| ||||||
 |
| | LinkBack | أدوات الموضوع | انواع عرض الموضوع |
|
#1
09-24-2009, 12:56 AM
| |||
| |||
| مرحب الساع و العيون لوساع لاحلى عيال زايد ..
__DEFINE_LIKE_SHARE__
شحالكم .. عساكم ما تشكون بااس .. كح كح .. كتبت لكم قصتي الثانيه .. واللي هي بعنوان .. " وش تفيد الملامه دام دمي سفيح " و إن شاء الله تنال اعجابكم .. التعريف بالشخصيات :.... عائله بو سلطان :.... محمد ( بو سلطان ) :... 45 سنة ، طيب ، حبوب ، بسرعة يدخل القلب ، يحب يسولف ويتمصخر ويا أهله.. عائشة ( أم سلطان ) :... 38 سنة ، ربة منزل ، تحب عيالها وريلها ، وتحاول تسعدهم كثر ما تقدر . سلطان :... 20 سنة ، ولدهم الكبير ، ريال رزين وعاقل ، قد المسؤولية، شخصيته وايد حلوة ، طويل وضعيف بس مب وايد ،حلو ، جذاب ، عيونه ذبوحية ، يدرس فالكلية (هندسة اتصالات) ويا ولد عمه مايد .. حمد :... 19 سنة (ثنوية عامة ) ، راسب صف أول لانه كان دلوع الماما ومايسير المدرسة ، حبوب وحليو ، رياضي ، يحب الريم بنت عمه ويعتبرها شرات اخته ، وايد قريب من أخوانه ويحبهم ، محترم ، شخصيته وايد حلوة ، متفهم ويحب أهله ويعرف يتصرف فالمشاكل ،مرح ويحب يتمصخر . مهره :... 18 سنة ، ثنوية عامة ( أدبي) ، حبوبة وطيبة . شعرها أسود وطويل . عيونها ذبوحية .تحب مايد ولد عمها بس محد يدري ، وايد قريبة من أخوها سلطان وتقوله كل شي ، وقريبة من الريم بنت عمها وهي توأم روحها .. عائلة بو مايد :.... راشد ( بو مايد ) :... 44 سنة ، طيب وحبوب ، يحب أخوه ووايد يخاف على أهله ووايد قريب منهم ..مايردلهم طلب ، يشتغل ويا أخوه علي فالشركة ، متزوج هنادي أخت عائشة (أم سلطان) والاثنين تزوجو ويا بعض.. هنادي ( ام مايد ) :... 36 سنة ، ربة بيت ، تحب عيالها وتخاف عليهم ، طيبة وبسرعة تنحب ، تحب ريلها وااايد . مايد :... 20 سنة ، دلوع امه لانه الولد الوحيد ، ويا سلطان فنفس الكلية ونفس التخصص ، سلطان (توأم روحه ) ووايد قراب من بعض ، انسان طيب بس عصبي ، يحب يلعب على بنات الناس ، جسمه حلو ويعق الطير من السما .. الريم :... 18 سنة ، دلوعه امها لانها البنت الوحيدة ثنوية عامة ( أدبي ) ،دلوعة بس حبوبة، وايد قريبة من مهره وتعتبرها (توأم روحها ) تحب أخوها مايد وقريبة منه ، طويلة وجسمها حلو ، شعرها أسود ، تحب سلطان ولدعمها من أيام الطفوله و سلطان بعد يبادلها الشعور ..
[CENTER] {..سبحان الله و بحمده سبحان الله العظيم..} عندي مبادىء بالحياة ومذهب التزمته.. من يفضل الغير عليه للغير بأرخص الاثمان بعته.. ومن وده يشتريني بالثمين بأغلى الثمن ياخلايق شريته .. لأني غير تبسمت و جمعت الـلي طاح من عيني وقلت حصل خير !!  |
![[ملاك الروح] غير متواجد حالياً](s3ody-ma7room/statusicon/user_offline.gif)
|
09-24-2009, 01:01 AM
| رقم المشاركة : [ 2 ] | |
| عضو فعال ![الصورة الرمزية [ملاك الروح]](files/customavatar/avatar79702_2.gif){kind=avatar}  |  part 1
__DEFINE_LIKE_SHARE__
في بيت بو مايد :.... الريم :... ماما .. ام مايد وهي ترمس ام سلطان في الفون :... ها بنتي شو بغيتي .. الريم :... ملل شو اسوي .. ام مايد :... سيري فتحيلج كتاب و ايلسي ذاكري .. الريم :... مليت من المذاكرة من رجعت من السكول وانا اذاكر .. ام مايد :... عيل سيري يلسي ع النت .. الريم :... ماما النت ملل ... ماما .. ام مايد :... ها .. لا تقوليلي ملل .. الريم :... لا لا .. خلاص انا ابغي اسير بيت عمي .. بسير اذاكر ويا مهره ... ام مايد :... انزين ابوج محد الحين ساير عند يدج في بوظبي و ميوود اخوج ظاهر ويا ربعه .. الريم :... اففففف هذا ميووود كله ظاهر .. انا قلت لكم خلوني اخذ الليس لكن انتي هب راضية .. ام مايد :... لا حبيبتي لا بتاخذين الليسن و لا شيات .. و الحين يلا قومي اتلبسي .. الريم :... يعني بسير بيت عمي .. ام مايد :... لا بنسير عند ربيعتي ام فيصل .. الريم:... توج تقولين ما عندج حد يوديني .. قوليلي الحين منو اللي بيودينا بيت ام فيصل .. ام مايد :... الحين اخوج ميود بيي و بيودينا بيت عمج .. الريم :... قولي والله .. ام مايد :... لا والله .. الريم :... خلاص خلاص ماما انا الحين برمس مهاري بنت عمي و بقولها اني بييها .. ام مايد :... يلا انزين سيري لبسي لانه اخوج بيينا .. الريم ( تغمز لامها ) ان شاء الله يا اغلى ام في الدنيا ... عقب نص ساعة مر مايد عالبيت و خذا الريم و امه عشان يوديهم بيت عمه .. في بيت بو سلطان :.... سلطان يالس يتمصخر ويا اخته مهره في الصاله .. مهره :... يلا سلطون استو ريال و قوم ودني البحر .. سلطان :... مااااااااابي .. مهره :... بليييييييييز .. سلطان :... مهاري حبيبي تراج خبلتيبي .. خلاص قلت لج ما بوديج يعني ما بوديج .. الحين ما لقيتي في هالبيت حد يوديج غيري ..سيري عند حمد والا ابويه قوليلهم يودونج .. مهره :... ( وهي تصيح ) اففففف منك .. انا ليش محد يحبني في هالبيت .. متى الا ايي ريلي و و ياخذني منكم .. سلطان :... ( نقع من الضحك ) ههههههه ... بحسده بس لو تم ساعة ويااج .. مهره :... وليش حضرتك تحسده .. سلطان :... لانج حشرة .. في هالوقت يسمعون هرن فسلطان ع باله اخوه حمد .. سلطان :... هاذووه حمد اخوج وصل خله يوديج .. مهره:... خلاص ما بي اسير البحر و لا ابغي اسير مكان .. اجابل كتبي احسن .. و تصعد لغرفتها .. و تفر عمرها ع الشبريه و تصيح بقهر .. تحت في الصاله .. سلطان يلعب بشعره .. فتح مايد الباب :.... مايد :... احم احم .. مرحب الساع بولد عمي و خالتي بنفس الوقت .. سلطان :... مرحبتين ... ( و تخاشمو) سار سلطان صوب خالته و سلم عليها .. و ما انتبه ع الريم .. سلطان :... شحالج خالوه .. ام مايد :... بخير ربي يعافيك .. ومن صوبك فديتك .. سلطان :... بخير دامني شفتكم .. ام مايد :... عيل وين امك ... سلطان :... ويت بسير اخبرها انكم موجودين .. سلطان قبل ما يسير يخبر امه انهم موجودين .. الريم :... سلطان . سلطان :... لبيه .. الريم :... لبيتك روحي .. اختك مهره وينها .. سلطان :... تعالي وياي فوق بسير اخبر امي انكم موجودين و بوصلج لمهره .. الريم :... اوك .. و ساروا فوق سلطان :... الريم .. الريم :... لبيه غناتي .. سلطان :... لبتج روحي .. سلطان :... بلاج هالايام متغيرة عليه .. الريم :... انا .. انا هب متغيرة .. سلطان :... امبلا متغيرة .. انا ما احيد هذي الريم اللي كنت احبها ... الحين احس انج مووول هب طايقة تشوفيني و هالايام ما تين صوبنا موووليه .. الريم :... سلطان حبيبي منو قال اني هب طايقتنك .. يعني انته الحين شفت حد ما يطيق روحه و على سالفه اني ما امر صوبك فاسمحلي لانك مثل ما تعرف الامتحانات ع الابواب و لازم اشد حيلي واييب النسبه الزينه .. سلطان :... دام انه عشان جيه خلاص لا تمرين صوبنا لين ما تخلصين امتحاناتج و ما اباج تظهرين مول و دوم ابغيج تمسكين الكتاب .. الريم:... ادري ليش قلت ما امركم عشان تفتك مني قول عادي .. جان انك خلاص بتبيعني و ما تباني قول و فك عمرك قبل ما اتعلق فيك زيادة .. سلطان :... حبيبي انا ما اقصد جييه .. بس انا اللي اباه انه حرمتي ترفع راس اهلها و راس عيالها اذا سالوها عن نسبتها .. الريم :... جان ع جيه ان شاء الله حبيبي .. سلطان :... شو اخر كلمه قلتي .. الريم :... حبيبي .. سلطان:... فديت هالكلمه يوم ظهرت منج .. يعلني ما انحرم منج .. الريم :...