البارت التاسع والعشرين


حمدان : لي مكان اهنه ولا ..!!


مثايل "إبتسمت له" : لك مكان يالغالي يا أخوي


الكل إستغرب >> أخوها !!!!!!


حمدان: بس أهل البيت ما رحبوا فيني


يديـه: تفضل إن ما شالك البيت تشيلك عيوننا


حمدان: تسلم الغالي .. بس انا معاي ضيوف " بإبتسامه" ضيوف غالين على قلبكم


يديـه: أنتا وضيوفك على العين والراس .. خلهم يتفضلون


حمدان " رفع سماعه فونه واتصل لرقم وسكره "


بعد ثواني بسيطه


دخلوا الضيوف من الباب


وإنرسمت ملامح الصدمة على ويه بو حمدان + أم حمدان ..


وملامح التعجب إزدادت على ملامح بقية أفراد العائلة


حمدان " بصوته الجهوري ": الضيوف لهم مكان عندكم ولا نطلع


يديـه : أنت الداخل ونحن الطالعين


حمدان : تسلم


يديـه: قولوا اللي عندكم وكل الآذان صاغيه مثل ما يقولون


مثايل: هيه حمدان قول اللي عندك وانا بقول اللي عندي " تناظر جهة الضيوف " والضيوف لهم كلام بعد ومحد رح يقاطعنا صح يديـه


يديـه: صح الغالية .. واللي يقاطعكم بقطع لسانه واعقه للجلاب


والكل طبعاً إلتزم الصمت


حمدان : أنا اسمي حمدان .. في يوم تربيت في بيت ولدكم عبدالله .. كبرت وما عرفت ابو غيره .. بس معامله مرته لي غير .. تضربني .. تهزئني .. تفرق بيني وبين عيالها .. إلين ما يا اليوم اللي


|| قبل 7 سنوات تقريباً


بوقتها حمدان عمره 21 تقريباً


دخل مكتب ابوه .. لمح أوراق متراكمة .. قراها .. صدمة + صدمة ..


||


حمدان :اللي قريته أوراق للمستشفى تثبت أني مولود لأب إسمه سالم .. وأم إسمها شما .. صدمتي كبيرة لاني إكتشتف أنه اهلي اللي ربوني مب أهلي .. صدمتي الثانيه لأني إكتشفت اإنه أبوي الصدقي هو عمي أخو ابوي


أوراق ثانية مزورة .. في ظل قلة الرقابة .. شلتني من حضن أبوي وامي لأحضان ناس .. ما عندها رحمه .. كتبتني ولد له ولزوجته .. لما واجهته هددني يطردني .. وبالفعل طردني .. بس قبل لا يطردني أنا شفت أوراق مشابهة تثبت إنه فلاح بعد نفس حالتي .. بعد ولاده شما ع طول .. إنضم فلاح تحت إسم عائلة عبدالله وإنكتب للناس انه توأم سلطان ..


فلاح إهنه ما قدر يتحمل الصدمه وقعد ع الكرسي


مثايل: أنا بنفس الطريقة بالصدفة طاحت الأوراق تحت يديني .. قريتها .. تخبلت .. كيف اخواني مب خواني .. اكتشفت اني نفسهم بس أنا الفرق بيني وبينهم إنه أمي هيه شما وأبويه هو نفسه ابويه ... بعد ما تطلقت شما من عمي سالم


إهنيه الصدمة شلت الكل


الريال اللي دش " من الضيوف" : أنا إسمي ذياب .. أكيد عرفتوني


مثايل: عميـه ذياب ..


