وش تفيد الملامه دام دمي سفيح .!~ - الصفحة 5

[ملاك الروح] · 10-01-2009, 04:20 PM

[align=center]مالوم قلبي لي رسى في موانيك
او سالت الدمعه لوصلك تنادي
الطيب ورد منبعه في اراضيك
والسعد شوفك يا بعد هالعبادي
ادعي عسى المولى يحفظك ويبقيك
يا أغلى مخلوق سكن في فؤادي

بيت بو سلطان ..

ع رنه المسج اللي اللي صحت مهره من الكابوس اللي كان تحلمه ..

كانت حالمه انها تمشي في مكان اخضر .. و فجاة شافت مايد يضحك عليها بسخريه و يستفزها .. و بعد لحظات شافت المكان الاخضر تحول للون الاسود و الحمر ..

نشت من رقادها .. و هي تسمي ربها .. كانت خايفة من الحلم .. خذت فونها ... شافت مسج من مايد .. اللي كان نكه " ماخذن قلبي " وكان المسج

مالوم قلبي لي رسى في موانيك
او سالت الدمعه لوصلك تنادي
الطيب ورد منبعه في اراضيك
والسعد شوفك يا بعد هالعبادي
ادعي عسى المولى يحفظك ويبقيك
يا أغلى مخلوق سكن في فؤادي

فرحت من خاطرها يوم قرت المسج .. لكن بنفس الوقت كانت خايفة .. تبي تعرف شو سالفه هالحلم ...
اتصلت للريم .. لكن ما ردت عليها .. كانت راقده ..
فردت و اتصلت ع فون البيت .. فكانت تتمني مايد اللي يرد عليها و يصبح عليها ..

رن رن رن ..

مهره : صباح الخير ..
مايد : صباح النور باحلى طله ..
مهره : شحالك يالغلا ..
مايد : بخير دام اني سمعت صوتج .. و من صوبج فديتج..
مهره : عسا حالك مديم .. بخير ربي يعافيك ..
مايد : وياااااااج ..
مهره : عيل وين الريم .. ادقلها ما ترد ..
مايد : الحين انتي داقه تبيني والا تبين الريم ..
مهره : هااا ..
مايد : يلا اختاري واحد منا ..
مهره : اباك انته ..
مايد : ياااربي .. عساني ما انحرم من هالصوت ..
مهره : آمين ..
مايد : انزين مهاري .. بسألج سؤال ..بس جاوبيني بصراحه ..
مهره : ... اوك ..
مايد : تحبيني ..
مهره : يب ..
مايد : شو يب ... تحبيني والا لا ..
مهره : هيييييييييه ..
مايد : شو هييييه ..
مهره : احبك ..
مايد : يعلني ما اصحى من الحلم ..

مهره سرحت بفكرها للحلم اللي ازعجها من قبل دقايق ..

مايد : مهاااري .. حبيبي ...
مهره : .........
مايد : مهااااري ... حبيبي ... حبيبي ..
مهره : هلا ..
مايد : يتهنابه اللي ماخذ عقلج ..
مهره : والله محد خذا عقلي ..
مايد : عيل وين سرحتي .. اكيييد فيني ..
مهره : مااايد ..
مايد : لبيه ..
مهره : لبتك روحي .. تفتكر في يوم بتنساني ..
مايد : مستحيل انساج .. انسى روحي ولا انساج .. انسى اتنفس ولا انساج .. انسى العالم بكبرة ولا انساج .. انتي دنيتي .. انتي حياتي .. انتي شفتي حد ينسى حياته و شريكه عمره ..
مهره : حبيبي ..
مايد : قلبي فداج ..
مهره : تسلم فديتك .. حلمت حلم.. و الصراحه ازعجني هالحلم ..
مايد : وبشو حلمتي .. ليكون حلمتي بغيري ..
مهره : لا بس حلم انتي بمكان اخضر .. و فجاه شفتك و انته كنت تشوفني بسخريه .. و تضحك علي .. و عقب لحظات تحول اللون الاخضر للون الاسود و الاحمر ..
مايد : ( في هالوقت خاف انها كشفت امره ) امممممم .. يمكن كان شي مضايقنج و سيدة رقتي ..
مهره : لا .. امس موول ما تضايجت .. ولا حطيت بخاطري من حد .. بس ماادري احس ورا هالحلم شي ..
مايد : الصراحه ماادري ... مهره .. هذي الريم بخليها ترمسج ..
مهره : اوك ..
مايد : تامريني بحايه قبل ما اعطيج اياها ..
مهره : سلامتك حبيبي ..
مايد : يا حلات هالكلمه منج .. ربي يسلمج ..

وعط الفون للريم اللي كانت توها ناشه من النوم و بيدها كووب كوفي ..

الريم : مرحب ..
مهره : مرحبتين .. وينج من الصبح ادق لج ما تردين ..
الريم : كنت راقده ..
مهره : اكييد من السهر اللي سهرتيه امس ... هااا قوليلي بشو كنتي سهرانه .. اكيد تفكرين بحبيب القلب ..
الريم : سكتي عني ... امس طول اللي سلطان فديته مسج ورا مسج .. لين الفجر ..
مهره : لهاي الدرجه هب قادر يستغني عنج .. يا ويل حالي من حبك ... ( و تمت ساكت ) انزين الريم متى بتونا ..
الريم : عقب ما يردون من صلاه اليمعه ..
مهره : ميوود بيي وياكم ..
الريم : اعتقد لا ..
مهره : منو قالج ما بيي ..
الريم : انا بحرمه من الطلعه اليوم ..
مهره : الريم .. انا زعلانه منج ...
الريم : افا زعلانه .. و زعلانه من منو .. من الريم بنت راشد .. و شعنه زعلانه ..
مهره : انا شو كنت قايلتلج من فتره ..
الريم : اممم .. ما اذكر الصراحه انتي كل يوم قايلتلي شي ..
مهره : ابا صورة ميوود ..
الريم : تبينها بشرط ..
مهره : وشو شرط ..
الريم : تيبيلي صورة سلطان ..
مهره : ماطلبتي شي .. بعطيج سلطان بكبره جان تبين ..
الريم : اباه .. عطيني اياه ..

بهالوقت سلطان كان خاطف صوب مهره .. و مهره تاشر ع سلطان و تحط الفون سبيكر ..

مهره : شو تبين ..
الريم : اباااااااه اقولج ..
مهره : انزين شو اللي تبينه ..
الريم : سلطان فديت روحه ..
سلطان : وانا بعد اباج .. بس انتي اللي هب راضيه تردين علينا خبر ..
الريم : .....
سلطان : افا جنج ما تبين تسمعين صوتي ..
الريم : منو قال .. اصلن صوتك يسوى اصوات الانام كلهم ..
سلطان : الريم ..
الريم : لبيه ..
سلطان : متى بتردين ع ابوج خبر ..
الريم : عقب يومين ..
سلطان : جيه ليكون ما تبيني ..
الريم : منو قال ما ابيك .. انا ابيك .. و من اليوم لو ما عندك مانع ..
سلطان : فديت روحج والله .. عيل سيري رمسي عميه و قوليله موافقه ..
الريم: ان شاء الله .. غالي و الطلب رخيص ..
سلطان : الريم ..
الريم : الريم كلها تحت امرك ..
سلطان : تسلمين فديتج .. اممم انتي من صدق تبيني والا بس عشان انا احبج ..
الريم : اممم .. الصراحه الصراحه .. عشان ما اكسر خاطرك فيه ..
سلطان : اونه .. يعين انتي ما تحبيني ..
الريم : سلطان حبيبي الحب ايي عقب الزواج .
سلطان : يعني الكلام اللي كنتي تقوليلي اياه ما كان من خاطرج ..

