عَل روבـﮯ فدوة عيونـڪ .. يـآ حبيبـﮯو أنت الغآلـﮯ - الصفحة 7

м!sS Gα|αҳcy · 02-01-2009, 06:05 PM

]

السلام عليكم والرحمه

شحالكم ؟!!

اليوم اول يوم دراسه في الفصل الثاني وتدرون كل حد يتمصخر عليه واانا فالبيت ماده البوز شبرين محد يرمسني ولا شي
واذا حد اتمصخر عليه امد بوزيــــــــــ زياده هع يعني ما ابا حد يعيب عليه لوول

واللي زاد الطين بله ان المشرفه سلامه و العضوه غرور طفله يلسوا يتمصخرون عليه هع هع هع بس عادي عندي
لان لساني طويل وبرد ع طول لووول

المهم رحت المدرسه واانا مواصله والله حاولت ارقد بس ما قدرت لأني اتعودت اواصل كل يوم لين الصبح يالله الا هو يوم واحد
وانشا الله بيتعدل رقادي

ركبت السياره ويا اختي وشغلت fm وطولت ع الاغاني عشان انسى اني رايحه السكول واحلى شي حاطين ميحد حمد العوق والله
وبعدين شوي غيرت وحطيت قناة القرآن وسكت فالسياره لين وصلت السكول
نزلت واول ما نزلت اشوف ربيعتي اوووه انتي حيه بالويه جان تقول لا ميته هع المهم تمينا سوالف عن الاجازه وندعي ع السكول
سرت الكلاس وطول ما امشي فالممر وانا اسلم و ضحك وحشره هع

دخلت الكلاس اشوف الزلمات يالسات ع الكرسي يتريون الابله والله هب هينات هاييله اتعلموا منيه صاروا ايبون كيمرا و لاب وخرابيط هع
المهم شاله فوني ويايه اليوم ما ادري ليش بس دومي اشله محد يدري وبعد احطه بجيب الكندوره هع يعني عينك عين لووول

وعقب لعلعت ابلة الرياضه بالمايك عشان نوقف الطابور و الكل يسولف هي بصوب والكل بصوب ثاني وشويه وخذت المديره المايك
عشان اتصبح علينا ويلست ترمس وترمس بصراحه من تمسك المايك ما تهده بس نحن مسوين طاف وداقين سوالف ومحد مسوي سالفه
لانه كلام ميمع تعال و اتسمع وانا يالسه اعلج لبان جان اتيني الابله اتقولي هب جنه في شي بحلجج يتحرك هع جان اضحك وقلت الها
بلعتها خلاص وشويه اتيي الابله الثانيه اوقفي زين لاني كنت مربعه ايدي لوول و شويه اترد لي الابله اتقول انتي شو مسويه بعمرج
محلوه ومبيضه هع جان استانس لوول وقلت انا دومي حلوه هع

ويت الحصه الاولى وكان علينا انجلش و الابله لعبتنا طشونه و قالت اللي بيفوز بياخذ جيس كامل كله كاكاوات وفزنا نحن فيه
واتوزع نصه لبنات الكلاس وكان شي وايد فيه بس انا ما احب الكاكاوات لان احس فيها وايد سويت وانا ما اتحمل هالكثر سويت هع

ودخلت الابله الثانيه انقول الها بعدنا ما خذنا الكتب اتقول عادي بشرح شي بسيط وخليناها تشرح بس انا وربيعتي داقين سوالف
لان طول الاجازه ما شفنا بعض
ويت الحصه الثالثه ودخلت علينا الابله اللي عقبها والكل نفس الموال عن الدرجات وبس
ويت الفصحه عاد سرت اشوف ربيعاتي اللي فأدبي واتمشى واسولف و طول الوقت اللبان فحجلي لووول

ويت الحصه الرابعه ويتنا الابله وعطتنا نفس الموال اللي قالته كل ابله قبلها
ويت الحصه الخامسه وكان علينا رياضه حتى ابلة الرياضه اتقول نفس الموال ويلسنا حاشرين الدنيا انا وربيعتي نبا نغير لون القميص
لأصفر بس هاييل البنات هب راضيات بس معلقين ع الاحمر ملينا من الاحمر والله من سنتين وهم يلبسونا هالاحمر