الريال: مب عمج خالج أنا .. أنا اخو أمج شما " إطالع الحرمه اللي واقفه " شما هذي .. شما تكلمني وقولي اللي عندج


فجت الغشووه من على ويهها .. الصدمه ملت ويوه الجميع .. ملامحها وملامح مثايل وحده + ملامح مهره صح فيه منها .. ملامح فلاح + حمدان


شما : أنا كنت بيوم زوجه ولدكم سالم بس قبل لا اتزوجه كان عبدلله يحبني .. حاول ياخذني بس أهلي رفضوه لانهم كانوا يدرون انه يحبني .. أنا ما كنت أكن له اي مشاعر .. تزوجت سالم .. وحملت .. بيوم كنت بالشهر التاسع .. حسيت بآلام الطلق ..ياتني فاطمة مرت عبدالله .. بس ما عرفت كيف عرفت .. ودنتي المستشفى .. بنفس اليوم طلعوني .. خبروني أنه الولد مااااااااااات .. مادريت كيف مات ولا فكرت ليش طلعوني بنفس اليوم .. لما رد سالم تخبل .. كيف مات .. بس عقب سلم أمره لله .. عقب ما كنت أفكر أحمل أخاف ولدي يموت نفس الأول .. 8 سنين وعقب حملت .. ونفس السالفه تكررت سالم كان مسافر لأنه شغله جي .. ياني الطلق .. فاطمة بنفس الطريقة ياتني .. ما حسيت انها كانت قاطعتنا ويات فجأه .. كانت حامل .. ولدت .. خبرتني إنه ولدي مااااااااات .. عقب كم اسبوع هيه ولدت وياني الخبر انها يابت توم .. رد سالم .. تخبل .. قاللي أكيد أنتي اللي تجتليهم لانج ما تبين ياهل مني .. عقب أقل من سنه حملت .. أصر سالم يتم عندي وألغى كل رحلاته .. تم عندي لين وقت ولادتي بس طلقني قبل الولاده .. ويبت بنتي مهره .. وحرمني من بنتي .. لأنه مثل ما يقول أنا ما ابا ياهل .. هذي قصتي ..


ذياب: أنا قلتلها ياختيـه حاس انه ملعوب عليج .. ودورت لين ما قدرت اتواصل مع مهره .. عن طريق مهره .. عرفت سلطان .. عرفت بطريقتي الخاصة حمدان .. وقدرت أكشف هالسر الدفين


مثايل: وأنا !!


شما: عقب ما طقلني سالم وولدت .. إنقضت عدتي مع ولادي .. بعد إقل من شهر تزوجت عبدالله اني تقدم لي واهلي قبلوه .. حملت فيج .. وولدتج تركتج وطلبت الطلاق منه لاني مب قادره اعيش مع اخو ريلي السابق ..


يديـه: حسبي الله عليكم حسبي الله عليكم ما تخافون ربكم يخسف فيكم


مهره: وسلطان ..!!


أم حمدان " أخيراً تكلمت " : سلطان ولدي ولدي


ذياب: سلطان صدق ولدهم .. يعني زواجج منه شرعي


سلطان "بنفرفزه ": مهره .. قومي


شما : خلها عندي بنتي هذي


سلطان "لمهره" : تبين تروحين


مهره "هزت راسها"


سلطان: روحي


ركضت لأمها " شما " ولمتها .. مثايل بنفس الطريقة راحت لها


شما : عسى الله لا يحرمني منكم مرة ثانية


والكل " خاصه الحريم " صاحوا


"تحولت الصالة لمناحه


حمدان "تقرب " : شحالج الغالية


شما " بدمووع " : زينة يمى زينة


فلاح " قام وتقرب منهم " : شحالج " بغصه " إميـه


شما : بخير يمى " فتحت إيدها له "


تقرب منها و ابتعدوا مثايل + مهره عشان فلاح ياخذ راحته بحضن أمـه


" رن رن رن > الجرس "


يديـه : حد يروح للباب


سلطان: أنا أبويه


.


.

دشوا بو غلا + زوجته


بو غلا: السلام عليكم


الكل : عليكم السلام


مثايل: باباه .. "راحت له " شحالك


بو غلا: بخير " يبوس راسها" شحالج انتي


مثايل: بخير باباه


أم غلا: وأنا !!


مثايل: أنتي الغلا كله


بو غلا: لا جي غلا تزعل


الكل ضحك


شما : هذا اخوي .. وصيتي له يضمج تحت جناحه .. وصدف انه توه مرته والده بغلا من جم شهر بس .. ورضعتج


مثايل: يعني انت اصلاً اخو اميـه .. انزين ليش ليش محد قالي


بو غلا: ونتي كنتي تبيني كأخو أمج ولا كأبو لج


مثايل: أشهد أنك كنت اقرب لي من أبوي والله


بو غلا إبتسم لها


سلطان: "يرمس شما" أنتي لج دخل ببلاد برع


شما " إبتسمت له" : هيه انا اميـه فرنسية ..


