وش تفيد الملامه دام دمي سفيح .!~ - الصفحة 7

[ملاك الروح] · 10-03-2009, 11:16 AM

[align=center]بو مايد & بو سلطان كل واحد منهم ظهر مفتاح سيارة ..

الريم : بابا هذااا مفتاح سيارة صح ..
بو مايد : هيييه ..
مهره : يااااااااسلام .. اليوم انا و الريم بنعيش الحياه اللي نباها ..
مايد : من حقكم .. دام انكم رفعتوا الراس من حقكم تسوون اللي بخاطركم و تطلبون كل اللي بخاطركم ..
الريم : بابا ابا اشوف سيارتي ..
مهره : هي حتى انا ابا اشوفها ..
بو سلطان : سلطان حبيبي ود البنات يشوفون السيارات .. وان ما عيبنهن ودهن الوكاله يختارون اللي يبونه ..
سلطان : يااحيكن والله .. يوم احنا ما سوولنا كل هذا ..
بو مايد : انته و باقي الشباب ما فرحتونا هالكثر .. ماشاء الله عليهن ذاكرن و سهرن ..

ويرن فوون الريم ..

الريم : هلا و مرحبا بااحلى اخوو ..
مايد : يا هلا بج .. هاا طمنيني شو ناحجه والا ..
الريم : نااجحة و بنسبه 95.4 و بتقدير ممتاااز ..
مايد : مبرووووووووك .. امبونج طاالعه ع اخوج ..
الريم : منو قاال .. اصلن هذا من جهدي و تعبي ..
مايد : زين والله .. المهم الحين ببند عنج .. تامريني بحايه ..
الريم : و مهره ما سالت كم يابت ..
مايد : انزين تييب اللي تيب و شعليه انا ..
الريم : يااابت 94.9 و بتقديررر ممتـاز ..
مايد : انزين انزين بااركيلها .. ويلا فـ داعه الله ..
الريم : داعه الرحمن ..

الريم : مهره ماايد يسلم علييج وااايد وااايد وااايد و يقولج مبرووووك .. تراه فرحان حده ..
مهره : ( كانت حاسه بانه ما كان حاب يسمع شي عنها ) ربي يبارك فيه ..
سلطان : يلا انزين خلوني اراويكم سياييركم ..

وساروا ويا سلطان ..

الريم : انا ابي السيارة السودا ..
مهره : وانا الحمرا ..

كانن موقفات سيارتين بورش كايين وحده حمرا ووحده سودة .. الريم خذت السودا و مهره خذت الحمرا ..

سلطان : هاا منو بتبدل وياي بالسيارات ..
مهره : تحلم .. والله الحين ما بذل عمري عليكم .. سيارة و عندي ..
الريم : موديل سيارتك استوا جديم بالنسبا حقنا ..
مهره : رمست ريمووه ... عاشت ريمووه ..
سلطان : طااع .. الحين سيارتي جديمه .. خلاص خلاص .. بابا بقول لبابا ياخذلي سيارة مثلكم .. اننننننننن..
مهره : انزين قوله ..
سلطان : انزين ما تبون تشوفون هديتي ..
مهره : دري انها هب شي بس ما بنكسر خاطرك و بنشوفها ..
الريم : اصلن دووم هدااياك تكون مفاجات ..

سلطان : واحلى هديه بكوني اني حبيتج و عرفتج ..
مهره : احم احم نحنو هنا ..
سلطان : جب انزين .. ويودي هذي الميداليه حق السيارة و اعتبريها هديه ..
مهره : نااايس الميداليه فيها حرفي ..
سلطان : الريم خدي هااي فيها حرفي و حرفج ..
الريم : تسلم غلايه ..
سلطان : ربي يسلمج .. هااا ترا مثل ما قال عميه انتي خلصتي السكول و الاسبوع الياي الملجه و العرس ..
الريم : الاسبوع الياي وايد قريب .. يعني ما بيمديك و بيمديني اجهز ..
سلطان : من ناحيه التجهيز لا تحاتين انا طول هالفترة جهزت لج .. حتى ثياب العرس حجزتهن لج ..
الريم : هالكثر مخبلبتنك ..
سلطان : ليت التخبيل شويه عليه .. قولي انتي الا عميتي عيني بحبج ..
الريم : ( تساسر سلطان ) لا تقول جيه جدام مهره لانها تحط بخاطرها عشان مايد ..
سلطان : ( اونه معصب ) انززززززززززين ..

