباً كلها ربع ساعه وهو واصل حيااج ياأم " بنبرة غير " حمده
وسكرت الفون ...
فجر " نزلت الفون" : متزوج ... " نزلت دموعها" عليـه .. ليش .. ومتى ..؟! ليش يقولي الولد ما يهمه لييييييييييييش
.
.
بمكتب المديرة
المديرة: بنات السموحه بس ابله سليمه الظاهر معصبه من شي بالبيت وانهدت عليكم
الاخصائية: هيه والله هاي مب اول مرة تسويها .. " تتطالع البنات" وهذيل البنات من أحسن البنات عندنا ا
لمديره: بنات علمي
فطامي: هيه ابلة
المديرة: موفقين يارب " تتطالع الوكيلة" تفاهمي وياهم و عشان ابلة سليمه خلي البنات اليوم يريحون بالبيت بنات عندكم امتحان اليوم
فطامي: هيه عندنا إمتحان أحياء
المديرة: خلاص أنا بتفاهم ويا ابلتكم وبتاجل لكم " تقوم"
الوكيله " أم غلا" : أنتوا كنتو تتكلمون بالحصه صدق
علايه : هيه ابلة بس ما كنا قاصدين .. والله ابلة
أم غلا: هههه انزين وعن شو تقولوا
فطامي: ابلة بنت عمنا مريضة وكنا نحاتيها
أم غلا: اها سلامتها بس ماكان لازم جي تسوون "تبتسم" عيل وينها غلووي عنكم أول مرة تسكت
علايه: هيه تمت ويا مثايل بالمستشفى
أم غلا: بنت عمكم المريضة هي مثايل
فطامي: هيه ابلة
الأخصائية: مثايل بنتج موزة
أم غلا: هيه بنتي "تطالع البنات" عسى خير
الأخصائية : تعالوا دقوا لأهاليكم عسب اييونكم وااي حظكم أجازة
علايه: ههههه هيه صدقج برد البيت ارقد
أم غلا: هههههه
علايه: جوفي فطوومتي بندق لأحمد ايي يشلنا عسب انروح عند مثايل
فطامي: أوكي
مها: وانا بدق لخليفه بس اخاااف !!
علايه: لا تخافين لا تخافين "تقوم وتروح للكتلفون تتصل" >> الاخت ماخذه راحتها ..
.
.
كان ريال يمارس رياضته الصباحيه على سيف البحر .. فاجأه جسد شخص طايح استغرب واتقرب منه
الريال: يا الأخوو يا الأخوو
بس ما رد عليه
خاف يكون هالشخص شارب ويبتلش فيه .. وقرر يروح عنه .. بس شيء ماا في نفسه رجعه .. يمكن يكون مريض .. خل اشله المستشفى
.
.
راح لكافتيريا وجافها قاعده ع طاولة من الطاولات وكانت طالبه لها عصير بس ما شربت منه ولا شيء
قعد مجابلها: بلاها الحلوة مبوزة جذه .. حرام حتى العصير ما شربتيه
إبتسمت له: ههه مافيني شي بس ماحب اجوف مثايل جي يعورني قلبي
فلاح: إنتي يعورج قلبج .. وهيه قلبها قوي .. يقولج بتدرس طب
غلا: ربي يوفقها إن شاء الله بس انا قلبي رهيف ماروم أتحمل دموعي زاهبات
فلاح: هههه أنا اجوفج واقول حشى هاي ما خلصت دموعها شووو !!
غلا ضحكت : قول ما شا الله عن تحسدني
فلاح : هيه نسيت ما شا الله
غلا ضحكت
فجأه ايي واحد صوبها
الولد: ما شاء الله شو تسوين اهنه "يطالع فلاح" أوب ليكون قطعت عنكم جوكم الرومنسي !!
غلا رفعت راسها وإنصدمت منه >> هااا ليش جي يرمسني ..
ردت تتطالع فلاح إللي لقت مرسوم ع ويهه ألف علامه إستفهام ..
.
.
قاعد وياها وفاتح على برنامج النكت ويقولها
مثايل: ههههه بس بس أحمد بموت من الضحك
أحمد " علني فداا هالضحكه ياربي "
مثايل: أحمدووه جأنه فلاح طول
أحمد: هيه والله هههههه تلاقينه ماخذ راحته ومستانس انه قاعد وياها روحهم
مثايل ضحكت: بس بس احمد ماروم
أحمد "فز " : أووووووب نسييييييت انه الضحك وايد مازين لج عسب صدرج سوري
مثايل: ههه عادي عادي
"يرن فونه >> المدرسه "
احمد: رقم غريب
مثايل: أشوفه
أحمد يضحك: يعني بتعرفينه
مثايل: يمكن بعد ربك
أحمد يرويها: هااج
مثايل: ممم ها رقم مدرستنا
احمد: وشو يبون
مثايل: رد وبتعرف
أحمد : برد وامري لله ... ألوو ... هلا ... هذي انتي ... بلااج فيج شي ... اممم زين اوكي بيي.. بس شو صاير ... خلاص انزين باي... "يسكر " أوووف طرت طبلة اذني
مثايل ضحكت: أكيييييييييييييييد علايه
أحمد : هيه في غيرها
مثايل: شو صاير!!!