( منزله راسها و المستحي و الحب في عيونها ) آمين .. و ساروا عقب عند ام سلطان عشان يخبرونها انه ام مايد و عيالها موجودين .. في غرفه مهره :.... دق دق دق .. مهره :... ( بدون رد ) سلطان :... مهره فتحي الباب عندي لج مفاجاة .. مهره :... مابي افتح الباب و فارج عن ويهي دامك ما تحبني ... الحين انته اخوو جيه تعامل اختك .. الريم:... بلاها مهره زعلانه .. سلطان :... كانت تباني اوديها البحر فما وديتها .. الريم :... وان شاء الله يوم بتاخذني يوم بقولك ودي مكان ما بتوديني .. سلطان :... هب كل مكان بتسيرين ... الريم :... لا والله .. سلطان :... انا ريال و اغار ع حرمتي .. الريم :... حبيبي .. سلطان :... لبيه .. الريم :... لبتك روحي .. الريم :... ودنا انا و مهره البحر ... عشان خاطري .. سلطان :... لا حبيبي .. الريم :... لييييييييييييييش >< سلطان :... اخاف حبيبي تمرضين .. الريم :... ما بمرض .. واذا ما وديتنا ترا بخلي حمد اخوك يودينا .. سلطان :... كله ولا حمد يوديكم ... خلاص بوديكم ... ( سلطان واايد يغار من حمد اخووه لانه يعرف انه حمد وايد ويا الريم و ما يبا علاقتهم تزيد ببعض ) الريم :... مهاااااري حبيبي فتحيلي الباب .. مهره اول ما سمعت صوت الريم ربعت صوب الباب و فتحته .. الريم :... هلا والله بغلاتي مهره مهره :... ( وهي تحضن الريم بقو بس عشان تغايض اخوها سلطان) اهلين و سهلين و بوستين ع الخدين اقصد الشفايف .. سلطان اول ما سمعها تقول الشفايف كفخ مهره ع راسها .. سلطان :... ما يخص في الريم .. مهره :... الحين الريم هب ملكك يعني اقدر اقولها اي شي هب صح ريماني .. الريم :... هيييييييه صح حبيبتي و تقدرين تقولين لي اي شي حتى لو كنت حرمت سلطان .. سلطان اول ما سمع الريم قالت حرمت سلطان فرح من خاطره و تاكد انه الريم تباه و ما تبا غيرة .. سلطان :... فديت روحج حبيبي .. مهره :... الريم غلايه .. الريم :... هلا حياتي .. مهره :... خلينا ندش داخل لاني ابغي اقولج سوالف و ما ابي نااس يسمعون ... سلطان :... يعني الحين هذي يزاتي اني كنت بوديج البحر انتي و الريم .. مهره :... خلاص انا ما بسير البحر وياك.. بخلي حمد يودينا .. سلطان :... بلا حمد يوديكم ولا شيات يلا تلبسي و اجهزي و انزلي ويا الريم و خلونا نسير البحر .. مهره :... مااااااااااااااااااااااااااااااابي ( و تمد حرف الالف ) الريم :... عشاني "_# مهره :... بس عشان حياتي بسير .. سلطان :... اوك و انا بخلي مايد ايي ويانا بعد .. و دشت مهره تبدل و لبست بنطلون جنز سكني ابيض مخطط باسود و نازل منه سلاسل و قميص نص كم ابيض و عليه جاكيت نص كم اسود مرسوم عليه جمجه بالابيض و لبست عباه مفتوحه ساده و سكارف و لبست جوتي سبورتي و خلت الريم ترسم عيونها لانها تعرف ترسم العيون صح .. عقب نزلو تحت سلطان :... توه الناس .. جان ما خلصتي .. مهره :... احمد ربك اني رضيت ايي وياك.. ام سلطان :... مهره ...تعالي سلمي ع ام مايد .. مهره :... اوووه سوري ما انتبه انكم موجودين .. وباست ام مايد ع راسها و مدت ايدها لمايد .. مايد :... ( فديت هالويه ) شحالج مهاري .. مهره :... بخير ربي يعافيك .. ومن صوبك .. مايد :... ( ماسك ايدها بالقو و مهره حست بهالشي لانه اول مرة يمسك ايدها جذه ) بخير دامني شفتج .. مهره :... سمعنا انك بتظهر ويانا البحر .. مايد :... هيه اذا ما عندج مانع .. مهره :... لا عادي حيااك السيارة سيارتك .. سلطان :... طااااااااااااع هاااااي ... يوم بتكون السيارة ملكج عقب قوليله السيارة سيارتك .. الريم :... ( هههههههههه) يلا خلونا نسير .. سلطان :... ( فديت هالضحكة ) يلا الريم خلينا نسير لين هم ما يتعازمون .. و ركبوا السيارة و اكيد سلطان اللي كان يسوق لانهم كانوا ظاهرين بسيارته .. مايد يلس حذال سلطان و الريم يلست وراء سلطان و مهره وراء مايد .. الريم :... سلطااااااااان ... سلطان :... ( من سمعها مدت الاف ذاب في حاله و بدون ما يحس بحاله ) لبيه حبيبي .. الحمد لله انه محد انتبه ع كلامه الريم :... لبتك روحي .. الريم :... انزين مر الشيشه .. سلطان :... اوك .. غاليه و الطلب رخيص .. مر سلطان الشيشه و نزل سلطان ويا الريم لانه مهره ما كانت تبغي تنزل فمايد قال بيتم وياها في السيارة .. في السيارة مايد خذا الفرصة عشان يقول حق مهره كل اللي كان مخبنه من حب من ايام الطفوله ... مايد :... مهره .. مهره :... لبيه .. مايد :... لبيتج روحي .. مايد :... ممكن سؤال .. مهره :... تفضل.. مايد :... اتحبيني .. مهره :... ( انصدمت من مااايد و هي ما كانت متوقعه انته مايد يحبها لانه ولا عمره حسساها بانه يحبها) مايد :... مهره جاوبيني قبل ما ايوون اتحبيني والا لا .. مهره :... ( بعدها مصدومه منه ) مايد :... مهره انتي ما كنتي تعرفين باللي داخلي .. انتي ما دريتي انج حب الطفوله .. كنت من متى ابغي اقولج باللي داخلي .. فالحين جاوبيني تحبيني والا لا .. مهره :... ( و هي تصيح ) هييييييييه .. مايد :...( مسك ايدها ) شو هييييه ... اذا تحبيني قول احبك وريحيني ... مهره :... هيه احبك من طفولتي .. مايد :... ( ارتاح من سمع كلمة احبك ) مهره حبيبي لا تخافيني وانا ما بسوي شي يضرج وانا شاء الله يوم بتخلصين الثنوية بيي و بخطبج .. ويلا الحين مسحي دموعج لانهم يوو ... و اتجهوا للبحر :.... في الدرب :.... الريم :... مهره يبت لج الرد بول اللي تحبينه ... مهره :... ( بدون رد و سرحانه في كلام مايد ) .. الريم :... مهره مهره .. مهره :... هاااا شو تبين .. الريم:... اللي ماخذ عقلج يتهنابج .. المهم يبت لج الرد بول اللي تحبينه .. مهره :... فديتج ريماااني هااتيه .. مايد :... شو هاتية يلا مناك ماشي رد بول مرة ثانيه .. الريم :... وانته شلك .. سلطان :... ( وهو معصب )عطيه الردبول بسرعة .. الريم :... بلاكم علينا .. ( وعطته الرد بول ) .. مايد :... اشوف مرة ثانيه وحده منكم تشرب رد بول .. سلطان :... جنه كلامك هب عايبنهم ما اسمع رد منهم ... الريم:... اففففف منكم خلاص انزين ما بنشرب مره ثانيه .. وصلو البحر .. و مشوا الشباب مع بعض و البنات مع بعض .. صوب الشباب :.... مايد :... سلطان بغيت منك طلب ... سلطان :... امر حبيبي .. مايد :... اختك مهره .. سلطان :... بلاها اختيه .. مايد :... ابغييييييييها .. سلطان :... ادري من زمان ... انزين دام انك تبي اختي مهره ترا انا ابي اختك الريم .. هذا هو شرطي اذا بغيت اختيه .. ترا اذا هب عايبنك الشرط ترا الف من يتمنونها .. مايد :... اصلن من احنا صغار و الكل يعرف انه الريم حقك و انته للريم .. سلطان :... دام جييييه اوك ترا الراي راي البنت و انا ما عندي مانع لو تاخذها من الحين .. مايد :... مهره ما عندها مانع .. وانا احبها و هي تحبني ... سلطان :... ماشاء الله مخططين حق كل شي ... مايد :... لا مخططين ولا شيات ... بس يوم كنا في .... احبج..... الطفوله ....