أبسألج يا أرض وش اللي خلااني أحبهـ .... الكاتبه جهوووون ..

جهون · #1 10-24-2011, 10:53 PM

السلاااام عليكمـ .. علومكمـ أخباااركمـ .. هذه اول رواااااية لي .. اللي يلست اكتب بهاااا تقريبااا 3 سنييين ... اكتب واوقف .. وامس بحووول الله خلصتهاا .. والييوووووم بنزلهااا وابي تفاعلكمـ وياااهااا .... واتمنى تعيبكمـ ... والللي يحب ينقلهااا يذكر المصدر .. وشسمه بعد .... لازمـ يكتب للكاتبة جهووون <<< اللي تقوووول بتنسرق ... يالله .. أبي حماااسكم ويااايه

وما أحلل الناااقل بدوون ذكر الإسم لين يوم الديييييييين __DEFINE_LIKE_SHARE__

جهون · 10-24-2011, 10:56 PM

أبسألـج يا أرض وش اللي خلآآني أحبهـ << قلم جهوون

البارت الأول ..

(( حبيته وهويته وياريت حلمي يتحقق معاهـ ... آه شو اسوي الحينة .. نايم ولا يالس ولا شو أحوالهـ .. لين متى بس بيحس بي .. لين متى ... اه اه والله احبه رغم كل شئ ))

يالسه لحالها تفكر بالحلم اللي بنته طول هالسنين .. بس قطع افكارها صوت أمها تناديها ...

أم خالد : يالود الود وينج..؟

الود: هذاني .. يايه يايه يمهـ..

أم خالد: من متى اترياج أنا ..

الود: السموحه منج الغالية .. وراحت وحبت امها ع راسهاا .. أمري بغيتي شئ ..

أم خالد: روحي نادي أخوانج بننجب الغدا ..

الود: إن شاء الله أمايهـ وربعت تنادي خوانها ...

بعرفكم ع العائلة ..

أبو خالد : متوفي من يوم كان حمد صغير

أم خالد: حرمة بيت مربية عيالها التربية الصالحة..

خالد : 24 سنة يشتغل بالشرطة .. وهوه طويل واسمراني وجسمهاا وايد حلووو

الود: 20 سنة تدرس بالتقنية مع بنت عمها المها وماشاء الله عليهاا صج بنات هالعايله وايد حلووات يتميزوون ببياضهم بس مب كلهم وعيونهم الزيتونه ، أما الود فكانت غير بيضه وويها دواري وعيونها عسليه ومتوسطه بالطول وضعيفه

حمد : 18 سنة آخر سنة له بالثانوية .. وحبوووب واايد ... ووهوه الغريب فييه انه طويل وضعيف يعني جسمه رياضي .. وعيونه كباار و بنيه غااامجه ..

بيت بوحمدان . . . عم الود ...

بوحمدان : ريال خايف الله وملتزم بصلاته ودينة ويحب عياله وعيال أخوه واايد ويعتبرهم شرات عيالهـ ..

أم حمدان : حرمة طيبة واايد وتحب عيالها وتخااف عليهم ومربيتنهم تربيه طيبة .

حمدان: 24 سنة ويشتغل بالشرطة ويا خالد ولد عمه ويحبهـ وايد ورفيجهـ الروح بروح .. وهوه بنفس طووول خالد وأسمراني وعيونه كبااار عسلييهـ ..

المها : 20 سنة تدرس بالتقنية مع بنت عمها الود ... وويهااا طويل وعيونهاا خضر ومحدده بالبني وبيضه بياااض الثلج ...

حميد: 18 ثانوية عامة مع حمد ولد عمهـ ... وهوه اسمراني وطويل وضعييف وعيونه بنييهـ

العنود : 17 ثاني ثانوي ... وحبوووبة واايد وتحب أختهاا ... بس هيييه سمرهـ ، وطويله هممم هيييه ولوون عيوونهاا سوده مثل أبوها

هدى : 14 سنة دلوعة أمها وأبوها بالإعدادية وماتحب بنت عمها الود ودوم تتضارب معاها .. بتعرفون ليش بعدين .. ، أما هدى هاااي غيير ، ويهااا دوااري و حنطاوية ومتوسطه بالطوول

وعيونهاا سماويه

طبعاً العائلتين ساكنين في فلتين بس مابينهم حواجز (( يدار يفصل بين الفلتين )) ...