احمد: مادري تقول المدرسة يبون ولي الامر وهيه داقه لي عسب اييها و فطامي وياها بعد
مثايل: ههههه زين بتروح
أحمد: هيه .. وبزقر فلاح اييج هو وحبيبته ههههههه
مثايل " زخت ايده" أحمدووه بلييييز خلهم يطلعوني مابي اتم اهنه مابي
أحمد " تيار كهربائي سرااا بكل جسمه ومن الربكه ماعارف شو يقول" : أأأأ هيه هيه اوكي
مثايل هدت ايده واحمد طلع وهو يحاول يضبط تنفسه
راح للدكتور وطلب منه ورقه خرووج لمثايل وسار صوب الكافتيريا تجوف فلاح وغلا
.
.
بالمدرسة
علايه: بيي بعد شويه
فطامي: زين
مها: انا بعد اخوي يااي
.
.
فجأه ايي واحد صوبها
الولد: ما شاء الله شو تسوين اهنه "يطالع فلاح" أوب ليكون قطعت عنكم جوكم الرومنسي !!
غلا رفعت راسها وإنصدمت منه >> هااا ليش جي يرمسني ..
ردت تتطالع فلاح إللي لقت مرسوم ع ويهه ألف علامه إستفهام ..
الولد " يمسك إيد غلا": قومي يا جليله الحيا يالسه ويااااااااااه لا حيا ولا مستحى " ويلس يسبها بسبات قويه ..... وبصوت عالي والتموا الناس حولهم"
فلاح" خلاص تنرفز وايد .. من وجوده .. نظراته لغلا .. كلامه .. مسكه ايدها .. " : إيــــــــه يال..... ودرها وياي يهجم عليه بس مسكه ايد لجتفه وقفته إطالع وراه ..
فلاح : عميي بو غلا
بو غلا: هيه عمك .. خير شصاير اهنييييييييه
الولد: يا عمي انا جفت هااي بنتك يالسه وياه بروحهم وضحكاتهم واصله لاخر الممر .. قلت اادبها لك
غلا "ركضت لحضن ابوها" : بابااااااه
فلاح: والله عميـه
بو غلا قاطعه: ليش يا جاسم منو قايل لك اني ما ربيت بنتي هااااااه بنتي اشرف منك يالجلب
جاسم: عمي والله شفتها
بو غلا: هذا خطيبها
فلاح ألف علامة !!!! فوق راسه وغلا نفس الشي
بو غلا: اللي يتهمني اني ما عرفت اربي بناتي ما يستاهل ابد يكون نسيبي " بصوت عالي" ميرااااااااااااا
ميرا: هلا باباه امرني
بو غلا: "ياشر ع جاسم" هذا انا قلتله يودرج راضيه ولا تبينه
ميرا : اللي تجوفه ابويه
بو غلا: عيل يالله جاسم ترخص مالك نصيب عندنا
جاسم: بس عمي
بو غلا: كلامي ما ينزل القاااااااااع
"وانسحب جاسم من جدامهم"
بو غلا: أسف فلاح امسحها بويهي
فلاح" يبوس راس عمه" : مسموح الغالي
بو غلا: شوك نتو تسوون اهنه
فلاح: والله مثايل تعبت علينا ويبناها وغلا ما حبت تشوف مثايل وهي تعبانة فيات اهنه وانا يلست وياها تدري ما حبيت اخليها روحها
بو غلا: ريال أصيل
فلاح " بخقه عمه مدحه يعني راضي عليه " : ما عليك زوود عمي
غلا : بااباه ونتو اشو تسوون اهنه
بو غلا: "يطالع ميرا" يايين عشان تحليل فحص الزواج بس "بابتسامه" ماصار نصيب
غلا: هالجاسم اصلاً انا ما حبيته ابد
فلاح : ولا انا
بو غلا: أنا حبيته قلت يمكن هو غير ابوه
ميرا: ليش باباه شوفيه ابوه
بو غلا: متشدد وايد وعقليته صغيرة باجر بيقولج تنقبي
غلا ضحكت
ميرا: وي وي بسم الله عليه
الكل ضحك
إييهم أحمد ووراه مثايل
احمد: فلاااااااااااااح شو صاير ياي تضارب انتااااا .. << مادري منو خبره خخخ
وينتبه ع الموجود: اووه السلام عليكم
الكل رد السلام
أحمد: انا سويت خروج اختك ويبتها .. يالله انا لازم اسير المدرسة طالبيني والغبيه مالقت تتصل الا حقي
طبعاً غلا .. عرفت الغبيه ع طووول فضحكت: علايه
أحمد: هيه هيه منوه غيرها
بو غلا: اختك
احمد "نزل راسه": للأسف
الكل ضحك
فلاح: يالله عيل خل نروح مثايل تبيني اشلج
مثايل: لا لا
بو غلا: عيل انا بشلج .. "بنبرة عصبيه" ونتي كل يومين تتعبين واييبونج المستشفى
مثايل: باباااه
الكل ضحك لانها قالتها بنبرة دللللللللع
ومشو كلهم عسب يطلعون من باب المستشفى صوب باب الطواري عسب سياييرهم اهناك
.
