وش تفيد الملامه دام دمي سفيح .!~ - الصفحة 4

[ملاك الروح] · 09-26-2009, 01:53 PM

سلطان يركض و ينزل تحت..

سلطان : عساج ما تعورتي ..
الريم : ريولي تعورني ..
سلطان : دام انج كل ما بتحضنيني مرة ثانيه لا تشردين ..
الريم : ههههههه..

سلطان يشل الريم و يدخلها الصاله ..
واييب لها ثلج و يحطه ع ريولها .ز

سلطان : تدرين اليوم احلى يوم ..
الريم: ياحبك لهالمواقف ..
سلطان : فديت روحج فاهمتني ..
الريم : ههههههه...

يحدرون قوم مايد & حمد & محمد

حمد : قلنا هاليوم ما بيمر بخير ..
محمد : هاا يالعاشق شو تسوي ..
مايد : لو ما كان سلطان ولد عمي ... جان الحين ارتكبت فيه جريمة ..
سلطان : جريمة ليش ... الحمد لله انا ما سويت شي ...
حمد : اقص ايدي اذا ما سوو شي ..
الريم : بس اتعشينا مع بعض ..
محمد : احلى عشاء فلافل و شوارما ..
سلطان : فلاقل و شوارما هذا للي قدركم .. لكن انا و الريم كلنا مشاوى ..
مايد : اه يا الزطي ..
الريم : فديته سلطون هب زطي ..
سلطان : اخ يا قلبي ... حبيبي ..
الريم : عونك ..
سلطان : عاننج الرحمن ... لا تقولين كلام حلو جدامهم ... عن العذال يحسدون ..
محمد : اي حسد يا حسرة ..
حمد : الحمد لله انا حبيبتي كل يوم كلام حلو ..
الريم : حبيبتك ... هااا من ورانا ..
مايد : الريم ... سيري صعدي حجرتج ..
الريم: ليش ...
مايد : ترا سلطان عيونه بتنطر من كثر ما يشوفج ..
الريم : فديت عيونه ..
سلطان : فداج قلبي ..

محمد :انزين انا بستاذن عنكم .. بروح ...
مايد : توه الناس ...
محمد : شو توه الناس الحين 3 و نص ... شوي و بيان الفجر .. خلنا نروح نريح ورانا صلاه ..
حمد : اووه اونه الريال مسلم . قلتكم ولد خالته السديس محد صدق ..
سلطان : يلا حتى انا بروح .. مثل ما تعرفون انا اللي يايبنهم لازم اردهم .. حبيبي تامريني بحايه ..
الريم : دير بالك ع روحك .. و من صوبنا شي في الخاطر ..
سلطان : اول ما نظهر سيدة رقاااد ما عدنا بنات يسهرن ..
الريم : ان شاء الله حياتي ..

وروحوا الشباب و الريم سارت حجرتها قرت قران لين اذان الفجر

في بيت بو سلطان :...

سلطان صحا ع الساعة 10 و نص ع رنه فونه اللي فزته من رقاده ..
اللي كانت رنت الريم .. كانت رنتها ابيك اليوم للمغني ابراهيم الحكمي ..
ابيك اليوم اليوم اليوم .. احبك دوووم ... ياكل الدنيا ... يا اجمل دنيا ... حبيبي ما دريت الشوق عذبني .. ولا ظنيت ابد في يوم تتعبني ... حبيبي انته ع بعدك شيصبرني .. وانته يا روحي توصيني .

كانت هالرن تدل ع وصل اول مسج لهذا اليوم و كان احلى مسج لسلطان ... و كان المسج هو :...

يقولوا البعيد عن العين بعيد عن القلب
يا ويلك تفكر تغيب و تنسى اللي حبك موت

احبـــــــــــــــك ..

سلطان اول ما قرا المسج سيدة فز من فراشة . و قام و سبح و لبس و نزل تحت ..

في الصاله :..

ام سلطان & بو سلطان & حمد اللي كان ناش من 9 الصبح ..

حمد اول ما شاف سلطان :..

حمد : بابا ...
بو سلطان : لبيه ..
حمد : لبيتك روحي .. ما سمعت عن اللي بيخطب ..
بو سلطان : في وايد يخطبون .. انته منو قصدك بالضبط ..
سلطان : يقصدوني انا ...
بو سلطان : انته ...
ام سلطان: ماشاء الله ولدنا كبر .. و اللي باقي الحين نسير و نخطبله الريم ..
بو سلطان : الريم ... ماشاء الله عليها .. بنت و نعم البنات ... بنت رزينة و متربيه احسن تربية ..

