روآية آنتظر كلمة آحبگ !! - الصفحة 23

Ro7 8lby#! · 08-07-2012, 06:24 AM

الجزء 92 :

مريم: شوفيج سلامة.
سلامة: ما فيني شي.
موزة: سلامة وين كان المفتاح؟.
سلامة: فحجرة أمي.
موزة: متأكدة؟.
سلامة: هيه.
وقامت سلامة.
مريم: وين؟.
سلامة بسخرية: الحمام.
دخلت سلامة وصاحت ما قدرت تحبس دموعها أكثر وبعد شوي مسحت دموعها وغسلت ويها بماي بارد وطلعت عند مريم و موزة.
سلامة: يلا نسير.
موزة: يلا.
وطلعن برع الفيلا.
مريم: صح اذكرت بروح البيت وبرجع ما بتأخر.
سلامة: شو تسوين البيت.
مريم: امس كنت اشوف شي بروح اييبه وبرجع.
سلامة: لا تتأخرين.
مريم: اوكي.
راحت مريم , سلامة و موزة كملن طريجهن لبيت محمد.
موزة: سلامي بدخلين وياي؟.
سلامة: لا.
موزة: ليش؟.
سلامة: ماريد أدخل انا كم مرة شايفتنه.
موزة: عاد دخلي وياي سلامي.
سلامة: موزة اسمحيلي ما قدر ادخل وياج وبعدين محمد الله يرحمه يباج تشوفين البيت بروحج والا وياه.
موزة ما علقت :..........
سلامة: خلاص انا برجع وانتي دخلي.
موزة ترددت تدخل: سلامة.
سلامة: شو؟.
موزة: ماشي.
ابتسمت سلامة وراحت عنها وهي فطريجها للفيلا شافت خليفة واقف يترياها.
سلامة: السلام عليكم.
خليفة: وعليكم السلام , شحالج؟ز
سلامة: الحمدلله بخير.
خليفة يأشر على موزة: منو هذيج موزة؟
سلامة: هييه.
خليفة: شو تسوي هناك؟؟
سلامة: بتدخل تشوف بيت محمد.
خليفة يطالع سلامة بعصبية: ليش تخلينها تشوفه؟؟
سلامة: هيه تبى تشوفه مب أنا قايلتلها.
خليفة: وأنتي الحين وين بتروحين؟؟
سلامة: بتريا مريوم.
خليفة: ليش مريم وين؟.
سلامة: راحت بيتهم والحين بتي.
خليفة: وليش مب لابسة شي غليظ ما تحسين بالبرد؟
مشت سلامة وهو مشى وياها.
سلامة: لا ما حس وبعدين مب برد وايد.
وقعدت جدام الباب إلي مجابل المطبخ وهو واقف جدامها يطالعها.
خليفة: سلامة أنتي كنتي تصيحين؟
سلامة أطالع جدام: لا ما كنت أصيح.
خليفة: على منو تجذبين كنتي تصيحين صح؟
سلامة بعصبية: حتى لو كنت اصيح شو يعني بيطيح اللولو من عيوني.
خليفةبصوت هادي: دموعج بالنسبة لي أغلى من اللولو.
سلامة انحرجت وكانت بتقوم بس يت مريم.

مريم: السلام عليكم.
لف خليفة عليها: وعليكم السلام شحالج حرمة أخوي؟
مريم بمرح: الحمد الله بخير شحالك انت اخو ريلي.
خليفة: هاهاهاها حلوة هاي أخو ريلي.
سلامة: ليش تأخرتي بيتكم إلا هنيه فرت حصاه؟؟
مريم: أنا ما كملت عشر دقايق.
سلامة: انزين عشر دقايق تفكرينهن شوية.
مريم: هيه شويه.
خليفة: لا تتضاربن.
مرمي: نحن ما نضارب نتناقش وين الموز؟.
سلامة: اطالع البيت.
مريم قعدت عدال سلامة: عيل شوفي.
سلامة: شو؟.
مريم: صورنا ونحن صغار.
سلامة بفرح:والله هاتي اشوف.
مريم: اغلب صورنا مسوين حركات غبية الا صور بعض ناس.
وطالعت خليفة بطرف عينها.
خليفة: منو تقصدين؟.
مريم: اقصدك انت ولا صورة مسوي فيها حركة غبية.
خليفة: بعدنا أشكالنا تضحك وتبيني اسوي حركات غبية.
مريم: انزين ولا صورة حتى لو بالغلط ما شي كلهن حلوات بعكسنا.
خليفة مبتسم: تراني أكبركم واعقلكم.
مريم: لا والله شو يخص الكبر و العقل ترانا كلنا كنا صغار.
خليفة: لا مب كلنا كنا صغار الحين يوم انتي كان عمرج 10 سنوات انا عمري 18 سنة تقريبا كيف تبني اكون غبي فالصور.

سلامة: هاهاهاهاهاهاهاهاهاها شو هذي الصورة هاهاهاهاهاهاها.
مريم: أي صورة؟.
ومدت سلامة الصورة لخليفة.
خليفة: هاهاهاهاهاهاها.
مريم بعصبية: ليش اضحكون اي صورة اطالعون.
خليفة يراويها الصورة.
مريم بصدمة: خيبة شو هذي الصورة أنا كيف ما شفتها؟.
سلامة+خليفة: هاهاهاهاهاهاهاهاهاها.
مريم: مالت عليكم ليش اضحكون كله من اخوك دايما هو السبب.
سلامة: هاهاهاههاهاها وينك ياسيف تشوف هذي الصورة.
مريم: لو الموت ما بخليه يشوفها.
خليفة: انا اريد اعرف انتو الاثنينه ليش دايما تتضاربون.
مريم: هو اللي يبدا دايما.
خليفة: انزين عطيني الصورة براويه اياها.
مرمي: مستحيل.
وحطت الصورة فمخباها.
سلامة: مريوم الصورة بتخترب.
مريم: خليها تولي من زينها اريد اعرف منو كان يصورنا؟ز

سلامة: منو غير عموه.
مريم: صدق انها ما تعرف تصور.
خليفة: يوم انتي تتروعين من القطوة ليش حاطتنها ع راسج.
مريم: أنا حاطتنها؟؟ أخوك فارنها ع راسي ما تشوفها شقايل نتعلقة حتى اذكر انها شمختني ع ويهي وامي نازعتني وحبستنس فالبيت يومين وما خلت سلامي و موزان يلعبون وياي.
سلامة بتأثر: هذا الصورة وااايد حلوه اباها.
مريم: حتى انا وااايد عيبتني.
وعطت خليفة يشوفها وابتسم يذكر هذي الصورة كان العيد و كانو مجتمعين فبيت يد سلامة و مريم وفهذا اليوم عمتهم كانت تصور العايلة وعقب وقفتهم و صورتهم هو غانم ومحمد وسيف,, وكملو يطالعون الصور وكل شوي يعلقون على صور مريم.

