·!¦[· من غلاك ·]¦!· وكثـُر مـٍاحبـًكـ حتٌى درُب الطـٍويُه حبــٍـيتهٌ.. - الصفحة 59

‏جرؤح آنسآنـِہَ · 10-02-2009, 01:37 AM

[align=center]جوجو وعبود : هاااااه ماشي ..
عبود : انا بطلع وشرد
جوجو : الله يعيني
شيوم : لا اتخافين ما بخبر حد هع
جوجو : فديتج .. يالدبه ..
شيوم : شو سوى
جوجو : اتسحت
شيوم : ههه اونها مولت عليج
جوجو: عليج
شيوم : هه اخبر
جوجو : لا لا خلاص
شيوم : ههه وياراسج

وانروح لعبود .. سوى سواد ويهه ووهق جوجو ..

عبود : هه صج اني قوي .. وما استحي وتم يضحك على عمره ..
جوجو : صج فشله ياخي اووف منه

جوجو ردت للبنات ..

عويش : هاه وين الماي
جوجو : هااه نسيته لا قصدي شربته
شواخ غمزت لها .. شوفيج *.
جوجو : بعدين بخبرج ..
ميروه : اووف .. بنظهر قوموا ..
جوجو : هي والله خل ناخذ من هني
ميروه : هي صدج والله خل انخلص
شيوم : منو بيكلم الشباب زين
شواخ : خالي يعرف اكيد بيساعدنا عسب نقنع الشباب

وراحت شواخ ادق لخالها ..
شواخ : هلا بالحب
رشود : اهلين حبيبتي
وقام عن الشباب

عبود : اويه خالي يغازل
ذياب : ههه
سلطان : ماصدق وله متزوج

ونرجع لرشود ..
راشد : هاه بلاج ..
شواخ : ماشي نبي انروح السوق
راشد : زين اوج .. الساعه 5 العصر اتزهبوا
شواخ : زين ..
راشد : شو بعد
شواخ : ماشي برايك
راشد : اوج باي

ورجع راشد لعند الشباب
سلطان : هاه خالي كنت اتغازل منو ..
رشود : وفقتك اونه اغازل هاي الحب
عبود : منو .* وعلامات الصدمه فويهه
رشود : هه سر
عبود : عند شواخ ..
ذياب : هههه بس اسكتوا عنه
عبود : والله بتكسر راسك
سلطان : هاه جأني عديت واحد وصار مني
رشود : خسي كنت ارمس شواخ يالدب وله انا وين وانته وين والمغازله وين
سلطان : اونه
عبود: هه وانا اقول
رشود : هيه اخرط يالجذاااب
عبود: ههه كشخه جي بجرب

وراح دق لشواخ ..
شواخ : هلا شو
عبود : انا لا بس خالي هيه
شواخ : شو تقصد
عبود : هيه خالي حبيبي وانا اخوج شو وياراسج
شواخ : لا والله الله ورقعت بوييهه

طوط طوط طوط

عبود : عصب
رشود : بلاك
عبود : بصفعها بندت بويهي
الشباب : هههههههههههههه تستاهل عيل حد يكلمها جي
رشود :فديتها جيسها بس
عبود : بصفعها بعد
رشود : جرب زين

وانروح للبنات ..

شواخ : اوف ههه يستاهل ويا راسه دفش
جوجو : ههه شو منو هاه
شواخ : قلبج
جوجو : بلاه قلبي ووبعدين ماعندي قلب
شواخ : وهاه الاحمر شو
جوجو : بس عاد وقولي بلاه
شواخ : ماشي يبندت ويهه
جوجو :ويات وعفدت عليها
شواخ : قومي البعير
جوجو : ههه عيل جي اتسوين
شواخ : يستاهل ..

عند الشباب ..
رشود : البنات يبون ييروحون السوق عقب ..
الشباب : اوج ..

ويا وقت الغدا ..
الشياب والعيايز
يالله بنات شباب قوموا .. غدا ..

والبنات والشباب من اليوع يترابعون .. هع جأنهم مب شايفين خير ..

ويا اليوم الاسود لأم احمد .. يا وقت العمليه .. وقت الخوف والرعب ..
يا وقت الحزن والاسى لأحمد .. واهله ..

يالله بتنجح العمليه وله ..

في المستشفى .. ام احمد تدعي ربها ..
واحمد : خايف عليها بالقو .. وخاصه انه بغربه ومحد عنده ..
ياربي .. ماقدر بروحي ..