وساروا بيت بو سلطان ..
اول ما حدروا لصاله ..
سمعو ام سلطان تيبب ..

مهره : ماما منو عرس منو ملج منو نجح ..
ام سلطان : حمد اخووج يبا يعرس ..
الريم : تقرر تعرس بدون ما تخبرني .. وهذا يزاي انا اللي مسويه الترتوبات كلها ..
حمد : ههههههه..
مهره : انزين منو هاي سعيده الحظ اللي بياخذها حمد ..
ام سلطان : المها اللي كانت زايرتنا هاك اليوم .. بنت يارتنا اللي كانوا قبل ..
سلطان : ( منصدم ) شووووو ..
الريم : ( انتبهت له ) سلطان شسالفتك من سمعت اسمها انصدمت ..
مهره : ليكون مفكر تخطبها بعد ..
سلطان : لا ... بس استغربت .. لانها معرسه ..
حمد : بس اطلقت ..
سلطان : اها .. عيل مبروك ..
حمد : سلطان .. اممم اباك شويه بكلمه راس ..
سلطان : اعرف اللي بتقوله .. بس ما عليه خلني اسمع هالشي منك ..

وساروا صوب الميلس ..

حمد : سلطان اعرف انه المها..
سلطان : ( يقطع كلامه ) كانت حبيبتي بيوم من الايام ..

و من قال هالرمسه خطفت الريم صوب الميلس و سمعت هالرمسه ..

حمد : والحين انا اباها اذا ما عندك مانع ..
سلطان : المها فهمتك باللي كان من بينا ..

و تحدر الريم عليهم ..

الريم : شلي كان من بينكم يا سلطان .. جاان تباها قوول .. ترا لين الحين ما صار شي من بينا ..

سلطان : ( يوقف من مكان و يتجهه صوب الريم و يمسك ايدينها ) الريم حبيبي .. انا بقولج السالفه كلها ..
الريم : شو السالفه .. عقب اللي سمعته كاانت حبيبتك ..
سلطان : بروحج قلتيها كاانت .. يعني ماض .. و اصلن انتي فاهمه السالفه غلط ..
الريم : سلطان خلاص انسك بيوم حبيتي .. انسى اني حبيتك .. ولا تخاف انا بحاول انساك ** و انته بتقدر تنساني ..
سلطان : ( يمسك الريم بالقو و ايلسها ع الكرسي ) الريم شو هالرمسه .. انتي تعرفين انه المها هي اللي كانت تحبني قبل و انا مفهمج هالشي من قبل ..
الريم : المها اللي كنت تحبها .. هي نفسها المها اللي حمد حبها ..
سلطان : هي نفسها ..
حمد : الريم حبيبي .. ترا مثل ما قالج سلطان .. حتى المها بروحها قالتها عن علاقتها ويا سلطان .. و ما حبت تخبي عني اي شي ..
سلطان : فهمتي السالفه والا لا ..
الريم : فهمت خلاص ..
سلطان : يعني للحين زعلانه ..
الريم : لا ..
سلطان : المفروض انا اللي ازعل هب انتي ..
الريم : خلاص سلطان حبيبي .. يعني ما تباني اغار عليك ..
سلطان : فديت اللي تغار عليهم ..
حمد : احم احم .. تراكم بعدكم عيال عم ما استويتوا معاريس ..
الريم & سلطان : ههههههههههه..
حمد : شرايكم بهالمناسبه .. اسوي عرسي ويا عرسكم الخميس الياي ..
سلطان : ماشاء الله وانته قريت افكارنا بهالسرعه ..
حمد : بسم الله عليه .. عن تقول عني ساحر ..
الريم : انا موافقه ..
سلطان : دام انه القلب موافق حتى انا موافق ..
حمد : عيل خل اسير ابشر المها و اخبرها ..
سلطان : الحق الحق عن اطير من ايدينك ..
الريم : ليكون شاربه ريد بوول ..
حمد : عن الغلط ع حرمتي ..
سلطان : ماشاء الله استوت حرمتك من الحينه ..
الريم : عيل خلاص نحنا عيزنا ..
سلطان : ههههههههههه..
حمد : تدرون اني امضيع وقت وياكم .. يلا سي ياا ..بس ادعولي توافق..
الريم : ان شاء الله ..
سلطان : ما توافق ..
الريم : لا اتوافق ..
حمد : دعوت الاخت مستجابه ..

