أنا || سميتك الدنيا وأنتّ وش تسميني ؟ - الصفحة 21

بس كيفي~ · 12-02-2012, 01:17 AM

مسموحه الغلآأ والحمدالله ع سلآامت يدووتج مآأتشووف شرر آأن شآأء الله
ونحن نرقبج متى مآا بغييتي تنزلييين ^^ __DEFINE_LIKE_SHARE__

أشواق تائهة · 12-02-2012, 12:48 PM

البارت الخامس والعشرين
.
.
مرت أجازة الفصل الأول بسرعه
رجعو البنات للدوامات بالمدرسة ومر عليهم شهر تقريباً أو أكثر بشويه
مهره .. حالها تحسن وايد عن أول يوم طلعت من المستشفى
سلطان .. أبد ما ودرها وحاول يبعدها عن جو البيت تقريباً بعد اسبوعين طلعها وخذاها بجوله حول الإماارات ما خلى مكان ما وداها كان بوديها ع قولته حول العالم بس هيه قالت " لا .. مابا كفايه أكون وياك " عقب قرر يستقر ببيت عمه اللي بدبي عشان دراسته وعشان مهره ما تحتك بأمه وعشان تجابل خيولها وترد لها الروح مرة 2 مهره وقفت قيدها هالكورس عشان صحتها وعشان طلب سلطان لها
سيف .. تقريباً ما تم بغيبوبه وايد .. هو كان فاقد الوعي من التعب اللي تعبه .. حالته تحسنت شويه بس لازم يلتزم بأدويته ولا يمكن يبدو وياه علاج كيماوي عسب السرطان ما يتنشر زياده بباجي جسمه ولا بيضطرو يسوون له عمليه بس هو رافض العملية نهائياً وعنده هالموضوع لا تراجع فيه
" خايف اموت وافقدها "
هالعبارة قالها لفلاح ما يلس يحاول فيه عسب يسوي العمليه
إحترم فلاح رغبته وفعلاً محد يروح لموته بريله
.. اهله ما درو عنه من الأساس بس فلاح اللي صاير يلازمه بروحاته ورداته .. اللي صاير يخاف عليه وكل ما ايي موعد أدويته يتصل به ولو كان موجود يلزم عليه ويراقبه ..
الباجي حالهم ما تغير
ممم
ميرة إنخطبت .. خطبها واحد من أهل امها اسمه جاسم .. من ناس طيبين وهي صلت الاستخارة وإرتاحت له
هو شرطه انه يعرس بسرعه ولو تودر دراستها افضل وهيه ما صدقت خبر .. ما كان ودها اصلاً تكمل دراسه بس ماخذتها تقضيه وقت لا أكثر فالشرط أبد ما كان محل خلاف بينهم
إتفقو ع الملجه تكون عقب شهر وشويه من الخطبه تقريباً ما تم غير إسبوع
.
.
الساعه 7 الصبح
وليد طالع من الحمام "عزكم الله " ويسير يطلع كندورته ويجوف فجر ترضع فواغي : صباح الخير
فجر تبتسم له : صباح النور والسرور
يلبس كندورته وعقب يسير صوبها ويحط إيده ع يبهه فواغي: هااه أخبارها اليوم
فجر تبتسم له: الحمدلله احسن حرارتها خفت عن أمس
وليد : الحمدلله وحور وحمده لين متى بيتمو عند أهلج
فجر : هههه ليكون مليت مني
وليد يمد بوزه شويه : أفا انا امل منج .. بس إشتقت لهم صارلهم جم يوم يباتون إهناك ولهت عليهم
فجر: ههه " تشيل المرضعه من فواغي اللي نامت" ادري بس انا وديتهم عسب اهتم بفواغي جفت كيف الحمى ملازمتها وما ودرتها
وليد: هيه الحمدلله ع سلامتها "يقرب من فواغي ويبوسها"
فجر: بس هيه
وليد يتقرب زياده: هههه تبيني ابوسج
فجر يحاول تبعد عنه: هههه
وليد يرد مكانه: خواافه
فجر تقوم وتحط فواغي ع سريرها: وليد أنت تتمنى ولد
وليد: والليل .. شياب الطااري الحينه خلها مستانسين
فجر تقعد ع طرف السسرير بس بعيد عنه : جفت يعني هالطاري يضايق بك أنت خاطرك بولد
ولييد: لا ما خاطري فيه اللي يكتبه ربي راضي فيه
فجر تدمع عيونها : عيل ليش هذاك اليوم ملبس حوور غترتك شرات الأولاد أنت تتمنى ولد تلبسه وتطلعه معاك ويشيل أسمك
يقاطعها وليد: فجوورتي حبيبتي خلاص سكري السيرة هذي ولاعاد تردين تفتحينها خلاص حبيبتي يعني كل مرة انا اقول سكريها سكريها
يقرب منها ويلمها ويمسح دموعها
شويه فجر: وليد خلاص قووم عني رووح الدواام
وليد يغمز لها: شرايج أسحب ع الدوااام
فجر تدز صدره : وليييييييييييييد
وليد تشقق: هلا عمري هااه
فجر بدلع: ولييداااني
وليد: وعشان وليييداني أنا بسحب
فجر صدت الصوب الثاني مستحيه
.
.
هذي إهي فجر صار لها متزوجه 4 سنين وعندها عيال بس للحين تستحي منه لما يدلعها
.
.
قايمه من نومها ع حشره غلا امس بايته عندها
غلا: مثااااااااااااايل يلاااا قوووووووووووومي مدرسة مدرسه
مثايل يادوب تبطل عيونها: همممم
غلا: مثايل قوومي بالعاده أنا اللي اتاخر مب انتي
مثايل ردت تلحفت
غلا: مثوووووووول حبيبي يلا قووومي
مثايل من تحت اللحاف: تعبانه رووحي انتي خليني انام
غلا بخوف تروح لها وتشل اللحاف عنها: شفيج تعبانة
مثايل مغمضه عيونها: . . .
غلا تحط ايدها ع يبهتها: إوووف حااارة انتي خل اروح اخبرهم خل يودنج المستشفى
مثايل مسكت ايد غلا: لا تروحي
غلا: لييييييش حرارتج مرتفعه وايد
مثايل تفتح عيونها شويه : غلا لو رحتي ما برمسج طول حياتي لا تخبرين حد