حمد : انزين عقب ما تخطبوله .. سيروا اخطبوا لي ..
ام سلطان : انته اول خلص دراستك و اشغتل و عقب فكر بالعرس ..
حمد : انزين البنت بتطير عقب عني ..
بو سلطان : ومنو هاي البنت ..
حمد : عيب ما يقولون ..
بو سلطان : الحين انا اللي قلت بيقولي و بسير برمس اهلها تقولي عيب ما يقولون.. خلاص الحين دور غيري خل يخطبلك ..
حمد : اصلن محد بيخطبلي غيرك ... انا مالي غنا عنك ..
سلطان : انزين بابا .. لا تخطبله الا اذا قالك منو هاي البنت ..
بو سلطان : هيه قولي و عقب بخطبلك .. والا بطير من ايدينك ..
حمد : ابا ... ابا ... الصراحه ما اعرف ..
ام سلطان : يعني لين الحين مافي وحدة في البال ..
حمد : الصراحه ... لا ... انا ابي وحده جيه مثلج .. لو كانت عندي بنت عم جان خذتها ..
سلطان : لووو ..
بو سلطان : انزين سلطان ... اذا الحين خطبنالك الريم .. متى تبون العرس ..
سلطان : ابويه انا و الريم متفقين ع كل شي .. و الخطبه بتكون في اجازة الربيع .. و العرس عقب ما تخلص الثنوية ..
بو سلطان : ما شاء الله .. ذكريتني بامك ربي يحفظها ..
حمد : شو بلاها بعد ماما ..
بو سلطان : انا وهي كنا نتواعد يوم كنا نسير بيت يدنا في المطبخ ..
ام سلطان : يوم حد ايينا نسوي عمرنا نطبخ ..
حمد : صدق انكم بلابل عشق ... ما تتخلون بروحكم ..
ام سلطان : ( تضربه ع جتفه ) الحين نحنا ما نتخلا بروحنا ..
حمد : اخاف بابا يسويلج شي ..
بو سلطان : شو قالولك باكلها ... فديتها من حبيتها ما قلتلها شي زعلها ..
سلطان : بابا ..
حمد : لين الحين بابا .. وانته باجر بيكون عندك عيال .. استح ع ويهك يا ريال ..
سلطان : جب انته ..
بو سلطان : هاا سلطان ..امر ..
سلطان : انزين متى بتخطبلي الريم ..
بو سلطان : اليوم بنسير نتعشا بيت عمك و برمس عمك بالموضوع ..
سلطان : ( يبتسم من خاطره ) اوك ...عيل دام اليوم بترمس عميه عيل انا بخطبلك ..
ام سلطان : ( تطااع بو سلطان ) سوها و بتشوف ..
بو سلطان : اصلن انا ما اروم اسويها ..
مايد : علينا ..و انته من وراها ماخذ عشره ..
بو سلطان : سلطان يووز ..
حمد: سلطان لا تخليني اقولهم انك متزوج اجنبيه ..
سلطان : واابوكم يالوهقة ..
ام سلطان & بو سلطان : ههههههههه... يزاك ..
سلطان : الحق بعمري احسن .. باااي ..

ويظهر عنهم وسيدة يتوجه لبيت عمه :..

الريم كانت يالسه ويا مايد اخوها ...

الريم : ميوووود قوم لا العب وياي ..
مايد : قومي لاه .. تتحرين عمرج ياهل .. كم من يوم وبتنخطبين ..
الريم : انزين يلا لاااه ... بلا انخطب ولا شيات ... قوم يلا وغلات مهاري ..
مايد : مابا ..
الريم : عشان غلاها ..
مايد : اذيتينا لاااه .. غلاتها و غلاتها ... افففففف هب حب هااا ..

الريم انصدمت من ردت فعل مايد ..

الريم : ميوود بلاك ع مهره ..
مايد : لا بلايه شي ولا شيات .. قومي عني و فكيني ..

طلع مايد و دعم سلطان اللي كان توه بيحدر الصاله ..

سلطان : هلا مايد ..

مايد ما رد عليه و طلع بسرعة

حدر سلطان الصاله :..

سلطان : مرحب الساع و العيون لاوساع ..
الريم : مرحبتين .. شحالك ..
سلطان : بخير ربي يعافيج .. ومن صوبج فديتج ..
الريم : عساه حالن مديم .. بخير دامك بخير ..
سلطان : ويااااج ان شاء الله .. الا ميوود بلاه ..
الريم : ما ادريبه الا معصب عليه اليوم ..
سلطان : يعصب ع غلايه وانا موجود..
الريم : الصراحه انا بديت اشك في ميوود اخوي ..
سلطان : اتشكين .. اتشكين بشو ؟!..
الريم : حب مايد و مهره ..
سلطان : حبهم جييييه حبهم بلاه .. جنهم عصافير ..
الريم : الصراحه ما ادري .. بس خايفة من حبهم ..
سلطان : لا تخافين .. هذا ولد عمها و اكيد بيخاف عليها من كل شي ..
الريم : قبل شوي كنت اقوله و غلات مهره .. يقولي هب حب هاا ..
سلطان : يمكن ميووود الحين متضايج من شي او معصب ...
الريم : بس اول مرة يقولي جييييييه ..
سلطان : انا مثل ما اقولج ولد عمها .. يعني بيخاف عليها حتى من نسمت الهوا ..
الريم : ربي يكتب اللي فيه الخير ..
سلطان : حبيبي ...
الريم : لبيييييه ..
سلطان : لبيتج روحي .. اممم .. توني رمست ابويه اني ابغي اخطب ..
الريم : ( منزله راسها ) انزين و شو قال ..