( قاله السالفه كلها ) .. سلطان :... اها .. صوب البنات :.... الريم :... مهره بلاج من ظهرنا من البيت وانتي ساكته .. مهره :... (سرحانه في كلام مايد ) .. الريم :... مهره .... مهره .. وين سار فكرج .. مهره :... هااااا .. الريم :... بلاج اليوم .. شي فيج .. مهره :... الريم ... الريم :... هاااا حبيبتي .. مهره :... انا خاايفة .. الريم :... من شو خايفة .. قولي كل اللي في خاطرج لا تخلين شي في خاطرج .. مهره:... مايد اخوج .. الريم :... بلاه مايد .. مهره :... ( وقالت لها السالفه كلها ) .. الريم :... اونه توني ادري ... ما عليه يا ميووود تحب و من ورايه .. بس انتي تحبينه والا لا .. مهره :... انزين حتى انا احبه ... بس ما اعرف شو اسوي .. الريم :... خلاص يعني الحين بتكونين حرمت اخويه .. مهره :... الريم بلا مصاخه انا الحين ارمسج جد .. من صدقي خايفة .. الريم :... الا هي ايام و عقب بتحسين وياه عادي .. رجعوا عقب البيت .. | |
| ||
| |
|
09-24-2009, 01:03 AM
| رقم المشاركة : [ 3 ] | |
| عضو فعال | في بيت بو مايد :.... صباح هادئ يدفيء قلوب العاشقين هدوء مع مسامع لحن العصافير راحه القلوب قبل راحه النفوس يرن فون الريم بإعلان وصول مسج من حبيب القلب سلطان .. كان نكه في فونها " عشقه قلبي " قرت المسج و الفرحه تارسه ويهه و المسج كان :.... صباحج عسل صباحج كل رقه واحساس صباحج غلاه فوق القلوب صباحج احساس يلامس نفوس الحلوين احلى صباح لاحلى عشق بالدنيا اول ما قرت المسج اتصلت لحبيب القلب سلطان ... الريم :... هلا والله بحياتي .. سلطان :... اهلين و سهلين و بوستين ع الخدين بحرمتي .. الريم :... بل بل من الحين حرمتك .. سلطان :... ليش .. ليكون ما تبين تكونين حرمتي .. الريم :... لا مابي .. سلطان :... و ليش ان شاء الله .. الريم :... بعدني صغيرة .. لكن لا تخاف انته لي انا بس .. سلطان :... دام انج صغيرة .. بتكونين دوومج صغيرة بعيني مهما تكبرين .. الريم :... هههههههه فديتك والله .. سلطان :... يعل هالضحكة دوم غلايه .. الريم :... ويااك .. سلطان :... حبيبي تراني انا تحت اترياج انزلي تحت بتريق وياج .. الريم :... انته تحت وانا ما ادري .. سلطان :... ترا امس كنت ويا مايد اخوج نلعب بلستيشن فماانتبهنا للوقت فامج حلفت عليه الا ابات بييكم .. الريم :... اها ... خلاص عيل انا بخليك الحين بسبح و بنزل .. سلطان :... اوك حبيبي بس لا تتاخرين .. لاني يوعان و اترياج .. الريم :... اوك حبيبي .. سلطان :... تيك كييير .. الريم :... يو تو .. سبحت الريم و لبست بنطلون سكني ابيض و قميص طويل ذهبي عليه جاكيت كت فضي مرسوم عليه بالابيض بلي بوي و اجحلت و حطت كلوز وردي ولبست سكارف و طلعت غره ( قصه) و نعال سطاحي فضي و عليه اكسسوارات بالذهبي .. و نزلت تحت و محد كان يالس في الصاله غير سلطان .. سلطان اول ما شاف الريم نازله وقف و اتمني انه كان متزوجنها لانه الصراحه تعب من شكلها ومن رقتها .. ماشاء الله كانت طالعه قمر .. سلطان :... هلا والله .. الريم :... اهلين و سهلين .. سلطان :... و بوستين ع الخدين والا ما استاهل .. الريم :... تستاهل و زود يالغالي .. سلطان :... ( جدمالها خده ) دامني استاهل زود يلا اعطيني .. الريم:... منزله راسها و المستحي في عينها ) سلطاان حبيبي مو وقتته .. سلطان :... اخ قلبي .. الريم :... سلامت قلبك .. سلطان :... فديت قلبن بالعنا ماخني ... تصدقين اني احسن شي سويته بحياتي اني حبيتج .. الريم و لمعه في عيونها ...و عيونها كلها مليانه حب و عشق لاجل سلطان ... سلطان في هالوقت ما قدر يتحمل اكثر سحبها لصدره و حضنها بالقو .. وهو اول مرة يسوي جيه ... وهو حاضنها كان يحس بدقات الريم اللي كل ما مر الوقت زادت و الريم بعد كانت حاسه بكل نبض في قلب سلطان ....و في نفس الوقت كانت مستحيه و هب عارفه شتسوي .. و بعد وقت ابتعدت عن حضنه .. سلطان :... حسيتي قلبي كيف ينبض ، كل نبضة فيه تقول احبج .. الريم :... ( بمستحي و نزلت راسها .. و نزلت خصله من شعرها ع ويهاا ) .. ذاب سلطان من هالحركة و رفع سلطان الخصله بايده و قال :.... سلطان :... مادمت غالي وقلبي صار بيدينك راضي حبيبي تدلع بس بالراحة ماقدر اواجه دلع همساتك وعينك يكفي عيونك بلا تغنيج ذباحة الريم :... سلطان .. خلاص بس مااروم اسمع زياده .. سلطان :... فديت اللي تستحي ... الريم:... سلطان :... يلا لاااه ... خلنا نسير نتريق الحين ... و ساروا و تريقوا و عقب ما تريقو سلطان دق حق مايد لانه يوم صحى ما لقاه رن رن رن مايد :... الوووو .. سلطان :... هلا والله .. مايد :... اهلين و سهلين .. سلطان :... شحالك غناتي ... مايد :... بخير ربي يعافيك و من صوبك .. سلطان :... بخير دامني ارمسك .. هااا وينك .. مايد :... ويا ربيعي محمد في ستار بوكس ..( محمد ويا مايد و سلطان في الجامعه ويدرس نفس التخصص ) .. سلطان :... اها .. عيل انا شويه و بمركم .. مايد :... حياااك يالغالي .. سلطان :... يلا عيل انا بخليك .. تامريني بحايه .. مايد :... سلامتك حبيبي .. سلطان :... ربي يسلمك .. فـ داعه الله .. مايد :... داعة الرحمن .. صوب مايد و ربيعه محمد :.... محمد :... منو كنت ترمس .. مايد :... ميوود ولد عمي .. محمد :... اها .. مايد :... تعااال ما قلت لك .. محمد :... شووو .. مايد :... تذكر يوم قلتي اذا اقدر العب ع وحده من قريباتي و اخذ قلبها .. محمد :... ليكووون لعبت عليها .. مايد :... هيييه و الحين هي تحبني ... و تعرف انه هاااي اخت سلطووون .. محمد :... الحين لو سلطون يعرف .. الحق ع عمرك .. مايد:... و شدراه هوو .. محمد :... نصيحه مني... ابتعد عنها .. مايد :... لا عقب ما العب عليها لعب عقب بفكر اني اخليها .. محمد :... براحتك بس انا نصحتك ... بس هاااا ما اوصيك اي شي يصير من بينكم علمني .. مايد :... ان شاء الله .. في بيت بو سلطان :.... ام سلطان ترمس ام مايد بالفون :.... ام سلطان:.. والله سلطان ما خبرني ... ام مايد :.. انا قلتله طمن امك عليك و قولها بتبات عدنا .. ام سلطان :.. براويه يوم بيي ... مخلني في الصاله بروحي سهرانه اترياه .. ام مايد :.. لا تقوليله شي .. يمكن خاف يتصل فيكم فاخر الليل عشان ما تحاتونه .. ام سلطان :.. الحين هو وينه .. ام مايد :.. شوي و بيظهر و بيسير عند مايد .. ام سلطان :.. اها .. انزين خل اييب الريم عدنا خلها تذاكر ويا مهره .. ام مايد :.. ان شاء الله بقوله يوديها .. ام سلطان :.. انزين غلايه الحين بخليج بسير بصحى مهره ماادريبها بلاها اليوم ما صحت .. ام مايد :.. اوك عيل و انا بسير اقول للريم تجهز .. ام سلطان :.. شي في الخاطر من صوبنا .. ام مايد :.. سلامتج يالغلا .. ومن صوبنا شي في الخاطر .. ام سلطان :.. سلامت قلبج فديت روحج .. ام مايد :.. ربي يسلمج و يسلم غاليج و مغليج و كل اللي يحبونج .. ام سلطان :.. تسلمين فديتج .. يلا عيل فـ داعة الله .. ام مايد :.. فـ داعة الرحمن .. الرب حافظ .. في بيت بو سلطان :... أم سلطان :.. تبات بيت عمك ولا تخبرني ... انا براويك يا سلطوووون .. ان ما ادبتك ... و ادق ام سلطان لـ سلطان ولدها .. رن رن رن سلطان كان يالس ويا الريم حبيبته .. سلطان :.. ماما .. شو تبا مني الحين ... اكيييييد بتهزبني .. الريم :.. سلطااان .. ليكون انته ما قلت لها انك بتبات في بيتنا .. سلطان :.. لا ما قلت لها .. خفت ادق في اخر الليل و اييلسون يحاتون .. الريم :.. هااات انا برمسها .. تاخذ الريم الفون عن سلطان و ترد على ام سلطان .. ام سلطان :.. يا حمااااااار يا سلطووون ليش تبات بيت عمك بدون ما تخبرنا ... يعني ما تدري انه في حد يحاتيك .. الريم :.. السلام عليج خااالو .. ام سلطان :.. ( بصدمه و في نفس الوقت مستحيه من عمرها ) وعليكم السلام و الرحمه .. الريم :.. شحالج خاالو .. ام سلطان :.. بخير ربي يعافيج .. و من صوبج .. الريم :.. بخير دامني سمعت صوتج .. ام سلطان :.. الريم بنتي ... سلطان موجود عندج الحين .. الريم :.. سلطااان .. سلطان ياشر لها و يقول لها قوليله محد ظهر و نسى فونه .. الريم :.. هيه خالوه هاذوه عندي .. سلطان يضرب الريم ع شتفها .. الريم :.. ( بدلع ) اخ سلطان يعور .. ام سلطان :.. الريم حبيبتي عطيني سلطان خل ارمسه .. الريم :.. بس عشاني لا تهزبينه .. ماما هي اللي غصبته انه يبات بيتنا عشان الوقت متاخر و ما اتصل عشان ما تحاتونه .. ام سلطان :.. ان شاء الله بس عطيني اياه .. الريم تعاطي سلطان الفون .. سلطان :.. هلا والله باغلى و احن قلب في الدنيا .. ام سلطان:.. اهلين و سهلين و بكختين ع الخدين .. سلطان :.. بل بل هذا حقي انا .. ام سلطان :.. هي بعد شو .. تخليني احاتيك طول الليل .. سلطان :.. ماما انا ريال وولدج العود يعني شو اسوي دام اختج اصرت علي اني ابات عندم .. ام سلطان :. انزين وشعنه ما اتصلت و طمنيتنا عليك .. والا خلاص عفتنا ما تبانا .. سلطان :.. افا يا ام سلطان .. الحين انا ما اباكم .. خلاص خلاص ذعليييييت انا .. ام سلطان :.. بلا زعلت ولا ذعليت .. يلا الحين ييب الريم بيتنا خله تذاكر ويا مهره .. سلطان :.. اوك ... و بند عن ام سلطان .. و قال حق الريم تجهز ... في بيت بو مايد :... في الصاله:..... بو مايد يالس ويا ام مايد.. بو مايد :.. انزين وين العيال .. ينزل سلطان من فوق .. سلطان :.. السلام عليكم و الرحمه .. بو مايد & ام مايد :.. وعليكم السلام .. بو مايد :.. شحالك يالغالي .. سلطان :.. بخير ربي يعافيك ومن صوبك .. بو مايد :.. الحمد لله ما نشكي باس .. سلطان :.. يعله حالن مديم ويا ام مايد .. ام مايد :.. انته و ميوود ما تيووزن عن سوالفكم .. بو مايد :.. خليهم .. باجر بيكبرون و بيعرسون .. ام مايد :.. فديتهم والله ... والله في عرسهم لارقص .. بو مايد:.. لا فديتج ما بترقصين .. سلطان :.. انزين خالوه زقري الريم عشان الحين بسير جان تباني اوصلها.. ام مايد:.. ان شاء الله .. ( و تزقر الريم ) الريم:.. ان شاء الله ماما الحين يايه .. نزلت الريم و كانت لابسه تنورة قصيرة لين الركب سوده تلامع و مرسوم عليها خطوط بالوردي و قميص وردي مرسوم فيه صورة قطووه باللون الاسود .. و بوت اسود نازل منه سلاسل ... و عباه مفتوحه كلها مطرزة .. و كانت راسمه عيونها ماشاء الله عليها اللي يشوفها يقول ملاك نازل الارض .. سلطان :.. عميه .. بو مايد :.. لبيه .. سلطان :.. لبتك روحي .. عمي ترا الريم بنتك بخطبها عقب ما تخلص الثنوية .. بو مايد :.. هالكثر تعبتك .. خلاص عيل الريم سيري صعدي فوق ..عن يستوي لسلطان شي .. الريم :.. لا بابا انا بسير بيت عمي .. بو مايد :.. انزين .. بس هالله هالله بعمرج .. الريم :.. ان شاء الله بابا .. ساروا للسيارة :... في السيارة :..... سلطان :.. الريم بقولج لغز .. الريم :.. ههه.. مالقيت حد غيري تقوله لغز .. انته تعرف اني مووول ما اعرف في الالغاز .. سلطان :.. والله انه لغز سهل .. الريم :.. انزين قوول .. سلطان :.. هو ويه غاوي ..كالبدر ضاوي ..عوقي يداوي .. شفته ولقيته الريم :.. همممم... سلطان:.. فكري يالله .. الريم :.. والله ما اعرف .. سلطان :.. تبين تعرفين الجواب .. الريم :.. هيييه .. سلطان :.. الجواب هو حبيبته قلبي الريم .. الريم :.. فديتك والله .. سلطان :.. اليوم انتي شو مسويتلي ... الريم:.. جيه بلاك .. ما احيدني مسويه شي .. سلطان :.. الصراحه اليوم تعبتيني بحبج .. الريم :.. ( نزلت راسها بمستحي ) .. سلطان :.. والله احبك محبه مالهاآخر .. افرح بشوفك وتسعدني جياتك ... انتي قصيدة وانا ياحبي شاعر .. يحلى لي الشعر في وصفك وفي ذاتك .. وانتي زماني وامسي ويومي وباكر .. وماحدن غيرك سكن في قلبي وحياتك الريم :.. حبيبي خلاص لااااه .. سلطان :.. وااافديت المستحي .. الريم :.. سلطان ^^.. سلطان :.. ( فديت هالاسم منج ) لبيه .. الريم :.. لبتك روحي .. أحبـــــــــــــــــك .. سلطان :.. بس .. الريم :.. امووت فيك .. سلطان :.. اخ قلبي .. الريم :.. سلامت قلبك .. سلطان :.. انتي متى بتخلصين السكول .. الريم :.. بعدناا .. الحين نحنا الفصل الاول .. بعدنا الفصل الثاني .. سلطان :.. ترا في اجازة الربيع بيي بخطبج .. لين ما تخلصين الفصل الثاني بنعرس .. شرايج .. الريم :.. ( بمستحي ) الراي رايك حبيبي ... سلطان :.. خلاص انا برمس عمي فهالموضوع .. وصلواا بيت بو سلطان :..... الريم :.. شو ما بتنزل .. سلطان :.. لا .. اخاف ماما تهزبني .. الريم :.. دام انا وياك ما بتهزبك .. بس انته بوس راسها و خلاص .. سلطان :.. اوك .. | |
| ||
| |
|
09-24-2009, 01:05 AM
| رقم المشاركة : [ 4 ] | |
| عضو فعال | ودشوا داخل ..