غلا: ما يصير
مثايل : يصير اصلاً كل الناس بيطالعوني نظرة شفقه لا غير خليني جي احسن ولا يهتمون فيني
غلا مب فاهمه عليها: مثايل
مثايل بدت تهذي من الحمى: اصلا محد بيهتم فيني غيرج انتي اخ ..تي اما هم لاا تخيلي انا مب بنتها مب بنتها
غلا: مثايل شفييج شيالسه تخربطين انتي
مثايل : سيف ابا سيف روحي ييبي سيف
غلا مب عارفه شو تسوي كل اللي سوته انها راحت تخبر حد عسب يودي مثايل المستشفى
,
,
صوب أهل دبي
كالعاده بكل صباح
مهره طالعه من الحمام بعد ما خذت دش ماي تنشط فيه روحها بس تعب الرياضة وركوب الخيل
إقعدت جدام المرايا فرت الفوطة ع الطرف بتعب .. خذت المشط تمشط شعرها
لما خلصت منه ردته ع الطاولة بشويه قوة .. تحاول تسوي اي شي حشرة بالمشط واللوشن العطور
كل هذا وهوو بعده راقد
مهره بخاطرها: أووف يعني بيتم راقد ياخي مليييييييييييت
سارت صوبه اقعدت وراه ع السرير نزلت طرف شعرها المبلل ع ويهه بدت بعض قطرات الماي إطيح ع ويهه
سلطان تنرفز من الماي : هممم مهوور خليني
مهره بعناد: أنننننننننه لاااا مابا اخليك
سلطان يرمس وهو مغمض عيونه وصوته كله رقاد: مهوور راد الفير امس خليني انااااام "سكت وعقب رد يسالها " جم الساعه ؟!
مهره: 7 وشي
سلطان: قومي سيري اقعدي برع ولا سيري صوب الخيول يلا روحي
مهره: لا لا مابا يلا قووم
سلطان يبطل عيونه: مهوووووووووور
مهره بإبتسامه نصر ميلت حلجها ع طرف تعرف انه لو بطل عيونه ما بيرد يرقد إلا بعد عناااء وهذا اللي كانت تبيه
سلطان: مهووور
مهره تحاول تخفي ابتسامتها: خلاص حبيبي انا اسفه رد نام "تقوم" بروح اقعد برع يلا نام
سلطان بحركه مفاجأة سحبها وطاحت ع حضنه جان تبون الصراحه هيي كانت حاسه انه جي بيسوي عسب جي قامت
سلطان يقرب راسه من شعرها : الله حلاااااااات ريحتج والله
مهره بحيا: سلطان
سلطان يسكتها : إششش خليني اشبع من حرمتي
مهره ما تكلمت بس اكتفت انها تعدل قعدتها : . . .
سلطان: واااااو شالجمال شالزين كل هالجمال حلالي
مهره نزلت راسها وع شفاتها ابتسامه خجل
سلطان تقرب منها ورد يتقرب مرة 2 وهيه ابد ما ابتعدت هالشي شجعه يسوي اللي يبيه
.
.
بصاله الطعام
علايه يالسه تاكل كورن فليكس وجاي : فطامي حطيتي توست ومربى
فطامي تحط لها توست وجبن : ويت بخلص مالي
علايه: زين زين بترياج عيل وينها غلا ومثايل
فطامي: مادري اكيد يلبسون بعده وقت
علايه وهيه تاكل اخر لقمة: اوكي .. يلا سويلي توسسسسسسست سرررررررعه
فطامي مسكت التوست وحطت عليه مربى
إييهم أحمد
أحمد ياخذ التوست من ايد فطامي: تسلم أناملج بنت عمي
علايه بطلت عيونها: يالخاااااااااااااااااااييييييس سم إن شا الله
فطامي قابطه ضحكتها بالغصب
أحمد وهو ياكل التوست : ونتي شعلييييييييج صاحبتها راااااااضيه
فطامي خلاص ما قدرت تمسك روحها اكثر: ههههههههههههههههههههه
احمد: شفيك
فطامي: هههه اصلا ه التوست هههههههههه
احمد يحاول يلقط: ادري هذا توست عيل شوو !!
فطامي: علايووه قالتلي اسوي لها عسب جي هيه قالت هيك
أحمد فتح عيونه ع الاخر : واااااااابوي "يمكن بطنه" خل اروح الحق عمري وااااااااااي بطني بيعورني ااااااااااااااي
فطامي: هههههههههههههه
علايه قامت معصبه
وتجابلو مع غلووي
غلا: لحقووني لحقووني
فطامي : شوفييييييج
غلا: مثوووول حرارتها مرتفعه اويه شكلها من امس وانا ما عندي خبر
أحمد فز قلبه: وينها تحت
غلا: هيه
احمد ركض لتحت
فطامي: لا تحاتي احمد بيجوفها يلا تروح
.
.
احمد يعرف غرفه مثايل وين فراح سيييييده للغرفه دش وجافها طايحه بوسط الحجرة
شكلها كانت قايمه واغمى عليها
أحمد: مثاااااااايل "يروح لها " قوومي قوومي
فطامي "اتي" : احمد شفيها
احمد: مادري شكلها اغمى عليها ما عليها شر يارب بوديها المستشفى الحينه روحي خبري فلاح
فطامي: أوكي
غلا تدمع : فيها شي احمد
احمد: لا بس هيه شويه تعبانة عسب الحمى ما بيصير فيها شي يلا انتور وحو تجهزو عسب تروحوا لمدرسه
غلا : مابا اروح بتم وياها
علايه: غلوووي علينا امتحان الابلة ما بتاجله
غلا: مولي خص بتم ويا اختيه تتصرف
.
.
يدخل فلاح بخوف
فلاح: شو صاير
أحمد: تعال شلها خل نوديها العياده
فلاح يقرب منها وشلها بعد ما غطاها بعباه يابتها فطامي
.
.
قاعد ع سيفه البحر و يردد
" الله يعينج أدري المفروض ما اقولج الحينه .. ياربي كله من فلاح .. ياليت ما قلتلها عني يااااااااااااالييييييييييييت "
تم يصرخ للبحر ويشكي له همه
وعقب يلس يفكر .. لو صابها شي من كلامه
..
__DEFINE_LIKE_SHARE__

