| ||||||
| مدونات ويوميات الاعضاء Blog مدونات شخصيه , مدونات يومية ,سجل يومياتك معنا |
 |
| | LinkBack | أدوات الموضوع | انواع عرض الموضوع |
01-14-2009, 01:47 PM
| رقم المشاركة : [ 6 ] |
| عضو ماسي  |   نادرة ما عرفت الدنيا قدرها يوم راحت ما بقى في الناس طيب جسدت كـــــل العواطف في صورها ورحــــلت عني على دمـووع ونحيب مرحبا الساع اكيد مستغربين اليوم برمس عن اكبر حزن عشته وهالانسانه اتذكرها لين الحين فبالي ليتها ما مات وتمت ويانا بس شو انسوي امر الله والحمد لله ع كل رحلت عن دنياي دون سابق انذار رحلت وهي قاعده ويانا بس قالت ليس سيري ازقري امج رحت زقرتها ودوها المستشفى وهي فالدرب توفت فارقت الحياه و خلتنا بروحنا الخبر كان مثل الصاعقه علينا وخاصه اخواني اللي ما يفارقونها الكل يبا يعرف هالانسانه منو تكون هاي يدتي ربتني وانا صغيره وربت كل اخواني ماعادا اخويه الصغير لانه بعده ما انولد ودونا بيت يدوه الثانيه اللي هي ام ابويه عشان فبيتنا بيكون العزا بس نحن هب راضيين نبا نتم عندها ونشوفها يوم يغسلونها بتكون دقايق وعقب مول ما بنشوفها الله يرحمها يارب هالانسانه صعب اوصفها الكم لانها كانت النا ام وابو واخت و يده وكل شي اذا متضايجين من البيت ع طول سرنا عندها اجازه الصيف هناك عندها ابات اتذكر كل زاويه فبيتها وشو كنا انسوي يوم ايي الصبح عطنا فلوس عشان انسير الدكان اللي ورا بيتها انسير ونتشرا ونرد و عقب ايينا الليل وانرد البيت نلعب عندها كل شي عندها من ارد من الرضه ع طول اسير بيتها و عقب نرجع البيت مع اني كنت ياهل بس اتذكرها فديتها يارب بخبركم كيف كانت وكيف كانت تيلس يوم من الايام مرضت وعاد ماما ما بتخليها تقعد فبيت بروحها وجان اتيبها بيتنا وقاعده فالميلس مال الحريم من ماتت يدتي صرت اخاف اقعد فالميلس واخاف ادخله حتى مع انه داخل فلتنا بس انا اخاف اقرب منه كل ما اروح هناك اشوف خيالها اشوف كيف تقعد كيف تسوي اي شي وتسولف وغسولها بعد فبيتنا والمكان اللي تغسلت فيه مستحيل كنت ادوسه او اقرب منه اخاف يستوي شي كنت صغيره وما افهم وايد اشيا فعشان جيه يمكن اذا هي موجوده جان ما عرفتوا انسانه اسمها مس جلكسي مدام هي موجوده اكيد ما بحس بأي ملل وبهذا الشي خلتنا وراحت راحت عنا واكيد ما بترجع وانشا الله التقي فيها يوم القيامه لاني صدق ولهانه عليها  الله يرحمج يا امايه ويغمد روحج الينه اللهم يمن كتابها و هون حسابها و لين ترابها و ثبت أقدامها و ألهمها حسن الجواب اللهم طيب ثراها و اكرم مثواها واجعل الجنة مستقرها و مأواها اللهم نور مرقدها و عطر مشهدها و طيب مضجعها  جعلها فــــي جـــــــــــنــة الخلد بقصرها
__DEFINE_LIKE_SHARE__
تقطف الأثمــاار مــــــن عـــــــــودٍ قريب فــي هنا مـــــــــا تفارق البسمه ثغرها ادعي الله يا ســـمــيــــع ويـــــــا مجيب |
|
| |
 |
|
01-15-2009, 11:34 AM
| رقم المشاركة : [ 7 ] |
| عضو ماسي | قمــــــــــــــة الألم ... أن تضحك بصوت مرتفع كي لايسمع حبيبك صوت بكااااائك "  قمــــــــــــــة الالم.... أن تنام وفي داخلك أمنية ألا تستيقظ أبدا ,,,  قمـــــــــــــة الالم... أن تحب شخص وليس بقلبه ذره حب لك..!!  قمـــــــــة الالم.... أن يجرحك شخص أخر ويدوس على كرامتك وتسكت حتى لاتؤذي مشاعر من تحب ..!!  قمـــــــــــة الالم..... أن تســـعى لفعل الخيـــر ... ويقـــال لك بأنك تسعــى للخراب ولا أحد يقدر صنيعك ... حتى أعز الناس عليك  قمــــــــــــــة الألم ... أن تنام ... و والديـــــــك ليسا راضيان عليـــــك ...  