أما موزة فأول ما فتحت الباب سمت.
موزة: بسم الله الرحمن الرحيم.
دخلت وسكرت الباب وراها.
موزة: السلام عليكم.
موزة ما تحركت من مكانها طالع البيت بانبهار.
موزة بصوت واطي: ما شاء الله.
وتوها بتخطي خطوة شافت على الارض ظرف شلت الظرف وجلبته على ورا وجدام مب مكتوب شي على الظرف , والظرف كان مفتوح طلعت الورقة وهي مستغربة.
موزة: لمنو هذي الرسالة مستحيل تكون لحد من البشكارات, انزين انا ليش ما افتحها و أشوفها لمنو.
فتحت موزة الورقة وانصدمت بالخط والمكتوب.
محمد: { هلا عيوني شحالج, دخلتي البيت ؟؟ أكيد دخلتي والا كيف بتقرين الورقة , حبيبي موزانة انا برافقج فهذي الرحله لا تخافين انتي مب بروحج تراني انا وياج و بكون وياج فكل خطوه تمشينها لالالالالا مب قصدي اني شخصيا بكون موجود لا انا بكون موجود وياج فالاوراق يعني بتلقين مثل هذي الظروف فاكثر من مكان خلااص اتفقنا الحلوه , هيه جيه اباج شاطره و مطيعه الحين امشي ثلاث خطوات و على ايدج اليمين بتلقين ... باب يلا موزان انا و صلت عند الباب فثلاث خطوات و انتي بعدج ما وصلتي ؟ }.
ابتسمت موزة على اسلوب محمد و مشت لعند الباب وردت الورقه فالظرف و شافت ظرف ثاني و فتحته .
محمد :{ هااااااه الحلوه اخيرا وصلتي يلا فتحي - وفتحت موزة الباب - هيه شاطره دخلي }.
و دخلت موزة الحجرة و تفاجات وردت تقرا الورقه
محمد : {وهذا هو الميلس ادري ادري شرات ميلسكم بس على اصفر و هذا الوحيد الي شرات بيتكم عشان ما تحسين انج بعيدة عن بيتكم ولا تحاولين تقوليلي مره ثانيه انج ماترومين تبتعدين عن بيتكم , كل ما تحسين انج اشتقتي لبيت ابوج تعالي وقعدي فالميلس اوكي ... و الحين بتلقين على الطاوله ظرف ثاني } .
شلت موزة الظرف الثاني وقرت
محمد : { الحين طلعي من الميلس , ليش قعدتي ؟ مسرعج اشتقتي لبيتكم -
طلعت موزة - و الحين الحلوه فتحي الباب الي عدال الميلس ايوه هذا الباب يلا دخلي}.
دخلت موزة و تفاجات
موزة : مستحيل كيف عرف ؟؟؟.
كانت الحجرة مثل ما تباها موزة فيها مكتبه بسيطه و كراسي مريحه تساعد على القرايه و كمبيوتر و الاضائه فالحجرة وايد مريحه للعين و تقربت موزة من المكتبه و شافت الشرايط و كلهن شرايط عبدالحليم و ابتسمت وذكرت يوم كانت تقوله ما تحب تقرا الا على صوت عبدالحليم ... ورفعت موزة الورقه تقراها
محمد : { كيف عرفت ؟ ما بخبرج سر ادري اني ساحر و الا ما كنت بسحرج هاهاهاهاهاهاها .... خلينا فالجد الحين طلعي بس قبل ما اطلعين شلي الظرف الي عدال الكمبيوتر }.
شلت موزة الظرف و طلعت __DEFINE_LIKE_SHARE__

Ro7 8lby#! · 08-07-2012, 06:26 AM

الجزء 93 :