سلطان : اليوم ع العشا بيرمس ابوج ..
الريم : ( منزله راسها من المستحى ) اها ..
سلطان : هاا ماا قلتيلي موافقه والا لا ..
الريم : وانته شرايك ..
سلطان : الصراحه ماادري اذا هب موافقه بنسير ندور غيرج ..
الريم : ترووم انته بس ..
سلطان : انزين قوليلي موافقه والا لا ..
الريم حركت راسها ع انها موافقه ..
سلطان : يلا قولي هيه والا لا .. مابا حركات ..
الريم : هيه ..
سلطان : شو هيه ..
الريم : موافقه اكون حرم الشيخ سلطان بن محمد ال.............
سلطان : فديت هاليوم انا .. متى الا بس اعرس ..
الريم : بتعرس لا تخاف ..
سلطان : اخاف اموت من شوقي ..
الريم : بسم الله عليك من الموت .. يعل يومي قبل يومج ..
سلطان : لا والله .. لا يومج قبل يومي ولا شيات .. اللي مكتوب عند الله ..
الريم : فديتك والله ..
سلطان : انزين حبيبي خالوه وين .. بسير اخبرها ..
الريم : في الصاله الثانيه ..
سلطان : انزين يلا انا بسيرلها و برجعلج .. تامريني بحايه ..
الريم : حطنا في البال ..
سلطان : من غـلاك اتخيلــك دوم فـعيونــي
شوف حالي كيف عـقبــك مـخطرى
لك غلا لك حب في دمــي مـخـزوني
يا لزيمــي حتى في نومــي ترى
الريم : يا ويل حالي .. عن اذووب بس ..
سلطان : سنن وقلبي ذااايب في هوااااك..
واللحينه بكل سهوله انصدم بطبيعة مشاعر قلبك اللي تموت فيه ..
الريم : سلطان حبيبي سير عند ماما عن تتاخر عليها ..
سلطان : تبين الفكة مني ...
الريم : لا حبيبي .. بس ع الاقل خل امي تعرف انك هنيييه ..
سلطان : اوك .. بس لا تسيرين مكان ..
الريم : ان شاء الله ..

ويرن فون سلطان :..

سلطان : هلا حبيبي .. بخير دامكم بخير ... ان شاء الله بييكم لا تحاتون .. حتى انا اشتقتلكم .. مي2 .. سلامتكم ومن صوبنا حبيبي .. ديروا بالككم ع حالكم تراها تهمنا .. هههه.. ان شاء الله فديتكم .. فـ داعة الله ربي يحفظكم ..

الريم : ( بشك ) كنت ترمس منو ؟!...
سلطان : حبيب قلبي ..
الريم : حبيب قلبلك .. والا حبيبت قلبك ..
سلطان : الصراحه ما اعرف شو اقول ..
الريم : سلطان تخوني .. وانا موجودة .. انا اللي حبيتك .. خلاص انساني ..

و تدمع عيونها كانها شلالات .. و تصعد لحجرتها و تفر عمرها ع شبريتها و تشكي عمها لحجرتها اللي انترس همووم ..

سلطان : بلاااه الريم عصبت ...

سار سلطان صوب ام مايد و خبرها انهم اليوم بيوون عند العشا ...

و ع طول سلطان ما سار يراضي الريم لانه بيخليها شوية جيه و ع العشاء بيفهمها كل شي ..

بيت بو سلطان :..

مهره : ماما ..
ام سلطان : هااا غلاتي شبغيتي..
مهره : ابا اسير عند الريم .. مليت من كل شي ..
ام سلطان : انزين اتصلي لاخوج و قوليله يمرج ..
مهره : ما يرد عليه ..
ام سلطان : انزين انتي بدلي و جهزي و انا بحاول ادقله ..
مهره : انزين ..
ام سلطان : ترا اليوم بنتعشا بيت عمج .. و سلطان اخوج بيسويلكم مفاجاة ..
مهره : اكيد بيخطب الريم ..
ام سلطان : هيه ..
مهره : انزين ماما الحين انا بتلبس وانتي دقلي لسلطون .. تامريني بحايه ..
ام سلطان : لا تقولين سلطون .. الريال كبر و بيعرس ..
مهره : ان شاء الله يا ام سلطون ..
ام سلطان : ما تيوزين عن هالسوالف ..

نهايه البارت

تتوقون الريم بتم زعلانه من سلطان و بترفض الخطبه ؟!..
مايد خلاص عاف مهره و ما يبيها والا هذي لعبه منه عشان يتقرب منها .. والا شو السالفة ؟!.. __DEFINE_LIKE_SHARE__

الطبع الذبوحي ×!! · 09-26-2009, 02:44 PM

تتوقون الريم بتم زعلانه من سلطان و بترفض الخطبه ؟!..
لآ آن شآآء آللهـ .. و شعنهـ سلطآآن جيهـ قآآلهآآ حرآآآآآآآآم

مايد خلاص عاف مهره و ما يبيها والا هذي لعبه منه عشان يتقرب منها .. والا شو السالفة ؟!..
هو آصلآ عآآيفنهآ من زمآآن هع

آتريآآ آلبآآرت __DEFINE_LIKE_SHARE__

يــِآآوؤيلً בَـآِآِلـيه · 09-30-2009, 12:14 PM

تتوقون الريم بتم زعلانه من سلطان و بترفض الخطبه ؟!..

ماتووقع..

مايد خلاص عاف مهره و ما يبيها والا هذي لعبه منه عشان يتقرب منها .. والا شو السالفة ؟!..