وبتخبركم بعدين عن باقي الشخصيات ..

.................... أبسألـج يا أرض وش اللي خلآآني أحبهـ

الود: خالد .. حمد ..

خالد و حمد : .................. رقوود

الود وهي تشل اللحاف من على خالد : خلوود قووم .. وتروح عند أخوها الثاني حمد .. حمود حبيبي قوووم بسكـ أرقاااد ..

خالد معصب : تراج صدعتيناا خلينا نام .. ورد اللحاف ع ويهه

الود وهيه تصارخ : قووووومووووووووووو أقوووووووولكمـ أماايهـ تنتظرنا ع الغداا وبعدين أنتوا ماصليتوا .. قووموووووووووووووووووووووو

خالد : أووف أووف محد يرتاح من هالودوه ..

حمد من الصراخ نقز : بلاج الود شو فيج تصارخيين

الود وهيه معصبهـ : ساعة لين ماتقومون .. قومو صلوا وتعالوا تحت أمايه تتريانا ع الغدا ..

وظهرت من الغرفة

خالد : أنا كم مره خبرتك تقفل باب الغرفة

حمد : أوهوو خلني فحالي .. من هالصريخ كل يوم الواحد ينسد نفسه عن كل شئ .. أسكت عني دخيلكـ

خالد : الشره هب عليك عليه أنا اللي أعتمد عليك

حمد سوالهـ طاف وظهر وروح يغتسل وخالد وراهـ .. صلوا ونزلوا تحت يتغدون ويا أمهمـ وأختهمـ

أم خالد: تو الناس ..

خالد وحمد ويحبون راس أمهم وروحوا ويلسوا يتغدن ...

.....................العصر 5.30 المها روحت عند الود بيت عمها ..

طق طق طق ..

أم خالد: قوم ولدي شوف من يانا ..

خالد وهوه قايم : إن شاء الله أمايهـ وروح وفتح الباب ..

المها : مرحبا وتبتسمـ

خالد : مراحب ياهلا في بنت العمـ

المها : أهلين أخبارك خلود ..

خالد " ياحلات أسمي ع السانج بس ماعليه أنا خلود هاا أراويج " : خلود فعينج ...

المها : شو هي مشكلته في الحياه " : ارحم عمرك أدلعكـ

خالد " آخ أحبج شو أسوي ماروم أقولج شئ يزعلج " : ....

المها " بلاه هاا سرحان " : خالد بتوقفني عند الباب ..

خالد : ها .. هيه .. تفضلي ..

المها : اللي ماخذ عقلك يتهنابهـ ...

خالد " لوتعرفين انج ماخذه عقلي ماقلتي هالرمسهـ " : ....

المها : لا إله إلا الله الولد صابه شئ .. أدخل أحسن لي .. وتركته عند باب الصالة وحدرت داخل ...

أم خالد: هلا والله بالغالية بنت الغاليه .. تو مانور البيت ..

المها : منور بوجودج الغالية وروحت وحبتها على راسها .. ويلست

أم خالد: شحالج .. عساج طيبة بنتي .. وعلومهم الأهل ..

المها : الحمدلله تمام ..

أم خالد: خالد خالد ليش واقف عند الباب احدر داخل ..

خالد في عالم ثاني وأنتبه أنه أمه تناديه : هاا هيه .. إن شاء الله أمايه وحدر ويلس مجابل المها ..

المها : خالوه اليوم ولدج أسلم علسه مايرد عليه ..

خالد " هذا وقتج خليني أشوفج على راحتي .. أنا أراويج ماعليه : وابتسم أبتسامه خبيثة وبدلع : أمايه تقولي خلود ..

المها بخبث: أرحم عمرك أدلعك هذا ويهي جان كلمتك مرة ثانية ..

خالد " لادخيلج أنا الغلطان أروم ما أرمسج ولأشوفج تبين تذبحيني أنتي " : خلاص آسفين

أم خالد: وشعنة ماتسلم على بنت عمكـ ..

خالد : خلاص أمايه أسف ..

المها : لا لا لا لا لا لا لا

خالد ورافع حياتهـ : شو لا لا لا لا لا

المها : هههههههههههه ماشئ ماشئ

أم خالد : لا إله إلا الله أنتوا ماتيوزون ..