محمد : { و الحين تروحين وين وين ؟ هيه روحي فوق والا اقولج لالالا تروحين فوق لفي على يسارج و طالعي شو هناك , اعرف تقولين ليش ما اثث الصاله تبين الصراحه ما اعرفت شو اسوي فيها كنت اريد فكرة يديدة بس للاسف كل الافكار اختفن فقلت احسن انتي تفكرين وياي .... ادري اني ذكي اكيد الحين وصلتي وجدامج بابين دخلي اول الباب الثاني , ليش ؟ شو ليش ؟؟؟ كيفي اباج ادخلين الباب الثاني و شلي الظرف الي جدامج و لنا لقاء اخر ان شاء الله }.
شلت موزة الظرف و هي مبتسمه
موزة : عندك افكار عجيبه و غريبه يلا بقرا الحين شو تقول ههههههههه
و فتحت الظرف
محمد : { بعدج مافتحتي الباب اووووهووووه لازم تتريني فتحي الباب و طالعي بروحج انا مب فاضلج عندي وايد اشغال ,
موزة : اشغالك اهم عني ؟؟؟؟؟.
محمد : { هاهاها امزح وياج ما شي شي فهذي الدنيا يقدر يشغلني عنج الا صلاتي , موزان شفيج ليش ما تفتحين الباب }.
و فتحت موزة الباب و كانت الحجرة فيها طاولة طعام لعشر اشخاص و كانت الطاوله بيضاويه مش مربعه ولا مستطيله و هي عباره عن طابقين يعني شكلها غريب وردت موزة تقرا .
محمد : { شورايج فيها ان شاء الله عيبتج انتي لو تقربين منها اكثر بتعرفين ان الطابق الي فوق يدورو تبين الصراحه حاولت اسوي شرات الطاوله الي عيبتج فالفلم الهندي بس وايد صعبه كيف احط قطار على الطاوله ؟؟.. كنت بسوي بس بعدين فكرت ان سلطان و ميثا بيخربونها و بيكسرونها و انا ما فيني على المخاسير .. احم بخيل صح هاهاهاهاها , و بعدما تخلصين اطالعين الطاوله و تتاملينها طلعي وروحي عند الباب الاول اوكي }.
حطت موزة الورقه فالظرف و تقربت من الطاوله و تشوفها كيف ادور هي تشتغل بالكهربه .
موزة بفرح : الله واااااااااااااايد حلوه صدق ان ذوقك عجيب , انزين لا تصدع راسي الحين بطلع .
{موزة فهذي اللحظات نست ان محمد توفى او تتناسى }.
وطلعت وراحت عند باب الاول , شلت الظرف و دخلت و قرت .
محمد: { دخلتي ؟؟ , هيه شاطره شورايج بالمطبخ }.
موزة : عجيب اريد اعرف انت منو يخبرك عن هذي الاشياء انا ولا مره قتلك اني اريد مطبخي بهذي الصوره ولا اني اريد طاوله الطعام تتحرك و الا اني اريد حجرة للقرايه منو مخبرنك سلامي صح ؟؟؟.
وردت تقرا
محمد : { انتي اكيد الحين تتسالين انا كيف عرفت عن كل الاشياء الي تتمنينها فبيتج و طبعا عرفتي منو خبرني صح سلامي ما شاء الله عليج ذكيه مثل ريلج هاهاها و الحين طلعي من المطبخ الاحلام طلعي }.
موزة : لا ما بطلع
محمد : { اوووف شو هالحريم الي يموتن على المطابخ يلا طلعي بعدين بتردين اطاعلين مطبخج }.
موزة : اوكي بطلع لا تنرفزني .
وطلعت موزة وردت تقرا
محمد : { الحين بتشوفين الباب الي جدامج سيري فتحيه }.
راحت عند الباب و كان مقفول بالمفتاح و المفتاح على الباب
موزة بستغراب : ليش مقفول ؟؟؟؟
ردت تقرا
محمد : {هيه الباب مقفول تبين تعرفين ليش مقفول فتحيه ودخلي بس بشوي شوي لا تسوين حشره وهذي هي المفاجاه الي خبرتج عنها تذكرين ؟؟؟ ان شاء الله عاد تعيبج و بتلقين ظرف غيره داخل .... باي }.
ردت الورقة فالظرف و فتحت الباب بشوي شوي بدون حشرة مثل ما قالها مع ان هي تسمع أصوات بس مب متأكدة من اللي تسمعه فتحت الباب.
موزة بعجب وفرح: يا سلاااااااااااام.
الحجرة كلها زجاج معشق و فالحجرة قفص وااايد كبير كله عصافير ألوان واشكال و كانن وااايد حشرة و فيها حوض سمج كبير والحجرة كلها زراعة و فنص الحجرة نافورة كبيرة على شكل بير ( بئر ) مثل قبل و حواليه زراعة وحاط على طرف الحجرة طاولة وكرسيين من خشب مناسبات لشكل الغرفة وحاط اجراس وايد مثل اللي يحطونهن اليابانيين على بيبانهم اذا حد دخل عندهم ينسمعن الاجراس يعني الحجرة كانت تخبل و فنفس الحجرة شي باب ثاني يودي لبرع عشان جيه الباب كان مقفول ,, دخلت موزة وراحت عند العصافير وهي متخبلة عليهن وعقب راحت عند حوض السمج وعقب شلت الظرف.
موزة: المفاجأة حلوه حلوه وااايد مشكووور .
محمد: { شو الغلا عيبتج المفاجأة؟؟ – موزة:وايد – الحمدلله لانها عيبتج الحين طلعي من الحجرة وقفلي الباب ولا تقعدين اترييني لين ما اكون وياج بنقعد انا وانتي نسولف مع بعض وبعد ثلاث سنين بنقعد انا وانتي وسلطان وميثا ان شاء الله ,, انتي بعدج ما طلعتي يلا الموز طلعي و روحي الطابق الثاني انزين }.
موزة: ان شاء الله.
طلعت وقفلت الباب وراحت عند الدري ولقت ظرف غيره خذته وقرت.
محمد: { بعدج ماركبتي يلا ركبي حشى يا موزة كل هذا تركبين الدري صدق انج بطيئة أنا وصلت وانتي بعدج , شو ؟ شو تقولين ؟ الدري متعب , تبيني اشلج – موزة: هيه – اوكي بشلج بس انتي متينة ظهري بينكسر هاهاهاهاهاها – موزة: أنا متينة الله يسامحك زعلت عليك. – أمزح زياج مواز اصلا انتي ريشة لو انفخج بطيرين – موزة: هاهاهاهاها – أخيرا وصلتي الحمدلله على السلامة و شوفي الحين الصالة وهذي الصالة لسلطان وميثا لالا لا ادخلين هذي الحجرة روحي الحجر اللي عدالها هيه هذيلا دخلي هذي حجرة ميثا واللي عدالها حجرة سلطان ,, هيه اعرف مب مأثثات قلت احسن اصبر لين ما ييون , وبعدين نحن متفقين ان حجرة ميثانه بيكون أثاثها كل باربي وحجرة الشيخ سلطان بتكون كلها سبايدرمان صح؟, شو نحن ما اتفقنا هاهاهاهاها على بالي اتفقنا خلاص انزين لا تعصبين أنا ما سويت شي فيهن انتي أثثيهن انزين,,, والحين روحي الحجرة اللي عدال حجرة سلطان هيه يلا دخلي} .

دخلت موزة وشهقت: خيبة شو هذا.
محمد: { شفتي منو شراتج ؟ أنا مسولج فالبيت سينما وعشان خاطرج ما بنطالع الا أفلام هندية ,, اوكي الحين روحي الحجرة الوحيدة الباقية باي }.
موزة: يعني بتخلص الرحلة خسارة.
راحت موزة عند الحجرة الباقية ونفس الشي لقت ظرف على الباب شلته وقرت.
محمد: { حبيبتي الحين وصلنا لنهاية الرحلة أدري خلصت بسرعة بس ما عليه , صح أحب أقولج ان هذي الحجرة مسونها عشان راحتي,, كل البيت مسونه عشان خاطرج بس هذي الحجرة عادي؟! أدريبج طيبة وما بتزعلين دخلي وشوفيها }.
ابتسمت ودخلت و الحجرة تتكون من حجرتين مفتوحات على بعض وفغاية البساطة و الاناقة الحجرة الاولى عبارة عن صالة ومسوي فيها مدخنة و الحجرة كلها شموع يعني أدل على الرومانسية و الهدوء , و الحجرة الثانية هي حجرة النوم وكانت بسيطة واايد و مريحة بس كان فيها شي غريب اليدار اللي عدال الشبرية من جهة اليمين كان مغطاي بستارة شكلها أنيق بس مالها لزمه.

