عَل روבـﮯ فدوة عيونـڪ .. يـآ حبيبـﮯو أنت الغآلـﮯ - الصفحة 5

м!sS Gα|αҳcy · 01-24-2009, 03:39 PM

اليوم اليمعه
التاريخ : 23/1/2009
السلام عليكم والرحمه

شحالكم ؟؟!!

من كم من يوم ما نزلت الكم يومياتي
بس اليوم بنزل الكم امس شو سويت عشان النت امس بطئ وما رفعت الصور ع الموقع
واليوم ييت احط الكم كل شي سويته
فالبدايه يومي كان ممل بس عقب ما نزل المطر القوي استانست وعيبني الجو هع
انزين قمت ع الظهر و ع طول اتغسلت ولبست ملابس نظيفه و ع الغذا ع طول كلت خبز وجبن هع ها غذاي شو اسوي
المهم وعقب شغلت التلفزيون والكمبيوتر ((كمبيوتري عدال التلفزيون )) المهم حطيت مسلسل الحلم الضائع ويلست اتابعه وبنفس الوقت
فاتحه المنتدى

وشوي هنيه وهناك وعقب يا فبالي اشوف فيلم (high school musical 3 ) بس السي دي شفر ما رضى يفتح لي ما ادري ليش
والاهل كانوا طالعين ما شي حشره فالبيت ولا اقدر اتضارب ويا حد
المهم ع الساعه 6 المغرب قلت للشغاله اتسوي لي بوب كورن ويلست آكل بوب كورن وجان اتذكركم وصورته الكم وطول هالوقت انا مجابله الكمبيوتر والتلفزيون

وكل دقيقتين اظهر برع اشوف الجو والمطر انزل تحت دقيقه وارد اوقف تحت المظله لان المطر بااااارد ما رمت اراكض وايد
وسرت عند الدياي المراض فديتهم كانوا ميتين برد وكلهم متيمعين عند اللمبه اللي حاطينها الهم عشان يتدفون فيها
اذن العشا كنت يالسه اسولف ع المسن واللي فالمسن ساروا ايصلون وقالوا لي اترينا وانا اترياهم انطفت الكهربا يعني سكر كل شي
وانا شو اسوي بهالوقت ع طول برع البيت اراكض جنيه خفاش هع
وشويه ورجعوا اهلي هع واخيراً بيلس اراكض ويا حد يعني اخواني اليهال ردوا البيت لووول
ودخلوا الكل داخل عاد انا واخواني شرات الحراميه نبا نظهر برع بس بيعصبون علينا وطلعنا شوي شوي بدون ما يحسون فينا ع بالهم نحن داخل الغرفه نلعب لوول
وطلعنا وراكضنا برع وبالظلام اخواني اليهال عند سياكل و ركبوها ويلسوا يلعبون وهم مستانسين والكيمرا ما رمت اظهرها لان المطر كان قوي
وخفت ع بنتي عن يستوي الها شي لوول وردينا دخلنا داخل وبدلنا ملابسنا بهالوقت انا يعت والكل يوعان والوالده محد كانت فالبيت
تدرون انا واختي سرنا طبخنا وانا وهي ما نعرف انسوي الا بيض مقلاي وشوية اكل وسوينا البيض وبالظلام نطبخ بدون كهربا وبهالوقت انا ما نسيتكم
وصورت كم من صوره

هنيه كسرنا البيض

وعقب حطيناه ع التاوه عشان نقليه

وحطينا وياه ملح وفلفل اسود و قصصنا فلفل اخضر وحطينا مرتديلا

واخر شي حطينا نوعين من الجبن شيدر والثاني ما اعرف اسمه
عقب ما حطينا للشغلات اتذكرت اني ما صورت الشكل النهائي هع

وهذا شكله

ع هالتعب انا واختي ما كلنا شي غير 3 او 4 لقمات والباقي اتوالفوا عليه وكلوه عنا اهئ اهئ هع هع

وشربت لي وياه حليب بالفرواله

تدرون طبخنا ع شو عشان نشوف الاكل بهالشي هع

وخلصنا وكلنا والحمد لله وعقب يلست العب بالكيمرا
واصور الشموع اللي حاطينها عشان ينور البيت وكلهم شكلهم نايس بس انا مالي بارض للتصوير بس ابا اراكض برع هع