امم ..شو اسوي ياربي شو

مافي غيرها مافي غيرها .. رشود بيساعدني ومابيقصر

أحمد : هلا بو الشباب وبصوت جأنه واحد خايف
رشود: هلا احمد
احمد : رشود .. محتاي لك
رشود : قام من الغدا .. بلاك احمد ..

واللي كانوا يتغدون انصدموا .. بلاه قااام .. وشواخ من سمعت اسم احمد شرقت .. والبنات عرفوا منو ..

أحمد : ابيك توقف عندي وتم يصيح
رشود : شوفيك
احمد : امي عملياتها الحين ماعرف شو اسوي بروحي
رشود : ماعليه هدي انا ياي وامك ماعليها شر .. انا ياي الحين .. أي مستشفى ..
احمد : مستشفى .......
رشود : اوج اترياك لا تتأخر

وبند رشود من عند اربيعه .. وتم يحاتي .. اول مره يمر بهالموقف ..
وراح صوب اهله ..
انا رايح تبون شي ..
الشباب : وين بتروح
راشد : اربيعي امه بالمسشتفى والحين عمليتها بروح له اهوه بروحه مسكين
الشباب : نحن بنروح وياك
راشد : اوج بسرعه يالله قوموا
ام عبود : عسى ماشر ..
راشد : سرطان يالغاليه .. الله يكفيكم عنه
ام ذياب : عيل لازم عقب انروح عندها ..

وراحوا الشباب المستشفى عند اربيعه .. وتم يهدي اربيعه ويدعي لأمه اتقوم بالسلامه ..
رشود :استهدي يا احمد
احمد : اه يا رشود مشكور والله
يا ربي يارب ياتقومها بالسلامه مالي غيرها
رشود : امين يارب .. خلاص استهدي وقوم اكل لك شي
احمد : مالي خاطر .. منو هذيل
رشود : اوف نسيتنا .. هذه عبود .. وهذه سلطان .. وهذه ذياب
احمد : تشرفنا سمحولي والله .. وتم يسلم عليهم ..

وطبعا ام احمد .. خذت وقت زياده .. صح انه سرطان حميد .. بس ياله وتموا جي لين الساعه 4 ونص العصر وللحين ما ظهرت

وشوي انفتح باب العمليات ..
احمد ربع صوب الدكتور .. هاه بشر..
الدكتور : عظم الله اجرنا واجرك
احمد : لاااااااااااااااااااااااااااااااااااااااا وطاح شرا اليهال يصيح
رشود : لا حول ولا قوة الا بالله
الشباب : لا اله الا الله محمد رسول الله
احمد : لا يا امااايه لااا دخيلج لاااا

وربع احمد يشوفها واهيه داخل .. وانصدم بأمه ..
امايه : تعال حبيبي
أحمد : اميه انتي حيه
امايه : ويدـــــي

احمد شو اتجذب عليه ..
وراح وضرب الدكتور واشتكى عليه وطردوه .. جي يلعب بأرواح الناس
الدكتور : مسكين من دوخته وكثر شغله
احمد : شو يتمصخر وله شو لعنبو داااره
رشود : هدي يا احمد شو فيك .. شو صار
احمد : امي حي ما ماتت وهاه جذب عليه اهيه تحت تأثير البنج
رشود : الحمدالله .. تستاهل سلامتها ..
احمد : بذبحه .. بذبحه ..
رشود : خلاص احمد هدي ..

ويا الدكتور ويا المترجم ..
احمد : ليش جي يقول
المترجم : اهوه كان تعبان
احمد : تعبان تلعب بأرواح الناس

المترجم : خلاص اهوه يقول اسف
احمد: اسف على شو

الدكتوره .. ahamed
احمد : what
الدكتوره : your mam need you
المترجم : مشكور.. حصل خير اخويه
الدكتور oooooh
احمد : بعد ويا ويهه

وراح جدا امه .. وتطمن عليها .. وشكر رشود والشبااب .. وروحوا عسب يودون اهلهم السوق وعقب يرجعون .. لها

وراحوا الشباب .. وخذزا البنات وسيده ظهروا .. عسب عقب ما يتأخرون على أحمد

رشود : يالله تعبان
شواخ : شوفيك
رشود : راسي
وراح قعد اهوه وشواخ .. والباجين كملوا دربهم ..

وخذوا لهم كمن قطعه للعيد ..
وعيهم فساتين جي قصيره روعه ..وكلهم طقموا بس الوان مختلفه ..