الريم : منو قاال ... اصلن الحب شي صغير عليك .. انته قدرك اكبر من الحب ...
سلطان : الصراحه حيرتيني وياج .. انتي تحبيني من صدق والا لا ..
الريم : و ربي يا سلطان اني احبك ... واموت فيك .. حتى المشاعر ما اروم اوصفها من غلاك .. و من كثر حبي لك فكري بفكر .. حتى العوال لو بغو يرمسون .. حبنا انتشر و لم القلب بوصاله ..
سلطان : الريم غلايه الحين ترمسن ابوج ... و خلاص بملج عليه الخميس الياي ..
الريم : ان شاء الله ..
سلطان : الحين بخليج .. بسير اجهز للصلاه .. شي في الخاطر ..
الريم : سلامتك يا الغالي .. ومن صوبنا شي في الخاطر ..
سلطان : هيييه ..
الريم : امر ..
سلطان : ما يامر عليج عدو .. احبج و اموت فيج .. و يلا عااد سيري عند عميه و رمسيه ..
الريم : انزين الحين بسير له ..
سلطان : وناااسه ... يلا عيل .. فـ داعة الله ..
الريم : داعه الرحمن ..

و بندت عنه .. و على طوول اتجهت الي ابوها عشان تعطيه الموافقه ..

الريم : ماما وين بابا ..
ام مايد : ابوج في مكتبه يالس ..
الريم : انزين انا بسيرله تامريني بحايه ..
ام مايد : سلامتج يالغلا ..

و سارت المكتب عند ابوها ..

دقت الباب بكل خفه .. كل دقه تعبر عن خجلها و مدى حبها لسلطان .. صدق انها ما خذت وقتها بالتفكير .. لكن شتسوي حبيب القلب شاغلنها بكل وقتها ..

دق دق دق

بو مايد : حياج الريم حياج ..
الريم : كيف عرفت اني انا ..
بو مايد : اعرفج من دقتج ..
الريم : شحالك بابا ..
بو مايد : بخير ربي يعافيج وانتي اخبارج ..
الريم : طيبه طاب حالك .. بابا ..
بو مايد : عونج طال عمرج ..
الريم : عانك الرحمن فديتك .. بابا انا ( ونزلت راسها ) موافقه ع سلطان ..
بو مايد : يعني بهالسرعة مستعليه تروحين عني ..
الريم : لا .. بابا بس انته تعرف البنت لازم تعرس .. عشان يكون وراها سند بحياتها ..
بو مايد : دام انج قلتي جييه .. انا ابد هب خايف عليج .. سلطان ولد ويحبج و بيدير باله عليج اكثر من اي حد غيره ..
الريم : وانا بعد بحطه بعيوني و بوسط قلبي ..
بو مايد : عاااشت بنتي عاااشت ..
الريم : ههههه .. بابا .. اليوم نبا نظهر ..
بو مايد : وين بتسيرون ..
الريم : اي مكان .. ملينا ..
بو مايد : بعده الاجازة ما بدت و مليتي .. عيل باجر بتعرسين ... و سلطان طول الوقت بيكون في شغله .. ويا منو بتميم ..
الريم : ويا عيالي ..
بو مايد : جييييييه تتحرين من تسيرين عند سلطان بيكون عندج عيال ..
الريم : لا بابا .. انا اول شي بسكن ويا عميه في البيت .. و عقب لين ما اييون العيال يمكن نستقل في بيت بروحنا ..
بو مايد : زين والله .. والحمد لله انه ربج رزقج بخاله مثل ام سلطان و عم مثل بو سلطان .. و من صدق بيديرون بالهم عليج مثلنا .. و بيعاملونج احسن معامله .. و بيعاملونج احسج و احن معامله .. و بيظهرون الحب و الحنان اتجاهج ..

الريم : انزين بابا انا بخليك الحين .. بسير اجهز للصلاه .. تامرني بحايه ..
بو سلطان : اسالج .. صليتي الاستخارة قبل ما تقررين موافقتج ..
الريم : هيه ابويه ..
بو سلطان : عيل خلاص توكلي .. وربي يوفقج بحياتج و يهنيج ويا ريل ..
الريم : تسلم يالغالي .. لو اقدر اعوضك لو بشي من اللي عطيتونا اياه انته و ماما .. ما بقدر .*.. لانه اللي سويتوه بحقي اكبر .. و الصراحه لو سرت بيت سلطان ما بنسى شي من فضلكم .. و دوم تبكونون في راسي ..
بو سلطان : ( يحضن الريم ) فديت تربيتج يا بنتي .. يعل ربي يرزقج بعيال مثلج ..

وظهرت من عند ابوها و سارت و سبحت و جهزت للصلاه ..

في بيت بو سلطان :..

بو سلطان : يلا سلطان انزل بسرعه تاخرت ع الصلاه ..
سلطان : بابا والله بتلحق ع الصلاه لا تخاف ..
بو سلطان : اليوم اليمعه .. ويلا عااد انزل والا ما بنيوزك الريم ..
سلطان : كله ولا الريم .. خلاص خلاص انته سير المسيد وانا بلحقك ..
بو سلطان : بس لا تتاخر .. وان تاخرت خلاص الريم بنعافها ..
سلطان : بابا . خلاص الحين نازل ..

سلطان كان نازل من فوق واللي يشوفه يقول اليوم بيعرس .. كان الصراحه سامته بسفرته الحمره و كندورته الكركميه.. و الساعة البيضة اللي مرصعه بالالماس الفضي .. و ريحه عطره اللي انتشرت في ارجاء البيت ..

ام سلطان : ماشاء الله ع سلطوون .. غااادي قمر .. سميت به الرحمن ..
سلطان : يالغاليه هب اسويت احلى عن بو سلطوون ..
بو سلطان : فديتي دووم حلوو ..
ام سلطان : مثل ما يقولون هذا الشبل من ذاك الاسد ..
سلطان : لا اانا احلى عن بابا ..
بو سلطان : يلا لااااه خلنا من كلامك هذا .. وخلنا نسير المسيد ...

و ظهروا و ساروا المسيد ..

في المسيد عقب الصلاه صوب الباركناتبو سلطان شاف بو مايد ..

بو سلطان : السلام عليكم ..
بو مايد : عليكم السلام و الرحمه ..
بو سلطان : شحالكم ..
بو مايد : الحمد لله .. ومن صوبكم ..
بو سلطان : بخير ربي يعافيك .. ميوود شحالك ..
مايد : تمام عمي .. عمي عيل سلطان وينه ..
بو سلطان : في المسيد بعده ..
مايد : هذووه وصل ..

وصل سلطان و توايه ويا مايد و تخاشمو..