.
وهم يمشو سمعو حس الممرضات
النيرس فااااقد الوعي تنفسه خفيف يالله بسرعه خبروو الدكتور
مثايل رفعت عينها تتطالع المريض وانصدمت
مثايل: سييييييييييييييييييف
الكل إطالع الشخص اللي طايح ع السرير الأبيض ومدخلينه من باب الطواري ويهه شاحب و الهالات السوداا بانن تحت عيونه جسمه هزيل وايد
فلاح ركض سيده له
فلاح: خير خير شو صاير ؟!
النيرس: مادري انتظر الدكتور انتا تصير له
فلاح: هيه هيه
مثايل: فلااااااااااح شووووووفه دخيلك
بو غلا: لا حول ولا قوه إلا بالله
بو غلا يعرف علاقه سيف بمثايل ويعرف كيف يعزون بعض
فلاح راح وراه الممرضين عسب يطمن عليه وتبعته مثايل
أحمد "رن فونه مرة 2": يا جماعه هذيل المدرسة داقين مرة ثانيه مضطر ارووح
بو غلا: خلاص رووح انا بكون ويا مثايل وفلاح لا تحاتي
أحمد " متدوده" : اوكي اوكي
.
.
بالمول
واقفه من نص ساعه جدام باب المدخل .. شاله فواغي بين ايدها .. ومتغشيه
مشت مشت بعد ألف لحظة تردد .. إلين ما وقفت جدام ستار بكس
رفعت عينها تدوره
لمحت بنت فاجه الغشوه .. فاله قصتها ع عيونها فل ميك اب ع ويهها ضحكاتها تتعالى وصوتها شال البقعه كانت جدام فجر بالضبط ..
فجر .. جدامها قاعد وليد لابس كندورة بنيه .. بلون الكاكاو انا مختارتنها له وقلتله بتكون وايد حلوة عليك .. ما لبسها الا عشان يروح لها .. ما كنت اشوفه لان عاطني ظهره .. ياربي .. شفتها شفتها تتطالعني وعشفاتها ابتسامه ياربي هاي ابتسامه نصر .. سخريه .. ولا شوو !! ماعرف احدد .. ياربي ريولي مب شايلتي ابد أه .. سمعت صوت فواغي .. ياربي هاا وقتج .. مشيت مشيت الين ما طلعت برع الموول رحت للسيارة اللي انا اخاف اصلاً اسوقها بس مادري اليوم ياتني الجراه اول مرة حطيت فواغي ع كرسيها ورا وسقت سقت لو بيدي بعدي 200 بعد .. بس كسرت خاطري بنتي مالها ذنب ابوها الخاين مب هيه .. ياربي وين اسير .. دموعي نزلت لاا لاا مابروح بيت اهلي .. خل ارجع بيتي وما ابين له بجوف كيف بيصبر ولين متى بيصبر وما بيخبرني
.
.
البنت ضحكت وإطالعت الريال اللي جدامها ولابس نفس لون كندورة وليد اللي جافته يوم طلع للدوام: خلاص انتهت التمثيليه
الريال إطالع وراه: ليش هيه يات
البنت بخبث: هيه هيه يات شفتها .. خلاص يالله نقوم
الريال قام وبنبرة خبث: ابا الحلاووه
البنت: أبشر .. الحلاوة عند المعزبه العووده
.
.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليتك معي في كل وقت تسليني	راقيه باسلوبيْ}~	الأناقة والجمال والموضه والطفل	5	05-04-2012 09:49 PM
أنا سميتك الدنيا وانته وش تسميني ,×	محروم.كوم	منتدى أخبار المواقع والمنتديات العربية والأجنبية	0	08-22-2011 11:10 AM
لو كان عندك رقم موبايلي ...... شو تسميني ؟؟ ؛؛	سمرة وكلي دلع	العاب , فكاهه , مسابقات	14	06-09-2010 07:33 PM
كيف سميتك حبيبي :><:	آلـῳـولعيه	عدسة الاعضاء , كاميرا الاعضاء	27	01-08-2010 07:53 PM
انا سميتك الدنيا انت وش تسميني ؟ ؟؟	داعمة دورية	الشعر المنقول	9	05-31-2009 02:08 PM