عَل روבـﮯ فدوة عيونـڪ .. يـآ حبيبـﮯو أنت الغآلـﮯ - الصفحة 6

м!sS Gα|αҳcy · 01-26-2009, 08:51 PM

انسانه لها بصمتها في مدونتي
كلامها مثل العسل ع القلب
اكثر عضوه من بين كل الاعضاء
شجعتني للكتابه
تعطيني الحافز عشان اكتب واصور
واذا هي ما كانت تعطيني الحافز جان ما شي ولا شي ولا صوره

حبيت اشكرها بس بطريقتي الخاصه وبغيت احط الها بصمه في مدونتي مهما مر الوقت بتم البصمه فالمدونه
يمكن شي ينمحي من بالي عشان جيه يتم كل شي محفوظ الها

انسانه حبوبه والله
وتستاهل كل خير

وها كلامها لي وكل الهدايا اللي حبيت اقدمها الها

تقييمج وكل كلامج اعتبره وسام شرف لي يالغاليه

وهاي هداي مني لج هع

اول شي صوره رمزيه وتوقيع

[flash=http://www.shathaljanoop.com/up/uploads/dc63e286f8.swf]WIDTH=356 HEIGHT=125[/flash]

باقه عيبتني وحستها اتليق بج

حسيت انج طفوليه طشونه وعطيتج هالشي

حسيت الوقت لازم احط لج شي تتعشينه واحلى شي يناسبج لازانيا هع

عقب لازم تحلين عقب اللازانيا احلى شي هو الباتشي لاني احبه هع

واخر شي هالدبدوب لاحلى نظوره فالمنتدى

وبس هالهدايا اللي حسيتها تليق بج وانتي تستاهلين اكثر
وانشا الله عيبنتج الهدايا
والله يحفظج وين ما كنتي يالغاليه

__DEFINE_LIKE_SHARE__

м!sS Gα|αҳcy · 01-30-2009, 03:37 PM

]

السلام عليكم والرحمه

شحالكم ؟!!

ولهت ع هالمكان والله وااااايد من كم من يوم ما كتبت بهالبقعه هع ما يكون عندي وقت عشان اكتب بخبركم يومي امس لان طول الوقت كنت راقده هع

اليوم : الخميس
التاريخ : 29-1-2009

وانا راقده اختي اتصلت فيني اتقول انا بطلع بتطلعين ويايه قلت الها هيه بدون ما اسأل وين ع طول هيه وقالت لي يالله البسي انا فالدرب واصله كانت راده من الدوام ، وبدوري ع طول رحت عند الوالده ابا فلوس عشان اطلع
عاد سألتني وين بتروحين قلت الها ويا اختي واشوفها راحت زقرت اخواني اليهال اتقول الهم البسوا هكهن خواتكن بيطلعن عاد انا عصبت ما اباهم حشره هاييل اليهال

المهم لبست وخذت فلوس وطلعت و ع طول مريت الدكان ابا اشتري لي اورنمين وهاي صورته هع
ما يكفيني الصغير لووول

وعقب ع طول كنا بنسير منار نتشرى شوية اغراض و عقب بنسير السفير مول

وصورت شنطيتي من داخل صح هي مزبله بس شو اسوي ترا في اغراض تحت بس ما حبيت ارويكم لوول

وعقب وصلنا منار ويوم وصلنا ما خليت شي بخاطري الا اشتريته شي اغراض وايد اشتريتها وخاصة جواتي
اختي اتقول انا يايبتنج حافيه عشان جيه اشتريتي من كل مكان واكثرية المحلات مسويه تنزيلات يعني عادي اتشرى كثر ما ابا هع المهم صورت بعض الغريضات اما الباقيه تعايزت والله ما اروم اصور واعدل لووول
عاد انا بحط اشيا السكول بصوب و الصور الثانيه بصوب ثاني هع

اول شي ها بوكي من ميلانو وعندي شراته لون بنفسجي

وهالجاكيت من نكست

وها بعد جاكيت ثاني

وها جاكيت ثالث امم ما ادري شو عندي ويا الجاكيتات والجواتي هع

وهالقميص هب ع ذوقي اختي مختارتنه واانا خذته عشان اسكتها هع

وبخبركم بعد شو خذت جوتي لونه احمر و بلشر من بدي شوب و عقب سرت اتشرى كم من شباصه من كليرز
وخذت لي سليبر لونه ازرق و خذت لي جحال من مكياجي و عطر من صوب اغراض اليهال و طشونة كاكاوات من كارفور ويا اغراض ثانيه هع

خلصنا من المنار و ع طول رحنا السفير عاد السفير بعده يديد فاتح وما فيه وايد اشيا حلوه بس انا خذت لي جوتيين و شنطه وسليبر بعد وبيجامه

ها نعال مال الطلعه عزكم الله

وفي اشيا اتعايزت اطلعها و اصور لووول

المهم ها كل اللي اشتريته عشان كشخة الطلعه برب بعد دقايق بحط اغراضي مال السكول

ملاحظه : للعلم بس كل ما ايي احمل من محروم يظهر لي اكس __DEFINE_LIKE_SHARE__

м!sS Gα|αҳcy · 01-30-2009, 04:21 PM

والله ما استانسنا بالاجازه كانت واااااااااااااااايد قصيره شمعنى يعني هاييل مال الجامعه يداومون عقبنا بأسبوع
يعني لازم نحن نفسهم ليش نحن عيال البطه السوده
والله اتريا اليوم اللي افتك فيه من المدرسه وعوار الراس ولا بعد ابلتنا مال العربي عاطتنا ورقه انسوي البحوق بإجازتنا وانا سويت الها طاف بس توني اتذكرت جان ما عايبنها تشرب من ماي البحر هع