مايد : بابا عيل انته سير ويا عمي وانا و سلطان بنمر ع ماما و الريم و بنيكم بيت عميه ..
بو مايد : انزين عيل ..

وساروا بو سلطان و بو مايد بيت بو سلطان اكييد كل واحد بسيارة .. و ساروا مايد و سلطان بسيارة سلطان لانه مايد ياي ويا ابوه بالسيارة ..
وسلطان طول الدرب جاذبه عقله بشريكه عمره الريم .. اللي من صد حواليه يشوف خيالها .. اللي خطفت قلبه و امنها عليه ..

وصلوا الشباب بيت بو مايد :..

بيييييييييب بيييييييييييييب بيييييييييييييييب ..

مايد : عيل اانا بسير بييب مفاتيح السيارة وبزقر ماما و الريم ..
سلطان : اوك اترياك ..

يت الريم و سيدة حدرت سيارة سلطان .. ما كانت تعرف انها سيارة سلطان لانهم الحبايب مطقمين بالسيارات كل واحد منهم لكزس بيضة و مضلمة بالفضي ..

الريم : وشعنه تاخرت علينا .. ووينه بابا ..
سلطان : مرحب الساع و القلب خفاق ..
الريم : ( انصدمت من شافت سلطان ) مرحبتين .. سوري ما دريت انك صاحب السيارة ..
سلطان : عادي تراني انا اللي بوصلكم ..
الريم : انزين انا بظهر الحين بسير ازقر ماما ..
سلطان : مايد سار يزقرها .. و بتسير وياها .. وانتي بتسيرين وياي ..
الريم : انزين بخلي البشكارة تي ويانا ..
سلطان : شو تخافين مني ..
الريم : لا ما خاف .. بس انا بنت وانته ولد و الشيطان ثالثنا ..
سلطان : دام جيه .. عيل من اشوفها بخليها تي ويانا ..
الريم : انزين ..
سلطان : سولفت .. ونسيت اسال عن احوالج ..
الريم : ههههههه ... انا بخير دامني شفتك ..
سلطان : عسا حالج مديم ..
الريم : وياااك .. ومن صوبج شحالك ..
سلطان : بخير دام الابتسامه انرسمت ع شفايفج ..
الريم : دووم ان شاء الله ..
سلطان : ويااااج ..
الريم : ربي يسمع منك ..
سلطان : تعالي تعالي ...
الريم : هلا ..
[/align] __DEFINE_LIKE_SHARE__

[ملاك الروح] · 10-01-2009, 04:21 PM

[align=center]سلطان : رمستي عميه والا لا ..
الريم : ( منزله راسها ) رمسته ..
سلطان : وش قالج ..
الريم : هو اكييييد ما عنده مانع ..
سلطان : اقول حبيبي ..
الريم : هلا ..
سلطان : شرايج نملج الاثنين الياي ..
الريم : هب جنه واايد قريب ..
سلطان : ليكون انتي ما تبين الوصال ..
الريم : منو قال مابا ... انا اتمنى الوصال اليوم قبل باجر .. بس لازم اتجهز ..
سلطان : انزين بسرعة بتجهزين ..وجان عن التجهيز لا تحاتين انا بجهزج ..
الريم : سلطان حبيبي .. الخميس نملج احسن عن الاثنين ع الاقل يكون عدنا وقت ..
سلطان : دام انج قلتي حبيبي .. بامرج الخميس يعني نملج الخميس ..
الريم : ( نزلت راسها بمستحي .. و الرقه ذابحتها )..
سلطان : الريم .. تحبيبني ..
الريم : هيه احبك .. وانته تحبني ..
سلطان : لو ما احبك جان ما طلبت الوصال باقرب وقت ... اللي بالقلب صعب تعرفينه .. مخزونه المحبه و الغلا بعشق عروقي اللي ترويني ...
الريم : تدري انه الحركة اللي سويتها من فتره موول ما عيبتني ..
سلطان : اي حركه ..
الريم : يوم كنت ترمس ربيعك .. جنه حبيبك هب ربيعك ..
سلطان : ههههه .. مثل ما تعرفين سوالف التقردين ..
الريم : سلطان .. امممم عندي سؤال من خاطري ... ممكن تجاوبي بصراحه ..
سلطان : يا حلات الصراحه وياج .. اسالي يالغلا ..
الريم : كم بنت رسمت .. بصراحه ...
سلطان : الصراحه ... الصراحه .. ولا مرة ..
الريم : اكييييييييييييييييد ..
سلطان : افا .. بدا الشك يعني ..
الريم : لا ما بدا .. لكن .. نسيت سالفة مها ..

مها 19 سنه .. ما كملت دراستها ... كانت تحب سلطان من ايام الطفوله .. بيتهم حذال بيت بو سلطان .. صارحت سلطان باللي بداخلها يوم كان عمرها 15 سنه تقريبا .. يعني مثل ما تقولون حب يهال .. لكن سلطان كان وايد متعطف وياها .. كان يخاف انها تتعلق بواحد ما يعرف ربه و يضيعه وياه.. فعشان جييه تم وياها و حسسها بالامان ... لكن مها كانت تعرف انه قصد سلطان من هالعلاقة اللي بينهم .. تزوجت ولد عمها يوم كان عمرها 18 .. وعند منه ولدين توائم مثل القمر ..

سلطان : الله ياخذ ايام الحب الملعون ..
الريم : يعني مثل ما يقولون ما الحب الا للحبيب الاول..
سلطان : انزين انتي حبي الاول و الاخير ..
الريم : و مها ..
سلطان : انا قلت من بدايه علاقتها عن مها .. صدق انها هي اللي بدت تتحرش فيه .. لكن شو اسوي .. ما حبيت اكسر خاطرها .. و مثل ما تقولين مها مااضي و انتها .. وانا بعمري ما حبيته و لا فكرت فيها ..
الريم : و كلام الحب اللي كنت تصبحها م تمسيها اياه وين سار ..
سلطان : انا صدق قلت لها كل هذا لكن ما كنت احبها .. بس كنت احاول افهمها اللي تسويه غلط .. و الحين هي خلاص تزوجت ولد عمها ..و عنده منه ولدين .. يعني لا تخافين ما اروم ارجعها ..
الريم : انزين خلاص اسكت شوي ماما وصلت ..

نزل سلطان من السيارة و سلم ع خالته ..

سلطان : هلا والله بزينه الحريم ..
ام مايد : اهلين و سهلين ..
سلطان : شحالج الغاليه ..
ام مايد : بخير ربي يعافيك و من صوبك ..
سلطان : عسا حالج مديم .. بخير دامني شفتكم ..

مايد يغمز لسلطان و يقوله ..

مايد : هب عشان شفتنا .. عشان جحلت عينك بشوفت الغوالي ..
سلطان : تفهمها وهي طايرة ..
ام مايد : يلا خلونا نسير الجماعة يتريونا ..
سلطان : انزين خالوه عيل انا و الريم و البشكارة بنسير بسيارة .. وانتي و مايد و حملو الاغراض وياكم ..
مايد : وانا اقول ليش ياي ويايه ..
سلطان : عن الفلسفه الزايد ويلا سير انته و خالوه ..