مادريبـه..

تسلمين غلاي ع البارتات..
ونتريا الباارت اليديد..^^ __DEFINE_LIKE_SHARE__

[ملاك الروح] · 10-01-2009, 04:18 PM

[align=center]part 3

بيت بو سلطان :..

مهره : ماما ..
ام سلطان : هااا غلاتي شبغيتي..
مهره : ابا اسير عند الريم .. مليت من كل شي ..
ام سلطان : انزين اتصلي لاخوج و قوليله يمرج ..
مهره : ما يرد عليه ..
ام سلطان : انزين انتي بدلي و جهزي و انا بحاول ادقله ..
مهره : انزين ..
ام سلطان : ترا اليوم بنتعشا بيت عمج .. و سلطان اخوج بيسويلكم مفاجاة ..
مهره : اكيد بيخطب الريم ..
ام سلطان : هيه ..
مهره : انزين ماما الحين انا بتلبس وانتي دقلي لسلطون .. تامريني بحايه ..
ام سلطان : لا تقولين سلطون .. الريال كبر و بيعرس ..
مهره : ان شاء الله يا ام سلطون ..
ام سلطان : ما تيوزين عن هالسوالف ..

بيت بو سلطان في حجره الريم اللي من سمعت الرمسه من سلطان عيونها ما وقفت من الدموع..

الريم : يعني ليش يسوي فيه جيه ... ليش يعذبني .. انا شو سويت له ..

( وتاخذ من مذكرتها ورقة كان سلطان مطرشنها ويا مهره )

قرت الورقة و بصوت عالي و مسموع :..

اذا اليوم كتبت لج هالورقة .. يمكن المرة الثانيه ما اكتب لج ... يعني .. بهالورقة بغيت اكتب شعور القلب اتجاه قلبج اللي هاجرني .. ولا عاطني اي اعتبار ... ماادري من هالصد و الهجراني تغلي والا .. بس حبيبي بغيتج تفهمين شعوري الخالد في مشاعري .. لو اقدر اييج الحين و اراويج كل دقة بقلبي اللي تنبض بحبج.. جان الكل ما صدق شكثر احبج و اموووت فيج .. بس شنسوي دام الحب جيه .. لازم نتحمل كل شي .. بس هااا حبيبي بغيتج تذكرين شي دووم انه في انسان يحبج و يموت فيج و يتمنى وصالج .. وكتمت الحب في صدري وداويته مع جرحي.. تنامين الليل ماتدرين اللي في هواك صاحي.. بس شنسوي مثل ما قلتج الحب عامل عميلوو ..هههه.. ادري انج تقرين المكتوب واني مبتسمه .. ما تعرفين شو تقولين .. بس ان كنتي راضيه عليه دقي رنه ع فوني .. لا تقولين ما تعرفين رقمي زز ع العموم لو ما تعرفينه وانا متاكد انج تعرفين رقمي *******050 .. هالرنه اللي بتحييني من الآمي اللي اعيش فيها كل ليله ..
ادري الحين تقولين ها شو يقول بس افهمي شعوري اتجاهج .. يلا عيل حبيبي ديري بالج ع حالج .. بس هاا ماوصيج ردي عليه برنه بس .. تراها بتطفي نار محروقه فيني ..

عاشق المجهول A

من قرت الورقة انهارت من اللي قرت ما صدقت الموقف اللي صار لها من قبل شوي .. فرت المذكرة و ما قدرت تقرا اكثر عن اللي قرت .. فيت عيوناتها ع بوكس كانت حاطتنه ع الكوميدينو .. فتحت البوكس لقت فيه سلسه ... كان سلطان عاطنها هالسلسله .. و حتى سلطان عنده مثل هالسلسله .. حظنت السلسل بالقو لين ما رقدت ...

صوب بيت بو سلطان :..

مهره : ماما ... سلطوون متى بيوصل .. افففف مليت ..
ام سلطان : ان شاء الله ما بيتحير ... بيخلص شغله و بيج ..
مهره : قلتلكم خلوني اسوق هب راضين ..
ام سلطان : لا والله .. انتي بعدج صغيرة ..
مهره : شو صغيرة .. انا اعرف اسوق ...
ام سلطان : تعرفين تسووقين ... منو علمج .. ليكون تقدمين ع الليس و نحنا ما ندري ..
مهره : لا ماما .. سلطان علمني يوم كنا في العزية ..
ام سلطان : اها .. ع بالي ...
مهره : ماما .. وين مفتاح سيارة البورش كايين ..
ام سلطان : وشعنه تبغين المفتاح ..
مهره : بسير بيت عمي ... الصراحه ولدج هذا مذله لين ما ايي ..
ام سلطان : لا مفتاح سيارة ولا سيارة .. تريي اخوج ..
مهره : انزين ..

وتذكرت مهره وين امها تحط مفاتيح السيارات ... و حدرت حجرت امها و مالقت مفتاح البورش كايين .. فخذت مفتاح الانفنتي ..

نزلت تحت

مهره :ماما .. انا بظهر برع بتريا سلطان ..
ام سلطان : انزين سيري .. بس يوم سلطان اخوج بوصل خبريني .. عندي اغراض خل يوديهم بيت عمه ..
مهره : انزين ماما ..