موزة: محمد شو معناة هذي الستارة صح حلوة بس مكانها غلط يعني مثل ما تقول مالها لزمه كيف حطيتها؟.
تقربت موزة منها و بتعجب: تنفتح !!.
وفتحت الستارة وكانت ترتفع على فوق وانصدمت موزة باللي شافته الستارة كانت مغطية صورها.
موزة: حاط صوري معقولة والا انا اتخيل.
تقربت من الصور وحطت ايدها عليهن: يعني ما اتخيل.
معلق صورها من كانت صغيرة لين صورتها قالخطوبة.
موزة تأملت الصور لمدة خمس دقايق وخذت تلفونها بدون ما تحس واتصلت بمحمد وصبرت لين ما يرن بس التلفون صدمها بقوة وردها للواقع المرير وقضى على الحلم و الامل وحطم السعادة اللي كانت عايشتنها بلمح البصر, وطاحن الظروف و التلفون من ايدها وطاحت وراهن وهي ترتجف وتصيح , صاحت مثل الياهل اللي شلوه و بعدوه عن امه وتمت على حالها لمدة 20 دقيقة وقبل لاتقوم شلت الظروف وتلفونها وكانت بتطلع بس عيونها راحن على الشبرية وشافت ظرف وشلته بلهفة.
محمد: { حياتي ليش تصيحين تعرفيني ما احب اشوفج تصيحين , وانتن مسرع ما تتاثرن وتصيحن تقول الدموع فمخباكن يلا مسحي دموعج وابتسمي الابتسامة اللي تجتلني – ابتسمت موزة بحزن – الحين ممكن تروحين عند الطاولة وتفتحين السدة الاولى انا اترياج هناك بقولج شي خطير ومهم و طالع من قلبي }.
موزة حطت الورقة فالظرف بدون ترتيب وبسرعة راحت عند الطاولة وفتحت السدة الاولى ولقت ظرف مع صندوق صغير فتحت الظرف وهي ترتجف , وكان كاتب كلمتين بخط كبير.
محمد: { ... أحبج موت ... }.
شلت الصندوق وفتحته ولقت داخله سلسلة ذهب مكتوب عليها اسمها واسمه , ردت موزة السلسلة فالصندوق وسكرت السدة وطلعت من الحجرة والبيت كامل وقفلت الباب ومشت وهي حاضنه الظروف ومنزله راسها,, وغانم طلع من الميلس رايح البيت بس سمع صوت خليفة مع سلامة و مريم وكان بيروح عندهم بس شاف موزة و وقف يترياها وهو مستغرب ليش منزله راسها وصلت عداله.

غانم: السلام عليج موزة.
موزة بدون ما ترفع راسها: وعليكم السلام.
وكملت مشيها لعند قوم سلامة وهو مشى وراها وهو يطالعها بحزن كاسرة خاطرة.
غانم فخاطره: والله ما تستاهيلن ليش دايما اللي يحبون ما يكتمل حبهم.
ووصلو عندهم.
غانم: السلام عليكم.
الكل: وعليكم السلام.
سكتو كلهم يطالعون ويه موزة المحمر وعرفو انها كانت تصيح وهي قطعت الهدوء.
موزة: سلامة هذا مفتاح البيت مشكورة.
سلامة بصوت واطي: العفو.
موزة: خليفة راسي يعورني ممكن تردني البيت.
خليفة: ممكن بشغل السيارة وبييج.
ابتسمت موزة لاخوها وهو راح يشغل السيارة.
موزة: صور منو هذيلا؟.
مرمي: صورنا ونحن صغار.
موزة: عادي اشوفهن.
مريم: هيه عادي.
وعطوها الصور وتمت اطالعهن وتبتسم و وقفت اطالع صورة باهتمام: عادي اخذ هذي الصورة.
مريم: اي صورة.
موزة: هاي.
سلامة ومريم و غانم تاثرو حسو بحزن على موزة.
موزة: عادي؟.
مريم: هيه عادي خذيها.
موزة وابتسامة هادية على ويها: انا ماذكر هذي الصورة كم كان عمري فهاي الصورة تقريبا؟.
سلامة: محمد الله يرحمه كان عمره 11 سنة يعني انتي كان عمرج 6 سنوات.
غانم: يلا عيل انا بخليكم مريوم بتردين وياي البيت؟.
مريم:لا بقعد مع سلامي.
غانم: اوكي باي.
الكل: باي.
راح غانم وخليفة زقر على اخته و روحو و سلامة ومريم ردن داخل , وسيف اتصل بخليفة يبى يعرف هو وين وقاله ان فالبيت واتصل بغانم وقاله نفس شي ان فالبيت وعصب عليهم ليش يروحون بدون ما يخبرونه ورد هو البيت بعد,, اما موزة اول ما وصلت راحت حجرتها وقفلت الباب وحطت الظروف على الطاولة وفتحت الصندوق وطلعت السلسلة ولبستها و حطت الصورة جدامها.
موزة: حتى انا يا محمد أحبك و اموت فيك ,, اعرف الحين ما شي فايدة أقولها خلاص انت رحت رحت لبعيد واايد بس تأكد يوم من الايام بلحقك ,, محمد أنا أحبك أحبك ليش ما ترد علي؟ خلاص ما تبى تسمعها؟ كم ترجتني اقولها لك وانا ما كنت اقولها, و انا ليش ما كنت اقولها ليش ليش؟؟. وصاحت. __DEFINE_LIKE_SHARE__

Ro7 8lby#! · 08-07-2012, 06:29 AM

تابع 93 :