عقب سمعت صوت المطر كان قوي وبرق ورعد حبيت اظهر برع وخذت المرافقين مالي اللي هم اخواني الصغار هع ويلسنا مراكض يمين ويسار
وصورت بس صورتين هم الوحدين اللي قدرت اصورها الكم

اول شي اخويه يالس ايراكض يمين ويسار وملعوز الدنيا ما رمت اصور ويه لان بصراحه ابداع كان شكله كله رمل ع مطر وحاط جاكيت المهم
كان شكلنا ملعوز كل الجاكيتات ماي ما شي انا وهم ندورالنا جاكيتات عشان انروم انراكض هع

وهايي يرول اخويه اللي اصغر عني بكم من سنه صف ثامن

وهالثاني صف ثالث متطور عنا يراكض بسيكل هع وخيسنا يمشي ع الرمله بسرعه عشان يخيسنا وجان يرد الوالد البيت ونحن نتراكض عشان ننخش عنه
بيشوفنا تحت المطر ووصخين وبيعصب علينا وبيعرف انا السبب هع

كان يبا يشرد هع

اخر شي دخلنا داخل وصورت جاكيتي كيف استوا كان لونه نايس واتخرس كله هع وكنت لابس عليه شال والشال كله ماي وها كل المراكض جدام باب البيت
ما نحب انراكض بالحوي بس عشان ناخذ راحتنا برع البيت هع

وعقب خف المطر ويت الساعه 11 اظني ويلست ع المسن والكمبيوتر
وقمت من عنده ع الساعه 2 وشفت نهاية تايتنك ع قناة دبي صح وايد اشوفه بس احب هالفلم لووول
وتميت افرفر بالقنوات لين يت الساعه اربع الفير وعقب رقدت في سبااات عميق هع هع
وخلص يومي __DEFINE_LIKE_SHARE__

м!sS Gα|αҳcy · 01-24-2009, 04:04 PM

كنت محتاره احط الكم هالشي بس عقب ما ترددت وفي منتدى من المنتيات طالبين مني احط كل اغراضي اللي احطها فالشنطه غير
الكتب وصورت الهم اغراضي وفالكيمرا حصلت الصوره وجان انزلها الكم
لا تضحكون عليه تراني اشوفكم هع هع

وهاي كل الاغراض اللي احطها

مناكير و قلوس و جحال ومسكرا وعطرين و شباصتين احتياط هع

من الادوات الا جراميه اللي حاطتنها جبريت و حبل لا تسألوني ليس حاطتنهم بس جيه هع

وترا هالاشيا كلها نحتاجها ويانا لان نيلس فالسكول اكثر من قعدتنا فالبيت لوووول

وبس

واي تعليق اترقبكم في البروفايل او الرسايل الخاصه هع __DEFINE_LIKE_SHARE__

м!sS Gα|αҳcy · 01-25-2009, 02:21 AM

اليوم يتني رسالتين بسبب اجرامي بس فوق ها استانست ويلست اتصقع هع

اول رد وصلني ما بخبركم من منو بس شوفوا انتوا

من عيوني بحرق كل المدارس ولا يهمكم انتوا بس خبروني المكان و بسوي اللي تبونه هع
ردج فرحني وايد وخلاني اضحك بصوت عالي لاني قلت اول ما قريت انج بتطلبين طلب يعني شرات باقي الطلبات
اخر شي ظهر احرق السكول لوول

حياج الله دوووووم والبيت بيتج هع

ووصلني رد ثاني وها ظحكني اكثر وموتني من الضحك
لان اللي كاتبنه اكثر عن لغه سعودي ع اماراتي ع انجليزي هع

حياك الله دووووومز وحطيت ردك ويا كل الردود هع
بس والله ما اعرف شو اقولك احس بموت من الضحك هع
طلع خواف هالولد تدرون يخاف من افلام الرعب هع
عشان جيه ما يباني اسوي اجرام في السكول

نورت البقعه بمروك وردك الحلو

وحياكم الله دوووووووووووووومز __DEFINE_LIKE_SHARE__

м!sS Gα|αҳcy · 01-25-2009, 07:10 PM

]
اليوم السبت
التاريخ : 24/1/2009

مرحبا الساع

شحالكم ؟؟!!!