ظهرت برع بكل حماس .. جافت الانفنتي من بعد امتار ... ركبت السيارة و استعدت للانطلاق .. 3 * 2 * 1 انطلق ..

وانطلقت مهره و الخوف ذابحنها .. اول ما طلعت من باب الحوي العود .. سلطان اخوها دش ... واستغرب منو اللي ماخذ الانفنتي ..

حدر سلطان الصاله :...

سلطان : مهره .. مهرووه ..
ام سلطان : مهره تترياك برع .. تعال خذ هالاغراض وودهم بيت عمك ..
سلطان : ماما .. منو ماخذ الانفنتي ..
ام سلطان : الانفنتي .. محد ماخذنها ..
سلطان : عيل وانا حادر البيت شفت حد ظاهر فيها ..
ام سلطان : عيل هاااي مهره اللي ماخذتنها ... ناولني الفون بسرعة خل اشوفها وينها الحين ..

سلطان ناول امه فونه :..

رن رن رن ..

صوب مهره و الريم : .. ( ياربيه شو اقولها الحين ... انا شو سويت ... خل ارد عليها و ازيدة من الكلام الحلو عشان ما تهزبني و لا تبهدلني .
الريم : محد قالج اسرقي السيارة ..
مهره : والله ريلج سلطان يذل الواحد ..
الريم : ردي ردي عليها .. و دواج خل تهزبج ..

مهره ردت ع امها ..

مهره : هلا والله باحلى ام في الدنيا... شحالج غناتي ..
ام سلطان : مهرووووه ... وينج انتي ... و شعنه ماخذه السياره ... يلا بسرعة رجعي البيت ..
مهره : بل بل بل .. هالاسئله كلها لي ... ع الاقل اسئلي سؤال سؤال .. بس ماعليه .. بجاوب عليها كلهن ..
ام سلطان : بلا هالمصخرة كلها .. ويلا تعالي البيت ..
مهره : ماما ... انا بيت عمي ..
ام سلطان : بسرعة رجعي البيت ..
مهره : ماما .. حمد الحين ويا مايد في الكوفي يوم بيرجع بخليها اييب السيارة ..
ام سلطان : ان سويتيها مرة ثانيه ما تلومين الا نفسج ..
مهره : ان شاء الله ماما ..

وسكرت ام سلطان ع ويهه مهره بدون اي رد منها :..

في بيت بو مايد :..

بالتحديد بغرفة الريم :..

مهره : سمعنا انه الحبيب قبل شوي كان عندج ..
الريم : كاااان ( و تمد الالف ) فعل ماض مبني ع الكرهه..
مهره : @@ الكرهه ... شو استوابكم .. بسم الله عليكم .. سميت عليكم بالرحمن .. كنتوا بلابل نازلين من الجنه .. فجاة جيييه تقولين كرهه .. الريم ... طلبتج قوليلي السالفة ..
الريم : شو منو قالج انه السالفة قصة ما بعد النوم ..
مهره : ههه .. يلا لاااه قوليلي السالفة ..
الريم : خلى اخوج يقولج منو حبيبت القلب اللي كان يرمسها و ميت عليها .. مالت عليه و عليها بعد ..
مهره : يرمس وحده .. الصراحه حيرتيني وياج ..
الريم : لا حيرتج ولا شيات .. بس اخوج دام بدا بالخيانه و الجروح .. حتى انا براويه و بخليه يعرف منو الريم بنت راشد ال ....... و بخليه يثمن كلامه مرة ثانيه و يعرف ويا منو يرمس و يلعب بالقلوب ..
مهره : اتوقع انج فاهمه السالفه غلط ..
الريم : لا فاهمتنها غلط ولا شيات ..
مهره : انا بدق لسلطان و بعرف السالفة كلها منه ..
الريم :ما يهمني عرفتي السالفه والا ما عرفتيها .. بس اللي بيني و بين سلطان الحين خلاص .. ولد عمي و بس ..
مهره : انتي صبري و بعرف السالفه و اكيد في خطا في السالفه ..

دقت مهره لسلطان و حطته سبيكر :..

سلطان : هلا والله ..
مهره : اهلين .. اقول انته شو سالفتك ويا الريم ..
سلطان : مابلاي وياها شي .. ومنو قال انه فيه سالفه ..
مهره : عيل ليش هي زعلانه ..

الريم رمست و قالت :...
الريم : جييييه ما تعرف انا ليش زعلانه والا خلاص اللي راح مات ..
سلطان : يا الريم يا حبيبي .. انا ما سويت لج شي ..
الريم : واللي كنت ترمسها منو هااي ..
سلطان : حبيبي يعني حرام ارمس حبيبي ..
الريم : و تقول و تعيد بعد ..
مهره : سلطان انته بلاك اليوم ..
سلطان : الحمد لله ما بلايه شي ..
الريم : اقول جنه نحنا نضيع وقتنا الحين ..
سلطان : ووقتي بعد ..
مهره : مسود الويهه انته شو تقول ..
سلطان : المهم حبايبي يلا بااااي ..

وسكر الفون بدون ما يسمع اي رد منهم ..

في غرفه الريم :...