أشواق تائهة · 12-02-2012, 01:24 PM

السموحه لو البارت قصير ..

انتظرو التكلمه خلال هالاسبوع قبل الويك إند __DEFINE_LIKE_SHARE__

أشواق تائهة · 12-05-2012, 01:51 PM

البارت السادس والعشرين
" الله يعينج أدري المفروض ما اقولج الحينه .. ياربي كله من فلاح .. ياليت ما قلتلها عني يااااااااااااالييييييييييييت "
تم يصرخ للبحر ويشكي له همه
وعقب يلس يفكر .. لو صابها شي من كلامه
تذكر مكالمته لها بوقت متاخر أمس بالليل
.
.
||
أتصل لها بعد ما خذا رقمها من فلاح . . . .
مرة مرتين بعد 3 مرات ردت بعد ما خلت الفوون يرن يرن يرن
مثايل: ألوووه
سيف تااه بصوتها : . . . . .
مثايل: الوووه
سيف بعده مش مركز وياها : . . . .
مثايل: متصلين عسب تسكتون "بعصبيه " صدق ناس فاضيه
سيف وأخيراً نطق : غصب عنهم الناس يسكتون دامهم سمعوا صوتج
مثايل بعصبيه زياده: أنتا امنووه عسب تقول هالكلام .. صدق ناس فاضيه .. ابوي انا مب مب هالصايعات اللي ترمسهن انا
سيف قاطعها بصوته الدافي: حبيبي
مثايل سكتت : . . . .
سيف: أنا سوااف "سكت " سيف حبيبج .. سيف قلبج
مثايل: سواافي
سيف: هيه
مثايل: ونت شحقه غايب عني .. شحقه .. هااه ..
سيف: هههه حقج عليه الغاليه "سكت"
مثايل حست انه فيه شي: فيك شي .. منو اللي ما يستحي ع ويهه وزعلااك
سيف: هههههه
مثايل: سوااافي لا تهتم فيهم "بحيا" دامني عندك
سيف: فديتها ابويييييييه
مثايل: هههه
سيف: حبيبي أبي اقول جشي
مثايل: آمر الغالي
سيف بجديه : حبي غيري
مثايل سكتت من الصدمة: . . . .
سيف: حبي غيري غناتي
مثايل: غناتك .. غناتك "بصوت هادي " وتودرني لييييييييييش ؟!
سيف سكت: . . .
مثايل: هه اصلا انت مثلهم ما بتفرق عنهم .. تتطالعني بنظرة شفقه لا أكثر .. مشكور سيف واااايد مشكور
سيف : انا مريض
مثايل: هيه هيه قص عليه بكلمتين
سيف: فيني السرطان مثايل " بصوت فيه بجي " بمووت ما رح اتم وياج بمووت
مثايل: لاااااا سيف انت قلتلي محد يفرقنا محد
سيف: غير الموت
مثايل: سييييييف لا تقول جي انت لي محد بياخذك مني محححححد
سيف: مثايل غناتي لو مت عيشي حياتج حبي غيري تزوجي " ببسمه" ما وصييج ولدج سميه سيف
مثايل: لاااا ما بتزوج غيرك ومحد بيسمي عيالنا غيرك .. "سكتت" سلطان و بسمه عيالنا محد بيسميهم غيرك
سيف: مثايل
مثايل: سيف كفايه والله كفايه
سيف: بمووت مثايل بمووت
مثايل: يومي قبل يومك
سيف: بعيد الشر يارب
مثايل: سيف لا تودرني
سيف: مب بيدي الغاليه
مثايل: سيف احبك
سيف: مع السلامة
||
سكر عنها وهو يصارع ألام قلبه ومشاعره
عقله يقول انت بتموت وبتخليها .. خلها تشوف نصيببها ويا غيرك
وقلبه يقول أنت تحبها .. وهيه تحبك .. لا تودرها
صراع كبير تعبه وايد
بدا بحس بنغزات حاده بصدره .. وبدا سعل ويكح بصوت عالي ..
إلين ما طاح يم البحر
.
.
بالمدرسه
علايه صاده على فطامي : الحينه نحن غلطانين ليش نخليهم واني نحضر .. أووف منو بيطمنا عليها
فطامي "ماسكه الكتاب بس عقلها مب وياها" : هيه والله صادقه