رشود : نجحت العمليه
شواخ :استانست صج .. ياويلي والله
رشود : بتروحين اتباتين عندها عادي
شواخ : هاه بجوف امي
رشود : اكيد ما بتقول شي..
شواخ : اوج قوم يالله اظن البنات خلصوا ..
رشود : زين يالله قومي

وروحوا كلهم عقب الببت .. وشيكوا على اغراضهم ..
شواخ : امايه انا بروح عند ام اربيع خالي
ام عبود : ليش .؟
شواخ : امايه بكسب فيها اجر .. بروح اداريها اتعرفين ماعندها غير ولد واحد
ام عبود : روحي بس تحملي على روحج
شواخ : ياااي مشكوره امايه
ام عبود : ينت البنت ..

وراحت شواخ فوق عند البنات..

يالله بنات انا رايحه بتون ..
البنات : وين
شواخ : ببات عند ام احمد
البنات : نعم نعم
شواخ : والله امي قالت .. هع يالله برايكم ..

وراحت شواخ .. ويا خالها .. لعند ام احمد .. وطبعا احمد كان وياها ..
ووصلوا المستشفى ..

أحمد : هلا انته وين
رشود : انا عند الباب ..
احمد : اوج .. حد وياك
رشود : هيه ..
احمد : اوج يالله تعال

وجاف رشود احمد وقعد وياه .. وقال لشواخ روحي .. عند الوالده وعطاها رقم الغرفه
احمد : اويه ..
رشود : شو
احمد : منو هاي ..
رشود : هاي وحده من بنات اختي يايه .. عند الوالده اداريها
احمد : ليش عبلت على عمرك
رشود : لا عباله ولا شي عادي

شواخ : السلام عليكم امايه
ام احمد : وعليكم السلام والرحمه ..
شواخ : امايه انا من طرف اربيع احمد .. راشد ..
ام احمد : تمت تتذكر .. هيه فديتج ..
شواخ : انا هني عسب اهتم بج ..
ام احمد : تسلمين غلاتي

وراح راشد يرتاح واحمد تم يتريا برع .. عسب عباله امه بتحتاج شي

ويا الوقت متأخر عندهم ..
واحمد متحرقص يبي يجوف امه ..
دق الباب : ودخل
وشواخ : كانت واقفه صوب الدريشه وما انتبهت
احمد : اااا اسف وظهر
وشواخ : ظهر اتفضا انا بظهر .. بروح اييب لي شي اكله
احمد : بروح ويا

احمد : عرف انه اللي كلمها اللي حبها ... لااا يا ربي محلاها ومحلا طيبتها .. فديتها
شواخ : اوج يالله

وراحوا ييبون شي ياكلونه وتموا قاعدين عالطاوله وطبعا شواخ متغشيه ..
واحمد ..
امم عادي اعرف اسمج ..
شواخ : قلبها يدق بقوو .. اسمي شيخه
احمد : عاشت الاسامي
شواخ : عاشت ايامك
احمد : شواخ .. اناااا
شواخ : شوفيك ..
احمد : احبج

وبااااااااااااااااااااااااس[/align] __DEFINE_LIKE_SHARE__

Rooo7 a.d · 10-02-2009, 12:29 PM

يا حييييهم العششأق هع . .
البارت طرر . .

يعطييج العافيه غلايه ^^" . .
نتريا البارت اللي عقبه . . __DEFINE_LIKE_SHARE__

‏جرؤح آنسآنـِہَ · 10-02-2009, 01:08 PM

المشاركة الأصلية كتبت بواسطة rooo7 a.d

يا حييييهم العششأق هع . .
البارت طرر . .
يعطييج العافيه غلايه ^^" . .
نتريا البارت اللي عقبه . .

مرورج الطرر واللهي ..
ربي يعافيج حوبي ..
من عنوني لاه .. __DEFINE_LIKE_SHARE__

ếℓ7rƒ ~ ềℓ3ῆeĐ · 10-02-2009, 01:56 PM

ككككككككككك .. والله انه توحفففففففه ..

يآ حييييييييهم ..

آقولج مآ آفتقدتي وجودي عندج هالاسبوع هههه ..

تسلمين حيـآتي ع البآرت نتريآ البآرت اليآي __DEFINE_LIKE_SHARE__

» V I P « · 10-02-2009, 02:05 PM

ألف مبروك .. لقد سعدت بهذا الخبر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لماذا يرسب الطلاب في الامتحانات؟	محروم.كوم	منتدى أخبار المواقع والمنتديات العربية والأجنبية	0	02-18-2010 03:30 PM
لمآذآ يرسب الطآلب ..؟؟!!!	نبض روحي	الطلاب والتعليم والجامعات	19	09-12-2009 06:04 AM
لماذا يرسب الطلاب في الامتحانات ؟	محروم.كوم	منتدى أخبار المواقع والمنتديات العربية والأجنبية	0	06-07-2009 03:23 PM