والله معصبه من اللي سكر الكهربا عني اليوم كنت اكتب الكم فالمفكره واحمل الصور عشان انزله موضوع كامل
وسكرت الكهربا وكل شي بح ما رمت اعيد كل كلامي وببدأ من العصر وبرويكم طلعتي بدون أي تفاصيل لاني خلاص تعبت من الكتابه هع

تدرون اليوم عندنا ضيفه بالرحله والكل يبا يشوفها واكيد كل العيون شرات هاي هع

وهنيه كلنا ركبنا السياره وهي تتحرك وصورتها

وتحب وايد تتحرك يمين ويسار هع

نحن كنا رايحين وادي البيح عشان انشوف السد اذا فيه ماي وايد ولا هع
اختي ما رضت توقف فيني عشان اصور زين اتقول محسبه عمرج بيكاسو ولا منو اوقفج عشان اتصورين
بس انا طنشت رمستها ويلست اناقز من الدريشه وغيره بس عشان اصور هع
وهاي صورتين رمت اصورهم من كل المناقز هع

وعقب نحن بالطريج نامت البنوته على ريل الوالده

وخلص البترول بس باقي شويه ايوصلنا لين محطه البترول و قدرت اصور المحطه من داخل السياره
صح اختي حرجت بس انا ما سويت الها سالفه وطنشت المهم اصور هع

وعقب حشرت الدنيا الا ابا اسير ما كدونالز اللي عند المحطه خاطري بايس كريم ماك فلوري بالاوريو

و اختي بغت ايس كريم شوكلت و اشترينا وللقطيع كله اللي بالسياره وصورت ايس كريمنا نحن الاثنين هع

واشوف اخويه ساكت وماشي أي صوت قلت بلاه ها ليش ساكت ظهر طربان عشان جيه ما يطلع اصوات هع
وبعد هو ما سلم منيه وصورته بس عشان اتمصخر ع كابه اللي لابسنه شكله ايموت من الضحك احس جنه رايح الديسكو هب طالع هع
وهاي صورته

وعقب ردونا البيت و دخلوا الكل داخل ما عدا انا واخويه الياهل ما رضينا ندش اونه بنستكشف ماي المطر المتيمع وانييب الحصى ونفره عشان تستوي دائره حاوليه هع
وشفت السما شكلها نايس وحبيت ارويكم الشكل هع

وعاد بدينا ندخل داخل المطر المتيمع بس صورت اخويه وهو يراكض داخل هع

وهنيه ونحن نتمشى شفنا اولاد يكتبون و عطول صورت الحروف
وعاد اللي حرفه هنيه يستانس هع وترا حرفي وياهم لووول

عقب دخلنا داخل وعقب المغرب فتحت الكمبيوتر والتلفزيون كالعاده ما كملت ساعه الا مسوين حشره عند راسي يبوني اشوي وياهم واخر شي خلوني بروحي اشوي والكل دخل داخل ما عدا اخويه تم يحش ويايه بالناس وعقب يلسنا انغني انا وهو هع لين شب اليمر و عقب صورت اليمر

بـــــــــرب بكمل يومي والصور __DEFINE_LIKE_SHARE__

м!sS Gα|αҳcy · 01-25-2009, 07:11 PM

بــــــــــــــــاك

وكلها دقايق من شبينا اليمر يتنا الوالده اتقول بنسوي كرك و حطت الجدر فيه الماي وها شكله

خلص الكرك وانا يلست اتشفط هع وصورت الكم الكرك بعد

وانشغلت عنكم ما رمت اصور وايد لان اللحم انا اللي احطه بالاشياخ هو والدياي وصورته وهو ع الفحم هع