مها وياهم ع الخط: شوص اير
فطامي: مثايل تعبانة وودوها المستشفى ونحاتيها
مها: وييه مسكينه شو صار فيها ؟!
فطامي : مادري والله علمي علمج ..
ما حسو إلا بابلة الجيولوجيا واقفه ع راسهن
الابلة: إنتي وياها وياها شو انا طوفه هبيطه اهنه
البنات : . . .
الابلة : حتى انتي يا فاطمة العاقله صرتي وياهم
فطامي: أبلة
قاطعتها الابلة : جدامي ع الادارة يلاا .. إن ما خليتهم يعطونكم إنذار وطرد لمدة اسبوع ماكون أنا سليمه " اسمها خخخ"
.
.
.
بالمستشفى
الدكتور: الحمدلله عطيناها ابرة مخفظة لحرارة وحطينالها مغذي بس يخلص تقدر تطلع
أحمد : يعني هيه ما فيها شي
الدكتور: لا الحمدلله اكيد الجو متغير عليها عشان جذه
فلاح: زين نقدر ندخل
الدكتور: ايه اكيد .. لما يخلص المغدي خبرو النيرس اتي تشله وبنكتب لها خروج
أحمد: يزاك الله خير
الدكتور: افا عليك واجبنا
.
.
وليد "يرن فونه" : هلا .. آمرني .. إن شا الله .. "يطالع فجر اللي توها دخلت الغرفه" والله ظرف عائلي صار عشان جذه تاخرت .. خلاص ولا يهمك ياي ان شا الله .. ههه .. وياك يا رب.. مع السلامة
فجر "تبتسم" : بتروح
وليد "ببسمه": هيه اكيد متصلين فيني الدوام لازم اروح محتاييني
فجر: ربي يحفظك
وليد: امممم "ياشر ع خده "
فجر :هههه وااي منك يا وليد "تقرب منه وو باست خده" جي زين
وليد "بابتسامه": زين وااايد زين
فجر : يلا رووح ربي يحفظك
وليد: يوم برجع بييب حورة وحمدووه بسهم فاقدنهم حضني
فجر: هههه
.
.
دخلو ع مثايل الي توها بدت تفتح
فلاح: حمدلله ع السلامة
مثايل "بابتسامه": الله يسلمك
أحمد : شو هاا سويتيلنا فلم هندي بالقوو بعد .. خوفتينا عليج
مثايل: ههه .. تسلم احمد
احمد: ع شوو بالضبط .. اني شفتج ببجامه .. ولا اني شليتج بحضني
مثايل بحيا: ....
فلاح: ماعليج منه هالعياار .. المهم سلامتج الغلا
مثايل: وينهم ..
فلاح: وييييييه نسيناها
مثايل: منوه
فلاح: اختتج الهبله .. راحت الكفيتيريا اونه ماسارت المدرسة خايفه عليج وتبا تتطمن عليج والحينه مطيحه بالكفيتيريا
مثايل: ههههه
احمد: انا بسير اشوفها
فلاح: لاااا "سكت" اقصد مابي اتعبك ولد عمي
احمد: هههه زين زين "يقعد ع الكرسي" واحد كرك لو سمحت
مثايل: ههههههههه
فلاح: من عيوني الغالي
وطلع
أحمد: كل هذا عسب بس لا اروح لحبيبته
مثايل: الله يخليهم لبعض
احمد بخاطره: ويخليج لي يارب
.
.
عند المديره .. مب هينه ابله سليمه ههه
طبعاً كانت الاخصائية والوكيله موجودين
المديرة: خير ابلة سليمه شو صاير
الابلة "معصبه" : هذيل مخلاتني اشرح وهن يالسات يرمسن .. شوفي مالي خص يا طرد اسبوع ولا ما اقبل
المديرة: ان شا الله ما يصير خاطرج الا طيب تقدري تتفضلي انا بتصرف" وابتسمت لها"
طلعت الابلة وهيه متطمنة انه بيسوون الي تبيه .. خاصه مع ابتسامه المديرة
.
.
فجر يالسه ع الكرسي اللي يم سريرها
فجأه رن فونها رقم غريب
فجر : الووه
فاجأها صوت انثوي: الووة .. فجر
فجر بحيرة: هيه منووه
: انا فاعله خير
.
.
__DEFINE_LIKE_SHARE__