__DEFINE_LIKE_SHARE__
في الصاله ام سلطان و مهره :.... سلطان & الريم :.. السلام عليكم .. ام سلطان & ومهره :.. عليكم السلام .. سلطان يسير و يبوس راس امه .. سلطان :.. ماما انا اسف .. ام سلطان :.. خلاص ما صار الا الخير بس مرة ثانيه لا تعيدها .. الريم :.. اوعدج خالوه انه ما بيعيدها واذا عادها بطرده من بيتنا .. سلطان :.. طاااع @@ الحين انتي بتطرديني .. الريم :.. ( بصوت واطي تصاصر سلطان ) اكيد لا .. سلطان :.. انزين ماما انا الحين بسير عند مايد يترياني في ستار بوكس .. مهره اول ما سمعت مايد ذابت في مكانها .. و ظهر سلطان :... الريم :.. شحالج خالوه .. ام سلطان :.. بخير ربي يعافيج .. ومن صوبج ... الريم :.. يسرج الحال ... مهره :.. قومي نسير فوق نذاكر عشان عقب نخلي اي حد يظهرنا .. و هم صاعدين شافهم حمد اخو مهره .. حمد :.. هلا والله ببنت العم اللي ما تسال عنا .. الريم :.. الحين نحنا اللي ما نسال ... انته لو حدرت المسن بتشوف الرسائل اللي اطرشها لك ... بس انته ما ترد عليه .. حمد :.. عيل دام جيه اسمحيلي .. شحالج بعد .. الريم :.. يسرك حالي ... ومن صوبك .. حمد :.. عساه حالن مديم ... بخير ربي يعافيج .. الريم :.. يعله حالن مديم .. مهره :.. حمد حبيبي .. حمد :.. من النهاية شو تبين .. مهره :.. انا والريم عقب ما نخلص مذاكرة نبا نطلع .. حمد :.. وين بتسيرون ... مهره :.. هممممم... امارات مول .. حمد :.. اوك ع الساعة 4 و نص بوديكم .. مهره :.. فديت اخوي حمد اللي ما يحب يقهرني مثل سلطان .. ( و تحضنه بالقو ) حمد :.. انتي اصلن ما تسالين عني الا وقت ما تكونين محتاجه لشيء .. مهره :.. منو قال .. يعلني ما انحرم منك يا خوي .. حمد :.. انزين انا الحين بظهر تامروني بحاية .. مهره & الريم :.. سلامتك .. حمد :.. ربي يسلمكم .. ونزل تحت :..... في غرفة مهره :... الريم :.. سلطان اخووج امس بات بيتنا .. مهره :.. اونه .. اكيد طووول الليل ما رقد .. الريم :.. اليوم نشيت ع صوت الفون كان سلطان مطرش لي مسج .. . دقيت .... تحت ... نزلت .. تريقت وياه ( قالت لها السالفه ) مهره :.. ياويل حالي ... الحبايب عاشقين .. الريم :.. هههههههه.. وانتي ما رمستي مايد .. مهره :.. فديت روحه من رجعتنا من البحر ما رمسته... الريم :.. تبين تسمعين صوته .. مهره :.. ياليت .. دقت الريم حق مايد :... رن رن رن الريم :.. مرحب الساع .. مايد :.. مرحبيتن .. الريم :.. شحالك .. مايد :.. بخير ربي يعافيج .. ومن صوبج .. الريم :.. الحمد لله ... مايد تعرف انا وين الحين .. مايد :.. وين .. الريم :.. في بيت عمي بو سلطان ... و بالتحديد في غرفه مهره .. مايد :.. فديت روحها عطيني ارمسها .. الريم :.. خذ رمسها .. مايد يعاطي ربيعه السماعة الثانيه .. مهره :.. هلا .. مايد :.. اهلين و سهلين و بوستين ع الخدين .. شحالج غناتي .. مهره :.. يسرك الحال و من صوبك فديتك ... مايد :.. يعله حالن مديم .. بخير دامني سمعت صوتج .. مهره :.. مديم .. مايد :.. وياااج فديت روحج .. مهره:.. تسلم .. مايد :.. انزين ما قلتي لي .. مهره :.. شو ؟!.. مايد :.. تحبيني و الا لا .. امس ما قلتي لي اذا تتحبيني .. مهره :.. اذا ما تصدق اني احبك واموت فيك بعد اسال الريم اختك .. مايد :.. فديت روحج .. ترا اول ما تخلصين السكول بخطبج و عقبه باسبوع الملجة و عقب بثلاث شهور العرس .. مهره :.. لا مابي ... انا خاطري اكمل دراستي .. مايد :.. بلا دراسه بلا بطيخ .. انا بتزوجج عقب ما تخلصين الثنوية .. مهره :.. اوك ..انزين عيل انا الحين بخليك .. تامرني بحايه .. مايد :.. تخليني بدون بوسه .. مهره :. مايد هب وقته .. مايد :.. امبلا وقته .. يلا حبيبي عطيني بوسه .. مهره :.. اموااح .. مايد :.. اخ قلبي ... مهره :.. سلامت قلبك .. مايد :.. ربي يسلمج و يسمنج .. مهره :.. آميييين .. مايد :.. يلا عيل تيك كير حبيبي .. مهره :.. يو تو بيبي .. وسكرت عنه الريم:.. ياويل حالي منكم .. مهره :.. فديت قلبه .. الريم .. الريم :.. عونج حبيبي .. مهره :.. عانج الرحمن ... ( ببراءة ) ممكن ... تيبيلي صورة مايد .. الريم :.. مااابي .. مهره:.. بليييييييز .. الريم :.. قولي حق مايد .. مهره :.. بلييييز حبيبي .. الريم :.. اوك .. مهره :.. ( تحضن الريم بالقو و تبوسها ) فديتج والله ... محد حاس فيه غيرج .. صوب الشباب في ستار بوكس :... مايد :.. شفت كيف مصدقه وحليلها .. محمد :.. والله حرام اللي تسويه فيها .. تراها بنت عمك .. من لحمك و دمك .. و سمعتها سمعتك .. مايد :.. محد قالها تصدق .. محمد :.. ميووود هب زين تلعب بمشاعرها .. تدري لو سلطان اخوها درا شوف شو بيسويلك .. مايد :.. اذا مايد درا بملج عليها و عقب بتزجها و عقب بخليها تطلب الطلاق و بطلقها و بفتك منها .. محمد :.. نصيحه لك اذا تحبها صدق تم وياها واذا تبا تلعب بمشاعرها خلها .. مايد :.. سكر السالفه سلطان وصل .. سلطان :.. مرحب الساع بالحلوين .. مايد & محمد :.. مرحبتين .. سلطان :.. شحالكم .. محمد :.. بخير و من صوبك .. سلطان :.. طاااير من الفرحة ... مايد :.. جييه بلاك .. سلطان :.. هااا ماشي ... لووووول .. مايد :.. علينا ^^.. سلطان :.. انته شعنه تظهر و ما توعيني تخليني بروحي في بيتكم .. مايد :.. والله ما حبيت اصحيك ... عن اخرب رقادك .. سلطان :.. ماشاء الله الاخ ضاربه فيه الرحمه .. محمد :.. مثل ما تشوف .. يرن فون سلطان :... رن رن رن رن رن سلطان :.. ألووو .. حمد :.. هلا والله .. سلطان :.. اهلين و سهلين و بوستين ع الخدين ... حمد :.. شحالك .. سلطان :.. بخير ربي يعافيك و من صوبك .. حمد :.. الصراحه ملااان ... انته وينك .. سلطان :.. في ستار بوكس ويا مايد و محمد .. حمد :.. خلاص عيل الحين ياينكم .. سلطان :.. اوك .. حمد :.. تامرني بحايه .. سلطان :.. سلامتك قلبك .. حمد :.. ربي يسلمك .. فـ داعة