وعلى الساعة 8 فبيت بومحمد.
مريم: خلاص سلامي انا بروح.
سلامة: ليش؟.
مريم: سلامي من متى انا هنيه من الساعة 1 الظهر لين الحين و امي بتحتشر علي.
سلامة: اوكي خلاص روحي.
مريم: انزين وصليني لين الباب.
سلامة: اوكي يلا نروح.
وفالطريج, سلامة: صح مريوم ما خبرتيني رمستي سيف؟.
مريم: لا.
سلامة: ليش ما اتصل؟؟.
مريم: اتصل بس ما ارد عليه.
سلامة: وليش ما تردين تتغلين هاهاهاهاهاها.
مريم: لا ما تغلى بس خليه شوي يحس باللي كنت احسه.
سلامة: من كم يوم ماردتي عليه.
مريم: من اسبوعين.
سلامة: خيبة وايد مريوم مب زين جيه هذا ريلج.
مريم: ادري.
و وصل لمريم مسج.
مريم: هذا سيف.
سلامة: والله شو راسل؟.
مريم: شوفي.
سيف: { هذا أنا من جديد يجوز أغيب؟؟ لكن الشوق باقي يوم بعد يوم لك يزيد}.
سلامة: يا الشريرة ردي عليه.
مريم: مب الحين يلا مع السلامة.
سلامة: مع السلامة.
ردت سلامة داخل ومريم وهي تمشي للبيت كانت اطالع تلفونها و مترددة ترسل لسيف مسج والا لا وقررت انها ما ترسل وابتسمت بخبث و رفعت وراسها اطالع جدامها وانصدمت بسيف جدامها متساند على السيارة وعلى ويهه ابتسامة خبث وانتصار, مريم فداخلها فرحانه لانها شافته بس ما بينت هذا الشي و كملت طريجها ولا جنه حد جدامها.
سيف: السلام عليكم.
طالعته مريم بستغراب: وعليكم السلام.
سيف مبتسم: شحالج؟ز
مريم بدون اهتمام: الحمدلله بخير.
ومشت عنه.
سيف: مب جني ارمسج.
مريم بغرور: والله !! ترمسني اسفة ما سمعتك شي فخاطرك؟.
سيف: مريم شو ها الاسلوب السخيف.
مريم بتعجب: اي أسلوب.
سيف: ليش ترمسني بهذي الطريقة.
مريم: وكيف تباني ارمسك؟.
سيف: شرات ما ترمسين الباقين.
مريم: انا طول عمري هذا اسلوبي فالكلام ما تغير بس شكلك انت اللي نسيت.
سيف: لا غلطانه انا اعرف اسلوبج زين مستحيل انساه.
مريم بتملل: انزين شو المطلوب مني الحين؟ز
سيف بهدوء: ولا شي.
مريم: اقدر اروح لو سمحت يعني انا تعبانة.
سيف حرك ايده باستهزاء ان تقدرين تروحين طالعته مريم بستغراب ما توقعت ان يوقولها تروح بس هي ما اهتمت ولفت عنه بتروح داخل.
سيف: ممكن اعرف ليش ما تردين على اتصالاتي؟.
مريم هذا السؤال اللي كانت تترياه ردت و وقفت جدامه.
مريم بجدية: أنت ما تعرف ليش ما ارد عليك؟.
سيف يطالعها فعيونها: لا ما اعرف.
مريم: والله؟.
سيف بهدوء: انتي خبريني.
مريم بانفعال: اوكي بخبرك , انت تعرف شو سويت قبل خمس اشهور تعرف؟؟ انت عذبتني فهذي الشهور عذبتني يا سيف .... ابد ما توقعت انك بتعاملني بهذي الطريقة الحين انا اسألك ليش ما كنت ترد على اتصالاتي؟ ... انت ما تعرف بشو كنت احس فذيج الايام كنت طول الوقت خايفة عليك واحاتيك مب عارفة كيف اوصلك والا اعرف اخبارك ما كنت اباك تتصلبي أو تكلمني انت تعرف ان هذا شي مب مهم عندي لاني من البداية ما كنت اريد ارمسك فالتلفون بس انت اجبرتني اني ارمسك وحطيتني جام الامر الواقع على الاقل لوكنت بس ترسلي مسج اطمني عليك يكفيني والله يكفيني .... ما تعرف شقد حز فخاطري يوم كنت اتصلبك وماترد علي ومن اتصل بغانم واعرف منه انك عداله صدق كنت ازعل من الخاطر وانا اللي كنت حاطة فبالي انك راقد والا مشغول وتطلع انت مب مشغول ولا شي بس انك ما تبى ترمسني انزين قولي اياه و ريحني مب تعاملني بهذي الطريقة .... وما تتصور بالفشلة اللي كنت احسها وانا اتصل بغانم بس عشان اعرف اخبارك حتى كنت احس ان غانم متفشل خاصة ان يعرف اني اتصل بس عشان اسال عنك ,, والحمدلله ان غانم كان يعفيني من السؤال وهو بروحه يخبرني عنك .... وانت بس لاني ما رديت عليك من اسبوعين ييت تسالني ليش ما ارد على اتصالاتك؟؟ انت قولي شو تباني اجاوبك؟؟ والا انت جاوبني ليش ما كنت ترد علي من خمس اشهور؟؟ وبعد ما تجاوبني انا بجاوبك؟.

سيف: انتي تعرفين زين ليش ما كنت ارد عليج , ومب بس انتي كلهم ما كنت ارد عليهم مريم ذيج الايام مرت علي بصعوبة كنت احس ان الدنيا انتهت بوفاة محمد صدقيني موته مب سهل علي ,, مريم محمد ما كان بس ولد خالتي لا كان اخوي و ربيعي و لد خلتي ما تخيلت اني بفقده فيوم من الايام ,, هاالشهور الخمسة اللي مرن كانن من اصعب و أفظع ايام مرن فحياتي.
مريم: وليش تعتقد ان نحن مرت علينا الايام بسهولة؟؟ مب بس انت تحبه الكل كانو يحبونه, انت محمد بالنسبة لك اخوك وربيعك وغانم نفس الشي محمد بالنسبة له اخوه وربيعه وانا محمد اعزه شرات اخوي يعني محمد اخوي وسلامة و خالد وروضة محمد بالنسبة لهم اخوهم و صديقهم ,, وعمي وخالتك محمد ولدهم يعني فقدانه بيكون اصعب شي عليهم , و موزة اختك محمد كل حياتها كان ريلها وصديقها وحبيبها و ولد خالتها يعني محد كثرها يحبه بس ولا حد منا سوى شراتك محد ابتعد عن اهله وعن كل اللي يحبونه وكانه يتهمهم بانهم هم السبب في فوفاة محمد.
سيف بعصبية: مريم انا ما اتهمت حد ولا بينت لحد انهم هم السبب بالعكس انا كنت الوم نفسي ليش ما رحت وياه يمكن كنت اقدر أساعده
مريم بحزن: ليش تلوم نفسك حتى لو كنت وياه ما كنت بتقدر تسوي شي محمد كان يومه الله يرحمه ما نقدر نعترض على المكتوب.
سيف: اعرف بس غصبن عني أحس بالذنب ويكبر هذا الشعور فداخلي من اشوف موزة وسلامة الله يرحمك يا محمد.
مريم: الله يرحمه ويغفرله.
سيف: والحين لين متى بتمين زعلانة؟.
مريم: سيف انا مب زعلانة بس كنت اباك تحس شوي باحساسي.