في السيارة عن الحبايب سلطان & الريم ..

سلطان : شفتي حبي .. بك سهوله ركبتج وياي السيارة ..
الريم : عاادي الحين انته بحسبت ريلي ..
سلطان : دام اني بحسبه ريلج .. خلينا نسير الشقة مع بعض ..
الريم : اييييييييييه سلطان مابا ..
سلطان : هههههههههههههه.. شوي شوي حبيبي .. اعصابج .. كنت اتمصخر وياج .. يعني انا تشوفيني من شباب هالايام ويا هالمصاخه ..
الريم : ع بالي بعد ..
سلطان : حبيبي شرايج اليوم نظهر ..
الريم : وين نسير ..
سلطان : اي مكان .. بس اكون وياج ..
الريم : وحضرتك شو بتقول لبويه و ابوك ..
سلطان : عااادي .. اونه انتي و مهره بتظرون ويانا انا و مايد .. و كل واحد منا بيظهر ويا غلاه ..
الريم : اوك .. بس ما بنتاخر ..
سلطان : ههه جيه تخافين ..
الريم : لا تضحك ... و انا ما اخاف ..
سلطان : هي واضح ..
الريم : حبيبي تدري انك بكلامك هذا تخليني اعصب ..
سلطان : افا والله افا .. ما عاش من يعصبج ..
الريم : انزين ..
سلطان : الريم طلبتج ..
الريم : عيوني لك ..
سلطان : يعلني فدوه عيونج .. امم .. مرة ثانيه يوم بتزقريني زقريني حبيبي .. لا تقولين سلطان ..
الريم : ان شاء الله .. بس مثل ما تعرف حبيبي لازم جدام الاهل ازقرك سلطان حاااف ..
سلطان : هههههه .. فديتج والله ..
الريم : حبيبي ..
سلطان يا حلات هالرمسه منج ) قلبي كله بين ايدينج ..
الريم : تسلم فديتك .. اممم ... ترا عشان الظهره اليوم .. انا بقول لبابا انه انه و مايد بتظهرونا دبي مول ..
سلطان : والله فكرة ليش ما نسير دبي مول مع بعض ..
الريم : شفت عندك وحده تعيبك ..
سلطان : يا ويل حالي منج .. متى اللي تكونين ملك بين ايديني متى ..
الريم : عن قريب ان شاء الله ..
سلطان : ( يصرخ ) احــــــــــــــــــــــــــــــــــــــــبج ..
الريم : حبيبي هدي هدي .. نسيت انه فيه وحده غريبه من بينا ...
سلطان : ما اشوف حد قريب ..
الريم : و البشكارة .. ليكون تستويلك وانا ما ادري ..
سلطان : خلاص خلاص سكتنا ..

ووصلوا بيت بو سلطان ..

عقب ما اتغدوا الكل بو سلطان و بو مايد يمع العايله كلها ..

بو سلطان : دام انه الكل متواجد اليوم .. انا و بو مايد عدنا خبر حقكم ..
بو مايد : سلطان يا ولد .. انته مثل ما تعرف الحياه قسمه و نصيب ..
سلطان : عميه شو فيه ( و الدموع متروسه بعيدنه .. لانه من كلامه حس انه الكلام عن الريم )
بو سلطان : عمك بو مايد يبا يقولك انه ما يبي يزوج الريم بنته الحين ..

الريم انصدمت من كلام عمها .. لانها الصبح كانت مرمسه ابوها و ابوها كان موافق و كان فرحان .. و سلطان من السعادة اللي عاشها للحظات تخيب ظنه ..

بو مايد : يعني يا سلطان .. كل ابو يتمنا الستر لبنته .. لكن الريم ما بياخذها انسان غريب .. انته ولد عمها و من لحمه ولدمها ..
سلطان : و المطلوب عمي ..
بو مايد : الريم لازم تكمل دراستها في بريطانيا .. مثل ما تعرف عقب عيني ما بيكون عدها حد .. مايد بينشغ بشغله و عياله ... و الريم لازم تكون عمرها و تكون مستعده لاي شي .. فقبل شوي رمست عمك بالسالفة .. وان شاء الله عقب ما تخلص الريم من الدراسه برع بتملج عليها ...
سلطان : عميه ... لكن انا احب الريم .. و ما اروم اتحمل الرعد عنها اكثر عن جذه ..
بو مايد : يببو يا حريم .. ترا من اليوم اعلنا رسميا الريم حق سلطان ..
سلطان : عمييييييه .. تراني تخربط هب فااهم شي من اللي يستوي ..
بو سلطان : سلطان ترا عمك موافق ع انك تناسبهم .. بس كان يقولك جيه عشان يختبر حبك لبنته ..
سلطان : والله خوفتوني ...

مهره تمت موايه الريم .. و بنفس الوقت تفكر بمايد اللي لين الحين ما سوى اي شي عشانها ... تحس انه ما يحبها .. تشوف الفرق بين معامله سلطان للريم و معامله مايد الها ..

سلطان : عمييييييه ترا اليوم انا و مهره و مايد و الريم بنظهر ..
بو مايد : وين بتسيرون ..
سلطان : البنات ملانات .. فحبينا نظهرهم اليوم ..
بو سلطان : ع راحتكم اظهروا لكن لا تتاخرون ..
سلطان : ان شاء الله ..
مايد : سلطان .. وان شاء الله منو قالك اني بظهر وياكم ..
سلطان : ( يساسرة ) جييييه ما تبا تيلس ويا مهره شوي بروحكم ..
مايد : انا اليوم مواعد الربع نظهر نتعشا برع .. يعني اسمحلي ما اروم اظهر وياكم ..
سلطان : و مهره .. شو اقولها ..
مايد : انا ما يخصني .. والله انتو قبل ما تقررون بتظهرون جيه ما تخبروني .. يعني الريال في هالزمن ما عنده اشغال ...
سلطان : يعني الربع الحين اهم من مهره ..
مايد : لا مب اهم .. بس شو تباهم يقولون من حب اخت سلطان خلته خاتم من ايديها ..
سلطان : شو خاتم و شو هالكلام اللي تقوله .. ترا الصراحه انا بديت اخاف منك ..
مايد : خلاص خلاص انا بيي وياكم بس بنرجع قبل العشا ..
سلطان : انززززززززززين ع امرك حضرت السمو ..
مايد : اففففففف منك .. انا صاعد فوق اجهز ..
سلطان : يلا بنات قومن جهزن .. عقب صلاة العصر بنسير ..
الريم & مهره : هيييييييييه ..

وصعدن البنات فوق و صلن العصر و تلبسن و طقمن بعد ..
لبسن بنظلون جنز اسود و عليه قميض اسود مرسوم عليه بالابيض جماجم صغار و حطن السلاسل .. و احجلن و حطن كلوز وردي و لبسن عبايه مفتوحه مطرزة بالاسود ..
و نزلن تحت
شافوا الشباب ... كانو لابسين كندورة عنابيه و سفره بيضه ..

سلطان : ماشاء الله عليكم قمر قمر **
مهره : ادري اني قمر ..
سلطان : ههه.. قصدج شمس ..
مهره : لا والله ..