الله .. سلطان :.. فـ داعة الرحمن .. الرب حافظ .. وصل حمد عندهم ( الستار بوكس ) :.... حمد :.. مرحب الساع و العيون لوساع .. الكل :.. مرحبتين .. حمد :.. اخبارهم عرب زايد .. الكل :.. تمام .. محمد :.. ومن صوبك .. حمد :.. يسرك حالي ما نشكي بااس .. محمد :.. حالن مديم .. حمد :.. ترا اليوم ع الساعة 4 بنظهر .. سلطان :.. وين بنسير .. حمد :.. البنات يبون يسيرون مول الامارات .. مايد :.. الحين نحنا ما نقدر نظهر بدون البنات .. حمد :.. لا حرام انا وعديتهم .. محمد .. محمد :.. عونك .. حمد :.. عانك الرحمن ... ترا حتى انته بتي ويانا .. محمد :.. ان شاء الله .. في بيت بو سلطان :... تحت عند بو سلطان و ام سلطان :.... بو سلطان :.. دقي حق ام سلطان و قوليلها الغداء و العشاء اليوم عدنا .. ام سلطان :.. ان شاء الله .. دقت ام سلطان لام مايد :.... ام سلطان :.. السلام عليكم .. ام مايد :.. عليكم السلام و الرحمه .. ام سلطان :.. شحالكم .. ام مايد :.. بخير ربي يعافيج ومن صوبج .. ام سلطان :.. الحمد لله يسرج حالي .. ام مايد .. ام مايد :.. لبيه .. ام سلطان :.. لبيتج روحي .. ترا اليوم الغداء و العشاء في بيتنا .. ام مايد :.. ماادري والله بشاور بو مايد و برد عليج خبر .. ام سلطان :.. ما عليج يا ام مايد ترا بو سلطان بيدق لـ بو سلطان و بيقوله .. ام مايد :.. اوك عيل .. الحين بخليج .. شي في الخاطر .. ام سلطان :.. سلامتج فديت روحج .. ام مايد :.. ربي يسلمج .. فـ داعة الله .. ام سلطان :.. فـ داعة الرحمن .. الرب حافظ .. في بيت بو سلطان :... بو سلطان :.. هااا شو قالت بيون والا لا .. ام سلطان :.. هي ما عندها مانع ... بس انته دق لبو مايد و قوله .. بو سلطان :.. ان شاء الله .. بس ناوليني الفون .. ناولت ام سلطان بو سلطان الفون .. رن رن رن بو سلطان :.. مرحب ترحيبت البدو لبو مايد .. بو مايد :.. مرحبتين بالغالي السامي .. بوسلطان :.. شحالك فديتك .. بو مايد :.. بخير ربي يعافيك .. ومن صوبك .. بو سلطان :.. يسرك حالي يالغالي .. بو سلطان .. بو مايد :.. لبيه يالغالي .. بو سلطان :.. لبتك روحي .. اليوم ترا الغداء و العشاء عدنا .. بو مايد :.. ان شاء الله يالغالي .. بخلص شغلي و بي ويا ام العيال عدكم .. بو سلطان :.. خل شغلك و تعال الحين .. بو مايد :.. اوك .. يلا عيل تامرني بحايه .. بو سلطان :.. سلامتك يالغلا .. بو مايد :.. ربي يسلمك .. فـ داعة الله .. بو سلطان :.. فـ داعة الرحمن .. الرب حافظ .. في بيت بو سلطان :.. بالتحديد بغرف مهره :.. كانوا الحبايب يذاكرون :.. مهره طار فكرها لبعيد بعيد .. وصلت صوب الحب اليديد .. الريم:. فهمتي والا لا .. مهره :. ( بدون رد ) .. الريم :. حوووو مهرووه ... ارمسج انا .. مهره :. هااا بلاج تصارخين .. الريم:. فهمتي والا لا .. مهره :. الصراحة ما اعرف اذاكر وانا افكر .. الريم:. و حضرتج بشو تفكرين .. مهره :. همم بضنج مايد الحين شو يسوي .. الريم:. صج انج انسانه فاضية .. اقول انتي اهتمي بدراستج احسن لج .. مهره :. الريم .. الريم :. هاااا .. مهره :. مايد قال انه اول ما اخلص الثنوية بيخطبني .. وانا خاطري اكمل دراسه .. الريم :. الحين لو مايد يسمع هالكلام منج شوفي شو بيسويلج .. ويلا الحين خل افهمج اللي هب فاهمتنه ترا ميوود ما بيفيدج بشي ء الحين .. صوب الشباب:.. بالتحديد في ستار بوكس :... مايد :. خلونا نرجع البيت .. تراني مليت من الصبح يالس هنيه .. سلطان :. قول انه ولا وحده لفت راسك من هالبنات الموجودات هنيه .. محمد :. لا والا مافي وحده لين الحين دشت خاطرة .. مايد :. اسكتوا من هالسالفه .. واصلن مافي وحدة بتاخذني من حبيبت قلبي .. حمد :. منو هاي بعد حبيبت القلب .. سلطان :. احم احم .. حمد :. هييييييييه فهمت السالفه .. منو قده العاشق .. محمد :. يلا عيل ما بقينا غير انا و حمد دورولنا ع وحده .. حمد :. لا احسن لك اتم جيه بدون صدعة راس .. الا بتيلس عقب ما تحب الا وين سارت .. وين يلست .. ويا منو يالسه .. تم جيه احسن .. الكل :. هههههههههههههههههههههه.. مايد :. يلا عيل انا بترخص بسير البيت .. سلطان :. اي بيت ... اي بطيخ .. تراك معزوم فبيتنا انته و محمد .. مايد :. ما خبرت الوالدة .. سلطان :. لا تحاتي بهالموضوع .. ترا اميه رمست امك و ابويه رمس ابوك و اليوم كل اهلك بيونا .. مايد :. هههههههه... اونه كل اهلك الا انا و اختيه و الوالدة و الوالد .. حمد :. تدري انك سخيف .. مايد :. منو ولد عمي غيرك .. محمد :. يلا انزين خلونا نقوم .. سلطان :. يلا حمود قوم وياي و خلهم هم .. حمد :. لا والله .. اتريونا نحنا يايين وياكم .. مشو و خلوا مايد بروحه ع الطاولة لانه ما لبس النظارة >> اونه عااد ما يشمي غير بنظارة تعرفون يعني سوالف التقردين .. مايد :. طاااع هذين سااروا و خلوني بروحي @@ الحين محد بيدفع الحساب غيري .. صوب الباركناات .. مايد :. انتوا يا الحمير .. سلطان :. اقووول خيووو انته منو تزقر .. مايد :. يعني في حد غيركم حمير هنيه .. حمد :. ترجع و تقولها بعد حمير .. مايد :. يعني تروحون و تخلوني انا اللي ادفع الحساب .. محمد :. طاع الزطي .. ما هقيت حد من اهلك جيه زطي .. سلطان :. محمد تراني انا هب مثله .. حمد :. يلا قول كم الحساب و بنعاطيك دبلات جان تبا .. مايد :. اتمصخر وياكم .. بس والله قهرتوني .. سلطان :. طووف لاااه اركب سيارتك و فكنا من صدعتك .. مايد :. الحين انا استويت صدعة .. سلطان :. حمد & محمد انتو اركبوا سياييركم و سيروا صوب بيتنا و انا بتفاهم ويا مايد .. محمد & حمد :. اوك .. حمد :. سلطووون دير بالك عن يسويلك شي .. سلطان :. لا تحاتي .. فديته مايد اعرفه زين .. تؤائم روحي .. | |
| ||
| |
|
09-24-2009, 01:07 AM
| رقم المشاركة : [ 5 ] | |
| عضو فعال | وساروا حمد و محمد للبيت و تم سلطان ويا مايد صوب الباركنات ..
