البارت 1..


من اشرق الشمس .. واتعرفون العيايز ما شاء الله عليهم يقومون ..




في بيت بوعبدالله ..

بو عبدالله : تدرين يا ام عبدالله خاطري اجوف عبدالله معرس


ام عبدالله : ان شاء الله بتجوفه وبتجوف اعياله واعيال اعياله فديتك


بو عبدالله : الا تعالي سلطان وين ماله حس .؟


ام عبدالله : ويه .. تدري اني نسيته اكيد راقد هالولد بيخبل بي يا سعيد .؟


بوعبدالله : الله يعينج يالغالية .. يالله انا رايح ارتاح ..


والا شوي والعيوز قاعده بروحها .. تدخل شواخ وبكل دفاشة ..


شواخ : السلام عليكم امايه


ام عبدالله : بسم الله الرحمن الرحيم .. انتي من وين ظهرتي .. وعليكم السلام والرحمه


شواخ : من بطنج هع .. كيف اصبحتي الغالية ..؟



ام عبدالله : بخير فديت روحج .. يالله تعالي تريقي بتتأخرين عالمدرسة ..



شواخ : ان شاء الله امايه الا عبدالله وين .؟



ام عبدالله : عبدالله راح الشركة .. عنده شغل الله يوفقه ..



شواخ : امين .. يالله عيل امايه انا رايحة بتأخر على جواهر ..



ام عبدالله : اوك تحملي على عمرج .. وسلمي على جواهر ..


شواخ : يوصل امايه



وظهرت شواخ وراحت تزقر الدريول ..



ام عبدالله : وابوي على هالبنت حتى مع السلامه ماشي الله يهديها ..



محمود ( الريول ) : نعم ماما



شواخ : ماما في عينك .. روح بيت جواهر



محمود : منو جواهر ماما ..



شواخ : اوف لا تقول ماما .. الحين انته مافي معلوم منو جواهر .. روح بيت بابا خليفة مناك في جواهر



الدريول : جين جين ماما



شواخ : ياما طولج ياروح .. رد وقال ماما .. روح وانت ساكت




وصلت شواخ صوب بيت عمها بو خليفة .. ودقت حق جواهر ..




شواخ : صباح الخير دبوه



جواهر : صباح النور



شواخ : الدبة طلعي نحن برع



جواهر : اوك



شواخ : بسرعة بسرعة



جواهر : انزين يايه



شواخ : اوج باي



جواهر : باي



جواهر: يالله امايه انا رايحة بغيتي شي ..


ام خليفة : لا سلامتج فديتج .. خذيتي بيزاتج .؟



جواهر : ربي يسلمج امايه .. هيه خذيتهم ..



ام جواهر : ربي يحفظج يابنتي ويسهل دربج ..



جواهر: حبت امها على راسها .. امين امايه .. يالله مع السلامه



جواهر .. تأـخرت على شواخ الله يعينها الحين من خبال شواخ .. هع ركبت جواهر السياره حذال شواخ ..



شواخ : جان ماييتي يالعروس



جواهر : سوري فديتج كانت امايه اترمسني



شواخ : ايوه .. الا اشحالهم .؟



جواهر : منو .؟



شواخ : انتي اتعرفين هع ..



جواهر : منو قصدج .. قولي هب متفيجة افكر من صباح الله خير



شواخ : اللي بالي بالج ..



جواهر : انتي اليوم بلاج .؟ سكرانه شو ..



شواخ : لا بس اذا تبيني اسكر فالج طيب



جواهر : لا دخيلج علينا مدرسة وامتحانات ومب فايجة لج



شواخ : خلاص اسكتي يالشاطره



جواهر : احم احم لاه ..





ووصلوا شواخ وجواهر المدرسة وسلموا على ربعهم ودخلوا الكلاس وعقب على الساعة 2 خلصوا وتموا يتريون الدريول بس تأخر عليهم .. ساروا يسولفون ويا ربعهم لين ماي الدريول .. ركبت شواخ وجواهر .. وعقب شواخ عزمت جواهر على الغدا .. وجواهر .. مارضت .. بس بعد اعناد من شواخ .. رضت .. وقالت اوك بس بجوف امايه ..





جواهر تتصل حق امها ..



جواهر : هلا الغاليه .


ام خليفة : هلا فديتج .. انتي وين تأخرتي



جواهر : انا هني عند قوم عمي بو عبدالله .. شواخ مب راضية الا اتخليني اتغدى وياهم ..




ام خليفة : اوك برايج الغالية .. بس لا تتأخرين ..



جواهر : ان شاء الله .. مع السلامه ..



وعقب ما رضت ام خليفة انه جواهر تتغدى في بيت عمها .. نزلت جواهر وشواخ .. ودخلوا ويا بعض ..




شواخ وجواهر : السلام عليكم والرحمه



ام عبدالله وعبدالله : وعليكم السلام ورحمه الله وبركاته



عبدالله : نزل راسه مفتشل كيف بنت عمه اتي البيت واهوه قاعده .. واشوي الا استحى من عمره وراح ..



جواهر: حست بعبدالله انه مستحي ..



ام عبدالله : يامرحبا بجواهر .. اشحالج فديتج .؟



جواهر : مرحبا بج خالوه .. يسرج حالي ومن صوبج .؟



ام عبدالله : يعله مديم .. تمام الغالية ..وانتي يا ام لسان .. كيف ماتقوليلي انه جواهر بتتغدى عندنا .. خليتيها تستحي مسكينة



جواهر : لا ماعليج خالوه عادي .. ما صار الا الخير



شواخ : يالله جواهر خل انروح انبدل عقب اني تحت ..



جواهر : عن اذنج خالوه ..



ام عبدالله : اذنج معاج الغاليه .. وانتي يا ام لسان .. تعلمي من جواهر ..




شواخ : هههه ان شاء الله امايه ..




راحوا شواخ وجواهر يبدلون وعقب نزلوا عند ام عبدالله .. وتيمعوا كلهم على الغدى الا عبدالله ..



وفجأه شواخ صرخت : اماااااااااااااااااااايه







تتوقعون ليش شواخ صرخت .؟





شوصار لأم عبدالله .؟





شو موقف جواهر .؟







ترقبوا البارت الياي .. اذا في تفاعل بكملها .. واذا لا .. خلاص ..