سلطان: ونا اقول شوه الملامح الغريبه لمثايل وو فلاح " يطالع مهره" توه اكتشف مهره لها نفس الملامح


مهره" بدلع" : ليش موو لايق


سلطان: لايق يا بنت لايق


الكل يضحك


.


.


بعد مرور 7 سنوات


بالمطار


الكل تقريباً واقف عشان يستقبلون " مثايل " اللي راجعه من بلاد برع " بريطانيا " بعد ما درست طب


.


.


صوب محمد + نورا


محمد: يا عيال قعدوا


ميثا " بنت العشر سنوات" : باباه عماا مثايل بتي بتي مشتاقه لها وايد


نورا: هههه حتى هيه مشتاقه لج وايد


عبدالله " خمس سنوات" : أنا احب عمووه مثايل


محمد: حتى هيه تحبكم وايد


.


.


صوب وليد + فجر


وليد : يا حمده بس


حمده " بنت 10 سنوات ": باباه بعدهم مب حافظين


حور" بنت 8 سنوات": بلا حفظنا صح فوفو


فواغي " بنت 7 سنوات" : صح صح " تتطالع أبوها" باباه حفظنا


فجر " ماسكه بطنها .. بالشهر الثامن وفيها ولد " : زين ماماه و سوافي و سعيد


سيف وسعيد " توأم 3 سنوات" : دين دين ماماه " زين زين ماماه"


وليد: عفيه حبايبي


" مسوين خطة .. البنات بيقولون كلمة لمثايل والتوأم بيقدمون لها باقة ورد "


.


.


سلطان + مهره


سلطان: حبيبي مهاري إنتي زينة


مهره " ماسكة بطنها .. بالشهر التاسع " : هيه حبيبي زينة


جوري" بنت 4 سنوات" : باباه انا ما تعبيت ماماه والله ما سويت لها حشرة


سلطان: هيه حبيبي انتي شاطرة " ينزل لمستواها" بس ماماه شويه تعبانة عشان البيبي


جوري: باباه البيبي موو شاطر يسوي حشرة لماماه صح


سلطان يضحك: صح باباه


جوري: يباله ضرب


سلطان: هيه باباه يباله


مهره تضحك: حرام عليكم


سلطان " شل جوري وقام ووقف يم كمهره بالضبط" : ما يهون علي والله


جوري " باست خد أبوها" : أحبك موووت


سلطان: وأنا بعد أحبج وااااااايد


مهره: أغار تراني


سلطان ضحك


.


.


أحمد + فطامي


أحمد خطب مثايل 4 مرات بس رفضته بالأخير .. بالأخير تزوج فطامي بنت عمه اللي كانت تموت بحبه بس خاشه هالشي بقلبها صار لهم سنتين متزوجين تقريباً


فطامي: أحمد يلا عاد


أحمد: مو كفاية أنج يايبتني غصب عني استقبلها


فطامي: ما تستاهل بنت العم


أحمد" بخاطره" : تستاهل حبيبتي


فطامي: للحين شايل عليها لانها رفضتك .. ولأنها للحين تحب سيف الله يرحمه


أحمد: الله يوفقها يارب " بجديه" وبعدين انا الحينه ريلج مالازم أفكر بوحده غيرج


فطامي: أحمد بقولك شي بس خايفه


أحمد: هلا فطامي آمري


فطامي " بهمس" :أنا حامل


أحمد سكت ببرهه يستوعب


أحمد: حامل


فطامي" صدت الجهه 2": هي


أحمد: فديتج والله حياتي


" كانت هاي اول كلمة حب يقولها لها"


فطامي: بس عاد


أحمد"بخبث": خل نرجع البيت الحينه


فطامي: ما يصيير والبنت والأهل


أحمد: برايها انتي الأهم


فطامي: لا لا


أحمد: كيفج بس عقب مو تقولين تعبت ومادري شوو !