وشويه ويو اليهال وسوا حشره بالمكان وعاد من تستوي حشره انا يدقني الهوا وايلس ادندن هع وهم ما صدقوا ويلسنا انغني معلايه وانصرخ بالمكان عشان نرتبش هع وحشرنا العرب بالصريخ و عاد ضيفتنا بعدها ما روحت
وطول ما هي يالسه اتقول ( اذا ما عايبنج الحال سيري دقي راسج بالطوفه ) لووول ما ادري من وين متعلمه هالرمسه
وخلصنا من الشوي ع الساعه 10 وكانت هاي حصيلة الشوي هع

و ع طول قناة ام بي سي 4 عشان اشوف الحلم الضايع وطول الوقت انا محرجه لان اليهال ما رضوا يسكتون حاشرين الدنيا بصريخهم هع

بس خلص المسلسل ع طول بخرت ملابسي وسرت اسبح لان عقب الشوي ريحتي كلها دخاخين واكل هع
ودورت لي بيجامه والكل يتمصخر عليها بس انا عايبتني وهب مسويه الهم سالفه هع

وخلصت سبوحي وتعرفون في شي ينعش اليهال اول ما يظهرون من السبوح يسوونه انا شراتهم صح اخواني اليهال ما يستخدمونه بس انا استخدمه وهالشي اللي استخدمه لووول

عقب اتذكرت فوني من زمان ما شفته لان كل فوناتي مراض واللي انتحر فقمت استخدم هالفون و شكله جيه
ما احبه وايد بس الحايه بنت حرام هع

وعاد هنيه اليهال تعبوا وساروا يرقدون هع وفي واحد يبا يطفركم عشان يرقد بهدوء
امبــــــــــــــاع هع

لين نزلت الصور ع الكمبيوتر وعدلتها يت الساعه 3 و عطول عند التلفزيون اريد اشوف مسلسلات
اول شي وتمضي الايام عقب الحلم الضائع وعقب قناة الراي مسلسل وشاءت الاقدار هع
وانا يالسه فالصاله الساعه خمس وشي الفير سمعت صوت شي يطيح وعقب صاحت تدرون منو الضيفه اللي ويانا طاحت ع راسها مع ان السرير عود و شليتها ويلست اسكتها عشان ترقد بس هي تمت صياح
واختي تتمصخر عليه اتقول اونه الام الحنونه لووول احب اليهال ما ادري ليش

وشويه اذن الفير وسرت اصلي وخلص هاليوم وانا راقده هع هع بس خلصت تعباااانه خشششششش

وباجر بحط الكم يومي اليوم

همسه : { اتقبل اي انتقاد للتصوير ع الملف الشخصي او الخاص ومحد يسرق الصور وينسبها له و عطوني رايكم } __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لَو ڪِل حَ‘ـظ يـ[ج]ـلب اللـيـﮯ نتمـنآهـ لٍـيـﮯت حَظـيـﮯ جَـآبنـيـﮯ بِنت عَمك...	Дјறàl Диsǎήһ	هواتف , مسجات , وسائط , برامج , ثيمات , نغمات , بلوتوث	21	03-08-2010 08:46 AM
+[..منـﮯ نآظركـﮯ صآرتـﮯ يمينهـﮯ شماليـﮯ.. ]+ <<الجزء الثانيـﮯ	دانة الكويت	عدسة الاعضاء , كاميرا الاعضاء	26	04-13-2009 10:12 PM
جَيتِنـْﮯ عُكسً الْثوانـْﮯ .. جّيتٍنـْﮯ عگسّ الوعٌودّ..قْلتِلـْﮯ انـْﮯ [ انآآنـْﮯ ]	{,.בرايّـر.,»	تصاميم الاعضاء	17	03-02-2009 10:54 PM
00~{اااهـﮯ يا منـﮯ رووحهـﮯ اعتلتـﮯ و اصبحتـﮯ فيـﮯ حسبـﮯ لمواتيـﮯ ~0	» Ѯ η ą d	الشعر المنقول	16	06-23-2008 03:50 PM
● وديـﮯ أعرفـﮯ وشـﮯ الليـﮯ خلانيـﮯ [ آحبكـﮯ ] !	حمامة	هواتف , مسجات , وسائط , برامج , ثيمات , نغمات , بلوتوث	26	04-09-2008 04:59 PM