سيف: حسيت وكنت اغتاظ وخاطري اضربج.
مريم: هذا اللي ناقص بس تضربني بعد.
سيف يبتسم: انزين انج تبين تضربيني.
مريم: خاطري كنت اعذك مب بس اضربك.
سيف: عنبوج جلب وانا مادري.
مريم: بعدين بتكتشف واايد اشياء يلا باي.
سيف: بتروحين داخل؟.
مريم: هيه وايد برد ما اتحمل.
سيف: اعطيج جاكيتي؟.
مريم تبتسم: مشكور ماريدك تمرض.
ابتسم سيف ومريم دخلت داخل و تلاقت مع غانم.
غانم: اهلين مريومه سيف برع؟ز
مريم: هيه.
غانم يمشي بسرعة: مع السلامة ما فيني على حشرته.
وبعد اسبوعين, سيف قاعد مع موزة يسولف.
موزة باهتمام: وشو سوت البنت.
سيف يضحك: صفعته طراق ما يبى غيره وانا ما قدرت امسك نفسي ضحكت بصوت عالي.
موزة شهقت: خيبة صفعته, بس يستاهل وشو قال هو؟ز
سيف: يعني شو بيقول كل الشباب اضاحكو عليه شل بعمره وطلع.
موزة: لو انا مكانه مستحيل ارجع مرة ثانية المول.
سيف: عاد هاي انتي شي بعضهم عادي عندهم ويهم لوح ما يحسون.
موزة: اليوم بتروح بيت خالوه؟.
سيف: هيه بروح بعد المغرب تبين تروحين وياي؟ز
موزة: لا ما فيني اتحرك بس اباك تعطي سلامة هذا الدفتر.
قامت موزة زعطت سيف الدفتر.
سيف: دفتر شو.
موزة: هذا دفترها. __DEFINE_LIKE_SHARE__

Ro7 8lby#! · 08-07-2012, 06:33 AM

تابع 93 :

سيف لمح السلسلة اللي لابستنها: موزان أشوف السلسلة اللي لابستنها.
تقربت موزة عداله وراوته وسيف انصدم.
سيف: ليش لابستنها – موزة نزلت راسها وماردت – ليش تسوين جيه بنفسج ليش تعذبينها؟ز
موزة: سيف انا ما اعذب نفسي انا جيه مرتاحة.
سيف: متأكدة ؟.
موزة: هيه متأكدة.
سيف: ع راحتج , الكورس الياي بداومين.
موزة: هيه بداوم.
سيف: ان شاء الله الله يوفقج.
موزة: صح سيف بسألك.
سيف: تفضلي.

موزة: متى ان شاء الله بتعرس.
تغير ويه سيف: مادري؟.
موزة: ليش ما ترمس ابوي وتروحون تحجزون فالفندق وبعديت روح مع ابوي بيت بوغانم وخبروه ان العرس بيكون ان شاء الله بعد شهرين والا ثلاثة شورايك.
ابتسمت موزة وسيف مبين على ويهه ان الكلام ما عيبه وسمعو الاذان وقام سيف.
سيف: بروح المسيد وعقب بروح بيت خالوه مع خليفة.
ظهر عنها وهو حاس بضيج كم كلامها.
وفبيت بومحمد.
خالد: اوووف بدينا بالهم.
ام محمد: اي هم.
خالد: هم المدرسة.
ام محمد: وابوي عليك الحين المدرسة هم.
سيف: صدقه خالوه انا كانت المدرسة هم على قلبي الحمدلله اني خلصت.
ام محمد: بدال ما تنصحه تزيده.
سلامة: يعني شو تتريين من سيف أذكر كان دايما يشرد من المدرسة.
سيف براءة: انا كنت اشرد؟!! حرام عليج ليش تتبلين علي انا كنت طالب مجتهد.