فطامي: لا ما بقول


.


.


فلاح + غلا


فلاح: يا بابا شو فيج !!


مزنة " بنت ال 6 سنوات" : أفكر باباه والله افكر


غلا تضحك: بشو تفكرين ماماه


مزنة : الحينه مثايل أقولها عمووه ولا خالووه


فلاح : عمووه


غلا: خالووه


مزنة: أوووه صدق ارمس الحينه شو اقولها ...أووف


فلاح وغلا ضحكوا


مزنة: خلاص قررت .. بقولها مثايل بدون شي


فلاح: عيب مزنة


غلا:هيه عيب


مزنة: عيل بسالها !! يوم بتي


غلا: أوكي


.


.


حمدان + شروق


مثايل " بنت حمدان عمرها 15 سنة": باباه شووف انا لازم أكون نفس عمووه مثايل لاني نفس إسمها ولأني أحبها بستوي شراتها بالضبط


حمدان: انزي شو بتسوين


مثايل: بدرس وبستوي شاطرة وايد عشان أستوي دكتورة شراتها وبدرس ببريطانيا بعد


منصور" عمره 13 سنة" :ماشي عندنا بنات يدرسن برع منقوود


سلطان " عمره 7 سنوات": لا لا مثايل انا بوديج وبكون وياج


منصور: هيه دام جي أوكي أهم شي في محرم لج


شروق ناقعه ضحك على عيالها


حمدان:شرووق بسج ضحك مب زين لج ولا زين للي ببطنج


شروق" مسكت بطنها توها حامل بالشهر الثالث وممنوع لها اي إنفعالات زايده": إن شا الله حبيبي


.


.


خالد + هيا


تزوجوا وهيا للحين ما حلمت بس ما فقدوا الأمل طبعاً


.


.


فهد تزوج علايه


و على إيده عقلها .. خلاها حرمة بيت مؤدبة


صح عليها هفات هبال شوية بس خفت بوايد


عندهم سلطان عمره 5 سنوات وطالع على أمـه بالهبال .. وتخيلاته الهبله


.


.


ذياب تزوج خلود


وعندهم حمدان عمره 6 سنوات


خليفه تزوج خولة


وعندهم غالية عمرها 6 سنوات


فيصل تزوج ميرة


وعندهم حميد 4 سنوات


.


.


سكتهم صوت مزنة بنت فلاح وغلا : هذي وصلت وصلت


وركضت لداخل وركضوا كلهم وراها العيال طبعاً


وأهلهم يمشون ع الخفيف خاصه الحوامل منهم و ريايلهم معاهم


.


.


مزنة لمت مثايل : ممم تعالي بسألج ؟!


مثايل ضحكت: هلا حبيبتي


مزنة: تحط إيدها ع راسها" : الحينه انتي عمووه ولا خالوا باباه يقولي عمووه وماماه تقولي خالوا انا تخبلت منهم والله


الكل ضحك


مثايل: حبيبتي ناديني اللي تبينه


غلا" تقربت" : شحالج حبيبتي


مثايل: حمدلله غلا شحالج وشحال ابويه واميـه


غلا: حمدلله تمام


فلاح: خيتو اخبارج


مثايل: دامك بخير انا بخير


فلاح: دوم يا ربي


.


.


وليد: وينكم بنات ما سويتوا اللي قلناه


فواغي " ضربت راسها بايدها" نسينا


سيف + سعيد"عيال وليد تقربوك من مثايل ": عمووه مثايل


مثايل" دمعت عيونها": هلا حبايبي



هيه تعرف انه واحد منهم اسمه سيف بس ما فرقت بينهم


سيف: عمووه " يعطيها ورده" أنا احبج وايد وو شو سعوود نسيت


سعيد : حمدلله ع الثلامااه " السلامة"


الكل ضحك


مثايل: الله يسلمكم حبايبي


مثايل " بنت حمدان" : عمووه شحالها بريطانيا قلتيلها تترياني لين ايي ادرس فيها طب شراتج


مثايل ضحكت: هيه حبيبتي خبرتها تقولج مكانج محفوظ


فطامي: مثايل حبيبتي


مثايل:" تروح وتحضنها"