__DEFINE_LIKE_SHARE__
مايد :. هااا يا اخ سلطان شو بغيت .. سلطان :. الحين انا سلطان ولد عمك جيه ترمسني .. انا اللي احيدك تعاملني باسلوب حلو جيه تعاملني ... قولي انزين شبلاك عليه .. انا غلطت في حقك .. مايد ترا لو ما تدري انك اعز انسان لي حتى اعز من اخوي حمد .. انا من صحيت بهالدنيا وانا ما اعرف انسان اغلى منك .. مايد : انا مالي غنا عنك .... ولا تحلى ايامي بعيد عنك .... ابد مالي توائم روح الا انته .. سلطان : عيل بلاك متغير عليه .. مايد : انا هب متغير لكن الحركة اللي سويتوها قبل شوي موول ما عيبتني .. سلطان : حقك عليه ... امسحها بويهه .. خلاص انزين ارضا علينا ترا الكل يتريانا .. مايد : انا اقدر اصلن ازعل من حبيب قلبي .. سلطان : تراك وايد تتغلا علينا .. خف شويه من غلاك .. مايد : هههههه.. يلا خلنا نسير .. و ساروا لبيت بو سلطان ... في الصاله :... مهره : ماما ترا حمد قال بيطلعنا العصر .. ام سلطان : انزين و متى ان شاء الله بتذاكرون .. الريم : خالوه نحنا ذاكرنا .. ام مايد : دام انكم ذاكرتوا خلاص سيروا .. والا شرايج يا ام سلطان .. . ام سلطان : رايي من رايج .. مهره : فديتكم والله .. ويدخل حمد .. حمد : مهره سيري حضري الفواله .. لانه ربيعي وياي .. مهره : انزين .. وسار حمد صعد فوق عشان يسبح و يبدل .. وسارت مهره حضرت الفواله و ودته الميلس .. صوب الميلس :... محمد كان يالس يلعب بفونه .. دخلت مهره و ما انتبه عليها محمد .. مهره : هااا سلطون شو تسوي هنيه بروحك .. ترا ماما معصبة عليك من امس .. محمد شعره طويل مثل سلطان عشان جيه ما عرفت انه محمد اللي جدامها هب سلطان ... واول ما شافها ابتسم وقال في خاطره :... محمد : ( مايد ليش يلعب عليها ماشاء الله عليها قمر و حلوة ) اسمحيلي يالغلا ترا سلطان ويا مايد الحين بيوون .. مهره : ( مهره مصدومه منه .. وافديته وين ميووود عنه ) هاااا سوري .. ما كنت اعرف انك انته هنيه .. محمد : ( بدون ما يحس بعمره ) مسموحه فديت روحج .. مهره على طول ظهرت من الميلس و اتجهت لغرفتها و الريم سارت عند مهره الغرفه لانها خافت عليها .. الريم : مهره حبيبي بلاج .. مهره : الريم .. قلبي ... قلبي .. الريم : مهره ... شفيه قلبج .. مهاااري قوليلي بلاج .. مهره : ريمووه والله ما اعرف شو اقولج .. الريم : مهره فديت روحج ... قوليلي كل اللي بخاطرج ... مووول لا تخلين شي في خاطرج .. مهره : الريم حبيبي ما فيه شي .. الريم: هب عليه ... تراني اعرفج زين ... مهره غلايه قوليلي كل اللي فيج .. مهره و هي خايفة تقول للريم عن محمد و الريم تخبر عليها مايد ... فقررت انها ما تقول لها .. و تغير السالفه .. مهره : هب جنم حطوا الغداء .. الريم : مهااااري لا تضيعين السالفه .. مهره : الريم حبيبي ... انا حدي يوعانه ... خل ننزل تحت و ناكل .. الريم : مهره .. مهره تظهر برع الحجرة .. و الريم تلحقها ... في الصاله :... وصل مايد & سلطان بيت بو سلطان .. و الكل يالس الحين في الصاله يسولف .. ام سلطان : بو سلطان تدري الحين شو الشي اللي ناقص .. بو سلطان : شو يا ام سلطان .. ام سلطان : الحرمه لسلطان ولدنا .. بو سلطان : ان شاء الله باجر بتدخل قلبه وحده من هالمزايين .. و بروحه بييج و بيقولج اخطبي فلانه بنت فلان .. ام مايد : صدقتي يا خويتي مافي شي ناقص للعيال الحين غير الحرمة المزيونة .. ماشاء الله عليهم كبروا و استوو رياييل .. ام سلطان : فديته غناتي .. خاطري اشوفه و هو معرسه .. سلطان : طااع الحين هب باقي غير انككم تخطبولي .. ام سلطان : انته بس اشر .. وفالك طيب .. سلطان : لا يا امايه انا بعدني صغير .. مايد : يقول صغير و هو الاسبوع الياي بيحدر الخمسين .. بو سلطان : انا اللي هو انا بعدني الخمسين ما دشيت.. وسلطووون هالياهل بيدش الخمسين .. حمد : وااابوكم ... بابا انته ليش تصغر عمرك .. ام سلطان : فديته ابوك مهما كبر بيتم في عيني صغير .. سلطان : ( يصاصر مايد و محمد و يقولهم ) شوفو ان ما خليت ماما تعصب الحين .. سلطان : بابا .. الحرمه اللي من كم من يوم شفتها وياك .. بو سلطان : اي حرمه .. سلطان : اللي كانت وياك في السينما .. اللي قلتلي ما اخبر ماما عنها ... تراني ما خبرت .. بو سلطان : ( مستغرب ) الحرمه @@.. سلطان : بابا انته قلتلي انها حرمتك والا القير فريند ... ام سلطان : ( شويه و الدموع بتحرق خدها و فجاه تصارخ ) بو سلطان اي حرمه .. ( وتنهار من الصياح ).. سلطان & محمد & مايد : ( ميتين من الضحك ع ام سلطان ) .. سلطان : مشكله اللي يصدقون الرمسه .. ام مايد : يا ام سلطان يعني الحين انتي ياهل تصدقين واحد طايش و يعق الرمسه جيه .. بو سلطان : سلطووون يلا قوم اعتذر لامك .. فجاه و الصمت عم على الجميع تضحك مهره من خاطرها .. و محمد تم معجب بضحكتها ... و متحسف انه ما خبر سلطان عن نوايا مايد .. و الكل يضحك ع ضحكتها .. ههههههههههههههههههههههههههه.. محمد : يعل الضحكة ما تفارقج .. وعقب ربع ساعه تقريباً .... ام سلطان : يلا تفضلوا .. حطو الغدا .. حمد : ماما تعرفين شو احسن شي سويته اليوم .. ام سلطان : وشو يا غناتي .. حمد :انكم حطيتوا الغدا... يوعااان حدي .. سلطان : يعلك تيوع كل يوم يا ريال .. حمد : يعل حرمتك اللي تفكر تاخذك .. سلطان : خالوه شوفي ترا غلط ع حرمتي .. ام مايد : كله ولا حرمت سلطان .. هي بروحها بتكون جيكرة .. و بعد تغلط عليها .. ما يستوي جيه .. سلطان : خاااالوه ... منو قال حرمتي جيكرة .. فديت حرمتي .. ( ويناظر الريم ) عقب كلكم بتنصدمون يوم بتعرفونها .. فديت روحها .. الريم : ( والمستحي في ويهاا و تصاصر مهره ) اقول خلينا نسبقهم و نسير نتغدا .. مهره : اونج عاااد ريموووه تستحين .. الريم تسحب مهره و يسيرون يتغدون و انظار محمد ابد ما فارقت مهره .. و مهره حست فيه .. سلطان : طااع البنات الحين بيسيرون و بياكلون كل شي .. مايد : 1 . 2. 3 . هجوووم ... سلطان و مايد يربعون حمد : عافان الله جنم هب شايفين خير .. محمد : اقول حمد يلا بعد انا بسير بربع وياهم .. عقب الغدا الشباب ساروا حجرة سلطان اونهم يريحون .. و الريم ومهره يلسوا يشوفون التيفي ويا ام سلطان و ام مايد .. في الصاله :... مهره : ماما بدلي عن هالبرنامج والله اكره هالبرنامج ..