قمــــــــــــــة الألم ... أن تبذل ما أؤتيت من قوة و جهد للنجااح ... وترى بعدها نتيجة مخالفة لما طمحــــــت ومن كان نائما أثناء عملك تجده أمامك في المقدمة وهو الاول ...  قمــــــــة الالم.... ان تحـــــــــــب النـــــــــــاس بقلـب أبيض صادق ... وهم يقابلونك بقلوب تملؤها العقارب ...  قمـــــــة الالم..... أن تصرخ بصوت عالي ولا تجد من يسمعك ......  قمــــــــــــة الالم..... عندما تقرر الرحيل ولا تجد من يودعـــــــــك......  قمـــــــــة الالم..... ان ترى الحزن والدموع في عيون من تحب ولاتستطيع ان تفعل شيئا....  قمــــــــة الالم..... ان تبتسم وفي قلبــــــك مائه دمعه.....  قمـــــــــــه الالم..... ان تفرح وغيرك حزين لاجل هم أصابك...... قمـــــــة الالم...... " أن تبتسم لمن أمامك حتى تخفي دموعك عنه "  قمـــــــة الالم... ان تكون مظلوما ولاتستطيع الدفاع عن نفسك....  قمـــــــة الالم.... أن تُحاسب نفسك على أخطائك وأخطاء غيرك قمة الالم ... ان تقرأ هذه الكلمات وانت تبكي  كثيره الالام في هذا الزمن فأين سنحتفظ بها ومن سيسمعها واذا سمعها هل سيشاركنا همومنا او سيذهب ولن يسمع اي كلمه كلمات حبيتها ونقلتها الكم __DEFINE_LIKE_SHARE__ |
|
| |
| |
|
01-15-2009, 11:18 PM
| رقم المشاركة : [ 8 ] |
| عضو ماسي |  آهـ يـآ مــن بـآت مح ـــرۈم المـنــآم عـآف من ﮔثر البكَيـﮯ طيب الحيآهـ زآد بــﮧ ۈج ـــدهـ ۈبـآدآهـ الهــيــآم محـتــرم زآدهـ ۈشــربــﮧ مـآ هنـآهـ مرحبا الساع اليوم الخميس التاريخ : 15 -1 -2009 الساعه : 11 يومي كان نص ونص هب حلو لذاك الزود بسبة الشهاده هع قمت الساعه تسع الصبح اتغسلت و خلصت جان اتقول لي الوالده اسير وياها المزرعه كان الجو رهيب ومغيم و يطيح نفاف و فوق ها طلعنا نتمشى هع وانا اتمشى اريد اظهر الكيمرا بس ما اروم عشان بيدخلها مطر ونحن بالطريق زاد النا المطر وانا كنت لابسه شال و حطيته فوق راس ماما واما انا ما يحتاي من الله ابا المطر واراكض فيه فاتسبحت وانا اتمشى و عقب وصلنا المزرعه دخلنا واتمشينا سرت عند الدياي والحمام وعقب وقفت عند الجلب شفته يوعان حرام المهم كملنا لين وصلنا عند البقر شفتهم وخلصت وجان اسير عند البوش وهناك هم يغنون بروحهم هع المهم شفت البنغالي اللي يشتغل هناك يالس يسوي صالونه للبقر هع << بقر متطورين وبعدين تميت واقفه تحت الشجره لان المطر زاد وانا ميته برد هع مع اني لابسه جاكيت المهم ظهرت فوني واتصلت لأخويه اريده اييب شهادتي لي وياليتني ما طلبته لانها صدمه كبيره لي المهم رديت البيت والنفاف كله مخرسني دخلت وبدلت ملابسي ولبست لي جاكيت و ع طول عند الكمبيوتر فتحت المسن والمنتدى اسولف فالمسن و المنتدى شفت عندي رساله خاصه ورديت عليها لا اييكم الفضول من منو لووول وكملت يومي عند الكمبيوتر لين الظهر وعقب شفت شهادتي وانصمدمت منها منقصيني وايد درجات يعني درجات المحاوله عندي الشهاده مالها وعقب بنفس المكان حاطين درجات ثانيه الله يسامح كل من حط النا امتحان صعب والله يسامح الوزاره اللي ما تراعي الطلاب يعني اول شي راحوا للجامعات وشكثر من الطلاب ظهروا من الجامعات والحين الطلاب الله يعينا يارب سرت عند اللاب عقب وسكرت المنتدى وكل شي بس يلست اسمع اغنية unfaithful لانها تريح اعصابي وتنسيني الدنيا لين اذن العصر وعقب سرت عند اخواني الاولاد دقيت شوي وياهم سوالف لين تعبنا انا رقدت ع سرير اخويه واخواني الاثنين بسرير واحد عشان برد ونبا ننخش تحت اللحاف ونسولف لين تعبنا وغفلت عينا وعقب اخويه سوا النا حشره خذت اخويه الثاني ويايه غرفتي عشان انكمل رقادنا هناك وكملنا هع يت اختي من الدوام وجان اتوعيني اتقول بتطلعين انا ما صدقت و ع طول هيه وسرت وياها السفير مول واتشرينا واتمشيت وغيرت جو لين الساعه تسع طلعنا من السفير لين وصلنا البيت بس وصلت رمست ربيعتيه فديتها ياربيه وعقب فتحت المنتدى وهاي يلستي لين الحين ع المنتدى صح اتحوطت وسويت لكن مووودي هب ذاك الزود وبس من سبــب رعبـۈب مضفيـﮯ اللثـآم