هذي غير شلتها عندها هذي العاقله هذي اللي الروح تغليها هذي اللي حفظت أسرارها


مثايل: فطووومتي


أحمد" يصارع أفكاره بين حبيبته و زوجته بالأخير تغلب على أفكاره تغلب على حبه له اللي هاض بلحظات جنونية تغلب في سبيل حبه اليديد زوجته وولدهم المنتظر"



أحمد " تقرب منها" : مثايل شوي شوي ع مرتي تراها حامل


مثايل " تبعدها" صج حبيبتي والله


فطامي" بحيا هزت راسها"


مثايل: يا قلبي هااه ما وصيج عليي تسمينها


فطامي: يمكن ولد


مثايل: لا لا بنت احساسي ما يخيب


فطامي : هههه انزين تامرين


مثايل: تسلمين


الكل تقرب منها تحمد لها على السلامة + بارك لها الشهاده اللي يابتها


.


.


مثايل درست طب تخصص أورام سرطانية .. تقدم لخطبتها وايدين .. ومنهم أحمد ورفضتهم الكل إحترم قرارها


يديـه ويدووه توفوا قبل سنتين .. يديـه اول ويدووه عقبه بسنه


.


.


اليوم


اللكل مرتبش ومحتفل .. ركبوا كل واحد سيارته وتوجهوا للبيت العود اللي للحين يلمهم


ركبت مثايل مع سلطان .. ويسلت جوري ترمسها وتوصف لها شو سوت بغيابها


أما مثايل ساندت راسها ع الجامه وعقلها لذاك اللي تحت التراب وهيه تكرر


" ودنيا ,, مابها حسك ماأبيها وعمرنا فاني"


" ودنيا ,, مابها حسك ماأبيها وعمرنا فاني"


" ودنيا ,, مابها حسك ماأبيها وعمرنا فاني"


.


.

بهذا إنتهى جزء كبير من روايتي



" أنا سميتك " الدنيا " ونت وش تســـمينـِي ؟! "


أتمنـِى انها قد نالت على إستحسانكم . . . . [ ! ]

في هذه الرواية نسجت ملامح أبطالي من خيوط الخيال المترسمة في ذاكرتي .. إضفت إليـها لمسات من واقعي الجميل . . [ ! ]


مشاعر إجتاحت قلبي حين وضعت روحي بمكان البطل / البطلة .. سطرتها هنا . . [ ! ]


تعلمت أن أعيش بمكان الشخص .. أعيش كل مشاعره لإخرجها بحلة جميلة للقراء



لحظات رائعه هي التي قضيتها هنا .. أعجبتني كمية المشاهدات التي تزداد حيناً بعد " إدراج بارت جديد " أعجبني حماسكم ومتابعتكم لي خلف الشاشات


أعجبتني ردود بعض الأعضاء [ ع رأسي والله ! ]


ما أعجبني أكثر هو الوقت الهائل الذي كرسته في الكتابة .. إنها المرة الأولى التي اكتب بارت بعدد صفحات تتجاوز الخمسة عشرة صفحة وفي بعض الأحيان يصل البارت إلى الأربعون صفحه ذلك هو السبب في لجوئي إلى تقسيم البارت إلى عدة أجزاء .. [ ! ]


أستمتعت معكم كثيراً و سأفتقدكم كثيراً [ والله بصيح ! ]


لكن


إذا كتب لي الرحمَّن من العمر شيئاً


بإذن الله لي عودة إليكم هنا


برواية جديده تحمل إسم


>


<


إِنَّ رُوحِـــــــيٍ قَرَرَت " البـَوّحَ " عَن أشَـــواقِها


>


<


بحلة جديدة و أشواق مبتكرة


مشاعر مبعثرة وأحداث مثيرة


أسلوب مختلف / مستجد


ما أحمسكم .. لكن أنا أطمح دائماً للأفضل

قد يكون ذلك بعد أسبوع // شهر [ سنة ] !!


لكن أعدكم إن كتب لي الرحمَّـن سأعود .. [ ! ]

أستودعكم الرحمن الذي لا تضيع ودائعه


ودمتم بود وغلا