مايد : مهاري .. اصلن سلطان متقايض منج .. دام انه شافج اكيد حب استايلج ..
مهره : مب كل من طالعني معجب فيني .. بعضهم مشبهين بالقمر ..
سلطان : مالت مالت .. انا قصدي القمر اللي حذالج ..
الريم : فدينتي والله دوومي غاوية ..
ام مايد : هاا ما وصيكم عن تبطون .. و عن السرعه الزايدة ..
مايد : ان شاء الله ماما .. بس بسوق 190..
ام مايد : اشوف بس سو قهالسرعة .. لاحرمك من السيارة و الظهر ..
سلطان : ويييو هزيوووه وييييو ... خالو انا شاطر انا بس بسوق 50 ..
ام مايد : هيه سوق 50 .. واوصل باجر ..
الريم & مهره & مايد : هههههههه...
سلطان : عيل كم تبونا نمشي ..
ام سلطان : 80 ع الاقل ..
مايد : هب جنه ياليسن نضيع وقت ...
سلطان : جنه جيه ..
الريم & مهره : الحقونا لاه ..

ويسيرون و يركبون السيارة ..
ساروا بسيارة سلطان ..
وراء سلطان كانت الريم و ورا مايد كانت مهره ..

سلطان : احم احم ... وين تبون تسيروون ..
مايد : فستفل ستي ..
مهره : لا نبي مول الامارات ..
الريم : لا نبي دبي مول ..
سلطان: هيه خلونا نسير دبي موول ..
مايد : ع راحتكم سيروا وين ما تسيرون ..

و اتجهوا لدبي موول ..

صوب الباكناات .. الريم من كثر ما ترمس مهره .. كانت بتطيح .. لكن ...
واحد مسكها من خصرها ..

............: عسا ما صار لج شي ..
الريم : لا الحمد لله ..
...............: شحالج الريم ..
الريم : انته ... و ما شاء الله شو يايبنك هنيييييه ..

نهايه البارت :..

شو سالفه اللي مسك الريم من خصرها ؟!.. و منو يكون هالشخص ؟!..
شو بتكون ردت فعل سلطان يوم بيشوف هالشخص ماسك الريم من خصرها ؟!..
مايد .. هل بيقول لمهره عن لعبته والا بيستمر وياها ؟!..
[/align] __DEFINE_LIKE_SHARE__

Ł3βт мвđ3 · 10-01-2009, 07:54 PM

====================================

شو سالفه اللي مسك الريم من خصرها ؟!.. و منو يكون هالشخص ؟!..

امممم يًـمڪن يًڪۈن شڅص يًقرٍٍبڵها ×.×

شو بتكون ردت فعل سلطان يوم بيشوف هالشخص ماسك الريم من خصرها ؟!..

امممم بيًٺنرٍٍڣز هع هع

مايد .. هل بيقول لمهره عن لعبته والا بيستمر وياها ؟!..

اممممم
اعٺقډ بڅبرٍٍها

====================================

مشڪۈۈرٍٍة غڵاـآإيً ع اڵقصصة اڵغاـآإۈيًـِـِـِة
ۈ نٺرٍٍيًا اڵبارٍٍٺ اڵيًـِـِـِاـآإيً ^^"

__DEFINE_LIKE_SHARE__

[ملاك الروح] · 10-02-2009, 12:34 PM

[align=center]
part 4

صوب الباكناات .. الريم من كثر ما ترمس مهره .. كانت بتطيح .. لكن ...
واحد مسكها من خصرها ..

............: عسا ما صار لج شي ..
الريم : لا الحمد لله ..
...............: شحالج الريم ..
الريم : انته ... و ما شاء الله شو يايبنك هنيييييه ..
حمد : مفاجاه حلوه صح ..
الريم : انزين مودي شو شدراك انه نحنا هنيه ..
حمد : بعد وربيج .. من مصادر موثوقه ... ماما خبرتيني ..
الريم : قول جيه .. بس والله خوفتني ..
سلطان : ماشاء الله الاخ حمد ماخذنها سوالف ويا حبيبتي ..
حمد : ما اسمحلك تقولها حبيبتي .. هذي اختي و اخاف عليها من كلام الناس ..
سلطان : و الناس ان شاء الله شو بيقولون ..
مايد : انتوا الاثنين الحين بتضاربون عشان وحده جمالها جمال هندي ..
الريم : فديتني والله .. الكل معجب فيني ..
مايد : وي وي .. عن تصديق عمرج بس ..
سلطان : فديتها والله .. و زين ما اختار قلبي ..
مهره : الحين انتو بتموتونا من الحر و عشان منو عشان ست الحسن و الجمال ريموووه ..
الريم : هييييييه عشاني ..
سلطان : مشكله اللي يغااارون .. ( و يغمز للريم ) ..
الريم : خلونا ندخل نتمشي داخل ..
سلطان : ويت ويت .. الحين حمد ويا منو بيتمشي ..
حمد : اكييييييد وياكم . يعني ويا منو ..
سلطان : سوري جان بتتمشي ويا مايد و مهره ..
مايد : ومنو قال بنخليكم بروحكم ..
سلطان : يلا الريم حبيبي خلينا ندخل مع بعض .. و نسير نشوف فلم ..
الريم : ان شاء الله من عيوني ..

و الريم كانت خاطفه صوب سلطان الكل كانت نظارتهم عليهم .. مهره اللي كانت هب متاكد من حب مايد إلها .. يوم عن يوم حب مايد ينقص بقلبها .. مايد اللي ما ضحى بأي شي عشانها .. مايد اللي ما سمعت بيوم كلام حلو منه .. مايد اللي بعمره ما حاتاها ... مايد اللي بالايام ما تشوفه و لا تسمع صوته .. صدق انها خاطرها تقول للريم بكل ما تعانيه اتجاه مايد .. لكن مهما يكن ما تقدر تبوح للي بداخلها لين ما تتاكد من مشاعره اتجاهها ..

مايد : طاااع هذيل .. من صدقهم سااارو و خلونا ..
حمد : عيل شو تباهم يسوون .. انا اخليك ويا مهره بعد بروحكم .. ادري انك بتعب اختي بكلامك لكن شو اسوي الكل منكم عاشق ..
مايد : شو تخليني وياها .. تعال ويانا ..
حمد : يلا فـ داعه الله ..

مايد : ( فخاطره ) شو هالبلوه اللي تورطت فيها ..
مهره : مايد جنك ما تبا اتم وياي ..
مايد : منو قال .. اصلن انا اتمني اتم وياج باااقي العمر ..
مهره : مايد خلنا ندخل و نيلس في ستار بوكس .. عندي كلام ابغي اقولك اياه من زمان ..
مايد : ع امرج حياتي ...

صوب سلطان & الريم ..

سلطان : حيااتي اي فلم اخترتي ..
الريم : اممم .. انته شو عيبك ..
سلطان : انا عيبني هذا و هذا ..
الريم : اوك خلنا ندخل هذا ..
سلطان : ان شاء الله من عيوني ..

قبل ما يحدرون السينما لازم يشرون الاكل للسينما ... فالريم خذتلها نجز و فريز فراوله .. و سلطان بعد خاله فراخ و فيتامين سي ..