الريم اللي انهارت من الصياح من سمعت صوته
و مهره اللي تقطع قلبها من معامله اخوها لتوائم روحها الريم

مهره : ريماني حبيبي خلي عندج الخايس هذا .. والله ما يصير تسوين بعمرج جييه ..
الريم : خليني .. خليني اطلع كل اللي فيه .. انا صدق كنت في يوم حبيبته لكن الحين شو انا بنظره ... خلاص حياتي ما صار لها داعي .. الموت ارحم لي من هاللي اشوفه ..

مهره تمت ساكت و ما عرفت شو تقول لانها بنفس الوقت متلومة من اللي سواه اخوها

الريم : ليش كل هذا ... انا شسويت بدنياي عشان يستويلي جيييه ... حيااتي صارت جحيم ... دام انك يا سلطان ما تباني جان قلت بالهداويه وبدون طعنات بالقلب ..
مهره : الريم حبيبي خلاص .. هب زين هاللي تسوينه بحالج ... وسلطان انا براويه ... واصلن هو كيف يرمس غيرج و هو اليوم مرمس ماما و بابا عنج ..

الريم : مرمسنهم بس عشان يخليني خاتم بين ايديه .. لا لو يستوي اللي يستوي ما اخذ سلطان ولا شيات .. ياليت ما كان عندي ولد عم اسمه سلطان ..ياليتني ما عرفت ولد عمي ياليت ... لكن شتفيد الملامة دام قلبي تحطم ..
مهره : الريم حبيبي .. انتي تعدلي و كشخي و يوم بيي الخايس ع الغداء سوي عمرج كانه اللي استوا شي عادي ..
الريم : ما اكون الريم بنت راشد ال .....

و كشخت الريم و لبست بنطلون ابيض و قميص حمالي اصفر و بدي ابيض ... ولبست اكسسواراتها و اهم شي اجحلت و حط كلوز وردي و حطت بالاخفيف بلشر ع خدودها ..

ع الغداء ::.... وصلوا اهل بو سلطان بيت بو مايد ...

في الصاله :..

ام سلطان : هيه يا ام مايد كبروا و غدوا عرسان ..
ام مايد : صدقتي والله .. بغمضت عين كبروا ... والحين الريم ما اتخيلها تطلع من بيتها ..
ام سلطان : انزين بتطلع ما بتسير مكان غريب ... بتسير بيت عمها ...

وينزلن الريم و مهره ...و بنفس الوقت يحدرون الشباب الصاله .:..
[/align] __DEFINE_LIKE_SHARE__

[ملاك الروح] · 10-01-2009, 04:19 PM

[align=center]الريم & مهره : مرحب الساع ..
ام سلطان & ام مايد :مرحبتين ..

الريم من شافت سلطان و هي موول هب عاطتنه ويه .. جنه فراقه راحه ..

ام سلطان : سلطان و شعنه اليوم كله ما تنشاف ..
بو سلطان : الفرحه اكيد هب قادر يسيطر عليها .. والا شو رايك ..
حمد : بابا ترا يقولون اللي يحب يتغير ..
سلطان : ( يصد صوب الريم ) هيييييييه اللي يحب يتغير ..
مايد : ياويل حالي من حبك ..

مهره تشوف الريم و تحاول تهديها انها ما تسوي شي ..

بو سلطان : دام انه الولد موجود و البنت موجودة ... ليش يا بو مايد ما نفاتح البنت بالموضوع ..
بو مايد : زين والله ... الريم بنتي ...
الريم : ( وشوي و بتصيح ) امر ابويه ..
بو مايد : تعالي يلسي حذالي ..

سارت الريم و يلست حذال ابوها .. وابوها لاحظ الدموع اللي في عيونها .. *حس انه فيها شي .. وبنفس الوقت سلطان كان خايف انها ما توافق عقب الموقف اللي صار من بينهم ..

بو مايد : اونه دلوعه ابوها كبرت ... وغدت حرمه ... عاد اللي باقي الحين تنفذين سنه الحياه ... لانه البنت مالها غير ريل يخاف عليها و يحميها عقب عينا انا و امج ..
الريم : بابا ( و تحضن ابوها بالقو .. و الدموع تنزل من عليها بالقو ) ..
بو مايد ( يحاول يهدي الريم .. و ما كان قادر يشوفها جيه فصاح حتى هوو ... و سلطان كان متحسف على اللي قاله الصبح .. و اصر على انه يقول للريم السالفة .. لكن الحين مافي اي مجال للمصارحه .. و سار سلطان سيده رمس مهره :..

سلطان : مهروووه ابي ارمس الريم بسرعة ..
مهره : لا مافيه بعد تقوللها شي .. خلاص كافي عذاب اللي عيطها اياه..
سلطان : مهره بليييييييز خذيها وياج الحديقة و بييكم انا هناك ..
مهره : اوك .. عاد بشوفها اذا رضت تشوفك ..

وسارت مهره و خذت الريم عشان تهديها و ساروا يلسو في الحديقة .. و وشوي و حدر عليهم سلطان ..

الريم اول ما شافت لفت ويهه عنه .. و تحاول انها ما تنزل اي دمعه لكن دموعها خانتها .. الضعف اللي فيها بااان .. وحبه و تعلقها لسلطان انكشف زياده ...