المها : خالوه علميه يحترم البنات

أم خالد: ههه ماعليج منه

المها: ههههههه

خالد " آخ ياقلبي بنتحر صدقوني بنتحر .. شو حلاتهاا يوم تضحك مع غمازتها وعيونها اللي تذووب الرووح .. لالالالالا أنا خلاص ذبت بهواها ذبت " ...

المها : خالوه وين الود ...

أم خالد: أتغدت ونامت .. ومابتنش إلا المغرب ..

المها : خلاص عيل أنا أترخص الحينهـ بروح أذاكر ..

أم خالد: على راحتج .. والله يوفقج بدراستج ..

خالد " شو لا بتحرميني من شوفتج يالغزال .. شو اسوي.... شو اسوي هيه لقيتها " : خذيني معاج بروح أشوف حمدان .

وظهر معاها خالد ..

وهم يتمشون رايحين بيت بوحمدان .. وهم يمشون في الحوي ..

خالد : احم احم نحن معكم عبرونا شوي عطونا ويه ..

المها أبتسمت : ........

خالد : زعلانة

المها " أنا أراويك " : تبا شئ أستاذ خالد

خالد " خيييبة صدق زعلانة مني " : لو يلومني في حبج بس ..

المها استحت ووخت راسها : عيب تقول هالكلام

خالد : المها

المها : لبيه

خالد : لبيهـ حايهـ ..

المها : تفضل ولد العم امر شو تبي

خالد : رضاج والله آسف وماراح أعيدها مره ثانية ....

المها : مسامح خالد كم خالد عندنا في العائلة إلا وحد

خالد : في العائلة بعد ياربي ." : أحم أحم أعرف

المها وعلامات التعجب في ويها وواقفة فمكانها ماتحركت وجسمها كله يرتجف وحاسه بدوخه فظيعهـ : قــ قـــ .... طآآآآآآآآآآآآآآآآآآآآآآآآآآآآآآآآخ

.

.

.

.
__DEFINE_LIKE_SHARE__

RoODey-a7 · 10-24-2011, 11:58 PM

مرــحبــآآ ..،

هلا اختي جهوون ..،
حسيت روايـتج حلوه واتمنـى انج تكملين البارت لانها عيبتني ..،
وشخصـياتها روعـه واحس فيها وايد اكشنــاات فبلييز كمليها لاهنتـي ..،
نتريــااج ..، بـااحر من اليمـر
لاتبطين علينـا ..،

تحيــااتي ..،
"رودي ..،"~! __DEFINE_LIKE_SHARE__

جهون · 10-25-2011, 01:46 AM

هلااا روودي ... تسلمين الشيخهـ على المروووور ..

وإن شاء الله بحماسكمـ بنزل باقي البااارتاااات ...

وإن شاء الله مثل ماحسيتييهااا حلووة تبقى حلوووة بنظرج الشيييخهـ .. وتسلمييين مرة ثانية على المرووور

تحياتي .. ( جهوون ) __DEFINE_LIKE_SHARE__

جهون · 10-25-2011, 07:39 PM

البارت الثاني ..

................................ في غرفة هدى والعنود كالعادة يتضاربن

العنود : أقولج أنا بيلس أنا أكبر عنج

هدى : ماشئ اليوم كله يالسه على الكمبيوتر دوري الحين

العنود : قلت لج دوري فاهمة

هدى : اوووووووه مب قايمة يعني مب قايمه

العنود : عشر دقايق بس ... رايحه وراده لج ..

هدى : خليها ساعة

العنود : بعدين بتقومين

هدى : بقووم ...

العنود : اوكيه بعد ساعة رادة لج وراحت العنود عنها ويلست هدى تسولف ويا ربيعتها ع المسن..

.............................. بيت بو خالد .. في غرفة حمد

حمد : أقولك فالليل بمرك الحين هب فايج ..

حميد: اوهوو أنزين انا متملل ..

حمد : انزين أنت تعال .. .

حميد: لا مب ياي .. فالليل أشوفكـ

حمد : اوكي برايك سلملم ..