>> كانوا يشوفون سيرة الحب .. الريم : هي والله ملينا من هالبرنامج .. ام سلطان : لا نحنا بنشوف هالبرنامج .. خل نعرف سوالف البنات .. ام مايد : ومن زين سوالف البنات عااد ... الا احبه و يحبني .. وعدني .. الريم : انزين .. انزين ... الحين تشوفن هالبرنامج ليش .. مهره : لو عدكم مشكله قولولنا اياها و بنحلها .. ام سلطان : بدال هالهذبرة الزايد .. دشن المطبخ و سويلنا انتي و الريم شي .. مهره : انتوا اذا بغيتو الفكة منا قلتوا سيرو ... الريم : يلا مهاري خلينا نسير و نسوي سويت او سلطه فواكة .. مهره : اوك .. و سارن البنات و سون سويت .. و عقب صعدن غرفتهم يرتاحون شوي لين صلاه العصر عقب صلاة العصر رجعوا الشباب من الصلاة و نزلن البنات تحت في الصاله .. ام سلطان : هااا الريم شو ما بتاكلونا من اللي سويتوه .. الريم :افا عليج خالوه .. يلا مهاري قومي وياي نييب السويت .. سلطان اول ما شافهم يابو السويت سلطان : اكييييد الحين طعمه خااايس .. الريم : لا والله .. سلطان : يعني اذا انتي مسوتنه بنقول حلو بس اذا مهره يعني مقبول نوعا ما .. مهره : عيل الحين احلم تاكل قطعه من السويت .. سلطان : ( يتمصخر عليها ) اسفيييين يا الشيف مهره .. سامحيني .. مهره : عيل الحين خل حرمتك تعطيك قطعه وحده بس .. وزعت مهره ع الكل ما عادا سلطان .. سلطان : ( بدلع ) ماما شوفي مهره ما عطتني سويت .. ام سلطان : الريم غناتي .. حطي لسلطان قطعه سويت .. الريم : ان شاء الله خالوه .. الريم حطت لسلطان السويت محمد : مهره لو ما عليج كلافة .. ممكن تحطيلي قطعة ... مهره : ان شاء الله .. مهره وهي تعاطي محمد الصحن ايدها لمست ايدهه و بهالوقت محمد ذااب و مهره مستحيه من هالموقف .. محمد : تسلم ايدج يالغلا .. الريم : طاااااع هذا يتحرا مهره بروحها مسوتنه .. محمد : جيه انتي بعد مساعدتنها.. الريم : هههه.. اونه مساعدتنها ..قول انها هي اللي ساعدتني .. هب انا اللي ساعدت .. مهره : صيييييييييو طااااااااخ طيييييييخ بطييخ ... شوفوا الحين كم من صاروخ بيمر عليكم .. حمد : انزين .. الحين انتن بتيلسن تضاربلي .. يلا قومن تلبسن اذا بتسيرن مول الامارات .. الريم : ان شاء الله .. وسارن البنات يتلبس لبسن مهره و الريم بنطلون سكني ابيض و فيه خطوط من تحت بالذهبي و بدي ابيض و عليه جاكيت ذهبي مكتوب عليه كلام بالفضي .. و رسمن عيونهن و حطن كلوز وردي ..و لبسن عباه سادة مفتوحه و سكارف لونه ذهبي و فضي .. و لبسن نظارات شمسية و جوتي بوت ابيض ..و نزلن تحت .. سلطان : ( في خاطره ) خف الدلع لا تّـثنى شـد من لينــــــــــــك .. في مشيتك يكفي انّـك تقلب الساحــه ..المشكله هالدلــع ذايب بتكوينــــــــــك ..ذايب مثل سكِّـرٍ ذايب بتفَّـاحَــــــــــــه.. حمد : توني ادري انه عندي بنت عم جذه حلوه .. ام سلطان : لو كنت تباها جان خطبناها لك .. بس المشكله اختك بالرضاعه .. حمد & الريم : هاااا .. اخوان بالرضاعة .. كيف ؟!. ام مايد : ترا امك قبل ما تولد بمهره .. كانت سايرة ويانا العمره .. وانته كان عمرك سنه و كمن شهر .. فامك خلتك عدنا و ظهرت ويا ابوك .. فانت ما كنت متعود ترضع بالمرضعة .. ام سلطان : فام مايد رضعتك .. حمد : الحين هاااي تستوي اختيه .. الريم : اصلن انته كنت تتمنا من زمان .. حمد : فديتج يا ريموووه .. سلطان في هالوقت ارتاح نفسيا لانه المنافس الوحيد اللي كان يقهره بحب الريم طلع اخوها ... مايد : انزين يلا خلونا نسير .. مهره : خلونا نظهر و نخليهم يتعرفون بتاريخ اجدادهم بعد .. سلطان : هههههه .. اي اجداد .. ماشاء الله اجدادهم كلهم عندهم مواقف .. محمد : انزين انا بظهر عنكم بسبقكم .. مايد : حتى انا .. مهره : ميووود اترياني بيي وياك.. الريم : ايييييه انتوا اتريوووني .. وسارو مول الامارات .. ساروا بسيارتين سيارة سلطان و الريم و مهره.. و سيارة مايد و محمد و حمد .. صوب سيارة سلطان .. اللي يتريا اللحظة اللي يكون فيها ويا الريم .. سلطان :. انا احبك واحبك من صغر سني..ما أبـــــالغ ان قلت لك من يوم ميلادي....اكبر ويكبر غلاك لين جــــــنني..غصبن عن عيون حســادك وحســادي.. الريم :. ( ما سمعت شي من اللي قاله لانها كانت تفكر بمحمد لانها لاحظت انه طول الوقت انظاره علي مهره ) ... سلطان :. الريم حبيبي .. الريم :. ( بدون رد ) مهره :. ( تزاعج ) الررررررررررررررررريم .. الريم :. ها و صمخ ... سلطان :. وين راح فكرج حبيبي .. الريم :. هااا .. ما سرت مكان .. سلطان :. لو يصدقونج الناس كلهم .. انا ما اصدقج .. لاني اعرفج زين .. قوليلي بلاج .. الريم :. عقب ما اتاكد من شي بقولك .. مهره :. هب بس هو بتقوليله حتى انتي .. الريم :. انزين .. بقولج انتي بعد .. لانه الموضوع يخصج انتي .. مهره :. يخصني انا @@.. الريم :. عقب بتفهمون كل شي .. وصلوا مول الامارات الريم :. ابا ادش سكي دبي .. حمد :. انا بدش وياج .. سلطان :. الريم افا عليج تطلبين منهم انج ادشين وانا موجود .. مايد :. بس ويت .. محمد تعال وياي بنسير ناخذ تذاكر .. سار محمد ويا مايد واشتروا التذاكر و اول ما دشو ... مهره :. بررررررررد .. محمد :. ترا درجة الحرارة -3 .. الريم تاخذ كرة من الثلج و تفرها ع ويه مهره .. مهره :. ياالخايسة براويج .. سلطان :. ريلج الخايس هب حرمتي .. مايد :. طاااع يسبوني وانا يالس .. محمد اول ما سمع مايد رمس تضايق من المستقبل اللي بتعاني منه مهره .. الريم شافت محمد سرحان بفكرة ..ففرته بكرة من الثلج .. وعقب تم يلحقها .. لين ما طاحت ع ويها .. سلطان :. الريم حبيبي عسا ما تعورتي .. الريم :. ( وشوي و بتصيح لكن غصب عنها ميوده دمعتها ) لا حبيبي ما استوالي شي .. حمد :. طااع الحين بيستوولنا قيس و ليلى .. مهره :. ههههه.. خلونا نلعب بلا هالرومنسية الزايدة .. وعقب ما لعبوا و ملوا حتى من اللعب .. ساروا يتمشون شوي .. العيون كلها ع الريم و مهره.. سلطان :. الريم حبيبي .. الريم :. لبيه .. سلطان :. لبتج روحي ... اممم حبيبي اتغشي .. الريم :. هاا.. اتغشي لا مابا .. سلطان :. عشان خاطري .. الريم :. اوك عشانك بس .. سلطان :. فديت روحج .. ومسك ايدها و تمشي ويا الريم و مهره ... ومهره كانت مقهور .. لانه مايد ولا عمره حسسها بالحب .. اصلن من قالها انه يحبها موول ما رمسته الا يوم الريم عطتها ترمسه الصبح .. حمد :. مايد حبيبي بغيت بكلمة راس دقيقة .. مايد :. محمد عن اذنك ثواني .. محمد :. خذ وقتك .. صوب مايد & حمد ... حمد :. مايد .. انته الحين صدق تحب اخيته والا بس حاب تلعب بمشاعرها ... مايد :. ( خاف من كلام حمد ليكون محمد خبره عن شي ) اكيد احبها .. يعني كيف تباني العب بمشاعرها و هي بنت عمي و من لحمي و دمي .. حمد :. ترا في هالزمن وايد شباب يلعبون ع بنات و المشكله من قرايبهم .. مايد :. لا تخاف .. مهره انا احبها و بخطبها يوم بتخلص الثنوية .. حمد :. عيل خلاص طمنيتني .. وسار مايد عند محمد و حمد سار عند مايد و الريم و مهره | |
| ||
| |
|
| مواقع النشر (المفضلة) |
« قصت حياتي يناس حزن غدر واهات
|
لا تحـاسبنے علـے جرحٍٍٍٍِ نـزفـ .. انتــ سـآس الـجرحِِِ يالخــل العنيــدِِِ .. »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| «غيماريش الوصل» على صفيح ساخن | راعـــ الــحــب ـــي | رياضة محلية و عالمية | 1 | 05-10-2010 09:37 PM |
| التحاليل الاخبار##تفيد او لا تفيد | محروم.كوم | منتدى أخبار المواقع والمنتديات العربية والأجنبية | 0 | 05-10-2010 10:30 AM |
| خــيل شـيخ حـرب...... | محروم.كوم | منتدى أخبار المواقع والمنتديات العربية والأجنبية | 0 | 10-13-2009 01:30 AM |
| كلاب صـيد.مـدربات.للبيع | محروم.كوم | منتدى أخبار المواقع والمنتديات العربية والأجنبية | 0 | 07-06-2009 06:40 AM |
| صـدى صــوؤؤتك ..!$ | ღЯмşħ αℓ3ίήღ | شعر و خواطر | 4 | 02-19-2009 04:05 PM |
الساعة الآن 07:05 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227