الريم : بعده 10 دقايق عن البدايه ..
سلطان : انزين بهاي الـ 10 دقايق خلينا نسولف ..
الريم : انزين عن شو تبانا نسولف ..
سلطان : الريم تدرين يوم عرسنا شو بسوي ..
الريم : شو ..
سلطان : بحدر القاعه و انا اصفر و اصفق ..
الريم : لا والله ... تحلم تسوي جيه ..
سلطان : انزين ما قلتيلي ليش ..
الريم : ليش ..
سلطان : عشان الفت انتباه الحريم .. و ما خليهم يشوفون حرمتي ..
الريم : هههه .. اشوف بس سوها .. جان ما تلقاني راده بيتنا ..
سلطان : كله ولا ترجعين بيتكم .. انا بروحي اتريا هاليوم ..
الريم : ........
سلطان : حبيبي ..
الريم : لبيييييه قلبي ..
سلطان : اممم كم خاطرج يكون عدنا عيال ..
الريم : امم .. بس اثنينه .. بنت وولد ..
سلطان : لا والله .. انا ابا 6 بنات و 6 اولاد ..
الريم : شو قالولك قطوه .. بس الله عليه ..
سلطان : ههههههه .. بجان ما طلعولج قروون .. يعني بنكون 13 ...
الريم : 13 .. لا 12 ..
سلطان : 6 بنات و 6 اولاد وانا بعد وياهم بتربيني ..
الريم : هههههههه ... خلاص انا بس ابي اربيك انته... مابا عيال ..
سلطان : خلاص انزين ماني عيال ..
الريم : لا انا ابي ..
سلطان : لا مانبي ..
الريم : اللي الله كاتبه ان شاء الله يصير ..

صوب مايد & مهره ..

مايد : وهذا و انا يالس وياج و بروحنا ..
مهره : انزين مايد ..
مايد : يلا قولي كل اللي عندج ..
مهره : مايد .. الصراحه انا احس انك ما تحبني .. احس بمعاملتك و معامله سلطان للريم فرق كبير .. احس انك جابر قلبك علي .. الصراحه لين الحين ما ادري بشعورك اتحاهي .. احس انــــ ....

وقع كلامها مايد ..

مايد : خلاص مهره خلاص . كفايه انه بكلامج هذا توجهين طعنات لقلبي ... انا اللي حبيتج من صدق و احساس جيه تقولين عني .. انا اللي حاولت اكتم حبج عشان العذال .. جيه تكون ردت فعلج .. خلاص مهره ... اللي قلتيه كفايه خلاص .. ما اروم اسمع اي كلام ثاني ..

مهره : ( والدموع غارقه بخدها ) مايد خلاص انسى الكلام اللي قلته .. بس الصراحه انته ما حسسيتي باللي سلطان حسسه الريم ..
مايد : خلاص مهره سكري السالفة ..
مهره : انزين بسالك سؤال ...
مايد : اسالي .. بس بدون طعناات بالقلب ..
مهره : انته تحبني ..
مايد : هذا سؤال تسالنيني اياها .. وانتي تعرفين جوابه .. هذا شي تقوله حبيبه لحبيبه اللي يخاف عليها من هب الريح اذا هبت .. من لمست الهوا اذ خالطه اوصافها .. يعني انتي لين الحين ما عرفتي انا شكثر احبج و ميت فيج ..
مهره : انزين ليش ما تحسسني باللي فيك ..

ويرن فون مايد ..
رن رن رن رن رن

مايد : مرحبا الساع .. بخير ربي يعافيك ومن صوبك .. هييه بيي ليش تسال .. اها .. اوك عقب صلاه العشا بكون عدكم .. سلملي ع الربع .. تسلم ومن صوبنا شي في الخاطر .. ربي يسلمك .. فـ داعه الله ..

يعني بهالمكالمه مايد انقذ عمره من مسائلات مهره اللي ما كان حاطلها اي جواب ..

صوب سلطان & الريم ..

سلطان : الفلم كاان روعه ..
الريم : هيييه ..
سلطان : احلة شي فيه .. اني كنت وياج ..
الريم : وانا بعد هاللي عيبني ..
سلطان : 3 ساعات مرن بسرعه .. تصدقين ما حسيت بالوقت ...
الريم : سلطان خل نحدر هالمحل اشوف عنده اكسسوارات و بدل و فساتين روعه ..
سلطان : اوك ..

وحدرو المحل ... و الريم اشترت عنابيه ( بنطلون عنابي و عليه تنورة بالعنابي الفاتح و بدي عنابي و عليها جاكيت نص كم بالعنابي الفاتح و كرفيته بالعنابي ) ..و خذت لها كمن حلق و اكسسوارات حق العباه ...
واول ما ظهروا من المحل لفت انتبه الريم بدله شبابيه حبت انها تاخذها لسلطان ..

صوب مهره & مايد ..
مهره اللي تبي تروح من معامله مايد الها .. و مايد اللي يبي الفكه من مهره.. ففكر انه يضيعها ..

مايد : مهره حبيبي ترييني شوي هنيه بسير اغسل ايدي و برجع ..
مهره : ايدك ما فيها شي ..
مايد : لا قبل شوي كنت لامس الطاوله و يمكن كان فيها شي يلصق ..
مهره : اوك .. بس لا تتاخر علي ..
مايد : و اشلون اقدر اتحمل ابتعد عنج زيادة ..

وسار عنها بعيد بعيد و مهره اللي يالسه في مكانها و تحاتيه .. و حرقت فونه لكن ما يرد عليها الا يوم سلطان دق له و قاله انه يترياهم صوب الباركنات .. دق مايد لمهره و قالها تيه صوب المطاعم و عقب ساروا صوب الباكنات .. و مهره طول الدرب كانت متاففه من معامله مايد الها ..

مرن هاليوم ع حالهن .. كلن لاهي بشغله .. سلطان اللي ما كان يفوت يوم الا و هو سامع صوت الريم و ذايب بهواها .. و مهره اللي تحاول تتقرب من مايد لكن للاسف ما في اي مجال ..

في بيت بو سلطان :..

سلطان : ماما .. دقي لخالوه اكدي عليها الملجه عن ينسون ..
ام سلطان : والله ما بينسون .. حد ينسى يوم مثل هذا ..
سلطان : انزين دقي و اكدي عليهم ..
ام سلطان : زين ذكرتني .. عمك بو مايد كان يباك بموضوع ضروري ..
سلطان : عميه .. وجيه ما خبرتيني من قبل ..
ام سلطان : والله توني بس افتكر ..
سلطان : انزين ماما انا الحين بظهر بسير بيت عميه بشوفه شو يبا .. تامريني بحايه ..

ام سلطان : سلامتك . بس دير بالك ع حالك ..
سلطان : ان شاء الله يا ام سلطان ..

و على طوول اتجهه سلطان لبيت عمه ...

فتح بابا الصاله ...
سمع صوت الاغاني هازه البيت بكبره ..
شاف الريم معليه ع الاغاني و يالسه بروحها في الصاله و ترقص ..
تم يشوفها بدون ما يصدر اي صوت ..
اول ما خلصت الاغنيه ..