خليفة بستهزاء: هيه صح مادري منو كنت دايما القاه فالبقالة.
خالد: ماشي مكان تروحله الا البقالة.
سيف: شسوي يوعان.
روضة: انت تشرد بس لانك يوعان.
سيف: هيه صراحه الفرصة وايد قصيرة ما تكفيني.
خالد: كنت تشرد بروحك.
سيف: مرات محمد وغانم يشردون وياي بس اغلب الاحيان اشرد بروحي.
ام محمد: ويوميا كنت تطلع من المدرسة.
سيف: لا خالوه بعدين تأدبت ما قمت اشرد خليفة خبر علي ابوي ونازعني.
روضة: حرام عليك خليفة ليش خبرت.
خليفة: كل يوم كان يشرد الاساتذة تعبو منه وحلفو كلهم يرسبونه اذا ما التزم بالدوام.
روضة: وبعد ما منعوك من الشردة كنت اتم بيوعك.
سيف: لا والله كنت اكل فالحصة ولا علي من اي استاذ.
خالد: والله انك عجيب.
بومحمد: ونعم الافكار تحطها فراس خالد.
خليفة: عمي خالد ما ينخاف عليه ريال مب مال هذي السوالف.
سيف: جنك سبيتني بس ما عليه.
الكل: هاهاهاهاهاهاها.
بومحمد: الا بتخبرك سيف انت مب ناوي تعرس؟ز
الكل سكت يطالع بومحمد.
بومحمد: لين متى بتخلي بنتنا جيه الحين صارلكم سنة من ملجتو وأكثر.
سيف: قلت احسن اصبر بعد سبع والا ثمان شهور.
بومحمد: وشعنه تصبر ثمان اشهور اذا عمك بوغانم سكت ولا قالك شي أنا ما بسكت مريم بنتي وما تهون علي ومحد يرضى على بنته يملجون عليها ويعلقونها سنتين ثلاث لا يابوي مب زين البنت كان بييها نصيبها فها الثلاث السنين بعدين يا سيف اذا كنت مب راضي تعرس عشان خاطرنا فأنا أقولك نحن مب راضين تعلق بنتنا جيه وحتى محمد الله يرحمه ما بيرضى تسوي جيه بمريم ,, انت طيع شوري وخل العرس خلال هالشهرين والا تراني بزعل عليك.
سيف: عمي اذا كلكم تبوني اعرس خلال ها الشهرين انا ما عندي مانع.
بومحمد يكلم ام محمد: شورايج يا ام محمد.
ام محمد: انا موافقة.
بومحمد: وانتو؟.
سلامة+خالد: حتى نحن موافقين.
روضة: لا انا مب موافقة.
كل الانظار اتجهت لروضة.
خليفة: ليش مب موافقة روضان.
روضة: لا والله كيف يعرس وانا عندي مدرسة ماترومون تصبرون لين ما اخلص امتحاناتي.
سيف: عشان خاطرج بنصبر لين ما تخلصين امتحانات.
بومحمد: شو تصبر لين ما تخلص انا اقولك اريد العرس خلال ها الشهرين وانت تقولي بتصبر لا.
روضة: يعني شو ما بتصبرون تبوني ارسب.
ام محمد: ليش ترسبين العرس بيكون ان شاء الله يا اخر ثلاثة والا أول اربعة يعني امتحاناتج يبالهن درب.
روضة: يعني ما بتصبرون ؟؟.
الكل: لا.
روضة: الله يسامحكم.
الكل: هاهاهاهاهاهاها.
خليفة: يلا نحن نترخص.
ام محمد: شعنه مستهيلين تعشو ويانا.
خليفة: مرة ثانية خالوه مع السلامة.
سيف: مع السلامة.
الكل: الله وياكم.
ام محمد: سلمو على امكم و موزة.
خليفةك يبلغ ان شاء الله.
وقبل لا يظهرون.
سيف: صح سلامي دفترج عندي فالسيارة تعالي خذيه اذا تبينه.
سلامة: ليش انت ما تيبه ما فيني اظهر برع.
سيف بغياظ: وانا بعد ما فيني ارجع مرة ثانية برد.
سلامة: اووهووه خالد قم روح ييب الدفتر من عند هذا الغلس.
خالد: سلامي ماروك اطلع انا مدفي.
سلامةك يعني لازم اطلع.
سيف مبتسم: لازم.
خليفة: لا اظهرين انا بييبه لج.
طلعو سيف وخليفة وسلامة طلعت وراهم و وقفت جدام الباب, ورد خليفة عندها.
خليفة: ليش ظهرتي؟ دوج.
سلامة: مشكور.
خليفة: العفو يلا روحي داخل عن البرد.
سلامة تبتسم: ان شاء الله – وقبل لا يروح خليفة – صح خليفة.
خليفة: نعم.
سلامة بحراج شوي: الحين ليش ماتي بيتنا.
خليفة: اما ما ايي بيتكم؟؟ انا كل اربعاء فبيتكم.
سلامة: قبل كنت تيينا ثلاث مرات فالاسبوع شو اللي تغير والازعلان علينا.
خليفة: لا مب زعلان ولا شي بس جيه احسن.
سلامة: كيف يعني احسن.
خليفة بخبث: أحسن لانج الحين تشتاقيلي.
سلامة بخجل: مشكلة اللي يحطون افكار من عدهم.
وراحت داخل وخليفة ركب السيارة.
سيف: ليش ما قعدت تسولف اكثر وياها.
خليفة طالع سيف بنظرة ولا رد عليه , راحو البيت وسيف كلم ابوه عن العرس وهو موافق وحددو العرس بعد شهرين تحديدا في 8/4 والكل كان راضي الا مريم اللي اضيجت من الخاطر لانها بتوقف كورس وكل غيظها تحطه فغانم ومرن الايام وبقى يومين على عرس سيف ومريم. __DEFINE_LIKE_SHARE__

Ro7 8lby#! · 08-07-2012, 06:37 AM

الجزء 94 :

يوم الثلاثاء الساعه 12 فالليل فبيت بو غانم مريم كانت واعيه ترتب اغراضها و هي معصبة و متوتره على الاخر و اتصل سيف ... مريم من شافت رقمه ردت عليه بسرعه لانها طول هالشهرين الي طافن مارمسته و كان خاطرها تهزبه .