تحدر عليهم مهره ..

مهره : ماشاء الله الجماعه مجتمعين ..
الريم : قررنا نحنو الثلاث..
سلطان : انا نسوي عرسنا جماعي ..
حمد : و يوم الخميس ..
مهره : ولا والله .. الكل بيعرس الا انا ..
سلطان : والله قلنالج وافقي ع راجو ما رضيتي ..
حمد : جان وافقتي الحين قولي عشان اسويلكم ترتوب ..
مهره : اييييييه لااااه ..
الريم : اووه اووه اونها تستحي ..
سلطان : لا تستحين .. يعني بعمرج شفتي حد يستحي من حبيبه ..
مهره : سلطووون عاااد خلاص ..
حمد : يلا عيل انا بخليكم سي ياا ..
سلطان : والله الريال تخبل ..
مهره : مثل ناااس ما تخبلو ..
سلطان : جب انزين .. انتي بس جربي حبها و بتحسين فيني ..
مهره ياويلي عليج يالريم ..
الريم : ........ ( بدون رد ) ..

و مرن هالايام و الكل متلعوز .. الصراحه ما كان فيه وقت يشرون شو و الا شو .. الكل كان مزدحم .. الريم و مهره كانوا كل يوم يطلعن من الصبح يشرن من هالمحلات و ما ترجع الا ع المغرب .. و المها بعد نفس الحاله لكنها كانت متلعوزة اكثر منهم بسبب شقاوه عيالها ..

و تاخذني لدنياك يا سيــــــد الخــــــــــود..واعيش فيها الف ليله وليله..
اشوف نفسي معك يا مطرف العـــــــود..مرتاح بالي من الهموم الثقيله..

هاليوم هو اليوم المنتظر للكل .. هاليوم اللي سلطان مشتااق له من زماان .. هاليوم اللي استعيل فيه حمد باتخاذ قراره .. هاليوم اللي الريم بتكون من نصيب سلطان .. و المها بتكون من نصيب حمد ..

في عرس احلى شباب الكون .. و احلى ليله لبنات هالامارات ..

القاعه كانت كلها حمراء باضوائها ... كانت الكوشتين عباره عن باقه ورد احمر باحمر ..

مهره ياويل حالي عليها .. احلى البنات ففي العرس .. الحريم قامن يرمسن عنها .. كانت لابسها فستانها التركوازي اللي ماخذ شوي من الفوشي .. و الاكسسوارات اللي نازله من الفستان ..

حدرن العروستين بطريقه رهيبه ..

انفتح من الارض حفرا و ظهر منها قلب احمر و فيه وروود حمر .. طلعن العروستين بنفس الوقت ..

صوب الكوشة ..