سلطان : ( يسوي عمره معصب ) ما شاء الله فاتحه البيت دسكوو..
الريم : ( تاخذ شيلتها و تلبسها بسرعه ) هااا ما سـ سـويت شي ..
سلطان : وهذا اللي يالسه تسويه من ساعه .. شو تسمينه .. الحين لو حد حادر بيتكم و شافج بهاللي انا شفتج فيه شو بيقولن عنج ..
الريم ( تصيح مثل اليهال ) اهئ اهئ ...

سلطان بهالوقت مااات عليها من الضحك .. و سار و حضنها بالقو و شغل الاغاني و تم يرقص ..

الريم : اييييييييييييييه ليش سويت جييييييه .. والله خوفيتني ..
سلطان : كان خاطري اشوف دمعتج ولو لحظة ..
الريم : اهون عليك يعني ..
سلطان : كل البشر يهونو يذرفون الدمعه و لو بحر .. لكن اغلى البشر و شلون يهون لي يذرفون دمعه وانا موجود ...
الريم : انزين و ليش ياي بيتنا .. انته تعرف ميوود هب موجود ..
سلطان : يعني اعتبرها طرده ... شكرا شكرا ..
الريم : لا ما اقصد جييه .. بس ما احيدك تحدر بيتنا و مايد هب موجود .. يعني اكييد عندك شي ..
سلطان : عميه كان يباني .. تعرفين يعني ما يروم يستغني عني .. اللي يقول استويت شريك حياته ..
الريم : يا ويلي شريك حياته مرة وحدة .. سير سير عند بابا احسن لك ..

سلطان : افا .. ما هقيتج تبين الفكه مني ..
الريم : ما اكون بنت راشد لو كان قصدي جيه ..
سلطان : ماعليه .. ما اروم ازعل عليج .. مهما يكن انتي قلبي اللي عايش عشانه ..
الريم : فديتك والله .. المهم سلطان .. يلا سير عند بابا .. عن يغير موعد الملجه ..
سلطان : صح نسيت اني ياي عشان عميه .. من يشوفج صدق ينسي عمره و ينسي اللي حواليه .. بس شقول ..
الريم : لا تقول شي ..
سلطان : انزين حبيبي تامرين بحايه ..
الريم : سلامتك يالغالي ..
سلطان : ربي يسلمج و يسمنج ..
الريم : ربي يسمع منك ..

و سار سلطان عند عمه بو مايد ...

دق دق دق ..
[/align] __DEFINE_LIKE_SHARE__

[ملاك الروح] · 10-02-2009, 12:35 PM

[align=center]بو مايد : حياج يا ام مايد ..
سلطان : احم احم .. انا سلطان هب خالووه ..
بومايد : السموحه منك ..
سلطان : مسموح عميه ..
بو مايد : سلطان انا اليوم زاقرنك .. لانه عندي موضوع مهم بينك و بين الريم ..
سلطان : بيني و بين الريم .. عميه شو الموضوع تراك نرفزيتني ..
بو مايد : انزين اصبر شوي بزقر الريم ..

سار بو مايد و زقر الريم ..

يلس بو مايد ع كرسي و يلس سلطان و الريم خذال بعض مقابلينه ..

بو مايد : اليوم يالغوالي يمعيتكم .. عشان اخذ رايكم بموضوع وايد مهم ..
الريم : بابا شو السالفه ..
سلطان : عميه تراك خوفيتنا ..
بو مايد : اطمن يا سلطان السالفه ما فيها شي .. بس انته تبا الملجه الخميس يعني عقب يومين صح ..
سلطان : هيه عمي ..
بو مايد : الريم انتي موافقه انها تكون عقب يومين ..
الريم : هيه موافقه .. ليش ليكون سامع شي ..
بو مايد : لا ما سمعت شي .. بس انا اقترح عليكم انكم تأجلون الملجه لين عقب نهايه المدارس .. عشان تسوون الملجه و العرس بوقت واحد ..
سلطان : مافيها فرق عمي .. بس انا الحين ابي املج ع الريم عشان يرتاح قلبي انها ما بتكون عند ريال غيري ..
بو مايد : لا تخاف الكل يعرف انك تحب الريم .. و الكل يعرف انه الريم بعد تحبك .. بس انا اقول جيه عشان الريم ما تلتهي عن دراستها وياك عقب الملجه .. يعني مثل ما تعرف البنت اهم شي لازم تكون عدها النسبه الزينه عشان تكون فخر لاهلها و تساهم في تاسيس المجتمع ..

الريم : انا رايي من راي بابا ..
سلطان : يعني اثنينه ضد واحد ..
بو مايد : هب اثنين ضد واحد .. بس ابغيك تفكر بمصلحت الريم .. و لا تحاتي الريم خلاص محيره حقك .. و مثل ما يقولون البنت لولد العم ..
سلطان : دام انه للريم المصلحه يهون عليه اتنازل عن دنيتي كلها عشانها .. بس سيده عقب ما تخلص دراستها العرس ..
بو مايد : ان شاء الله عقب النتايج بيوم انه ماخذ الريم عندك ..
الريم : بابا واذا كان عندي دور ثاني .. ما بسير عند سلطان ..
سلطان : اصلن من تبتدي المدارس انتي ما تعرفين غير كتابج .. هذا اذا تحبني ..
بو مايد : دام انك لين الحين ما خذيتها عذبتها بالكلام .. لو خذتها شو بتسويبها ..
الريم : بابا لا تخاف انا بتم عندك ..
بو مايد : لين الحين مو مصدق دلووعه البيت بتروح عني ..
سلطان : وين بتسير .. الا بتكون عند ولد عمها .. وجان تبا من الفجر بييبها عندك لين الصبح ..
بو مايد : لا تخليني اخلي بنتي عندي احسن ..
الريم : هيه بابا خلني عندك .. عشان ناس يذوبون بهواي ..
سلطان : ياويل من هواك و من محياك .. ويل قلبي لو طرو اسمك ذوابي .. ويلي انا من همسك ومن رعشت عيونك ..
بو مايد : احم احم .. نحن هنا ..
سلطان : انزين عميه اطلع برع و خليني ارمس الريم ..
بو مايد : احلف انته بس .. الريم غلاتي .. قومي صعدي حجرتج .. ناااس بيذوبون هنيه علينا ..
الريم : ان شاء الله بابا .. تامروني بحايه ..
بو مايد سلامتج فديت روحج ..
سلطان : طاااع يتفداها وانا يالس ..
بو مايد : لا تخليني ما ايوزك اياها ..
سلطان : كله ولا زعل عميه .. انته الخير و اللبركه ..
بومايد : انته بس تقردن للمصلحه .. ادريبك ..
الريم : يلا عيل اخليكم .. فـ داعه الله ..

وظهرت و سارت صوب المطبخ ..

سلطان : حتى انا عميه استاذن .. تامرني بحايه ..
بو مايد : دام القمر روح اكيد بتستاذن ..
سلطان : و حد يخلي نور القمر يالس بروح .. بس اسمحلي يالغالي شويه مشغول ..
بو مايد : دامك مشغول مسموح .. بس لا تقطعنا ..
سلطان : و حد يقطع الخير كله ..
بو مايد : ما تيوز من كلامك الحلو ..
سلطان : طالع عليك انته و بابا .. يلا عيل عميه اخيلك الحين .. فت داعه الله ..
بو مايد : ربي يحفظك ..