__DEFINE_LIKE_SHARE__
ليـﮯ خشع معلآق جبدهـ من حشآهـ نــۈر خ ــدهـ مثـل مـآ بــدر التمــآم ۈيـآدلن محشــۈم ع متـۈنـﮧ ڪَسـآهـ |
|
| |
| |
|
01-15-2009, 11:36 PM
| رقم المشاركة : [ 9 ] |
| عضو ماسي |  اممم مثل ما تعودت لازم اشوف رااي حد بين فتره وفتره المهم اليوم تتوقعون من يا وقال لي رايه المشرفه الغواني هيه نعم المشرفه الغواني وها كان كلامها لي  وعليكم السلام والرحمه بخير وسهاله من صوبج ؟؟!! موجوده انتي اللي ما تبينين الله يبارك فيه تسلمين والله ها من ذوقج يالغاليه انشا الله تشوفون منيه كل يديد شو هاي يالتنكر هع ها كان اقتباس لردي هع بس كلمه للغواني عشان التوقيع اللي حاطتنه انشا الله حد يسمع منكم ويوفقكم وينجكم كلكم بامتياز والله هب انتوا بس اللي ناقصين هالكثر حتى نحن والله انصدمت بكل الدرجات احس اني حاله كل شي صح واليوم شفت كل شي غير لاتحطين فبالج اي شي سوي اللي عليج والباقي ع الله الحين نحن بإجازه عيشي اجازتج بدون اي طاري للوزاره انسي انج فالمدرسه اعتبري لج هاي حياه وما فيه سكول هع وبس تسلم يمناج ع الكلام الغاوي __DEFINE_LIKE_SHARE__ |
|
| |
| |
|
01-16-2009, 02:22 PM
| رقم المشاركة : [ 10 ] |
| عضو ماسي | تعرفون اليوم برد مووووووت اووف تيمدت من البرد  المهم هب ها محور حديثنا الحين واانا يالسه عند المنتدى شفت عندي رساله خاصه تخيلوا ويايه منو مطرشنها قولوا يالله هع اللي مطرشنها الله يسلمكم اخويه المشرف النعيمي بصراحه اول ما شفت الرساله استغربت خفت انا قايله شي ولا شيات هع ويم فتحتها قريت الرساله كلها وجان تظهر عن المدونه هع المهم الرساله احسها شوي شخصيه وما حبيت احطها بس بحط الكم المرسل لوول  الصوره فيها هيبه و بين الكلام بس حبيت اقول الله يرحم يميع موتى المسلمين وانشا الله بكمل كتاباتي فهالمدونه لان بديت اشوف ردود الاعضاء والمشرفين بعد في منهم ما قصروا بكلامهم الغاوي والله يعافيك ويبقيك يالنعيمي مرورك كان وااااايد غاوي وحتى رسالتك وعرفت من عندك معلومه وايد استانست عليها و ع طول رحت ركضت عن الوالده وخبرتها هع جان اتقول تدري هع احس اني تقفطت هع تسلم والله ومشكور ع الطله اللي كانت اكثر من غاويه 
__DEFINE_LIKE_SHARE__
|
|
| |
| |
|
| مواقع النشر (المفضلة) |
| الكلمات الدلالية (Tags) |
| الغآلـﮯ, حبيبـﮯو, روבـﮯ, عيونـڪ, فدوة |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لَو ڪِل حَ‘ـظ يـ[ج]ـلب اللـيـﮯ نتمـنآهـ لٍـيـﮯت حَظـيـﮯ جَـآبنـيـﮯ بِنت عَمك... | Дјறàl Диsǎήһ | هواتف , مسجات , وسائط , برامج , ثيمات , نغمات , بلوتوث | 21 | 03-08-2010 08:46 AM |
| +[..منـﮯ نآظركـﮯ صآرتـﮯ يمينهـﮯ شماليـﮯ.. ]+ <<الجزء الثانيـﮯ | دانة الكويت | عدسة الاعضاء , كاميرا الاعضاء | 26 | 04-13-2009 10:12 PM |
| جَيتِنـْﮯ عُكسً الْثوانـْﮯ .. جّيتٍنـْﮯ عگسّ الوعٌودّ..قْلتِلـْﮯ انـْﮯ [ انآآنـْﮯ ] | {,.בرايّـر.,» | تصاميم الاعضاء | 17 | 03-02-2009 10:54 PM |
| 00~{اااهـﮯ يا منـﮯ رووحهـﮯ اعتلتـﮯ و اصبحتـﮯ فيـﮯ حسبـﮯ لمواتيـﮯ ~0 | » Ѯ η ą d | الشعر المنقول | 16 | 06-23-2008 03:50 PM |
| ● وديـﮯ أعرفـﮯ وشـﮯ الليـﮯ خلانيـﮯ [ آحبكـﮯ ] ! | حمامة | هواتف , مسجات , وسائط , برامج , ثيمات , نغمات , بلوتوث | 26 | 04-09-2008 04:59 PM |
الساعة الآن 11:28 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227