سلطان : الريم ..
الريم : ( ترمسه بقسوه ) خيييييييير شبغيت ..
سلطان : الحين انا ترمسني جيه ..
الريم : عقب اللي سويته كيف تباني ارمسك .. خلاص انته بعتني ... عقب ما لقيت غيري لك حبيبه خلاص بنساك و انسى باني في حياتك حبيبه .. مدام غيري عايش الحب وياك ما اريد اكون بوسط قلبك غريبه .. كنت افتكر فرحي على كف يمنــاك واحلم اعيش العمر منك قريــــبة .. لكن فرقنا القدر يوم لقـــــــــــــياك الله واكبر يوم يالظروف العجيبه .. ضحيت في حبك واضحي لفرقــــاك والله يهني من غدت لك حبـــيبة .. لا تعيش بي ذكرى ولا اعيش بذكراك كلن بياخذ في حياته نصيبـــــه...

سلطان و الدمعه بعينه .. و الحب اللي بقلب ما يعرف كيف بيلم الريم ..

سلطان : الريم حبيبي .. خذي الفون و تاكدي بروحج منو كنت ارمس ..
الريم : منو يعني غير حبيبتك اليديدة ..
سلطان : الريم حبيبي .. انا كنت ارمس ربيعي بو جسوووم .. واذا هب مصدقتني سمعي ..

ويدق سلطان لربيعه بو جسوم و يحط سبيكر...

بو جسوم : هلا حبيبي ..
سلطان : اهلين ..
بو جسوم : شحالك غناتي ..
سلطان : بخير ربي يعافيك .. بو جسوم حبيبي ارمس عدل شوي ..
بو جسوم : هلا سلطان ها شبغيت ..
سلطان : سلامتك غلايه .. بس حبيت اطمن عليك ..
بو جسوم : تطمن عليه .. واليوم بتخطب ..
سلطان : هههه .. يلا عيل بخليك الحين تامرني بحايه ..
بو جسوم : سلامتك حبيبي ..
سلطان : ربي يسلمك .. فـ داعة الله ..
بو جسوم : داعة الرحمن .. الرب حافظ ..

الريم : جييييه سويت جيييييه ..
سلطان : الريم حبيبي .. تراج انتي اللي فهمتي غلط ..
الريم : و جيه ما قلتلي .. جييييييه يا سلطاااااااان .. جييييييه .. بس تبا تعذبني ...
سلطان : ما عاش من يعذبج .. وانا ما ادري انه جيه بيستويلج ..

الريم و الدموع حارقه خدها .. و الحزن غامرنها ... مو عارفه شو تسوي .. و سلطان اللي تقطع قلبه من شاف حالتها جييه .. و عشان منو عشانه كل اللي استوا فيها .. كان خاطره يلمها بين صدره بس خاف من ردت فعلها و الوضع بهالوقت ما كان يسمح له بانه يسوي اي شي ..

الريم : سلـ لــط طـ ااان ..
سلطان : لبيه غناتي ..
الريم : انته بتفكر بيوم تهجرني .. بتفكر انك بيوم تنساني و تدور ع غيري لك حبيبه .. بتفكر ...
و يقطع كلامها سلطان ..
سلطان : ( انهارت عيونه من الدموع ) مستحــــــــــــــــــــــــــــــــــــــــــــل افكر بهاي اشياء .. عمري انا لج .. و روحي فداج ..
الريم : تدري لو هجرتي الموت بيزورني ... مابي حياتي بدون خلي و حبيبي .. ابي اعيش العمر يمك .. ما ابغي اكون بلحظة بعيده عنك .. بس انته اللي قسى قلبك عليه .. انته اللي حاولت تجرحتي و تطعني .. لكن وش اسوي عقب اللي صار .. قولي يا سلطان وش اسوي ..
سلطان : حبيبي ... خلاص السالفه ووضحت عندج .. وخلاص اوعدج اني ما راح اعيدها مرة ثانيه .. خلاص خلاص ما راح اعيدها ..
الريم : توعدني .. وين الوعود اللي كل ليله اسمعها .. وين راحت .. انته يا سلطان اللي بتهدم الثقة من بينا .. لكن وش اسوي ..
سلطان : اعطيني فرصه ثاانيه حبيبي .. اعطيني و بثبت لج عن حبي لج .. خلاص الريم حبيبي ..
مهره : يلا الريم عاااد اعطيه فرصه ثانيه و خلاص اوعدج انه ما راح يرمس ربيعه بهاي الطريقة خلاص ..
الريم : انا بس عشان مهره بعطيك فرصه ثانيه .. بس لا تحاول تعيدها مرة ثانيه ..
سلطان : فديت روحج حبيبي .. يعني الحين خلاص رضيتي عنا ..
الريم : ( تحرك راسها بمعني هيه ) ..
سلطان : حياااااااااااااتي والله ..
مهره : سلطان ترا هب كل يوم تسلم الجرة ..
سلطان : اقول انتي يلا ذلفي داخل ..
مهره : خلاص انزين .. مره ثانيه اضاربوا .. وقول لي مهره بليييييز ابي ارمس الريم ..
سلطان : اقول انا بحدر الصاله عن حد يحس فيه ..
الريم : انزين غناتي .. و شوي وانا و مهره ونحدر..