المهم شريت كم من شي امس ويمكن اليوم اكملها هع ع حسب مزاجي لووول

وهاي شنطتي وياها بوك و مقلمه

و هني 3 جواتي شكلي حافيه والله عزكم الله

صدقوني يومين وبينقصون ما يتم شي عندي هع
استخسرت بصراحه اشتري شي غالي وايد وخاصه للسكول الارف هع

واشتريت لي قمصان بيض هع وبس ها

ها شرايكم

همسه : { باب التفليع مفتــــــــــــــــوح } __DEFINE_LIKE_SHARE__

м!sS Gα|αҳcy · 01-30-2009, 04:44 PM

اممم رديت من الطلعه وانا ريلي مكسره من كثر المشي اللي مشيته المهم تميت لين الساعه 12 عقب قفل مخي ما رمت اقعد لوووول
وجان اسير انخمد
ويوم قمت من الرقاد يالسه اصور اغراضي قلت برويكم شي عجيب اخواني مسوينه هع

هالصندوق مال الكاكاو من فواله هع بس برويكم شو داخله محطوط هع شرايط بلايستيشن كلها خربانه ولا واحد يشتغل هع نحن نيلس انفرفر ايام بعض فيه

وهنيه القصب سكر هع هع والله سالفته سالفه يالسين ياكلون اخواني طول ما يلعبون فالبلايشتيشن و كله فالأرض ما شي نظافه من ورا هاييل الاولاد هع

وهالدوا ويا الابره للمراض بس
أي حد يبا شي منهم بس يخبرني لان هالدوا للبقر بس ينصحون فيه الناس والعلاج مضموووون يعني بتغدون خيول هع هع

واخر شي اتمنى الكم وقت ممتع ويا مس جلكسي

__DEFINE_LIKE_SHARE__

м!sS Gα|αҳcy · 01-30-2009, 11:26 PM

|؛¤ّ,¸¸,ّ¤؛| عبارات تستحق ان تكتب بماء الذهب |؛¤ّ,¸¸,ّ¤؛|

الصادقون في عواطفهم .. لا يبالون بالمظاهر

من السهل أن تحب الناس ولكن من الصعب أن تجبر الناس على حبك

النفوس القوية .. لا تعرف اليأس

إذا أردت أن تعيش سعيداً .. إنزع الحقد من قلبك

الصحة مثل المال لا تعرف قيمتها ألا حين تفقدها

الحياه تحب من يحبها .. والتعاطف أساس الأخلاق .. والصدق لغة التفاهم

الحياة كالوردة .. كل ورقة خيال .. وكل شوكة حقيقه

الجهل هو الموت .. والمعرفة هي الحياه

البكاء ضروري ولكنه ليس حلاً

لنسعد أيامنا بالإبتسامة بدلاً أن نملأها بالدموع

ما تبنيه الأيدي .. تهدمه أيدي أَخرى

حينما نكذب .. فإننا نكذب على أنفسنا

السيره الحسنة كشجرة الزيتون .. لا تنمو سريعاً .. ولكنها تعيش طويلاً

من السهل أن ترى الناس على حقيقتهم .. ومن الصعب أن ترى نفسك على حقيقتها

بين السعادة والكراهية خيط من دخان .. قد ينقطع بنسمة هواء

اذا ضحك لك الزمان فكن على حذر .. لأن الزمان لا يضحك طويلاً

المتكبر كالواقف على جبل يرى الناس صغاراً .. ويرونه صغيرا

نحن نتقابل مع الناس كل لحظه .. ولكننا لا نتقابل مع أنفسنا إلا نادراً

لا تسأل صديقك لماذا يحبك ؟ فكثيراً ما يجهل الصديق الوفي عن أسباب حبه لك

القلوب التى تغسلها الدموع .. لا يتراكم عليها الصدأ

خيانة الصديق أشد من ألف طعنه سيف

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لَو ڪِل حَ‘ـظ يـ[ج]ـلب اللـيـﮯ نتمـنآهـ لٍـيـﮯت حَظـيـﮯ جَـآبنـيـﮯ بِنت عَمك...	Дјறàl Диsǎήһ	هواتف , مسجات , وسائط , برامج , ثيمات , نغمات , بلوتوث	21	03-08-2010 08:46 AM
+[..منـﮯ نآظركـﮯ صآرتـﮯ يمينهـﮯ شماليـﮯ.. ]+ <<الجزء الثانيـﮯ	دانة الكويت	عدسة الاعضاء , كاميرا الاعضاء	26	04-13-2009 10:12 PM
جَيتِنـْﮯ عُكسً الْثوانـْﮯ .. جّيتٍنـْﮯ عگسّ الوعٌودّ..قْلتِلـْﮯ انـْﮯ [ انآآنـْﮯ ]	{,.בرايّـر.,»	تصاميم الاعضاء	17	03-02-2009 10:54 PM
00~{اااهـﮯ يا منـﮯ رووحهـﮯ اعتلتـﮯ و اصبحتـﮯ فيـﮯ حسبـﮯ لمواتيـﮯ ~0	» Ѯ η ą d	الشعر المنقول	16	06-23-2008 03:50 PM
● وديـﮯ أعرفـﮯ وشـﮯ الليـﮯ خلانيـﮯ [ آحبكـﮯ ] !	حمامة	هواتف , مسجات , وسائط , برامج , ثيمات , نغمات , بلوتوث	26	04-09-2008 04:59 PM