مهره : الريم .. ترا سلطان يقولج شوفي الشاشه .. واهداء لج يولته ..
الريم : ياويل حالي متى بدخلونه ..
مهره : بلاج مستعيله وربي ما بيطير ..
الريم : هههه ..
مهره : ضحكي ضحكي اليوم يومج ...
( وصدت صوب المها )
مهره : مبروك المها ..
المها : ربي يبارك بحياتج ..
مهره : ماشاء الله كلكن عرايس غيري انا ..
المها : ان شاء الله بييج ولد الحلال اللي يستاهلج و تستاهلين .. و انتي بعدج صغيرة و حلوه ..

و اعلنو عن دخوول المعاريس ...

حدروا سلطان & حمد القاعه ... واللي حدروهم بو سلطان و بو مايد و مايد ...
ومهره كانت تحاول تلفت انباه مايد لكن ما كان يعبرها ..

سلطان : يلا حلااااااااتج .. فديت والله القمر .. ربي لا خلاني منها ..
الريم : تسلم فديتك ..
سلطان : يعني ما بتقولين تسلم حبيبي ..
الريم : تسلم حبيبي .. جيه زين ..
سلطان : زين و احسن عن الزين ..
الريم : مبروووك عليك انا ..
سلطان : ربي يبارك فيج و يخليج لي .. و مبرووك عليج انا ..
الريم : ربي يبارك فيك ..
سلطان : ( يسوي عمره بيعصب ) الريم .. يلا صدي جدام الكل يشوفنا عن يحسدونا تف تف تف ..
الريم : هههههه.. انزين ...

صوب المها & حمد ..

حمد : احم احم حتى مبروك ما بنسمعها ..
المها : مبروووك ..
حمد : الله يبارك فيج ياعروس .. و مبروك عليج انا ..
المها : ربي يبارك فيج ..
حمد : عيل حمدان و ذياب وينهم ..
المها : هههه.. زعلانين ذياب قايل حق حمدان اني بعرس و بنساهم ..
حمد : افا تنسينهم و هم مثل عيالي .. ( يزقر مهره و يقولها تييب ذياب و حمدان ) ..

مهره يابتهم ..

حمد : ( تعال ذياب حبيبي .. يعني انته ما تبا بابا ..
ذياب : بابا حــــــــــــمد ..
حمد : ليش ما تصورون ويانا ..
حمدان : ماما بتعلس و بتنثانا ..>> ماما بتعرس و بتنسانا ..
حمد : افا ماما ما بتنساكم .. ماما تحبكم .. واللي يحب ما ينسى ..
ذياب : يعني ماما انته ما بتاخذها عنا بتخليها ويانا ..
حمد : انا و انته و حمدان كلنا بنعيش فمكان واحد .. وكل يوم بنظهر و بنسير الالعاب ..
ذياب : بابا حمد .. انا احبك واااايد اكثر من ماما ..
المها : طااع سرقت قلب عيالي مني ..
حمد : هههههههه ..

و خلص العرس .. و قرروا المعاريس انهم ما يسافرون .. بس انهم يسيرون صوب الفجيرة كمن يوم ... و ذياب و حمدان سارو وياهم ..

و مر هالشهر بسعاده ع الجيمع .. و المعاريس رجعوا لبيوتهم .. سلطان و الريم سكنوا فبيت بو سلطان ... و حمد و المها سكنوا فبيت المها ..

صوب مايد و محمد
في ستار بوكس ..

محمد : والحين شو بتسوي فبنت عمك .. انته جيه ما تتقبل اللي سويته .. [/align] __DEFINE_LIKE_SHARE__

[ملاك الروح] · 10-03-2009, 11:16 AM

[align=center]ترا مهره انسان حلوة .. و تدش القلب بسرعه ..
مايد : ما فيني ع صدعتها ..
محمد : انزين و شو الحل بنظرك ..
مايد : الحل سهل ..
محمد : شو ؟!.
مايد : بخطبها .. و عقب بنعرس و عقب بخليها من نفسها تطلب الطلاق ..
محمد : مايد .. حرام اللي تسوييه بالبنت .. مهما يكن هااي بنت و جرح البنت صعب يبرا ..
مايد : انزين وانته شعليك من بت عمي ..
محمد : مايد .. ان ما يزت ع هالتصرفات بخبر سلطان ..
مايد : خبره يعني شو بتستفيد ..
محمد : افففف منك عمرك ما تحس ..