بس كيفي~ · 12-05-2012, 11:33 PM

مآأطمنت يلي متصله حق فجوره ؟!..آأكييييييد بتخبرهآأ عن ولييد تبي
تخرب من بييينهم
وغمضني سواف مآأيستآأهل

مثآأيل كآأسسسره خآأطري عله فعدويينهآأ ان شآأء الله
ويسلمؤؤ ع البآأرت الغاليه مآأقصرتي ونرقب
البآأرت اليآأي آأن الله رآأد~
قوآأج الله ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليتك معي في كل وقت تسليني	راقيه باسلوبيْ}~	الأناقة والجمال والموضه والطفل	5	05-04-2012 09:49 PM
أنا سميتك الدنيا وانته وش تسميني ,×	محروم.كوم	منتدى أخبار المواقع والمنتديات العربية والأجنبية	0	08-22-2011 11:10 AM
لو كان عندك رقم موبايلي ...... شو تسميني ؟؟ ؛؛	سمرة وكلي دلع	العاب , فكاهه , مسابقات	14	06-09-2010 07:33 PM
كيف سميتك حبيبي :><:	آلـῳـولعيه	عدسة الاعضاء , كاميرا الاعضاء	27	01-08-2010 07:53 PM
انا سميتك الدنيا انت وش تسميني ؟ ؟؟	داعمة دورية	الشعر المنقول	9	05-31-2009 02:08 PM