وظهر سلطان من عند بو مايد .. و لمح الريم حادره المطبخ .. فيعني هالعاشق ما يخلي الريم بحالها .. لازم يذوبها و يغريها بكلامه العذب ..

اول ما حدر سلطان المطبخ .. شاف الريم عاطتنه ظهرها و تشرب ماي .. وعقب ما خلصت الشرب ..

سلطان : احم احم ..

لبست الريم شيلتها ..

الريم : هلا سلطان ..
سلطان : ابي مااي .. صبيلي ..
الريم : انزين ..

وصبت له ماي ..

سلطان : حتى الكوب الثاني صبي فيه ماي ..
الريم : ليش ..
سلطان : عشان انتي بعد تشربين .. والا انا ما بشرب ..
الريم : انزين ..

و صبت لها كوب ماي بعد .. و ناولت سلطان كوبه .. و شربه و عطاه الريم ..

سلطان : يلا اشربي ..
الريم : شربت ..
سلطان : لا ما شربتي .. يلا خلصيه كله ..

الريم كانت بتسكب الماي اللي في الكوب .. لكن سلطان مسك ايدها و خذا الكوب و شرب الماي اللي فيه ..

سلطان : يعني بدال ما تسكبينه عطيني اياه .. تراه عسل ع قلبي ..
الريم : سلطان ..
سلطان : منو سلطان ..
الريم : حبيبي ..
سلطان : جييييه زين .. عيوووون حبيبي ..
الريم : انته متضايج من اقتراح بابا ..
سلطان : لا هب متضايج .. لانه كلام عميه صح .. وان ملجت عليج الحين .. بتهملين دراستج ..
الريم : حتى انا كان رايي جيه من البدايه بس خفت اقولك ..
سلطان : دام انه هالشي لمصلحتج .. ابيع الدنيا عشانج ..
الريم : تسلم فديتك ..
سلطان : حبيبي في شي يدور فبالي .. خاطري اقولج اياه ..
الريم : شي فبالك وانا موجوده .. ابدن لا تحلي شي فبالك قول اللي تبي تقوله ..
سلطان : لو تقدم لج حد غيري بتوافيق ..
الريم : مستحيييييييييييييييييييييييييل .. تعرف شو يعني مستحيل ..
سلطان : دام انج قلتي مستحيل .. حبج عن اول يزيد .. انتي ما جستي نبضات قلبي اللي تتدفق بكل دقه بحبج .. انا ما عشتي سعادت الحب اللي عشتها بحنانج .. انتظر ليله زفافج لاكون بقربج ذخر ..
الريم : سلطان الحين روح عن يمنعون الزياره عنا بعد ..
سلطان : صدقج والله .. تامرني بحايه ..
الريم : سلامتك يالغالي .. بس دير بالك ع حالك ..
سلطان : من عيوني حبيبي .. بس ها هب ترقدين بدون ما اسمع صوتج ..
الريم :تامر امر حبيبي ..
سلطان : يلا عيل فـ داعه الله ..
الريم : داعه الرحمن .. القلب داعيلك ..

و مر هاليوم ع خير مثل باقي الايام .. و مرت الايام بلمحت البرق لي ضوي .. مرت اجازة المدراس بسرعة .. لكن مع ذلك الريم كانت تتمنى انها تمر و خلص عشان جمعتها هي و سلطان في سقف حجره وحده ..

قبل المدراس بيوم .

الريم تتريا مهره و حمد يمرون عليها عشان تتشرا باقي اغراض السكول ..

طووووووووووووط طوووووووووووووووط طوووووووووووووووط..

مهره : اففففففف بلاها الريم تاخرت بسير اشوفها ..

توها مهره فاتحه بابا الصاله الا و تشوف مايد ظاهر ويا الريم ..لكن ما عطاها اي اعتبار ...

صوب سيارة حمد ..
الريم يلست جدام و مهره تبا تيلس جدام ..
مهره : انزين سياره اخويه .. وانا اللي بيلس جدام ..
الريم : حتى سيارة اخوه انا هب بس اخوج انتي ..
مهره : بس احتراما لكبر سنج بيلس ورا بس في الرجعه بيلس جدام ..
الريم : اوك بفكر ..

وساروا و اتجهو لسيتي دبي .. و اشتروا كل الاغراض اللي يحتاجونها ..

وفي الرجعه ..

الريم : حمد الوقت بعده .. ما نبا نرجع الحين ..
حمد : عيل وين بتسيرين ..
الريم : اي مكان ..
حمد : ماشاء الله شايفتني دريول عندج ..
الريم : لا محشوم يا خوي .. بس والله المدارس بااجر و اكيد ما بيكون النا بارض تظهر .. فيعني لو تكرمت ما ترجعنا الحين ..
مهره : بليييييييييييييييييز ..
حمد : انزين وين بتسيرون ..
الريم : حمد مر صوب محل المها لتمصم بطاقات المناسبات ..
حمد : هل كثر مستعيله ع العرس .. بعده جدامج شهور ..
الريم : يلا مر خاطري اشوف التصاميم ..
حمد انزين ..

ومر حمد حسب رغبت الريم صوب محل المها..

الريم : يلا مهره انزلي ..
مهره : مالي خاطر انزل .. بترياكم هنيه في السيارة ..
حمد : ترا هنيه فيه الدودوة كبير .. عن ياكلج ..
مهره : عن تخوفني بس ..
حمد : نزلي احسن لج .. لانه هالشارع يا كثر الاجرام اللي يصير فيه ..
مهره : لا تخاف انا ما بفتح الباب .. و سيروا انتو و لا تبطون عليه ..
الريم : ان شاء الله ..

و نزلوا و حدرو المحل .. و انفتح قلب حمد لاول مرة بحياته .. ما يدري هل هو اعجاب ام صدق مثل ما يقولون حب من اول نظره ..
جاف راعيه المحل .. الصراحه كانت في قمه الروعه .. كانت لابسه هذيج العباه المفتوحه المطرزة بالعنابي .. و كانت مطلعه شوي من قرتها ( قصتها ) ... يعني الصراحه اللي يشوفها ما نلومه اذا طاح و هو غشيان ..

مها راعيه الصالون .. بنت يرانهم اللي كانت تحب سلطان ..
[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«غيماريش الوصل» على صفيح ساخن	راعـــ الــحــب ـــي	رياضة محلية و عالمية	1	05-10-2010 09:37 PM
التحاليل الاخبار##تفيد او لا تفيد	محروم.كوم	منتدى أخبار المواقع والمنتديات العربية والأجنبية	0	05-10-2010 10:30 AM
خــيل شـيخ حـرب......	محروم.كوم	منتدى أخبار المواقع والمنتديات العربية والأجنبية	0	10-13-2009 01:30 AM
كلاب صـيد.مـدربات.للبيع	محروم.كوم	منتدى أخبار المواقع والمنتديات العربية والأجنبية	0	07-06-2009 06:40 AM
صـدى صــوؤؤتك ..!$	ღЯмşħ αℓ3ίήღ	شعر و خواطر	4	02-19-2009 04:05 PM