و يروح عنه ...

يلس محمد طوول الليل يفكر شو يسوى ..
هل انه يخبر سلطان بالسالفه .. اول انه يتجاهل الموضوع ..

وعقب تفكير عميق ..

اتصل لسلطان ..
رن رن رن ..

سلطان : هلا حموود شو تبا ..
محمد : سلطان انته وينك ..
سلطان : في البيت .. هاا تامر بحايه ..
محمد : سلطان ابيك بموضوع مهم ..
سلطان : الحين والله موو فاضي بااجر خبرني ..
محمد : انزين بااجر من الصبح انا عندك ..
سلطان : اوكي .. بااي ..

و مر هاليوم و محمد موول ما رقد عدل .. يفكر بحال مهره يوم بتعرف الحقيقة ..
مهره من صدق حبت مايد .. لكن مايد اللي كان ما يستاهل حبها ..

الصبح .. محمد من صحاا ع طوول اتجهه لبيت بو سلطان ..

سلطان :. هااا حمووود شو كنت تبا مني .. الا يالس اتقولي ابغيك بشي ضروري ..
محمد :. سلطان .. انا بقولك السالفة كلها .. واذا ما صدقت جدامك بسمعك الدليل...
سلطان :. محمد ... تراك خوفتني ... قولي السالفة .. تراك حمستني ..

النهايه ..

سلطان هل بيتقبل سالفه مايد كسالفه عاديه ؟!.

شو بيكون موقف مهره من هالتصرف ؟!.
الريم هل سلطان بيتركها مثل ما مايد سوو في اخته ؟!.
[/align] __DEFINE_LIKE_SHARE__

نوني474 · 10-03-2009, 12:47 PM

ربي يعطييج العافييه ع البااارت ..

و توقعاتي ...^^

سلطان هل بيتقبل سالفه مايد كسالفه عاديه ؟!.

لا ما اظن انه بيعدي هالسالفه لمايد .. لانه مايد لعب بمشاعر اخته ..

شو بيكون موقف مهره من هالتصرف ؟!.

اكييد بتنهار .*.. و ما بتتحمل اللي بتسمعه ..

الريم هل سلطان بيتركها مثل ما مايد سوو في اخته ؟!.

امممم .. لا ما اظن لانه حبهم اكبر عن انه يهدها و يتخلى عنهاا ..

تسلميين حبوبه ع البارت ..

بانتظار التكمله .. __DEFINE_LIKE_SHARE__

الطبع الذبوحي ×!! · 10-03-2009, 04:40 PM

روووووووووووعهـ .. انتظر الباارت ^^" __DEFINE_LIKE_SHARE__

ياعمري · 10-04-2009, 01:29 PM

شرير هذا مايد ليش جيه يسوي؟؟

مسود الويه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«غيماريش الوصل» على صفيح ساخن	راعـــ الــحــب ـــي	رياضة محلية و عالمية	1	05-10-2010 09:37 PM
التحاليل الاخبار##تفيد او لا تفيد	محروم.كوم	منتدى أخبار المواقع والمنتديات العربية والأجنبية	0	05-10-2010 10:30 AM
خــيل شـيخ حـرب......	محروم.كوم	منتدى أخبار المواقع والمنتديات العربية والأجنبية	0	10-13-2009 01:30 AM
كلاب صـيد.مـدربات.للبيع	محروم.كوم	منتدى أخبار المواقع والمنتديات العربية والأجنبية	0	07-06-2009 06:40 AM
صـدى صــوؤؤتك ..!$	ღЯмşħ αℓ3ίήღ	شعر و خواطر	4	02-19-2009 04:05 PM