وعاد بديت اسطل واسطل واسطل ابا ارقد والوقب هب راضي يطوووف

ويت الحصه السادسه وعاد الابله يلست تتحلف فينا وما ادري شو وترمس عن البحوث وخرابيطها وعاد ويا نظارتها الشمسيه جنها ذبابه هع

ويت الحصه السابعه وانا راسي ع الطاوله يعني برقد

وخلص الدوام واهب رايمه اوصل لباب السياره
دورت السياره جدام الباب وجان اشوف اخويه ياي ياخذني ما صدقت ع طول ركبت ورجعت الكرسي وسكرت عيني لين اوصل البيت
وطول الدرب ما اعرف شي لأني راقده
وصلت البيت واتغسلت و صليت الظهر و سرت اتغذا لاني هب ماكله شي من الصبح ولا حتى فالسكول كلت شي مالي خلق اكل

وكان غذانا برياني دياي
وعقب فتحت اللاب يمكن ربع ساعه و سرت ع طول ارقد لين خمس العصر
وقايله لأختي اتوديني الكتبه ابا اتشرى غريضات ويوم يت اتوعيني ما قمت قلت الها ما بروح ما ابا اسير عشان ارقد لاه

وبس ها يومي كله طار بسبب السكول

بحاول اليوم ارقد من وقت واودر السهر عني

وانشا الله تكون بدايه حلوه __DEFINE_LIKE_SHARE__

м!sS Gα|αҳcy · 02-04-2009, 09:04 PM

مرحبا ملايين ولا يسدن

شحالكم ؟!!

مكاني الغالي اكيد اشتاق لي محد زاره شكله احس الهجر ياه
وبيت عنكبوت فوقه هع << استويت اعبر لوول

المهم امس كنت من يومين كنت تعبانه ومحد يا سأل عنيه افا بس افا محد ذكرني المهم

ما قدرت احد ولا اكتب شي واليوم كتبت ع راحتي

قمت من الساعه 6.30 عشان اسير المكان اللي ما يتسمى اللي هو السكول لين لبست وخلصت وصلت متأخر السكول
بس عادي دخلت ويوم دخلت ربيعتي عبالها اني غايبه ويالسه مكاني بس قومتها لان هي مكانها جدام وانا ما ارتاح الا بمكاني
المهم خلصت الحصه الاولى وتميت اسولف وياهن وشو سوينا اليوم اللي قبله يعني موجز اخبار عندنا لين اتيي الابله اللي عقبها
ومن تدخل الابله البنات ينربط السانهن الا انا وربيعاتيه شلة اربع بنات اخر شي هع وبعد مستانسين
وعاد يبدأ التعليق ع لبس الابله و غيره
اول شي دخلت ابلتنا كانت لابسه جلابيه بنفسجيه ويا ساعه حمرا جنها بالخير والله هلكت من الضحك وانا ويا ربيعتيه شو ياب الاحمر ويا البنفسجي لوول
و ع فكره ابلتنا مال الفيزيا احس فيها مرض نفسي والله اتخيلوا يوم تشرح ترمس عمرها ما ادري يمكن مستلبسه
ونحن ما ندري شو سالفتها الا الزلمات يعرفون شو السالفه
ولين يت الفسحه وعاد عند المقصف جهاد وحرب هب مقصف وانا ما اشتري الا يوم يخفون البنات والله ما اروم ادخل بين الاحجام العائليه

والروايح اللي ما تتسمى
و شويه سوالف ونتمصخر انا وربيعاتي ولين خلص الدوام من خلص ظهرت برع شفت اخويه يايني و عطول ركبت ورحت بسرعه للسياره
واول ما رديت فتحت الكمبيوتر والتلفزيون وفتحت طشونه الكمبيوتر والمسن حسيت عمري مالي خلق وابا ارقد بس سكرت الكمبيوتر طار الرقاد
ويلست اشوف التلفزيون لين يت الساعه 3 عشان اشوف وشاءت الاقدار وتميت مندمجه ويا المسلسل يعني محد يقدر يرمسني
لين خلص المسلسل و عقب حطيت وتمضي الايام ما يعيبني وايد بس يوم اكون ملانه احطه ويت الساعه خمس وشي العصر وفكرت افتح
شنطتي عشان احل واجباتي واشوف شو عليه وحليت اللي عليه فيزيا وكيميا و انجلش وخلصت و قلت شويه بقرا لي كم من كلمه فالكتاب
وخلصت بسرعه كله بساعه وحده مال بسرعه بسرعه ودفتري اتقولون دفاشة اولاد بلون واحد اكتب كل الكلام
و العنوان بس بلون غير وبنص الصفحه هع