وسار سلطان يلس في الصاله ... و الكل مستغرب وي سار ..
ودقايق الا و يحدر البنات .. و الريم تيلس حذال ابوها و مهره حذال امها ..

بو مايد : الريم حبيبي بلاج مساعه ..
الريم : ابويه ما فيني شي .. بس افتكرت سالفه اسمووم ربيعتي ... يوم اجبروها ع ولد عمها بالغصب .. و ما كلمت شي و اطلقت ..
بو مايد : وحليله ..
بو سلطان : هذا اللي ما احبه في بعض الاهل .. يوم يجبرون بناتهم ع انهم يتزوجون بالغصب ..الحين هم اللي بيعيشون وياه و البنت اللي بتعيش وياه ..
بو مايد : ترا في بعض الاحيان البنت تكون تعرف اشياء عن اللي خاطبنها و اهلها ما يعرفون .. ويوم ترفض اجبروها .. جنه الدنيا ما فيها رياييل غير هالريال ..
بو سلطان : جنه الا يبون الفكه منهم..
بو مايد : انزين و شعنه ... الا بناتهم هم اللي بيتلعوزن ..
سلطان : بابا ... يلا افتحوا الموضوع ..
بو سلطان : بلاك مستعيل .. ( يصد ع الريم و ياشر عليها ) والله البنت ما بطير من اييدينك ..
بو مايد : الريال متحمس وايد لسالفه العرس ... خلنا نفرح فيه ..( و يحضن الريم )

الريم عيونها مووول ما خازت من نظرات سلطان و سلطان ما صوب عيونه ع حد غير الريم ..

بو مايد : الريم .. ترا مثل ما قلتلج مساعه ... انتي كبرتي و غديتي حرمه .. والحين هب باقي غير نفرح بج انتي و سلطان ... هااا شو قلتي .. سلطان طالب ايدج ..
الريم : ( الريم نزلت راسها ) ما اعرف الشور شوركم ..
بو سلطان : و قبل شوي عن شو كنا نتكلم .. انتي اللي بتعيشين وياه هب نحنا ..
بو مايد : انا بعطيج يومين تفكرين فيهم .. و صلي الاستخارة ..

الريم : ان شاء الله بابا ..
سلطان : يومين وايد .. ع الاقل دقيقتين .. الريم .. قولي انج موافقه وخلاص ..
بو سلطان : خل الابنيه تفكر يمكن ما تبيك .. يمكن تفكر انها تكمل دراستها ..
سلطان : لا الريم ما بتكمل .. صح والا انا غلطان ..

الريم تاخذ مهره و تصعد حجرتها اونها مستحيه الاخت .. و عاطينها يومين تفكر و هم ما يدرون انها موافقه و حتى لو من اليوم هي راضيه تكون حرمت سلطان ..

في حجره الريم :.

مهره : له له .. الصغار بدوا يكبرون ..
الريم : ترا دورج قريب لا تخافين ..
مهره : اسمحيلي يالغلا .. لا قريب ولا شيات ..
الريم : وين ميوود خل يسمع اللي تقولينه .. جان ما يذبحج ..
مهره : ما اهون عليه يذبحني .. اصلن لو اقنعته اني بكمل دراستي اكيد بيوافق ..
الريم : واثقه الاخت ..
مهره : و شلون ما اثق .. دام انه يحبني اكيد بيسويلي اللي ابيه ... و الا الشيخة شرايها ..
الريم : بنشووف .. دام انج بتمين جييه .. بنشوف اذا ميوود بياخذج والا لا ..
مهره : اذا يحبني من صدق .. بيصبر كم من سنه لين ما اخلص دراسه ...

الريم سرحت بافكارها الي العالم اللي الكل يتمني يعيشه .. سرحت بالحب اللي صابها .. كلام سلطان قبل شوي حسسها بانها ملكت عرش قلبه .. لكن الحين هي محتار توافق ع سلطان والا ترفضة...

و هاليوم مر بسرعه عند الحبايب العاشقين ( الريم & سلطان ) لانه من روحوا اهل بو سلطان البيت .. سلطان ما خلا الريم بحالتها كل دقيقة مسج ورا مسج .. ما رقد الليل الا و سمع همس الريم و هي تقوله احبك ولالي غيرك .. و سلطان كان متفاءل انه يشوف الريم اليوم الثاني .. لانهم متعودين كل جمعه يتيمعون بيت حد منهم .. فبيتيمعون بيت بو سلطان ..
[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«غيماريش الوصل» على صفيح ساخن	راعـــ الــحــب ـــي	رياضة محلية و عالمية	1	05-10-2010 09:37 PM
التحاليل الاخبار##تفيد او لا تفيد	محروم.كوم	منتدى أخبار المواقع والمنتديات العربية والأجنبية	0	05-10-2010 10:30 AM
خــيل شـيخ حـرب......	محروم.كوم	منتدى أخبار المواقع والمنتديات العربية والأجنبية	0	10-13-2009 01:30 AM
كلاب صـيد.مـدربات.للبيع	محروم.كوم	منتدى أخبار المواقع والمنتديات العربية والأجنبية	0	07-06-2009 06:40 AM
صـدى صــوؤؤتك ..!$	ღЯмşħ αℓ3ίήღ	شعر و خواطر	4	02-19-2009 04:05 PM