مريم بعصبيه : الو

سيف بهدوء : الو السلام عليكم

مريم : و عليكم السلام ..... نعم شو تبى ؟؟؟؟؟

سيف فخاطره بسم الله صدق مضيجه الله يعيني عليها

سيف : مابى شي بس اسلم

مريم : سلمت خلاص سكر

سيف مبتسم : شوفيج ؟؟؟؟؟؟

مريم : مافيني شي

سيف : ليش مب راقده ؟؟؟؟؟

مريم : ارتب اغراضي

سيف : موزة قالتلي انج خلصتي ترتبين

مريم :هيه خلصت بس لازم اتاكد من الترتيب

سيف : ممكن اعرف شو مضايجنج ؟؟؟؟

مريم : محد مضيجبي غيرك

سيف : انا شو سويت ؟؟؟؟؟

مريم بغيظ : سلامتك ماسويت شي

سيف : انا متاكد اني ما سويت شي

مريم انفجرت : اريد اعرف ليش ما خليت العرس فالصيف يعني لازم اوقف كورس ؟؟؟؟

سيف : الحين انتي هذا الي قاهربج ؟؟؟؟؟

مريم : هيه

سيف : انزين شو تبيني اسوي يوم عمج يبى العرس فشهر اربعه

مريم : انزين ليش ماقتله انك مالقيت حجز فالفندق ؟؟؟؟

سيف : كيف تبيني اجذب و عمج كان رايح ويانا ؟؟؟؟

مريم : انزين الحين ماشي فايده خلاص حتى لو احتشرت من اليوم لين باجر محد بيسمعني

سيف يبتسم : الحمدالله يوم عرفتي

مريم : ممكن اعرف ليش متصل الحين ؟؟؟؟

سيف : متصل عشان اقولج و ين بروح بعد العرس

مريم : و ين بنروح ؟؟؟؟

سيف : جهزي شنطج لان من بيخلص العرس بنروح دبي مابنقعد فالعين

مريم : فنص الليل بنروح دبي ؟؟؟؟

سيف : هيه شوفيها ؟؟؟؟

مريم : ما فيها شي كم يوم بنقعد فدبي ؟؟؟؟

سيف : ثلاث ايام بنقعد فدبي و مابنرجع العين بنروح على طول لبنان

مريم بصوت عالي : وين بنروح ؟؟؟؟؟؟؟؟؟؟؟؟

سيف : بسم الله شفيج بنروح لبنان

مريم بعصبيه : مب رايحه وياك

سيف مستغرب : ليش ؟؟؟؟؟؟

مريم : انا ماريد اروح لبنان

سيف : انزين ليش ؟؟؟؟؟

مريم : حد يروح شهر العسل لبنان ؟؟؟؟؟

سيف : شو فيها لبنان كلهم يمدحونها واااايد حلوه

مريم : خلهم يمدحونها المهم انا مابروح لبنان وياك روح بروحك

سيف : كيف اروح بروحي لازم انتي وياي ؟؟؟؟

مريم : تباني اروح وياك مانسير لبنان

سيف : انزين عطيني سبب واحد ليش ما تبين تروحين لبنان ؟؟؟؟؟

مريم : انا اعرفك ليش تبى تروح لبنان

سيف باهتمام : ليش ؟؟؟؟

مريم : عشان تروح اطالع اللبنانيات هناك

سيف بصدمه : انتي مينونه شو اطالع فيهن و انا توني معرس ؟؟؟؟

مريم : مادري عنك عيل ليش تبى تروح لبنان ؟؟؟؟

سيف : لان لبنان وايد حلوه

مريم : انزين انا ماريد اروح لبنان

سيف : عاد انا حجزت

مريم : كنسلهن مب لازم نروح مكان الحمدالله بلادنا وايد حلوه انا ماريد اظهر منها

سيف : هاهاهاهاهاهاهاهاهاهاهاها

مريم : ليش تضحك ؟؟؟؟؟؟

سيف : صدق انتو الحريم لبنان مسوتلكم عقده .... ابوي اجذب عليج مابوديج لبنان

مريم : عيل وين بنروح ؟؟؟؟؟

سيف : مفاجاة ..... المهم انتي جهزي شنطج

مريم : انزين كم يوم بنقعد ؟؟؟؟؟؟؟

سيف : مثل ما قتلج 3 ايام فدبي و عشر ايام الدوله الي بنروحها

مريم : خيبه 13 يوم ماشوف فيهن اهلي ؟؟؟؟؟؟

سيف : شفتي عاد يمكن اخليهن 20 يوم بعد ؟؟؟؟

مريم : ياويلك برجع بروحي و بخليك

سيف : انتي ما تقدرين تمشين من بيتكم لين بيتنا و ين بتردين بروحج ؟؟؟؟

مريم : انزين بنشوف

سيف : اوكي بشوف

مريم : اقولك ممكن تسكر لاني اريد ارقد و مب متفيجتلك ؟؟؟

سيف : هذا لسانج الطويل بقصه

مريم : بخبر عليك ابوي

سيف : خبري

مريم : اوكي بخبر , بعدين لاتم اتصيح و تترجاني اتوسطلك عند ابوي عشان يسامحك ؟؟؟؟

سيف : لا تخافين ما بترجاااج

مريم : اوكي باي

سيف : تصبحين على خير

مريم : و انت من اهل الخير

سيف : مع السلامه

و يوم العرس الساعه 5 العصر

سلامه : امايه بروح مع مريم الفندق انزين ؟؟؟؟

ام محمد : منو بيوديكم ؟؟؟؟

سلامه : غانم

ام محمد : انتي من الحين بتلبسن فستانج ؟؟؟؟؟

سلامه : لا امايه بلبسه فالفندق

ام محمد : خلاص روحي وياهم

سلامه : روضه بعدها ماردت ؟؟؟؟؟

ام محمد : بعدها ماردت

و سمعو صوت هرن سياره

ام محمد : هذا غانم يلا قومي روحي .

سلامه : ان شاء الله انتو متى بتون ؟؟؟؟؟؟

ام محمد : الساعه سبع ان شاء الله

سلامه : اوكي باي

طلعت سلامه وركبت السياره

سلامه : السلام عليكم

غانم و مريم : وعليكم السلام

سلامه : شحالك غانم ؟؟؟؟؟

غانم : الحمدالله بخير ..... شحالج انتي ؟؟؟؟

سلامه : الحمدالله ..... هااااااه العروس شو اخبارج ؟؟؟؟

مريم بعصبية : سكتي عني

سلامه : بسم الله شفيج غاديه فلفل

غانم مبتسم : هذا حالها من امس كل ما رمسناها يا تقفطنا او تنازع

سلامه : ما تنلام العروس دايما تكون جيه متوتره

غانم : ما عطاها سيف شو طاير من الفرحه

سلامه : لازم بطير من الفرحه مادامه بياخذ مريم شيخة الحريم

غانم : صدقج بياخذونج عنا يا مريم و بتروحين كيف بيكون البيت بدونج بعد ما تروحين انتي منوره علينا البيت

مريم انفجرت اتصيح

سلامه بعصبيه : غانم هذا وقتك اتصيحها الحين

غانم برتباك : والله مب قصدي اصيحها

ووقف السياره يهدي مريم و بعد ما هدت راحو الفندق و فالفندق

سلامه : غانم وين بتروح ؟؟؟؟.

غانم: بروح أيب حرمة عمي وبناتها وسارة و روضة من الصالون.

سلامة: مابتقعد ويانا.

غانم: لا عندي وايد أشغال.

مريم شهقت.

سلامة: شفيج.

مريم: نسيت شنطة الذهب فالبيت.

سلامة: يا حافظ عليج حد ينسى الذهب.

مريم: شسوي عاد نسيت.

غانم: اوكي ما عليه بييبها بعد ما ارد قوم ساره من الصالون يلا باي.

سلامة: باي. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موسيقى " هي دي هي " للعندليب عبد الحليم حافظ : روءية و ابداع عمار الشريعي !	محروم.كوم	منتدى أخبار المواقع والمنتديات العربية والأجنبية	0	06-10-2012 08:10 PM
الافراج عن منتظر الزيدي	محروم.كوم	منتدى أخبار المواقع والمنتديات العربية والأجنبية	0	09-16-2009 08:10 AM
أشتريه ولا أنتظر ؟؟؟	محروم.كوم	منتدى أخبار المواقع والمنتديات العربية والأجنبية	0	09-06-2009 07:30 PM
مطلوب برمجة سكربت روليت و قمار	محروم.كوم	منتدى أخبار المواقع والمنتديات العربية والأجنبية	0	04-21-2009 06:21 AM
روآية \|\| بدونك كـل حياتي ولا "شــــي"! \|\| " سعوديه روعه ورومنسيه وجريئه "	روح الفارسه	قصص و روايات	7	01-17-2009 08:25 PM