وماشي ها كان يومي عادي ما فيه شي بس حبيت اكتب الكم شي

والسموحه
وانشا الله احط شي نيو الكم

تصبحون ع خير __DEFINE_LIKE_SHARE__

м!sS Gα|αҳcy · 02-11-2009, 04:32 PM

مرحبا الســـــــــآع } ..

شحـــآلكم ؟!!! ....

غريبه محد اشتاق لكتاباتي شكلها المدونه هب قد المقام
صفحتي وصلت تحت وصار عليها غبار ولا حد سأل عن حالي !!!

كان خاطري كل يوم احدر واكتب واكتب الكم كل اللي يستوي ويايه
اممم ما كان عندي وقت تدرون ليش ؟!!!

لاني ارقد من وقت يعني ع الساعه 9 أو 8 بتلاقوني فالفراش حتى يوم اقوم الصبح بضرابه والله ما اشبع رقآد

انزين اليوم قمت من الساعه 6.30 الصبح
ع طول سرت اتغسلت و سرت البس ملابس السكول وعقب ما خلصت ع طول سرت اكمل كشختي اتجحلت و لبست شغابي و عقب شوي مشطت شعري وخلصت كل كشختي و سرت اتريق شربت لي حليب و عطول للسياره
ركبت السياره و اول شي اسوي اشغل الراديو عشان اتسمع اف ام هع

ورقدت لين وصلت قريب من المدرسه و نزلت المدرسه كان مودي خايس الصبح لان ظهري يعورني
دخلت وانا اتمشى الابله تقول لي يالله بسرعه للطابور قلت الها اوكي بودي شنطتي الكلاس بسرعه وبرجع

يت الحصه الأولى وكان علينا أحيا دخلت الكلاس ويلسنا نسولف ويا الابله وعشب شرحت النا الدرس و اول ما خلصت الحصه رحنا الكلاس والحصه اللي عقبها كان علينا حصه اتييب الرقاد اللي هي فيزيا والله هاي الابله ترقد الواحد بشرحها وضعت وياها عقلي عندها وعيوني عندها بس هب فاهمه شو تخربط هع

والحصه الثالثه كنا فاضيين وانا بهالحصه رقدت هع
والرابعه بعد فاضين و رديت ارقد ع الطاوله هع
والخامسه بعد فاضييـن اشك والله ان بنات علمي هع
المهم يلست العب انا وربيعاتي بته هع شفتوا بنات علمي شو يسوون لوول
والحصه السادسه بعد فاضيين شكلهن الابلوات كارهينا ههههههههههه
وتميت اكمل لعب بته و عقب يلست العب بفوني اشل فوني بالدسه بس كل بنات صفي يعرفون هالشي هههههههه

وشويه جان اظهر انا وربيعاتيه نتمشى لين يا وقت الصلاه وسرنا اتوضينا وصلينا وخلصنا الحمد لله
ويت الحصه الاخيره وكان علينا جيولوجيا شفتوا بحياتكم حد يحط هالماده اخر حصه اتيييب الرقاااد

وتجتل الواحد وكنا يالسين ع مجموعات وانا عاطيه الابله ظهري جنيه اكتب شي فالكتاب ومن هناك انا مسكره عيني وراقده هع

وخلص اليوم و عطول رحت الصف و حطيت اغراضي بالشنطه وكل شي ورحت برع ولين اوصل الباب داقه سوالف ويا ربيعاتيه اليوم خذت وايد اثام استغفر الله من الحش الزايد وشفت اخويه يايني
وركبت السياره وغمضت عيني لين وصلت البيت واول ما وصلت سرت بدلت ملابسي و يلست ويا ماما اسولف