حميد : بل بل يبي الفكه انا اراويك

حمد : ههههههههههههههههه باي

حميد : باي

حمد " ياحيك والله " :.. وظهر وروح ويلس عند أمه بالصالة ..

.................................

المها : قــ قـــ طآآآآآآآآخ وأغمى عليها .. ..

خالد وهو زاااايغ : المها قومي قومي المها المها .. ويلس يحاول بقومها بس بدون فايدة ...

ويلس خالد يصرخ : حمدان ... حميد .. عمي ... خالوا ... العنود وينكمـ ....

المها دخيلج قومي .. وصرخ بأعلى صوته وينكمـ يا أهل البيت ...

بعد محاولات شل المها بين يديه وخذاها بيت عمه بسرعة ويصرخ حمدان حمدان بس بدون فايده..

وصل عند الباب حاول يفتحه بس ماقدر يفتحة ويلس ينادي : حمدان .. حمدان ولد العم وينكـ

................

حمدان والعنود بالمطبخ ..

العنود : كنه صوت خالد برع

حمدان : هيه صوته بلاه يصرخ ..

العنود : يمكن فيه شئ

ويروحون لعند الباب ويفتحون الباب ويندهشون .. ودخل خالد المها وحطها على الغنفة

خالد: كان مافتحتوا الباب

حمدان بعده منصدم: بلاها ..

العنود وهيه زايغه على أختها : انا بروح اييب ماي

حمدان استوعب وصرخ : بلاها أختي

خالد: كنا يايين عندكم وأغمى عليها في نص الحوي ..

العنود يايه من المطبخ وترش على ويه المها بالماء: هيه انتوا ماتقومون خلونا ناخذها للمستشفى ..

خالد: حمدان تحرك لاتيلس تتهم ماصار شئ .... ويصرخ .. قلت لك ماصار شئ..تحرك

حمدان وهوه يزاعج : جب اقولك جب

خالد ساكت ولااتكلم واحترمه:....

أم حمدان نازله من فوق وشافت الوضع متكهرب وتربع صوب بنتها : بلاها المها شفيها ..

حمدان : باخذها على المستشفى ..

أم حمدان : يايه معاك دقيقة بلبس عباتي وبيب عباة المها ..

حمدان: ماله داعي أنا باخذها وبطمنج عليها ..

خالد : ياي معاك

حمدان سكت عنه عسب مايسوي مشاكل يدام أمه : يالله شغل السيارة

العنود تربع شلت عباتها من غرفتها وهدى منصدمة بلاها هالمينونة وراحت العنود غرفة المها وخذت عباتها ونزلت وراحوا المستشفى ...

دخلوها الغرفة والسكوت عم على خالد وحمدان والعنود وعلى كل طاقمـ المستشفى والزوار اللي ينتظر أهله واللي ينتظر اخته واللي واللي .... يلس خالد وحمدان والعنود على كراسي الأستراحه ينتظرووون الدكتورة تظهر ... !! وفجأأأأأة ...!

ياترى شو اللي راح تقولهـ الدكتورة لأبطالنا .. وشووو سالفة المهاا وشو اللي زيغهاا لهالدرجة وشو سالفة خالد مع المهاا ... وحمداااان ليش عصب على خالد ... أسئلة من غير أجوووبهـ بنعرفهااا قريييب .. !!
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
][ كنـ’ـت آحبهـ’ـآ وهـ’ـي تحبنـ’ـي " آلنغمـ’ـة اللي بتوقيعـ ي " ][	عنوني يا إمارات	نغمــات للهــواتف	68	11-19-2011 10:34 PM
إستضافة الكاتبه هند بنت مقبل المسند في معهد ترايدنت ..	محروم.كوم	منتدى أخبار المواقع والمنتديات العربية والأجنبية	0	08-12-2009 04:30 AM
الكاتبه قلب(( r ))ماي فرنت ....	!.{تـ ع ـب قلبي}.!	استراحة قصص وابداعات الاعضاء	78	07-16-2009 11:47 AM
[استفسار] : عن برنامج زخرفت الكاتبه	محروم.كوم	منتدى أخبار المواقع والمنتديات العربية والأجنبية	0	05-03-2009 12:20 PM
من يحبك كثر مااحبك... الكاتبه : جنيه إن ذي قوطي	حمامة	قصص و روايات	45	02-16-2009 03:27 PM