وحطيت المسلسل ويلست اشوفه وعقب ما خلصت شغلت الكمبيوتر

وفتحت قسمي و عقب يت هنيه اكتب الكم وبس

وهاي للمتابعين بس

فمان الله } .. __DEFINE_LIKE_SHARE__

м!sS Gα|αҳcy · 02-16-2009, 05:44 PM

اذا اتأخرت بوصلي وكتاباتي هنيه

ها لان ما عندي وقت

يعني احاول اوفق بين السكول والمنتدى
ومن احدر المنتدى انسى المدونه هع

βЯβ __DEFINE_LIKE_SHARE__

м!sS Gα|αҳcy · 02-21-2009, 11:42 AM

مرحبا مليون ولا يسدن

شحالكم ؟؟!!

افا محد وله ع مدونتي ولا سأل عني
يمكن فيني شي هااا ؟؟!!!

المهم يوم الخميس رحت بيت ربيعتيه فكنت هناك طول اليوم

ويوم الجمعه قدرت اطلع هع

المهم قررت انا واختي نطلع نتحوط
ما ندري وين نروح لكن المهم اطلع جان نطلع و قلت بالمره بنسير مكتبة دبي
ابا اشتري لي كتب

ونحن بالطريج بخبركم شو سويت كان بخاطري اصور هاللوحه وكل ما اصورها اختي تعصب
عشان فلاش الكيمرا
ونحن واقفين عن الاشاره و ع طول طلعت كيمرتي وصورت هع
صح هي عصبت بس سويت طاااف ويلست اغني
ومن الشباك لرميلك حالي واختي تحب الاغنيه فعشان جيه سكتت عني هع
صح الصوره هب واضحه بس حبيت ارويكم

وعقب اذن علينا المغرب وسرنا نصلي بمسيد زايد
وصورته بعد تدرون شو قالت لي اختي
محسبه عمرج هنديه هب مخليه شي الا مصورتنه هع

وعقب رحت المكتبه وكانوا فيها رياييل فعشان جيه ما صورت الكم شي هع
واشتريت لي كتابين وطلعت
ورحنا ملك الكرك واشترينا كرك واتحوطنا بالسياره عند البحر
وردينا البيت وفتحت الدرج خاطري اقرا كتاب رؤيتي لين الحين ما خلصته
وتحت كله اوراق وما ادري شو

قلت بقراه طشونه وقريته شويه ويالسه اكل جبسي المفضل
كان عشاي ها هع

وخلصت جيه ع الساعه 10.30 و عطول راسي ع المخده ورقدت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لَو ڪِل حَ‘ـظ يـ[ج]ـلب اللـيـﮯ نتمـنآهـ لٍـيـﮯت حَظـيـﮯ جَـآبنـيـﮯ بِنت عَمك...	Дјறàl Диsǎήһ	هواتف , مسجات , وسائط , برامج , ثيمات , نغمات , بلوتوث	21	03-08-2010 08:46 AM
+[..منـﮯ نآظركـﮯ صآرتـﮯ يمينهـﮯ شماليـﮯ.. ]+ <<الجزء الثانيـﮯ	دانة الكويت	عدسة الاعضاء , كاميرا الاعضاء	26	04-13-2009 10:12 PM
جَيتِنـْﮯ عُكسً الْثوانـْﮯ .. جّيتٍنـْﮯ عگسّ الوعٌودّ..قْلتِلـْﮯ انـْﮯ [ انآآنـْﮯ ]	{,.בرايّـر.,»	تصاميم الاعضاء	17	03-02-2009 10:54 PM
00~{اااهـﮯ يا منـﮯ رووحهـﮯ اعتلتـﮯ و اصبحتـﮯ فيـﮯ حسبـﮯ لمواتيـﮯ ~0	» Ѯ η ą d	الشعر المنقول	16	06-23-2008 03:50 PM
● وديـﮯ أعرفـﮯ وشـﮯ الليـﮯ خلانيـﮯ [ آحبكـﮯ ] !	حمامة	هواتف , مسجات , وسائط , برامج , ثيمات , نغمات , بلوتوث	26	04-09-2008 04:59 PM